يا "حزب الأمة القومي " .. كفوا عني فتاكم

انا أنتمي لتربية سودانية قديمة تعتبر انو الجاهل وكتين يغلط اشكيهو لكبارو.
ومنذ عرفت هذا المنبر لم اعتبر محمد عادل الا طفل كبير لا يمكن النقاش معه بحال. ( منذ كان يطاعن ميادة كمال بكلام فارغ عن المقرن الى ان وصل لاتهام امجد فريد بالعمل لصالح جهاز الامن )
لهذا انا ألجا الى عضوية حزب الأمة التي ينتسب اليها محمد عادل طالباً حقي مما يفعله هذا الفتى.

محمد عادل قام بـ :
1- محاولة واضحة لاغتيال الشخصية و المصداقية
2- اشاع عني الكذب الضار بالنسبة لي
3- هددني بوضوح

انا ماقبضونى ناس الامن ولا اعتقلونى ولا كنت فى البوكس ب...النساء ولاتضعو صورى

في هذا البوست بعد أن قام باتهام الصديق أمجد فريد انه امنجي اتهمني محمد عادل بالتعامل مع السفارة السودانية في القاهرة و ادعاء النضال في المنبر فكتب :

Quote: حمور زياده وماتنسى الناس البتعرض الروايات فى مبانى السفاره السودانية وتجى تشبكنا نضال

Quote: المناضل حمور زياده صاحب النضال الثورى وصاحب عرض الروايات فى مبانى السفاره تعال ورينا الرواية الجايه برضو حتكون فى السفاره يامناضل

تدخل الزميل عبد المجيد الكونت و طلب ان يتحمل هو خطأ محمد عادل و ان اتجاوز عنه فعفوت عنه لوجه الله.

لكن محمد عادل و لأنه كالطفل الذي "يهدوهو من المريسه يشرب العرقي " رجع الى الكذب بحقي فتدخل في حوار بيني و بين الزميل الشفيع وراق الذي كتب كلاما اعتبرت انا ان فيه غمطاً لحقوق كثير من الاخوة في البورد تعرضوا للاعتقال و الحبس جراء مشاركتهم في العمل السياسي على الارض.
كتب الزميل الشفيع :

Quote: هو الوحيد الجمع بين النضال الاسفيري و الحقيقي الفي الشارع وانا اشهد والدليل عدد من خرج يوم ابو جنزير اقل من عدد البوستات الاتفتحت بطلو حسد ويجي عادل ويوصفه بالشتارة محن يا زول الناس ديل ما بشبهوك وتعبك بروح في الفاضي انضم لمن يقدرك ويقيم مجهودك تعال معانا وما تحرق دم قلبك في الفاضي

فاجبته انا :

Quote: يا الشفيع تشهد على شنو؟ هل لم يخرج من عضوية سودانيزاون لاين او من يكتبون معارضين في الفيس بوك إلا محمد عادل ؟ طيب على الاقل في اخر احداث دي مش اتقبض تروتسكي و عيدروس و غيرهما؟ الشفيع هو حساب وله كوار ؟ يعني عشان محمد عادل زعلان تنكر حق الناس و تقول كلام ساي ؟ الشفيع و الله ما رضيان ليك ما اراه عليك مؤخرا.

فجاء محمد عادل و كتب لي :

Quote: انت شغال بى محمد عادل دا شديد كدا مالك ياحمور تقول محمد عادل دا حرق ليك بيتكم وخلاك تطفش تخلى البلد تجرى مصر تفتش فى اللوترى او un او استراليا ارحم نفسك وشيلنى من راسك شوية عشان مالحقك لندن

برافو اعضاء منبر سودانيز اون لاين محمد عادل طلع عميل لج... البتحبو تدهو الحربه]

Quote: انت شغال بى محمد عادل دا شديد كدا مالك ياحمور تقول محمد عادل دا حرق ليك بيتكم وخلاك تطفش تخلى البلد تجرى مصر تفتش فى اللوترى او un او استراليا ارحم نفسك وشيلنى من راسك شوية عشان مالحقك لندن

وهو هنا يشيع عني معلومات كاذبة اعتبرها انا مضرة جدا بي.
فاللجوء الذي لا اطلبه او الهجرة لا اعتبرها عيبا .. لكني لا اقبل ان ينسب اليّ شيء لم افعله. و هو يضر بكل ما يمكن ان اكتبه من رأي سياسي فيقرأ أنه محاولة لايجاد مبرر لي للهجرة.
مما اعتبره كسابق اتهامه بالتعامل مع السفارة اشانة سمعة و قدح في مصداقيتي التي لا املك غيرها في هذه الحياة.

ثم يختم كلامه بتهديد واضح :

Quote: ارحم نفسك وشيلنى من راسك شوية عشان مالحقك لندن

كما قلت فانا لا اعتبر محمد عادل اهلاً لمناقشة او حوار ..
لذلك فأنا أطلب حقي عند كباره من حزب الأمة.

اريد اعتذار واضح من هذا الفتى و تاكيد منه ان ما كتبه بحقي هو كذب و ادعاء و ان تهديده هو مجرد خطرفه كيبورد لا أكثر.


او تلزموه أن يوضح :
1- ما هي علاقتي بالسفارة السودانية و كيف عرفها
2- هل انا أبحث عن لجوء هنا في القاهرة و كيف عرف ذلك
3- ما هي علاقاته و قدراته التي يمكن ان يجبرني بها على الخروج من مصر

والله شقي حال يا حمور من يومك

يا سفيان الموضوع ده ما هزار بالنسبة لي و ما ساهل و اظنك عارف.
لما يجيني ايميل من زول ما بعرفو و يقول لي بيتابع كتابتي في البورد و يهون عليّ انو ياخ كلنا بنضطر نتعامل مع السفارات فما تحزن من كلام "أحمد عادل " كما سماه و واثقين منك يبقى لي حق اقلق.
لمن ألقى انو كلام محمد عادل ممكن يخلي اي رأي معارض اكتبو في يوم من الايام يتقري يا على انو نفاق من البيمشي السفارة و يجي هنا يعمل فيها مناضل او انو بيكتب كده عشان "يتوجه بالبوست لأقرب سفارة اجنبية " يبقى ده تشكيك في مصداقيتي ما بسكت عليو.
والغريب انو ما يجي من كوز.
ما حصل كوز هنا شتمني او اتهمني. بل على العكس بيحاوروني باحترام اشكرهم عليه.
فلما يجي محمد عادل يطعن في مصداقيتي و يشكك فيني و يطلع اشاعات ما ممكن اسكت. و لازم اشوف لو عندو كبير اشكيو ليو.
ولما يجي محمد عادل يهددني ما ممكن اسكت.

ياخ ده هوان ما بعدو هوان و الله.
وسأفجع جدا لو خذلني اعضاء حزب الامة.

.

.

احتسب ياحمور وابشر بطول سلامة يارجل وارتفع عن هذه النظائر.

.
.

يا حمور الموضوع حسب تقديري إنو محمد عادل بيمثل نفسو في سودانيز أون لاين دي وحزب الأمة غير مسؤل عن البكتبو محمد عادل

يا الازهري يا اخوي لا املك في هذه الفانية الا شوية المصداقية و السمعة الطايح فيها محمد عادل دي.
احتسبت السفارة فجاب ليو بلاوي تانية.
كان احتسبت دي بكره بيجي يقول شنو كمان ؟

يا مرتضى اي بني ادم بيمثل نفسو في الدنيا دي الا تكون وظيفتو بتخول ليو يمثل جهة او يوكل عن اخرين.
عشان كده انا ما حملت حزب الامة مسئولية كتابة محمد عادل.
الموضوع من وجهة نظري زي ما قلتو فوق.
الجاهل بيشكوهو لكبارو.
ومحمد لمن كان بيفتح في البوستات عن الحزب الشيوعي دخل له جماعة من حزب الامة بعضهم ناصح و بعضهم آمر انو اسكت فسكت.
وانا سمعتي عند رقبتي اكبر من تاريخ الحزب الشيوعي الكان بينبش فيو محمد عادل.
وقبلها لما هاجم مجموعة من الشيوعيين و اصدقاء امجد محمد عادل جا محمد حسن العمدة اعتبر انو في حملة لمحاولة اغتيال شخصية محمد عادل.
فعشان ما ادخل في كلام الشفع مع محمد و لا يتهموني اني بحاول اغتال "شخصيتو " (!!) شكيتو لكبارو ديل جهارا نهاراً.
تبرئة للذمة.
وطلبي لا يكلفهم الا الكتابة لمحمد عادل ناصحين او آمرين كما حدث من قبل. لا طالب اعتذار من حزب الامة لا محملم بلاويهو. حزب الامة اكبر من محمد و اكبر من سودانيز اون لاين.


يا عضوية حزب الامة في سودانيز اون لاين هوي ..
انا قاصدكم و كايس حقي عندكم.
ولدكم ده بيدعي عليّ الكذب و بهددني.
عندكم لي نُصره ؟

اخشى ان انشد في نهاية الامر :

لو كنت من مازن لم تستبح إبلي بنو اللّقيطة من ذهل بن شيبانا
إذن لقام بنصري معشر خشنٌ عند الكريهة إن ذو لوثةٍ لانا

لو كنت آوي الى حزب سياسي يعصمني من البهتان لكان لي من يكفيني غائلة التعدي و لأمر لي حزب الامة فتاه خشية انفكاك تحالف استراتيجي.

الحبيب حمور
مش لأنك أخي وصديقي وشقيقي الذي أباهي به الشمس
ولكن لأنك ههنا صاحب حق
ومن حقك أن يثبت الحبيب محمد عادل الآتي

Quote: 1- ما هي علاقتي بالسفارة السودانية و كيف عرفها 2- هل انا أبحث عن لجوء هنا في القاهرة و كيف عرف ذلك 3- ما هي علاقاته و قدراته التي يمكن ان يجبرني بها على الخروج من مصر ي:

وإن عجز عن إثبات ذلك تستحق على رؤوس الأشهاد إعتذاراً مغلظاً من الحبيب محمد عادل مما لحق بك من أذى...
لنا

يا حمور
محمد عادل ده ما عندو كبير غير البلدوزر ؛)، لو عندك طريقة توصل شكوتك للبلدوزر بجيك يعتذر، أزروايِّس الصادق المهدي نفسه ما حيسمع كلامو خليك من عضوية حزب الأمة في البورد.. يا حمور محمد عادل اسمو بيكتبو غلط، تفتكر في إنسان عاقل ممكن يأخذ بكلامه؟

المثقفاتى المناضل
حزب الامه حزب انتمى له فاهم الكلام دا واحترم عضوية حزب الامه هنا انو طلبو منى مادخل فى البوست
ولكن لمن شفتك ماسك البوست لبانه بتلوك فيها
بعد كدا مافى زول يمسكنى منك الا امين الموقع يحسب الباسويرد الخاص بى
انت فاكر يعنى انا فاكرك شنو زول جهلول فاكيها فى نفسو زول قضية حرق منزله ماشغال بيها جارى بفتش فى امريكا واستراليا
كدا حابى اسالك سؤال انت حصل شنو فى قضية حرق منزلكم العامر الدوشت بيهو راسنا هنا
ياخى انت مجرد زول فاكيها فى نفسو انت وشوية المطبلاتية الشابكننا استاذ حمور وحمور
انت ياحمور شنو ذاتك والله العظيم غير فى المنبر دا ماشايف ليك اى وجود
قوم لف قال اعتذر ليهو تعرف تلحس كوعك لمن تلحس كوعك حعتذر ليك
اتعذرى

الأخ الكريم حمور زيادة
السلام عليكم وطبت نهارا
كتبت الأميرة لنا خلاصة ما يمكن أن يقوله كل فرد في حزب الأمة
فقط ما أريد زيادته
أنني أشهد أن كتاباتك لم تكن في يوم من الأيام خصما على المعارضة
بل كانت نابعة من وجع المواطن وناظرة لمستقبل أخضر جميل للوطن
بل كانت من أعلى الكتابات قدحا في كشف عدم صلاحية حزب المؤتمر الوطني لحكم البلد
وفوق ذاك كانت بلغة رصينة محترمة قوية
ابتعدت عن الاستهداف الشخصي وصوبت جهدها نحو منافحة الأراء ودحض الأفكار
ابننا محمد عادل دفعته حماسته في أوقات كثيرة للخروج عن طريق النضال القويم
وأنا أرجو منه هنا وقفة مع النفس والتدبر والنظر بعمق
للتمحيص في من هم يقفون في صف الوطن ومن هم في صف الدكتاتورية والشمولية البغيضة

