Post: #1
Title: يا كيكي يـــــاخ
Author: محمد البشرى الخضر
Date: 02-02-2009, 11:42 PM
Parent: #0
يا معلم ...
كل يوم بجي بالليل اكوس لي بوست الديربي لمن روحي تمرق ولما القاه يطلع ملغم يبيّض بي
المهم يا كابتن
دي مقترحات للحلقات الجاية من الاستديو التحليلي بالله ختها لي في بالك وكدا
اولا ديربي الخامس ما اخد حقه تماما ( لكن لو شايف بجيب ليك هوا جليه ما مشكلة)
اها امسك عندك
تداعيات إنتخاب اللجنة و المكتب لسياسي وقصة الإعتذارات و العين الحمرا الظهرت مؤخرا وكدا
تحليل محمد عادل السياسي
ماتش المرضي ملاسي - على الأصح - ملطشة المرضي لي ملاسي
بيان بيان عن إنتخاب هنادي و ما أفرزوا من تداعيات و ركز لي على الحتة بتاعة " يا ريتني لو كنت راجل" فيها شغل كتير داير روقة
وحكاية وهبة
بالنسبة لقصة التكاسة و ما ادراك ما المواسير فافضل تخلّيها لبعد كورة الإياب
كفاك ديل أسي وإن اتذكرت شي تاني بجيك راجع
تمام يا عمك
دقيقة دقيقة قبل ما أنسى
"شالو" دي مقصود بيها شنو بالضبط كدا ؟
|
Post: #2
Title: شوفوا لينا حل
Author: العوض المسلمي
Date: 02-03-2009, 07:05 AM
Parent: #1
ايوه ياعبدالكريم عليك الله ركز علي وهبه ده شويه ,,
اليومين ديل حالو ما عاجبني ...
ويا ودالبشري الاف التحايا ,,,
|
Post: #3
Title: Re: شوفوا لينا حل
Author: عبدالكريم الامين احمد
Date: 02-03-2009, 08:27 AM
Parent: #2
هلا يا عمك هلا
وحبابك يا العوض...
وياعمك خامس الشيوعي عمل لينا فلايت وجاء عليها (الجوكر) قضي علي ما تبقي من تماسك الفلايت
ولغم الاجواء والاستديو اتقفل بهكر في ثياب تراجية مزيفة...(التقول استضفنا الترابي)
فعلا يا كابتن عمك نهر الخامس والديربي بتاعو لسع مدفق والقصة فيها يعلم الله (قبضات ثمينة) والورق الممسوك فيهو خمسة جواكر اسفيرية
لو طلعت الجوكر الهكر بره...
اولا يا عمك نحب ان نطئمن الكباتن والجمهور بانو القصة مافيها (هواء ولا حاجة)..
ونحن في القناة شعارنا الباص الصاح في الزمن الصاح ولكن كل لاعب يستلم الباص حسب مقدراتو علي ال(الفير بلاي)..
نجدع باصنا بموضوعية وحقوق ونعتبر نفسنا متملكين كقناة ومحللين ملك حر لحق جدع الباص..استنادا علي المواطنة والوطن والهم العام..
اللاعب التاني يستلموا صاح ولا يقلش بيهو ولا الباص يضرب في ضهروا..دي مشكلتو لوجاء في الاستديو ممكن ننق معاهو..
شايف في مطاوي وسكاكين طلعت يا عمك ..لكن الاستديو برضو جاهز وطلع الجقدي بتاعو ونضفو من امس وقاااااعدين معاك في الاستديو ده
...
نعم المياه جابت سمك كثير
فتداعيات اللجنة المركزية وبوست الاشارة الحمراء (ده بوست ولا شارع رمادا يا بدرالدين احمد موسي)*
بالاضافة الي جدعاااااات هنا وهنووووك في هذا الامر في النقاط الاساسية التي طلعتها يا كابتن عمك كدس
وبما فيها وهبة واحمد المرضي وصورة الرقيبة قزازة حرير
كلو ساكون معك وعلي الهواء مباشرة
بس خليني الحق سوق الشغل الكابس في راسي ده وحلل لي ريال ريالين من العملة القطرية
وبجييك في الاستديو نضيييييييف يا عمك ومسرح بوب ماري كمان..
شارع رمادا ده اكثر شارع فيهو اشارات حمراء في الدوحة وفي العالم
ياكافي البلاء الاشارة الثلاثة خانات كلها حمراء
|
Post: #4
Title: Re: شوفوا لينا حل
Author: عبدالكريم الامين احمد
Date: 02-03-2009, 08:36 AM
Parent: #3
Quote: دقيقة دقيقة قبل ما أنسى
"شالو" دي مقصود بيها شنو بالضبط كدا ؟ |
وقبل يا عمك ما اغيب لقليل في مدارات (تحليل الريال)
بالنسبة الي شلو
تقول الفرنجة هذا نهرا (شلو)
اي هذا النهر عمقة قليل وسطحي السطح...وكنا نقول ايامات اعمالنا في المجاري
هذا مانهول ديب
وذاك مانهول مديم
وهنا مانهول شلو
والشلو كما ورد في قاموس الفرنجة هي تعني السطحي او الضحل او كما قيل
|
Post: #5
Title: Re: شوفوا لينا حل
Author: محمد عبد الماجد الصايم
Date: 02-03-2009, 08:37 AM
Parent: #3
غايتو دا حقي ربنا ملصو منكم!
باللاي التحف دي ما تورونا ليها ياخ!
شايف المعلم داكـ جهجه باكاتكم
ذكرني صحبكـ بتاع الركركة
|
Post: #6
Title: Re: شوفوا لينا حل
Author: عبدالكريم الامين احمد
Date: 02-03-2009, 11:28 AM
Parent: #5
هلا يا عمك..
وعندنا الي الاستديو وخلينا ندورها تحت شعار الي الجحيم ايها الجوكر..
يا عمك ضروري اولا نتبث انو الاتيام الاساسية المدورة الديربي لاتزال هي من ماسكة علي جمر الثروة والسلطة الاسفيرية للقصة..وطورت شديد في الياتها وجابت فنون وجنون جديدة..وصحيح ايضا تواري بعض الاصوات هنا وهنالك لدواعي الاصابة
والحردان...
وخلينا نشوت هنا مفاتيح اللعب الاساسية وبعده نشوف
1-سياد الساس والراس (وديل فيهم الاحتفائين-المنقرطين- الماسكين العصاية من نصها)
2-(تيار حملة هنادي بيان علي راس القائمة
3-موسيقي منفردة (ملاسي ) طبعا طور ادواته وبقي يومي بجي شايل ديناميت فالصو وبفكو وبفرتق (حديث الطيرة والطائفية
4-تيارات عملت في فترة الذروة الاولي والان اتخارجت الي تمشيط تداعيات خطابها (كمال الزين)
5-جدعات هنا وهناك والاستديو بوصي ياعمك بمتابعة بوست حاتم الياس وبوست بدرالدين الامير بتاع تخمضت
6-بوست الاشارات الحمراء ورقصة الغاغا
............
علي هامش ده كلو الاستديو ممكن يعرج معاك لبوست احمد المرضي بتاع رسمة الرقيبة قزازة حرير
والتحليل السياسي بتاع بوست محمد عادل (لاحظ انا ما قلت التحليل السياسي بتاع محمد عادل)
الي حين نثبت او ننفي الملكية ولكن كل هذا وذلك بعد الفاصل
|
Post: #7
Title: Re: شوفوا لينا حل
Author: محمد البشرى الخضر
Date: 02-03-2009, 11:53 AM
Parent: #5
سلامات مسلمي و حمودي
بالله لو عندكم مقترحات لمواضيع ترغبوا ان يتم تناولها في الحلقات الجاية
اتصلوا بالتنسيق و المتابعة على الأرقام الظاهرة أسفل الشاشة
او ارسال بريد إلكتروني على عنوان البرنامج [email protected]
كيكي هلا يا كابتن ...
حلل ريالاتك اول و نحن في إنتظارك
وإلى ذلك الحين ح اعكف لى تجهيز محاور للنقاش تتعلق برؤوس المواضيع اعلاه
| Quote: والشلو كما ورد في قاموس الفرنجة هي تعني السطحي او الضحل او كما قيل |
باللاي ...
|
Post: #8
Title: Re: شوفوا لينا حل
Author: محمد البشرى الخضر
Date: 02-03-2009, 11:57 AM
Parent: #7
سوري يا كابتن مداخلتي اعلاه قبل ما أقرا ردك الأخير
واصل متابعين
|
Post: #9
Title: Re: شوفوا لينا حل
Author: حيدر حسن ميرغني
Date: 02-03-2009, 11:59 AM
Parent: #7
ياعمك البوست برعاية منو
______
الهكر طلع زميل فضائي
|
Post: #10
Title: Re: شوفوا لينا حل
Author: محمد البشرى الخضر
Date: 02-03-2009, 12:42 PM
Parent: #9
هلا حيدر...
الكابتن رافض قصة الرعاية دي رغم انو لقينا ليه عرض مدنكل
بالقوة غايتو مرقنا منو موافقة على الشريط الإعلاني
|
Post: #11
Title: Re: شوفوا لينا حل
Author: عبدالكريم الامين احمد
Date: 02-03-2009, 12:43 PM
Parent: #9
| Quote: الهكر طلع زميل فضائي |
الهكر شطب راسنا ياحيدر
لاعرفنا زميل ولا عرفنامن اهل الوسط ولا عرفنا بني كوز
عموما مع كابتن عمك ده لقدام
ممكن نشوف خطاوية والبوستات الكان بعكشها ماشة لوين
ونحاول نطلع بشوية حاجة كده
|
Post: #12
Title: Re: شوفوا لينا حل
Author: عبدالكريم الامين احمد
Date: 02-03-2009, 12:54 PM
Parent: #11
Quote: 1-سياد الساس والراس (وديل فيهم الاحتفائين-المنقرطين- الماسكين العصاية من نصها)
2-(تيار حملة هنادي بيان علي راس القائمة
3-موسيقي منفردة (ملاسي ) طبعا طور ادواته وبقي يومي بجي شايل ديناميت فالصو وبفكو وبفرتق (حديث الطيرة والطائفية
4-تيارات عملت في فترة الذروة الاولي والان اتخارجت الي تمشيط تداعيات خطابها (كمال الزين)
5-جدعات هنا وهناك والاستديو بوصي ياعمك بمتابعة بوست حاتم الياس وبوست بدرالدين الامير بتاع تخمضت
6-بوست الاشارات الحمراء ورقصة الغاغا |
ياعمك الرعاية التامة للبوست ده خلاص ختمها ادق
وانت زااتك يافردة حقو تتضاير شوية...والثورة انطلقت صوب ديربي الخامس..
وقبيل في البداية فعلا اخوك كان مزنوق زنقة بوبي في فريق فلاتة ...جبنا سيرة بوبي دي عشان الموضوع لقدام لوجاب سيرة
عض كلب يكون عااادي بالزبادي (تقفيل لعب وكده)
1-سياد الساس والراس...
هنا يا عمك كما تلاحظ الاجواء الاحتفائية لا تزال لها شوية رقشة مع ملاحظة اختفاء بعض الاحتفائيين الكبار الذين جننو الشعر الثوري جنون قبورة ولكن الحركة الاحتفائية ما بين بوست هنا وواحد لخضر حسين هنااااااااك....
في قبل ما الجوكر يكوش علي الديربي لو تتذكر قلنا (الاحباط) قسناهو من حركة البوستات
ولكن الان ظهرت بعض الاصوات بيانا عيانا تندد وتشجب كمان وبالاضافة الي طلعة ابو ساندرر في لعبة الروليت الروسي
وختاها مقشرة وتسرب ما بين ثنايا اشياء عديدة ليقول كلمته..(لاحقا عندو حلقة براهو كده ابو ساندرا ده)...
الانضباط التنظيمي ياعمك عالي العالي في الغالبيةوتماسك رغم الطلعات الجوية هنا وهنناك وعمل ما بطال في ظروف الضغط العالي الفولتش
لو مافي اقتراحات ياعمك انا ح اواصل بالتسلسل ده
وياريت نشوف اقتراحات منك
|
Post: #14
Title: Re: شوفوا لينا حل
Author: محمد البشرى الخضر
Date: 02-03-2009, 01:10 PM
Parent: #12
أوكي يا كابتن واصل بالتسلسل المذكور
لو ظهرت اي مستجدات ممكن نذكرها و نرجأ التعليق عليها حسب التسلسل
بالنسبة للنقطة الأولى | Quote: 1-سياد الساس والراس... |
شايف ظهر تيار يرفض اي نوع من النقد العلني بل و يتبرع بتحديد الأعداء و الأصدقاء كما في حالة عاطف مكاوي
و زي ما اشرت لبوست الإشارة الحمراء و تعليق ابوبكر صالح عن ضبط المصطلحات
تفتكر يا كابتن في فضاء زي دا هل سينجح هذا التيار في حصر النقاش الحقيقي على العضوية الملتزمة و الإكتفاء بالشعارات و الإحتفاليات أمام العامة
آخذا في الإعتبار بوست قراءة النتائج للباقر
وزي ما تفضلت بوست ابوساندرا يحتاج وقفة و قراءة متانية
الله يستر من الجواكر الدورة دي يا كابتن
اتفضل ..
|
Post: #16
Title: Re: شوفوا لينا حل
Author: عبدالكريم الامين احمد
Date: 02-03-2009, 01:31 PM
Parent: #14
| Quote: شايف ظهر تيار يرفض اي نوع من النقد العلني |
ياعمك بوست ابو ساندر لو جينا ليهو كمدخل خطافي هنا حنلقاهو كان صادم ومفاجي
وجدع حجر في خط نيران محظور بحكم التنظم...عشان كده كل التيارات كانت تنادي بقمعه
(لانو دي غاغا بلاغها جاهز وممكن يودي التوج)..
لا اعتقد بعد بوست ابو ساندرا ده حنشوف (دراما) زي دي تاني ...وقد نشوف جدعات هنا وهناك علي شاكلة
نقد لاشياء عامة ومصرح بها...
ولكن حذاري من القنابل وشيل الكورة والطلوع بها الي مدار اخر كما فعل( زيكو ذات يوم)...
ودي رغم انو بعد الموتمر الحزب خرج حتي الان متماسك الا ان (اهلنا بقولو الدنيا بتلدا بدون كرش)
وما بتعرف البحصل شنو بكر’ة...
كلام ابوبكر كان دعوة للانضباط وزي وزي اشارة بدر وتوجيهات الزناتي وغيرهم .....
عاطف مكاوي اعتقد ان خطابو محتاج لشوية توضيح منو عشان يحدد هو قاصد منو باعداء الحزب
والضبابية الحصلت دي خلت (ابوكمال) يخش معاهو في جزئية الحمد الله انتهت الي خير...
في تفقيل لعب ياعمك حاصل..
الهجمات المرتدة الزي بتاعة ابو ساندرا الدفاع قادر عليها..
هنالك بالتاكيد صوت عالي دعوة للتريث..
والديربي ياخي احلي
|
Post: #13
Title: Re: شوفوا لينا حل
Author: حيدر حسن ميرغني
Date: 02-03-2009, 01:07 PM
Parent: #11
طلال عفيفي يبحث عن منفى
والزعيم بصديرو عام
|
Post: #15
Title: ود البشرى افصح
Author: احمد التجانى احمد
Date: 02-03-2009, 01:24 PM
Parent: #1
يبدو لى ياود البشرى عندك كلام عايز تقوله
للناس ديل عبر كيكى ودة واضح من حرصك على
ان لا ينقطع تسلسل بوست الديربى بورود بعض
ذكريات الجامعة عن الرفاق والمتفقة مع سياق
البوست عندما اتيت بذكر بعض ممن كانوا يميلون
للرفاق دون التزام بصراحة ياود البشرى مداخلتك
قهمتنى لكن اكلتها فى حنانى وقلت معليش الزول
مننا وفينا ولكن الان تاكد لى انك راقد لك فوق راى
يلا واصل ابوى
|
Post: #17
Title: Re: ود البشرى افصح
Author: عبدالكريم الامين احمد
Date: 02-03-2009, 01:43 PM
Parent: #15
هلا يا ود التجاني ياخي
ووينك يا ابو صلعة بقيت خفيف الطلة كده..
لا ياخي الفكرة يا احمد انا البوست بتاعي الهكر جدع فيهو فايروس واصبح منطقة كوارث..
وكنت ح اواصل كلامي يا احمد تجاني بينكم هنا فالبوست لنا جميعا نتناول فيه كل الامور باريحية
وكلو زول فينا يجيب كورتو وندور ...
ما عاوز اعمل فيها الود خاشي بين البصلة وقشرتها لكن كدي هدوء الكورة وخلونا يا ناس ميكانيكا
من المقصات دي...وود البشري كلامو الداير يقولو بقولو....وانا كلامي بقولو وانت زااتك يا ابو صلعة
كلامك الدايرو بتقولو زي كلامك الفوق الرديت بيهو القهمة بقهمة يا ود يا عوض قهام يا انت
|
Post: #18
Title: Re: ود البشرى افصح
Author: محمد البشرى الخضر
Date: 02-03-2009, 02:06 PM
Parent: #15
لك العتبى يا باشمهندس كان أخدت مداخلتي تلك على انها قهمة او ما شابه
وما بيناتنا ملامة ياريتك لو نبهتني في لحظتها كنت اعتذرت او بينت ليك قصدي من وراءها
اما عن ما يبدو لك فيبدو انو يبدو لك وحدك
لأنو ما بدا لي كما بدا لك
إني هاو انا استمتع جدا بالمشاركة في استديوهات كابتن كيكي التحليلية وتبادل الون تو معه
فكيكي يجيد مسك اللعب و رد الأتو بطريقة جدا راقية و ممتعة
وهذا لا ينفي تحملي لمسؤولية ما اكتبه
دمت يا باشمهندس ولا عاش من يقهمك أو يحاول حتى
|
Post: #19
Title: بجيكم
Author: احمد التجانى احمد
Date: 02-03-2009, 02:52 PM
Parent: #1
Quote: لك العتبى يا باشمهندس كان أخدت مداخلتي تلك على انها قهمة او ما شابه
وما بيناتنا ملامة ياريتك لو نبهتني في لحظتها كنت اعتذرت او بينت ليك قصدي من وراءها
اما عن ما يبدو لك فيبدو انو يبدو لك وحدك
لأنو ما بدا لي كما بدا لك
إني هاو انا استمتع جدا بالمشاركة في استديوهات كابتن كيكي التحليلية وتبادل الون تو معه
فكيكي يجيد مسك اللعب و رد الأتو بطريقة جدا راقية و ممتعة
وهذا لا ينفي تحملي لمسؤولية ما اكتبه
دمت يا باشمهندس ولا عاش من يقهمك أو يحاول حتى |
ودالبشرى يااخى it's not to that extent
وبشكرك على الرقى والفنجرة حقتك دى
هسه لاحق الجزار قبل مايقفل
وبجى راجع تانى ارد على الكبرتوا لينا راسه
ده وبقينا ماعارفين نتكلم معاه براحتنا
|
Post: #20
Title: Re: بجيكم
Author: عبدالكريم الامين احمد
Date: 02-03-2009, 04:27 PM
Parent: #19
| Quote: هسه لاحق الجزار قبل مايقفل |
خلاص يا كنيش
كنيش ده كان شغال معانا في الكناف عامل بتاع زراعة كده
وومع الرواتب البتاخر دي اللحمة دي كان عدمها مجنونو شديد خلاس والجزار موقفو من الجرورة بعد كم محاولات منو كده
ويبدو انو اللحمة عملت ليهو هلوسة كمان...
اها مرة كده الناس صرفت الراتب فعمك كنيش من الصراف طوااالي بالخطوة السريعة مشي للجزار..
وشبكو ليك وهو ياشر بيده بكل انتصار وترصد اضح..دق ده
وياشر الي جهة اخري من اللحمة المعلقة ويردد دق ده
وتاني من الكمونية ..دق ده
وما خلي كنيش اليوم داك لحمة وما اشر عليهو وقال فيها دق ده
وثلاثة ارباع الراتب اشتراهو لحمة...
فانت يا وريف عليك الله الليلة قول لجزار جدة
دق ده
ودق ده
ودق ده
|
Post: #21
Title: لاحق الجزار
Author: esam gabralla
Date: 02-03-2009, 04:51 PM
Parent: #1
شوف العينة دى, يقولو ليهو ديربي و باصات و استديو يقول ليك : | Quote: هسه لاحق الجزار قبل مايقفل |
في الجامعه مبارى البلوم
واسه مبارى العضه .... شرطت عين مدنى كلها يافيل
اسف يا استديو لكن الزول ده ضايروهو من الجزارات دى ياخ
|
Post: #22
Title: Re: لاحق الجزار
Author: عبدالكريم الامين احمد
Date: 02-03-2009, 05:06 PM
Parent: #21
Quote: في الجامعه مبارى البلوم
واسه مبارى العضه .... شرطت عين مدنى كلها يافيل
|
ههههههههههيا
اخونا كنيش يا عصام ماعارف حكايتو شنو..
الزول ده بقي تبع التيارات ولا شنو...؟؟؟
عمال يحاول يطفش الكورة من قولة تيت
وشابكنا قهموني والجزار بفوتني وشنو شنو
ياخ ده شرط عيون مدني والمناقل زاااتو....
شاحد ربي بعد قطامتو دي يلقي الجزار قافل يارب
|
Post: #23
Title: Re: يا كيكي يـــــاخ
Author: عبدالوهاب علي الحاج
Date: 02-03-2009, 05:10 PM
Parent: #1
بعد الهجمة الشرسة التي تعرضت لها اخيرا ( معركة ذات الطواقي ) النصيحة لله بقيت ما مطمن للبورد دا بقيت اول حاجة بعملها لمن اخش البورد بعمل سيرش بـ 10 كيي ورد كالاتي :
1/ وهبة
2/ وهبه (بالهاء) للقادين عربي وللناطقين بغيرها لمزيد من الاحتياط
3/ الكضاب
4/ عبدالوهاب
5/ الكوز
6/ نديدي
7/ عجوز
8/ الامنجية
(2) نيك نيم ما في داعي لذكر اسماؤهم في الوقت الحالي تلك عشرة كاملة
بقول بسم الله اول نتيجة للسيرش جابتني بجاي
الحكاية شنو يا جماعة يعني انا تاني اعمل سيرش باسماء جميع الاعضاء ولا شنو بقيت اترش من الرهط زاتو على قول المثل ( احذر عدوك مرة واحذر صديقك الف مرة ) وفي رواية اخرى 6 الف مرة غايتو يالرهط ما بسألكم دي المرة التانية اترش منكم المرة الاولى كيكي براهو والمرة دي ود البشرى مقنطرني للاستديو التحليلي . غايتو الفيكم انعرفت والمتغطي بيكم عريان على قول نميري. واهو انا جريت طوبتي وقاعد ليكم في البوست دا والنشوف اخركم شنو.
