Post: #1 Title: نادو لي خالي أمين .. و أماني الأمين Author: حمور زيادة Date: 01-29-2010, 00:57 AM
Post: #2 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 00:59 AM Parent: #1
مباشر من القاهرة .. اعلن عن انطلاق :
الحملة الشعبية للشماتة في مشجعي الجزائر
Post: #3 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:02 AM Parent: #2
بعد الهدف الأول هتف الجمهور :
الله حي التاني جاي.
Post: #4 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:04 AM Parent: #3
بعد الهدف الثاني هتف الجمهور :
ولسّه .. ولسّه.
Post: #5 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:05 AM Parent: #4
بعد الهدف الثالث هتف الجمهور :
حراااام .. كفاية.
Post: #6 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:06 AM Parent: #5
لكن جدو ده ما بيرحم .. نوهااائي
Post: #7 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:07 AM Parent: #6
بعد الهدف الرابع هتف الجمهور :
فضيحة .. فضيحة .
Post: #8 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:10 AM Parent: #7
بعد صافرة الحكم هتف الجمهور :
أهم .. أهم .. أهم .. المصرين أهم
Post: #9 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:11 AM Parent: #8
ياخي رشوهم رش !!! ما صاح زاتو
Post: #10 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:13 AM Parent: #9
يا جماعة حد يصحي أماني الأمين
يقولها تفتح النت
Post: #11 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:15 AM Parent: #10
تمنين مليون مصري شجعوا منتخب مصر .. و انا معاهم.
Post: #12 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:16 AM Parent: #11
و نزلنا الشارع نغني.
Post: #13 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:17 AM Parent: #12
كنا مجموعة اصدقاء .. مصري و مصرية و سوري و انا. وسط الملايين.
Post: #14 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:18 AM Parent: #13
خالي أمين الياسمين يسألني يقول لي حصل شنو لما نزلتو الشارع ؟ حاحكي ليك يا خال .. و كمان بالصور ان شاء الله.
Post: #15 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:20 AM Parent: #14
اول ناس لاقيناهم مجموعة سودانيين شايلين العلم السوداني و معاو العلم المصري.
Post: #16 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:21 AM Parent: #15
و في الشارع الرئيسي وجدنا سعوديين يحملون العلم السعودي و العلم المصري و يهتفون..
لمصر.
Post: #18 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:23 AM Parent: #16
الجمهور هتف :
يا كناري يا كناري يا كناري .. الحضري السد العالي.
Post: #19 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:24 AM Parent: #18
الجمهور هتف :
أحيه .. أحو .. قال إيه عايزين ياخدو
Post: #21 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:29 AM Parent: #19
الجمهور هتف :
قولي يا خضره أولي الحء .. اتكيفتي وله لأ ؟
الخضره ما ردتش.
Post: #22 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:32 AM Parent: #21
الجمهور السوداني هتف :
يمين شمال بنحبك يا سودان .. شمال يمين .. بنحب المصريين
Post: #23 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:35 AM Parent: #22
في ميدان عبد المنعم رياض مد لي أحدهم علما مصريا .. و انا احمله خطرت لي فكرة مجنونة .. كلو من انور كينج .. فجأة هتفت : حلايب سودانية
اصحابي هتفوا معي .. اجتمع حولنا مجموعة من المصريين .. سألوا صاحبنا المصري : ده سوداني ؟ قال ليهم ايوه ..
خشوا يهتفوا معاي : حلايب سودانية .. حلايب سودانية
لو كنت صبرت شوية كانت جبتها ليكم راجعة.
Post: #25 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:38 AM Parent: #23
مصري من المنوفية يهتف : حلايب سودانية .. حلايب سودانية
Post: #26 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:42 AM Parent: #25
فجأة احاطت بنا مجموعة خواجات .. و هات يا هتافات :Eygpt .. Eygpt واحد فيهم راسم علم مصر على جضومو
خواجات فايقين. قالوا من الدنمارك.
Post: #28 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:44 AM Parent: #26
ثلاثي الوحدة العربية : مصري - سوداني - سوري
ما عارف ليه ما لاقاني واحد شايل علم الجزاير كلو كلو
Post: #29 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:47 AM Parent: #28
في ميدان التحرير وجدنا مجموعة تحمل علم مصر و عليه شعار حركة 6 ابريل.
حركة 6 ابريل هي حركة سياسية شبابية مطالبة بالتغيير كحركة قرفنا في السودان. سياسة في نص الابتهاج.
Post: #64 Title: Re: نادو لي خالي أمين .. و أماني الأمين Author: Amany Elamin Date: 01-29-2010, 10:06 AM Parent: #28
Quote: ثلاثي الوحدة العربية : مصري - سوداني - سوري
ياجماعه في زول شاف بشاشا قريب
Post: #63 Title: Re: نادو لي خالي أمين .. و أماني الأمين Author: Amany Elamin Date: 01-29-2010, 10:04 AM Parent: #25
قال شنو؟
Quote: مصري من المنوفية يهتف : حلايب سودانية .. حلايب سودانية
الزول الشايفاهو عيني ده كان بهتف "المصريين وبس والباقي كلو خس ".. وانت سنونك كلّها برّه :(
خجلت ليك والله :(
Post: #59 Title: Re: نادو لي خالي أمين .. و أماني الأمين Author: Amany Elamin Date: 01-29-2010, 10:00 AM Parent: #23
Quote: في ميدان عبد المنعم رياض مد لي أحدهم علما مصريا .. و انا احمله خطرت لي فكرة مجنونة .. كلو من انور كينج .. فجأة هتفت : حلايب سودانية اصحابي هتفوا معي .. اجتمع حولنا مجموعة من المصريين .. سألوا صاحبنا المصري : ده سوداني ؟ قال ليهم ايوه .. خشوا يهتفوا معاي : حلايب سودانية .. حلايب سودانية لو كنت صبرت شوية كانت جبتها ليكم راجعة.
صدّقناك .. هسي أنا لمّن دمعت :(
غايتو كتابة الروايات والقصص الكتيره ما عملت فينا خير
Post: #20 Title: Re: نادو لي خالي أمين .. و أماني الأمين Author: Yassir Tayfour Date: 01-29-2010, 01:29 AM Parent: #18
يا حمور ده جمهور متخلف وما عندو حس موسيقي،
Quote: يا كناري يا كناري يا كناري .. الحضري السد العالي.
المفروض يقول: يا كنالي يا كنالي يا كنالي الحضري السد العالي.. ____ موش قلت ليك ده جمهور متخلف يستوي عنده طعم الفجل والفراولة، ما تيِّب!
Post: #17 Title: Re: نادو لي خالي أمين .. و أماني الأمين Author: Yassir Tayfour Date: 01-29-2010, 01:21 AM Parent: #14
أما إنّك مستلب بصحيح!
____ أماني وأمين الرجاء عدم الدخول لهذا البوست..
Post: #24 Title: Re: نادو لي خالي أمين .. و أماني الأمين Author: أمين محمد سليمان Date: 01-29-2010, 01:36 AM Parent: #17
يا أخوي أنا ما عندي أي شغله بقصة مصر و الجزائر دي . المنبر ده كلو عارف إنو أنا بشجع غانا ... إنت أقعد باري لي العرب ديل - كان جزائريين ، كان مصريين - لمن يغتسو حجرك !
---- غانا يا أخت بلادي يا شقيقه !
