Post: #1
Title: حمور زيادة يخدش الحياء العام
Author: Amjed
Date: 10-14-2009, 11:31 AM
Parent: #0
على زمة المجلس الاعلى للصحافة و المطبوعات
|
Post: #2
Title: Re: حمور زيادة يخدش الحياء العام
Author: Tabaldina
Date: 10-14-2009, 11:33 AM
Parent: #1
..
.
والخاص برضو
______
على ذمه صالح تبلدينا
سلام يا امجد؛
|
Post: #4
Title: Re: حمور زيادة يخدش الحياء العام
Author: معتصم الطاهر
Date: 10-14-2009, 12:31 PM
Parent: #3
Quote: حمور زيادة يخدش الحياء العام
على زمة المجلس الاعلى للصحافة و المطبوعات |
الاختشوا .. ماتوا
خرج علينا بعوراتنا .. فلماذا بتقى بالداخل لنموت ..
|
Post: #5
Title: Re: حمور زيادة يخدش الحياء العام
Author: dardiri satti
Date: 10-14-2009, 02:43 PM
Parent: #4
Quote: حمور زيادة يخدش الحياء العام
على زمة المجلس الاعلى للصحافة و المطبوعات
|
لأن الكتاب الأميين
لا يقرأون ،
وإن قرأوا ،
لايفهمون ما يقرأون،
وإن فهموا بعضاً منه،
ظنوا بأنفسهم الظنون،
يكاد الواحد منهم أن يقول:
""خذوني".
تحياتي لهذا المندغ الغظبم.
تحياتي
|
Post: #6
Title: Re: حمور زيادة يخدش الحياء العام
Author: حامد محمد حامد
Date: 10-14-2009, 02:53 PM
Parent: #5
القصاص القصاص
|
Post: #7
Title: Re: حمور زيادة يخدش الحياء العام
Author: محمد يوسف الزين
Date: 10-14-2009, 03:11 PM
Parent: #6
قلت لي بتاع دراب؟
ظلم شديد
|
Post: #8
Title: Re: حمور زيادة يخدش الحياء العام
Author: على محمد على بشير
Date: 10-14-2009, 03:52 PM
Parent: #6
وبالرصاص .. من الاديب وسيد البوست ..
|
Post: #9
Title: Re: حمور زيادة يخدش الحياء العام
Author: أمين محمد سليمان
Date: 10-14-2009, 03:56 PM
Parent: #8
دكتورنا يا ولاده الهنا !
الحاصل شنو بالظبط ؟ جيب لينا كلام ناس المجلس الاعلى للصحافة و المطبوعات . مش يمكن يكون حمور فعلا خدش الحياء العام ؟!
|
Post: #10
Title: Re: حمور زيادة يخدش الحياء العام
Author: د.محمد بابكر
Date: 10-14-2009, 05:34 PM
Parent: #9
والله يا حمور
الله شاف ليك الحكايه وقفت فى العام لانها لو وصلت الخاص الجماعه ديل كانو اعدموك.... تحياتى,
|
Post: #11
Title: Re: حمور زيادة يخدش الحياء العام
Author: أبو ساندرا
Date: 10-14-2009, 05:35 PM
Parent: #9
أيوة
قد فعل
فطارت الحمامات
وعلى سقف الألم حطت
وناحت
مجهود حمور زيادة هل بتقرأه عين حامد وأمثاله ؟
هل بيساهم في أن ترفع كل أم وأب سقف حذرهما ؟
|
Post: #12
Title: Re: حمور زيادة يخدش الحياء العام
Author: Amjed
Date: 10-14-2009, 07:46 PM
Parent: #11
نشر حمور قصته اعلاه (ولاء لم تعد تضحك) في الملف الثقافي الذي يشرف عليه بجريدة الاخبار الخميس الماضي
فقرر المجلس اىلاعلى للصحافة و المطبوعات
ان الحياء العام قد خدش
|
Post: #13
Title: Re: حمور زيادة يخدش الحياء العام
Author: بله محمد الفاضل
Date: 10-14-2009, 07:59 PM
Parent: #12
عجيب
وهل مات بعد خدشه؟؟
!!
|
Post: #14
Title: Re: حمور زيادة يخدش الحياء العام
Author: أمين محمد سليمان
Date: 10-14-2009, 08:07 PM
Parent: #13
Quote: نشر حمور قصته اعلاه (ولاء لم تعد تضحك) في الملف الثقافي الذي يشرف عليه بجريدة الاخبار الخميس الماضي
فقرر المجلس اىلاعلى للصحافة و المطبوعات
ان الحياء العام قد خدش
|
أمجد ما تدينا الموضوع بالقطاره !
المجلس الليلت الصحافة و المطبوعات ده عمل شنو ؟! طلع بيان ؟! فتح بلاغ ؟!