كيكي ما تنسى معاك:
(ا) موضوع الجزمة الحمراء
(ب) موضوع الاعلانات الفوق دي
|
Post: #24
Title: Re: يا كيكي يـــــاخ
Author: عبدالكريم الامين احمد
Date: 02-03-2009, 07:39 PM
Parent: #23
هلا يا وهبة..
وياوهبة ياخي خلي البساط احمدي ومدد خطاوي الاريحية واظنك كذلك واكثر وزي باصات عمك القنطرك للتحليل ده
(وش مبتهج) وباصي الزعلك داك بالجد هي تقراء في اطارها الاريحي وغير مشحون بدلالة لا ينبغي لها ان تشحن بها
دون مبررات...
يا وهبة ما بين الخاص والالفة -والهم العام خيوط مشبكة ولكن في كل الاحوال يجب ان تكون واضحة
قد نختلف في اي شان عام وتذهب بنا الحدة الي اعلي مراحلها ولكن قد نتفق في شوون اخري ونذهب بها الي اعلي حد ايضا..
اسمعني موضوع الجزمة الحمراء ده كمان حكايتو حكاية
وانا شهادتي فيهو مجروحة لانو طرف اساسي في الموضوع ده شقيقي الاكبر لزم...فعشان كده ما بناضم فيهو جوه جوه
وبنتظر اشوف الكورة ماشة وين (مع انذار شديد اللهجة لحميدة انو يعمل حسابو باقي احنا من زمان بتحاما وبنكسر الناس
فما يخلينا نقوم احنا الثلاثة نتحاما فيهو وبالتاكيد المخاشنة البينهم وبين ابو صلاح عابرة)
|
Post: #25
Title: Re: يا كيكي يـــــاخ
Author: عبدالوهاب علي الحاج
Date: 02-03-2009, 07:52 PM
Parent: #24
Quote: هلا يا وهبة..
وياوهبة ياخي خلي البساط احمدي ومدد خطاوي الاريحية واظنك كذلك واكثر وزي باصات عمك القنطرك للتحليل ده
(وش مبتهج) وباصي الزعلك داك بالجد هي تقراء في اطارها الاريحي وغير مشحون بدلالة لا ينبغي لها ان تشحن بها
دون مبررات... |
ياكيكي
ياخ كلامي دا كلو كان هظار والله
ياخ انا ما بزعل من الرهط ابدا ياهو الباقي لي في المنبر دا
شبكتني اريحية واحمدي وشنو داك ما عارف .
Quote: يا وهبة ما بين الخاص والالفة -والهم العام خيوط مشبكة ولكن في كل الاحوال يجب ان تكون واضحة
قد نختلف في اي شان عام وتذهب بنا الحدة الي اعلي مراحلها ولكن قد نتفق في شوون اخري ونذهب بها الي اعلي حد ايضا..
اسمعني موضوع الجزمة الحمراء ده كمان حكايتو حكاية |
دا الكلام البنسمع والبتقري
 اها شوف الدردقة دي كدا كويس
|
Post: #26
Title: Re: يا كيكي يـــــاخ
Author: عبدالكريم الامين احمد
Date: 02-03-2009, 08:02 PM
Parent: #25
| Quote: شبكتني اريحية واحمدي وشنو داك ما عارف |
ياوهبة ياخي الله يديك العافية..
والبوست ده حقو ود البشري يجي يحول لينا عنوانو لقهمتني..
انا اقهمك
واحمد تجاني يشبك ود البشري قهمتني
وعصام جبرالله يجي يقهم احمد تجاني الذي هو ايضا رد الاتو القهمي لود البشري
(انت عارف البحصل من كلاشات خفيفة ده سببو الاساسي اختفاء الوشوش الضاحكة بتاعة بكري بالجد
الوشوش دي كانت مهمة في ارسال رسائل رسائل الغتاتة المشحونة وبالود)
(وحقو الواحد ينظر فيها دي لقدام...اثر صعوبة الوشوش الضاحكة علي الخطاب الاسفيري)
قهمتني يا اتا نموذجا
وعودة الا ستديو الان
|
Post: #28
Title: Re: يا كيكي يـــــاخ
Author: عبدالكريم الامين احمد
Date: 02-03-2009, 08:16 PM
Parent: #26
| Quote: 2-(تيار حملة هنادي بيان علي راس القائمة |
هنا يا عمك طبعا بيان كرائدة وخطاب اساسي مصعد (قصة هنادي الي اعلي حد)..
وزي ما قلنا في الشالو الجوكر انو بوست بيان الطويل وعريض كان مقياس لاشياء عديدة حتي للخطابات من (جوه اهل الساس والراس)..والبوست البياني بالمناسبة ولد زي كم بوست كده واحد فيها ارتبط بالاخ ابوبكر صالح كونه لاعب اساسي في الحملة المضادة لحملة بيان...
وبيان خطها الهجومي كما نري مركز علي (هنادي) ومهما اختلفنا مع خطاب بيان او اتفقنا حديثها بمثل هذه الشراسة
بتوضح انها واضعة مكانة خاصة للجنة المركزية والحزب الشيوعي والا لما وقفت ديك احمر ضد ان تكون في عضويته زولة
تعتقد بيان بانها دون المستوي(حسب روية بيان طبعا)..
وليد الشفت محلق في اتجاه تاني بعدم نفس (المكانة الخاصة) ويعتقد بان هنادي يفترض ان تكون في مقام يليق بهذه اللجنة حسب رويته...
لاحظت اليوم تنفس بيان الصعداء كون هنادي لم تختار في السكرتارية وده كمان بدعم كلام المكانة الخاصة رغم راي بيان الحاد في الحزب عموما...
بيان في هجمتها الاولي اصطدمت والناس في حمي الموتمر بجدار الهجمات المضادة الكثيفة ولكن بعد هدوء الاحوال وتشعب البوستات اراها وجدت مساحة وزمن للعودة الي الارشيف واعتقد انها ستواصل في المنحي ده كثير....
......................
في بوست الجوكر المهكور تكلمنا عن تيارات من جووه (الجك) كانت في السابق ضد خطاب هنادي
ولكن الان المنحازين لخطاب هنادي هم الاكثر صوتا (راجع بوست عبداللطيف لابوبكر )..والحديث في هذا البوست وبحضور
الاسطوري طراوة ذاهب للامتصاص ان لم يحصل اشتباك في الحضور النشط والمفاجي لتمبس ودخوله اللعبة
|
Post: #27
Title: Re: يا كيكي يـــــاخ
Author: عبدالوهاب علي الحاج
Date: 02-03-2009, 08:05 PM
Parent: #25
| Quote: طرف اساسي في الموضوع ده شقيقي الاكبر لزم |
تعرف يا كيكي
كلامك دا حيرني جدا
ورجعت للبوست في ص 3
لقيت الزول فعلا اسمو صلاح الامين
بالجد ياكيكي الزول دا اخوك
____
بالله ياكيكي لو عارف ليك اخوان تانيين في البورد
هنا ورينا ليهم ما نقوم نفك اخرنا ساي وبرضو
ود البشرى وود الصايم ديل اخوان ولا تشابه اسماء ساي
|
Post: #29
Title: Re: يا كيكي يـــــاخ
Author: عبدالكريم الامين احمد
Date: 02-03-2009, 08:27 PM
Parent: #27
Quote: تعرف يا كيكي
كلامك دا حيرني جدا
ورجعت للبوست في ص 3
لقيت الزول فعلا اسمو صلاح الامين
بالجد ياكيكي الزول دا اخوك |
مرحب يا وهبة
والزول ده يا وهبة شقيقي الكبير لزم ومعانا اخو تاني برضو اسمو احمد الامين احمد
ومدورين بين البشرية دي واي زول فينا ماكل نارو
وبنصحك انو تقراء لاحمد الامين احمد ده لمن النضمي يكون عن الغناء السوداني
ولمن الكلام يكون عن الروا تحديدا وياريت تلقي ليهو كتابة مطرفة عن الدين
ومحمد عبدالحي
ود البشري ود الصايم ديل بيني وبينك شكلهم كده اخوان
لاني شايفهم الاثنين شابكين الناس يا عمك
|
Post: #30
Title: Re: يا كيكي يـــــاخ
Author: عبدالكريم الامين احمد
Date: 02-03-2009, 09:25 PM
Parent: #29
3-موسيقي منفردة (ملاسي ) طبعا طور ادواته وبقي يومي بجي شايل ديناميت فالصو وبفكو وبفرتق (حديث الطيرة والطائفية...
الهكر حايم ياعمك ولو عندك مباصرة تلبد البوست ده بالله اعملها لينا..
سحس في الديربي ده الكيرف بتاعو عجيب..
بداء بيبعثون..وكان في سكرة الكرنفال والرمبة الكبيرة من الكورال والفرق المصاحبة وبانفعال لحظي
(شلو) جاء قال لينا هنا متشهي اكون شيوعي (والغريبة في ناس صفقوا ليهو ووصف باوصاف سمحة خلاص)..
وقبل ما يفيق المصفقون جيدا عالجهم ليك بضربة كرباوية كده سماها (عصر هنادي) بداء فيه متحفزا وواقعا تحت سكرة الكورال وقلم الحزب والبيسي بتاع الموتمر الباااااارد (كما قال الراوي)..ولكن سرعان ما دور في الهجمة ضد هنادي واشتغل فيها شغل قديم وجديد (حتي كلام عصام جبرالله القديم داااك
نكتو)..
استعدل ورجعت ليهو فورمته وبقي يومي بشوت في بوست (غير نمنة) علي قولة الهنود..
1-بتاع الموتمر والارتبط بحديث الجزمة..
2-طائفية الشيوعيين
(استغربت تماما لعدم التقاطه لحديث الاعتذار المخزي من بوست ابوساندرا ولكن اعتقد بانه قرر عدم زيادة جرعات الحرج عند ابو ساندرا لود خاص علي المستوي الشخصي والله اعلم)....
سحس في كل خطابه وحسب خبرة الاستديو ياهو سحسينا زااتو
ركوب موجة ..وانفعال رومانسي بالحدث ساعة وقوعه والتبخيس الذي يفوق الية عشة بخسة..
الملاحظ انو سوقو في مرحلة ما بعد المهرجان نائم علي مستوي الحدة
وصورته التي التقطت في دهاليز المهرجان القت بظلالها علي كل بوستاته وجردته من سلاح من اسلاحته
الاسستديو يحجب عن ذكره لاسباب استراتيجية
|
Post: #31
Title: Re: يا كيكي يـــــاخ
Author: احمد التجانى احمد
Date: 02-03-2009, 11:04 PM
Parent: #30
Quote: شوف العينة دى, يقولو ليهو ديربي و باصات و استديو يقول ليك :
Quote: هسه لاحق الجزار قبل مايقفل
في الجامعه مبارى البلوم
واسه مبارى العضه .... شرطت عين مدنى كلها يافيل
اسف يا استديو لكن الزول ده ضايروهو من الجزارات دى ياخ
|
كدى نبدا بالناس النضيفين ديل
ياود جبر الله يااخى انت الشارط عينا والله
فى زول فى سويسرا لابس عراقى غيرك
يااخى ناس الكريبة عرفوا البجامات
وكمان تلقاك لسة ماخليت السعوط
وعامل مشاكل فى مجارى زيورخ
قال اللجنة المركزية قال
بعدين ليك والزمن بوست لكيكى دة تقدر تقول فيه
اى حاجة بدون ماتتاسف على ضمانتى
* يااخى الاولاد حلوين ماشاء الله ربنا يحفظهم
مافيهم بلومة كدة نحجزها لواحد من العزابة العندنا
|
Post: #32
Title: Re: يا كيكي يـــــاخ
Author: khaleel
Date: 02-03-2009, 11:15 PM
Parent: #31
لاحظنا في اللجنة المركزية الجديدة والمنتخبة
غياب ابناء ام النخيل واسرهم
اين ال جبر الله واين ال محسي واين ال الكارب وال المجمر وال الزيلعي وال عائس
وشيوعيين قويين يسدو عين الشمس ما سمعنا واحد انتخبوهو فيهم
يبدو ان التركيز كان علي ناس موسكو وكوبا والبقية اعتبرو شيوعية كوريا الشمالية وشيسل
|
Post: #33
Title: Re: يا كيكي يـــــاخ
Author: احمد التجانى احمد
Date: 02-03-2009, 11:16 PM
Parent: #31
Quote: خلاص يا كنيش
كنيش ده كان شغال معانا في الكناف عامل بتاع زراعة كده
وومع الرواتب البتاخر دي اللحمة دي كان عدمها مجنونو شديد خلاس والجزار موقفو من الجرورة بعد كم محاولات منو كده
ويبدو انو اللحمة عملت ليهو هلوسة كمان
|
لا لا دى بالغت فيها
ماتقوم تلف بلا كنيش بلا كمونية
انت مستغل جهل الناس فى البورد دة بجخانينكم ديك وعايز تتفسح
قايلنا بنفوت ذى دى
اول حاجة يازول اخر جزارة فى سنار وبعد كدة تانى الا حمام شقوق
ولا حمام النيل وبعدين انت قايل اختياركم للسكن فى قيفة النيل الازرق
عشان الجو الشاعرى يعنى ماعشان تضربوا حمام النيل الملح دة
والتحلية قصب سكر
|
Post: #34
Title: Re: يا كيكي يـــــاخ
Author: احمد التجانى احمد
Date: 02-03-2009, 11:25 PM
Parent: #33
| Quote: واحمد تجاني يشبك ود البشري قهمتني |
ماتبطل تع.... ياصالح يااخى
وخليك محضر خير
ولود البشرى عميق اعتذارى لهذه الخرمجة الغير مقصودة
وزى مابقولوا الشتيت عنكوليب البوستات
واتمنى يجى يواصل ويضبط مسار هذا البوست الجميل
|
Post: #35
Title: Re: يا كيكي يـــــاخ
Author: عبدالكريم الامين احمد
Date: 02-04-2009, 07:25 AM
Parent: #34
| Quote: وزى مابقولوا الشتيت عنكوليب البوستات |
هلا ياعنكوليب
وحقو مع الخامس ده وحكاية متاورة الضرس القهمتني بيها ديك
الواحد يركب المكنة و يلصق ليك(واحد بؤس خطاب)
اسمعني شايفك بهناك سايق الكورة براحة براحة
وعامل فيها الود ود المتوكل قوم لف كده ولا كده بلا ايجابي وسلبي معاك (ههه)
|
Post: #36
Title: Re: يا كيكي يـــــاخ
Author: عبدالكريم الامين احمد
Date: 02-04-2009, 10:59 AM
Parent: #35
ياجماعة الزول الكان نضااااااام بجاي الاسمو عمك ده مشي وين
البوست ده ياعمك لو مالقي (ون تو) ياياتو حتنوم القش
|
Post: #37
Title: Re: يا كيكي يـــــاخ
Author: حيدر حسن ميرغني
Date: 02-04-2009, 12:38 PM
Parent: #36
Quote: يبدو ان التركيز كان علي ناس موسكو وكوبا والبقية اعتبرو شيوعية كوريا الشمالية وشيسل [/QUOTE
looooool
|
Post: #38
Title: RE:????
Author: احمد التجانى احمد
Date: 02-04-2009, 02:58 PM
Parent: #1
Quote: الواحد يركب المكنة و يلصق ليك(واحد بؤس خطاب)
|
ايها البائس الصغير
ود البشرى شكلو كدة قنع من البوست
انا ح استنى شوية لحد بالليل كدة لو ماظهر بالحقه بتلفون
ترضية بس خليك بعيد وكفاية صب زيت
|
Post: #39
Title: Re: RE:????
Author: عبدالكريم الامين احمد
Date: 02-04-2009, 03:41 PM
Parent: #38
ود البشري فعلا غيابو وماعادي
وانا بوكد انو ده ما من الموضوع داك
ولكن بالتاكيد الراجل بكون مشغول وعمك بكون مزنوق في مصيبة من مصايب كراكير الغربة...
وبالله كدي ناغمو لينا بتلفون ..ممكن يحن ويجي الاستديو ده..
وحنواصل طوالي وحشغل موسيقي تصويرية لحدي ما عمك ده يظهر
|
Post: #40
Title: ازيكم
Author: مازن الجمّال
Date: 02-04-2009, 04:16 PM
Parent: #1
ياخوانا السلام عليكم
ود البشرى
وود الصايم
وكيكي الجميل
جينا نسلم ونشوف بعد داك الدنيا موديانا وين
وفي ختام جلستنا
وكما قال الشاعر المخضرم محمد سعد ( الليمبي )
مع السلام عليكم
|
Post: #41
Title: Re: ازيكم
Author: محمد البشرى الخضر
Date: 02-04-2009, 04:51 PM
Parent: #40
سلام كابتن كيكي و ضيوف الاستديو ومتابعينا عبر الأثير
نأسف للغياب لدواعي تحليل الدراهم - الحقوق للكابتن - و الترفيه على العيال
سلام خاص و حار لاخونا الجمال الذي اسعدنا بالطلة البهية بعد غيبة
وينك يا عمك ليك مدة ما ظاهر
عودة للاستديو:
تابعت باهتمام يا كابتن تناولك للنقاط اعلاه , ما عايز ارجع بيك لورا كتير مراعاة لزمن الحلقة و لإتاحة الفرصة لتناول النقاط المتبقية و الرد على مشاركات مشاهدينا الأعزاء و استفساراتهم
لكن يا كابتن في سؤال محير من وحي النقطة الأولى و الثانية ممكن تسجلو عندك الآن و تعلق عليه لاحقا
المعترضون - او ممكن نقول المحبطون - من ما اسفرت عنه إنتخابات اللجنة المركزية الا يؤمنون بالديمقراطية و خيار الأغلبية أم ماذا
هل عندهم راي في الآلية التم بيها الإختيار , إذا كانت الأغلبية ترى ان الدهن في العتاقي الا يجب احترام خيارها
موضوع تشكيل المكتب دا خليني منو اسي
بجيك راجع يا كابتن لحتة الهرجة و الصيوان الداقيه ملاسي على شرف الخامس
ملحوظة...
ولّ خليها أسي
|
Post: #42
Title: Re: ازيكم
Author: محمد البشرى الخضر
Date: 02-09-2009, 09:39 PM
Parent: #41
يا كيكي يـــــــــــــاخ ما معقول
المولد السحل المصور دا يفوت كدا بدون تفكيك
كدي هاك دي شوية ملاحظات ممكن تكون محاوِر للحلقة الجاية
- أولا لو تلاحظ زي كأنو في إتفاق غير معلن بي الرفاق على التجاهل التام لكل حركات و استفزازات ملاسي ايام الخامس و البوستات العديدة الفتحها
- إنفضاض و تضاير رهط المساندة و الطمبارة و الهتيفة - أعتقد للبشتنة الغير مسبوقة في بوست المرضي دور كبير في الحتة دي
- حكاية عاصفة الإعلانات وما ادراك ما جريدة الوسيط - يا ترى يكون مفتكر كمال الجزولي بعلن فيها ولّ حاجة
- على سيرة كمال الجزولي ما ملاحظ انو طوّل ما جاب السيرة
أي نقاط أخرى تبرز في حينها
|
Post: #43
Title: Re: ازيكم
Author: عبدالكريم الامين احمد
Date: 02-10-2009, 07:54 AM
Parent: #42
هلا يا عمك
والله متلوميين مع الاستديو ده لوم قبورة.. فقد اخدتنا علوية شرقرق وعباس كلتش واخريين عنه
وانت ايضا شايف ابنصيك في المنبر عموما ما عاجبني شديد وطلتلك بقت نتشة..ليس كود الصايم الذي اصبحنا نفج البوست فجاعميقا
ما بين بوستا باسمه واخر تجده اخر المداخليين لنهرع بالكلك لنجد (عمك) موشحة بحاجة كده تخليك تضحك يومين ونص,,الود ده قاعدة بيانتو ما هينة تب او كما قال هو(في امر قاعدة البيانات السحسية
نشوت طوالي في (الدس) الانت جبتو ده ونحاول نلحق السوق هنا..
نعم فالسحسيات في فترة ما بعد الخامس شهدت بوار وهجرها الجمهور وبداء كمغني زمنو فارق ومزماره صار لا يطرب الحي...
ماقبل الموتمر كان مشرك بسنارة وضع فيها (نقد) كصارقيل جلبت ليه صيدا وفيرا...
ولكن ظهوره في الموتمر ضاحكا تلك الضحكة التي يلعب عليها بمهارة (احمد المرضي) امتصت بالمناسبة الحماس من الكثيرين لمقارعة (سحس)
ومساككته(كزول جادي) وعندو موقف وعداء للحزب الشيوعي..
وتلك الصورة ياعمك وقلم الحزب الشيوعي بالاضافة للبيبسي البارد الذي قيل بانه (لهطه) كانت لها من التاثير العالي علي اداء سحس
الذي حاول تنويع لعبه (طائفية-طيرة-هنادي)..ولكن كان الجميع منهمك الي ملاحقة تداعيات الموتمر والخبورات بالاضافة الي تذويب الموقف السحسي (الهلامي المايع) بصورته تلك....(وبدا كالرجل فاقد الموضوع والمنصة وقد لا اعصر عليه شديد ان قلت رجلا ممارسا للهلفتة الاسفيرية)...................
بوار سوقه ما بعد الخامس بالاضافة الي ظهور (الخطير ود المرضي) قابضا علي سحس (كربون) في زاوية الاسكتش بوك وكايل له ضربات موجعة (وانا كمراقب ومتخصص في الخطاب السحسي لم احن عليه طيلة فترة تواجده في هذا المنبر كما حنيت عليه وهو في حضرة الاسطوري ود المرضي)
طبعا سحابة هذه الحنية سرعان ما قمعتها..