Post: #31 Title: Re: نادو لي خالي أمين .. و أماني الأمين Author: وجن Date: 01-29-2010, 01:50 AM Parent: #24
الحضري السد العالي أخيرا صدقوا في حاجة
حمور ات تاني ماراجع ولا شنو
Post: #27 Title: Re: نادو لي خالي أمين .. و أماني الأمين Author: Omayma Alfargony Date: 01-29-2010, 01:43 AM Parent: #17
Post: #30 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:49 AM Parent: #27
يا ياسر طيفور ياخ الواحد مبسوط انو أول مره يشجع ليو كورة يشجع بالحماس ده و يطلع الشارع في نص العالم المسخره دي .. و الله البلد دي فرحانه فرحه .. عالم زي العسل ياخ.
العجيبة لمن كانوا بيهتفوا : كفاية .. حرام.
و الله حنيت على الجزائريين.
Post: #32 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:52 AM Parent: #30
ايوه يا خال .. شجع غانا بالله دايرين الكاس مصري.
ون تو ثري .. خالي النحس في
Post: #33 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:52 AM Parent: #32
عاد يا اميمة لو بقيتي ما نزلتي الشارع تكوني اتلومتي
Post: #34 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:53 AM Parent: #33
و الله يا وجن يا اختي بمغسة الكانوا مشجعين الجزاير .. أظن لضمان سلامتي ما ارجع.
Post: #35 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:55 AM Parent: #34
نلفت انتباه السادة القراء الى ان يسارعوا بتسجيل اسمائهم في :
الحملةالشعبية للشماتة في مشجعي الجزائر
Post: #38 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:57 AM Parent: #35
أجمل تعليق يتم تبادله الان عبر الموبايلات :
منتخب مصر .. أم الجزائري
Post: #39 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 01:59 AM Parent: #38
المنتخب المصري لم يهزم الفريق الجزائري .. بل مسح به الأرض.
حلبه حقارين خلاص.
Post: #41 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 02:03 AM Parent: #39
تعمد الجزائريين ضرب اللاعبين المصريين كان يمكن ان ينتهي بهم - لو استمرت المباراة خمسة دقائق اخرى - اربعة فقط يلعبون امام احدى عشر لاعبا .. لو كانت القوانين تسمح بهذا.
Post: #42 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 02:09 AM Parent: #41
الفريق المصري كان قاسيا جدا على نظيره الجزائري .. لم يتقوا الله فيهم. كان يكفي ان تنتهي المباراة واحد - صفر.
Post: #43 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 02:15 AM Parent: #42
الان تبدأ - على الجزيرة الرياضية - اعادة المباراة.
اتمنى ان يشاهدها امين و اماني مرة اخرى.
ستكون مفيدة لعضلة القلب.
Post: #66 Title: Re: نادو لي خالي أمين .. و أماني الأمين Author: Amany Elamin Date: 01-29-2010, 10:11 AM Parent: #39
Quote: المنتخب المصري لم يهزم الفريق الجزائري .. بل مسح به الأرض.
حمّور عاذراك والله,
أوّل مره تشجع كوره وأوّل مره تحضر كوره ذاتو, أنا أصلّأ كتبت في بوست سابق :
Quote: الخال أمين ياسمين ما عايز يسمع كلامي ويسيب موضوع الكوره ده, ولو كمان ما حضر المباراه يكون أحسن, هو وود أختو المابعرف اللعيبه من الحكم ده ..
يا ال محمد سليمان.. الكوره دي زي فرض الكفايه, أها نحن بنحضرها وانتو سقطت منّكم صدقوني ..
أها ياحمور أخوي, الهزم الجزائريين ده اسمو عمّو الحكم .. مرات بدلّعوهو بقولوا ليهو كوفي كودجا ..
وقع ليك ..؟
Post: #37 Title: Re: نادو لي خالي أمين .. و أماني الأمين Author: Omayma Alfargony Date: 01-29-2010, 01:57 AM Parent: #33
انزل شنو؟؟!!!!!!!!!
عارف ياحمور لو اتفلبوا وانت معاهم متخيل كان حيقرالك ايه؟؟!!.
وكمان تقول لي حلايب سودانية...
وحات الله كان بته ف الحراسة...
أل الشارع أل...
ده انت على نياتك اوي...
Post: #36 Title: Re: نادو لي خالي أمين .. و أماني الأمين Author: Rawia Date: 01-29-2010, 01:57 AM Parent: #27
والله ياود أخت أمين قاعدييين في بيتنا جوووووووه بالبلكونة مامدينا راسنا لكن شكلنا ماحننوم الليلة
_____________ بالنسبة لحكاية حلايب قررت أشتري تمانية كراسات لاولاد البواب وأديهم واجب يومي يكتبوا حلايب سودانية مية مرة لغاية مانرجعها
Post: #40 Title: Re: نادو لي خالي أمين .. و أماني الأمين Author: Omayma Alfargony Date: 01-29-2010, 02:02 AM Parent: #36
Quote: بالنسبة لحكاية حلايب قررت أشتري تمانية كراسات لاولاد البواب وأديهم واجب يومي يكتبوا حلايب سودانية مية مرة لغاية مانرجعها
هههههههههه
راوية
قيف مي فايف.
Post: #44 Title: Re: نادو لي خالي أمين .. و أماني الأمين Author: أمين محمد سليمان Date: 01-29-2010, 02:16 AM Parent: #40
يا أميمه حمور طلع مستلب و معلوف بامباز غزاتنا ، وقاعد في حجر الخديوي المبارك ، باقي ليه شراب السجائر بس !
Post: #45 Title: Re: نادو لي خالي أمين .. و أماني الأمين Author: Omayma Alfargony Date: 01-29-2010, 02:27 AM Parent: #44
Quote: يا أميمه حمور طلع مستلب و معلوف بامباز غزاتنا ، وقاعد في حجر الخديوي المبارك ، باقي ليه شراب السجائر بس !
والله ياخال حمور حننتني يكلامك ده...
عارف نحن زاتنا مالامين فيه هنا,,,طواااااااااااااااااااالي مع المصريييين. غايتو ياخاله احسن تلحقوا ولدكم ده قررررررررررب ياخد الجنسية.
بالله انا لي100 سنة هنا معرفتش اعمل نس اللي بيعمله...ده طلع تفتيحه اوي.
:),
Post: #69 Title: Re: نادو لي خالي أمين .. و أماني الأمين Author: Amany Elamin Date: 01-29-2010, 10:17 AM Parent: #45
أميمه صحبتي : عافيه منّك ..
Quote: عارف نحن زاتنا مالامين فيه هنا,,,طواااااااااااااااااااالي مع المصريييين. غايتو ياخاله احسن تلحقوا ولدكم ده قررررررررررب ياخد الجنسية.
أسكتي يا أميمه أسكتي, مانتي مش عارفه الولا واللي جرالو, ده يا ختي باع السودانيين والقضيه, وساب شغلو وكل حاجه في السودان, عشان خاطر واحده تخينه كده اسمها سوسو .. والبت عمّالا تصوّت واياه الفيسبوك: شمال يمين بنحب السودانيين :( (السودانيين هنا توريه عن حمّور) شفتي يختي البت وبجاحتها؟
يقطع الحب وسنينه
Post: #46 Title: Re: نادو لي خالي أمين .. و أماني الأمين Author: Rawia Date: 01-29-2010, 02:28 AM Parent: #44
Quote: و معلوف بامباز غزاتنا ،
الغريبة لاظاهر لا في ساقو لا ساق ساقو
الامباز دا مضروب
_____________ أميمة هاك ومعاها حركة بتاعة أهلنا البلاك عرفتيها؟؟؟
Post: #47 Title: Re: نادو لي خالي أمين .. و أماني الأمين Author: Rawia Date: 01-29-2010, 02:38 AM Parent: #46
reserved for the next mudakhala
Post: #48 Title: Re: نادو لي خالي أمين .. و أماني الأمين Author: غباشي Date: 01-29-2010, 02:48 AM Parent: #47
Quote: الفريق المصري كان قاسيا جدا على نظيره الجزائري .. لم يتقوا الله فيهم.