الشي البهمني في الموضوع ده ، إنو حمور ده أنا مكلفو يعمل لي حاجات بتطلب وجودو خارج السجن ، فبالله ما يحبسو ، لكن لو دايرين يجلدو ولا يعذبو و يرجعو البيت مافي مشكله ! المهم ما يحبسو !!!
|
Post: #15
Title: Re: حمور زيادة يخدش الحياء العام
Author: عبدالوهاب علي الحاج
Date: 10-14-2009, 08:52 PM
| Quote: إنو حمور ده أنا مكلفو يعمل لي حاجات بتطلب وجودو خارج السجن ، فبالله ما يحبسو |
ياخال مواضيعك انا بقضيها ليك احسن من حمور
بالله خليهم يحبسو دايرين نتضامن ياخ.. طولنا ما اتضامنا لينا مع زول
___
الموضوع لسه في طور صياغة الاتهام
|
Post: #16
Title: Re: حمور زيادة يخدش الحياء العام
Author: Faisal Elrasheed
Date: 10-14-2009, 08:54 PM
Parent: #15
| Quote: بالله خليهم يحبسو دايرين نتضامن ياخ.. طولنا ما اتضامنا لينا مع زول |
نجهز العمود والمرتبه
|
Post: #17
Title: Re: حمور زيادة يخدش الحياء العام
Author: حامد محمد حامد
Date: 10-14-2009, 08:59 PM
التحية لحمور رغم الزعم بخدشه الحياء العام
التحية لصاحب البوست واسف بالمرور بدون سلام
|
Post: #18
Title: Re: حمور زيادة يخدش الحياء العام
Author: عبدالعزيز الفاضلابى
Date: 10-14-2009, 09:16 PM
Parent: #17
| Quote: حمور زيادة يخدش الحياء العام |
المصيبة انو الحياء العام مصاب بالسكرى
وحمور خدشه الله يستر مايعمل ليهو غرغرينا,
الا بالحق هو خدشو بيشنو ,, مايكون بي ساسوية.
|
Post: #19
Title: Re: حمور زيادة يخدش الحياء العام
Author: MOHAMMED ELSHEIKH
Date: 10-14-2009, 09:22 PM
Parent: #18
| Quote: حمور زيادة يخدش الحياء العام |
يكون قبضوه متلبس بي "بنطلون"
التحية للأستاذ حمور
|
Post: #20
Title: Re: حمور زيادة يخدش الحياء العام
Author: حمور زيادة
Date: 10-15-2009, 00:13 AM
Parent: #19
شكرا لصديقي أمجد و ضيوفه ..
كما قال أمجد فإن اتصالا من وحدة الرصد و المتابعة ورد للصحيفة يقول أنهم رصدوا " عبارات خادشة للحياء " في قصة ولاء لم تعد تضحك.
و بحسب ما أبلغتني ادارة الصحيفة فإنهم سيبعثون بطلب حضور رسمي بهذا الشأن.
حقيقة مازلت أظن أن في الأمر خطأ أو اني لم احسن فهم ما أخبروني به في الصحيفة.
فبحسب تقييمي قد كنت حاولت أن أكتب القصة بأكبر قدر ممكن من الألفاظ الغير نابية تقديرا لرغبتي في أن تكون قصة " اسرية " لا يخجل أحد من قراءة كلمة فيها لتصل رسالتها الى عدد أكبر من القراء.
و قد كنت نشرت القصة سابقا هنا في الرابط الذي وضعه أمجد مشكورا و تداخل عدد كبير من الأعضاء و لم أظن أنها خدشت حياء أحدهم رجالا و نساء.
عموما لا أدري هل هذا الأمر خطر أم هو هين !!
فبعض من علموا به ينظرون لي في حسرة و قلق و يطلبون مني أن أتصبّر .. فأعدهم.
و البعض يضحك و يطلبون مني أن لا أهتم .. فأعدهم.
لكني كما قلت ، مازلت أظن أن في الأمر خطأ ما.
فمن الصعب أن اصدق أن هذه القصة - بدلا عن أن تحرك الشعور العام - خدشت حياء المجتمع.
و مازلت اترقب مقبل الأيام.
ـــــــــــــــــــ
الخال أمين .. ياخ انت اختك دي رضعتني موية مطرة ؟
ياخ مش تقيف مع ود اختك غلطان او ما غلطان ؟
ديل شنو خيلان المضرة الما عندهم محنّة ديل.
|
Post: #22
Title: Re: حمور زيادة يخدش الحياء العام
Author: عبد المنعم ابراهيم الحاج
Date: 10-15-2009, 00:32 AM
Parent: #20
سلامات ياحمور خادش الشعور..
غايتو بي صورتك الشايفها دي
كان فيها دور دق..
الا تردّف ..
المهم مبدئيا متضامنين معاك
|
Post: #21
Title: Re: حمور زيادة يخدش الحياء العام
Author: حسن حماد محمد
Date: 10-15-2009, 00:27 AM
Parent: #1
معقول هى الحكاية وصلت للدرجة دى؟
هل يمكن لانسان مثل الأخ حمور أن يخدش الحياء العام؟
أم هى تصفية حسابات مع الأخ المبدع حمور؟
على العموم نحن أيضاً منتظرين
ومن هسع متضامنين وجاهزين للدفاع عن أخونا حمور
الأخ حمور قلم مبدع وانسان شفاف نكن له كل الحب والتقدير
|
Post: #23
Title: Re: حمور زيادة يخدش الحياء العام
Author: Al-Mansour Jaafar
Date: 10-15-2009, 00:45 AM
Parent: #21
القارئي الكريم
هل مهمة الكاتب والمجلس المعني هي توقير "الحياء العام" أو هي ترقيته وتثقيفه؟
ما رأيهم في الشجن الجنسي في كثير من القصص والروايات والمجلات والأفلام والمسلسلات العربية والغربية.