بوار امر الخامس والضرب الاحمدي ...كان لابد من نفاج لسحس حتي يعمل علي تشتيت الكورة بعيدا..
في الماضي كان كمال الجزولي حاضرا ونفاج جاهز للهروب اليه..
ولكن يبدو ان (الرزنامة) ليس فيها في اليومين ديل ما يسيل لعاب سحس..
فوجد في الاعلانات الوسسيطية نفاجا ومساحة يمكنه اللعب عليها
لذا راينا امطار من الاعلانات (السمجة)..قواتنا قارعته في واحد منها وتم انجاز عملية (التبيلع بنجاح) في امر الطاقة المستمرة لمكاتب المبيعات..
______
اعلي الاحداث السحسية في هذا الايام هي (رسومات ) ود المرضي النارية
والراجل عولق ملاسي ده عوليقة ما حصلت
شي ضنب وشي شنب وشي لصقات في الوجه والقاسم الاكبر هو الرقبة الطويلة (اعتقد انها مترين ونص ونيف من السم)..
تاثير الضربة علي سحس جعله لاول مرة ومنذ فترات طويلة يضع كاركتير علي بروفايله(احدي وشوش احمد المرضي)
بالاضافة الي رودوه الخجولة المضطربة...زد علي ذلك محاولاته ضرب احمد من داخل جزئيات الكاركتير
وهذا يعني هنا عندي في الاستديو ان سحس تجرد من اسلحته الاساسية....
ماتش سحس والمرضي جدير بالمتابعة ففيه متعة وغنيمة وعولاق تاريخي
ونعود
|
Post: #44
Title: Re: ازيكم
Author: محمد البشرى الخضر
Date: 02-10-2009, 08:30 AM
Parent: #43
هلا يا كابتن
تعليق سريع كدا على جزئية وردت اعلاه لغاية ما ارجع بعدين بي رواقة| Quote: لم احن عليه طيلة فترة تواجده في هذا المنبر كما حنيت عليه وهو في حضرة الاسطوري ود المرضي |
الله يسألني وانا كمان
لكن يا عمك شفت الباكورد الفي التمنيات بتاع الغلطة الإملائية المكبشرة
موبالغة عديل كدة و اسكت خليني بس من حكاية " مصحح إعلانات "
لكن بيني وبينك دي ما شفتنة مبدعين
(ياكابتن ما تشوف لينا موضوع الوشوش دا ياخ , غلبنا التعبير ذاتو)
|
Post: #45
Title: Re: ازيكم
Author: عبدالكريم الامين احمد
Date: 02-10-2009, 08:45 AM
Parent: #44
Quote: لكن يا عمك شفت الباكورد الفي التمنيات بتاع الغلطة الإملائية المكبشرة
موبالغة عديل كدة و اسكت خليني بس من حكاية " مصحح إعلانات "
لكن بيني وبينك دي ما شفتنة مبدعين
|
سحس يا عمك في (كربون الاسكتش بوك) ده اتزنق وقالو المزنوق بفتش خشم البقرة..
فالغلطة الاملائية فعلا قلب فيها (باكورد) ويبدو جليا بانه اليوم كلو قاعد (يعافر) في الرسومات دي جاي وجاي
وبتفرج فيها
لكن يا عمك الغلطة دي زااتها مشكلتها (مبررة) لانو الموضوع (اسكتش بوك) والحروف ما بتجي زي العادي
سحس مافي ليهو طريقة الا يعمل زي الهندي الجابو احمد المرضي البقول( نهي نهي دالك)
وبعدها ممكن نكون لجنة دولية نمشي نتفاهم مع احمد المرضي
يوقف (حرب العولاق الشديد المفاجي ده)....
مصحح اعلانات دي احمد المرضي قلب فيها هوبة
وبيني وبينك ده تخصص نادر حقو ملاسي يسجلو في الملكية الفكرية
|
Post: #46
Title: Re: ازيكم
Author: علاء الدين يوسف علي محمد
Date: 02-10-2009, 08:50 AM
Parent: #44
يا شباب السلام عليكم ..
ود البشرى أنا جيت من خارج نصوصكم أعلن تضماني الكامل معك في مسألة بروفايلك دي :
ياخي شوف ليك موقع تاني غير موقع الكليجة دة
|
Post: #47
Title: Re: ازيكم
Author: عبدالكريم الامين احمد
Date: 02-10-2009, 09:01 AM
Parent: #46
ده الهندي القاصدو انا ياعمك
...........
سلامات ياعلاء
وانا ماعارف فعلا ود البشري بجيب الاسامي العجيبة دي من ياتو محل..
انتا ود البشري كنت بتفتش علي شنو يا زول في قوقل وجاك الموقع ده
|
Post: #48
Title: Re: ازيكم
Author: علاء الدين يوسف علي محمد
Date: 02-10-2009, 09:03 AM
Parent: #47
| Quote: انتا ود البشري كنت بتفتش علي شنو يا زول في قوقل وجاك الموقع ده |
ياكيكي لالا ياخ
|
Post: #49
Title: Re: ازيكم
Author: عبدالكريم الامين احمد
Date: 02-10-2009, 09:08 AM
Parent: #48
هلا يا علاء
في الاستديو ده يا علاء في مقصات وباصات طويلة بعد مرات
وعمك ده ياخي حبيب البي وبنحب نغلغلو شوية وماعليك
|
Post: #50
Title: Re: ازيكم
Author: علاء الدين يوسف علي محمد
Date: 02-10-2009, 09:14 AM
Parent: #49
Quote: في الاستديو ده يا علاء في مقصات وباصات طويلة بعد مرات
وعمك ده ياخي حبيب البي وبنحب نغلغلو |
انتو ناس خترين و معاكم الواحد لازم يعملو حسابو من لغاليغو
أنا مارق أمرقوا لي وهبة دة برة
ماشين لينا مشوار بي تكسي
|
Post: #51
Title: Re: ازيكم
Author: عبدالكريم الامين احمد
Date: 02-10-2009, 09:23 AM
Parent: #50
Quote: أنا مارق أمرقوا لي وهبة دة برة
ماشين لينا مشوار بي تكسي |
وهبة..!!!
وين الزول ده هو زااتو
بالله لو لقيتو ياعلاء جيبو لينا وهبة ده
مقنطرنو ليهو كم يوم في الاستديو هنا للتحليل وهو هرب من الخدمة...
|
Post: #52
Title: Re: ازيكم
Author: Magdi Ahmed Elsheikh
Date: 02-10-2009, 11:47 AM
Parent: #51
Quote: وهبة..!!!
وين الزول ده هو زااتو
بالله لو لقيتو ياعلاء جيبو لينا وهبة ده
مقنطرنو ليهو كم يوم في الاستديو هنا للتحليل وهو هرب من الخدمة...
|
عليك الله لو لميت فيهو
قول عووووووووووووك
|
Post: #53
Title: Re: ازيكم
Author: محمد البشرى الخضر
Date: 02-10-2009, 08:06 PM
Parent: #52
هاها بالغت يا علاء الدين
تخيل اول مرة انتبه للمفارقة في اسم الموقع , لكن سبحان الله اسم على مسمى
كاتبين الصور لا يتم حذفها و طلع كلام ساكت
البروفايل هين عندي بوست كامل باظ بالطريقة دي
طلع موقع " احبولة " خلي بالك
كابتن كيكي مساء الخير...
رايك شنو يا كابتن في التطورات الأخيرة في عملية المرضي التأديبية و المتمثلة في فتح "مطار صدام " جديد و منفصل مخصص فقط لملاسي
مطار صدام دا يا كابتن كان ميدان هبوط للهيليكوبتر في معسكر القطينة للدفاع الشعبي و كان مخصص للإدارة الداخلية نص النهار و الشد و الزحف وما إلى ذلك
المهم يا كابتن
لازلت اتساءل عن اسباب إحجام رهط السنيدة , هل تنطبق هنا مقولة الحبشي الشهيرة ابان ازمة الحوار المأزوم " الخواف ربى عياله" ام ماذا في رأيك؟
ثم ملاحظ معاي كمية الشمات
يا كابتن عايزين إسم كودي يُطلق على العملية يعبر عن الحاصل ويعكس حلاقة القزازة البدون صابون المدورة دي
ولو تبقى زمن في حلقة الأسبوع دا يا كابتن عايزين نسمع رايك هل في علاقة بين تداعيات الخامس و قصة النهلة الزرقاء
و لو لقيت فرقة عرجت لينا على موضوع وهبة تكون اخدت فينا الأجر
موضوع محمد عادل خليه لحلقة الأسبوع الجاي
|
Post: #54
Title: Re: ازيكم
Author: Magdi Ahmed Elsheikh
Date: 02-10-2009, 08:10 PM
Parent: #53
|
Post: #55
Title: Re: ازيكم
Author: عبدالكريم الامين احمد
Date: 02-10-2009, 08:25 PM
Parent: #53
Quote: رايك شنو يا كابتن في التطورات الأخيرة في عملية المرضي التأديبية و المتمثلة في فتح "مطار صدام " جديد و منفصل مخصص فقط لملاسي
|
هلا ياعمك.وحبابك يا مجدي
ياعمك العملية التاديبية اسمها طلع زمان وهي عملية (الرقيبة قزازة عصير)..كون الملمح المشترك في كل الرسوم السحسية هي (الرقبة السلبة)..كان ممكن الاسم بتاع العملية يحمل اشارة نظارة معلقة في الراس ولكن اللجنة الدولية اعتمدت (امر الرقيبة ) اعجابا بطولها ومقدرتها علي الطلوع من الشباك كما بداء في احدي الطلعات الاحمدية....
سحس واقع في شر اعمالو ومش هبش الزول ده براااهو(احمد المرضي) دي كان في المنبر ده مافي كلو كلو
سحس مشي سودان فواوول ولقط ليهو رسومات وكلامات وجاء بنطط بيها هنا زي ما شفت في بوست (السطو المصور)...
احمد شكلو من بداية بوسته ده كان راقد في راي وانتظر سحس يجيهو بكراعو فكان سحس في والوعد ومشي هبش المرضي ده براااهو...ولو تلاحظ في بدايات بوست الاسكتش ملاسي كان نشيط وشغال بمزاج ومستهون باحمد المرضي..
حبة حبة مع رسومات ابو حميد سحس يبدو انو حسع بالخطورة...والاعراض بدات تظهر عليهو في (ملمح الكاركتير الختاهو في برافيلو) ثم تواجده الليلة الكثيف في البوست بتاع الاسكتش (فتح ليك لحنان الاعلانات زاااتو) ولفاها مع اي زول جاء بهناك في محاولة لتشتيت الكورة وعرقلة الرسومات..
- الهتيفة هواء زي ده ما بقربو منو لاحاجة ومافي زول مجبور علي (العولاق بتاع ود الرضي ده..ده يا عمك رهيب وممكن يقلع نمرك طوالي ههههه)
-المطار الجديد لم يجد العناية الكافية ولكن الامر كلو متوفر في مطار الاسكتش بوك الملاحظ انو عدادو في السماء ونعود
|
Post: #56
Title: Re: ازيكم
Author: علاء الدين يوسف علي محمد
Date: 02-10-2009, 08:46 PM
Parent: #55
ود البشرى
أحبولة بالألف و الحاء
هاك التكسي دة
|
Post: #60
Title: Re: ازيكم
Author: محمد البشرى الخضر
Date: 02-10-2009, 09:06 PM
Parent: #56
احبولة دي يا عمك مصطلح جديد لقولة شال اصبعو طبز بيه عينو
مش كدا باللاي
انت يا زول مريخابي ولّلا شنو؟
|
Post: #61
Title: Re: ازيكم
Author: Magdi Ahmed Elsheikh
Date: 02-10-2009, 09:10 PM
Parent: #60
جبتو سيرة الري تاني
|
Post: #57
Title: Re: ازيكم
Author: عبدالكريم الامين احمد
Date: 02-10-2009, 08:46 PM
Parent: #55
| Quote: ولو تبقى زمن في حلقة الأسبوع دا يا كابتن عايزين نسمع رايك هل في علاقة بين تداعيات الخامس و قصة النهلة الزرقاء |
النهلة الزرقاء يا كابتن عمك
اخوك زار دائم بهناك
لكن بصراحة ومع احترامي للكلام المكتوب الا انه والحق يقال بصراحة كلام (عضممممم)
حرم عضومية في (دروينغ تو) الربتنا انا واخوي الكاشف خليل ما شفتها...
لكن ياعمك شايف في النقاش بهناك الشباب والشابات قالو دي الحداثة واحنا ياعمك طبعا ناس فريق زنقو
وورا ديل ناس دراب سااااااكت وماعندنا جاز كثير مع حاجات وشغاليت زي دي
|
Post: #58
Title: Re: ازيكم
Author: محمد البشرى الخضر
Date: 02-10-2009, 08:58 PM
Parent: #55
| Quote: احمد شكلو من بداية بوسته ده كان راقد في راي وانتظر سحس يجيهو بكراعو فكان سحس في والوعد ومشي هبش المرضي ده براااهو...ولو تلاحظ في بدايات بوست الاسكتش ملاسي كان نشيط وشغال بمزاج ومستهون باحمد المرضي.. |
يعني يا كابتن ممكن تقول انو الإسكتش عبارة عن " احبولة " برضك
أسمح لي هنا اختلف معاك واقرا من زاوية تانية
لا اعتقد ان جالاري زي الإسكتش بوك يكون غرضو الأساسي الدردقة و لكن افتكر تطور الأحداث و الطريقة الجهز بيها ملاسي نفسو للشوت هي الفرضت المسار دا
و ما يدعم النظرية دي هي إفراد المرضي للبوست التاني ليكون مخصصا للعملية التأديبية و الله اعلم
عايزين توقعاتك يا كابتن للتاثير المستقبلي للعملية التأديبية على اداء الأطراف المعنية
من ناحيتي اتوقع ان يلبد ملاسي شوية و ينحني للعاصفة و يقفل على ان المبدعين ما بطولو القعدة في البورد كتير
ومن ثم يعود للنشاط الإسفيري معتمدا على الذاكرة الضعيفة للبورداب
أو ينتظر لحدي ما تواتي الشجاعة احد افراد رهط الدقيق و يقوم بفتح لعب أو ثغرة يتنفس منها قليلا و يتحرر من سطوة السحل المصور
التكتيك دا نجح من قبل لكن يجب ليه ان يضع في حسابه ان الوضع مختلف قليلا - أو كثيرا - المرة دي
فطبيعة السحل المصور تختلف عما تعرض له من قبل من غسيل و شر كان قوامه الرئيس الكتابة
فمهما كانت قوتها وتأثيرها في حينها فمن الصعب ان تعلق بالإذهان كما الصورة المعبرة و الكاريكاتير
و من السهل نقل الصورة ووضعها في بروفايل و إدراجها في مختلف المواضيع على عكس الكتابة و مشقة اقتباسها
كما اتوقع انو عنما يمارس هوايته المحببة في السخرية من الآخرين ح يكون الرد ببساطة إدراج واحدة او أكثر من التصاوير العذاب
خلي بالك نسبة الرايت كليك مع السيف آز ح تكون طارت السما - شكرا للفنان المرضي على فتح قصة حقوق الملكية و كدا
|
Post: #59
Title: Re: ازيكم
Author: Magdi Ahmed Elsheikh
Date: 02-10-2009, 09:03 PM
Parent: #58
Quote: يعني يا كابتن ممكن تقول انو الإسكتش عبارة عن " احبولة " برضك
أسمح لي هنا اختلف معاك واقرا من زاوية تانية
لا اعتقد ان جالاري زي الإسكتش بوك يكون غرضو الأساسي الدردقة و لكن افتكر تطور الأحداث و الطريقة الجهز بيها ملاسي نفسو للشوت هي الفرضت المسار دا
و ما يدعم النظرية دي هي إفراد المرضي للبوست التاني ليكون مخصصا للعملية التأديبية و الله اعلم
عايزين توقعاتك يا كابتن للتاثير المستقبلي للعملية التأديبية على اداء الأطراف المعنية
من ناحيتي اتوقع ان يلبد ملاسي شوية و ينحني للعاصفة و يقفل على ان المبدعين ما بطولو القعدة في البورد كتير
ومن ثم يعود للنشاط الإسفيري معتمدا على الذاكرة الضعيفة للبورداب
أو ينتظر لحدي ما تواتي الشجاعة احد افراد رهط الدقيق و يقوم بفتح لعب أو ثغرة يتنفس منها قليلا و يتحرر من سطوة السحل المصور
التكتيك دا نجح من قبل لكن يجب ليه ان يضع في حسابه ان الوضع مختلف قليلا - أو كثيرا - المرة دي
فطبيعة السحل المصور تختلف عما تعرض له من قبل من غسيل و شر كان قوامه الرئيس الكتابة
فمهما كانت قوتها وتأثيرها في حينها فمن الصعب ان تعلق بالإذهان كما الصورة المعبرة و الكاريكاتير
و من السهل نقل الصورة ووضعها في بروفايل و إدراجها في مختلف المواضيع على عكس الكتابة و مشقة اقتباسها
كما اتوقع انو عنما يمارس هوايته المحببة في السخرية من الآخرين ح يكون الرد ببساطة إدراج واحدة او أكثر من التصاوير العذاب
خلي بالك نسبة الرايت كليك مع السيف آز ح تكون طارت السما - شكرا للفنان المرضي على فتح قصة حقوق الملكية و كدا |
ودالبشري اخوي كبر الكتابة شوي..
عشان نقدر نقراْ معاكم
سمح ابوي
|
Post: #62
Title: Re: ازيكم
Author: عبدالكريم الامين احمد
Date: 02-10-2009, 09:37 PM
Parent: #59
Quote: يعني يا كابتن ممكن تقول انو الإسكتش عبارة عن " احبولة " برضك
أسمح لي هنا اختلف معاك واقرا من زاوية تانية
لا اعتقد ان جالاري زي الإسكتش بوك يكون غرضو الأساسي الدردقة و لكن افتكر تطور الأحداث و الطريقة الجهز بيها ملاسي نفسو للشوت هي الفرضت المسار دا |
نعم يا عمك بتفق معاك في جزئية انو البوست كان ذو طابع فني ومتفرد
والهدف ليس سحس بالتاكيد...ولكن الراي الراقد عليهو احمد المرضي هو انه قرر يادب ملاسي قبل هذا البوست (وشفتو مرة قال ليهو انتظرني افضي ليك يا سحس) ههه...
نعم ياعمك سحس يحتاج الي احداث اختراق يعيد اليه توازنه الاسفيري الذي خربته هذه الرسومات..
الهتيفة صعب دخولهم كما قلت ليك...
سحس يلعب الان علي التشتيت عبر جموع الشاميتين وكل زول بخش بهناك سحس بشبك فيهو وبحاول يطفش اللعب
عبرهم في محاولات مستيمة لكتل البوست...
احمد المرضي ده غايتو شكلو كده زول قعاد طويل في المنبر ده ويادوبك اتفرغ وخشي الفورمة..
...انسحاب زول بقامة سحس من بوست زي ده حارة وضربة مزلة ولكن الحل اعتقد في تمييع القضية من سحس
واظهار نفسه كغير مهتم....واظهار البوست كحالة عبثية كما ورد الان في حالة عباس مين كده...
(ويعمل الامر في اطار الصحوبية مع احمد المرضي)
الرسومات طبعا الان اتحفظت في كمبيورات عديدة في هذا العالم وبجي اليوم البتطلع بالتاكيد في
وجه سحس ان لم يرعوي.....
سحس كان بالضرورة ياتي رجلا من اقصي المدينة زي احمد المرضي ده
ويلحقو غنم زهرة...وسعيدين كوننا عشنا عصر الفنان احمد المرضي
|
Post: #63
Title: Re: ازيكم
Author: عبدالكريم الامين احمد
Date: 02-11-2009, 05:27 AM
Parent: #62
فوووق لعناية كابتن عمك
|
Post: #64
Title: Re: ازيكم
Author: محمد المعتصم ابراهيم
Date: 02-11-2009, 07:07 AM
Parent: #63
الاساتذه ود البشري والكابتن كيكي وضيوفهم الكرام
حقيقه نحنا من المعجبين والمتابعين للاستديو التحليلي وهو يتمتع بوجود خبراء علي مستوي عالي وكمان المواضيع المطروقه تهم شعب جمهورية الاون لاين ولعلكم تتفقون معي بان الاستديو يحتاج وجود الكابتن محمد عبدالماجد الصايم خصوصا وهو يمتلك مقدره عاليه جدا علي تحليل احوال الطقس بالموقع خصوصا بعد ما اكتشفنا من بوست دكتور سيف النصر المعنون بـ محمد عبدالماجد الصايم معلومه خطيره جدا طرحها بشجاعه الاخ خدر وود الصايم ما قال بغم فيها ويبدو انو خدر يملك كثيرا من المعلومات الحياتيه عن الصايم وممكن يجهجه دفاعاتو ود الصايم شخصيه عجيبه ومثيرة للجدل واحيانا محيره علي العموم انا شايف انو حايكون اضافه لو استطاع القائمين علي امر الاستديو التعاقد معه .
يعني الان في اجماع انو بوست المرضي الاسكيتش بوك ضد ملاسي درجة حرارته تعدت الخمسين مما يشكل خطوره علي سكان الاون لاين ويحتاج لتدخل قوات دوليه لتامين امكانية انقاذ ما يمكن انقاذه والغريب في الامر ان بوست النداء الاخير لدكين ايضا يشهد تقلبات في الطقس وهو لايقل عن بوست المرضي ودكين معصور فيه شديد من قوات ليبيه عملت في الحرس الخاص للزعيم معمر القذافي ايام لوكربي والغريبه واحده من الحرس عرضت علي دكين شراء البوست منه بمبلغ قيل كبير جدا عندما شعروا بمحاولة دكين لاغراق البوست في خور بكري وربما يستدعي عطف الجوكر لذلك من الواجب حماية بوست دكين ومراقبته ونقل اخباره وتحليله وقد ظهر فيه ود المرتضي حامد وشكل حصارا عنيفا علي دكين وضح فيه فارق الخبره وامكانيات ود المرتضي العاليه في توجيه البوست.