سلام يا حمور المباراة دي بالذات (ما كانش فيها يمة ارحميني) سجلني معاك ... أول الشامتين في انصار الخضرا
Post: #49 Title: Re: نادو لي خالي أمين .. و أماني الأمين Author: Omayma Alfargony Date: 01-29-2010, 02:48 AM Parent: #47
Quote: أميمة هاك ومعاها حركة بتاعة أهلنا البلاك عرفتيها؟؟؟
يب يب
عرفتها.
:).
Post: #50 Title: Re: نادو لي خالي أمين .. و أماني الأمين Author: أمين محمد سليمان Date: 01-29-2010, 04:42 AM Parent: #49
Quote: كنا مجموعة اصدقاء .. مصري و مصرية و سوري و انا.
سؤال جانبي يا حمور صاحبك السوري ده مستلب بس و لا برضو معلوف بامباز غزاتنا زيك كده ؟! شكلو كده معلوف لكن قلت أتاكد !
Post: #51 Title: Re: نادو لي خالي أمين .. و أماني الأمين Author: سارة علي Date: 01-29-2010, 06:01 AM Parent: #50
Quote: مصري من المنوفية يهتف : حلايب سودانية .. حلايب سودانية
قلتا لي انتا والمصري قعدتو تهتفوا في نص القاهرة حلايب سودانية؟؟؟
يا راااااااااجل..
ــــــــــــــــــــــــــــــــــــ ما بنصدقك الا صورة وصوت...غير كدة بعتبرا جاكة علي شكل
Post: #52 Title: Re: نادو لي خالي أمين .. و أماني الأمين Author: سارة علي Date: 01-29-2010, 06:04 AM Parent: #51
مصائب قوم عند قوم فوائد..
ــــــــــــــــــــــــــــــــــــ اقلاها الريس الانغولي نام ملء جفونه..يا حليلو تلقاه سقد من يوم سمع ملاقاة الجزائر ومصر؟؟
Post: #53 Title: Re: نادو لي خالي أمين .. و أماني الأمين Author: Nagi Ahmed Date: 01-29-2010, 07:46 AM Parent: #52
كل منك يا امين لو كنت ركزت على الياسمين ما كان دا حصل
Post: #54 Title: Re: نادو لي خالي أمين .. و أماني الأمين Author: أبو عبيدة البصاص Date: 01-29-2010, 08:19 AM Parent: #53
حمور فقعت مرارتنا
شنو حلايب ماله ؟؟ انت خالك يوسف السماني ما أمين (وش انتقل لتشجيع غانا)
Post: #57 Title: Re: نادو لي خالي أمين .. و أماني الأمين Author: طلحة عبدالله Date: 01-29-2010, 09:51 AM Parent: #54
واضح جدا لكل ذو بصيرة أن هناك صفقة ما تمت بليل تقضي بان يتساهل محاربو الصحراء في مباراتهم أمام منتخب عواجيز مصر حتى يتسني للأخير العبور لنهائي البطولة الأفريقية الضعيفة والتى أصبحت ( ما جايبا حق كرت تشفيرا ) بسبب ضعف المستوي الفني خاصة وان عمالقة أفريقيا من لدن إيتو ودروجبا وغيرهما لا يلعبون بذات مستواهم المعروف حذر الإصابة التى قد تكلفهم مئات الألوف من اليورو . محاربو الصحراء حققوا الأهم بتمثيل العرب في مونديال العام ولم يعد لديهم طموح اعتلاء منصات بطولة ضعيفة أصبحت ميادينها مرتع للحملان . على أية حال : هذا لا يمنعني من تهنئة الجماعة المحظوظين ديل بهذا الإنجاز الكبير جدا ولكن عليهم ان يثبتوا أن عبورهم لثعالب الصحراء كان عن جدارة وإستحقاق عندما يواجهون غانا ليرددوا كما ردد السودانيون من قبل : (برانا برانا بنغلب غانا) التحية لحمور زياد وخاله امين والبت اماني برضو كمان .
Post: #70 Title: Re: نادو لي خالي أمين .. و أماني الأمين Author: Amany Elamin Date: 01-29-2010, 10:19 AM Parent: #46
Quote: الغريبة لاظاهر لا في ساقو لا ساق ساقو الامباز دا مضروب
لووووووووووووووول ياراويه ..
قويه منّك هههههههههههههههه
Post: #58 Title: Re: نادو لي خالي أمين .. و أماني الأمين Author: Amany Elamin Date: 01-29-2010, 09:55 AM Parent: #14
Quote: خالي أمين الياسمين يسألني يقول لي حصل شنو لما نزلتو الشارع ؟ حاحكي ليك يا خال .. و كمان بالصور ان شاء الله.
مش قلت ليكم الخال متواطئ؟
بهناك فاتح بوست 123 viva l`algerie وهو قلبوا مع المصريين عملوا شنو !!!!!
Post: #56 Title: Re: نادو لي خالي أمين .. و أماني الأمين Author: Amany Elamin Date: 01-29-2010, 09:49 AM Parent: #10
Quote: يا جماعة حد يصحي أماني الأمين يقولها تفتح النت
والله لكن!
اتعوّدتوا انت وقرايبك الجداد .. واحد صحّوا الرئيس السوداني خلوهو يفتح بوابة المطار !!!!!
والتاني صحّوا أماني الأمين خلّوها تفتح النت !!!!
هوووووووي يا حمّور
Post: #55 Title: Re: نادو لي خالي أمين .. و أماني الأمين Author: Amany Elamin Date: 01-29-2010, 09:46 AM Parent: #7
Quote: بعد الهدف الرابع هتف الجمهور : فضيحة .. فضيحة .
بالله! يعني هم عارفين؟
حموّر الخارج عن ملّة السودانيين .. أول شئ عنوان البوست غير موّفق, أفرقني من خالك الكج ده, الزول ده كلمتو كمممممم مره, ياخال في طولك في عرضك خلّي الجزائريين في حالهم, لكن الظاهر المخطط الصهيوني مقصود ..
بوست من عنوانه ما موّفق :(
Post: #60 Title: Re: نادو لي خالي أمين .. و أماني الأمين Author: شول اشوانق دينق Date: 01-29-2010, 10:01 AM Parent: #55
_________
Post: #61 Title: Re: نادو لي خالي أمين .. و أماني الأمين Author: عبدالوهاب علي الحاج Date: 01-29-2010, 10:03 AM Parent: #55
Quote: أفرقني من خالك الكج ده,
والله ما قلت الا الحق يا اماني الخال امين دا من يوم ما خت كراعو في المنير دا انا ما ارتحت ليو بتاتا غير الفتن والمشاكل ماعندو حاجة غايتو لو داير يكّفر عن سيئاتو الرياضية دي انصحو بتشجيع المريخ
Post: #68 Title: Re: نادو لي خالي أمين .. و أماني الأمين Author: Yassir Tayfour Date: 01-29-2010, 10:16 AM Parent: #61
Quote: والله ما قلت الا الحق يا اماني الخال امين دا من يوم ما خت كراعو في المنير دا انا ما ارتحت ليو بتاتا غير الفتن والمشاكل ماعندو حاجة
تصدق نفس الشعور والأحاسيس يا وهبه، وأضف إليه السيِّد المسلمي كمان.. ____ لكن الغلطة ما منهم، الغلطة من حمور والعوّض.. إيه رأيك يا وهبه في حملة رش شاملة، تقضي على الأخضر واليابس ..