الأخ الكريم حمور زيادة
السلام عليكم وطبت نهارا
كتبت الأميرة لنا خلاصة ما يمكن أن يقوله كل فرد في حزب الأمة
فقط ما أريد زيادته
أنني أشهد أن كتاباتك لم تكن في يوم من الأيام خصما على المعارضة
بل كانت نابعة من وجع المواطن وناظرة لمستقبل أخضر جميل للوطن
بل كانت من أعلى الكتابات قدحا في كشف عدم صلاحية حزب المؤتمر الوطني لحكم البلد
وفوق ذاك كانت بلغة رصينة محترمة قوية
ابتعدت عن الاستهداف الشخصي وصوبت جهدها نحو منافحة الأراء ودحض الأفكار
ابننا محمد عادل دفعته حماسته في أوقات كثيرة للخروج عن طريق النضال القويم
وأنا أرجو منه هنا وقفة مع النفس والتدبر والنظر بعمق
للتمحيص في من هم يقفون في صف الوطن ومن هم في صف الدكتاتورية والشمولية البغيضة

Quote: المثقفاتى المناضل حزب الامه حزب انتمى له فاهم الكلام دا واحترم عضوية حزب الامه هنا انو طلبو منى مادخل فى البوست ولكن لمن شفتك ماسك البوست لبانه بتلوك فيها بعد كدا مافى زول يمسكنى منك الا امين الموقع يحسب الباسويرد الخاص بى انت فاكر يعنى انا فاكرك شنو زول جهلول فاكيها فى نفسو زول قضية حرق منزله ماشغال بيها جارى بفتش فى امريكا واستراليا كدا حابى اسالك سؤال انت حصل شنو فى قضية حرق منزلكم العامر الدوشت بيهو راسنا هنا ياخى انت مجرد زول فاكيها فى نفسو انت وشوية المطبلاتية الشابكننا استاذ حمور وحمور انت ياحمور شنو ذاتك والله العظيم غير فى المنبر دا ماشايف ليك اى وجود قوم لف قال اعتذر ليهو تعرف تلحس كوعك لمن تلحس كوعك حعتذر ليك اتعذرى

دي قلة أدب زيادة عن اللزوم

ارجو من الاخ محمد عادل التوقف من تصعيد الوضع.

وطبعا اي انسان يستطيع ان يحاول التقليل من شان اي انسان اخر بالكلام,

لكن ذلك لا ينال من المدعى عليه اذا لم يستند الاتهام على الحقيقة والواقع.

يا محمد عادل الرجوع للحق فضيلة.

ولحمور حق عليك ارجو ان تنصفه فيه.

اما ان تاتي بدليل, او تعتذر.

وذلك لمصلحتك انت قبل غيرك, لان الناس تحكم بصدق ما تقول, لا بعلو صوتك.

اتعشم فيك خير!

Quote: المثقفاتى المناضل حزب الامه حزب انتمى له فاهم الكلام دا واحترم عضوية حزب الامه هنا انو طلبو منى مادخل فى البوست ولكن لمن شفتك ماسك البوست لبانه بتلوك فيها بعد كدا مافى زول يمسكنى منك الا امين الموقع يحسب الباسويرد الخاص بى انت فاكر يعنى انا فاكرك شنو زول جهلول فاكيها فى نفسو زول قضية حرق منزله ماشغال بيها جارى بفتش فى امريكا واستراليا كدا حابى اسالك سؤال انت حصل شنو فى قضية حرق منزلكم العامر الدوشت بيهو راسنا هنا ياخى انت مجرد زول فاكيها فى نفسو انت وشوية المطبلاتية الشابكننا استاذ حمور وحمور انت ياحمور شنو ذاتك والله العظيم غير فى المنبر دا ماشايف ليك اى وجود قوم لف قال اعتذر ليهو تعرف تلحس كوعك لمن تلحس كوعك حعتذر ليك اتعذرى

وقطع محمد عادل قول كل متداخل بالكلام النئ كاالعادة

تقول رايك يقول ليك بتغتالو فى شخصية محمد عادل ..

اها كيفن الدبارة ياحمور

يا محمد عادل
بعد التحية

لقد تابعت ذاك البوست وهذا وفي كلاهما لم يتناولك حمور ... لا بالخير لا بالشر
كانت تعليقاته فيما نُسب لأمجد وأشياء أُخرى بعيدة عنك .... كما أن حمورا معروف
عنه في هذا المنبر أنه جادا فيما هو جد ولطيفا في مشاغباته عند الحاجة.
عُرف عنه أيضا أنه من تيار الوطنيين العريض لا حزب له سابقا ولا رغبة له في التنظيم
كما قرأت له قبل يومين ... مهتما بالكتابة وهذه حرفته ... ونوعية هذه الحرف رأسمالها
السُمعة لذلك أجد أن اشانتها تكلفه كثيرا تماما كما يُكلف التشريد العاملين .

وأنت من الشباب الذين قلنا عنك من قبل ونقول الآن ... من الشباب الوطنيين المنتمين
لأحد الأحزاب الوطنية الكبيرة ولكنك مثلنا نناكف هذا ونختلف مع ذاك ... وهذا هو وجه
الاختلاف بيننا وحمور وأمثاله .... وهذا لا يعني بأن حمورا أفضل منا وبالتالي لا أفضله
عليك ... فلكل مجاله ...... ولا مانع ان ناكفته مناكفات المنبر هذه ... ولكن الطعن في سمعته
التي تكلفه كثيرا غير مقبولا.

.
.

Quote: بالكلام النئ كاالعادة

كلام مية مية

وكمان كلام ياسر طيفور مية مية لو كان كبيره غير المذكور،أما وإنه هو فأنت في هذه الحالة كالمستجير من الرمضاء بالنار .

والله لكأن عبد الرحمن بن حسان كان ينظر من خلال الغيب فرأى قبسة العجلان هذا فهجاه بقوله :

وَبَنُو أَبِيكَ سَخِيفَةٌ أَحْلامُهُمْ/ فُحْشُ النُّفُوسِ لَدَى الْجَلِيسِ الزَّائِرِ
أَحَياؤُهُمْ عَارٌ عَلَى أَمْوَاتِهِمْ/ وَالْـمَيِّتُـونَ مَـسَبَّـةٌ لِلْغَــابِرِ
نظروا إليك بأعين محمرة/نَظَرَ التُّيُـوسِ إِلَى شِفَـارَ الْجَـازِرِ
خُزْرَ الْعِيُونِ نواكس أبصارهم /نَظَرَ الذَّلِيلِ إِلَى الْعَزِيزِ الْقَـاهِرِ

حماقة خالطت ركاكة،وجهالة مزجت برعونة ، وطيش يقوده النزق والغرور .

فعلاً كما قالت الزميلة الكريمة (كلام نئ ) دائماً وأبداً (متعووودة) كما يقول عادل إمام .

آخر الكلام :الله (ينعل) ناس الأمن الذين يدفعون بغبائهم الهر لكي يحكي انتفاخاً صولة الأسد ،ويجعلون الرخم والبغاث تتوهم أنها نسور كواسر.

.
.

اميره الشيخ
هل تعلمى انى بطنش انى ما ارد عليك عشان اشياء كتيره
وعلى قول ام كلثوم للصبر حدود

Quote: اميره الشيخ هل تعلمى انى بطنش انى ما ارد عليك عشان اشياء كتيره وعلى قول ام كلثوم للصبر حدود

صراحة يا أميرات تاني ما عندك قول تب !

محمد عادل
Grow Up

محمد عادل شخص طائش يحتاج الى الكثير من النصح حتى يتخلص من عقليته الطفولية
هم يعلمون ذلك ولن يستطيعوا كف فتاهم عنك












---
تعديل حرف

يا اخوانا سين سؤال : هل الأخ محمد عادل عضو مكتب سياسي في حزب الأمه ؟!

Quote: اميره الشيخ هل تعلمى انى بطنش انى ما ارد عليك عشان اشياء كتيره

إذن أميرة الشيخ أكثر أعضاء المنبر سعادة
بختك يا أميرة، طيب ما توري الوصفة السحرية
دي لحمور علشان ما يتأذى من محمد عادل لوول.

بالجمبة: د. أمين حمد لله على السلامة ومشتاقين

حمور زيادة
أطالبك بالإعتذار لنفسك دون إبطاء أو تأخير..

وتذكر إن لنفسك عليك حق!!

ودا كلام جادى جدا ياحمور ود اخت المفكر أمين.

Quote: يا اخوانا سين سؤال : هل الأخ محمد عادل عضو مكتب سياسي في حزب الأمه ؟!

ياتو فيهم ؟؟!
اعني ياتو جناح ؟؟!

Quote: انا أنتمي لتربية سودانية قديمة تعتبر انو الجاهل وكتين يغلط اشكيهو لكبارو

Quote: ومنذ عرفت هذا المنبر لم اعتبر محمد عادل الا طفل كبير لا يمكن النقاش معه بحال

Quote: لكن محمد عادل و لأنه كالطفل الذي "يهدوهو من المريسه يشرب العرقي

سلام ياحمور
لم اشك قط في ان الاخ محمد عادل قد اخطأ في حقك ..
لكن ارك وانت تكتب بهذه اللغة المستفزة بل والمسيئة قد تجبر من لك حق عنده ان يطالبك بما تطالبه به انت هنا !
يعني ممكن يعمل ليك تلاتة خيارات يطالبك فيها بإثبات جهله .... الخ
ياحمور بوستك دا وبمايحمله من مفردات تستعصي البلع لا اعتقد انه قد يصل بك الي نهاية طيبة
اما اذا كان غرضك منه هو مناصرت امجدوإفتعال معركة مع محمد عادل لإرضاء صديقك فاقولها لك بصراحة هو فعل غير موفق ..
كنت امني نفسي بكتابة رصينة تخجل محمد عادل وتجعله يأتي معتذرا ونادما علي كل ماذكره من إفك لكنك للأسف لم تفعل
سلام

Quote: بالجمبة: د. أمين حمد لله على السلامة ومشتاقين

النذير يا حبيبنا ، أنا ما زلت التحف سماء الوطن !!

------------
يا اخوانا بالله زول يجاوبني : هل أخونا محمد عادل عضو مكتب سياسي في حزب الأمه ولا الزول القال لي الكلام ده حنكني ساي ؟!

-----------
سيدنا يا وهم : سئيلي الله مشتاقين !!

Quote: وإن عجز عن إثبات ذلك تستحق على رؤوس الأشهاد إعتذاراً مغلظاً من الحبيب محمد عادل مما لحق بك من أذى...

شكراً يا لنا ..

Quote: يا حمور محمد عادل ده ما عندو كبير غير البلدوزر ؛)، لو عندك طريقة توصل شكوتك للبلدوزر بجيك يعتذر، أزروايِّس الصادق المهدي نفسه ما حيسمع كلامو خليك من عضوية حزب الأمة في البورد.. يا حمور محمد عادل اسمو بيكتبو غلط، تفتكر في إنسان عاقل ممكن يأخذ بكلامه؟

يا ياسر محمد انت عارفو و انا عارفو و اظن المنبر كلو عارفو ..
لكن قد يصدق الكذوب يا ياسر. مش ؟
ثم ده منبر بيقراهو ملايين لا اضمن انو كلهم عارفين محمد.
خليك من كارثة انو البيتكتب في المنبر ده بيقعد و بيمرق في قوقل.
فانو تكون في اتهامات زي دي عني معلقة كده من "كادر سياسي نشط " دي حاجة خطيرة بالنسبة لي.