ايضا هنالك بوست عجيب لنهال كرار بعنوان (النهله اوصدة ازرقها ) فيه صراع فكري عنيف كالعاده محسن خالد متجدع فيه واطلق عباره جديده واضحه ورساله بانه ما عاد يناقش الاغبياء بالموقع ومحسن طبعا مارق ليها في الخلا اها قمنا اتخارجنا طوالي من البوست وبقينا حايمين ببره والبوست فيه شخصيات ليها عظيم الاثر في الساحه وهو جدير بالمتابعه من الداخل للمختصين ومن الخارج لغيرهم وبمناسبة محسن انا شايف كابتن كيكي مفروض يبعد محسن خالد من بوست المرضي – ملاسي ويدفروا محسن لبوست دكين ويركز مع الجمهور في بوست نهال خصوصا وهو قال معصور عصره تحنن قلب الجراد فحرام يعصروا الخواجات ويجي يعصر استاذنا ملاسي المسكين والجاني في بوست المرضي .
المرضي ياكيكي ممكن الناس تلحقوا لو ملاسي ابدأ تعاون وقدم بعض الاعتذارات خصوصا لحنين بعد ما طفشت من كم يوم بسببه ودي برضو حتات بتتطلب تدخل الاستديو التحليلي بشعار الصلح خير وكمان شايف معظم الاعضاء ماخدين دور عمر طحنيه سيد الدكان الكان بتفرج علي الفاروق واخو الجكس يطقطق فيه وما عارف دا من المتعه باعمال المرضي ولا كيتن علي ملاسي انا غايتو من ناس المتعه والدهشه الموغله وكمان بي تحت تحت زعلان من ملاسي لكن ماشديد في حركاتوا وبعدين ملاسي معتدي اثيم فلابد من القصاص ضد الجاني لكن الصلح خير
طبعا لو استطاع الاستديو تحرير تمبس من مساككة ود هباني ودينق وباقي القوم والانضمام والالتزام ببرنامج الاستديو التحليلي بكون مكسب كبير للجمهور بالرغم من صعوبة التزام تمبس بهذا النهج ولو بتذكر نص تمبس بعد ملاوة تماضر وطلب محمد المرتضي حامد لتمبس بالاستمرار في امتاع الجمهور الا ان تمبس دخل البحر تاني وبدأ يفتش في التامبير والتماسيح لمعاركه وكمان تمبس ليه اصدقاء مقرمين لا يستطيع الانفكاك عنهم بسهوله .
الاستديو التحليلي لازم يقدم خدمة اروع البوستات علي الساحه خدمه للجمهور الذي لا يستطيع ان يتواجد الا لوقت قليل في الموقع وتفعيل الروابط المعنيه
الاستديو التحليلي لازم يكون ربع سنوي حسب برنامج بكري ابو صلعه المفتري
الاستديو التحليلي لازم يقيم علاقات طيبه مع الجوكر وممكن يوجهوا بتهكير بعض البوستات تحت تحت وتعمير الاخر بدون وضع فيروسات .
وكمان يخصص بوست حصري باسم الاستديو التحليلي لكل حدث رياضي مهم ومفروض يفتح اليوم بوست لمباراة المريخ والرواندي ويبدا في البث مبكر ويجمع بعض الاخبار خصوصا من الاعمده المعروفه شمه بسبوسه وسلك والمسكين ومن لف لفهم
وامبارح ضربوا ليهم حمام ميت من زمن بخمس اهداف صاروخيه طبعا
وكمان لازم شعارنا ( من اجل غدٍ احسن وخلي روحك رياضيه )
|
Post: #65
Title: Re: ازيكم
Author: محمد المعتصم ابراهيم
Date: 02-11-2009, 12:33 PM
Parent: #64
يا كيكي انا شايف ود البشري ابدع في اختيار اسم للبوست (السحل المصور ) وهو موغل في الدهشه ومختصر وسهل مقارنة مع (الرقيبه قزازة عصير ) فحقوا الناس تتفق وكمان كلامك عن بوست (النهله توصد ازرقها ) كلام خبراء واكيد اطلعتي علي مداخلتي ومشاترتي وعبرت عن ذلك بالضفدعه واضيف هنا انها ضفدعه بدون كرعين وجميل انك تتفق معاي وتشبه بالدروينع تو السقطك وربت بيك مع خليل وانه عضممممم وانا اشك في سبب تربيتكم الدروينع خصوصا واحد جاي من ام دقرسي والتاني جاي من ريفي سنار واظنكم اوغلتكم الدهشه بالجامعه والعاصمه والجكس النضيف واهملتم الدروينغ وانا اقترح باضافة عظم كبير كا ايقونه توضع في مثل ها البوستات عشان ما نتهبل ومرات الواحد بدخل في جخنان هنا ما بعرف اللزاهو منو زاتوووو ولا هيكل عظمي كامل .
كمان العنوان دا ممكن تلعب فيه ذي ما انت عايز والمعني واحد لاحظ
النهلة ازرقها توصد
توصد النهله ازرقها
ازرقها توصد النهله
توصد ازرقها النهله
النهله توصد ازرقها
النحله ترصد ارزاقها
وانت فوق قلتي
النهلة الزرقاء وممكن النخلة الزرقاء او النحلة الحمقاء
الناس دي قول ليها كده ما حلو
وشايفهم دخلوا في الغريق واستوردوا نصوص من الفور اوول والاراشيف ويبدوا لي دي سياسة جديده لتطفيش الرهط وغنم الدقيق وفئران التجارب والظباء قالوا ياخدونا قدر عقلنا المهم حاولوا وفروا اسعاف بالموقع .
طبعا انا مع طشاش الدوام قريت البوست (النحله تصيد أزرقها ) فقلتي اوكامبو قبض البشير ودخلت يمين ما سلمتي من الخلعه من الناس القاعدين جوه ولقيت ليك عمك محسن عيونو حمر وخاتي السفه نصها بره والباقي جوه قلتي كلامي ومرقته وطبعا عملت بوصية هاله حسن لاماني الامين قالت ليها قول كلامك البريحك وما تخافي من زول ماعارف يا كابتن رايكم شنو في نصيحة هندسه دي للناس الجُدَادْ يعمل بيها ولا في راي اخر .
المهم رجعته النهله تاني يوم لميت حاجاتي واتخارجته وبعدين عمك محسن ختاها يافطه كبيره لا احاور الاغبياء ودا باكد لي انو الزعيم ملاسي ليس من الاغبياء لانو محسن بلاحقو وكمان جاب ليها شريط سراويل وركوب دحيشه الغريبه ما قال ليه دحش ورجعنا للسراويل والكمنجات والحديد تاني ود البجيب طارد الاشباع وبهيج مصران الظلامي وبيشتعل فانوسو الفي دنقوسو
مما يجعلني اتعاطف مع سي سحس بقوه رغم الكان وكان وانا حنين يا كيكي للاخر وربنا يفك اسرو ويهدي سر المرضي غير الدعاء ما عندي ليه حاجه ويبعد منو محسن خالد .
وتاني بكرر البوست التحليلي لازم يقدم الخدمه دي
Quote: في هذا البورد اصبح البحث عن البوستات الدرر كالبحث عن جوهرة في مزبلة أو إبرة في كومة قش
دي كوتها ود الصايم يعني عجبتو
المنبر دا شكلو داقى الواطة .. مما بيقوا يكتبو فيهو ناس ( صحصح الحق )]
|
Post: #66
Title: Re: ازيكم
Author: محمد البشرى الخضر
Date: 02-12-2009, 10:05 AM
Parent: #65
سلامات كابتن كيكي و ضيوفه و مشاهدينا الأعزاء
اليوم حصلنا فرصة للإطلالة في شو منتصف النهار
بداية احب ارحب بالمشاهد محمد المعتصم واشيد بمشاركته الثرة في الاستديو - ح نرجع ليها قبل ختام حلقة اليوم
واحب اعلق معاك ياكابتن على بعض رسائل المشاهدين الكرام التي حوت ملاحظات مهمة عن سير الأداء في الأستديو
المشاهد العزيز ف.ن اتهم الأستديو بعدم الحياد و الإنحياز لاحد الأطراف بوضوح مما سيؤثر سلبا على سمعته
ومشاهدنا م.ع.ص احتج على حصر المتابعة على بوست الإسكتش و إهمال بقية المواضيع الساخنة
بقية الرسائل بها اشادات و اعجاب باسلوب الكابتن كيكي المنظم و السلس و إشادة بطريقة التناول وكدا
احب أطمن الأخوين العزيزين بأن البرنامج محايد لكن اللعبة الحلوة بتفرض نفسها
ولم يهمل الاستديو بقية القضايا الساخنة لكن الجضيم المصور - كما فضل ان يطلق عليه المرضي - فرض نفسه
لسخونة الأحداث و الوتيرة السريعة تستدعي التركيز على البوست
أخونا الكريم محمد المعتصم بعد الترحيب و الشكر
ذكرت بعض النقاط المهمة في مشاركتك الدسمة أحب اقول ليك نيابة عن الكابتن كيكي ان الاستديو مفتوح للجميع
و نرحب بكل وجهات النظر المتفقة معنا او المختلفة
بالنسبة لمشاركة حموودي فأعتقد انها قد تتعذر في الفترة الحالية لدواعي الحرج وكدا
لكن نتوقع مشاركته بعد نهاية موضوع الجضيم المصور وكدا ( الوش الخبيث البتعرفو داك يا حموودي )
اما عن ان يكون الاستديو نوع من انواع الدعاية للبوستات فاعتقد ان طبيعته لا تتفق مع الفكرة
هذا الشكل انسب لسلسلة بوستات الاسابيع
كابتن كيكي قبل الفاصل عايز اقول ليك زي الما قريتني صاح في موضوع النهلة و علاقته مع تداعيات الخامس
قصدي لو رجعت لبداية البوست فرّز الفهم من الفاهم و قس على ايام الخامس وكدا ( ما تنسى تطلع دكين طبعا)
فاصل و نعود...
|
Post: #67
Title: Re: ازيكم
Author: محمد البشرى الخضر
Date: 02-12-2009, 10:26 AM
Parent: #66
عودة لموضوع الاستديو المفضل
افتكر يا كابتن ممكن نتفق على تسمية الجضيم المصور ككود لعمليات البشتنة و حلاقة القزاز الجارية حاليا
كما فضل صاحبها المرضي ان يطلق عليها
تعرف يا كابتن اليومن الفاتو ديل اخدت لي رجعة لورا من تاريخ بداية العمليات
و بالتمعن في سير الأحداث و رد فعل ملاسي لقيت ان انسب ما يمكن اطلاقه عليه هو الخلعة
و تحديد خلعة شبيهه بخلعة الوصيفاب يوم الصفع القاسي في الرد كاسل و التي ادت لقلع الهدوم وكداعلى نفس طريقتهم اليوم داك جايين منفوخين بالاعلام و مخدرين ضامنين الفوز إلاى ان فوجئوا بالرش
جاء ملاسي يتقدل في البوست ممنيا نفسه بنزهة سريعة مع الغلاسة و التعليقات المتظارفة الح تجيب اعلى دخل من الضحكات
وضامن ان لن يواجه باي رد فعل او مقاومة فأقصى ما سيفعله المرضي تجاهله كالعادة
و اعتقد العبارة التي ذكرها محسن فس رسالة الآسات الشهيرة عن استحالة التعليق او الرد من المرضي على الملاسيات - او في ما معناه - هي ما اسهمت في التخدير
لكن النصيحة اتفاجأ بالشرك و الجضيم فصار من الخلعة لسان حاله اشبه بصاحبنا دا
نعود في شو المساء يا كابتن وإلى دلك الحين اترككم في فضل الله و عنايته أعزائي المشاهدين
|
Post: #68
Title: Re: ازيكم
Author: محمد عبد الماجد الصايم
Date: 02-12-2009, 11:25 AM
Parent: #67
دا ردا على الوش الخبيث بتاعكـ يا عمكـ
يدي ماكلاني عديييل في الموضوع داكـ
|
Post: #69
Title: Re: ازيكم
Author: محمد عبد الماجد الصايم
Date: 02-12-2009, 01:48 PM
Parent: #68
المنظر كيف في الهلع دا يا جماعة!
غايتو ذكروني الكليب بتاع طارق الأمين
بتاع سواق الحافلة ومرتو!
أقعدوا إنتي في صدر .. ما صدر
صدر .. ما صدر .. صدر .. ما صدر
لمن يدقشنا القــطـــر
|
Post: #70
Title: Re: ازيكم
Author: Magdi Ahmed Elsheikh
Date: 02-12-2009, 01:52 PM
Parent: #69
ناس البوست سلام...
اها وصلنا وين مع الكترابة دي
|
Post: #71
Title: Re: ازيكم
Author: عبدالكريم الامين احمد
Date: 02-12-2009, 02:22 PM
Parent: #70
هلا كابتن عمك والاخوة في داخل الاستديو والسادة المشاهدين والمشاهدات..
وناسف للانقطاع للانشغال بامر وامور (الصدر ما صدر وكدا)...
وفي البداية ضروري نحي الاخوين المتابعين (ف.ن) و(م.ع.ص)....
وبالله رسالة من داخل الاستديو للاخ (فن) قول ليهو ياعمك كابتن كيكي قال ليك (الله لا جاب يوم تحليلك)
واظهر وبان يا (فن) وليك الامان وهو كان متهم عندنا في قضايا سابقة ولكن صدر عفو شامل شمله بالتاكيد
ماتش (التضجيم المصور) واتفق معاكم في التسمية فهي موسيقية وعاملة هرمنة مع بوست الشعلة الاولي (السطو المصور) ..يشهد الان حالات ركود نوعي ..عودة ود المرضي للردود وظهور سحس موشحا بمسساككة ملحاحة للاخ معتصم الذي نرحب به في الاستديو ويبدو اننا موعودين بمحلل كبير وعميق ومتابع ...
تركيز 0سحس- علي مداخلات معتصم يمكن يفهم بعدة طرق..كون متعصم عضو جديد وسحس لاحظ خطورته وجراته في تناول الامور هنا يريد ان ضيفه الي لستته الذهبية...بالاضافة الي محاولات تشيت والفكاك من قبضة الكربون بنتويع اللعب
وتكثيف زاويا الهجمات...
اكثر الاحداث سطوعا (هي مقولةاحمد بانه قاااعد عشرين سنة في المنبر ده) وده ياعمك بهدم نظرية الاعتماد
علي (المرور السريع) عند المبدعيين..وثاني شي بحمل سحس مسئولية اضافية في ايجاد حل جذري لحكاية احمد المرضي دي بحسبان ان الامر الان لفت الانتباه والجميع متابع (راجع كلكات البوست).
ظهور اسم (د. عباس) كجدعة كانت مبمهة لينا في الاستديو ولكني ارجحها كمحاولة لرمي (صديق مشترك) بحضور سيرته
يمكنها تذويب الكثير كما يظن سحس في اشارته (البدون مناسبة لدكتور عباس)..ولعل د. عباس وسيرته ستكون
(وجبة الشفاعة) التي يقدمها سحس وسنري تداعياتها ونراقبها عن كثب
امر الحياد..طبعا بالنسبة لي ياعمك فانا مودلج تجاه سحس ولكن الكورة واللعبة الحلوة مهما كان مصدرها
ستجد منا التصفيق (حرم لو لعبها البشير اليومين دي اصفق ليهو)..
-النهلة التي اوصدت ميمها ونونها ياعمك فعلا انا ما حاولت التقاط اشارتك وقدر ماحكيت الراس في الاستديو
ما لقيت ليها علاقة مع الخامس...ولكن في امرها كان صوتي يعبر عنه دكين وحمور زيادة قبل خروجه بدواعي
(تي اس اليوت)
وانا لم اذهب الي (وصدت الابواب) لدواعي استراتيجية وقضايا قد تكون مربوطة بامور الباقيين والبيان
مستعدين يا عمك لتناول كل القضايا والثريا بتاعي مفتوح اربعة وعشرين ساعة في انتظار (الدس) بتاعك
وشعارنا دائما (هواء هواء سجن سجن جنجال جنجال) الباص الصاح في الزمن الصاح بكل حب وتقدير للجميع
|
Post: #72
Title: Re: ازيكم
Author: osman righeem
Date: 02-13-2009, 05:41 PM
Parent: #53
Quote: تخيل اول مرة انتبه للمفارقة في اسم الموقع , لكن سبحان الله اسم على مسمى
|
ده إسم الدلع
بوست مفيد
وجهد مقدر من رهط الباقيين
|
Post: #73
Title: Re: ازيكم
Author: Yassir Tayfour
Date: 02-13-2009, 05:49 PM
Parent: #72
Happy Valentine's Day RAHAT
|
Post: #74
Title: Re: ازيكم
Author: عبدالوهاب علي الحاج
Date: 02-13-2009, 06:03 PM
Parent: #73
| Quote: Happy Valentine's Day RAHAT |
Same to you Dear Rahta
|
Post: #75
Title: Re: ازيكم
Author: سارة علي
Date: 02-13-2009, 06:26 PM
Parent: #74
تعال لي بي جاي يا ود البشري..
ود العم...شكرا
مالك داير تشمت فينا ود الصائم ووكيل الاعلانات؟؟
|
Post: #76
Title: Re: ازيكم
Author: عبدالكريم الامين احمد
Date: 02-13-2009, 07:03 PM
Parent: #75
هلا بالرهط وهبة ورغيم وياسر
وبالرهطة سارة..
ووينك كابتن عمك ده ياجماعة
وضروري يطل علينا في الاستديو لانو في تطور نوعي في حكاية (الجضيم المصور) ده
وبعد صدمة الدحيش ذات (مكوة السروال) ولوحة (الواي الواي) ام اربع فصول...
ضروري ننفخ المايكرفون (اف اف اف) في الاستديو ونعمل شوية نقة وتفكيك
وسنكون في انتظار عمك لتشيتد ضربة البداية واستخراج الدس كارد
|
Post: #77
Title: Re: ازيكم
Author: طلحة عبدالله
Date: 02-13-2009, 07:41 PM
Parent: #76
غايتو يا جرجير كلامك كتير جنس كترة
هازول اديها صنة شوية ها ..
|
Post: #78
Title: Re: ازيكم
Author: عبدالوهاب علي الحاج
Date: 02-13-2009, 09:01 PM
Parent: #77
Quote: غايتو يا جرجير كلامك كتير جنس كترة
هازول اديها صنة شوية ها .. |
طلوح
هابي فلانتاين داي 
|
Post: #79
Title: Re: ازيكم
Author: طلحة عبدالله
Date: 02-13-2009, 09:13 PM
Parent: #78
إتعشت أم النور
بقيت تتكلم كلام ولاد الفرنجة آآود الحاج ..
خربانة أم بنايا قش ..
|
Post: #80
Title: Re: ازيكم
Author: محمد البشرى الخضر
Date: 02-14-2009, 05:13 PM
Parent: #79
هلا يا استديو و مرحبا بالضيوف الكرام
اولا نرحب بحمودي و نحب نستفسر منه عن الموضوع داك القال يدو اكلتو عليه (اتصل بالتنسيق و ممكن ندرجو في حلقة الاسبوع القادم)
و نرحب بمشاهدينا الأعزاء رغيم ووهبة و ابو اليا وبنت العم
كما نحيي تنظير الشهير بطلحة و نبلغو تعاطف الأستديو معاهم في معركة التكاسة و نوعدو بحلقة كاربة بعد المباراة تتناول الإرهاصات الدارت عن وفد مقدمة بشنط محملة بالأخضر و كدا
نعود لحلقة اليوم يا كابتن
قبل الدخول في الموضوع الرئيس و المفضل عايزين تعليق يا كابتن عن إشاعة النيوزويك عن صدور القرار و أثرها في البورد
ثم بعد صدور النفي و تراوح ردود الفعل من الفرح الشديد للتهديد بالفوضى للشماتة لغيرها
تفتكر يا كابتن النيوز ويك و الواشنطون بوست يلعبوا بمصداقيتهم أم فعلا القرار نضج لكن في انتظار الوقت المناسب
أم الموضوع بالونة اختبار و دراسة لردود الفعل
النسبة لتطورات موضوع الساعة و بعد دخول العمليات لليوم الثالث و الثلاثين - التأريخ اعتبارا من يوم نزول صورة القلوبيات
احب اعود بيك للتعليق على التاثير الأصاب ملاسي
الا تتفق معي انو في مسكنة حاصلة و جلّيي شديد دا غير فككان الكورة
هل تابعت طريقة التعليق خصوصا بعد فشل حملة الإعلانات , يبدو ان الموقف جدا سيئ آخذا في الإعتبار تصريح المرضي بمكوثه عشرة سنين
اتمنى يا كابتن طرح الاستفتاء التالي على السادة المشاهدين :
ما هو في رايك التأثير المتوقع للجضيم المصور على الأداء الملاسي :
أ/ ح ينعدل شوية و يترك السخرية من الآخرين
ب/ ح يواصل في اسلوبة لكن سيختار ضحاياه بعناية
ج/ مؤقتا سيتوقف و ينحني للعاصفة لكن سيعود مستقبلا بعد هدوئها
د/ لن يتأثر ملاسي نفسه مباشرة لكن تأثير إنفضاض رهط الدقيق من حوله سينعكس على أدائه في النهاية
فاصل و نعود
|
Post: #81
Title: Re: ازيكم
Author: عبدالكريم الامين احمد
Date: 02-14-2009, 06:21 PM
Parent: #80
ياعمك كتبت رد طويل وعريض ولكن طفش ..ولكن لاعلينا
خلينا نبدا اولا بملاحظة عن مسار البوست والملاحظ ان الانضباط بتاع الاستديو التكتيكي ما مظبوط والاحداث مياه
كثيرة بتمشي واحنا هنا الابديت بتاعنا داير شوية تكريب وانضباط..فممكن نسمع اقتراحات...اتخيل لي البوست كتجربة جديدة وفريدة مع مرور الوقت حنلقا الصورة المثلي والانسب والمواكبة لكل شاردة واردة
-شايف دسك فيهو جزئين بالاضافة للاستبيان..
فخلينا نشوت في موضوع الجنائية
-الواشنطون بوست والنيويورك تايمز جرائد ليها شنة ورنة وليها ضل ومهنية صحفية عالية ومقدرات عالية بتاعة شمشمة(وماتنسي الخبر بتاع مذكرة هم الجابو الشمار ده) فعشان كده ما بفرطوا وبشوتو خبر زي ده بدون التاكيد عليه في ظل وجود تنافس وصراع بتاع صحافة في امريكا وبالاضافة الي طبيعة الغالبية من الشعب الامريكي الما بتحب الكضب...اذن
-القضاة في المحكمة فعلا قرروا اصدار مذكرة كما ورد ..
