التجدع في خيمة الحاردلو

الأحباب الأعزاء جميعاً تحياتي وكثيف أحترامي هذه محاولة أخرى من المحاولات الكثيرة التي يقوم بها الأخوة الأفاضل المهتمين بالتراث الشعبي والحفاظ عليه وهي محاولة أتمنى أن تسكب فيها الكثير والمثير عن أدب الحاردلو خصوصاً وادب البطانة عموماً وتحديداً في هذه الأيام التي تعتبر من أجمل وأنضر الأيام في حياة البطانة حيث الأمطار والدعاش والرشاش والبرق والكتاحات وغيرها من الطقوس الخريفية التي تمتاز بها ارض البطانة الخضراء الفيحاء المنبسطة الملئ حب وحنين ومن هنا نطلق بداية هذه الخيمة لعلها تكون إضافة حقيقة لما سبق من خيم من الأخوة الأعزاء ودشنتير والعزيز كولا هي محاولة ربما تصيب وربما تخطي ولكن العذر في قبولكم هذه الدعوة للدخول والمشاركة في هذه الواحة التي أتمنى أن تكون ظليلة وورافة كما البطانه الآن .
الخبر الأكيد قالوا البطانة اترشت
سارية تبقبق للصباح ما انفشت
هاج فحل ام صريصر والمنائح بشت
وبت ام ساق على حدب الفريق اتعشت

انها بشائر الخريف.. بشائر المطر.. ماء السماء الذي يهب الارض اللون الاخضر والحياة والحاردلو عندما احتفى بالخبر قدم صورة البطانة بعد المطر الذي لا يفارقها حتى الصباح (سارية للصباح ما انفشت.. شبه المطر بالدموع وبالطبع لم تكن دموع حزن او غضب وإنما كانت دموع شوق للارض.. ليتبختر فحل ام صريصر ولتبش الوديان والسهول في وجه الخضرة.. وتخرج السعية الى طرف الحلة وتجد طعامها.. انه الرخاء والمرعى.





*
(إذا كنت تحب فهذا لاشيء وإذا كنت محبوباً فهذا نصف الشيء وإذا كنت محبوباً بمن تحب فهذا كل شيء)

رُفـــــــَاعَه الرُبَّة* قَافَاها البــــَليب‎* ‎طَربــــــانْ‎ ‎
نــــــــَاطح المِنُّو ميثـــــــاق قلبي مو‎ ‎خَرْبــــــَانْ‎
فـــــــوسيبْ* السَواقي البي اللَدوب* شَرْبــــانْ‎
بِلودُوْ بعيدة فــــــــــوقْ في بَاديةْ العُرْبــــــــــانْ‎ ‎



*جايكم صادي







*(إذا كنت تحب فهذا لاشيء وإذا كنت محبوباً فهذا نصف الشيء وإذا كنت محبوباً بمن تحب فهذا كل شيء)

نطلعكم شوية بعد ما انقشعت الغيمة بدخول بحيري من السودان من هذا الجو المعكنن

جايكم راجع بس اصبروا علي شوية

ابراهيم تحباتي يا حبيب....

هاك من ود امنة


سقطيب المنازل مقلتي معكرها
زكرني السمح زوقها وسياسي فكره
مي شينة طبيعية لفظها مفقرها
فيها جمال .. شعاعو حماني ما اوقرها

الحبيب تولوس المسكون جمالاً وعشقاً تحياتي وكثيف أشواقي
آآزول أمسك دي من الحاردلو
****
الـشَّـمْ خَـوَّخَتْ بَـرَدَنْ ليالي الـحَـرَّه
والـبَـرَّاقْ بَـرقْ مِنْ مِـنَّـا جَـابْ الـقِـرَّه
شوفْ عـيـنيّْ الصِّـقيرْ بي جْـناحو كَـفَـتْ الـفِـرَّه
تـَـلْـقـاها أُم خـُدود الليله مَـرَقـتْ بَـرَّه
****


وجايك تب صادي أنرد باللبل لعند العد

تعرف لي مشاهد الرقاد والفره
فلاخ المصب بيه بتبين تتوره
فوق حي فوق محل من الصعيد منجرة
ويا باسط النعم تسقيها في ها المرة

ابر عراق فتق قرنو المبادر شره
والباشندي عمت مشهشيب الدره
من النقرة كل حين فوق عليو منصره
وها الايام محاريه القليعة ام غرة