الحياء العام يتعفن ويتلف بكثرة التكتيم والغتغتة وقليل من الهواء الطلق ينعش الروح الإنسانية أفضل من ألف حجاب وأحسن من ألف مكيف هواء.
وللنقاد والقراء كل التقدير .
|
Post: #24
Title: Re: حمور زيادة يخدش الحياء العام
Author: Al-Mansour Jaafar
Date: 10-15-2009, 01:02 AM
Parent: #23
رعي الحياء العام مطلوب من السلطان في مواضيع كثيرة منها:
المياه
الكهرباء
السكن
التعليم
الصحة
المواصلات
الزراعة
الصناعة
التعدين
التجارة الخارجية
العدالةفي تقسيم الموارد بين المركز والأقاليم
مكافحة الفساد
إجراء العدالة السياسية والقضائيةفي مسائل رئيسة مثل إنقلاب يونيو 1989 وعملية قمع الأحزاب والنقابات، وعمليات التعذيب والفصل العسفي، والفساد التجاري والإداري، وحملات الجهادالجائر وحرق القرى في انحاء السودان، وضرب الطلاب بالسياط وبالرصاص والتعدي على حقوقهم الأكاديمية والنقابية، التعدي على النساء العاملات، حرق القرى في دارفور، التفريط في السيادة الوطنية، التعدي على حرية النشر ..إلخ.
فإن لم يكن للسلطان والدولة حياء لإقامة العدل في هذه الأمور فمن الأنسب ألا تتناول قلم شاب مبدع ناشد للجمال بالتكريه والتعويق وهو يضيف جمالاً إلى الذوق السوداني، الذي تفسده الدولة وتجرحه كل يوم بأكاذيبها ونفاقها.
ولكم التقدير
|
Post: #25
Title: Re: حمور زيادة يخدش الحياء العام
Author: Dania Elmaki
Date: 10-15-2009, 05:09 AM
Parent: #24
هو الحياء ده طوالي مخدوش؟
سؤال الحياء ده حق منو؟؟
|
Post: #26
Title: Re: حمور زيادة يخدش الحياء العام
Author: أمين محمد سليمان
Date: 10-15-2009, 05:22 AM
Parent: #25
Quote: الخال أمين .. ياخ انت اختك دي رضعتني موية مطرة ؟
ياخ مش تقيف مع ود اختك غلطان او ما غلطان ؟
ديل شنو خيلان المضرة الما عندهم محنّة ديل. |
والله يا حمور المحنه راقده بالكوم ، لكن قصه اقيف معاك ضد الحكومه دي شويه صعبه ! الناس ديل يا حمور ما بخافو الله و الما بخاف الله خاف منو .
أمشي قابل الناس دي و أنا بقرا ليك ( يس ) و وصيتي ليك لو أدوك خيارات ما تختار الحبس !!
|
Post: #27
Title: Re: حمور زيادة يخدش الحياء العام
Author: Yassir Tayfour
Date: 10-15-2009, 05:48 AM
Parent: #26
أنا بكامل وعيِّ وقواي العقليَّة أقف كتفاً بكتفٍ مع الشعور العام المخدوش أو من يمثله، وبهذا أعطي الشخص الهمام الذي سوف يمتثل الزميل الكاتب حمور زيادة امامه، أن يمثلني في عريضة الإتهام وأن يأخذ مستحقاتي كمتضررٍ نفسياً جراء تلك الكتابات "الشاحدة للخياء"..
____
عشان تاني تعمّل لي فِلتّر!
|
Post: #28
Title: Re: حمور زيادة يخدش الحياء العام
Author: محمد إبراهيم علي
Date: 10-15-2009, 06:09 AM
Parent: #26
خال العدو انت يا امين نوتة غايتو البندر ما خاتي عليك 
حمور : الموضوع لو فيهو جلد انا بقترح نضغط في اتجاه انو الموضوع اصلا صاحبو وهبة وخليهو هو ينجلد مكانك اصلو بجعاتو قايمات فيهن شنوب وما بيضرهن كم صوت 
|
Post: #29
Title: Re: حمور زيادة يخدش الحياء العام
Author: على محمد على بشير
Date: 10-15-2009, 08:04 AM
Parent: #28
اذا كانت الكم كلمه القالهم حمور خدش للحياء فى نظر مجلس الصحافه
اذا اديبنا محسن خالد بقصته عن تموليتا السحاقيه ح ياخد اعدام
مع الاشغال الشاقه ..
|
Post: #30
Title: Re: حمور زيادة يخدش الحياء العام
Author: وليد محمد المبارك
Date: 10-15-2009, 08:35 AM
Parent: #29
وما ينخدش الحياء العام
هو ذاتو حياء شنو للعامة بعد قصة ولا دي
|
Post: #31
Title: Re: حمور زيادة يخدش الحياء العام
Author: كمال حسن
Date: 10-15-2009, 08:46 AM
Parent: #30
العزيز حيمور
إذا فيها جلد أنا متكفل بي .... طباعة الكروت
|
Post: #32
Title: Re: حمور زيادة يخدش الحياء العام
Author: فايزودالقاضي
Date: 10-15-2009, 09:11 AM
Parent: #31
والله السودان ده مابجيب الا العجائب ...