-القرار زي ده قبل اصداره هنالك ترتيبات اممية واقليمية وحديث بانكي مون للحكومة السودانية بالمسئولية كان بوري انو في (هواء في السكة)
-في المنبر هنا نحن جموع المناتلين والكيزان استلموا الاشارة ناقصة واعتبروها هي الصورة الكاملة
لعدم التدقيق والسلعة
-في راي الاستديو انو البروفة الحصلت دي مهمة من عدة جوانب ..التيارات وتيارات التيارات في الموضوع ده ظهر
وكل الخطابات المتوقع ظهورها ظهرت حتي موضوع الاثنين الاسود المتطرف
وهي بروفة مهمة وقدمت للحراك الاسفيري دفوعات وتنقيب مهم وعندما ياتي القرار الاصلي سوف نقفز الي نقاط
اخري
-ملاحظة مهمة لاجظها الاخ عاطف عمر هي ان الانضباط الحزبي مفقود في المنبر ودي حقيقة وهنالك الكثيرين يغردون حارج اسوار احزابهم في ظاهرة غريبة وتحتاج الي تفسير لاحقا
نعود الي التضجيم المصور
ولكن بعد الفاصل
|
Post: #82
Title: Re: ازيكم
Author: عبدالكريم الامين احمد
Date: 02-14-2009, 06:38 PM
Parent: #81
Quote: احب اعود بيك للتعليق على التاثير الأصاب ملاسي
الا تتفق معي انو في مسكنة حاصلة و جلّيي شديد دا غير فككان الكورة
هل تابعت طريقة التعليق خصوصا بعد فشل حملة الإعلانات , يبدو ان الموقف جدا سيئ آخذا في الإعتبار تصريح المرضي بمكوثه عشرة سنين
|
اها نجي لموضوع الجماهير الانجليزية وحادثة وحديث التضجيم المصور..وبكل شفافية ياعمك وحياد
سحس وقع وما سمي وبانت علي نواجزه اثار الضربات قال لي كيف..
1-الغياب الغير معتاد عن احداث كبري لمت بالمنبر وهي مهتم بيها اهتمام عالي (الجنائية)
2-تداعيات نفي القرار ودي فيها قبضة كاش داون كان سحس في الماضي ينتظرها بفارق الصبر لضرب المناوئئين له
(وسحس لو كان هو سحس الماضي ابراهيم الجاب الخبر ده الليلة كان عمل جننو جن)
3-الردود ذات الطابع البارد النفس (راجع بوست سارة) وراجع بوست المرضي في اشارة المراهقين منتهي المسكنة
4-الاستلاب وسطوة الكاركتير علي وعيه الاسفيري جعلته يضعه في بروفايله(كان الوش الشين داك والان خاتي سحس بتاع مكوة السراويل)...
ود المرضي يبدو جليا بانه مرتب امره كويس وبقي كمان يقدم وجبات (فلفلية)وسيطرة تامة علي الاحداث ونصب فخاخ
في شكل فلفل اخضر...
الاستديو لاحظ انو سحس قرر يقفل الملف بتاع ود المرضي ده..باهمال الطلات علي البوست ولكن للمهتمين يمكنهم
تذكيره بها وجعل البوست عاليا ان ارادو..
|
Post: #83
Title: Re: ازيكم
Author: حمور زيادة
Date: 02-15-2009, 08:17 AM
Parent: #82
ما تطولوا الفاصل الاعلاني يا جماعة
|
Post: #84
Title: Re: ازيكم
Author: عبدالكريم الامين احمد
Date: 02-15-2009, 09:10 AM
Parent: #83
| Quote: ما تطولوا الفاصل الاعلاني يا جماعة |
هلا ياحمور ونورت الاستديو
وود البشري زاااتو بعد شوية بكون داير تحليل
بتهمة كتل البوست ده مع سبق الاصرار والترصد مع زوغانته الكثيرة دي
|
Post: #85
Title: النهلة تطرد حمورها
Author: حمور زيادة
Date: 02-15-2009, 09:26 AM
Parent: #84
مداخلة خارجية ..
طبعا بوست النهلة التي اوصدت ازرقها كان محتاج تبيان موقف واضح عشان الزي كيكي ديل ما يجو يطلعو في ظهرنا و يربط كلامي بكلام دكين
دكين كان منطلق من انكار صلاحية النص للاستعمال البشري ..
انا بقى كنت عامل ساتر باعتبار انو اي زول عندو حق يكتب العاوزو و القارئ عندو حق يختار العاوزو
و النص شكلو كان مفهوم لناس
بدليل انو نهال فتحت بيو بوست
وديدي مصورنو راقد ماسك الكتاب و بيقرا
محسن خالد جا شرح العنوان بنص لا يقل عن نص الكتاب
بس لما فهمت-و هو فهم ممكن يكون غلط- انو في راي بتاع انو الكتابة يا كده يا بلاش قامت سخنت معاي
طبعا الحوار ما اتواصل لدواعي طول نفسي اكتر من اللازم مع صاحبتي المنصورية مما ادى الى اتهامي في اعز ما املك الا و هي نيتي
فظهر اتهام انو لدي من دخول البوست مآرب اخرى .. طبعا انا ما عارف المآرب ممكن تكون شنو يعني باعتبار البوست كافي البلا لا فيو داليا حافظ لا روزمين لا نادية عثمان ( باعتبارم الثلاثي الذي حذر حميدة في بوسته الشهير من التعرض لهن ) و لا فيو صرفة سكر و لا كوتة جاز ( السائل و ليس الوزير ) لذلك فضلت ان احمل اعز ما املك و اتخارج
طبعا البوست ولد (كالعادة) بوست تاني باسم الاخ ت.س.اليوت عدييييييل و بدون مواربة في محاولة لطرح الاخ اليوت كزول كويس .. طبعا انا كنت قد واصلت في الملاواة و حملت قصيدة اليوت الارض الخراب الى بوست السجم الحداثي المعنون الى عبد الوهاب علي الحاج في رحلته الى الفن و الادب لاضع القصيدة جوار قصيدتي الحداثية الشهيرة عن البطاطس
حاليا انا في حالة متباعة لبوست الزميل السروجي عن اليوت في محاولة -جادة - مني لقبول ما كتبه المرحوم اليوت على انه شعر و ليس مجرد هضربة كما اعتبرها لعض النقاد
|
Post: #86
Title: Re: النهلة تطرد حمورها
Author: عبدالكريم الامين احمد
Date: 02-15-2009, 09:51 AM
Parent: #85
هلا بالكابتن حمور
وحبابك في الاستديو اصالة عن نفسي ونيابة عن كتابتن عمك الغائب في الروكايب.
وحضورك هنا اعتقد انو مهم لتناول قضايا اخري عديدة اهمها (اوصدت الابواب)..
وانا من زماان برضو منتظر الراي الفني بتاع كابتن عمك في حكاية (النهلة التي واصدات ابوابها)
وشايفو رافع لي القزاز..
وكويس انك جيت والموضوع ممكن ياخد حظو من النقاش والتحليل
|
Post: #87
Title: Re: النهلة تطرد حمورها
Author: حمور زيادة
Date: 02-15-2009, 10:36 AM
Parent: #86
في انتظار الكابتن ود البشرى
ـــــــــ
ملاحظ يا كيكي انو الكابتن مال الى الجهوية و الارتماء في احضان علاقات الدم في ردة واضحة عن المجتمع الحديث الى المجتمع التقليدي حيث اصبح لا يشاهد الا في بوست ود العم بل بلغ به الامر الى درجة انه يتسقط اخبار البورد و الاعضاء في ذلك البوست واضعا كرسيه هناك كارباب المعاشات و ينتظر من المارة ان يجلبوا له اخبار البورد
|
Post: #88
Title: Re: النهلة تطرد حمورها
Author: Hussein Mallasi
Date: 02-15-2009, 10:45 AM
Parent: #87
| Quote: مال الى الجهوية و الارتماء في احضان علاقات الدم |
ما ياها شغلتو من يومو.
|
Post: #89
Title: Re: النهلة تطرد حمورها
Author: عبدالوهاب علي الحاج
Date: 02-15-2009, 10:53 AM
Parent: #88
|
Post: #95
Title: Re: النهلة تطرد حمورها
Author: عبدالكريم الامين احمد
Date: 02-15-2009, 11:29 AM
Parent: #89
Quote: كاااااااااااااااااااااااااكـ
الاستوديو التحليلي رشووووووووووو
وتاني كااااااااااااااااااااااااااااااااكـ
ياكيكي والله باكاتك دي اخير منها باكات المريخ |
اها يا ود البشري
اقول ليك ياعمك دردق لي وهبة
ياعمك دردق لي وهبة وقنطره كويس للتحليل..
اها شفت الكاكاااااااات كترت كيف
|
Post: #90
Title: Re: النهلة تطرد حمورها
Author: محمد عبد الماجد الصايم
Date: 02-15-2009, 10:56 AM
Parent: #88
| Quote: ما ياها شغلتو من يومو. |
ما قلت ليكم!
الفريون يا عمكـ
الفريووووووووون
|
Post: #91
Title: Re: النهلة تطرد حمورها
Author: عبدالكريم الامين احمد
Date: 02-15-2009, 10:58 AM
Parent: #88
| Quote: ملاحظ يا كيكي انو الكابتن مال الى الجهوية و الارتماء في احضان علاقات الدم في ردة واضحة عن المجتمع الحديث الى المجتمع التقليدي حيث اصبح لا يشاهد الا في بوست ود العم بل بلغ به الامر الى درجة انه يتسقط اخبار البورد و الاعضاء في ذلك البوست واضعا كرسيه هناك كارباب المعاشات و ينتظر من المارة ان يجلبوا له اخبار البورد |
الكابتن الان الحوجة له ملحة وعاجلة
في حلقة حتكون كاربة عن دلالات اقتحام سحس للاستديو والتحرش بكبير المحللين (كابتن ود البشري)
وده تعدي وتجني واضح للصحافة الحرة..وبطش مايوي لن يمر بسلام في هذا الاستديو الحر
وسنعود
|
Post: #92
Title: Re: النهلة تطرد حمورها
Author: حمور زيادة
Date: 02-15-2009, 11:07 AM
Parent: #91
| Quote: ما ياها شغلتو من يومو. |
و انت كنت متابعو هو وله متابع يومو ؟
|
Post: #93
Title: Re: النهلة تطرد حمورها
Author: عبدالكريم الامين احمد
Date: 02-15-2009, 11:11 AM
Parent: #91
وهبة وعمك
الاستديو صامد وهجمة سحس دي اسقاط طبيعي للازمة الدخلها فيهو ود المرضي..
والترصد تحديدا بود البشري نابع من انو ود البشري (ماسك كمحلل) معلومات خطيرة عن مستقبل سحس الاسفيري
ونشرها في الاستبيان الفوق ده...
فود البشري محلل كبير ووصوله لهذه الحقيقة والعمل علي نشرها هو امر 
|
Post: #94
Title: Re: النهلة تطرد حمورها
Author: عبدالكريم الامين احمد
Date: 02-15-2009, 11:19 AM
Parent: #93
Quote:
ما هو في رايك التأثير المتوقع للجضيم المصور على الأداء الملاسي :
أ/ ح ينعدل شوية و يترك السخرية من الآخرين
ب/ ح يواصل في اسلوبة لكن سيختار ضحاياه بعناية
ج/ مؤقتا سيتوقف و ينحني للعاصفة لكن سيعود مستقبلا بعد هدوئها
د/ لن يتأثر ملاسي نفسه مباشرة لكن تأثير إنفضاض رهط الدقيق من حوله سينعكس على أدائه في النهاية
|
حقو ندي الاستبيان ده طلة ونثبتو في الشاشة للسادة المتابعين والمتابعات من داخل وخارج الاستديو
ويمكن الكتابة للقناة عبر الايميل
[email protected]
|
Post: #96
Title: Re: النهلة تطرد حمورها
Author: عبدالوهاب علي الحاج
Date: 02-15-2009, 11:30 AM
Parent: #93
|
Post: #97
Title: Re: النهلة تطرد حمورها
Author: عبدالكريم الامين احمد
Date: 02-15-2009, 11:35 AM
Parent: #96
انت عارف يا وهبة
الاستديو التحليلي لحدي امس كان منتظر عدد الامس من الوسيط حتي يشوف سحس حيعمل ايييييه..
ولكن يبدو انو مقال عبدالله علي ابراهيم محاولة للهروب من تركيز الاحداث المربوطة به في بوست ود المرضي
حسب القراية للاحداث سحس لن يهنا بالبوست الابراهيمي ده كثير
فهنالك مفاجات في الطريق قادرة علي عودته الي المنفي الاجباري المشيد بواسطة ود المرضي..
ويا دوبك يا وهبة الماتش دور ..والليلة احلي
|
Post: #98
Title: Re: النهلة تطرد حمورها
Author: محمد عبد الماجد الصايم
Date: 02-15-2009, 11:38 AM
Parent: #96
ون مان شو!
المحلل رشو!
كان هنا (كـمـنـضـــال)
|
Post: #99
Title: Re: النهلة تطرد حمورها
Author: عبدالكريم الامين احمد
Date: 02-15-2009, 11:45 AM
Parent: #98
Quote: ون مان شو!
المحلل رشو |
هوووي يا ود الصايم هوووي
احنا المحللين ديل ما بنرضي في بعض
بعدين سحس مغبون وحاصل ليهو احتقان انبعاجي
من عمك لانو ود البشري بيني وبينك عصر عليهو عصرة قبورة بالذات في حكاية
(غنماية الدقيق والتجضيم المصور)
|
Post: #100
Title: Re: النهلة تطرد حمورها
Author: عبدالوهاب علي الحاج
Date: 02-15-2009, 11:48 AM
Parent: #98
|
Post: #101
Title: Re: النهلة تطرد حمورها
Author: حمور زيادة
Date: 02-15-2009, 11:50 AM
Parent: #100
اقلب الصفحة ..
سطر جديد
|
Post: #102
Title: Re: النهلة تطرد حمورها
Author: محمد البشرى الخضر
Date: 02-15-2009, 03:04 PM
Parent: #101
هلا يا كابتن و آسفين على التأخير
ترحيب شديد بضيف الاستديو العزيز حمور زيادة و نشكره على إثراء حلقة اليوم بمداخلته الدسمة
قبل العودة لضيفنا حمور احب القي الضوء على حدث اليوم و هو خروج ملاسي من عزلته و إطلالته البائسة على الاستديو
للاسف يا كابتن يبدو ان الدمج الحصل شديد جدا يبدو ان المرضي ضغط و جضَم أكتر من اللازم
لا اكتمك سرا اني اشفقت عليه وعلى تاريخه و سمعته وانا اقرأ مسكنته اليائسة بل واعادت إلى ذاكرتي نياصة حمودي الشهيرة
لكن ما دفعني حقا لكي أرثي له هو محاولة البسطاء لعب دور رهط الدقيق
يا ريت المخرج لو يجيب لينا اللقطات دي تاني
الكنترول : Quote: كاااااااااااااااااااااااااكـ
الاستوديو التحليلي رشووووووووووو
وتاني كااااااااااااااااااااااااااااااااكـ
ياكيكي والله باكاتك دي اخير منها باكات المريخ
___
كامل تضامني مع ودالبشرى |
Quote: ما قلت ليكم!
الفريون يا عمكـ
الفريووووووووون |
فمن نكد الدنيا على ملاسي طبعا ان لا يجد رهطه المعتاد و يكتفي بالمساكين ديل
ودا يدل كما اسلفنا ان رهط الدقيق قد انفض سامره أو كيسو اصبح فاضي و الفضل يعود للضربات المتلاحقة التي اوهنت العظم و اطاشت الصواب من زمن الآسات لعصر القلوبيات
أما اصحابنا المساكين ديل فهم ابلغ دليل على نظريتي في قصة الرهط الغير معرف - قد تكون مرت عليك يا كابتن في مكان آخر
انا بشوف ان الرهط يجب ان يكون معرّف عشان ما يلم من طرف وإلا فعدمو أخير
فاصل و نعود لضيفنا العزيز حمور
|
Post: #103
Title: Re: النهلة تطرد حمورها
Author: سارة علي
Date: 02-15-2009, 03:05 PM
Parent: #102
لكن.....
لا تعليق..
ولا اقول ليك عندي تعليق..اول ما دخلتا فكرتا تدخل بي جاي؟؟؟
طيييييييييييييييييييييييييييييييييييييييب
|
Post: #105
Title: Re: النهلة تطرد حمورها
Author: osman righeem
Date: 02-15-2009, 03:24 PM
Parent: #103
ابوحتوت
يا عمك
Quote: ولا اقول ليك عندي تعليق..اول ما دخلتا فكرتا تدخل بي جاي؟؟؟
|
الاحد خلص خلص نفسك
والله اتذكرت شاويش مع بيليه
|
Post: #104
Title: Re: النهلة تطرد حمورها
Author: محمد البشرى الخضر
Date: 02-15-2009, 03:23 PM
Parent: #102
ضيفنا العزيز حمور ذكرت في مداخلتك الخارجية أو ممكن نسميها مرافعتك أسباب دخولك و خروجك من بوست النهلة
و رؤيتك الفنية لتي إس إليوت وكدا
وقال الكابتن كيكي اني رافع القزاز من انتظارو لتعليقي على الموضوع
بصراحة يا كباتن تناولي للبوست كان من زاوية محددة و بعيدة عن الموضوع الرئيسي
الإشارات التي لاحت لي كانت عن المواقف المتباينة للمشاركين في بداية البوست من ناحية فهم او عدم فهم النهلة
ومقارنتها بالموقف حينها من الخامس قربا او بعدا , لكن شكلها طلعت خرطي ساكت حتى انها ما بدت للكابتن كيكي كما رايتها
تحت الهواء :
قلت يا حمور - فيما ظنه البسطاء دردقة (الوش الخبيث يا هناي) - اني بقيت زي ارباب المعاشات متكل في الضل و اتسقط اخبار العالم من هناك
هي لكن اسوي شنو بوستاتك جادة - وممتعة في آن - ما بتتحمل انصرافية و انا الشمار كاتلني عايز اعرفك مالك اليوم داك
اها معقول اسال سؤال زي دا في بوست كرري مثلا ؟
اها النبي مالك كنت
كابتن كيكي والله اخوك ما زايغ من البوست و الاستديو لكن مزنوق في الشغل والله
ON AIR:
ادينا جديد الجضيم اليوم يا كابتن ...
|
Post: #106
Title: Re: النهلة تطرد حمورها
Author: محمد البشرى الخضر
Date: 02-15-2009, 05:05 PM
Parent: #104
كابتن كيكي يبدو انو اليوم ما كان في جديد على صعيد الجضيم
و يمكن دا السبب الخلا ملاسي يشم الهوا شوية
سؤال يا كابتن ليه علاقة بالموضوع لكن من زاوية تانية
اداة رفع البوستات الخضراء ام كرش المهداه ليك من المرضي
هل عندها علاقة بحمووودي ولّلا مجرد تشابه هيئات ساي تفتكر ( الوش القبيل زاتو)
|
Post: #107
Title: Re: النهلة تطرد حمورها
Author: محمد عبد الماجد الصايم
Date: 02-15-2009, 05:09 PM
Parent: #106
هههههههههههههههههههههههاااااااااااي
هههههههههههههههههااااااااااااااااااااااااي
ياخ بالجد بقيت بتاع ضللة ساي
|
Post: #108
Title: Re: النهلة تطرد حمورها
Author: محمد البشرى الخضر
Date: 02-15-2009, 05:37 PM
Parent: #107
يعني طلعت كرش على كرش ساي
|
Post: #109
Title: Re: النهلة تطرد حمورها
Author: عبدالكريم الامين احمد
Date: 02-15-2009, 05:43 PM
Parent: #107
Quote: اداة رفع البوستات الخضراء ام كرش المهداه ليك من المرضي
هل عندها علاقة بحمووودي ولّلا مجرد تشابه هيئات ساي تفتكر ( الوش القبيل زاتو) |
هههههههه
بالجد يا عمك ضحكتني ياخي اضحك الله سنك
وكدي خلينا امخمخ الموضوع ده واقلبو ممكن القي معاك سكة تلم الموضوع ده بعمك والصايم..
لكن بالجد المصيبة ام كرش الخضراء الرفعت الرفع بيها ود المرضي كانت مبااااااالغة وتجنن ههههههههه
......................
نعم اتفق معاك بان (التضجيم المصور ) اليوم والامس مافي اضافة نوعية في الضربات ولكن صدي الضربات السابقة
وبالذات (معركة الدحيشة) وجولات وصولات (الطرطر) بالاضافة طبعا الي لوحات كثيفة فيها متاوقة من الشباك
واعتقد معاي انك لاحظت للمدرب البجي دائما لابس (احمر) وفي شكل دودة(سحس تعب المدرب ده تعب شديد خلاص)
وهو في روحو مدرب كيشة كنت حتي الان اقارنه فقط بمازدا (هههه)...
زي ما قلنا مافي علي صعيد المنتج الكاركتوري لكن الان ظهرت البصمات والتداعيات في سحس جليا..
1-انفضاض رهط الدقيق
2-في بوست وهبة جاب اللنك بتاع الليلة الصباح كاتبو سحس عن عبدالله علي ابراهيم وفي البوست ده دعبدالله
بشيد بذكاء سحس ونباهته واشار لموضوع المولدات اشارة اطربت سحسا وتلقفها سريعا في بوست حتي يساهم في رفع
اسهمه التي لحقت الدلجة...ايضا كون سحس يعمل البوست بروحو وفيهو مشكار لنفسه ده بعمق دلالة انفضاض الرهط الدقيقي فدور زي ده هو بالتاكيد دور رهطي(وشينة ياخي زول يجيب بوست يقول فيهو شكروني والمرشح الرئاسي استرشد بي) منتهي اللووول...والتهافت
3-حركات الرهط وهبة وود الصايم وحرب الكاكاااااات دي بالتاكيد ليس بمحسوبة في رصيد رهط الدقيق
بل الاستديو بقراها في اطار التدوير الجمجرة الايجابية (ههههههه)
4-حضور سحس للاستديو بالمناسبة دلالة علي انو الاستديو مسك مفاتيح لعب اوجعت وازعجت سحس وصار الان مكشوف الدفاع
ومهنضب في التضجيم المصور وهنا..