Post: #62 Title: Re: نادو لي خالي أمين .. و أماني الأمين Author: العوض المسلمي Date: 01-29-2010, 10:04 AM Parent: #55
شنو يا حمور عمو وهبة ولا عمو العوض ما محتاج تناديهم ؟؟
Post: #65 Title: Re: نادو لي خالي أمين .. و أماني الأمين Author: عزاز شامي Date: 01-29-2010, 10:07 AM Parent: #1
Quote: نلفت انتباه السادة القراء الى ان يسارعوا بتسجيل اسمائهم في : الحملةالشعبية للشماتة في مشجعي الجزائر
قول واحد من منازلهم
Post: #67 Title: Re: نادو لي خالي أمين .. و أماني الأمين Author: طارق جبريل Date: 01-29-2010, 10:15 AM Parent: #65
يا حمور كيفنك ياخي انا قريت في مصر دي خمسة سنين ما حصل لي استلاب زي دة مشيت ليك شهر رقدت خل أول مرة أعرف انك كاره لي ذاتك للدرجة دي
Post: #71 Title: Re: نادو لي خالي أمين .. و أماني الأمين Author: محمد سنى دفع الله Date: 01-29-2010, 10:40 AM Parent: #67
اسمعوا كلام حمور هاجموهم من هنااااك
Post: #72 Title: Re: نادو لي خالي أمين .. و أماني الأمين Author: محمد سنى دفع الله Date: 01-29-2010, 10:43 AM Parent: #71
نعمل فيهم ايييه دول بؤولاووو حلايب مـــــصـــــريــة
Post: #73 Title: Re: نادو لي خالي أمين .. و أماني الأمين Author: داليا الكباشى Date: 01-29-2010, 10:50 AM Parent: #67
اماني .. زمــــــان يا ميمه اول ما خشيت المنبر دا امين ياسمين الخال دا , كشحني بي مداخله من نوع البرلوم احقر بو والفيك بادر بو ..!!! كنت فاتحه بوست بتاع كوره , وكان المريخ غالب (زمان لمن كنت بشجع المريخ لووول) بس صاحبكم امين ياسمين دا مشى داير يخفف دمو مع وهبه وقال ليهو : هناك برلومه طفقــت تفتح في البوستات فرحا بنصر المريخ ...!! لكن عمو وهبه ابدا ما قصر ووقف معاي وقفه لن انساها ابدا , وشيل ليك الخال امين ياسمين مداخلتو في رقبتو ومشى يئمر عيش (استلاب حموري وكده لووول) .. الخال دا وجودو في المنبر بقى ضار بالصحه ويسبب اعتلال قلبي حــاد , لذا اقترح على الريس يرجع لينا ود الرشيد (على الاقل نيران صديقه وكده) ويطبق الماده ميــــه على الخال امين ياسمين .. لووووووووووول
---------- عليك الله يا حمور كلم خالك دا ما يشجع غانــا .. ارقوووك يا خال ما تشقعهاش !!
Post: #74 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 11:02 AM Parent: #73
صباحيه مباركة يا خضره ..
أصبحتو كيف يا جماعة ؟
Post: #75 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 11:05 AM Parent: #74
Post: #76 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 11:42 AM Parent: #75
Post: #81 Title: Re: نادو لي خالي أمين .. و أماني الأمين Author: السيد المسلمي Date: 01-29-2010, 12:45 PM Parent: #79
انا كنت حاسي إنو الخال قاصد يكج الجزايريين !! وفعلاً لم يخيب ظني فيه كالعادة !!!!
ـــــــ أمين انا شايف حقو تعتزل الشغلانة دي .. إنا لله .....
Post: #82 Title: Re: نادو لي خالي أمين .. و أماني الأمين Author: Balla Musa Date: 01-29-2010, 03:25 PM Parent: #81
Quote: صباحيه مباركة يا خضره ..
ألفاظك بقت مصرية أوى..
العريس Lesbian ول شنو؟
Post: #83 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 03:51 PM Parent: #82
Quote: خطيرين لكن ! وطيب البكا في التلفزيونات شنو؟ واحنا بنمووووووووووووت
الكلام ساااااااااهل الا ما شفنا ليهم عمل ..
انا شخصيا كان نفسي المنتخب المصري يفوز .. و بعد داك الجماهير الجزائرية تدق الجماهير المصرية عشان يبكو و يتجرسو.
مشكلة اماني الامين انها من شدة الهجمة الحصلت ليها بالهزيمة البشعة بقت تلخبط الحاجات .. الفي الملعب ديل ما محمد فؤاد و لا عمرو أديب قليل الأدب داك .. الفي الملعب الشجعناهم و فازوا ديل حداشر لاعب جوا السودان و اتغلبوا و مشوا و هم ماسكين خشمم .. لا شتمونا لا اتكلموا فينا .. و هم نفسهم الهسه فضحوا الجزاير من غير ما يفتحوا خشمم.
Post: #85 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 04:07 PM Parent: #83
يتقدم مشجعو المنتخب المصر بحار التعازي لمشجعي المنتخب الجزائري في مصابهم الجلل و فقدهم العظيم. و لاظهار التضامن و ابداء حسن النية يعلن مشجعو المنتخب المصري عن استعدادهم لتوفير فرصة انتقال خمسة مشجعين من المنتخب الجزائري لتشجيع المنتخب المصري ليتخلصوا من حالة الخيبة التي يمرون بها. و الله لا يضيع أجر من أحسن عملا.
ـــــــــ قمر بوبا ممنوع من التقديم لهذه الفرص. خليهو موجوع كده.
Post: #87 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 04:19 PM Parent: #85
اهداف المنتخب المصري الأربعة .. عشان الخال او اماني لو كان فاتم يشوفو قون .. يشوفوهو هسه.
قمر بوبا و شول غالبا شافو الاقوان كويس و شافوا شعاع بعد داك.
Post: #84 Title: Re: نادو لي خالي أمين .. و أماني الأمين Author: حامد محمد حامد Date: 01-29-2010, 03:54 PM Parent: #82
Quote: عشان خاطر واحده تخينه كده اسمها سوسو ..
كامل التضامن مع الرجيم
اضف واحد الى الشامتين يا حمور...قلت لى هتفوا حرام كفاية
امانى الامين .سؤال لوسمحت من هو سكرتير الامم المتحدة السابق؟ هل هو
1- كوفى تاتا 2- كوفى كودجا 3- كوفى عنان
حسن شحاتة اجابة خاطئة
Post: #86 Title: Re: نادو لي خالي أمين .. و أماني الأمين Author: وليد محمد المبارك Date: 01-29-2010, 04:13 PM Parent: #84
Quote: فضيحة .. فضيحة .
والله صحي فضيحة
للمصرين لكن
اول مرة اشوف زول يضرب الكورة هد يدوه كرت اصفر
Post: #88 Title: Re: نادو لي خالي أمين .. و أماني الأمين Author: ناصر المحسى Date: 01-29-2010, 04:35 PM Parent: #84
Quote: يا أخوي أنا ما عندي أي شغله بقصة مصر و الجزائر دي . المنبر ده كلو عارف إنو أنا بشجع غانا ... إنت أقعد باري لي العرب ديل - كان جزائريين ، كان مصريين - لمن يغتسو حجرك !