ياخي الحياء العام ازيلت بكارته تقولوا لي خدش !!!...
مضامن معاك ضد خالك ياحمور ..
محبة في الله ياحمور ..
|
Post: #33
Title: Re: حمور زيادة يخدش الحياء العام
Author: مجدي عبدالرحيم فضل
Date: 10-15-2009, 09:26 AM
Parent: #32
حمور زيادة
قلم رصين حبره يُزين الحياء حياة
ضمنيا من هسي أنا ضد الخال في ماذهب إلية
بس وصيتو أعمل بيها يا حمور وُدي لك.
،،،،أبوقصي،،،،
|
Post: #34
Title: Re: حمور زيادة يخدش الحياء العام
Author: وليد محمد المبارك
Date: 10-15-2009, 10:15 AM
Parent: #33
| Quote: إذا فيها جلد أنا متكفل بي .... طباعة الكروت |
|
Post: #35
Title: Re: حمور زيادة يخدش الحياء العام
Author: محمد أبوالعزائم أبوالريش
Date: 10-15-2009, 10:27 AM
Parent: #34
القصة قريناها في البورد ده .. مافي زول من القروها إحتج على أي مفردة.
نحن يعني كان جلدنا تخين؟ والاّ ما عندنا حياء؟
ياخ ناس المجلس ديل رقيقين خلاس .... أي حاجة تخدش حيائهم.
_______
حمور تاني ما تخربش
|
Post: #36
Title: Re: حمور زيادة يخدش الحياء العام
Author: محمد عمر الفكي
Date: 10-15-2009, 10:27 AM
Parent: #34
والله يا حمور قريتها بقلب الاب صدقني قلبي رجف وخصوصاً انه نحن في بلد فيها مليون جنس، الولد تخاف ترسله الدكان.
الدنيا لم تعد كما كانت والناس تغيرت انفسهاوالاخلاق انحطت الي درجة مخيفة.
بس انت غلطان ما مفروض توعي الناس وتنبههم لمثل هذه الاخطار خليهم في عماهم .
بالله يا جماعة لو حمور بقصته التحذيرية دي خدش الحياء العام (الاتقياء) البيزنوا في نص نهار رمضان بيكونوا عملوا للحياء العام شنو؟
|
Post: #37
Title: Re: حمور زيادة يخدش الحياء العام
Author: محمد عبدالله مختار
Date: 10-15-2009, 10:52 AM
Parent: #34
| Quote: كما قال أمجد فإن اتصالا من وحدة الرصد و المتابعة ورد للصحيفة يقول أنهم رصدوا " عبارات خادشة للحياء " في قصة ولاء لم تعد تضحك. |
حمور ياخوي اوعك تكون قلت في القصة انو ولاء مشت الدكان واشترت عصير (رانجو) 
الرائع أمجد : والله كنت قايلك بتهظر لغاية ما قريت مداخلة حمور ..
النشوف اخرته !!
|
Post: #38
Title: Re: حمور زيادة يخدش الحياء العام
Author: معتز القريش
Date: 10-15-2009, 10:55 AM
Parent: #34
والله يا حور يا أخوي
أنا متضامن معاك ضد خالك الخواف دا
اتبرا منو 
|
Post: #39
Title: Re: حمور زيادة يخدش الحياء العام
Author: Elawad Eltayeb
Date: 10-15-2009, 11:21 AM
Parent: #24
Quote:
ولاء لم تكن تعلم أن عائلة الخالة عواطف سافرت قبل أيام لعزاء في مدينة بعيدة.
حامد ابن أخت الخالة عواطف جاء ليقيم في البيت ريثما يعود أصحابه |
القصة في منتهى الزوق والأدب وليس فيها خدش للحياء العام
بس الجماعة ديل أكيد شافوا نفسهم في (حامد)
وشافوا الوطن في ولاء
وإلاّ ما كان جقلبوا كده
|
Post: #40
Title: Re: حمور زيادة يخدش الحياء العام
Author: نهلة محكر
Date: 10-15-2009, 11:41 AM
Parent: #39
يا حمور .. انا زماااان نصحتك وقلت ليك بلاش الحركات دي
اهو كلامي جا في محلو .. دايما كلام القصير ما بنسمع في البلد دي (منو القال انا قصيرة هسي)
ناس الصحافة والمطبوعات ديل رهيفين وما بستحملو قلمك المسنون دة ياخي
اهو هسي انت اتسببت في خدش حياءهم .. بالله امسك ليك اقرب حجر وحاول خفف من حدة سن القلم
ولا اقول ليك ارميهو أحسن ... ما يجو بعدين يمسكوهو في يدك ويبقى معروضات ودليل دامغ ضدك
غايتو للضمان كدة .. ما حاتضامن معاك تضامن كامل .. لحدي ما نشوف آخرتا
والدور يمكن يلف ويدور علينا .. فنص ليك ونص ليهم .. لحفظ التوازن وكدة
وياناس الصحافة والمطبوعات .. الجاتكم في حياءكم سامحتكم
|
Post: #41
Title: Re: حمور زيادة يخدش الحياء العام
Author: rosemen osman
Date: 10-15-2009, 12:08 PM
Parent: #40
معقولة بس!!