Quote: المثقفاتى المناضل حزب الامه حزب انتمى له فاهم الكلام دا واحترم عضوية حزب الامه هنا انو طلبو منى مادخل فى البوست ولكن لمن شفتك ماسك البوست لبانه بتلوك فيها بعد كدا مافى زول يمسكنى منك الا امين الموقع يحسب الباسويرد الخاص بى انت فاكر يعنى انا فاكرك شنو زول جهلول فاكيها فى نفسو زول قضية حرق منزله ماشغال بيها جارى بفتش فى امريكا واستراليا كدا حابى اسالك سؤال انت حصل شنو فى قضية حرق منزلكم العامر الدوشت بيهو راسنا هنا ياخى انت مجرد زول فاكيها فى نفسو انت وشوية المطبلاتية الشابكننا استاذ حمور وحمور انت ياحمور شنو ذاتك والله العظيم غير فى المنبر دا ماشايف ليك اى وجود قوم لف قال اعتذر ليهو تعرف تلحس كوعك لمن تلحس كوعك حعتذر ليك اتعذرى

يا محمد امشي جيب لي زول كبير اتكلم معاو.
انا لو داير اتكلم معاك انت كان عنونت ليك البوست ده.




ــــــــــــــــــ

Quote: زول قضية حرق منزله ماشغال بيها جارى بفتش فى امريكا واستراليا

يعني الزول ده لسه مصمم يكرر و ينشر كضبو.
عشان ما يجي زول يقول لي كلام كتبو في لحظة غضب او كلام هو ما قاصدو.

شكراً يا جعفر

والله يا ابوالحسين انا كلامو الكعب ده كلو ما بيهمني. لأنو راي محمد فيني ما بيخليني اساهر الليل او اشيل الهم.
انا المحيرني انو انا اطالب باثبات كلامو فيجي يكررو تاني كأنو التكرار اثبات.

قصة يشتم و يكورك ما شغال بيها.
يهمني كضبو عني ده.

Quote: ولحمور حق عليك ارجو ان تنصفه فيه. اما ان تاتي بدليل, او تعتذر. وذلك لمصلحتك انت قبل غيرك, لان الناس تحكم بصدق ما تقول, لا بعلو صوتك

شكراً يا بدر الدين

والله يا أميرة اظن محمد بمداخلتو الاخيرة مش احرج رقبتو براهو .. احرج اي زول يظن بيو خير.
وده بيخليني اتمسك بخياري اني ما خاطبتو هو طالبا الاثبات او الاعتذار بل توجعت لمن اظنهم كبارو.

Quote: ونوعية هذه الحرف رأسمالها السُمعة لذلك أجد أن اشانتها تكلفه كثيرا تماما كما يُكلف التشريد العاملين

Quote: ولا مانع ان ناكفته مناكفات المنبر هذه ... ولكن الطعن في سمعته التي تكلفه كثيرا غير مقبولا.

شكرا يا عاطف

Quote: آخر الكلام :الله (ينعل) ناس الأمن الذين يدفعون بغبائهم الهر لكي يحكي انتفاخاً صولة الأسد ،ويجعلون الرخم والبغاث تتوهم أنها نسور كواسر

تحياتي يا الأزهري

عليك الله يا حبيب نورة شفت الزول ده ثبت ليك اميرة كيف و منطقا ؟

Quote: محمد عادل Grow Up

والله يا محمد انا اتمنى ليو على المستوى الشخصي انو ينضج فعلا.
لكن اتمنى اول شي كبارو يمسكوهو ييبرطوهو من الهضربة البيعمل فيها دي و يثبت كلامو ده او يعتذر عنو علنا زي ما اشان سمعتي علنا.

Quote: محمد عادل شخص طائش يحتاج الى الكثير من النصح حتى يتخلص من عقليته الطفولية هم يعلمون ذلك ولن يستطيعوا كف فتاهم عنك

والله يا الشفيع كان طلع كمان ما عندو كبير يهديهو دي تبقى مصيبة تانية.
الله يكضب الشينة بس.

Quote: يا اخوانا سين سؤال : هل الأخ محمد عادل عضو مكتب سياسي في حزب الأمه ؟!

ما ممكن اتخيل حاجة زي دي يا امين.
ظني ان حزب الأمة خير من ذلك.

عليك الله يا النذير شفت التفرقة دي كيف ؟
ناس يتجاهلوهم .. و ناس يكيلو ليهم الاتهام ورا الاتهام و يشينو سمعتم.

يا د.بلة فاهمك و الله و فاهم كلامك ده كويس.
لكن مجبور يا دكتور. في اتهامات كدي لمن سيدا يقولا بثقة و تمر ساي بتلصق في مجتمعنا ده.
لاحظ محمد ده لحدي هسه بيكرر و يعيد في كلامو القالو اول مره .. و انا ما بستحمل سمعتي تكون حولها شائبة.
حتى لو جات الشائبة من زول زي محمد ده.

Quote: ياتو فيهم ؟؟! اعني ياتو جناح ؟؟!

انا يا أحمد و الله ابرأ بحزب الامة بكل اجنحته عن هذا. لكن في الاخر دي نظرتم و اختيارم.
انا هنا تهمني سمعتي التي اشينت و الكذب الضار بحقي و التهديد الواضح.

Quote: سلام ياحمور لم اشك قط في ان الاخ محمد عادل قد اخطأ في حقك .. لكن ارك وانت تكتب بهذه اللغة المستفزة بل والمسيئة قد تجبر من لك حق عنده ان يطالبك بما تطالبه به انت هنا ! يعني ممكن يعمل ليك تلاتة خيارات يطالبك فيها بإثبات جهله .... الخ ياحمور بوستك دا وبمايحمله من مفردات تستعصي البلع لا اعتقد انه قد يصل بك الي نهاية طيبة اما اذا كان غرضك منه هو مناصرت امجدوإفتعال معركة مع محمد عادل لإرضاء صديقك فاقولها لك بصراحة هو فعل غير موفق .. كنت امني نفسي بكتابة رصينة تخجل محمد عادل وتجعله يأتي معتذرا ونادما علي كل ماذكره من إفك لكنك للأسف لم تفعل سلام

يا سيد ياخ من وين بتقول انو ما شاكي انو اخطأ في حقي و انو كلامو افك و انو يجي معتذر و نادم و من يوم تقول انو غرضي مناصرة امجد و افتعال معركة مع محمد ؟
الافك و الخطأ في حقي ما كافيات لافتعال معركة و لا من حقي اناصر نفسي ؟

اما الكلمات الانت شفتها سيئة يا سيد ( الجاهل على فكرة ما معناها عدم المعرفة .. معناها الجاهل الدارجية حقتنا ديك بمعنى الشافع ) و هي وصفي لمحمد انو طفل فاظن لا هو لا انت لا اي زول بيقرا في البوست ده ناهيك عن انو يقرا اي كتابة تانية لمحمد حيشك انو هو طفل كبير.
وعموما اذا محمد ما قدر يثبت اتهامتو اعتذر عن اشانة السمعة و جا طالبني باثبات انو طفل كبير فانا على استعداد.



شكرا انك اعتبرت محمد اخطأ في حقي و انو أفاك.

الاخ محمد عادل انت مطالب باثبات ماجئت به او الاعتذار
ارجو ان نحترم بعضنا ونبتعد عن الاثارة

سلام يا حمور

ما جابني للتداخل في بوستك الا الحتة الظريفة دي

Quote: المناضل حمور زياده صاحب النضال الثورى وصاحب عرض الروايات فى مبانى السفاره تعال ورينا الرواية الجايه برضو حتكون فى السفاره يامناضل

ب 15 وللا 20 ريال اشتريت من مكتبة السفارة السودانية بالرياض كتاب
علاقات الارض في السودان
محمد ابراهيم نقد

والذي كتب في التقديم

Quote: في ضيافة كوبر، عميد سلك السجون السودانية، واصطحاب ما شح وقل من المصادر والمراجع، صيغت هوامش وتعليقات، بحثا عن اليقين في اجابة على السؤال الملحاح. الخرطوم، سجن كوبر يناير 1990 م

ويواصل في المدخل

Quote: وما كان لتلك الرغبة ان تلبى لولا الاستضافة الجبرية في سجن كوبر - افضل بقعة في مساحة السودان القارية للمطالعة المنتقاة والبحث.

يعني يا حمور كان طلعت في التلفزيون القومي مفروض يدوك طلقة في راسك وللا شنو!!

ماتخاف حنعمل ليك استثناء فى un او السفاره الامريكية او الكندية او الاسترالية الحته الماشى تعمل فيها لجوء
حنقول ليهم الزول دا فى ناس كدا حرقو بيتو والى الان قضية بيتو ماشغال بيها
الشئ التانى هو زول مثقف وبخاف على جمهور بتاع النت ومخاصة الجكس العامل ليهم فيها شكسبير
الشئ التالت ياخوى انت خائف مالك من حكاية السفاره السودانية ماحنكلم ليك ابراهيم ادم
ماتخاف ياحمور
السويتو بايدك حيغلب اجاويدك وانا كلامك انت وكلام المطرطش ياسر طيفور مابهز فينى شعره
انا عارف روحى شنو وامكانياتى شنو انا مابهتم بالنت زى اهتمامك انت لانو انا عندى سند قبلى وسند اهلى لكن انت سندك منو
سندك الجكس بتاع النت

Quote: لانو انا عندى سند قبلى وسند اهلى لكن انت سندك منو

حمور ما عندو سند قبلي ، بحري بس !!

Quote: ياحمور بوستك دا وبمايحمله من مفردات تستعصي البلع لا اعتقد انه قد يصل بك الي نهاية طيبة اما اذا كان غرضك منه هو مناصرت امجدوإفتعال معركة مع محمد عادل لإرضاء صديقك فاقولها لك بصراحة هو فعل غير موفق .. كنت امني نفسي بكتابة رصينة تخجل محمد عادل وتجعله يأتي معتذرا ونادما علي كل ماذكره من إفك لكنك للأسف لم تفعل سلام

شكرا يابو السيد لكن صحبك دا لازم يناصر صحبو العمل زوغان وماخل زول فى السودان الا اتصلو بيهو
استاذ امين محمد سليمان لك التحايا العطره بس ياستاذ امين اتمنى حفظ ماتبقى

تخريمة اهلو وين كانو لمن اتحرق بيتو ومالهم ماتابعو القضية بدلا عنه بدل مايخلو طاشى فى شوارع مصر من بستان لى بورصه واحيانا قاردن سيتى

Quote: تخريمة اهلو وين كانو لمن اتحرق بيتو ومالهم ماتابعو القضية بدلا عنه بدل مايخلو طاشى فى شوارع مصر من بستان لى بورصه واحيانا قاردن سيتى

يا محمد عادل
دي قلة ادب لا يمكن السكوت عليه


وإنت أهلك ويييييييييييين لحدي اسع
لما ما ربوك لحدي ما حصلت عمرك دا



تعرف لو كنت واقف قدامي وانا بقرأ ال غ ثاء الكاتبه انت فوووق
كان قشطك كفين وبعدين اتفاهمت معاك
دا لو فضل تفاهم اصلا


مالك ومال اهل وقبيلة حمور يا وق ح انت !!!!!!!!!!!!!!!!

حمـــــــــور زيادة / محمد عـــادل

سلام ومشتاقين رغم الخصومة البينكم يعني اتقاسموا الشوق بتاعي النص بالنص

تاني محمد عادل ممكن تقراء ما كتبت يداك مرة اخري فبين سطورك ما يخيفني

حمور كن كماعرفتك .


للصديقين الود وللجميع وافر المودة

أحياناً يكون النقاش ككرة ثلج كبيره لاسبيل لوقفها عن التدحرج

حمور ياصديقي شخصيتي لاتتناسب وإسداء النُصح بشكل مستمر

لا أحب لعب هذا الدور الذي يجعلني في موقع الوصاية ...وهذا شعوري الذي يتملكني في هذه اللحظه
كلنا في هذا المنبر في سن تسمح لنا بالتمييز

وإختيار مواقفنا

وإنما كانت مداخلتي لأقول بحقك كلمات لم تسنح الفرصة من قبل لقولها

أنت رجلٌ محترم ، والإختلاف معك مهما كان لايخرج عن حدود الأدب ، وأعلم فوق ذلك أنك رجل حساس لاتميل لإهانة الآخرين ولاتحب الدخول في معارك

غير مفيده .