ياحمور انا شايف خالك فى ش جامعة الدول العربية بيشجع فى مصر فتش عليه فى المهندسن
Post: #89 Title: Re: نادو لي خالي أمين .. و أماني الأمين Author: حمور زيادة Date: 01-29-2010, 04:46 PM Parent: #88
و الله جنس ياسمين .. لامن سوا للجزاير حساسية .. هسه الجزاير كلها تعطّس
Post: #91 Title: Re: نادو لي خالي أمين .. و أماني الأمين Author: أمين محمد سليمان Date: 01-29-2010, 05:07 PM Parent: #89
حمور المعلوف بفول و طعمية غزاتنا أكاد أري مايكل إيسيان يزف عريسا الأحد المقبل ! و أنا لمن أكاد أري ذي كاني رايت ! اللهم قد بلغت
------ لن أدخل في مهاترات جانبيه مع ضباع المنبر
Post: #90 Title: Re: نادو لي خالي أمين .. و أماني الأمين Author: Amany Elamin Date: 01-29-2010, 05:05 PM Parent: #88
Quote: مشكلة اماني الامين انها من شدة الهجمة الحصلت ليها بالهزيمة البشعة بقت تلخبط الحاجات .. الفي الملعب ديل ما محمد فؤاد و لا عمرو أديب قليل الأدب داك .. الفي الملعب الشجعناهم و فازوا ديل حداشر لاعب جوا السودان و اتغلبوا و مشوا و هم ماسكين خشمم .. لا شتمونا لا اتكلموا فينا .. و هم نفسهم الهسه فضحوا الجزاير من غير ما يفتحوا خشمم.
لا لا لا لا لا لا
كده طلّعتني أي كلام وما فارزه الكيمان, ,وهايجه مع الهيجه ..
ماصاح يا حمّور, موقفي من المصريين عموما قبل حكاية عمر أديب ومحمد فؤاد .. ومسجّل في البورد ده, أرجع لبوستي الأول بتاع الجزائر مع الجــــزائـــر حتي المونديال ...
وأقراهو كويس ..
كلامك ده تقولوا لأييييييي زول غيري, لأني أنا بالذات بوستي الأول يشهد علي موقفي, قبل عمر أديب وغيرو ما يظهرو علي أصلهم,
اخر من يتغش في المصريين ويصدق دعاوي الحب بتاعتهم تجاهنا أنا ..
واخر من يشجع المصريين .. شريكي في القصه دي وأكتر زول فاهمني فيها قمربوبا لأنو منطلقاتنا في الموضوع ده واحده ..
وبيعبر عني تماما الوليد محمد الأمين ..
بعدين تعال فضحوا الجزائر يعني شنو؟
Post: #92 Title: Re: نادو لي خالي أمين .. و أماني الأمين Author: أمين محمد سليمان Date: 01-29-2010, 05:41 PM Parent: #90
Quote: الخال أمين .. بالله ادي معاك أماني دي هين رماد .. ما تاخدو براك يا خال.
أماني دي يا حمور زيها و زيك : الإتنين مستلبين و معلوفين بامباز غزاتنا العرب اللي بينظرو لينا كعبيد أو عشان كده حصلت المحارق الماتو فيها ملايين . ده صراع بتاع هويه و للسبب ده نحن ككوشيين مفروض نقيف مع غانا !
Post: #93 Title: Re: نادو لي خالي أمين .. و أماني الأمين Author: Omayma Alfargony Date: 01-29-2010, 07:25 PM Parent: #90
Quote: والبت عمّالا تصوّت واياه الفيسبوك: شمال يمين بنحب السودانيين :( (السودانيين هنا توريه عن حمّور) شفتي يختي البت وبجاحتها؟
يقطع الحب وسنينه
حب ايه اللنتي جايه تؤلي عليه يا أماني.
ياختي لو بتحبو صحيح ..(السودانيين).. مفروض في السراء والضراء مش في السراء بس وفي الضراء وحش وكخة.
هههههههههه.
عارفة يا أماني لو اتغلبوا كان حمور ده بهدلت بيه الارض وألتله اصل كل منكو يانحس من يوم مالاعيبناهم عندوكو بنضرب ونتشتم وننغلب.
وكان حتعملو ريموف ووأتها مش حيفضلك ياحمور يامستلب غير ابناء دمك وجلدتك .ههههههههه.
Post: #97 Title: Re: نادو لي خالي أمين .. و أماني الأمين Author: Amany Elamin Date: 01-29-2010, 07:43 PM Parent: #93
أميمه:
Quote: وكان حتعملو ريموف ووأتها مش حيفضلك ياحمور يامستلب غير ابناء دمك وجلدتك .ههههههههه.
لا خلاص شوفوا ليهو لجوء عاطفي في مصر ..
بريستيجه في السودان اتدمر بعد ما شجع المصريين وطلع معاهم الشارع, وكمان شايل العلم المصري المحتل لبقعه عزيزه من أرض بلادنا في حلايب ..
حمور أحسن يمسك في سوسو قوي حتي لو ما عملت ريجيم,
40 مليون سوداني اتبرّوا منك يا حمور, وأنا وأميمه معاهم
Post: #95 Title: Re: نادو لي خالي أمين .. و أماني الأمين Author: Amany Elamin Date: 01-29-2010, 07:33 PM Parent: #84
حامد:
Quote: امانى الامين .سؤال لوسمحت من هو سكرتير الامم المتحدة السابق؟ هل هو
1- كوفى تاتا 2- كوفى كودجا 3- كوفى عنان
الاجابه عنتر يحي
Post: #94 Title: Re: نادو لي خالي أمين .. و أماني الأمين Author: Amany Elamin Date: 01-29-2010, 07:30 PM Parent: #73
دلّوش:
Quote: الخال دا وجودو في المنبر بقى ضار بالصحه ويسبب اعتلال قلبي حــاد , لذا اقترح على الريس يرجع لينا ود الرشيد (على الاقل نيران صديقه وكده) ويطبق الماده ميــــه على الخال امين ياسمين .. لووووووووووول
بعد شنو؟
بعد ما كج الجزائر ؟
خلاص خليهو قاعد, أصلوا أكعب من كده الا كان يقتل ليهو زول بضغطة كيبورد
Post: #96 Title: Re: نادو لي خالي أمين .. و أماني الأمين Author: أمين محمد سليمان Date: 01-29-2010, 07:42 PM Parent: #94
Quote: بعد شنو؟
بعد ما كج الجزائر ؟
خلاص خليهو قاعد, أصلوا أكعب من كده الا كان يقتل ليهو زول بضغطة كيبورد
داليا مرة تمبس الاولي و المستلبه أماني الأمين تشجيعكم للعرب - كان جزائريين كان مصريين - بيوضح كيف تم تدجينكم وتحويل الطاقة الكامنة او متراكمة فيكم الي وقود يرفد الة امبريالية الاحتلال او دويلتا عشان تكون علي راس رعاية المصالح العربيه الامبريالية في السودان ! موقفكم ده أبدا ما صدفه ، نوعيتكم المعلوفه بامباز غزاتنا و البتنادي بالوحده مع الخديويه المصريه و البربريه الجزائريه ما فايت علينا أو شايفنو و عارفنو . من هنا و رايح ما حا نسكت علي امثالكم من الوافدين والاجانب يا اوباش الجلابة أو كمان بتنادو بالوحده مع العرب عنقر ما مدنقر !!*
---- أمين في شكل بشاشا بالكاتشب
Post: #98 Title: Re: نادو لي خالي أمين .. و أماني الأمين Author: معتصم دفع الله Date: 01-29-2010, 08:15 PM Parent: #96
أرفعوا أقلامكم عن أمين وأماني أظرف تعليق مره سمعته من محمد عمران إبن الستة سنوات لما الهلال غلب المريخ وعلقناهم علقة ساخنة .. طبعاً مشينا أنا وتامبا نكاوي ليك محمد الصغير دا .. غايتو من الحزن والحسرة قال لينا والله أنا أمس ولا إتعشيت زاتو .. غايتو يا أمين وأماني أمس كان ما إتعشيتو من المغرب بتكونوا بتو القوا يا حمور أوعك تكون إتغشيت وبقيت أهلاوي ..