الحياء العام من المفترض يخدش لفرط حياء وبراءة حمور :)
|
Post: #42
Title: Re: حمور زيادة يخدش الحياء العام
Author: أحمد ابراهيم عثمان
Date: 10-15-2009, 12:23 PM
Parent: #40
حمور الصراحه هذه القصة لا تخدش و تجرح في مقتل الحياء الخاص لاي مريض نفسي
اذا خدشت هذه القصة الحياء العام فاتمني ان اري الحياء العام مزبوحا من الوريد الي الوريد
________________________________________________________________________________
اول مره اعرف انو ناس الصحافه و المطبوعات عندهم موظفين يعملوا كمجسات للحياء العام
|
Post: #43
Title: Re: حمور زيادة يخدش الحياء العام
Author: معتز تروتسكى
Date: 10-15-2009, 12:32 PM
Parent: #42
كالعادة !!!
متى يستعدل هذا المجلس لكثير ما اقول ان به اشخاص مصابون بامراض نفسيه تجاه الكُتاب والقراء المبدعون !!!
مما يُثير حيرتي!!!
ولا نملك الا ان نقول كالعادة !!!
ولنتظر اجابته(هذا المجلس)!!!
|
Post: #44
Title: Re: حمور زيادة يخدش الحياء العام
Author: عزاز شامي
Date: 10-15-2009, 12:55 PM
Parent: #1
ولم تخدش حقيقة أحداث الرواية حياء القائمين على الحياء العام؟
|
Post: #45
Title: Re: حمور زيادة يخدش الحياء العام
Author: وليد محمد المبارك
Date: 10-15-2009, 01:06 PM
Parent: #44
| Quote: ولم تخدش حقيقة أحداث الرواية حياء القائمين على الحياء العام؟ |
بكون ده المقصود يا عزاز
لاني لا اري اي خدش للحياء لفظيا فيها
اللهم الا ان خدشت حيائهم الاحداث
|
Post: #46
Title: Re: حمور زيادة يخدش الحياء العام
Author: الفاتح سليمان
Date: 10-15-2009, 01:19 PM
Parent: #45
حمور وامجد
زمان كنا كواكب يعني ناس بنجي قلمنا فاضي بتاع الحبر ونقعد نشحد في الباب جيب نقطة جيب نقطة لحدي ما يكون عندنا اكتر من غيرنا حبر .....
المهم عليك الله حبرك بالتكتب بيهو دا وبخدش وما عارف شنو نقط منو لينا هنا في البورد دا عشان الحكاية كان جابت ليها جلد ما بتحلك الا لبادة بتاعت لستك
يعني السيلكون ما كفاية باقي لي الشباب كان مبدع زمان لمن يجي يزوق من الجلد هش بقت كروت توزعها بتتعب كل جبان .
طبعا كواكب = شحادين
لبادة = قطعة قماش او لستك تحميك من السوط عند اسفل الظهر وكتبنا الظهر حتي لا نخدش الحياء .توضع تحت الرداء الكاكي ولديها ربطة معينة ويجب ان تكون كاتم صوت حتي لا تكتشف بواسطة الاستاذ ،،،
اي كلام تاني ارجعوا مصطلح خدش الحياء العام البكتب فوقوا حمور دا ....
اسمع البوليس ح يحلف يقول شاف شنو المرة دي ,,,,
عندك حصانة ولا لا ؟؟؟
|
Post: #47
Title: Re: حمور زيادة يخدش الحياء العام
Author: MOHAMMED ELSHEIKH
Date: 10-15-2009, 01:34 PM
Parent: #46
بالله رسلو لينا الرابط بتاع القصة
انا عاوز اخدش الحياء بتاعي مع سبق الأصرار و الجلد.
في بداية الأنقاذ انا مرقت من 20 جلدة .هسع جاهز و مردف كمان
|
Post: #48
Title: Re: حمور زيادة يخدش الحياء العام
Author: baha eassa
Date: 10-15-2009, 01:58 PM
Parent: #47
ياحمور ياقريبي .. كامل تضامنا معك .. في ناس بتخربش عديل
مابيسالوهم اشمعني؟ سير سير يا .. حمور ..
|
Post: #49
Title: Re: حمور زيادة يخدش الحياء العام
Author: طارق مصطفى
Date: 10-15-2009, 02:29 PM
Parent: #48
ما أن ترد (منهم) عبارة خدش الحياء تلك
إلا
ويتملكني الإحساس
بأن الذي خدش حياؤهم هذا
..