يازوول سلامات
الكلام ده فيهو حاجات عجيبة وزي ما قال شنتير مضاد للعولمة

أنا والديسو لي عند الفنيدة اتدلي
نومنا بقالنا من بعد الإمام ما صلي
أضحت شمسنا وجانا البسالم يطايب
وشاف القمري لي سمح الطبايع جايب
قال لمهيرة الخيل أم عدوياً ذايب
قادر جامع الشمل البجييييييييب الغايب
________

ناس الخيمة كيف حالكم؟
طولوس العزيز كيفنك؟


خـيمة الحاردليل ناسك همـــلّوك وفاتو
متـــــل حالة الحـوار الفارقــــنو امـاتو
الخــيمة اتــرمـت يـمـــكن ولادك ماتو
لاك مفتوحة لا الهـمباتي صال صولاتو

الحبايب سلام ابراهيم وود قنديل..
ها زوول حبابك الف والشوق ليك بحر



ود قدنيل حبابك ونضمك صحيح ما شترة
زوقك كريم ماعاوز وجاهة وشكرة
لانك ود رجال والفيك ماصل فطرة
متل النيل تعم تسقي اليباس والخضرة

طولوس


أنا يا صاحبي جنزير عقلي هبرت شوكتو
والقلب أنكطع من المعمة تروبتو



كدي ورني وكمل الجدعة دي

سلام كتير

Quote: أنا يا صاحبي جنزير عقلي هبرت شوكتو والقلب أنكطع من المعمة تروبتو

هاها ها قلت لي الحكاية قربت تفك ... الله يجبر بالخواطر يازوول

ود قنديل حبابك وهــاك السلام متابع
من تولوس الاصم جبـلا حسابه الرابع
مابحفظ كلام الزين وللشعور بنجادع
شطرالكلام عندك وتمامتة قول يا جامع


الاسم الصحيح تولوس او اولوس او توؤلوس وهو الجبل الرابع من سلسلة جبال التاكا وهو اكبرها



الحبايب سلام ابراهيم علي والحضور الكريم هاكم من كلام اخوي الهمباتي
له التحية وانشالله يكون بخير والف عافية
واعظم واجمل التحاية للاخوان كبوش وبحر ومحمد الحافظ وماوي والله مشتاق ليهم

يا طريفى المشلات النفض حميضن
وعسى الله الامور ديل يتحلحلن عقيدن
اشوف المنو عينى كترن سقيدن
اقدم ليهو القضايا وانتظر نفيذن

عجبى الردفو عالى وادقس الامقال
عجبى الحاجبو رب العزة راسمو هلال
عجبى الخلت النوم لعيونا محال
عجبى السمحة غير حنة ومسوح ودلال

عنيقــــــــــريب الحبال المنو ما بتدلي
عمــــــلت فنطزة و نغمـــــا تقيل يا الله
يا ريت النمـــــــيم فوق هاد كا بتخلي
بقيت (دق عماره) جفير و سمح السله

شغل القوة يا ام قرقد عليه شداد
والسفر اب مساويكا حجر غير زاد
العطا من عدم ندي ونقول ما عاد
وصبارين على الكايانات بلا ميعاد

أهل الخيمة البزيلو الضيمة .. سلااااام
التحية للأحباب إبراهيم وتولوس
وحباب ود قنديل .. نورت الدار

عقبال الهمباتي وكبوش

وهاكم من خيرات الهمباتي القديييمة

عجبى الردفو عالى وادقـس الامقـال
عجبى الحاجبو رب العزة راسمو هلال
عجبى الخلت النـوم لي عيونـا محال
عجبى السمحة غير حنة ومسوح ودلال

العزيز سنجاوي ...كيفنك ياضو القبيلة

هاك من ابوكي ياسارة ...... الرجل الضنين يجي يتاوق وبس...