ولنا عودة ياعمك
|
Post: #110
Title: Re: النهلة تطرد حمورها
Author: حمور زيادة
Date: 02-16-2009, 06:50 PM
Parent: #100
هل يرصد الكابتن كيكي التفكيكي ملامح عودة الابن الضال ؟
هل ننتظر منه " عودة دجانقو " ام هي " عودة الوعي " ؟
نرجو المتابعة
|
Post: #111
Title: Re: النهلة تطرد حمورها
Author: محمد البشرى الخضر
Date: 02-16-2009, 07:23 PM
Parent: #110
حمور ...
ياخي عندي تعليق عن بوست مجلة أصداء المهجر بس ما مناسب هناك أحسن أكبو بي جاي
قلت لي Quote: من الاقلام التي تكتب في المجلة :
الاستاذ كمال الجزولي |
شوال دقيق جديد
بخت الغنماية
|
Post: #112
Title: Re: النهلة تطرد حمورها
Author: عبدالكريم الامين احمد
Date: 02-16-2009, 07:42 PM
Parent: #111
هلا ياحمور
والاستديو متابع الميدان شاردته وواردته ثم حكايات علمائه
ووياكابتن عمك سلامون..
التضجيم المصور ياياته كبوست نامت ولايزال الاستديو يلاجظ اختفاء سحس..
الليلة ممكن ندي دفرة في حلقة نوعية مربوطة بامر اوكامبو..
وتلاحظ علو صوت تيار (الانتي اوكامبو) في طلعات جوية شرسة بقيادة ميادة وود الباوقة اخريين
ويبدو ان (الكول داون) الحصل بعد خبورات جرائد امريكا اعاد الثقة لتيم (الانتي) ووهو يشن الان طلعات
جوية مكثفة مع تنويع اللعب...
خليل ابراهيم واتفاق الدوحة ايضا عدادو في السماء والقصة جايطة جوطة شديدة خلاص
|
Post: #113
Title: Re: النهلة تطرد حمورها
Author: محمد عبد الماجد الصايم
Date: 02-16-2009, 07:45 PM
Parent: #112
كيكي .. بروفايلكـ
|
Post: #115
Title: Re: النهلة تطرد حمورها
Author: عبدالكريم الامين احمد
Date: 02-16-2009, 07:49 PM
Parent: #113
تشكرات يا عمك
والمنبر لازم بعد ده تجيهو ضارب كدوس
|
Post: #117
Title: Re: النهلة تطرد حمورها
Author: khaleel
Date: 02-16-2009, 07:52 PM
Parent: #114
بالغ
ههههههههههههههه
|
Post: #120
Title: Re: النهلة تطرد حمورها
Author: عبدالكريم الامين احمد
Date: 02-16-2009, 08:11 PM
Parent: #117
Quote: بالغ
ههههههههههههههه |
ايوه ياخلي وبعد ده كودسين حتي النخاع
اعمل حسابك تاني ههههه
|
Post: #153
Title: Re: بروفايل
Author: Ahmed Elmardi
Date: 02-25-2009, 03:09 AM
Parent: #117
Hello friends.
For a break,how about a very
very fast retouch job for Aisha's photo.
It certainly can be done masterfully better...
Thanks Khalil for the picture.
Mardi
|
Post: #116
Title: Re: النهلة تطرد حمورها
Author: حمور زيادة
Date: 02-16-2009, 07:51 PM
Parent: #112
ود البشرى دقيقة نتداخل مع كيكي ده و ارجع ليك لأنو حديث ذو شجون و طعون
يا كيكي الفورة الغريبة لاخوانا اهل الانقاذ حيرتني عديل
كما يلاحظ انقسام في ذكر خليل ابراهيم ما بين السخرية منه او تعظيمه كدكتور خليل الذي قد يصبح حبيب القلب و النائب الثاني قريبا
دي جهجهة القواعدالحمتني اخش حزب
الليلة انا زعلان من فلان العدو تجي القيادة تصالحو .. خشمي يبقى ملح ملح
مثال لده توهان بعض اخوانا الشيوعيين المتحمسين لما يلقو نقد بيتعامل مع قادة النظام او الاتجاه الاسلامي .. يحتاروا لامن يقربوا ينضمو للقاعدة من شدة الخلعة .. طبعا لأنو حسابات القيادة بتختلف من حسابات القواعد
من البوستات المهمة بوست دكتورة بيان الجديد و واضح انو خالد و خضر وضعو تكتيك لعصر الدكتورة و غالبا الكورة حتكون شخصية و حتطلع شتيمة/شتيمة
|
Post: #118
Title: Re: النهلة تطرد حمورها
Author: حمور زيادة
Date: 02-16-2009, 07:57 PM
Parent: #116
اها يا ود البشرى بالنسبة للاستاذ شوال الدقيق فانا بستغرب جدا من تجريح الشخصية العامة
استاذ الجزولي عندو اراء ما بتعجبني انا شخصيا .. اما شعرو فما ببلعو خالص .. ام درمان تأتي في قطار الثامنة داك جهجهني كلو كلو .. لكن رغم كده يظل شخصية عامة و قامة عندها احتراما حتى لو ما حبيتو و حتى لو ما اتفقت معاو
اها انا هسه ما بحب ود الامين خالص و ما قادر افهم الزول ده بيغني كيف .. هل معناها هو ما فنان او اقوم اهاجمو عشان ذوقي الخاص ما قبلو ؟
ود الامين فنان غصبا عني و اسم فني كبير
و كمال الجزولي قامة سياسية و قانونية و شخصية عامة محترمة حتى لو ما عجبني
وين المشكلة ؟
ياخ لو اي زول عاوز الدنيا تكون على مزاجو و فيها الناس البيعجبوهو الكوكب ده كان اتخرب
من حقي اعترض او اناقش القامة في الشي البشوفو غلط فيو .. لكن كمان لازم احترمو
|
Post: #119
Title: Re: النهلة تطرد حمورها
Author: عبدالكريم الامين احمد
Date: 02-16-2009, 08:07 PM
Parent: #116
هلا كابتن حمور..
وموضوع اكامبو يا حمور جهجهة ليك القوي السياسية دي جهجهة قبورة ووضع الكثيرين ما بين مطرقة الانضباط التنظيمي وسندان كجينة الانقاذ ورمزها الكبير فعلي هذا قس الشيوعيين وناس حزب الامة والحركية الشعبية
وكلو يندد في الخرطوم قيادة ولكن اسفيرا نجد السادة القواعد (قادين السلك التنظميي) وراكبين سرج في سفينة اوكمابو...
خليل ايضا ملاحظتك في محلها لوحة اخري جهجهة دفاعات البني كوز في سباقهم نحو سلام (القطر قام) سريع سريع
يلحقو السوق هنا في الدوحه لعل وعسي ان يفيد ذلك في لاهاي..
الجقلبة ضد خليل تتصاعد كل ما ترد اخبار عن عصلجة المفاوضات في الدوحة..وبرشوا ليك رش تقيل واحداث ام درمان
طوالي تكون حاضرة...
ولكن ابوالخل هذه الايام في احلي ايام دلاله وقريبا سيتحول الي غزال اسمراني في عيون الخرطوم..والا سيعود
الي خانة العميل حالما تعصلجت الامور في الدوحة...
متابع بوست بيان وحديث علمائه التي قلتها ليك في المداخلة السابقة كانت اشارة كروباوية لذلك البوست
والاستديو صاحي ياكابتن
بوست بيان داك فيهو كلام عجيب ومفاتيح كثيرة خلاص
1-صراع سياسي
2-صراع ديني وتيارات اسلامية
3-صراع اسفيري
وحتي الان الامور مشت في اتجاهات عديدة والبوست متشعب ولكن لو وصل الي ارض الملعب ابوبكر صالح وعبد اللطيف
اتوقع ان يذهب البوست الي مواجهة كبري بين بيان...
مواجهات وتراشق بالاسلحة الحفيفة ايضا رصدناها في الاستديو وماعارفين المياه وحتدوي وين
ولكن كل الاحتمالات مفتوحة هناك وسنراقبه عن كثب كونه بوست به دلالات ومراقبة خطابات
|
Post: #121
Title: Re: النهلة تطرد حمورها
Author: عبدالوهاب علي الحاج
Date: 02-16-2009, 08:17 PM
Parent: #119
بروفايل عذاااااب ياكيكي
|
Post: #122
Title: Re: النهلة تطرد حمورها
Author: عبدالكريم الامين احمد
Date: 02-16-2009, 08:23 PM
Parent: #121
| Quote: بروفايل عذاااااب ياكيكي |
هلا وهبة
وبعد ده اسم الشهرة
رهط كيكي كدوس
|
Post: #123
Title: Re: النهلة تطرد حمورها
Author: khaleel
Date: 02-16-2009, 08:49 PM
Parent: #122
Quote: ايوه ياخلي وبعد ده كودسين حتي النخاع
اعمل حسابك تاني ههههه |
خلاص يا كيكي
وكت رجعت كدوس انا رجعت منقستو
|
Post: #124
Title: Re: النهلة تطرد حمورها
Author: عبدالكريم الامين احمد
Date: 02-16-2009, 08:57 PM
Parent: #123
| Quote: وكت رجعت كدوس انا رجعت منقستو |
منقستو اييييه يا خلي ببروفايلك الكرباوي ده
ياعمي ده انت الثعلب عديل كده
|
Post: #125
Title: Re: النهلة تطرد حمورها
Author: محمد البشرى الخضر
Date: 02-16-2009, 10:00 PM
Parent: #124
BREAKING NEWS
يا كابتن كيكي نستميحك عذرا و الضيوف في التعليق على آخر تطورات الجضيم المصور
دي جدا قوية
فيها ملامح غسيل و شر و رمزيات رهيبة دايرة تحليل و مقاربات - نستميح المرضي عذرا لكن ما بتتفوت
التعليق المكتوب مأخوذ من فرمالة عاصم أبوبكر المحببة
قطرات المياه المتساقطة تدل على حتة الغسيل المشار ليها - وفي دي صدق
الزي - الجلابية و العمة - هل تفتكر بترمز للشعب السوداني يا كابتن ام لها دلالة تانية
عودة للعبارة المكتوبة لاحظ يا كابتن مسبوقة بـ" كنت " مقروءة مع منظر التراش بن
هل تفتكر يا كابتن دي اعلان عن النهاية
وإن كانت كذلك هل هي نهاية العملية ككل أم نهاية مرحلة و بداية مرحلة جديدة
و ما هي توقعاتك لردود الفعل المختلفة سواء من ملاسي أو من جموع الشمات او من طيب الذكر المرحوم رهط الدقيق
التطور الأخير دا محتاج حلقة خاصة لتفكيكه يا كابتن
و اعتقد ح نحتاج نتصل لايف بالمراسلين من الجبهة
مشاهدي الأعزاء ابقوا معنا و تابعونا بعد الفاصل
|
Post: #126
Title: Re: النهلة تطرد حمورها
Author: osman righeem
Date: 02-16-2009, 10:16 PM
Parent: #125
المرتكز الرئيسي للمرضي
جاء في المداخله رقم 46
Quote: طبعا أنا ما عندي وهم إنك بتناقش تصوير ولا فن ولا غيرو،
عشان أخش معاك في مناقشة زي دي
إنت بتلعب في دور سياسي رسم لك وتقوم بتنفيذه بدقة.
ودا صراعي معاك..
عشان كدا ما في نيتي أناقش لولوتك دي بجدية..
لكن بطقطقك محل المكنة الطالعة منها الحاجات دي..
هديتك جاية ما تخاف ح اختار ليك واحدة من الخفيف
الى إشعار آخر..
متذكرك مش؟
|
فالمنطلق هو رد علي اعمال سحس
والتي اعتبرها المرضي تدخل في آليات اغتيال الشخصية
ولذلك عمل علي الرد بدون سقوف عليا أو دنيا
وكرر المرضي انه مازال في ملفات 1989
يعني تار بايت
ونتوقع كثير من الضرب تحت الحزام وخاصة
في حكاية بوست سحس السابق ( ماعنهم شغله ) بتاع عيادة الدكتور
Quote: حكايتو سوف تتضح من خلال هذا البوست ياخلف الله،
أنا لسة في الإرشيف بتاع (١٩٨٩)..(ها ها)
|
مداخلة 103
|
Post: #127
Title: Re: النهلة تطرد حمورها
Author: عبدالكريم الامين احمد
Date: 02-16-2009, 10:17 PM
Parent: #125
وحضور علي عجالة..
تصدق ياعمك سبقتني علي الاستديو
ففعلا البريك نيوز دي تستحق يقطعو ليها البث بتاع كل البرنامج وندور بث مباشر وعاجل
الضربة صاعقة ومفاجئة حتي لجموع المراقبين..وود المرضي استغل استرخاء الجميع علي نار البوست التي هدت
ووجه (هوووك صاروخي غريب عجيب جدا)..
كل دلالاتك يا كابتن في محلها (غريب وعجيب) العاصمية ثم الموية البتنقط والتراش علي مرمي حجر من الاحداث
وايضا بتفق معاك وبثبت دلالة دلالة (الشعب السوداني) في عمك اللابس الجلابية..
تضاؤل حجم سحس واشارة كنت هي بالتاكيد اشارة منعطف ولخصت اللوحة دي رحلة سحس مع احمد المرضي ومنذ السطو المصور مرورا بالتجضيم المصور...
هي القاضية بالتاكيد كونها عبرت عن مرحلة وكل ما ياتي سيكون بدايات مرحلة ثانية اتوقع ملامحها كالاتي
1-اتوقع ان نري صورة (حسين اعلانات ابو كرت) في بروفايل ملاسي كمحاولة منه لاعطاء شعور بان الموضوع عادي بالزبادي
2-دخوله في كومة مداخلات عنيفة ومحاولة تعكير البوست وتشتيت اللعب
3-دخول الرهط الدقيق كوعاظ ومحاولة تبخيس من الضربة القاضية وشحن الامر بدلالات اخري
في راي الاستديو سحس انتهي نهاية بطل بهذه الرسمة وقومته صعبة بالحيل في ظل غيابه الغير مبرر في هذه الايام
(ما من عوايد سحس ماتش فيهو قبضة ثمينة زي الفنان احمد المرضي ده يهرب ويخلي الميدان فاضي)
غسيل ومكوة سراويل وطرطر وتنويع لعب وخد وهات وبشتنة ورقاد وطه ولوووووووووول اسفيري ما حصل ياعمك
ومتعة لا توصف...
واعتقد بان كميات الجرائد التي ستحرق عقب هذه اللقطة ستكون كميات تاريخية
وغدا لناظره قريب
|
Post: #128
Title: Re: النهلة تطرد حمورها
Author: عبدالكريم الامين احمد
Date: 02-16-2009, 10:21 PM
Parent: #127
متابع وصاحي يا رغيم
والاستديو يسال
هل سيطلق ود المرضي مجموعة رصاصات رحمة
ام سيكتفي بهذه الضربة القاضية الصاعقة
|
Post: #129
Title: Re: النهلة تطرد حمورها
Author: osman righeem
Date: 02-17-2009, 03:54 AM
Parent: #128
كابتن كيكي التفكيكي
واعزائي المشاهدون
(ذكرتونا بشاشا عجل الله فرجه الشريف)
استاذ المرضي رابط التنتيف مع حرارة الجو السياسي العام لاحظ الاسبوع الماضي مع توقعات الجنائية
حاج سحس اتربط بيقود المرضي و لف نفسوا داخل النظاق الحددو المرضي
|
Post: #130
Title: Re: النهلة تطرد حمورها
Author: عبدالكريم الامين احمد
Date: 02-17-2009, 08:57 AM
Parent: #129
Quote: استاذ المرضي رابط التنتيف مع حرارة الجو السياسي العام لاحظ الاسبوع الماضي مع توقعات الجنائية
حاج سحس اتربط بيقود المرضي و لف نفسوا داخل النظاق الحددو المرضي |
هلا يارغيم
وسحس تماما اتعزل من اجواء الملاعب وارتبط ربطة عدوك
فغياب تام عن احداث الجنائية حتي عندما حضر في محفل نقاشي كبوست سناء خالد
ناصر وقف في الاتجاه العام للبوست (راجع رده للاخ منير) ومنير صاحب موقف مناوئي لاوكامبو
ولكن سحس ترصده ايضا...
ثانيا تلاحظ اشادته الغريبة والغير معتادة بكتابات احد المحسوبين علي الديمقراطي
(راجع رده في بوست مصطفي مدثر)...
سحس قصتو بقت قصة
ومتابعين في الاستديو اي حركة او بركة
سنصيح مييييييييييين هناااك
|
Post: #131
Title: Re: النهلة ترحم حمورها
Author: محمد المعتصم ابراهيم
Date: 02-17-2009, 12:07 PM
Parent: #130
يا حتوت والله انا ما متخيل بنات العم قاسيات ذي دا والاحد فات يا اخ ، بالنسبه للتجضيم المصور انا شايفوا بدأ يصلح امزجة الناس فيما يتعلق بتجويد الكتابه وانا شخصيا عندي شهيه غريبه للكتابه واحد جاري قال لي انا لمن اكون متضايق بذهب لبوست المرضي وبغشي عمر دفع الله المهم كلام الريشه مليان ومختصر ونحي الابداع ألقصاصي ضد سحس والبشير .
وكمان مولانا شيخ محسن متجدع عرفتي انو بركات المرضي لحقته في مزاجه الرايق علي العموم سحس استخدم في بوست مصطفي مدثر (الكوارك ضرب/نا انا ومندلين) كلمة مدهش وحقو كيكي ينط ليه في حلقو كحقوق فكريه وفي بوست طارق الامين لدينا خالد اكد سحس ان طارق زكي وذكي وناجح .
سحس حصل تطور في خطابه ولكن هل هي مرحله ؟
دعونا ننتظر ما تسفر عنه الايام القادمه وماذا يخبئ القدر
تحياتي للاستديو وضيوفه
|
Post: #132
Title: Re: النهلة ترحم حمورها
Author: محمد البشرى الخضر
Date: 02-17-2009, 04:46 PM
Parent: #131
هلا يا استديو و مساء الخير يا ضيوف و مشاهدين و متابعين
الخبر العاجل أمس طغى على الحلقة و فوت علينا فرصة الترحيب بضيوفنا الأعزاء حموودي ووهبة وخلّي و روغيم و حمور
احب قبل بداية حلقة اليوم استعراض عدد من رسائل و تعليقات المتابعين الوردت للبرنامج عبر البريد الإلكتروني و الرسائل النصية
المشاهدة و صديقة الاستديو (ر.ح) تحيي البرنامج على المتابعة الحية و التحليل الشيق للاحداث لكنها تأخذ عليه الإنشال بموضوع واحد واهمال بقية المواضيع
صديقنا (أ.ت) يرى ان الاستديو لم يوفي قضية النهلة الزرقاء حقها من النقاش
ويوافقه أيضا المشاهد (ع.ع) و يضيف ان البرنامج نجح في استقطاب الاهتمام و يعتبر ان انضمام محللين لهم وزنهم كحمور و روغيم يعتبر إضافة مهمة للاستديو
وفي التعليق على خبر الأمس العاجل وصلتنا الرسائل النصية التالية :
"يا حراااااااام"
"إحذر أمامك مرضي , استخدم الساتر"
"دخلت بي وين ياحسين يا شين"
" و انتهى العزاء بانتهاء مراسم الرسم"
وعدد كبير من الرسائل كلها تدور في اطار الشماتة و الدهشة من الفينيتو الرهيب
مشاهدنا الدكتور(س.م) يرى ان يوم السادس عشر من فبراير يجب تخليده ذكراه و الإحتفال به كيوم عالمي للقضاء على غنم الدقيق
الشكر لكل من شاركنا برأيه
عودة للاستديو
سؤال يطرح نفسه بقوة هل ما شهدناه أمس - وسر بالنا - هو الفينالي أم لا زال في سحس عقاب روح
نعود بعد الفاصل للإجابة
|
Post: #133
Title: Re: النهلة ترحم حمورها
Author: عبدالكريم الامين احمد
Date: 02-17-2009, 05:07 PM
Parent: #132
هلا يا استديو
وتحية لكابتن عمك وقبله للاخ المحلل ود المعتصم
ونحي الجمهور المتابع من داخل الاستديو وخارجه...
-قبل ما نشوت في غريقا ضروري ننبه الاخوة جميعا بان ديربي النهلة التي اوصدت ارزاقها يادوبك في طريقه للاشتعال والساحة موعودة بحراك(حلوة حراك دي) تقيل في هذا الامر استنادا الي بوست (دكين) وعملية الاقتحام بالنصوص النفذها الاخ مامون اليوم...ونتنباء بان المرحلة الجاية ستشهد تطورات عديدة وسنرقب الوضع لتحليله هنا في الاستديو...فالناس تروق المنقة مالم تاتي رياح عاتية كاصدار القرار الاوكامبوي ستكون (وصدة الابواب) هي
اعلي الديربيات مع احتمالية انضمام محسن واخريين لبوست دكين.... وسنري..
...
سحس بالتاكيد ذهب من الريح وقاضية الامس صعبة البلع في ظل ظهورها الكاركتيوري المعبر واعتقد ان عاد
سيجد رصاصة رحمة لا تقل في قوتها من الضربة القاضية """"
فسحس الان غايب في الروكايب مشردا عن باحة الاسافير ملعبه الذي يعشقه والمنفي الاجباري مثله مثل من ينتظر نهاية عششرة (هارد) تربيزتها متارجحة ما بين الفورة والوزنة
فعلا يا عمك يوم امس كان يوم تاريخي في سماء سودانيز والاسافير السودانية
...