هو الصح!!
|
Post: #50
Title: Re: حمور زيادة يخدش الحياء العام
Author: أمين محمد سليمان
Date: 10-15-2009, 09:05 PM
Parent: #49
محمد إبراهيم و مجدي و القريش و من لف لفهم :
المثل السوداني بيقول (كان الحكومه زعلت من ود أختك ، أزعل منو ) ! غايتو ( يس ) بنقرأها ليهو لكن (التضامن) و الكلام البزعل الحكومه ده : يسمو !!
|
Post: #51
Title: Re: حمور زيادة يخدش الحياء العام
Author: عمر صديق
Date: 10-15-2009, 11:59 PM
Parent: #50
Quote: والله يا حور يا أخوي
أنا متضامن معاك ضد خالك الخواف دا
|
| Quote: المثل السوداني بيقول (كان الحكومه زعلت من ود أختك ، أزعل منو ) ! غايتو ( يس ) بنقرأها ليهو لكن (التضامن) و الكلام البزعل الحكومه ده : يسمو !! |
الاخ المبدع حمور
تحياتي
ياخ كدا اتجهجهنا!!! وماعارفين نقيف معاك ولا مع خالك (والخال شريك الوالد)
واحطياطيا كدا
كامل تضامني مع صديقي حمور ومع خاله ومع الحياء العام ذاتو
وشكرا يا دكتور
|
Post: #52
Title: Re: حمور زيادة يخدش الحياء العام
Author: سيف النصر محي الدين محمد أحمد
Date: 10-16-2009, 01:56 AM
Parent: #51
اخدش يا حمور اخدش كمان و كمان و لا تأخذنك بالحياء العام شفقة و لا رحمة إن كان الخدش المقصود يشبه ما تكتب.
|
Post: #53
Title: Re: حمور زيادة يخدش الحياء العام
Author: Bashasha
Date: 10-16-2009, 02:05 AM
Parent: #52
عصر الطحالب!
كمان محرر لي صفحة ثقافية!
اي صفراء!
|
Post: #54
Title: Re: حمور زيادة يخدش الحياء العام
Author: حمور زيادة
Date: 10-16-2009, 05:31 AM
Parent: #53
Quote: عصر الطحالب!
كمان محرر لي صفحة ثقافية!
اي صفراء! |
يا بكري ..
كيس المجانين الجيت شايلو بجاي وقع منو مجنون.
تعال شيلو.
|
Post: #55
Title: Re: حمور زيادة يخدش الحياء العام
Author: محمد الطيب يوسف
Date: 10-16-2009, 08:44 AM
Parent: #53
Quote: عصر الطحالب!
كمان محرر لي صفحة ثقافية!
اي صفراء! |
بغاث الطير بقت تتكلم في الشأن الثقافي
أي حرف بكتبو حمور هنا بي لغاويسك المالي بيها المنبر ده يا مريض
|
Post: #56
Title: Re: حمور زيادة يخدش الحياء العام
Author: محمد سنى دفع الله
Date: 10-16-2009, 10:53 AM
Parent: #55
ما كلمتونا
خدش الحياء العام !! كيف ؟؟؟
يعني جاء بدبى ومعاهو مطوة !
ولا خنجر !!
وخدش الحياء العام ؟؟
وهو زاتو لقى الحياء العام وين ؟
وليه الحياء العام ده ما اشتكى من زمان ؟
والحياء العام ده
اخو الحياء الغرق؟؟
هذه الأسئلة وغيرها نريد اجابات لها
مش ممكن يكون الحياء العام ده اشاعة ؟؟؟؟
|
Post: #57
Title: Re: حمور زيادة يخدش الحياء العام
Author: جعفر محي الدين
Date: 10-16-2009, 03:34 PM
Parent: #56
كنت عايز أتضامن معاك يا حمورة
لكن أسئلة أستاذنا محمد السني الفوق رأسي دي خلتني أغير رأي عشان أتأكد
بس أنا كنت قريت القصة ورجعت هسع فتشت الحياء العام بتاعي قلت ربما يكون قد خدش في مكان ما
للحقيقة والتاريخ لم أجد أي خدش
وبناءً عليه أبرئ حمور زيادة من خدش الحياء العام
|
Post: #58
Title: Re: حمور زيادة يخدش الحياء العام
Author: السيد المسلمي
Date: 10-17-2009, 09:42 PM
Parent: #57
كامل التضامن مع الأديب حمور ،
ممكن تكون دي ضريبة إبداع ياحبيب !؟
|
Post: #59
Title: Re: حمور زيادة يخدش الحياء العام
Author: سامي صلاح محمد
Date: 10-17-2009, 09:59 PM
Parent: #58
ذكرتني مقولة عادل مام الشهيرة لمن طالبوا بتاع الامن بمراعاة مصالح الدولة العالية
قال ليهو سيادتك: و مين يراعي لمصالحي الشخصية السفلى؟
من يخدشون حيائنا الخاص.....
من يحاسبهم؟؟!
|
Post: #60
Title: Re: حمور زيادة يخدش الحياء العام
Author: مؤيد شريف
Date: 10-17-2009, 10:29 PM
Parent: #58
إفقأ المزيد من الدمامل
حرك الحياء وهُز الخشى
وساقط علينا سردا مكثفا يؤلم بقدر ألم الواقع
منهم من لا يطيق فقأ الدمل الآوية إليه جرثومة المصلحة والشغف بالذات
وأنت تعي أهمية إفراغ الدمل من مادته المجرثمة
فاحمل دبوسك
وخبرنا إن احتجت دبوسنا
وقد نضطر لحمل المعول
فقد يحمون الدمل بالملالة
تحية وتقدير واحترام
وإعجاب
|
Post: #61
Title: Re: حمور زيادة يخدش الحياء العام
Author: نهلة محكر
Date: 10-18-2009, 10:07 AM
Parent: #60
صديقي ثامر اليامي من السعودية
يعلن كامل تضامنه مع حمور زيادة من على البعد
كتب ثامر بعد قراءته للقصة هذه الكلمات :
أين العزاء !! ... ماذا اقول وخاطري يبكي ولاء ...