الشَّافكِ قِبيل مَيِّت عَليك بي حَساسو

والْ هَسَّع سِمِع ظَنِّيتو يَقسى خَلاسو

الذوق المَكَمَّل والصُّبا ألبي قِياسو

مِن دونَ البنات فازتْ بو خَلَّت ناسو

ومن ود شاموق قطع أخـدر هاكم دي

وكتن تعزموا الضيفان تحلوا القول
سوقو لهم بكاراً من مراح تنبـول
يا ناس الله وينكم ماني شايف زول
هسع جوّا داركم لي قريب من حول


عقب يا تولوس ... عقب

إبراهيم ... البيت محروس .. ووو

تحياتي للاستاذ ود شاموق..
سنجاوي سراج الخيل البلاوي... يحياتي ليك يا ضو القبيلة


وهاك من الفرجوني..




قول لي محمد يبقي الوادي جنـو تعول
فرش ماهو وقرع منكـو البعير والزول
تاني سحابو بات باكــر بدالو سـول
غشن الــراوي ساقنو وصبح مغسول

سلام عروب سلام

وهاكم نمة الهمباتي :

باكل حارة ما اضوق باردة ماك داريني

واسعل مني ريعاي البعرفو قريني

حس أب جقرة والقربين دوام باريني

وانا أخو اللينة كان يبقي الحديث عانيني

مرحب حباب عبد الباقي
عقب أخوي

تولوس
حفظك الله ورعاك
واصل الأذان حتى اكتمال الجماعة للصلاة الجامعة
تحياتي

ومن شيخنا الفرجوني هاكم دي

يا لا يمني في طربي وغنـاي وشوقي
مهما تلومني ما بتحمي القماري تقوقي
وكت المـوت عليْ مكتوب وقدراً فوقي
خلني ها النغنيـلـو الظريـف الذوقي

عبد الباقي
حبابك يازوول وعقب ...



سنجاوي الحبيب... سلام يالضوء وكيفنكم والبلود والوليدات

وهاك دي من ود امنة

البارح سمع ساجع القماري النوح
اتذكر زمن جهلي وشبابي الروح
يقين دور ستاتي العطارهن فوح
لقن ايامي وايامهن مطرهن شوح

سلام عليكن آناس ها
طولوس آ قريبي
قت لك جدعك دا تب ما بيتلحق
علا ، كدي خلني الناخد لي جكة وراك ساهي

دي الرمية القت لك تمها:

أنا يا صاحبي جنزير مخي هبرت شوكتو
والقلب أنكطع من المعمة تروبتو
بعد نيرانا أبت ما تنغلب لي توبتو
ياني الأصلو كاتلني النجددا شوفتو


وهاك دي من أخوك ودقنديل في شان خاتر عودة الحبيب سنجاوي

بقا يا امرا العشوق خدك مقوت وغباين
سكن الجوف ونيران القيامة كماين
يا نيران فلانة الفي ضميري لهبتي
قبالن قبيل مطعون وسايقة مكنتي
وحات القدام لي أحضرنو جديد
حراب أم فلج بدا في القلب هريد
جروحي الغورن ما بعالجن كميد
علا اللونو صافي وفوقه نخل الريد

أرقدوا عافية آ جنيات

جروحي الغورن ما بعالجن كميد
علا اللونو صافي وفوقه نخل الريد


هلا هلا يا ودقنديل ده الكلام الزين وحباب اهل الزين

وهاك من بيت الكلاوي حتي ياتيناالحبيب سنجاوي


فيك دغمة مها العشنوق وفيك هديل
وفيك بسما متل فجاج سحاب الليل
وفيك هضليم نعاما زعزعنو الخيل
وفيك لون التليب الجف من السيل

طولوس
حباب الضو..قت لك آزول جدعك ما بلحق تب
الله يجبر الكسر آ ودعمي


هاك دي

جدد فاله في كل البوادي مزيت
أحمل تر دياكير الدباس العيط
جادعاني بالعلوة أم سحابًاًبيت
قبضو الصقر أب زادو الحديدومزيت

سلام كتير وسلام مخسوس لأخونا قيسان وحبابك وابقي لاجوة واتحكر البكان بكانك.

وكت الليل برد جاني البِفُوح نسّامو
ولا قُرب الدغش مِتغطي في هدّامو
نِحنا ديل خمسة الشُفنا نِعيل أقدامو
اتنين رُوحُن فاضت تلاتة سجدو وقامو
*******
سلام جاكم آناس ..

قطع شك بجيكم راجع ..
اقعدوا عافية ..

