Post: #1 Title: الرئيس اليمني يهدد بقطع الأعضاء التناسلية لمعارضيه! Author: حمور زيادة Date: 02-20-2011, 02:46 AM Parent: #0
صحيفة المرصد: هدد الرئيس اليمني علي عبد الله صالح بأنه سيلجأ إلى قطع الأعضاء التناسلية لجميع قيادات اللقاء المشترك والحراك الجنوبي في حال ما لم تتوقف هذه القيادات عن معارضتها للنظام الذي يقوده. وجاء تهديد صالح ضمن سياق خطابه الذي ألقاه في عيد العمال في صنعاء وبحضور الآلاف من العمال والمسئولين. ولجأت القناة الفضائية اليمنية إلى بتر الكلمات حينما بثت كلمة مسجلة للخطاب الذي ألقاه صالح. ونقلت وكالة "عدن برس" قول مسؤول جنوبي في صنعاء حضر الحفل أن صالح بدا غاضبا وهو يقول: "هؤلاء لازم نقطع أعضائهم التناسلية لكي يعرفون أعمالهم العنصرية ضد الوطن".
وخلال إلقاء صالح لكلمته بدا انه كان يحاول إخفاء اعوجاج أصاب فكه الأسفل حيث كانت يذهب ناحية اليمين أكثر من مرة. وقال المسؤول الجنوبي، الذي طلب عدم الكشف عن اسمه لوكالة "عدن برس" إن صالح يعيش حالة صحية سيئة ورفض إلقاء الخطاب الا ان مستشارون له أصروا على ظهوره.
Post: #2 Title: Re: الرئيس اليمني يهدد بقطع الأعضاء التناسلية لمعارضيه! Author: محمد حيدر المشرف Date: 02-20-2011, 02:50 AM Parent: #1
الزول ده اعملو حسابكم منو يا حمور .. والله صحى
Post: #3 Title: Re: الرئيس اليمني يهدد بقطع الأعضاء التناسلية لمعارضيه! Author: حمور زيادة Date: 02-20-2011, 02:51 AM Parent: #1
كامل التضامن مع المعارضة اليمنية في محنتها.
Post: #4 Title: Re: الرئيس اليمني يهدد بقطع الأعضاء التناسلية لمعارضيه! Author: حمور زيادة Date: 02-20-2011, 02:51 AM Parent: #1
يا مشرف انا من زمان معروف اني مؤيد للحكومة اليمنية جدا.
Post: #5 Title: Re: الرئيس اليمني يهدد بقطع الأعضاء التناسلية لمعارضيه! Author: سيف النصر محي الدين محمد أحمد Date: 02-20-2011, 02:52 AM Parent: #1
حسب الصورة يبدو أنه سيفعل ذلك بالمقص. فيهو الخير برضو إذ أنها وسيلة رحيمة اكثر من غيرها.
___________________________________________________ سلامات يا حمور. الا زلت تعلف في امباز الخديوية؟
Post: #6 Title: Re: الرئيس اليمني يهدد بقطع الأعضاء التناسلية لمعارضيه! Author: حمور زيادة Date: 02-20-2011, 03:00 AM Parent: #5
و الله يا دكتور سيف اختيار الصورة ده من المصدر .. و فيو دقة و مناسبة للخبر تخليك تقول الخبر مفبرك على الصورة. مبالغه عديل. لكن رحيمة كيف ؟ الشي ده مش الا قطع ؟ ممكن يتمعط ؟
ــــــــــــــ
تصدق يادوب بقيت معلوف بالجد ؟ زمان كان بشاشا باهتني ساي و انا قاشر انو كل من اعرفهم معارضة و ضد الحكومة. وفجأة بين ثورة و انتصارها لقيت نفسي ما بعرف اي معارض و كل اصحابي تبع الحكومة الجديدة لدرجة اني متوقع على الاقل اتنين من معارفي يتعينو في مناصب حكومية ثقافية اقل شي. ولأني ما متعود على الوضع ده مفكر اقاطع اصحابي و اصاحب عبد الله كمال و اسامة سرايا باعتبارم المعارضة الحالية.