أين السلام ... والنور ينشج تحت طغيان الظلام ...
ماتت ملاك الله في أرض العباد ... مات الوداد ... مات الحياء ...
ماتت ترانيم الكنائس ... وأستشهدت كل المآذن ...
والكل بائس والكل خائن ... والكل من كلٍ برااء ...
ماذا أقول ... والبعض من بعضي خجول ...
والعيش عهرٌ وبغاااء ... بعدما غابت ولاااء :(
ثامر اليامي متضامناً مع حمور زيادة
|
Post: #62
Title: Re: حمور زيادة يخدش الحياء العام
Author: Hussein Mallasi
Date: 10-18-2009, 10:38 AM
Parent: #61
بختك يا حمور .. حتى ثامر اليامي أتضامن معاك.
|
Post: #63
Title: Re: حمور زيادة يخدش الحياء العام
Author: ALazhary2
Date: 10-18-2009, 11:46 AM
Parent: #62
.
.
كامل تضامني مع الأخ الحبيب حمور زيادة .
ياحمور بختك يا محب الأمويين تضامن معاك ثامر اليامي.
يام قبيلة عربية عظيمة في جنوب شبه الجزيرة ترجع أصولها إلى قبيلة همدان.
همدان ديل ياحمور كانوا أكثرية أنصار سيدنا ومولانا أمير المؤمنين علي بن أبي طالب عليه السلام وكانوا أعدى اعداء معاوية.
ومن أشهر أهل همدان سيدنا الحارث الهمداني صاحب الإمام علي الذي يقول فيه السيد الحميري الأبيات المشهورة:
قول علي لحارث عجب * كم ثم أعجوبة له حملا
يا حار همدان من يمت يرني * من مؤمن أو منافق قبلا
يعرفني طرفه وأعرفه * بنعته واسمه وما فعلا
وأنت عند الصراط تعرفني * فلا تخف عثرة ولا زللا
أسقيك من بارد على ظماء * تخاله في الحلاوة العسلا
أقول للنار حين تعرض للعرض * دعيه لا تقبلي الرجلا
دعيه لا تقربيه إن له * حبلا بحبل الوصي متصلا
ومما تفتخر به همدان على الخلائق قول الإمام علي عليه السلام في حقهم:
جزي الله همدان الجنان فإنهم
سمام العدى في كل يوم خصامي
لهمدان اخلاق و دين يزينهم
و لين اذا لاقوا و حسن كلامي
متى تاتهم في دارهم لضيافة
تبت عندهم في غبطة و طعامي
ألا إن همدان الكرام أعزة
كما عز ركن البيت عند مقامي
و لو كنت بوابا على باب جنةِ
لقلت لهمدان ادخلوا بسلامي
أيضاً مما يجدر ذكره أن هذه القبيلة العظيمة دخلت في الإسلامة جملة واحدة على يد الإمام علي بن أبي طالب عليه السلام بعد أن قرأ عليهم كتاب الرسول صلى الله عليه وآله وسلم أي انها أسلمت طوعاً ورغباً لا رهباًكما أسلم غيرها من الذين استسلموا ولما بلغ النبي خبر اسلامهم سجد لله وهو يقول ثلاثاً: السلام على همدان السلام على همدان السلام على همدان.
هسع ياحمور بن زيادة صاحبك ثامر اليامي ده بالتأكيد حايسحب تضامنوا كان عرفك أموي الهوى :)
وكويس كان وقفت على سحب التضامن لأنه ممكن كمان يديك على أم صلعتك بقصيدة هجاء تسير بها الركبان:)
حمور زيادة خالص تحياتي وتقديري ومحبتي أيها الأديب المفضال، وماتشتغل الشغلة بي كلام الطيرة الإسمه بشاشا ده، ده زول مريض .
.
.
|
Post: #64
Title: Re: حمور زيادة يخدش الحياء العام
Author: Siham Elmugammar
Date: 10-18-2009, 12:00 PM
Parent: #63
| Quote: الرائع أمجد : والله كنت قايلك بتهظر لغاية ما قريت مداخلة حمور |
الولد الما رائع امجد والله انا ذاتى كنت قايلاك بتهظر و ما دخلت البوست من عنوانو قايلاها
تدويرا وقلت اشوف الحاصل شنو لما المزاج يروق
اها قام حمور رسل لى مسج مع الناس برضو ما صدقت
قلت الولد ده تكون عجبتو قصة لبنى والا شنو؟؟؟
ويكون حارى ليهو منفعة؟؟!!!! او كما قال
فى انتظار حمور يجى يورينا الحصل شنو فى التحقيق
وحتى ذلك الوقت على ملاسى ان يتحقق من شغلونا والا ح يشغلونا بقضية حمور
|
Post: #65
Title: Re: حمور زيادة يخدش الحياء العام
Author: Hussein Mallasi
Date: 10-18-2009, 12:06 PM
Parent: #64
| Quote: قلت الولد ده تكون عجبتو قصة لبنى والا شنو؟؟؟ |
من ناحية عجبتو فبالتأكيد عجبتو.
|
Post: #66
Title: Re: حمور زيادة يخدش الحياء العام
Author: سيف النصر محي الدين محمد أحمد
Date: 10-18-2009, 02:12 PM
Parent: #65
يا ملاسي بطل السخف البتعمل فيهو ده.....لو سمحت.
|
Post: #67
Title: Re: حمور زيادة يخدش الحياء العام
Author: تبارك شيخ الدين جبريل
Date: 10-18-2009, 02:48 PM
Parent: #66
أولاً انا مع الدكتورة "أمانى الأمين" ... متضامنة مع "حمور زيادة" كانت؛ أو شاجبة لخدشه للحياء العام ...