لدي تعليق يامحمد عادل فيما يخص موضوع حرق منزل حمور ، إن إتسع صدرك لمناقشتي
فغير ذلك من الإتهامات يبدو انها لامعنى لها

في غير هذا المكان نظر الناس لقضية حرق منزل حمور بنوع من التهوين ، وهذا أمر عجيب

لقد كنت بالقرب من حمور في تلك الأيام وزرته ورأيت الحريق ، والنساء من الجارات يتحلقن حول والدته بقصد المواساة

لا أدري ما القصد أن حمور فلقنا بذلك الحديث

ماحدث لحمور ظاهره خطيره ، وإنتهاك مرعب ، وتعدي سافر

وإن كانت لدي ملاحظه على رد فعل حمور في هذا الموضوع

فهو رد فعل ضعيف وفيه الكثير من الإحتساب

كما انه لم يتاجر به ، ولم يجعله حتى موضوعا للنقاش بما يتناسب مع فداحة الواقعه
إن إحتراق منزل بفعل الماس الكهربائي يصبح قضية نقاش بأكثر مما حدث في تعمد مجهولين إضرام النار في منزل
إلتقيت حمور مرارا بعد هذه الواقعه
إحداهن في القاهره

فلم يجر لسانه بذكر الحريق أصلاً

قاتل الله الغضب

رفيق الزنزانه والبوكس
عمر عشارى
انت من القلائل الذين احترمهم فى هذا المنبر لانك صاحب دعوه
ولست من اولئك الذين يجاهرون بشئ لايفعلونه
لك التحيه ياصديقى وخلينا نشوفك لانو بالجد اجمل ساعات قضيته معك فى باحة الفكر والثقافه كانت فى زنزانه القسم الشمالى

Quote: حمور ما عندو سند قبلي ، بحري بس !!

رغم أنه من أمدرمان...يادكتور أمين !!

الاخ حمور تحيةوإحترام:
راجع تأريخ الصراع بهذا المنبر
عموما
تجد ماتعرضت إليه من تهم
أمر شائع يلجأ إليه المرء
عندما يحار
لاتزعج نفسك بإنتظار
دليلا على ما اتهمت به
لأن إنتظارك سيطول...

Quote: تخريمة اهلو وين كانو لمن اتحرق بيتو ومالهم ماتابعو القضية بدلا عنه بدل مايخلو طاشى فى شوارع مصر من بستان لى بورصه واحيانا قاردن سيتى

يا محمد عادل الكلام ده عيب منك : حمور ياهو ده قدامك , رجاء صادق : : اهلو ديل خليهم !!

Quote: انا هنا تهمني سمعتي التي اشينت

من دربك دا تركب ليك اقرب طياره وترجع الخرطوم وجرى لى اقرب نيابة افتح فينى بلاغ اشانة سمعه
مثقف مناضل شكسبير

Quote: الاخ محمد عادل انت مطالب باثبات ماجئت به او الاعتذار ارجو ان نحترم بعضنا ونبتعد عن الاثارة

شكرا يا هاشم

تحياتي يا أحمد بن عوف..
مداخلتك بتأكد لي ( و لدكتور بلة و اخرين ) انو كان من الضروري اتضرر من كلام محمد.
لأني يا أحمد لا علاقة لي بالسفارة و لم اعرض كتابي فيها نهائيا و لم اتعامل معهم بأي شكل من الاشكال طول هذه الفترة الا مرة واحدة في اول شهر لي في القاهرة حيث قمت بعمل توكيل بمباني السفارة و كنت بمعية زملاء البورد بهاء عيسى و ناصر المحسي. و حتى هذه اللحظة لم اضع قدمي داخل السفارة.
بل في مرة ترك لي احد زملاء البورد هنا وصية لدى احد العمالين في السفارة فطلبت من بهاء عيسى ان يحضرها هو كي لا ادخل السفارة.

فارجو منك ان لا تتعامل مع اكاذيب محمد عادل على انها حقائق.

Quote: ماتخاف حنعمل ليك استثناء فى un او السفاره الامريكية او الكندية او الاسترالية الحته الماشى تعمل فيها لجوءحنقول ليهم الزول دا فى ناس كدا حرقو بيتو والى الان قضية بيتو ماشغال بيها الشئ التانى هو زول مثقف وبخاف على جمهور بتاع النت ومخاصة الجكس العامل ليهم فيها شكسبير الشئ التالت ياخوى انت خائف مالك من حكاية السفاره السودانية ماحنكلم ليك ابراهيم ادم ماتخاف ياحمور السويتو بايدك حيغلب اجاويدك وانا كلامك انت وكلام المطرطش ياسر طيفور مابهز فينى شعره انا عارف روحى شنو وامكانياتى شنو انا مابهتم بالنت زى اهتمامك انت لانو انا عندى سند قبلى وسند اهلى لكن انت سندك منو سندك الجكس بتاع النت

انت يا ود ما بتفهم ؟
ماقلت ليك أمشي جيب لي زول كبير اعرف اتكلم معاو




ـــــــــــ
يا ناس حزب الأمة لمن تجو البوست ده بالله اغشو لي الكلام البولد الفي كلام محمد ده.

Quote: تخريمة اهلو وين كانو لمن اتحرق بيتو ومالهم ماتابعو القضية بدلا عنه بدل مايخلو طاشى فى شوارع مصر من بستان لى بورصه واحيانا قاردن سيتى

يا ولد ما فاضي لقلة أدب فارغة معاك .. لو ما عندك كبير قول .

شكراً يا عمر.
سيكون من غير المناسب ان اقول هنا كم احترمك و الا سيبدو كلامي مبتزلاً كانه "سد موجب " لكلامك.

لكني سأجد السانحة التي اعبر فيها كم احترمك و كم سعدت بمعرفتك.

تحياتي يا احمد الامين ..
عشان كده انا ما طالبت محمد باعتذار او اثبات.
انا توجهت لمن اظنهم كبارو و من رأيتهم اول امبارح يسدون له النصح و الاوامر طالبا حقي منهم.
لكن لو عليهو براهو ما كان سألتو و كان ختيت يدي منو في الارض.

ثم ربما يكفيني عند من سيأتي في يوم و يقرأ هذه الاتهامات ان يجد اني طالبت بلا خوف اثباتها فاكتفى مطلقها بتكرارها و شتمي و شتم اهلي.
حينها ربما يعرف القارئ ان هذه الاتهامات لم تخرج الا من طفل لا يعي ما يقول.

Quote: يا محمد عادل الكلام ده عيب منك : حمور ياهو ده قدامك , رجاء صادق : : اهلو ديل خليهم !!

اقسم بالله العظيم يا خال انا اسف شديد اني عرضتكم للاهانة و قلة الادب دي.
والله العظيم ما عارف اقول ليك و لباقي اهلي الممكن يقرو الكلام ده شنو.
انا السبب انو يتقال فيكم كلام زي ده.




ــــــــــ
احمد و ياسر و محمدو عبد الله و باقي اولاد اهلي الاخدو اجازات من اشغالم و اشتغلو لي حرس و سواقين و خدامين في البيت لضيوفي ووقفو معاي اكتر مما كنت اتمنى .. سامحوني.
عارفك يا ياسر بتقرا في الكلام ده. جد انا اسف يا ود الخالة.

والله ياحمور غايتو يحلك الحلة بلة بس


ـــــــــــ
الموضوع في تقديري يتعدي حمور زيادة ويدخل في باب إغتيال الشخصية التي لطالما سارت بها الركبان في هذا المنبر
وعشان اختصر الموضوع هذا ماخرجت به من محمد عادل إثر ملاحقتي له لمعرفة (لشنو بسوي في البسوي فيهو ده؟)

Quote: هل فعلا دشن كتابك ناس السفاره وهل دعيتهم لذلك التدشين أم لا ولماذا يساندك الكيزان

وحمور نفي ذلك وذكر بالحرف الواحد انه دخل السفارة مرة واحدة
الآن ليس أمامك يا محمد سوي إثبات ما كتبت عن حمور وياريت برضو
تغشي لينا معاك أجوبة لتساؤلاتنا بخصوص ما كتبت برضو عن أمجد

Quote: رفيق الزنزانه والبوكس عمر عشارى انت من القلائل الذين احترمهم فى هذا المنبر لانك صاحب دعوه ولست من اولئك الذين يجاهرون بشئ لايفعلونه لك التحيه ياصديقى وخلينا نشوفك لانو بالجد اجمل ساعات قضيته معك فى باحة الفكر والثقافه كانت فى زنزانه القسم الشمالى

اجزم بان البكتب دي ما محمد عادل .. بالاخص المداخلة الفوق دي ...

الا اذا كان اتعلم الكتابة في المعتقل ... قال باحة فكر و ثقافة .....

حمور في زول فوق طالبك تعتذ رلنفسك و انا ايضا اطالبك تعتذر لنفسك .... كون انك تفتح بوست و تشتكي فيه محمد عادل دي كبيرة في حقك .... لانه بكل بساطة الما بحترم نفسه ما بحترم زول, بغض النظر عن سنه و ده بنطبق على محمد عادل ... و محمد عادل ما بخلي العبط البسوي فيه دي حتى لو اشتكيتو لمبارك المهدي

الابن العزيز محمد عادل

اتمنى الا تردد اي قصص غير مدللة عن انسان مهما كان
لان المصداقية مثل عود الكبريتتتخرش مرة واحدة..

اعرف انك غاضب اتمنى ينتهي الموضوع بينك وبين حمور بخير


الابن حمور

الاشاعات التي يكتبها الناس هنا من راسهم خطرة جدا
حيث للاسف الناس تصدق ما تقرأه في هذا البورد
ولذلك عليك بتفنيد اي كذبة اول باول

يجب ان نقف جميعا ضد الاكاذيب والاشاعات..ز

Quote: لانو انا عندى سند قبلى وسند اهلى لكن انت سندك منو

أها يا الحلبي أبو نخرة، قبيلتك دي بتفرق من قبائل السودان الآخرى في شنو؟

الجهلول ياسر طيفور
انت منو ياجاهل عشان تتكلم عنى وعن قبيلتى ياجاهل

جهلول مرة واحده كده؟
يا محمد جاهل انت اول خريج جامعي يمر عليّ لا يقدر أن يكتب إسمه -بلغته الأم- صحيحاً دون خطأ، لو ما قريت في مصر مثلاً؟
وثم ثانياً يا محمد جاهل، أنا لم أقل شيئاً عن قبيلتك يِّت، وبالمناسبة قبيلتك دي اسمها شنو؟
____
أعيد ليك السؤال تاني يا محمد جاهل:
يا أيها الحلبي أبو نخرة ماهو الفرق بين قبيلك والقبائل السودانية الأخرى؟

تحياتي ياحمور
كوادر الأحزاب بالمنبر- عموما- ما فيش قيود تنظيمية تربطها ومافيش حد وصي علي حد ! ومافي محاسبة تنظيمية رسميةهنا ... كل واحد يكتب مايراه وبحسب فهمه ومن يخطئ يفترض يتحمل هو وحده نتاج غلطه مع أنو رزاز الغلط مرات بيصيب تنظيمه ! تلاحظ ناس حزب الامة ديل مثلا في خلافات حادة ومؤسفة بين بعض رموز كوادرهم- بالمنبر - تفوق مابينك ومحمد عادل - ومع هذا لم يستطيعوا حسمها ! ممكن جدا أن تتداخل عناصر حزب الامة -بصفتهم أعضاء البورد - في" خلافك" مع محمد ويقولوا رائيهم سلبا أو إيجابا وممكن يفضل بعضهم الصمت أو معالجة الموضوع وراء الكواليس! ... بعدين يا حمور - القارئ ومتصفح المنبر دا بفترض أنو حصيف وفطن بقدر يميز ما يكتب
- من كتب الكلام ? هل هو عادة ما يكتب تحت تأثير الغضب والإنفعال
وردود الافعال أم لا ? هل هو فعلا يعني ما كتب ?
- هل هو دقيق في تصنيفه وكلامو عن الناس أم لا?
- وبرضو القارئ بشوف الطرف التاني - هل ممكن حقا - يكون بمثل ماصوره الطرف الاول ? هل ممكن تصدر منه تلك المواقف ? ....... - محمد عادل أخطأ في حقك خطأ يستوجب الإعتذار والإدانة........
-- توصيفك لمحمد عادل -غض النظر عن حقيقته - لا داعي( لكتابته !!) - وحقو تترك الحكم للقارئ
-- أبشر بطول سلامة ياحمور !
.......

لا أعلم ماذا ساكتب تحديدا ولكن ..
يا محمد عادل ..