غانا فوووق .. وحلايب سودانية ..
Post: #99 Title: Re: نادو لي خالي أمين .. و أماني الأمين Author: أمين محمد سليمان Date: 01-29-2010, 08:31 PM Parent: #98
Quote: أرفعوا أقلامكم عن أمين وأماني أظرف تعليق مره سمعته من محمد عمران إبن الستة سنوات لما الهلال غلب المريخ وعلقناهم علقة ساخنة .. طبعاً مشينا أنا وتامبا نكاوي ليك محمد الصغير دا .. غايتو من الحزن والحسرة قال لينا والله أنا أمس ولا إتعشيت زاتو .. غايتو يا أمين وأماني أمس كان ما إتعشيتو من المغرب بتكونوا بتو القوا يا حمور أوعك تكون إتغشيت وبقيت أهلاوي
ده كلام شنو ده يا معتصم ؟ بالله تاني ما تختني مع المستلبه دي في حته واحده أصلا .... مافي سبب يخليني أشجع مصر أو الجزائر و هم بينظرو لينا نظره دونيه . راعي الضان في المنبر ده يعلم إنو أنا بشجع غانا من بداية الدوره و لاسباب جهويه و عرقيه عشان تكون عارف . غانا دمنا و لحمنا و عزنا المكتوب فوق الجبين يا معتصم !
Quote: غانا فوووق .. وحلايب سودانية ..
ولا عزاء للمستلبين و المستلبات الأحياء منهم و الأموات !
Post: #100 Title: Re: نادو لي خالي أمين .. و أماني الأمين Author: معتصم دفع الله Date: 01-29-2010, 08:53 PM Parent: #99
Quote: مافي سبب يخليني أشجع مصر أو الجزائر و هم بينظرو لينا نظره دونيه .
تمام يا أمين تمام متفقين ..
Quote: راعي الضان في المنبر ده يعلم إنو أنا بشجع غانا من بداية الدوره و لاسباب جهويه و عرقيه عشان تكون عارف . غانا دمنا و لحمنا و عزنا المكتوب فوق الجبين يا معتصم !
غانا فوق ولا بلاش
Quote: ولا عزاء للمستلبين و المستلبات الأحياء منهم و الأموات !
وبرضو حلايب سودانية ..
Post: #101 Title: Re: نادو لي خالي أمين .. و أماني الأمين Author: احمد التجانى احمد Date: 01-29-2010, 09:36 PM Parent: #100
حمور زيادة انا ما مستغرب انك تشجع مصر لكن المستغرب ليه وعايز اسالك منه لو سمحت انت ومعاك كم واحد كدة من ناس البورد دة فيهم ناس مستقرين رسمى هناك
قاعدين فى مصر دى كيف وبتعملوا فى شنو ؟
__________________________ ممكن تجاوب اصالة عن نفسك بس
Post: #102 Title: Re: نادو لي خالي أمين .. و أماني الأمين Author: أمين محمد سليمان Date: 01-30-2010, 04:02 AM Parent: #101
سلامات يا هندسه
Quote: لكن المستغرب ليه وعايز اسالك منه لو سمحت انت ومعاك كم واحد كدة من ناس البورد دة فيهم ناس مستقرين رسمى هناك
قاعدين فى مصر دى كيف وبتعملوا فى شنو ؟
ممكن تجاوب اصالة عن نفسك بس
حمور كجلابي ، الاستهبال بجري في دمو أو مخلوق بيهو عدييييييييل كده ، أجاوبك أنا : مافي زول يا أحمد التجاني بقدر يعيش مع المصريين من غير ما يبلع اسهال استهبالهم و إستعلاءهم الأجوف ، عشان كده أبدا ما صدفه إنو حمور زياده يجاهر علنا بمركب نقصو الاذلي كشمالي قضي عمرو مادة استعباد لكل امم الارض تقريبا ، و بالعدم وريني انجاز واحد احد للجلابي حمور يؤهلو ويبرر مثل هذا الاستعلاء الاجوف كنظام معاوضة لمركب نقصو الكان خلاصة اسهامو استمرار تدمير السودان، بالوكالة، ونيابة عن الغازي الاجنبي علي مر الدهور في ارض كوش! حمور ده يا أحمد التجاني واحد من الناس الاشعلو نيران حربنا الاهلية كممثل للجلابة بايعاز من اسيادو عربان مصر، الي ان هوت علي عروشها، ليقبضو الثمن، و تستمر شلالات الدم في بلادنا ! أبدا ما صدفه يجينا حمور زياده مصور وسط غزاتنا او شايل علمم المطرز باحساسو كزنجي كاره ذاتو و المزركش بشعورو الطاغي بالدونية، انطلاقا من الوعي الدفين بماضي استرقاقو و اللي بحاول يتناساهو بتتويجو كشيخ غفر حارس لمصالح اسيادو الخديويه .
------- أمين في شكل بشاشا بالمايونيز
Post: #103 Title: Re: نادو لي خالي أمين .. و أماني الأمين Author: إدريس محمد إبراهيم Date: 01-30-2010, 06:54 AM Parent: #100
شاهدت المبارة ضمن مجموعة من أهلنا ضمتنا مناسبة وداع.. صدقوني أكثر من 95% من الموجودين كانوا يشجعون الجزائر .. لا أدري لماذا؟ .. أما أنا اصلوا ما دسيتها قلت ليهم من البدايه أنا بشجع مصر .. وقف معي فقط ابن اختي .. (الود خالو طبعاً..) ..
بعد نهاية المباراه .. قعدنا نكاويهم (لو عايز تهدو ... قوم واديهو جدو ..)
أجمل تعليق سمعته من واحد من الجماعه إياهم ( والله نحنا ذاتو غلطانين حقو كنا نشجع أولاد بمبه ديل عشان يتغلبوا ..) ..
وهبه يا خوي .. قلت شنو بالله .. (أحسن حاجه يعملها أمين ده إنو يشجع المريخ ..) يسمع منك ربنا ياخي ..
مع خالص تحياتي وحبي للجميع ؛؛؛
Post: #104 Title: Re: نادو لي خالي أمين .. و أماني الأمين Author: إدريس محمد إبراهيم Date: 01-30-2010, 07:07 AM Parent: #103
Quote: لكن المستغرب ليه وعايز اسالك منه لو سمحت انت ومعاك كم واحد كدة من ناس البورد دة فيهم ناس مستقرين رسمى هناك
قاعدين فى مصر دى كيف وبتعملوا فى شنو ؟
الأخ / أحمد التجاني ...
تحياتي وحبي وتقديري ؛؛؛
لو سمحت عايز أرد ليك عن السؤال أعلاه .. وذلك أصالة عن نفسي فقط ...
بصراحه يا خوي أحمد أنا كسوداني عندما أذهب لمصر يتنفي الاحساس بالغربة تماماً .. وصدقني أشعر كأنني في السودان ... أقصد أن الشعب المصري يتعامل معنا كأبناء بلد .. الشيء الذي يشعرك بالأمان .. في حين أنه تجدني أعيش الآن في وطن آخر أكثر من ثلاثين سنه .. وما زال الاحساس بالغربة يملأ كياني وأحاسيسي ( من صوف راسي لي كرعي ) ... على قول شاعرنا ابو قطاطي ...