بالنسبة لضرورة تعدد المواضيع
فنحن ياعمك جاهزين موية ونور بس اجدعوا لينا(دس) وقولوو لينا عوووك
فحاضرين
|
Post: #134
Title: Re: النهلة ترحم حمورها
Author: عبدالكريم الامين احمد
Date: 02-19-2009, 03:56 PM
Parent: #133
قريبا حلقة عن خلافات واشنطون
فتابعونا وفالكم طيب
|
Post: #135
Title: Re: النهلة ترحم حمورها
Author: osman righeem
Date: 02-19-2009, 07:39 PM
Parent: #133
غلطة الشاطر بألف
رجع الي تصحيح الاعلانات
جسمان!!
|
Post: #136
Title: Re: النهلة ترحم حمورها
Author: osman righeem
Date: 02-20-2009, 03:23 AM
Parent: #135
بعد ذات الجسامين
او لنقل انها محاولة دفرسواريه
|
Post: #137
Title: Re: النهلة ترحم حمورها
Author: GamarBoBa
Date: 02-20-2009, 10:40 AM
Parent: #136
ياخوانا في بريكنق نيوز
قرب يبقي خبر بايت
حصلوا
|
Post: #138
Title: Re: النهلة ترحم حمورها
Author: عبدالكريم الامين احمد
Date: 02-20-2009, 05:17 PM
Parent: #137
سلام يا استديو
وتحايا يا قمر بوبا ورغيم
وياجماعة كابتن عمك ده وين الايام دي
اووع اشاعة انو القناة دي اشتراها صلاح ادريس تكون صحيحة..
عشان لو صحيح قولو لينا خلونا نشيل كورتنا
عودة الي البريك نيوز العاجل الذي عطلته الاعطاب الفنية للمنبر كثيرا.
وهو موضوع تداعيات التضجيم المصور...ورصاصات الرحمة السحسية
وموضوع الساحة كان حتي صباحات اليوم هي هو (امر الجسمان)
لياتي ود المرضي سريعا ليضيف للوحة الرسمات رسمة ذات الجسمان...
الحوار والجدال حول موضوع الجسمان الذي فرمله محسن سريعا كان ماشي في اتجاه ضرب اتحاد الكتاب ضرب غرائب الابل ولكن المعالجة المحسنية (قهمت) ملاسي قهمة تاريخية وطيرت ليهو البوست في راسو واصبح عينو في البوست
والمنبر ولا يستطيع ان يهابش فيه حرفا..
رغم تدخلات خليل القوقلية التي في كل حروفها هي تاكيد بنوع اخر لموضوع محسن فلا صوت في العربي يعلو علي وصوت الاصمعي الا سيكون الامر مكابر وشطط...
ظهور دعم ومساندة من اخريين شكلو غياب عن بوست التضجيم برضها حالة جديرة بالتامل فلعل مطاطية الغلاط وتركيز
كلمة جثما في الوعي الجمعي بتاعنا باللغة العربية هو من اغري الجميع لتوطين ان جسمان خطاء...
وسنعود
|
Post: #139
Title: Re: النهلة ترحم حمورها
Author: عبدالكريم الامين احمد
Date: 02-20-2009, 08:30 PM
Parent: #138
|
Post: #140
Title: Re: النهلة ترحم حمورها
Author: محمد البشرى الخضر
Date: 02-20-2009, 08:36 PM
Parent: #138
هلا استديو و سلام يا ضيوف
نعتذر للغياب لكن لكلكة البورد و كنتكته دي جهجهتنا شديد
بداية صوت لوم شديد للكابتن كيكي
كيف يا كابتن تغنج بمولد الدوحة المدور تحت مظلة الشبه بين الراحلين وما تجيبو الاستديو
عودة للاستديو...
تطور فلم الجسمان اكيد تابعتوه كلكم الاستديو خرج منو بالاشارات التالية
لازال في باقي روح و فرفرة لدى ملاسي عقب ضربة التراش بن القاضية - أو قرد الطلح كما وردت اليوم
القهمة - كما سميتها يا كابتن - على طريقة ذا النون الشهيرة ابان ازمة المأزومة لها دلالات قوية
اعتقد ان الرسالة وصلت لملاسي ان يرعى بي قيدو ولا يلعب في ميادين لا كبير حظ له فيها
كمان يا كابتن اتمنى انك تكون لاحظت للجزء الخير في القهمة و هي عبارة محسن المتالمة لحال ما بعد الراحل
على صعيد الجضيم المصور الفنان المرضي كان على الموعد و تناول أمر الجسمان بكاريكاتير و رسالة
الملاحظ المرّة دي قُرب ملامح الرسم أكثر وأكثر من الشخصية و مخاطبة الكوتش - اللي على غير العادة كان خارج الكادر
بالمناسبة يا كابتن سابقا شبهت الكوتش على دودة أو ما شابه لكن اعتقد ان المقصود لسان و الله ثم المرضي اعلم
يا كابتن لازالت تداعيات رسم التراش بن تترى ووجهات النظر تتباين و الجمهور متعطش لمعرفة ما وراء و ما بعد الموضوع
ما في طريقة تستضيف لينا المرضي في استديو خاص للحديث عنه
موضوع جالية واشنطن بعد الفاصل - ابقوا معنا
|
Post: #141
Title: Re: النهلة ترحم حمورها
Author: عبدالكريم الامين احمد
Date: 02-21-2009, 06:59 AM
Parent: #140
| Quote: يا كابتن لازالت تداعيات رسم التراش بن تترى ووجهات النظر تتباين و الجمهور متعطش لمعرفة ما وراء و ما بعد الموضوع |
هلا يا عمك وصباحتو زهور وورود ودهشة...
مدخل خطافي سريع في امر (الجسمان) والمنبثق في كل مشهده من التضجيم المصور
اليوم شهد تحول نوعي في نمط الردود السحسية فشهد ذلك البوست عودتين سريعات بدن في كل ملامحها بعيدا
عن تقديم دفوعات في الامر اللغوي الاساسي...
1-قلم احمر وصحح به لمحلل الاستديو (كيكي)
2-نبرة مشحونة بالحقن والغضب والتوتر والانفلات الكيبوردي عندما وصف محسن بالمراهق واخريين احسبهم ما يسمي بالرهط حينما قال..
| Quote: أوهمهم حديث البلوغ بأنها صحيحة فانطلقت الجوقة كدأبها الكفيف! |
وده خطاب يا عمك بعكس اشياء عديدة وقلة حيلة تاريخية ورغبة في تخوير البوست..وتجسيد حقيقي لمقولة ميشيل
فوكو في تفكيك الخطاب التي قال فيها عندما يهزم المحاور في الجدل يذهب الي حسمه بشياء مبهمة...وهذا ما فعله سحس سيم سيم بالكربون..
اعتقد بان قهمة محسن اتت في وقتها تماما وعالجت بواقي فرفر هرب بها سحس من مدارات التضجيم المصور..
لاشي سيكون جديدا علي ساحة الجسمان فسحس قد يفعل النبذ والشتم ان وجد ضغطا اخر في ذلك البوست
ونقاشات اللغة لن تاتي بجديد غير الذي ذكره محسن وان اتت ستاتي في اطار مغالطات تكسوها المكابرة هنا او هناك ويسهل الرد عليها...
لا نتوقع ردودا من سحس قوقلية لغوية تثبت صحة حديثه فبالتاكيد انه اهدر زمنا طويلا في القوقلة ولم يجد ضالته
ولو وجدها لهرع بها الي هذا البوست الكارثي وقهم بها محسن والجوقة ولعب عليها طويلا,,,,,
ود المرضي اعتقد بان بوسته هو الشرارة والاستديو قريب جدا من كل مداخلات ذلك البوست ونبضه واعتقد بان القناة
وان كانت ترغب في استضافته ولكن علينا بايجاد استديو اكثر تامينا وسلامة خوفا وعلي القناة مشاورة جهازها التاميني والعودة مرة اخري اليك
-ديربي الدوحة كان ممتع جدا ياعمك ولكن بعض الديربهات كديربي الدوحة وحديث الجزمة الشهير الاستديو
شهادته في امرها مجروحة وعلي الاخريين فقط الحديث فيها لاسباب استراتيجية ..وكل ما نود قوله هو ديربي
جدير المشاهدة وفيهو صواعق وبستفات بنت لذينة وقهم تاريخي
|
Post: #142
Title: Re: النهلة ترحم حمورها
Author: حمور زيادة
Date: 02-21-2009, 07:09 AM
Parent: #141
سلام يا ابو الكيك ..
طبعا البوست ده بقى مرجع لطيف لأخوك لأني في بوستات كتيرة ما بخشها لكن بلقى خبرا هنا فبمشي اتاوق اشوف الحاصل شنو
تعرف ..
موضوع الجصمان ( بالصاد بدل اللخمة ) ما فاضي هسه ابحثو لكن معلومتي انو الجثمان بيطلق على الجسد الميت .. و الجسمان بيطلق على الاتنين .. فشكلو ملاسي مصيب في ناحية اللغة .. ده كلام اولي من ناحية معلومتي القديمة المحتاجه مراجعه لانو شايف محسن جاب كمية من النقولات لازم اراجعا قبل ما اقول كلمة قاطعة ..
لكن بعيدا من جث و جس فالغريب انو يربط الخطأ باتحاد الكتاب كأنها غلطتم ..
ما قادر اتخيل انو عالم عباس بيكتب الاعلان بنفسو و بيمشي يطبعوا تاني في التلفزيون عشان ينزل في الشريط الاعلاني
دي غلطة بيتحملا الطبيع بتاع التلفزيون و كان حيغلط سواء الاعلان من اتحاد الكتاب او من اتحاد اصحاب العمل او من رابطة معجبي الفنانة عوضية كنتاكه ..
هنا ممكن نعمل زي العقاد و نقول انو الطبيع عامل مؤامرة ضد اتحاد الكتاب و عاوز يسخر منهم عشان كده اتعمد يكتب غلط .. العقاد كان بيزعل لما يكتب مقال ساخر و ينزلو ليو معاو صورة صارمة بطربوش .. قال بتخرب على المتلقى و بتسخر منو ..
شفت كيف
فغايتو البوست اظنو متحامل شديد على اتحاد الكتاب
هل ممكن تدينا تحليل للاسباب التحامل ده ؟
|
Post: #143
Title: Re: النهلة ترحم حمورها
Author: عبدالكريم الامين احمد
Date: 02-21-2009, 08:12 AM
Parent: #142
Quote: فغايتو البوست اظنو متحامل شديد على اتحاد الكتاب
هل ممكن تدينا تحليل للاسباب التحامل ده ؟ |
هلا ياحمور وتحياتي ومرحب بعودتك مرة اخري الي الاستديو..
وبالتاكيد اتفق معاك بانو اهداف ملاسي من (جسمان) ليست لغوية والا لاتي بدفوعاته اللغوية في مواجهة قهمة
محسن الباكرة جدا في تاريخ بوسته..
ولولا ارتباط الامر باتحاد الكتاب لاعتبارها ملاسي غلطة عابر في شريط عبار من اشرطة قناة تلفزيونية
ولكن الهدف الاساسي من ملامح البوست طل ومنذ المداخلة الثانية التي ظهر فيها ارتباط الامر باتحاد الكتاب
وده الكايسو ملاسي بفتاشة كونه يذهب به دون العبور بكباري الي ضالته التاريخية (كمال الجزولي)...
تاريخيا وفي هذا المنبر ارتبط خطاب ملاسي الاسفيري بملاحقات جمة لاتحاد الكتاب وتحديدا ضد الاستاذ كمال الجزولي
وكان ملس قادرا علي ايجاد ربط ازموزي ما بين امر هذا الذي اعتقده غلطة وصيده الثمين اتحاد الكتاب
ولعل الامر لدوافع ايدلوجية ومكايدات وملاحقات طويلة شفنا الكثير منها هنا ضد اتحاد الكتاب ولعل اسباب ايضا
مجهولة ولاشياء خفية يدريها يعقوب بتاع ملاسي.
لمحة سريعة للبوست نجد ان محسن حول بمداخلته تلك مسار البوست وفرمل حديث كان سوف ياتي في اطار هذا الامر الاتحاد كتابي...
|
Post: #144
Title: Re: النهلة ترحم حمورها
Author: حمور زيادة
Date: 02-21-2009, 08:18 AM
Parent: #143
Quote: تاريخيا وفي هذا المنبر ارتبط خطاب ملاسي الاسفيري بملاحقات جمة لاتحاد الكتاب وتحديدا ضد الاستاذ كمال الجزولي
وكان ملس قادرا علي ايجاد ربط ازموزي ما بين امر هذا الذي اعتقده غلطة وصيده الثمين اتحاد الكتاب
ولعل الامر لدوافع ايدلوجية ومكايدات وملاحقات طويلة شفنا الكثير منها هنا ضد اتحاد الكتاب ولعل اسباب ايضا
مجهولة ولاشياء خفية يدريها يعقوب بتاع ملاسي.
|
سبحان الله
يا زول ربنا يهدي الجميع
|
Post: #145
Title: Re: النهلة ترحم حمورها
Author: عبدالكريم الامين احمد
Date: 02-21-2009, 08:28 AM
Parent: #144
Quote: سبحان الله
يا زول ربنا يهدي الجميع |
امين ياحمور
وحالة سعبة كم قال الحبشي
|
Post: #146
Title: Re: النهلة ترحم حمورها
Author: صلاح ليون
Date: 02-21-2009, 08:43 AM
Parent: #145
الو (الاستديو التحليلي)
ياخي رسلته ليكم مسج وما شايفك علقته عليها
|
Post: #147
Title: Re: النهلة ترحم حمورها
Author: عبدالكريم الامين احمد
Date: 02-21-2009, 08:52 AM
Parent: #146
| Quote: ياخي رسلته ليكم مسج وما شايفك علقته عليها |
هلا يا ليون
ورسالتك دي ياخي بتكون رسلتها مع قطعة الكهرباء الفي المنبر دي وضاعت في الاضابير
فرسلها تاني وستجد العناية الكافية من التيم العامل في الاستديو بالتاكيد
|
Post: #148
Title: Re: النهلة ترحم حمورها
Author: عبدالكريم الامين احمد
Date: 02-21-2009, 11:12 AM
Parent: #147
يااا
ابو صلاح يادوبك الاستديو استلم رسالتك
ويبدو ان الوسائط الالكترونية كانت بعيدة من الاستديو
ابو خليل زول طيبان ساااكت وخاشي الماتش بتاع الجسمان بدون دوافع سوي اعتقاده بان هذه الكلمة صاح
لتواجدها في الوعي اللغوي بتاعو وعشان كده بدافع بهجمات قوقلية وصفتها ليهو انا بالتلفون انها قوقلة كسيحة لووووووووووول..
طبعا موقف نضيف زي ده الجانب الاخر من النهر بستغلوا ووجد ابو الخل تشكرات زي الورد
ولكن ابوخليل مشكلتو ما متابع ما وراء الاحداث وبشوت من طرف ضفاري...وبالتاكيد الكويسة فيه لو ظهر ان موقفو غلط ممكن يتراجع بسهولة
|
Post: #149
Title: Re: النهلة ترحم حمورها
Author: محمد البشرى الخضر
Date: 02-21-2009, 06:17 PM
Parent: #148
هلا يا استديو و سلام يا ضيوف
قبل بداية الحلقة نعيد الترحيب بضيفنا حمور و نحب نعلق على مداخلته الثرة , ذكرت يا حمور في ختامها Quote: فغايتو البوست اظنو متحامل شديد على اتحاد الكتاب
هل ممكن تدينا تحليل للاسباب التحامل ده ؟ |
كما تفضل الكابتن كيكي ظنك في محلو و الفلم دا كلو و غيرو يدور حول كمال الجزولي ما اكتر
ولولا ان محسن وقف الموضوع من بدايته كنا شهدنا سخرية و تهكم ما انزل الله به من سلطان
ملاحظة الكابتن كيكي في محلها يبدو انه الرش كتر فلجأ ملاسي للشتير و الفليق و شيل الكورة
فلم يفتح الله عليه بتعليق أو إضافة في حديث القواميس و لجأ للحديث عن الجوقة الكفيفة و الإساءات وما إلى ذلك
كما اسلفنا من قبل يبدو ان الكورة إن لم تكن فكت فهي على وشك
ديربي الدوحة يا كابتن لن يحلو لنا تناوله في غيابك - مع احترامنا الكامل للأسباب الإستراتيجية الذكرتها - فأقترح تاجيلو حاليا (رغم انه رهيب والله و فيه كرباويات عالية التقنية)
اعتقد لا جديد على صعيد الجضيم المصور اليوم
فاصل و نعود ...
|
Post: #150
Title: Re: النهلة ترحم حمورها
Author: عبدالكريم الامين احمد
Date: 02-24-2009, 09:52 PM
Parent: #149
ياعمك تحياتي ياخي
وشوق للجميع والاستديو
ولسع عندك هوم ويرك كثير خلاص في البوست ده
جالية واشنطون وتداعيات اربعة مارس..
ولكن اهم الاخبار اليوم هي النيران الكثيفة الفتحها محمد عادل علي حزب الامة قبل قليل
دي دايرة جية برواقة وبمزاج
|
Post: #151
Title: Re: النهلة ترحم حمورها
Author: عبدالكريم الامين احمد
Date: 02-24-2009, 09:56 PM
Parent: #150
محمد عادل الفتي الذهبي بعد غياب عن الملاعب طويلا
عاد اليوم بصحبة نيران تقيلة ومدفعية اربجي ارض -جو...
ناش بها مريم الصادق المهدي في بوستين وعالج الامر بطلعة صوب السيد الصادق
ويبدو ان ديربي موتمر حزب الامة سيكون نجومه الكبار هو محمد عادل...
عودة سريعة لموضوع التضجيم وحواداث القهم
يا جماعة الشاف فيك اخونا سحس يقول لينا عووووك
|
Post: #152
Title: Re: النهلة ترحم حمورها
Author: محمد البشرى الخضر
Date: 02-24-2009, 10:23 PM
Parent: #151
هلا يا كابتن و عساك بخير
قبل ما نتناول ديربي الأمة و السابع و أمر الأمين العام
لو ملاحظ في شكوك كثيفة حول الشخصيات المشاركة في الديربي
يبدو انو في باسويرد شير بشكل غير عادي
و يبدو واضح من إختلاف الأساليب و البصمات بل و الإنهامات المتبادلة
آي ريكومند نكتفي حاليا بمراقبة الوضع عن كثب لحين إنجلاء الغبار و اتضاح الأمر
لكن ممكن نتعرض للقطات الكاربة زي غنية آه انا آه و الإناء الناضح و الأخلاق الطالعة وما إلى ذلك
اتفضل المايك يا كابتن
|
Post: #154
Title: Re: النهلة ترحم حمورها
Author: osman righeem
Date: 02-25-2009, 07:16 AM
Parent: #152
Quote: Hello friends.
For a break,how about a very
very fast retouch job for Aisha's photo.
It certainly can be done masterfully better...
Thanks Khalil for the picture.
Mardi |
هذا ما سجله المارشال جضام المرضي
في سجل زوار الاستديو
مما يدل علي وجود خطه طويلة المدي
لمعالجة الحاله السحسيه
ومتابعةمرضي لرد الفعل من باب التغذيه العكسيه
لادخال التغيرات من اجل تجويد برنامج التجضيم
نتوقع تغيير نوعي من جانب المارشال
|
Post: #155
Title: Re: النهلة ترحم حمورها
Author: محمد عبد الماجد الصايم
Date: 02-25-2009, 11:27 AM
Parent: #154
sms
أرجو من الاستوديو متابعة تطورات الأوضاع في حزب الأمة
بعد جهجهة باكات محمد عادل من اليوزر الجديد العاوز
يطلع في الكفر على حساب الحبيب وكــدا!
دا غير طلعات ملاسي الجوية على قلاع الأنصار وكــدا!
|
Post: #156
Title: Re: النهلة ترحم حمورها
Author: osman righeem
Date: 02-25-2009, 12:15 PM
Parent: #155
محمد عادل فتح حوالي خمس بوستات اربع منها حول تصاريح صحفيه من قبادات حزب الامة القومي أورد هذه التصريحات علي لسانه وعلي عليه تعليقات فطيره كعادته وهي شتم بدون موضوعية و لقد سخر الله له زميله بالبور لترفع له البوستات في محاورة مراهقين سياسيا ( مع الاعتذار للاخوة المشاهدين).
اشكالية محمد عادل مع حزب الامة الذي انسلخ منه ليتابع تيارا اخر انه انسلخ بدون مبدئية أو موضوعية و تدور كتابته عن حزب الامة بأن لخص الحزب في السيد الصادق و اسرته ومنح نفسه حق تقييم نشاطاتهم و مهاجمتها ناسيا إنه قد خرج من هذا الحزب .
والمناسبة الاصلية هي انعقاد مؤتمر حزب الامة والذي لم يكتب عنه اعضاء الحزب بالبورد شئ ملفتا للنظر وظني ان ذلك يرجع الي الاثار السالبه التي تركتها بعض المنعظفات التاريخية خلال الاشهر القليله الماضيه و هي :
- اتفاق التراضي مع التنظيم الحاكم
- خلاف السيد مادبو و السيد الصادق
- وفاة السيد الامين العام لحزب الامة
- انعقاد المؤتمر في تاريخ منعطف مفصلي للبلد
- ظهور اتجاهات محاصصه جهوية لتوزيع المناصب القياديه في الحزب
محمد عادل لو كان له علاقة بالعمل السياسي و المنافسه السياسيه لعمد الي تقديم طرح تيار الاصلاح والتجديد و يقدم البديل لبرنامج الحزب الام ولكنه يقدم ادلة لكل مداخليه ان موضوعه شخصي او ما عندو موضوع اصلا
|
Post: #157
Title: Re: النهلة ترحم حمورها
Author: osman righeem
Date: 02-25-2009, 12:19 PM
Parent: #156
شكرا علي منح الفرصة للتداخل مرة اخري
الاخ محمد عادل بهذه البوستات الخمس منح سحس ملاذ امن للتجدع هنالك
ولفت نظر سحس ان موضوع مؤتمر حزب الامة مناسبه لممارسة بعض عاداته
وبامان من يطاله اعضاء حزب الامة بالمنبر نسبة للجهجه التي احدثها
الحبيب محمد عادل
شكرا
|
Post: #158
Title: Re: النهلة ترحم حمورها
Author: محمد المعتصم ابراهيم
Date: 02-25-2009, 12:36 PM
Parent: #157
يا الاستديو الو الو تحياتي معاكم انا من الرياض
.