ثانياً أدعو زميل المنبر والصديق "عبدالفتاح عرمان" ليفتينا فى المسألة (بما أنه من الذين ناضلوا فى إجازة قانون الصحافة الحالى، ونالت الصيغة النهائية قدر كبير من رضاه، وليس الرضا التام) ..
هل يا أستاذ عبدالفتاح ... مسألة "خدش الحياء العام" هذه وردت فى القانون الجديد بالصيغة المطروحة فى قضية الأخ "حمّور زيادة" هذه؟
بالنسبة للحياء العام نفسه ... فننصحه بالبحث عن "لزقة" ... قبل أن تستشرى الإلتهابات!
... المهم ...
|
Post: #68
Title: Re: حمور زيادة يخدش الحياء العام
Author: سعد مدني
Date: 10-18-2009, 03:39 PM
Parent: #67
و الله هسي انا محتار في الجزئية من القصة التي خدشت حياء مجلس الصحافة و المطبوعات
و ما لقيتها!!
يكون اخذوا مضمون القصة و لا شنو!
الناس دي بفتش ليها اي سبب، لأدعاء انهم حراس الحياء العام، و كلهم حياء و خجل!
|
Post: #69
Title: Re: حمور زيادة يخدش الحياء العام
Author: Tumadir
Date: 10-18-2009, 03:44 PM
Parent: #65
الاعنية دى جات مارقة كده
أدوها لى زول فايق يغنيها ..اللحن أى لحن بنقع
ان شا الله تعجبكم
والى الاغنية:
حياءالناس ما بعرفو
وانا حيائى بس مخدوووش
--------------
-----------
الناس تاكل السلطة
وتحلى بالباسطة
وانا آكل القرقوووش
----------
الناس كلها بتبنى
وبتزرع وبتجنى
والنحنا اوضة وحووووش
--------------
الناس عندهم صحة
دوا ومصل ومصحة
وهنا البا....عوض عنكووووش
------------
الناس بتدلع اطفالها
احبابا وعيالا
والنحنا بالخرطووووش
-------------
الناس بتقدس الزوجة
وبتصلح العوجة
وهنا تمشى بالبرطووووش
------------
الدنيا حرية
وكرامة شخصية
وأنحنا فى يد قوووووش
-----------
الناس عندها شوارع
تخطيط مدن بارع
وهنا المطر بس توووش
-----------
انا بس حيائى مخدوش
ناقص لسان وقروش
انا بس حيائى مخدوش
الليلة بالبرطوش
انا بس حيائى مخدوش
المطر ة تدخل توووش
انا بس حيائى مخدوش
الليلة فى يد قوووش
واللابس الطربوش
انا هوى حيائى مخدوش
بدل العنب قرقوووش
والبا~ أعوض عنكووووش
( الجزء الاخير ده للكسرة)
|
Post: #70
Title: Re: حمور زيادة يخدش الحياء العام
Author: ممدوح أبارو
Date: 10-18-2009, 04:19 PM
Parent: #69
أها الدفن بتين
هي الجلد بتين؟
(أنعل أبو الوشوش ذاتو)
|
Post: #71
Title: Re: حمور زيادة يخدش الحياء العام
Author: تبارك شيخ الدين جبريل
Date: 10-18-2009, 04:28 PM
Parent: #70
حمّور زيادة ...
Quote: ..
.
والخاص برضو
______
على ذمه صالح تبلدينا
سلام يا امجد؛ |
تعيش وتاخد غيرا ....
.. المهم ....
|
Post: #72
Title: Re: حمور زيادة يخدش الحياء العام
Author: AnwarKing
Date: 10-18-2009, 04:48 PM
Parent: #71
والله جنس تضامن؟
أسع لو قلنا للمتضامنين ديل كل زول 5 دولار عشان مشروعي أنا وحمّور القادم في البوست التاني،
إلا نشوف لينا ضُمنة!
المهم...
|
Post: #73
Title: Re: حمور زيادة يخدش الحياء العام
Author: معتصم دفع الله
Date: 10-18-2009, 06:00 PM
Parent: #72
من أجل ولاء ..
وأطفال السودان أكتب يا حمور ..
لعل من خدشت حياءهم يستحون أكثر ..
لك الله يا صديق ..
ولا تبتئس ..
|
Post: #74
Title: Re: حمور زيادة يخدش الحياء العام
Author: أمين محمد سليمان
Date: 10-19-2009, 05:16 AM
Parent: #73
| Quote: أولاً انا مع الدكتورة "أمانى الأمين" ... متضامنة مع "حمور زيادة" كانت؛ أو شاجبة لخدشه للحياء العام ... |
|
|