مع خالص حبي وتقديري للجميع ؛؛
Post: #105 Title: Re: نادو لي خالي أمين .. و أماني الأمين Author: Dania Elmaki Date: 01-30-2010, 07:52 AM Parent: #104
امين ده قال اتبراء منك زمان و كلامه اظنه تلقاه في الارشيف
Post: #106 Title: Re: نادو لي خالي أمين .. و أماني الأمين Author: احمد التجانى احمد Date: 01-30-2010, 10:54 AM Parent: #105
Quote: حمور كجلابي ، الاستهبال بجري في دمو أو مخلوق بيهو عدييييييييل كده ، أجاوبك أنا : مافي زول يا أحمد التجاني بقدر يعيش مع المصريين من غير ما يبلع اسهال استهبالهم و إستعلاءهم الأجوف ، عشان كده أبدا ما صدفه إنو حمور زياده يجاهر علنا بمركب نقصو الاذلي كشمالي قضي عمرو مادة استعباد لكل امم الارض تقريبا ، و بالعدم وريني انجاز واحد احد للجلابي حمور يؤهلو ويبرر مثل هذا الاستعلاء الاجوف كنظام معاوضة لمركب نقصو الكان خلاصة اسهامو استمرار تدمير السودان، بالوكالة، ونيابة عن الغازي الاجنبي علي مر الدهور في ارض كوش! حمور ده يا أحمد التجاني واحد من الناس الاشعلو نيران حربنا الاهلية كممثل للجلابة بايعاز من اسيادو عربان مصر، الي ان هوت علي عروشها، ليقبضو الثمن، و تستمر شلالات الدم في بلادنا ! أبدا ما صدفه يجينا حمور زياده مصور وسط غزاتنا او شايل علمم المطرز باحساسو كزنجي كاره ذاتو و المزركش بشعورو الطاغي بالدونية، انطلاقا من الوعي الدفين بماضي استرقاقو و اللي بحاول يتناساهو بتتويجو كشيخ غفر حارس لمصالح اسيادو الخديويه .
مبالغة والله يانوتة مايونيز شنو يا اخى دة بشاشا بالردمية عديل كدة
Post: #107 Title: Re: نادو لي خالي أمين .. و أماني الأمين Author: احمد التجانى احمد Date: 01-30-2010, 11:17 AM Parent: #106
Quote: الأخ / أحمد التجاني ...
تحياتي وحبي وتقديري ؛؛؛
لو سمحت عايز أرد ليك عن السؤال أعلاه .. وذلك أصالة عن نفسي فقط ...
بصراحه يا خوي أحمد أنا كسوداني عندما أذهب لمصر يتنفي الاحساس بالغربة تماماً .. وصدقني أشعر كأنني في السودان ... أقصد أن الشعب المصري يتعامل معنا كأبناء بلد .. الشيء الذي يشعرك بالأمان .. في حين أنه تجدني أعيش الآن في وطن آخر أكثر من ثلاثين سنه .. وما زال الاحساس بالغربة يملأ كياني وأحاسيسي ( من صوف راسي لي كرعي ) ... على قول شاعرنا ابو قطاطي ...
مع خالص حبي وتقديري للجميع ؛؛
الاخ العزيز ادريس لك خالص التحايا والاحترام
والله مصدقك لاننا كشعب سودانى لنا ارتباطات متشعبة بالشعب المصرى . فى معظم المراحل الدراسية لابد يكون فى واحد من الزملاء من اصول مصرية بالوالدة او الوالد او نزحت الاسرة من مصر ومازال لديها فروع باقية هناك يتزاورون فيما بينهم واثناء وجودى فى السعودية تعرفت على شريحة مصرية غاية فى الذوق والاخلاق والشهامة من ابناء النوبة الذين هم فى الواقع سودانيون يحملون وثائق اثبات مصرية يتبادلون معنا الود والاخوة وكذلك لهم تشعبات كثيرة فى السودان. وماقصدته من سؤالى لحمور اننا كشعب سودانى درجنا على الذهاب لمصر لاغراض مختلفة منها التعليم مثلا وان كان افضل من واقع التعليم الحالى فى السودان الا ان مصر ليست المكان المناسب لتلقى العلم ان كان مجانى او مدفوع وكذلك الحال ينطبق على العلاج او شراء البضائع ومن المعلوم ان فترة الثمانينات شهدت تجارة بضائع ردئية الصنع ياتى بها شبابنا تجار الشنطة بعد ان يصرفوا مامعهم من دهب مهرب او دولارات وياتون لنا بحلاوة لبان او اباريق بلاستيك فى المقابل وكل المذكور لايعتبر شى يذكر اذا تم مقارنته بالمعاملة التى يتلقاها السودانيون من السلطات الرسمية واحيانا الشعبية متى ما حدث اى شى بين الحكومات. ولكن ماحدث عقب مباراة امدرمان يجب ان يكون عبرة ونقطة تقييم لتاريخ علاقاتنا مع الجيران
ولك الشكر
Post: #108 Title: Re: نادو لي خالي أمين .. و أماني الأمين Author: حمور زيادة Date: 01-30-2010, 12:32 PM Parent: #107
حبابك يا احمد التجاني ..
Quote: لكن المستغرب ليه وعايز اسالك منه لو سمحت انت ومعاك كم واحد كدة من ناس البورد دة فيهم ناس مستقرين رسمى هناك
قاعدين فى مصر دى كيف وبتعملوا فى شنو ؟
انا ما مستقر في مصر رسمي.
Quote: وكل المذكور لايعتبر شى يذكر اذا تم مقارنته بالمعاملة التى يتلقاها السودانيون من السلطات الرسمية واحيانا الشعبية متى ما حدث اى شى بين الحكومات. ولكن ماحدث عقب مباراة امدرمان يجب ان يكون عبرة ونقطة تقييم لتاريخ علاقاتنا مع الجيران
الدوائر التي اتحرك فيها في مصر و اتعامل معها لا تقر ما حدث عقب مباراة ام درمان بل تدينها و تهاجم موقف الاعلاميين و الفنانين الذين هاجموا السودان و الذين هاجموا الجزائر ايضا. انا اتعامل مع دوائر - واسعة - لا ترى لمصر فضل على الدول العربية بل ترى انهم حاليا في مؤخرة الدول العربية و ان على دولتهم ترك الاستعلاء و التبجح فماضي مزعوم و افضال كاذبة و العمل على تحسين علاقاتهم مع كل الجيران. اما دوائر رجل الشارع الذي يجمعني به الطريق فانا اولا لا اهتم به ربما لاحساس استعلائي اني كسوداني افضل منه - كعادتنا السودانيين - و لقناعة اني "قاعد في بلدكم بقروشي " .. ناهيك عن ان احدهم لم يتعرض لي يوما بسوء لا في زيارتي هذه للقاهرة و لا الزيارات التي سبقت. لكن صدقني لو قابلت عمرو أديب او محمد فؤاد او احد اولئك الاوغاد الذين قالوا ما قالوه عنا فستقرأ خبري في صفحة الحوادث تحت خبر السفاح السوداني يقول انه ارتكب جريمته بدوافع وطنية.
Post: #109 Title: Re: نادو لي خالي أمين .. و أماني الأمين Author: حمور زيادة Date: 01-30-2010, 12:38 PM Parent: #108
نرجع لأمين و أماني
Post: #110 Title: Re: نادو لي خالي أمين .. و أماني الأمين Author: حمور زيادة Date: 01-30-2010, 12:40 PM Parent: #109
صحيفة الجارديان البريطانية :
مصر لم تفز على الجزائر فقط .. بل اذلتها.
Quote: Egypt didn't just beat Algeria tonight; they humiliated them, rendering them an ill-disciplined rabble who finished the game with just eight men. The Pharaohs' passing, as hypnotic as it has been all tournament, had already given them control when a dreadful error from Rafik Halliche after 37 minutes, brought on by the mounting pressure, gave them the game.