يشهد الله انى ولسبب ما وهو معلوم عندى .. أعتبرك زول قريب .. ود حله .. ود جيران .. زول قريب ان كنت تفهم قصدى يا محمد .. واتابع تمرحل وعيك السياسي فى هذا المنبر والمتوازى مع صدقك فى التعامل المباشر مع الاشياء دونما تعقيد وبفطره أراها سليمه وان كانت تحتاج لبعض الصقل لتنأى عن بعض "الشتاره" والتى فى نهاية المطاف شأننا جميعا يا محمد ولكن .. ياخى ارجو صادقا مراجعة الخط العام الذى انتهجته مؤخرا .. فهو ضار جدا لانعكاسك جوه ناس تقدر الاشياء بحسب حالاتها والرجال حسب أحوالها.. وأتمنى صادقا اللا تهتم كثيرا بما كان نصيبك من تجربة الاعتقال وتوابعها .. وأن تنعتق منها يا محمد وأعرف تماما قسوتها..

حمور .. ياخى معليش
ومن واحد أهلو ختميه ..
كيف معاك ؟!!

حمور ياخوي..
من حقك تتخذ كل الإجراءات القانونية للتصدي للاتهامات المجانية ما دام محمد عادل لا عايز يثبتها لا عايز يعتذر عنها

بعدين أهلك ما أظن زي كلام محمد عادل دا يؤثر فيهم.. لأنهم أكيد عارفين عزهم و انت عارفو.. و أكيد فخورين بيك زي ما نحن فخورين بيك..

ياخ نحن كراهيتنا ما زادت للمصريين إلا بعد ما أخدوك مننا..

خلي روحك المعنوية عالية و يا جبل ما يهزك ريح

سناء
حمور من مكانو دا يقوم جرى يمشى المطار ويركب اول طياره ويجى السودان ويفتح بلاغ جنائى
عزاز انا مستعد لى اى شئ ونشوف الرصاص بضرب منو

Quote: رفيق الزنزانه والبوكس عمر عشارى

بس قولوا لي دي افوتا كيف
ههههههههههههههههههههههه

يا محمد عادل ... ردودك أعلاه
كومة غثاء، كِبر، بهتان، مكابرة، و اصرار على اطلاق الرصاص على قدميك...
اسلوبك هذا يا محمد عادل يسفر عن وجه خاسر أوحد: أنت.
____________



لا أعلم ان كان من الصواب تحميل اعضاء حزب الأمة في المنبر مسؤولية مناصحة محمد عادل،
او تحمل تبعات شتارته، ولكن البعض منهم انبرى في بوست مشابه بالدفاع عن محمد عادل بدعوى
ان الشيوعين و الشيوعيات و اصدقائهم ردموهو ردم ...

الآن الضحية محايدة، حمّور لا ينتمي لأي قبيلة سياسية .... شن الدبرة؟ شن العذر؟

أرجو أن يمروا من هنا وأشهد نصرتهم الحقة لأخيهم الذي يخطئ و يخطئ دون ان
يطرف له جفن!

Quote: لقد كتب أبوبكر صالح في أحد البوستات قبل أيام بأن الذى يكتب ليس محمد عادل الذى نعرفه فقلت لنفسي ان كان تخمين أبوبكر صحيحا فهذا يعني أن الذى يكتب حاول قدر الامكان الكتابة بطريقته ولكن الآن بدأت أتشكك بقوة ... وبدأت أميل لكلام أبي بكر.

الاعتذار للمناضل حمور زياده

جاوب على سؤالين عشان اخليك وتبطل جقلبه
هل فعلا دشن كتابك ناس السفاره
وهل دعيتهم لذلك التدشين أم لا
ولماذا يساندك الكيزان
وممكن نتصل بناس القاهره الشرفاء
لانو القاهره نفسها انقسمت لقسمين بعد ما وصل شكسبير

Quote: السويتو بايدك حيغلب اجاويدك وانا كلامك انت وكلام المطرطش ياسر طيفور مابهز فينى شعره انا عارف روحى شنو وامكانياتى شنو انا مابهتم بالنت زى اهتمامك انت لانو انا عندى سند قبلى وسند اهلى لكن انت سندك منو سندك الجكس بتاع النت

زماااااااااااااااااااااااااااااان طالبنا بكري بي منبر خاص بالأطفال علشان جنس دا ما نشوفو هنا

شكرا ميادة للمرور
( لكن أرجوك ما تمسي أهل محمد عادل .. انا جربتها منو لمن قال أهلي كانوا وين و حسيت اني غلطت في حقهم شديد اني عرضتهم لاستهتار و كلام فارغ. مهما بدر من محمد فأنا أثق انو أهلو ناس كويسين و لهم كل الاحترام و لا اظنهم قصروا في تربيتو و تعليمو. ظهور أثر التربية و التعليم يتحملها هو وحده )





ـــــــــــــــ
عباس يا صاحب ياخ الشوق شديد.
يا صديق انا كما عرفتني لا تغيرني الأيام ( يمكن دي صناجة و حاجة كعبة لكن أهو ).
لا تظن للحظة اني احمل خصومة تجاه محمد ( رغم ما حز في نفسي حين ذكر أهلي بالاستخفاف ) .. انا افقط اتعامل مع اتهامته على محمل الجد.
أما هو كشخص فالأمر مختلف. لذلك أنا لم اطلب منه هو اثبات او توضيح لأني مقتنع انه لن يستجيب لي ( كما هو ثابت حتى الان ) لذلك اتجهت لمن اظنهم كباره بحسب التجربة القريبة جدا حين دخلوا يمنعون عنه الشيوعيين و اصدقاء أمجد فريد.


ـــــــــــــــ

Quote: والله ياحمور غايتو يحلك الحلة بلة بس ـــــــــــ الموضوع في تقديري يتعدي حمور زيادة ويدخل في باب إغتيال الشخصية التي لطالما سارت بها الركبان في هذا المنبر وعشان اختصر الموضوع هذا ماخرجت به من محمد عادل إثر ملاحقتي له لمعرفة (لشنو بسوي في البسوي فيهو ده؟) Quote: هل فعلا دشن كتابك ناس السفاره وهل دعيتهم لذلك التدشين أم لا ولماذا يساندك الكيزان وحمور نفي ذلك وذكر بالحرف الواحد انه دخل السفارة مرة واحدة الآن ليس أمامك يا محمد سوي إثبات ما كتبت عن حمور

تعرف يا خضر يا صديق منهج الزوغة من اثبات التهم و التهديدات لاعادة صياغتها في شكل استجواب مطلوق ساي ده شي يشبه العقلية البعرفا ( و اظن الجميع يعرفها ) عن محمد عشان كده ما وجهت ليو البوست نهائي.

لاحظت انت انه يعيد صياغة اسئلة تم الاجابة عليها ضمناً ..
لكن ألفت انتباهك الى الوضع المعكوس بتاع ان تصبح التهمة المطلوقة ساي شبهة تحتاج انت ان تجيب على استجواباتها.
س : هل دشن كتابك ناس السفارة ؟
ج : لأ ما حصل
س : هل انت متأكد ؟
ج : نعم متأكد جدا.
س : هل تستطيع ان تثبت ذلك ؟ لماذا تقول لا بدون اثبات ؟
ج : كيف اثبت انه لم يحدث ؟
س : طيب عفيناك .. هل لك دور في اغتيال جون قرنق ؟
ج : لأ
س : ما هو دورك في انقلاب الانقاذ ؟
ج : لا شيء. شخصياً كنت نائماً صبيحة الجمعة حين ايقظتني امي لأن الراديو اذاع ان هناك بيان هام.
س : هل تستطيع ان تحدثنا عن علاقتك الشخصية بنافع علي نافع و رسائل ال sms المتبادلة بينكما ؟
ج : لا توجد علاقة أصلا.
هكذا الى ما لا نهاية يمكن ان تتوالد الاسئلة الاتهامية التي لا يوجد لها سند او منطق.

شخص لديه اتهام كتبه بوضوح و كرره بثقة .. بدل ان ينشغل باثباته يجلس بذكاء ليقول لك : هل حدث كذا ام لم يحدث ؟ هيا أجب.هل تنكر ؟

كأن المنطقي أن انفي أنا بدل أن يثبت هو.
ياخ و الله دي حاجة غريبة شديد.


ـــــــــ
يا ناس حزب الأمة اما فيكم من يقول كلمة لولدكم ده ؟
( لاحقاً سأقول لماذا اعتقد ان حزب الأمة بالبورد متضرر بما يفعله محمد )

Quote: حمور في زول فوق طالبك تعتذ رلنفسك و انا ايضا اطالبك تعتذر لنفسك .... كون انك تفتح بوست و تشتكي فيه محمد عادل دي كبيرة في حقك .... لانه بكل بساطة الما بحترم نفسه ما بحترم زول, بغض النظر عن سنه و ده بنطبق على محمد عادل ... و محمد عادل ما بخلي العبط البسوي فيه دي حتى لو اشتكيتو لمبارك المهدي

أقسم بالله يا الفاروق أنا ما تخيلت أن اكتب في هذا البوست اكثر من مداخلتين او ثلاثة ثم يكفنيه ( البوست أعني ) عضوية حزب الأمة بالبورد بأن يستلموه و يطالبو محمد ده باثبات اتهاماتو او سحبها و الاعتذار عنها.
لم يدر باسوأ كوابيسي ان احتاج لبذلك كل هذه الكتابة و الردود.
كنت أظن الاخوة من الحزب الذين معنا هنا سيهتمون بسماع "استجارتي " بهم و "تفويضي " لهم لجلب حقي.
لأنهم هم من لا تحوم حولهم شبهة خصومة مع محمد او محاولة اغتيال شخصيته.
حين تكتب له لنا مهدي و محمد حسن العمدة و عبد المجيد الكونت و عمر فضل المولى و غيرهم ان ما كتبته اتهام و اشانة سمعة اثبته او اعتذر عنه لا يمكن ان يفهم عاقل أنهم جاملوا حمور زيادة على حساب ولدهم.
كنت أنتظر ذلك بدل ان ياتي اصدقاء لي او اقارب و اعضاء احزاب اخرى.

اعتقد اني ساكون محتاجا للاعتذار لعضوية حزب الأمة بالبورد عن طلبي الذي اظهر موقفهم السلبي تجاه ما يلحق بي من ولدهم ده.
هذا الولد الذي حين رد عليه الشيوعيين قالوا انها محاولة لاغتيال شخصيته.
وحين شتم الحزب الشيوعي دخلوا عليه ناهين.
لم يتعاملوا على اساس ان محمد مسئول عن ما يكتب .. رغم انه كما قال عقلاء ان من يظن ان التنسيق بين الحزبين سيتأثر بما يكتب محمد واهم.
لكن انا اقول ان سمعتي تتضرر بما يكتب محمد عادل.
أفلا أستحق نصرة عضوية حزب الأمة و انا اتجه إليهم بضرري ؟


عموما اظن ان للناس مشاغل و الجمعة يغيب عدد من الناس عن البورد. فصبراً ليوم جديد.

Quote: اتمنى الا تردد اي قصص غير مدللة عن انسان مهما كان لان المصداقية مثل عود الكبريتتتخرش مرة واحدة..

اعتقد يا د. بيان انو عود الكبريت احترق .. بل العلبة كلها و الله أعلم.
شخصياً كنت أصدق الاخبار التي يجيء بها محمد احيانا و اقول ان له مصادره.
لكن بعد جربت في نفسي لا يمكن ان اصدقه مرة اخرى.
واظن غيري سيفقد ثقته ايضا في هذه المصداقية بعد ما حدث لي. فقد قيل " السعيد بيشوف في غيرو ".
اما انا "الشقي " فقد شفت في رقبتي و اتعلمت بالطريقة الصعبة انو محمد لا مصداقية له و يكتب أي كلام.

يا ياسر طيفور يا صديق ..
دعه هناك و لا تنزل له.
ارجوك.

تحياتي يا كمال ..
لعل في ردي على الفاروق اعلاه و كلام عزاز شامي يوضح لك لماذا توقعت تداخل اعضاء حزب الامة.
كما اكرر اني توجهت اليهم لأنهم وحدهم تربطهم العلاقة الحسنة بمحمد و تغيب عنهم تهمة التحامل حين يطالبونه بحسم ان يثبت كلامه او يعتذر عنه.
محمد الان يمكن ان يرد على كل من في هذا البوست نفر نفر و يسمعم اي فارغة ( لاحظ كيف حيا أمين في سطر ثم استخف به و بقية اهلي في السطر التالي ) لكنه لا يمكن أن يفعل ذلك مع لنا مهدي لأنه لن يظن للحظة انها تتداخل بأجندة مع/ضد.