Post: #9 Title: Re: الرئيس اليمني يهدد بقطع الأعضاء التناسلية لمعارضيه! Author: سيف النصر محي الدين محمد أحمد Date: 02-20-2011, 03:06 AM Parent: #6
Quote: لكن رحيمة كيف ؟ الشي ده مش الا قطع ؟ ممكن يتمعط ؟
المقص سريع و فعال و بيقطع باناقة، يعني ما زي السواطير و الاشياء الأخرى التي تستعمل لقطع الاوصال و يستخدمها الجزارين.
Post: #10 Title: Re: الرئيس اليمني يهدد بقطع الأعضاء التناسلية لمعارضيه! Author: Yassir Tayfour Date: 02-20-2011, 03:08 AM Parent: #6
يا حمور والمعارضات حيعمل معاهن شنو؟ ___ الرؤساء ديل مرات لذيذين؟
Post: #7 Title: Re: الرئيس اليمني يهدد بقطع الأعضاء التناسلية لمعارضيه! Author: محمد حيدر المشرف Date: 02-20-2011, 03:03 AM Parent: #5
الحمدو لله أخونا بدرالدين اسحق كان مركز مع ادبيات الحزب الوطنى فى مصر .. أوع بس زول يوريهو درب حزب المؤتمر الشعبى العام ..
Post: #8 Title: Re: الرئيس اليمني يهدد بقطع الأعضاء التناسلية لمعارضيه! Author: قاسم المهداوى Date: 02-20-2011, 03:04 AM Parent: #1
أكيد بدون تخدير لزيادة جرعة الالم الاخ دا طوالى قلب من رئيس لبتاع بتر !!!! اكيد مجهز عدة الشغل بتاعت البتر
حمور سلااامات ياخ اتضح ان المد الجماهيرى بيخلق هلوسة للرؤساء
قاسم المهداوى هامش واحد عارف الدور عليهو قال طالعونى الخلاء والتانى الساقية مدورة بيهدد بالبتر ..... ربك يستر
Post: #11 Title: Re: الرئيس اليمني يهدد بقطع الأعضاء التناسلية لمعارضيه! Author: محمد حيدر المشرف Date: 02-20-2011, 03:14 AM Parent: #8
Post: #12 Title: Re: الرئيس اليمني يهدد بقطع الأعضاء التناسلية لمعارضيه! Author: سيف النصر محي الدين محمد أحمد Date: 02-20-2011, 03:17 AM Parent: #8
Quote: والمعارضات حيعمل معاهن شنو؟
يا ياسر الذي بكندا: (لا تسألوا عن أشياء إن تبد لكم تسؤكم).
Post: #13 Title: Re: الرئيس اليمني يهدد بقطع الأعضاء التناسلية لمعارضيه! Author: سيف النصر محي الدين محمد أحمد Date: 02-20-2011, 03:20 AM Parent: #12
يا جماعة حد يصحي ود الصايم.
Post: #14 Title: Re: الرئيس اليمني يهدد بقطع الأعضاء التناسلية لمعارضيه! Author: حمور زيادة Date: 02-20-2011, 03:25 AM Parent: #13
Quote: المقص سريع و فعال و بيقطع باناقة،
يا دكتور سيف اناقة شنو ؟ الزول بعد يقطعو ليو الأمور ماشي بالباقي حفلة ؟ والله كان قطعوهو مواسا و بعد داك سوو ليو كفه انجليزية ما يبقى انيق.
Post: #16 Title: Re: الرئيس اليمني يهدد بقطع الأعضاء التناسلية لمعارضيه! Author: حمور زيادة Date: 02-20-2011, 03:28 AM Parent: #14
Quote: يا حمور والمعارضات حيعمل معاهن شنو؟
يا طيفور اليمن دي دولة محافظة نسوانا ما بيخشو في الكلام الفارغ ده .. لكن لو وجد بعض القلة المارقة عن التقاليد و الاعراف فأكيد حيتعامل معاهم بسياسة عادل امام في مسرحية الزعيم : هاتهملي اتصرف معاهم انا بمعرفتي. و الله أعلم.
Post: #17 Title: Re: الرئيس اليمني يهدد بقطع الأعضاء التناسلية لمعارضيه! Author: حمور زيادة Date: 02-20-2011, 03:32 AM Parent: #16
Quote: قاسم المهداوى هامش
يا مهداوي بطل حركات .. هامش شنو يعني قايل بيعفوك يقطعوك ربع ؟ و الله تتقطع زيك زي معارض شندي زي الترتيب.