Post: #111 Title: Re: نادو لي خالي أمين .. و أماني الأمين Author: ذواليد سليمان مصطفى Date: 01-30-2010, 02:26 PM Parent: #108
Quote: لكن صدقني لو قابلت عمرو أديب او محمد فؤاد او احد اولئك الاوغاد الذين قالوا ما قالوه عنا فستقرأ خبري في صفحة الحوادث تحت خبر السفاح السوداني يقول انه ارتكب جريمته بدوافع وطنية.
الحداث ما سواي
دا كلام كتاب يا اديبنا
وبعدين المصرين الانت تعرفهم بكون فئة محصورة
لكن كدا امشي شوف الطبقات التانية يقولوا ليك شنو عن السودان
لو ما تعارف الاماكن اسأل حبيب نورة يفسحك
Post: #112 Title: Re: نادو لي خالي أمين .. و أماني الأمين Author: احمد التجانى احمد Date: 01-30-2010, 04:12 PM Parent: #111
Quote: الدوائر التي اتحرك فيها في مصر و اتعامل معها لا تقر ما حدث عقب مباراة ام درمان بل تدينها و تهاجم موقف الاعلاميين و الفنانين الذين هاجموا السودان و الذين هاجموا الجزائر ايضا.
الاخ العزيز حمور ح ارجعك لى تانى قبل مايجوا امين وامانى الامين
اشكرك على الرد فى حقيقة الامر تزامن موضوع مباراة امدرمان مع حركة وضيعة قام بها مصرى يزاملنى فى العمل اعرفه منذ اكثر من 12 سنة لم يتبادر الى ذهنى فى يوم انه قد ياتى بشى يضرنى وبالتاكيد سوف يكون للحادثتين رواسب يصعب التخلص منها بسهولة زرت مصر مرتين الاولى مع الزملاء فى الكلية فى رحلة علمية 1989 والتانية 2006 مرافقا لزوجتى التى كانت تحضر احد المؤتمرات وفى الحقيقة صدمت كثيرا لابتعاد الصورة التى احتفظت بها منذ الزيارة الاولى فالقاهرة اصبحت اكثر اذدحاما وتلوثا وبؤسا وغلاء وبعدا عن الحضارة والمدنية الحديثة لذلك دايما ما استغرب عندما يزورها اويستقر بها احد من الذين اعرفهم
لك ودى واحترامى
Post: #113 Title: Re: نادو لي خالي أمين .. و أماني الأمين Author: Amany Elamin Date: 01-30-2010, 09:24 PM Parent: #112
حمّور:
تعال النسألك سؤال جادي زي سؤال أحمد التجاني ده .. انت ما من متابعي كرة القدم ولا عندك معاها عمار,
تشجيعك لمصر ده قصدك بيهو شنو, يعني فهمك منو شنو؟
Post: #114 Title: Re: نادو لي خالي أمين .. و أماني الأمين Author: أمين محمد سليمان Date: 01-30-2010, 10:48 PM Parent: #113
Quote: انت ما من متابعي كرة القدم ولا عندك معاها عمار,
تشجيعك لمصر ده قصدك بيهو شنو, يعني فهمك منو شنو؟
الجلابيه المستلبه أماني الأمين مستغربه ؟ أو كمان بتسألي في حمور و إنت راكبه معاهو في نفس سرج حمار نوم وهم العروبة ؟! آمنت بامون !! احنا فعلا سذج او بل بهائم بتاكل برسيم ، والا لما كنا حطب وقود نيران الغير نشجع في الجزائر و مصر بلا مسوغ وبلا مبرر، وبثمن فادح مدفوع بملايين الارواح، وبلا مقابل او ضد مصالحنا العليا كشعب ودولة ، الكلام ده كلو صدفه ؟! أنا سعيد أو مبسوط من الحاصل ده عشان ينكشف دوركم علي مدي نصف القرن الماضي، في التمكين لدولة الاقلية العربية، الغرست شجر زغوما، الامبريالية المصرية الخديوية و الإستعلائيه الجزائريه البربريه أو ده البمغس او بيفقع المرارة فعلا ! صدقوني انا لاالوم العرب، ولااشعر تجاهم باي شعور سلبي، لانو ذنبهم شنو اذا كان طحالب مثقفينا ذي حمور زياده و أماني الأمين بيتمسحو فيهم اوبيعاملوم كانصاف الهة . عيييييييييييييك يا أماني الأمين ، والله ذي ما قالت ليك أميره الشيخ (الإختشو ماتو ! ) !!!
Post: #115 Title: Re: نادو لي خالي أمين .. و أماني الأمين Author: حمور زيادة Date: 01-31-2010, 11:27 AM Parent: #114
Post: #116 Title: Re: نادو لي خالي أمين .. و أماني الأمين Author: حمور زيادة Date: 01-31-2010, 03:32 PM Parent: #115
Quote: حمّور:
تعال النسألك سؤال جادي زي سؤال أحمد التجاني ده .. انت ما من متابعي كرة القدم ولا عندك معاها عمار,
تشجيعك لمصر ده قصدك بيهو شنو, يعني فهمك منو شنو؟
انا الكورة يا اماني ما بطيقا اساسا .. و ما بعرف الناس بتتابعا كيف زاتو .. لكن .. كبرنامج عام ممكن اضيع فيها وكت. مره او مرتين. يعني كورة مصر و الجزاير في السودان مرقت من بيتنا مشيت حضرتها مع اولاد خالتي في بيت الفنون. كاس العالم كنت بحب امشي احضرو في الشمالية في قريتنا عشان ود عم لي مجنون كورة حضور المباراة معاو امتع من اي حاجة في الدنيا. فحضور مباراة مصر و الجزاير هنا كان برنامج بالنسبة لي مع اصحابي المصريين .. البلد كلها واقفة على رجل في الموضوع ده .. من الطبيعي اني امشي اتفرج. تصدقي ما حضرت ولا كورة تانية في البطولة دي الا كورة مصر و الكاميرون. و كنت مايل للكاميرون ( ما امسو تشجيع لأنو براي في البيت و مقابل التلفزيون و ما فارق معاي منو يكسب زاتو .. لكن كنت مستمتع بلعب الكاميرون ).
اما ان دار محور سؤالك عن البوست ده فعشان اشمت بيو في الناس الفجأة ظهر انهم عندهم عشق و حب للجزاير كأنهم من مواليد وهران. و الحمد لله الواحد ربنا وفقو و عمل ليك العصبي.
و مصداقا للكلام ده انا الليلة احتمال احضر كورة غانا و احتمال لأ. و لو حضرتها مع المصرين ما حاكون مشجع و منفعل. لأنو سيان بالنسبة لي مصر او غانا. القصة صحبة طيبة و برنامج. الكلام انتو الحتموتو لمن مصر تكسب. ياخ و الله تحننو.
Post: #117 Title: Re: نادو لي خالي أمين .. و أماني الأمين Author: حمور زيادة Date: 01-31-2010, 11:03 PM Parent: #116
Post: #118 Title: Re: نادو لي خالي أمين .. و أماني الأمين Author: حمور زيادة Date: 01-31-2010, 11:04 PM Parent: #117
و هتفت الجماهير :
أوف .. أح .. جدو حطو صح
Post: #119 Title: Re: نادو لي خالي أمين .. و أماني الأمين Author: أمين محمد سليمان Date: 01-31-2010, 11:21 PM Parent: #118
شكرا يا حمور و أنت تقتسم - بإسمنا - الفرح مع أخواننا في شمال الوادي !