مسألة ان اتهامات محمد تترك للقارئ الحصيف هذه تقديرية يا كمال.
فكما قلت سابقا الكذوب قد يصدق.
يمكن ان يتجاهل القارئ شتائم محمد .. لكن اظن من الصعب ان يتجاهل اتهامات محددة و واضحة خاصة ان صمت عنها انا و لم اطالب باثباتها.

ذكرت في البوست هنا في مداخلة سابقة ان قارئ ارسل لي مشكورا مواسيا ان كلام "احمد عادل " كما سماه لن يغير رأيه فيّ لأن دخول السفارات ليس عاراً.
ولعلك تلاحظ اني تضررت من اشياء لا خلاف فيها انها ليست عيبا .. ما المشكلة ان اطلب اللجوء الى امريكا و انا عندي مشكلة في السودان باعتراف محمد نفسه ( رغم انه ذكر المشكلة مستخفاً ) .. المشكلة اني لم أفعل ذلك فلا اقبل ان يُنسب إليّ ما لم أفعله.

لعل كلمة الحق الوحيدة التي قالها محمد هي اني اخاف على صورتي في سودانيز.
وهو حق و طبيعي.
كيف لا اخشى من تشوية صورتي و سمعتي و اشاعة اكاذيب عني في وسيط اعلامي ناجح كسودانيز ؟
يقرأ هذا البورد ملايين. يهمني ان لا يسمعوا عني اكاذيب.

Quote: حمور .. ياخى معليش ومن واحد أهلو ختميه .. كيف معاك ؟!!

خليك قريب يا ودالمشرف ..
ان لم ينصرني حزب الامة على فتاهم ربما اعرض نفسي في بورصة الانتماء السياسي.
الحزب اليجيب لي حقي انضم ليو.
طبعا أهلي الختمية ليهم شروط تفضيلية.
انتو و الليبرالي و ناس حق شروطكم براهم.
للأسف طبعا الكيزان سيتم حرمانهم من المزاد لأنو التعامل معهم هو جزء من التهم الموجهة.

شكراً يا سناء.
تسلمي يا اختي العزيزة.




ــــــ
يا بصاص ياخ و الله البيضحك كتير خلاص.
غايتو الله غالب.

Quote: لا أعلم ان كان من الصواب تحميل اعضاء حزب الأمة في المنبر مسؤولية مناصحة محمد عادل، او تحمل تبعات شتارته، ولكن البعض منهم انبرى في بوست مشابه بالدفاع عن محمد عادل بدعوى ان الشيوعين و الشيوعيات و اصدقائهم ردموهو ردم ... الآن الضحية محايدة، حمّور لا ينتمي لأي قبيلة سياسية .... شن الدبرة؟ شن العذر؟ أرجو أن يمروا من هنا وأشهد نصرتهم الحقة لأخيهم الذي يخطئ و يخطئ دون ان يطرف له جفن!

تحياتي يا عزاز يا ضو الشمس.
بس اؤكد اني لا احمل اعضاء حزب الأمة تبعات اي كلام لمحمد.
هو مسئول عن ما يقول تماما.
لكن اضيف على كلامك انو انا توجهت ليهم قاصدا " الأخلاق " و حصر تبعات الموضوع في اضيق نطاق.
فما بينهم وبين محمد عامر كما شهدنا مؤخرا و كما نعلم عموما فهم وحدهم لن يتهموا بالتحيز لحمور زيادة.

انا لا أطلب منهم محسابته تنظيميا ..
ولا اطلب منهم ان يمسكوهو مني كما فهم هو ..
انا اطلب منهم ان يطاردوه و يضغطوا عليه ليثبت اتهاماته او يعتذر عنها. فهم وحدهم لن يتهمهم احد بسوء القصد او محاولة اغتيال شخصيته او الانحياز.
هم اكفأ من يقوم بهذا الدور الأخلاقي في هذا البورد لأن الاستقطاب السياسي و الاجتماعي الحاد يجعل الاشياء تختلط احيانا.
لكن لا مجال لاختلاطها في حال تولى اعضاء حزب الامة بالبورد هذا الدور.





ــــــــــ
من المهم ان اضيف هنا ان حزب الامة يخسر بما يفعله محمد مصداقية صوت عالي من اصواته في المنبر.
او للدقة اقول : خسرها.
ده واحد صوت راح و غاب عن معركة معارضة/حكومة المقدسة التي طالبوا الناس بالصمت ليخوضوها.
فبالتالي يفترض ان القضية السامية التي يؤمنون بها خسرت مصداقية أحد اجنادها بكل لحظة يعجز فيها محمد عن اثبات اتهاماته او هروبه من الاعتذار عنها.

تحياتي يا عاطف ..
ياخ الرابط الجبتو ده فيو زيادة أكاذيب عني بطريقة تثير الدهشة ..
هذا المقتبس مثال :

Quote: الجبيب عبدالله والله انا محمد عادل الذى اكن كل الحب والاحترام لجميع الاحباب هنا ولكن هناك افراد لى معهم خلاف ووصل لمرحلة الاتهامات وبرجاء من الاحباب قررت عدم التداخل فى تلك البوستات ولكن هناك من يعتبر نفسه وصى فى هذا المنبر شغال يصول ويجول وينظر فاكر نفسو شكسبير هذا الزمان وتقول عندو حق الفيتو تهبشو يقوم يجرى ويكوريك ياناس حزب الامه عوووووووووووووك الحقونى امسكو منى محمد عادل فحين انو انا محمد عادل ماهبشتو وماسالتو ولكن اطار الصداقه التى تجمه بذلك نصب نفسه ذلك بعد شوية مسك شحن موبايلو رصيد وقعد فى البورصه ولا فى كازينو من الكازينوهات ماخلى زول فى امريكا او السعودية الا قال ليهم محمد عادل بشين فى سمعتى وجو ناس ناطين محمد عادل اشتراهو ناس الامن محمد عادل ادى حسابو لى ناس الامن ناس الامن انا قعدت معاهم 18 يوم وكان معاى عدد كبير من الاحباب فاليسالوهم هل محمد عادل يشترى هو انا مشترونى حر طليق ابيع نفسى اسير واشكر جميع من وضع صورى فى صفحتهم الشخصية وجميع من طالب باطلاق سراحى وهم الان يبتذونى بهذه الاشياء ان كانت هذه الاشياء من ناحية انسانية فجزاهم الله خير لو ما انسانية انو الانسان يمشى على هواهم الشخصى فبرضو جزاهم الله خير معا جميع للتغيير معا جميعا ضد سياسة الحزب الواحد نعم للحرية وللديمقراطية وللعداله

يعني بعد اتهامي بالنفاق اني اتعامل مع السفارة ثم اكتب في البورد مدعيا النضال .. ثم الكذب بحقي اني احاول البحث عن لجوء .. ثم تهديدي باخراجي من مصر .. هاهو يزيد اكاذيب باتصالي باشخاص في امريكا و السعودية شاكياً منه. ( و هو ما اؤكد انه لم يحدث قط و اتحدى ان يسمي شخص واحد في أي مكان من هذا الكوكب و يثبت اني اتصلت به شاكياً. المكالمة الوحيدة حول هذا الأمر جائتني من أمين خالي مواسياً بعد ان كتب محمد مستخفاً بأسرتي ).


يا ناس حزب الامة اخشى انكم لحدي ما تخشو لي البوست ده بكره يكون محمد عادل اتهمني اني ما ود أبوي.


ـــــــــــــ
معقولة الود ده شايف كل كلامو ده انو بس "هبشني " ؟
معقولة ما قادر يشوف انو كضب و اساء و هدد و اشان سمعتي ؟
ده كلو هبش بس ؟


شايفو في نفس البوست اعترف انه تسبب لميادة بمشكلة في شغلها و هددها

Quote: مياده انتى عارفه قبل كدا جبت ليك هواء فى الشغل المره دا بلحقك امات طه

هكذا يكون المرء عدو نفسه.

من المهم ان انقل من الرابط الذي جلبه الزميل عاطف اعلاه هذه المداخلة للزميل بهاء عيسى ..

Quote: Quote: حمور قال ما خشي السفارة الا مرة واحدة برفقة بهاء عيسي كلام حمور صح وتدشين كتابه الاخير كنت حاضره انا وحبيب نورة واحمد موسي وبورداب كمية

شكرا بهاء على الشهادة.
حضر التدشين من البورداب :
بهاء عيسى
حبيب نورة
نهلة محكر
عمر عثمان
ياهم يا بهاء وله في زول تاني ؟

و لسه تزيد الاتهامات ..

Quote: جاوب على سؤالين عشان اخليك وتبطل جقلبه هل فعلا دشن كتابك ناس السفاره وهل دعيتهم لذلك التدشين أم لا ولماذا يساندك الكيزان وممكن نتصل بناس القاهره الشرفاء لانو القاهره نفسها انقسمت لقسمين بعد ما وصل شكسبير

حتى الان حمور زيادة متهم بالاتي من محمد عادل :

1- يتعامل مع السفارة السودانية و يدشن كتابه بها و ياتي للبورد دعيا النضال
2- دوش البورد بحريق بيتو و خلاهو جرى مصر يفتش لجوء
3- اتصل بالناس في امريكا و السعودية يشكو محمد عادل
4- حمور زيادة يسانده الكيزان ( شبهة حول حمور زيادة تحتاج اجابة منه )
5- تسبب في انقسام القاهرة

وفوق البيعة التهديد بالاخراج من مصر.

يا جماعة داير لي زول كبير و عاقل ( حبذا من حزب الأمة ) يتولى عني و عن الاخرين الزام محمد عادل ايراد ادلة على هذه الاتهامات.
سمعتي ليست سبيلاً للغاشي و الماشي.

لا يؤسفني يا ابوحسين كلام الاطفال قدر صمت الكبار

Quote: يا حمور محمد عادل اسمو بيكتبو غلط، تفتكر في إنسان عاقل ممكن يأخذ بكلامه؟

هذا هو الكلام المفيد يا حمور. مولد سيدى البدوى العملتو ده كلو ما كان فى ليهو داعى. يا راجل مش عيب عليك تقول ان سمعتك ممكن يهددها محمد عادل؟ ليه؟ انت قايلو وائل غنيم؟

Quote: ودا كلام جادى جدا ياحمور ود اخت المفكر أمين.

يا بلة موسى - محاولتك اسباغ لقب مفكر على امين نوتة واضح انها محاولة غير بريئة. انت تعلم تماما ان سودانيزاونلاين عندها "مفكر وشمعة منيرة" واحدة فقط. ولهذا ارجوك ان تتوقف عن محاولات اشعال الفتن. وقديما قيل: المركب العندها مفكرين بتغرق.

يا محمد عادل..بطل لولوة وزوغان وابقى قدر كلامك
تجي هنا دة تثبت اتهاماتك دي ...
ما دفاع عن حمور لانو حمور معروف هو شنو واحترامو لنفسو وللآخرين واضح
لكن بس عشان تتحدد مع الزيك ديل البيكتبو ساااااااااي من اجل الكتابة
هسه ما بتخجل من روحك؟ مالك ومال اهل حمور ومال بيتو الاتحرق ؟
ومالك ومال انو حيقدم لامريكا ولا الواق الواق؟
انا بطالبك تجي تثبت الكلام دة حماية لنفسي من الزيك قبل دفاعا عن حمور
شجاعتك الفالقيننا بيها دي تعال اثبتا هنا...
ثم شنو قصة تعال اركب طيارة يا حمور افتح فيني بلاغ.. إنتا يا محمد عادل قايل انو لسانك صعب يبلعوا ليك؟
ولا قايل حمور ملاوذ منك؟
امسك كيبوردك ده عليك وباقي مروتك دي كملها في يوم 21 مارس
ما تقعد تنطط وترغي وتزبد..
هم تلاتة اسئلة جاوب عليها..
ما قادر تثبت.. قول ما قادر ..