Post: #15 Title: Re: الرئيس اليمني يهدد بقطع الأعضاء التناسلية لمعارضيه! Author: حبيب نورة Date: 02-20-2011, 03:25 AM Parent: #13
Quote: يا حمور والمعارضات حيعمل معاهن شنو؟ ___ الرؤساء ديل مرات لذيذين؟
يعني يا طيفور أسئلة غريبة جداً !!!!!
يعني إلا يقولوا ليك ح يطهّروهِن !!!
Post: #18 Title: Re: الرئيس اليمني يهدد بقطع الأعضاء التناسلية لمعارضيه! Author: حمور زيادة Date: 02-20-2011, 03:37 AM Parent: #15
يا حبيب نورة .. ود طيفور ده كايس ليو كلام ساي .. زايغ من قراية متن العشماوية.
Post: #19 Title: Re: الرئيس اليمني يهدد بقطع الأعضاء التناسلية لمعارضيه! Author: محمد أبوالعزائم أبوالريش Date: 02-20-2011, 05:32 AM Parent: #18
شكل البوستات بعد أن أصبح (محمد فرح) يحمل لقب (العضو* المخلوع).
______ * يُقصد بالعضو هنا (عضو سودانيزأونلاين).
Post: #20 Title: Re: الرئيس اليمني يهدد بقطع الأعضاء التناسلية لمعارضيه! Author: Abdelmuhsin Said Date: 02-20-2011, 06:04 AM Parent: #19
يا حمور ..
بالنسبة لى شخصياً انا موافق على قرار على عبد الله صالح انو "يشيلو العدة" من المعارضين فى اليمن ..
كذلك موافق على ان تحذو الانقاذ حذو اليمن وتشيل العدة من بعض ادعياء المعارضة السودانية .. على ان تُترك العدة للمعارضين الحقيقيين فقط.
وبالله التوفيق
Post: #21 Title: Re: الرئيس اليمني يهدد بقطع الأعضاء التناسلية لمعارضيه! Author: Mahjob Abdalla Date: 02-20-2011, 06:06 AM Parent: #19
يعني الناس الشايلين صورة بنت الرئيس امبارح ... مش لازم يبتروهم ... ده رد مباشر للجماعة.
Post: #22 Title: Re: الرئيس اليمني يهدد بقطع الأعضاء التناسلية لمعارضيه! Author: عبدالكريم الامين احمد Date: 02-20-2011, 06:07 AM Parent: #19
هلا يا حمور علي الاقل بكون احسن شوية من ناسنا البقطعو الاشياء المجاورة لما ورد في امر (عبدالله صالح) او كما ورد في النكتة الشهيرة..
Post: #23 Title: Re: الرئيس اليمني يهدد بقطع الأعضاء التناسلية لمعارضيه! Author: عبدالكريم الامين احمد Date: 02-20-2011, 06:23 AM Parent: #22
Quote: الاشياء المجاورة
ورد في الاثر بان رجلا جاء في الصباح الي دكانه في السوق العربي عشان يفتح الدكان فقام شاف الخرطوم دي كلها جاااااااريةمع الصباح ,,والناس جارية جري شديد.. فاخونا طوالي تكل الدكان وقام جاري مع الناس الكانو جاريين في اتجاه (سوبا) كده... اها لمن وصل لنواحي اركويت (نفسو) اتقطع ويبدو انو شفط (هواء شديد)... وهو جاري سال الزول الجاري بجنبو..!! انتو يا ناس هوووي جاريين مالكم..؟؟ الزول الجاري جنبو قال ليهو يا زول انت ما سمعت بيان البشير في نشرة الصباح..!! فرد الرجل بلا..؟؟ فقال له الرجل... يا زول البشير ده قال (حيقطع الليلة الاشياء (المجاورة الاثنين) لما اورده (عبدالله صالح) لكل الشعب السوداني ده..!! فقال التاجر ياااخ الحمد الله انا (عندي ثلاثة) وبالتالي خليهم يقطعو الاثنين ومافي مشاكل فسرعان ما رد الرجل ثلاثة شنو يا زول ديل بقطعو حتن يعدو..!!!
Post: #24 Title: Re: الرئيس اليمني يهدد بقطع الأعضاء التناسلية لمعارضيه! Author: Hisham Ibrahim Date: 02-20-2011, 06:44 AM Parent: #23
أبو القدح بيعرف محل يعضي أخوهو !!