قيسان

الصيف انصرف جانا الرشاش وهبايبو
براقو البلوح الحر طفاها لهايبو

ود قنديل حبابك


وهاك من كلام عمنا احمد ابوعاقلة عليه الرحمة والمغفرة


الصيف كر دخل ليلو القصير والانا
مد نهارو في الطول والهجير قلانا
هب سمومو حت الزهرة من اغصانا
وفي اخره الهبايب خسرت مرعانا



وبعدها يدخل علي الرشاش.....
تحياتي لك حتي ياتينا الحبيب سنجاوي فارس الكلم ولجام الخيل البلاوي

حكم الخليفة عبدالله التعايشى علي عمارة ود محمد ود حمد بلاعدام لانه هاجر الى الحبشة ولم ىنفذ تعليمات الخليفة بالمثول امامه بامدرمان وعمارة رجل من فرسان الشكرية المرموقين وقد عز علي اعمامه واخوانه ان يموت دون جريرة فتشفع الحارلو الى الى الخليفة ان يخفف عليه العقوبه القاسية وفي ذلك قال الحاردلو شعرا جميلا يوضح مكانة عمارة في القبيلة وما يقوم به من كرم وامجاد ودفاع عنها فى المحافل والمعارك القتالية
مما قام صغير ثابت مجيه عومو
حافلات اللبوس فيهن بكبر كومو
خليفة المنتظر عماره اغفر لومو
جاك كبش الضحية الليلة اخر يومو
0 0 0 0 0
ما قام صغير بركب البتشابه
بخمش الكيك علي الحربةالبدق عسابة
عمارة ود حمد روحو العزيزة سخا با
اتحكر فرش عند سكة البوابة
0 0 0 0 0
مما قام صغير الامة بتهاضي با
دفاع السديس واحدا بينفى سبيبا
اكان قال ليك امش حضر رسينك جيبا
بيأمرليك علي الأشغى البهوقي خبيبا
0 0 0 0 0 0
مما قام صغير حارص ولا بضاري
بخمش الكيك على الحربة البتوقد نارا
جايك ممتثل ود عزة النقارة
خليفة المنتظر قول السماح لي عمارة
0 0 0 0 0 0 0 0
جرو السلسلة المتل الشرار عينيهو
يات من قال انا شال خت من فوق ليهو
بشق الزول جزمت من هامتو لا كرعيهو
قط ما قال حفا وفوق راسو شبك ايديهو
0 0 0 0 0 0 0 0
جرو السلسلة الحجر مشارع العوم
وغاص من اب حراز قلع قبالة ام دوم
اب كفا بشوش حاشاهو من اللوم
كامل السمته اخوى والله وابوك معلوم
0 0 0 0 0 0 0

تمساح اب زنود الما بطيق اللمسة
وحباس الدروب صارف الشكل بي خمسة
ان دعك الخصيم غير ما ينيل الدمسة
وان مسك القرش في ايدو قط ما بمسى
0 0 0 0 0 0 0 0
تمساح اب زنود الضارب الليه
وحباس الدروب صارف الشكل مو شوية
ان دعك الخصيم غير ما ينيل الكية
وعند الحارة اخوي مامون حمالتو علي

عفوا اخوتى علي اقتحام البوست تووووش من غير اعلان
اخوكم جديد التسجيل قديم الهوى
بوست الحاردلو كاسر فينى ضلعه وشعر البطانة خير مدخل فهلا قبلتموني بينكم؟

اهلا والف مرحب بيك اخي ابراهيم ود عدلان وحبابك عشرة بين اهلك واخوانك ويازووول والله شغلك نضيف وانت اضافة جميلة ومميزة بيننا

تولوس اخوى سلام يا عاشق الجمال
سلام عليك يا من تحمل مدينة الجمال كسلا بين ثنايك واحي من خلالك كسلا الجبل و الكارا والمربعات والختمية وناس غرب القاش وعموم ناس اب قمل وعواض واللفة واهديك وجميع المتداخلين كلام ادريس ود علي في البطانة

دي بطانة ابعلي العند السعود مفهومة
شرطا للبدورها محنضلة ومسمومة
كم لله فيها مفقشين هام رومة
بالدم و ########## لا عند جزم موسومة
0 0 0 0 0
حسان و ابعلي وابو سن حدار الجار
كاتلين عز مكوك كم بردوها الدار
من الهيكوته لي البلد ابو قنا وصفار
ما خلوها نية تنقلب للنار

سلام يا رائعين
ود عدلان