Quote: د كتب أبوبكر صالح في أحد البوستات قبل أيام بأن الذى يكتب ليس محمد عادل الذى نعرفه فقلت لنفسي ان كان تخمين أبوبكر صحيحا فهذا يعني أن الذى يكتب حاول قدر الامكان الكتابة بطريقته ولكن الآن بدأت أتشكك بقوة ... وبدأت أميل لكلام أبي بكر.

والله يابكوري البقيت تنظر في قلةادب الناس
عالم عجيب
المضحكني انه الشيوعين يلمعوا فتاهم قليل الادب الكذاب
عشان يصفي حساباتهم ويخلعوا عليه الالقاب ويجو اسع ياسككو محمد عادل البعمل نفس الحاجة
لصديقهم
الى ان تتوقف قصة كومي وكومك وكومو المنبر دا ما بتعدل

طبعا الكويسة في الموست دا ونداء حمور عرفنا انه اعضاء حزب الامة براقبوا سلوكيات بعض ويراجعوها

ما ذي الشيوعين يدعموا ويايدوا الاكاذيب و الاتهامات الباطلة في الاعراض والذمم..

ودي بتوري الفرق بين حزب الامة و شلة الشيوعين
في المنبر

واتمنى محمد عادل يتعذر عن القصص غير المدللة
بكدا يرفع قومه للسماء

اميره الشيخ
هل تعلمى انى بطنش انى ما ارد عليك عشان اشياء كتيره
وعلى قول ام كلثوم للصبر حدود

الاشياء الكتيرة دى كويسة ولا كعبة يا محمد عادل ?.....
غايتو التطنيش مرات بكون كويس ومرات لا..لكن هو خليت النذير حجازى وحبيب نور والمحتفى به حمور ذات نفسو يشمتو فينى ..الله يسامحك ...

محمد عادل حمور قال ليك مادخل السفارة ولا شافه وانت قلت مشى ودشن كتابو هناك ..
والله لو اثبت دى انا بفتح ليك بوست اعتذار واطالب حمور برضو ١٥ بوست اعتذار

يا محمد

أعتقد أنك تعرف تماما معنى التهم الكاذبة..
و الدليل إعتراضك على من يقول أنك بعت الباسورد و إشتروك و كذا.
كيف ترضى للناس ما لم ترضاه في نفسك؟..هل هذا شيئ تعلمته في أنصاريتك؟
أم أدبيات حزب الأمة القومي؟
قبل أن نستسهل إطلاق التهم يا محمد و قبل أن يشكوك لكبارك الرجاء أن تضبط خطابك
و لا تضيع (نضالك) و تعرضك للضرب و الإعتقال في المظاهرات .. لا تضيع مجهودك بالمن و الأذى !
أمبارح قالوا بعت باسويردك في المعتقل.. لو فتحنا باب الإتهامات لن تتوقع
ما قد يقال عنك..
التريث زينة يا محمد و الحلم من أخلاق الرجال..
أما الكذب و التخرص فليس من أخلاق الرجال و لا النساء ..
إبحث أنت عن أخلاق من تكون!

---------

حمور .. جيت تكحلها عميتا ياخ

Quote: يا حمور محمد عادل اسمو بيكتبو غلط، تفتكر في إنسان عاقل ممكن يأخذ بكلامه؟ هذا هو الكلام المفيد يا حمور. مولد سيدى البدوى العملتو ده كلو ما كان فى ليهو داعى. يا راجل مش عيب عليك تقول ان سمعتك ممكن يهددها محمد عادل؟

تحياتي يا عبد المحسن ..
محمد عادل انا عارفو و انت عارفو و غيرنا هنا عارفنو و اكيد في قراء عارفنو .. لكن ف الاخر لا اقدر ان اراهن على انو اي زول بيقرا البورد ده عارف محمد زي ما نحن عارفنو.
ما بخلي سمعتي عرضة لزول ما عارف حقيقة محمد او لزول يحاول يستعمل ضدي في اي لحظة اكاذيب محمد لغرض في نفسه.

أهلنا في البلد بيقولو البحر بيسدوهو في الضيق.

Quote: يا محمد عادل..بطل لولوة وزوغان وابقى قدر كلامك تجي هنا دة تثبت اتهاماتك دي

شكرا يا سارة ..
محمد ما رضاهو اني ادخل بوستو البيتهم فيو امجد فريد انو امنجي .. كيف و كيف اعترض على اتهامو الكاذب لزول هو زعلان منو انو امنجي .. قام لصق لي انا زاتي.
فالسعيد يشوف فوقي.
يا ناس محمد عادل بيعلمكم كان شفتوهو بيتبلا على زول اوعو تخشو تقولو النصيحة عشان ما يتبلا فوقكم.

تحياتي يا د.بيان..

Quote: طبعا الكويسة في الموست دا ونداء حمور عرفنا انه اعضاء حزب الامة براقبوا سلوكيات بعض ويراجعوها

تراني منتظر يا دكتورة.

لكن بعد اذنك يا دكتورة مداخلتك في بوست محمد عني عندي عليها تعليق ارجو انك تسمحي لي اعلق عليها هنا ..

Quote: المنبر دا فيه من قلة الادب ما يقلبه والناس بتسكت عشان الشغل شغل اكوام وشغل اصحاب وكومي وكومك وكومو ارفض اي اشانة سمعة وكذب بأطلاقها اذا محمد عادل دا ما متشاكل مع حمور كان حيلاقي نفس المصير؟ الشللية مرفوضة وكونكم تتلموا كووووووووولكم ضد محمد وتسخروا منه فقط عشان قال لحمور ما قاله بعد ان تدخل حمور لصالح امجد المبنر بقى كلو شغال شبير شد قام بجماعتو وقعد يجماعتو من سنين في المنبر دا بتنزل القوائم بتاعة الكيزان والامنجية كيدا من الشيوعين وبيكذبوا ويالفوا القصص في الناس وفي عروضهم وفي ذممهم ليه اسع بقت حارة لما هبشتكم في صاحبكم؟ المبادي لا تقبل التجزئة ابدا لو الناس وقفت وقفة رجل واحد ضد الاتهامات المجانية لما تحولت الى سلاح الان .. الابن محمد عادل اتمنى ان تسمع ما اقوله لك لاني بالجد حريصة انه يطلع لينا شباب ممتاز يقدر يشيل الراية انت انسان نشط ولك مستقبل وقدامك درب طويل اتمنى يا محمد تعتذر لانك يا محمد قلت كلام ما صحيح في لحظةغضب ما تعتذر لحمور في شخصه اعتذر لانك جبتا معلومة ما صحيحة ودي الطريقة البتجمر بيها الدهب مزيد من النار حتى يكون لدينا قائد ممتاز صبور وحكيم.. والبقية ناس كومي وكومك وكومو ارفعو ايديكم عن محمد عادل الاخ ياسر عبارة الحليبي ابو نخرة مرفوضة تماما وحاجة ما لائقة ابدا والله في حقكم جميعا

محمد عادل ما متشاكل معاي يا دكتورة .. محمد عادل قاعد قدام كمبيوترو و يلصق لي في الاتهامات و بيشين في سمعتي.
دي ماها شكلة.
والناس البتتكلم دي ما شلتي و لا اظنهم بيتكلمو عشان اصحابي .. انت نفسك يا دكتورة تداخلتي اكتر من مرة و غلطتي محمد .. هل عملتي كده عشان الحق وله عشان انت من شلتي ؟
تشكيكك في نوايا الناس البيردو على محمد انهم بيردو عشان هم شلتي قريب شديد لكلام محمد اني ضربت للناس تلفونات. فهم يا يتحركو بطلبي يا يتحركو عشان شلتي.
برضو قصة اني تدخلت لصالح امجد دي ما سليمة ابدا يا دكتورة.
يعني عشان امجد صاحبي مفروض ما اقول كلمة حق في حقو عشان ما تتفهم اصحاب اصحاب و تدخل لصالحو ؟
امجد مش فتح بوست لكلامك انت عنو ؟ ليه ما تدخلت لصالحو ؟
مش جاهو محمد عادل عاد كلامك و خلق معاو مشكلة من مافي ؟ ليه ما تدخلت لصالحو ؟
انا تدخلت لصالح الحق لمن تجني محمد وصل حد المهزلة و اتهم امجد بانو امنجي.
كدي شوفي الرابط ده

Re: اتحمل..كل تبعات ما اكتب..كيف استولى ود الباوقة على مزرعة..ص م.فى بترى؟

هل انا تدخلت لمصلحة ود الباوقة ؟
ود الباوقة ما صاحبي بمنطق انو النصرة مفروض تكون للصاحب.
الفرق شنو بين تدخلي عشان اقول لمن اتهم ود الباوقة عيب و بين اني اقول لمن يتهم امجد انت غلطان ؟
تصويرك اعتراضي على اتهام امجد على اتو تدخل لصالح امجد ما مقبول يا دكتورة و اتمنى تراجعي نفسك فيو.

طلبك لمحمد انو ما يعتذر لي في شخصي ده ما فهمتو و الله.
لكن للضمان كده انا ما طالب الاعتذار ..
انا اصلا طالب الاثبات .. في حالة العدم عايز الاعتذار لشخصي و ما ساي كمان .. اعتذار و معاو شرح مسبب انو ليه قال كده.
عشان ما يكون في احتمال واحد في المليون انو كان كلامو صاح لكن بس في الاخر حب يطفي المشكلة فاعتذر.

يثبت و يجيب دليلو .. غلبو يعتذر و يشرح بوضوح كضب ليه.

و اتمنى انو اخوانا في حزب الامة يقدرو يحققو لي الطلب الصغير ده






ــــــــــــ
حاجة اخيرة يا دكتورة ..
بكري علوم ده ما دخل البوست ده .. فرجاء ما تعصري عليو هنا.

Quote: محمد عادل حمور قال ليك مادخل السفارة ولا شافه وانت قلت مشى ودشن كتابو هناك .. والله لو اثبت دى انا بفتح ليك بوست اعتذار واطالب حمور برضو ١٥ بوست اعتذار

والله يا أميرة انا في الموضوع ده اتحدى من محمد ده مرورا بالسفير لحدي وزير الخارجية زاتو انو يقدر يثبت تهمتو الباهتة دي.
موضوع انو يقعد يلف و يدور من يوم الخميس في الكلام ده و يجدعو بطريقة " كدي تعال ورينا " بتاع انا عارف حاجة اكسر بيها عينك دي ما بتاكل عيش معاي.
كضبو ده يتلف و ياخد بيو فوق دقنوسو ده عشان تاني ما يكررو.
لكن عشان ما يتقال انو دي شلليات و ده استهداف لبطل قومي او انو دي محاولة لاغتيال شخصيتو عشان كده انا مستجير بعضوية حزب الامة تجي تعصر عليو تخليو يثبت كلامو ده.
على الاقل حرصا على مصلحة الوطن ياخ و كشف المنافقين الزيي.

Quote: أما الكذب و التخرص فليس من أخلاق الرجال و لا النساء

الغريب يا سعد الدين انو من يوم الخميس انا بطالب بالاثبات عشان ما يطلع كذاب.
لكن هو مصمم يطلع روحو كضاب بالباب.

غايتو ساعة اقنع من حزب الامة و اقنع من انو محمد براو يجيب اثباتو ياني المسيرو بمحمد الكضاب دي لامن خشم السيرفر.
غايتو لامن هسه منتظر حزب الامة يقنعو يثبت اتهاماتو دي.

Quote: طلبي لا يكلفهم الا الكتابة لمحمد عادل ناصحين او آمرين كما حدث من قبل. لا طالب اعتذار من حزب الامة لا محملم بلاويهو. حزب الامة اكبر من محمد و اكبر من سودانيز اون لاين.

فهمته عليك ياحمور :) وبتمنى من كل زول بهمو محمد عادل (حزب أمة أو غيرو) يقيف معاهو ويحاول يوقف عمليتو الإنتحارية دي فهو حاليا المتضرر الأول من كتاباتو

Quote: فهمته عليك ياحمور :) وبتمنى من كل زول بهمو محمد عادل (حزب أمة أو غيرو) يقيف معاهو ويحاول يوقف عمليتو الإنتحارية دي فهو حاليا المتضرر الأول من كتاباتو

تسلم يا مورتا ..
وانا ارفض ان يقوم شخص بعملية انتحارية مفجراً نفسه فيلطخ سمعتي باشلاء منه.
ينتحر هو حر .. لكن ما يطرطش في سمعتي.