ابو يمن أقل واحد عندو 3 نسوان موديلات جديده حتى لو عمرو كبير
فبالتالي النسوان لمن يسمعن بي زي دا أكيد حا يضغطن على رجالهن بتركـ البيعملوا فيهو دا والا العده حا تضيع ..
والواحد لمن يمشي يخزن القات بينتعش ويفكر في كلام الرئيس والزوجات ..
وبيلقى ما حا ينوبوا شيء غير ضياع العده ...
ويستكين الى نسائه واحده تلو الاخرى .....
والله قطع العده دا أحسن منو قطع الأوصال ....
Post: #25 Title: Re: الرئيس اليمني يهدد بقطع الأعضاء التناسلية لمعارضيه! Author: محمد عبد الماجد الصايم Date: 02-20-2011, 07:05 AM Parent: #24
يعني تجبروا الواحد عديل إنو يبقى منحرف!!
Post: #26 Title: Re: الرئيس اليمني يهدد بقطع الأعضاء التناسلية لمعارضيه! Author: محمد عبد الماجد الصايم Date: 02-20-2011, 07:06 AM Parent: #25
وأجدع تحية لدكتور سيف النصر على السؤال عنا! وتحية مثلها لدكتور محمد المشرف القام زايغ دا!!
Post: #27 Title: Re: الرئيس اليمني يهدد بقطع الأعضاء التناسلية لمعارضيه! Author: الشامي الحبر عبدالوهاب Date: 02-20-2011, 07:16 AM Parent: #26
Quote: الرئيس اليمني يهدد بقطع الأعضاء التناسلية لمعارضيه!
المعارضين ديل قالوا حيشيلوا من الحكم والا قالوا حيعملوا حاجة تانية؟
تحباتي اخ حمور والمشاركين
Post: #28 Title: Re: الرئيس اليمني يهدد بقطع الأعضاء التناسلية لمعارضيه! Author: حمور زيادة Date: 02-20-2011, 10:34 AM Parent: #27
Post: #33 Title: Re: الرئيس اليمني يهدد بقطع الأعضاء التناسلية لمعارضيه! Author: طارق جبريل Date: 02-20-2011, 11:56 AM Parent: #32
هو المعارضين اليمنيين ديل هتافاتهم بي فوق ولا تحت
Post: #34 Title: Re: الرئيس اليمني يهدد بقطع الأعضاء التناسلية لمعارضيه! Author: أسامة البلال Date: 02-20-2011, 12:41 PM Parent: #33
يادوب الكلام وصل اللحم الحي
Post: #35 Title: Re: الرئيس اليمني يهدد بقطع الأعضاء التناسلية لمعارضيه! Author: اسامه خليفه Date: 02-20-2011, 01:09 PM Parent: #34
الاخ حمور وضيوفك الكرام ..سلام
قيل في بداية عهد الانقاذ وجد رجل كل اهل القريه يركدون بجنون خارج القرية فركد هو الاخر خلفهم دون ان يعرف السبب ..
فسال احدهم عن السبب فقال له ان اهل الانقاذ يقطعون كل من لديه ثلاثه خصي ..
فقال له كل هولاء لديهم ثلاثه خصي ..
فقال له ناس الحكومه بقطعون اول ثم يتحروا اذا لديك ثلاثه او غير ذلك ..
اخشي من نظام علي عبدالله ان يقطع ثم يحسب بعد ذلك كما فعلت الانقاذ فنظام الخرطوم وصنعاء وجهان لعمله واحده ..
Post: #36 Title: Re: الرئيس اليمني يهدد بقطع الأعضاء التناسلية لمعارضيه! Author: elnawrani margan Date: 02-20-2011, 01:28 PM Parent: #35
والله ياحمور انا من ماقراءت العنوان وماقادر اسكت من الضحك
ياخى ديل رؤساء تحفة والله
Post: #37 Title: Re: الرئيس اليمني يهدد بقطع الأعضاء التناسلية لمعارضيه! Author: قلقو Date: 02-20-2011, 01:36 PM Parent: #35
وهل المعارضة اليمنية كانت قد قررت او كان فى نيتها استعمال اسلحة الدمار الشامل تلك حتى يقرر ابادتها ؟
Post: #38 Title: Re: الرئيس اليمني يهدد بقطع الأعضاء التناسلية لمعارضيه! Author: قاسم المهداوى Date: 02-20-2011, 02:32 PM Parent: #37
يا حمور صباح الخير بالليل الصول على عبد الله صالح طلع دكتور تبع الجراحة بيفصد (اى انتو مالكم ومالو ) مع الاعتزار للاغنية ..(سفرك بكرة قالو ) عموما يبدو انو التخزين كان شديد والغات اقوى !! ولا كـــــيف ؟؟؟
Post: #39 Title: Re: الرئيس اليمني يهدد بقطع الأعضاء التناسلية لمعارضيه! Author: محمد حيدر المشرف Date: 02-20-2011, 04:25 PM Parent: #38
Post: #40 Title: Re: الرئيس اليمني يهدد بقطع الأعضاء التناسلية لمعارضيه! Author: محمد البشرى الخضر Date: 02-20-2011, 04:32 PM Parent: #39
يا حمور ياخي دي دعايات معارضة ساي ما ممكن رئيس دولة يقول كلام زي دا , أو يكون بالغ والله
Post: #41 Title: Re: الرئيس اليمني يهدد بقطع الأعضاء التناسلية لمعارضيه! Author: ABUHUSSEIN Date: 02-20-2011, 04:46 PM Parent: #40
Quote: يا دكتور سيف اناقة شنو ؟ الزول بعد يقطعو ليو الأمور ماشي بالباقي حفلة ؟ والله كان قطعوهو مواسا و بعد داك سوو ليو كفه انجليزية ما يبقى انيق.
حمور يا خوي إنت ساكن في الباطنية ...؟؟؟؟
Post: #42 Title: Re: الرئيس اليمني يهدد بقطع الأعضاء التناسلية لمعارضيه! Author: الجيلى أحمد Date: 02-20-2011, 05:33 PM Parent: #41
ياياسر
المعارضات اليمنيات ديل اكتر من انهن يعيشن مع رجال بدون (عدة) تانى يعاقبوهن كيف
......
أمشى تم تثقيفك و كمل مذاكرتك وأرجا ربك فى الكريبة, قالو صاحبك بقى دكتور ____________________
حمور سلامات
Post: #43 Title: Re: الرئيس اليمني يهدد بقطع الأعضاء التناسلية لمعارضيه! Author: Mohamad Shamseldin Date: 02-20-2011, 06:01 PM Parent: #42
حمور .. البوست ده كان تسميهو ..."أضحك مع علي عبدالله صالح" زمان كنت بشجع عادل إمام... الان بقيت أشجع الراجل ده.... ده أكثر واحد في الرؤساء العرب له وظيفه مضمونه بعد الرحيل.... قبل عشره أيام كان يتكلم عن أن "الشعب يريد إسقاط المعارضة" الغريبه هو القذافي كل واحد فيهم "مصنقع" لفوق .... كلام قطع العده ده ما يقومو يسمعو البشير... الراجل ده باقي عوير و اهوج..... بعد ما يرحل نبقي في معارضه بدون عده
Post: #44 Title: Re: الرئيس اليمني يهدد بقطع الأعضاء التناسلية لمعارضيه! Author: محمد أبوالعزائم أبوالريش Date: 02-20-2011, 06:54 PM Parent: #43
Post: #45 Title: Re: الرئيس اليمني يهدد بقطع الأعضاء التناسلية لمعارضيه! Author: ابوحراز Date: 02-20-2011, 10:10 PM Parent: #44
فعلاً هذه اللقطة التي يضحك فيها الحمار تعبر بصدق عن هذا الرجل وكما تقول الدكتورة اشراقة مصطفى هذا المعتوه يحتاج الى فياغرا فياغرا لتنشيط العقل !!!
Post: #46 Title: Re: الرئيس اليمني يهدد بقطع الأعضاء التناسلية لمعارضيه! Author: قلقو Date: 02-21-2011, 01:43 PM
Quote: الرئيس اليمني يهدد بقطع الأعضاء التناسلية لمعارضيه!
هل تعتقد ياحمور لو كانت لدى المعارضة اليمنية (هذه الأسلحة) هل كان الرئيس اليمنى ظل كل هذه المدة فى حكم اليمن ؟ والكلام ايضا ينطبق علينا تماما فى السودان .