يوســخ البنطلون بتاعي ليه ؟

حمور بدل قلة الادب بتاعتك وفلسفتك فى المنبر تعال نتلاقى راجل لى راجل
فى قهاوى وسط البلد او اى زقاق فيهو او وصف لى شقتك وانا اجيك

Quote: حمور بدل قلة الادب بتاعتك وفلسفتك فى المنبر تعال نتلاقى راجل لى راجل فى قهاوى وسط البلد او اى زقاق فيهو او وصف لى شقتك وانا اجيك

يا جماعة زول يفهم الود ده اني داير اتكلم مع ولي أمرو ياخ.
هو ما عندي معاهو كلام ..
عاوز يتكلم يقوم يتفضل و يتعطف انو يثبت اتهاماتو و يكب أدلتو عليها هنا ده.

أمـا آن لهذا البوست أن يترجـل!
يا أخي الكريم حمور: هل تعتقد أن ما قالته لـنا يحتاج لتعضيد لأنها امرأة؟
الله يـهدينا جميعا..

Quote: يا أخي الكريم حمور: هل تعتقد أن ما قالته لـنا يحتاج لتعضيد لأنها امرأة؟

???????????????????????
???????????????????

الاخ الأديب الحبيب حمور
اتضامن معاك بحرارة شديدة والله

أخوي العزيز حمور
ما لهذا ندخرك ،،

إحتسب يرحمك الله
عشان خاطرنا والأميرة لنا.

تحياتي وسلامات الأخ محمد عادل
أتاح الله سبحانه وتعالى لك في الواقع وفي الأسافير فرصاً لم تتح لكثيرين ممن هم في سنك
فرص الواقع تمثلت في إحتكاكك وقربك من قيادات واحد من أكبر أحزابنا السياسية ونشاطك اللافت فيه
وفي الأسافير عضويتك لواحد من أكبر المواقع الأسفيرية ونشاطك أيضاً اللافت فيه وتقبل الناس لك
دخلت موقع سودانيزأونلاين بعاصفة غير مسبوقة إضطر الأخ هشام شيخ الدين باعتباره من زكاك للأخ بكري بتغيير الباسوورد الخاص بك مما يعني أنه قد حرمك من التداخل . وقف معظم الناس في صفك وخطأوا - من حيث المبدأ - الأخ هشام ( رغم نواياه الحسنة ) فلم يكن حسب تبريره يريد أن تنسب فعايلك له . ووجد لك الناس وقتها عذراً بصغر سنك .
قلت أنك على استعداد لتحرق نفسك قرباناً للثورة السودانية القادمة فتدافع الناس ليخلصوك النصيجة ويصدقوك القول بأن هذا الفعل مناف لقيمك وقيمنا الإسلامبة غض النظر عن نتائجه السياسية .
إعتقلت فتدافع الناس مطالبين بالإفراج عنك مع زملائك المعتقلين بل ووضع كثير من الأعضاء صورتك الشخصية عنواناً لهم في بروفايلاتهم . ولم يأبه الناس لكون هذا التدافع والتضامن قد يدخلهم ضمن قائمة رصد الجهات التي اعتقلتك .
تم الإفراج عنك فتدافع الناس للتهنئة والمباركة والإشادة
ألا يسهم كل ذلك في أن تقف مع نفسك وتراجع خطواتك وتستفيد من كل هذا الذي أتيح لك وتتعلم من مواقف الناس ؟؟؟
أوردت كلاماً اعتبره الأخ الأستاذ حمور زيادة ماساً بسمعته ومضراً بمصداقيته ( حمور - أو أى شخص في مكانه - يكون الأدرى بتقدير الضرر الواقع عليه )
كل الذي طلب منك إثبات ما أوردته أو الإعتذار عنه
جاءك إخوانك وأخواتك ناصحين ، فبدل أن تسمع لهم وتلعن شيطان العناد أراك تزداد إمعاناً في الخطأ
أقول لك صادقاً إنك هنا لا تخطئ في حق حمور وحسب
بل قبله تخطئ في حق نفسك فلم تصن النعمة التي أنعم الله تعالى بها عليك
وتخطئ في حق أخوانك وأخواتك الناصحين لك

والله من وراء القصد

شكرا يا طلحة.
والله ياهو حالي يستحق التضامن ..
ما بين اشانة السمعة من محمد و تجاهل عضوية حزب الأمة ( طبعا الا لنا التي لا تتأخر )

Quote: إحتسب يرحمك الله عشان خاطرنا والأميرة لنا.

و نعم بالله يا احمد ..
لكن صعب و الله
انا احتسبت في البداية تهمة السفارة و قلت معليش عشان خاطر الكونت.
لكنو جا راجع تاني عشان يزيد الاتهامات و يلمح تلميحات اضافية و شايف انها جابت ليها تهديد .
حاليا كتب هو انه تعرض لضغوط ليعتذر.
وانا لا اطلب الا ان يوضح ان ما كتبه سابقا لم يكن صحيحا و اني برئ من كل ما نسبه إليّ.
عشان ما يردد زول كلامو ده ولا هو يكررا.

شكرا يا عاطف للكلام الموزون.

الاخوة في حزب الامة القومي ..
كتب محمد :

Quote: بناء على طلب الاميره لنا مهدى والحاحها الشديد على الاعتذار فانا اعلن اعتذارى التام للحبيب حمور زياده على مابدر منئ تجاه لحظة غضب واعتذر لجميع اسرته على مابدر منئ واقحمتهم فى هذا الموقف والاعتذار للحبيب الخال امين محمد سليمان ولقد كانت لحظة غضب لحظة شيطانية وزالت والعفو عند المقدره ودعونا نتفرغ للمعركه الكبرى

وبما ان بعضكم ظهر لأول مره في هذا البوست مثمنا اعتذار محمد عادل تحت الطلب و الالحاح الشديد فارجو منكم ان يطلب منه الاجابة على ردي عليه هذا :

Quote: لا أفهم هذا الكلام .. بشكل واضح هل تقول ان اتهاماتك لي اني دشنت كتابي في السفارة و ادعي النضال في المنبر و ابحث عن اللجوء من القاهرة و اني اتصلت بالناس أشكوك لهم كل هذه الاتهامات غير صحيحة و لم تحدث مني ؟

ـــــــــــ
شكرا ود البشرى و الحبشي و امير فتحي

شكرا مولاتي الأميرة الجليلة لنا مهدي .
شكري و تقديري الذي لم ينقطع يوماً.
لكني يا اميرتي لا أطلب اعتذار "معليش قلت فيك كلام ما مفروض اقولو ".
هذا اعتذار يقال حتى لو كانت التهم صحيحة.
انا اريد اعتذارا يبرئ ذمتي بوضوح.
لا اريد من محمد ( ان لم يستطع الاثبات ) ان يقول انه كذاب او ما يشبه.
فقط اريد اعتذار واضح يؤكد ان ما قاله بحقي لم يكن صحيحا و اني برئ من ما قال.
سبب ما قاله لا يهمني .. سواء كان غضبا او كذبا او نقلاً عن احد.

Quote: رفيق الزنزانه والبوكس عمر عشارى انت من القلائل الذين احترمهم فى هذا المنبر لانك صاحب دعوه ولست من اولئك الذين يجاهرون بشئ لايفعلونه لك التحيه ياصديقى وخلينا نشوفك لانو بالجد اجمل ساعات قضيته معك فى باحة الفكر والثقافه كانت فى زنزانه القسم الشمالى

Quote: ماتخاف حنعمل ليك استثناء فى un او السفاره الامريكية او الكندية او الاسترالية الحته الماشى تعمل فيها لجوءحنقول ليهم الزول دا فى ناس كدا حرقو بيتو والى الان قضية بيتو ماشغال بيها الشئ التانى هو زول مثقف وبخاف على جمهور بتاع النت ومخاصة الجكس العامل ليهم فيها شكسبير الشئ التالت ياخوى انت خائف مالك من حكاية السفاره السودانية ماحنكلم ليك ابراهيم ادم ماتخاف ياحمور السويتو بايدك حيغلب اجاويدك وانا كلامك انت وكلام المطرطش ياسر طيفور مابهز فينى شعره انا عارف روحى شنو وامكانياتى شنو انا مابهتم بالنت زى اهتمامك انت لانو انا عندى سند قبلى وسند اهلى لكن انت سندك منو سندك الجكس بتاع النت

Quote: قسما بايات الله لو لحست كوعك لاعتذر لك ولكن الاعتذار للاسرة المرحوم العم زياده الذى نفتخر بجيرته وشيخ الحله ولاسرة العم زياده وكامل التقدير والاحترام للحبيب محمد امين سليمان ولكن انت يامناضل السفاره لحدى ماتلحس كوعك اجى اعتذر ليك لانو انا نهائى ماسالتك وشغال تهبش يمين وشمال انت ياشكسبير حقو تراجع كلامك وشوف اسمك ورد متين والخلانى اجيك شنو محن مثقفاتيه اخر زمن ياخى بلا كونج بلا كوخ معاك مشكلتك ياحمور خائف من معجبيك فى البشوفو سودانيز اون لاين

Quote: بناء على طلب الاميره لنا مهدى والحاحها الشديد على الاعتذار فانا اعلن اعتذارى التام للحبيب حمور زياده على مابدر منئ تجاه لحظة غضب واعتذر لجميع اسرته على مابدر منئ واقحمتهم فى هذا الموقف والاعتذار للحبيب الخال امين محمد سليمان ولقد كانت لحظة غضب لحظة شيطانية وزالت والعفو عند المقدره ودعونا نتفرغ للمعركه الكبرى

لا اميل للتداخل في بوستات الخلاف
فأن كان ذلك فعليّ أن اُقل خيراً أو اصمت

ولكن واقع الحال يدفعني كما دفع الأزهري 2

أن اعلق على عاليه

" بدون تعليق "


إسماعيل حميم



.

الأخ حمور أجارك الله في مصيبتك والجاتك في تدشين كتابك سامحتك لأن غيرك في هذا المنبر جاتهم في دينهم وذممهم وأماناتهم وأخلاقهم وأسرهم.. ياخي إنت أحمد ربك طلعت شكسبير الجكس (:

حقيقة أنا لا أتداخل إلا نادرا في مثل بوستات التهم الجزافية والأختام التجريمية الجاهزة التي تتم بها تصفية الحسابات في المنبر ولكن ما أجبرني الدخول هو إنك إنسان حقاني ولك مواقف مبدئية ودائما ما تستنكر وتدين مثل هذه السلوكيات وهو ما جلب لك إحترام الكثيرين وكان لزاما أن أدين ما تعرضت له من تهم جزافية.


صراحة أنا أختلف مع من ظنوا أن هذا الأمر هو حكر علي محمد عادل للأسف هو أصبح عملة رائجة في المنبرالكل يحمل أختامه الجاهزه لا يردعة وازع أخلاقي ولا خوف من الله وبعدها يأتي الإعتذار الفطير والإشادة من البعض بشجاعته ومدح ثقافة الإعتذار بعد ما يكون أذي مخلوق برئ وشنع بأسرته.

إستخدام هذا الأمر من الكثير من المنظمين سياسيا بمختلف إنتماءاتهم في تصفية الخلافات ومرروره دون محاسبات رادعة (سوي قضية وائل طه/منال خوجلي) هو ما شجع محمد عادل وغيره للولوج فيه

المطلوب هو الوقفة المبدئية من الجميع في وجه مثل هذه الأمور لأنها لا تستثني أحدا وكل زول ليهو يومو.

سلام وتحية يا حمور

هنالك من يسعى للنيل منك من خلال حساب محمد عادل ، فكر ملياً
وستتوصل إليه ..

حمور ياخ انت راجل محترم ومهذب والمنبر مليان بالمحن لذلك عليك بالاحتساب واجرك على الله
ما كنت مرتاح ابدا للطريقة البتعاملوا بيها ناس المنبر مع انفلاتات محمد عادل المتكررة ومنها اساءاته
لناس حزب الامة نفسهم

Quote: معا جميع للتغيير معا جميعا ضد سياسة الحزب الواحد نعم للحرية وللديمقراطية وللعداله

لكن يا حمور انا شايف انك مفروض برضه تسكه يوضح ليه زيل كلامه ليك بالدعوة للتغيير وضد الحزب الواحد ومناديا للحرية والديمقراطية والعدالة كانك من سلبهم