ياكريم رواية بنات العمده وكمبو الري متفقات تماما في الفكره والموضوع ومختلفات في المهنية سناء كتبت العمل في سنتين وخرج بهذه الروعه وانت بتكتب في ايام وخليل يلعب ليك في الباصات الحلو
شوف يا كيكي يا اخي شكرا علي كمبو الري وهو السودان بكل تفاصيله انت عارف مثل هذه الكتابات لو انتبه ليها السياسين اولاد الهرما بتاعيننا ديل الفاكينها في روحهم من 1953 كان طلعوا ببرنامج حقيقي كثيرا ما حكيته عاشه الكثيرون ومارسه بعضهم من السودانيين (الاندايه – بيوت الدعاره – الشخصيات بهذه التفاصيل – الحياة المشابه - ) طبعا المسكوت عنه والورافه الكاذبه التي نجيد تمثيلها ببراعة سبب البلاء والطامه الكبري والرائعه فار القراءة سناء طارحه نفسها كراويه ولها اعمال ناجحه ووجدت قبول وانت ماخذ الموضوع ونسه وكسل المهم الشغل دا لازم يترتب ويهندس وينشر وكدي ورينا وصلت وين فيه لحدي الان ؟
يا كيكي شوف الكلام دا عباره عن روايه وهو لسناء جعفر
كل مجتمع بيكون عاوز يصدق انو مجتمع الفضيلة ...
وانو آفات الزمن ما بتدخل أسواره…
اي محاولة للكشف عن وجود العيوب والنقائص ...
بتعتبر محاولة هجوم على الصورة الخيالية ...
لذلك بيرفضها المجتمع والناس الفيهو بكل عنف ...
الكاتبة سناء جعفر
ياكريم انا ممكن اشاهد فلم او مسلسل امريكي فيه نفس هذه التفاصيل ويتحدث عن اولاد خالاتنا السود الامريكان ممكن احزن واتالم كشعور طبيعي لكن دمعتي ما بتنزل إلا في حاجاتنا السودانيه ( وطنا واهلنا وترابنا )
في اشياء نسيت تطرق ليها في مثل هذه المجتمعات لازم ترجع ليها وتضيفها
وفي اشياء تحتاج لمزيد من الاضافات لتزداد روعتها وجمالها المهم رسل لي اخر درافت عشان انتبه معاك للغائب والحاضر الغير مكتمل .
الوصفه دي ذكرتني كور مهند الطاهر البدق في القوائم والعارضات لو بتذكر مع الفريق المغربي قبل سنتين اولمبيك خريبكه تعادل معانا في الخرطوم ومهند عندو كوره ضربت في العارضه بالخرطوم في المغرب عاصرنهم برضو في اخرالمباراه دقت الكوره تاني في العارضه كانت النتيجه 2/1 امس برضو دقت في العارضه لكن شكلها كده يوم الجمعه حادق في نعش الجماعه وانا اري بوادر كوارث
ليذهب لصقة الي الركن الذي يحتله في عظمة ظاهرة ذلك التاجر الجوال ويبدأ في ترديد اسطوانته المشروخة تلك التي تفاعل معها تاجرنا الجوال تفاعلا ظاهر أغري عمر للتمادي والتجرؤ بتناول القزازة وبداية سكب كاسه الاول بنفسه ...وعندها وكما البرق تماما والصاعقة انتفض التاجر الجوال ليصفع عمر لصقة صفعة تردد صداها في كل أرجاء الكمبو وذهب صداها ليعانق حقول الكناف لترتد وتجد التاجر المفتول العضلات يواصل ضربه المبرح لصديقنا عمر لصقة بطريقة لم تشدها تلكم الفيافي من قبل...!!!!!!
عندها حمل لصقة الي المستشفي الوحيد في تلكم المنطقة وكان ضابط التحري زاهر يواصل تحرياته في ملابسات هذه القضية التي كشفت الكثير عن هذا التاجر الصعب اهمها انه كثير مشهور تماما بالكرم ما عدا في هذا العرقي والمرايس التي قيل انه قد ارقد العشرات من شاكلة صديقنا عمر لصقة مستشفيات في مدن وقري عديدة...!!!!
يا كيكي شكرا للمتعه في ضيافة ناس الكمبو المدام الصباح قالت لي مالك امبارح
الليل كلو تهضرب سوفيت وليمونه وجوك والباش بزق
|
Post: #159
Title: Re: النهلة ترحم حمورها
Author: محمد المعتصم ابراهيم
Date: 02-25-2009, 12:36 PM
Parent: #157
هجم النمر ولا لسه
|
Post: #160
Title: Re: النهلة ترحم حمورها
Author: عبدالكريم الامين احمد
Date: 02-25-2009, 01:39 PM
Parent: #159
Quote: يا كيكي شكرا للمتعه في ضيافة ناس الكمبو المدام الصباح قالت لي مالك امبارح
الليل كلو تهضرب سوفيت وليمونه وجوك والباش بزق |
هلا يا ود المعتصم
والف شكر يا زول يا جميل علي التجول في ردهات وكراكير وخجانين كمبو الري
والكويس انو مسكتك هضربة سوفيت وجوك وليمونة فهي فرصة اجد من يشاركني في هذه الهضربة التي اصابتني من عشرات السنين فصرت مهضربا كبيرا بسيرة هولا الناس الحلويين والطيبين..
وهي حكايات يا محمد نحاول ان نشوف فيها بعض الزاويا في واقع حياتنا الملان بالناس البسطاء والفقراء المهمشين
وهم سادة ذلك التراب وشيوخه ولكن لا يجدون ادني اهتمام من حكومات الميري ذات النجدة البتسوي ويو ويو ويو..
...........
ضف بالمناسبة الي كورة مهند الضربت في العارضة ايضا كورة تنقا في مباراة الهلال والزمالك الشهيرة وقبل قوون
صحبي بدقائق ارسل تنقا كورة دقت في العارضة بطريقة لا تنسي
وهي في تقييمي احسن كورة في العالم دقت في العارضة
تحياتي ياخي وسلامي الي ابو عفان وقول ليهو اظهر وبان ويا امريكي وليك الامان
|
Post: #161
Title: Re: النهلة ترحم حمورها
Author: عبدالكريم الامين احمد
Date: 02-25-2009, 02:10 PM
Parent: #160
هلا يا رغيم وحباب عمك ودالصايم
وسلام كابتن محمد البشري والاستديو...
ضروري ندي ملامح ديربي موتمر الامة لمحة كون محمد عادل الليلة علق الابنصات في السماء في حضور مفاجي
وهجوم عجيب خلاص..
ديربي الامة بكل صدق يفتقر الي العمق والطلعات فيه لاترضي الجماهير الانجليزية من نواحي عديدة
اهمها الجانب السياسي والفكري والتنظيري ماعدا بوست وحيد للطيب بشير كان مفيدا جدا وطرح قضايا جادة واساسية
وحتي الاميرة لنا مهدي ادائها الاسفيري في هذا الامر ما قدر كده ولعله نابع من موقفها المعلن في قضايا كثيرة
تختلف فيها مع حزبها ونلاحظ اختفاء نجوم الامة الاسفيرين ودالعمدة وخالد عويس ومحمد عبدالرحمن وعجيل واخريين
ولكن الملامح كالاتي
- بوستات محمد عادل الضفارية وميزتها لاتسطيع ان تفرز هي هو من داخل الحزب او خارجه
-هجوم علي مريم الصادق بقيادة سحس الذي اطربه هذا الديربي لعله يكون له مخرجا من سجن ود المرضي وسجن الجسمان والاحداث تلك
-ظهور لعيبة جدد الاخت مواهب والاخ الواثق رغم تواجد القديم الا ان ظهور في هذه الاحداث واضح
-سجل الاستديو حالة هكرية في ثياب عبدالرازق الطالب...
الديربي عموما فقير وركيك ويفتقر الي العمق ولا يليق بمكانة حزب كبير كحزب الامة
|
Post: #162
Title: Re: النهلة ترحم حمورها
Author: أبوبكر أبوالقاسم
Date: 02-25-2009, 03:52 PM
Parent: #161
سلامات لكل أعضاء التحليل
إنشغلنا بالسواقة الشاقة ونبهّنا أخونا ( القمر بوبا) لهذا البوست ووجدت اليوم متسع من الوقت للمتابعة.
أول شئ نبدأ بالفياقة: أرسوا لينا على عنوان:
Quote:
يا كيكي يـــــاخ
ثم إعتباراً من اليوم التالى 3/2
شوفوا لينا حل
ثم بذات التاريخ
ود البشرى افصح
ثم
بجيكم
ثم
لاحق الجزار
ثم العودة مرة أخرى
يا كيكي يـــــاخ
ثم
يا كيكي يـــــاخ
ثم هذه
RE:????
فـــ
ازيكم
فــ
النهلة تطرد حمورها
فـ
بروفايل
مرة أخرى
النهلة تطرد حمورها
حتى تاريخه
|
ودالبشرى شايفك عملت نايم من هذا التعليق وأربطه ببوسن محمد المعتصم:
| Quote: بالنسبة لقصة التكاسة و ما ادراك ما المواسير فافضل تخلّيها لبعد كورة الإياب |
Quote:
والله اتذكرت شاويش مع بيليه
|
عثمان رغيم خُفت من الشواطين؟
تساؤل أخير:
نفسى أعرف عبدالوهاب لِحس مداخلاتو ليهى رغم إنو ما شفت إشارة حمراء فى الصفحة الأولى.
متابعين.
|
Post: #163
Title: Re: النهلة ترحم حمورها
Author: محمد المعتصم ابراهيم
Date: 02-25-2009, 08:18 PM
Parent: #162
Quote: يا كيكي شوف الكلام دا عباره عن روايه وهو لسناء جعفر
كل مجتمع بيكون عاوز يصدق انو مجتمع الفضيلة ...
وانو آفات الزمن ما بتدخل أسواره…
اي محاولة للكشف عن وجود العيوب والنقائص ...
بتعتبر محاولة هجوم على الصورة الخيالية ...
لذلك بيرفضها المجتمع والناس الفيهو بكل عنف ...
|
ياكريم الكلام دا ماتفطو ضروري اسمع رايك باسهاب
الزوله دي مهضومة الحقوق في اون ين واحد من قبل
رشحها في جائزه احسن كاتب في العام السابق مافي
زول اشتغل بيه انا جني وهضم حقوق المهمشين
بتغلب بعاتي حقيقي ذي كاويكه
سلامك لي ا بو عفان واصل دوما بس كدي مسكلني الان او ارسل رساله
|
Post: #164
Title: Re: النهلة ترحم حمورها
Author: عبدالكريم الامين احمد
Date: 02-25-2009, 08:31 PM
Parent: #163
Quote: ياكريم الكلام دا ماتفطو ضروري اسمع رايك باذهاب
الزوله دي مهضومة الحقوق في اون ين واحد من قبل
رشحها في جائزه احسن كاتب في العام السابق مافي
زول اشتغل بيه انا جني وهضم حقوق المهمشين
بتغلب بعاتي حقيقي ذي كاويكه
سلامك لي ا بو عفان واصل دوما بس كدي مسكلني الان او ارسل رساله |
هلا يا معتصم
وكلامك الاولاني الاضاءات كانت فيه قوية لذا رايت ان اترك بعض جوانبه تعبر عن ذاتها
وسناء جعفر بالتاكيد واحدة من اروع كتاب الواقعية السحرية في هذا المكان وزولة تملك مشرط
روائي ومقدرات سرد فذة ونهرها لا ينضب وهي جديرة بكل مكانة...
والبعجني فيها انو قلمها ومشرطها موغل في الواقعية وعميقة وبتساكك تفاصيل شخصوصها مساككة بموهبة
ودراية عالية وحتما سياتي الزمن وقريبا الذي فيه ينتبه الجميع لكاتبة وروائية شاهقة الوجدان زي سناء دي
فلها ولك كل التحايا والتقدير
|
Post: #165
Title: Re: النهلة ترحم حمورها
Author: محمد المعتصم ابراهيم
Date: 02-26-2009, 07:24 AM
Parent: #164
Quote: ضف بالمناسبة الي كورة مهند الضربت في العارضة ايضا كورة تنقا في مباراة الهلال والزمالك الشهيرة وقبل قوون
صحبي بدقائق ارسل تنقا كورة دقت في العارضة بطريقة لا تنسي
وهي في تقييمي احسن كورة في العالم دقت في العارضة
|
يا كيكي ما تبقي كيشه الدقة في القائم قبل قون صبحي العمل فيه حارس الزمالك
رايح ومسك الكوره بعد دخلت الشبكه وجاتو وقعد يتلفت ذي القرد وكانه يقول مسكتها
دي برضو شوتة صبحي ودي لو جاء هدف بكون اروع من هدف النيجيري في الاسبان
تنقا كورتو فوق العارضه والقون فاضي وبالمناسبه تنقا اخلاق وزوق المهم انا اري بوادر
كوارث لو اولادنا ثبتو بس خليل مجهجه دفاعتنا ببوستاتو الموغله في التشأؤم
|
Post: #166
Title: ااااااخ
Author: حمور زيادة
Date: 02-26-2009, 08:15 AM
Parent: #165
مغسة شديدة عاوزة تشقني ارجو من الاستديو التحليلي المساعدة في تحليل اسبابها
المرشح الرئاسي ده رجعوهو المنبر عشان شنو ؟
بيكتب ليه ؟
سبعتاشر بوست في اليوم كلها ام الرئيس قالت ديل اولاد حرام .. مرة منو عرسو فيها .. فلان العوير .. علان ابو ريالة ..
ده غير الالفاظ الما بقدر انقلا هنا ..
ده شنو السخف ده ؟
و تتميز البوستات كلها بحدة الكاتب .. يكتب و يرد على روحو .. يحووووم كم يوم و يجي تاني يرفع البوست بحاجه ما ليها علاقة بيو.
لما يغلب حيلة يقلب بتاع نيابة .. يا فلان رايك شنو في الحكومة المجرمة بت الكلب .. يا علان رايك شنو في توب محاسن مرت جيرانكم .. يا علان رايك شنو فيني ..
اموت و اعرف الناس دي بتكتب ليه من اساسو ؟
يعني عشان الحكومة طلعت عينم او الدنيا عاصراهم يجو يطلعوا عينا نحن و يعصرونا هنا ؟
ياخ حرام و الله
|
Post: #167
Title: Re: ااااااخ
Author: osman righeem
Date: 02-26-2009, 08:20 AM
Parent: #166
شقيقي الاصغر
Quote: يعني عشان الحكومة طلعت عينم او الدنيا عاصراهم يجو يطلعوا عينا نحن و يعصرونا هنا ؟
|
السودان وحدته في تنوعه
و المنبر ده لو عايز سم فيران تلقاه
مش ميزه برضك؟
|
Post: #168
Title: Re: ااااااخ
Author: حمور زيادة
Date: 02-26-2009, 08:28 AM
Parent: #167
يا شقيقي رغيم
و الله ما اعترضنا .. لابد من التنوع .. لكن ده ما تنوع
ده اغراق
ياخ و الله و الله و الله انا في يوم عديت المواضيع في الصفحة الاولى المرصوصات ورا بعض لقيتم تلتاشر موضوع
و الفيهم مداخلات ما حقتو ما يزيدو من اربعة بوستات و مداخلات من نوع الاصحاب البيجو يسلمو ديك
ياخ عليك الله هسه زي بوست الاسهال ده ما اخير منو بوست عن احسن حنانة في الخرطوم ؟
ده شنو الهبل ده ؟
و العجيب انو في زميلة فرحت بعودة "اوباما السودان " حسب تعبيرا عشان بوستاتو تزين الصفحة الاولى بدل بوستات الشية
اها خليها تاكل من الاسهال ده
|
Post: #169
Title: Re: ااااااخ
Author: صلاح ليون
Date: 02-26-2009, 08:49 AM
Parent: #168
حمور يازول يا رايق وهادي ..
لكن والله لما تقوم للقرييص صعب خلاص ..
| Quote: و العجيب انو في زميلة فرحت بعودة "اوباما السودان " حسب تعبيرا عشان بوستاتو تزين الصفحة الاولى بدل بوستات الشيةاها خليها تاكل من الاسهال ده |
دي وقبل كده واحدة كانت قرصة في شكل عضة كبيرة .. اذكرك
ولا ما في داعي لانو الزول قاعد يعتذر في اعتذار كبيييير..
|
Post: #170
Title: Re: ااااااخ
Author: حمور زيادة
Date: 02-26-2009, 09:04 AM
Parent: #169
يا ليون ياخ الزول خليو
الكلام هسه المرض الشغال ده .. و كتاب الله انا بقيت اجي خاشي المنبر بطني قالبه لأني عارف حيعترو لي خرتمية بوست فارغات كلهم كلام بذئ و خبارات مصبوبين في شكل نضال .. ول بوست قلة ادب او ونسة ما مشكلة ..
المشكلة انو بوست محسوب انو نضالي
ياخ جيفارا ده دقس ساي و الله
|
Post: #171
Title: Re: ااااااخ
Author: عبدالكريم الامين احمد
Date: 02-26-2009, 11:42 AM
Parent: #170
هلا ياحمور وغلا,
وكدي خلينا نتوقف عند محطة العمدة دي شوية كونها ايضا جديرة وبحضورها الكثيف في الصفحة الاولي بالتناول والتحليل
استنادا علي ما لدينا في الاستديو من معلومة......
في الكوت ادناه وفي بوست التيارات السياسية في المنبر ستجد حديثا عن فترة سابقة عن الاداء الاسفيري للاخ هشام هباني وانطباعات الاستديو عنه فقد قمنا بتصنيفه كاحد الاركان الاساسية في الخطاب السياسي في سودانيز اونلاين وحاولنا تبيان بعض خصائصه....
هشام هباني في سودانيز اونلاين خطابه الحالي لا يمكن تناوله منعزلا عن تعرجات اسفيره السباق والتطور الذي حصل في شكل تناوله للاحداث السياسية وبالاضافة الي صراعاته الاسفيرية مع الاخوان هنا في هذا المنبر...
ثلاثة مراحل حتي الان يمكن ان تلخص ولو قليلا ملامح دلو هشام هباني الشهير بالعمدة اسفيرا..
1-مرحلة مفردة بت مجذوب..
ودي كان السمة الاساسية التي يشحن بها هشام بوستاته وكان البوست يضج بالمفردة ذات الدلالة الجنسية عيانا وبيانا وعلي عينك يا تاجر (مما يجعل الجميع يتضاير) فقد راينا سلسلة الكوندم وسلسلات عديدة.....
هذا الخطاب وجد حملات مجابهة عديدة وصعبة واذكر ان عضوين قد سجلا في هذا المنبر مخصوص للتصدي لهذا الخطاب والغريبة اختفاء هذان العضوين (عضو وعضوة) تماما عقب التحول التدريجي في خطاب هشام ومحاولته شراء سراويل لبوستاته ههههههههه
2-مرحلة ما بعد بت مجذوب(قليلا من بنت مجذوب بالاضافة الي حرب اليوتيوبات)
... او فلنقل المرحلة الرمزية (النص كلتش) نص كلتش بمعني تواجد (عدم السروال)علي خفيف
دي كانت الضربات الهبانية تتمركز حول فساد الشخصيات الحكومية (البشير وعبدالرحيم محمد حسين . وبعض رموز النظام)
ودي فيها اهتم بالتيوتيوبات ......
3-المرحلة الحالية (مرحلة العودة ما بعد التوقيف) ....!!!
دي بالمناسبة اتفق معاك بانها من اكثر مراحل هشام هباني تطرفا...والمفردة فنها صارت جائحة الي التحلل من اشياء عجيبة واعتقد بان الخلاف السابق واسباب توقيفه القت بظلالها علي كل هذه المرحلة حتي الان...بالاضافة الي اهتمامه بالصراع في محيط المنبر مع اخريين (وهبة وعلاء وتمبس) واخريين دي سلبت روح الامر العام في خطابه بدرجات اذهبتها الي خانة الشخصنة بالاضافة الي عدم ثبات المفردة عنده حتي تستطيع في الاستديو فرزها وتصنيفها...!!!
هشام دون شك زول كتاب وطاقة اسفيرية كبري وله مقدرات خلاقة في صناعة وهنضبة التناقض في واقع السودان السياسي
ولكن جنوحه للشخصنة وتحويل الي الصراع الي ذاتيات يقلل كثيرا من فرص التضامن معه ويهدر زمن كبير كان من الافيد للمنبر ولنا جميعا ان يوظف لصالح الطعن في عيون الفيل دون التمسك بخيوط عنكبوتية عن امنجية هذا او تلك وده كلام التجارب والمعارك الكثيرة في المنبر هنا اثبتت عدم جدواه ( ومن الموسف اتهام الاخريين بالانتماء لجهاز الامن لمجرد اختلافنا معهم في الرؤي والراي)........
ملامح عامة
1-لايزال محتفظا بالية عمل الكشة وهي بوستاتة التي تكاد تبلغ العشرة او نيف يحرص علي وضعها في الصفحة الاولي
2-استخدام اليوتيوبيات والفيديوهات
3- المسك بتلاليب الريس وعبدالرحيم محمد حسين كشخصيات اساسية ومطلوبة لمحكمته الدولية
4- المفردة الجافة او مفردة الظل
5- لاحظنا ايضا غياب الغضبيات في خطابه الموجه ضد اشخاص وده ملمح ايجابي
عموما يا حمور نخلص بان خطاب هشام هباني ارتبط كثير بهذا الموقع ونوعية جديدة من المعارضة والاحتجاج
وافراز طبيعي للظلم والقهر والمنافي وسنين ضياع البلاد وفي ظل تواجد جبال من الظلم والتنكيل لا احد يستطيع التكهن بردات الفعل ولا نمط الانبات في الخطاب المناوي للسلطة الفاشية....مالم يتحقق عدل وتنزل علي ارض الواقع قيم مستقرة تمتص مثل هذه الاشياء الوليدة تماما علي ساحة التفاكر السياسي وصراعه
Quote: هشام هباني....
المتامل لهشام هباني او العمدة كما يحلو لمحبيه ومعجيبه لا بد ان يستدعي من الخيال سيرة مصطفي سعيد ولكن عليه
ان يتاملها بشكل مختلف...
مصطفي سعيد في موسم الهجرة للشمال كان سلاحه ضد الغرب والفرنجة سابحا في بحور الجنس ممارسة واندياح اسقط
الكثيرات من امثال جين مورس في براثن حربه الغير معلنه جنسا...
وعليه ايضا التامين علي (بت مجذوب) كصوت حي متواجد في الواقع السوداني رجالا او نساء
وعليه ايضا استدعاء من الذاكرة الشعبية السودانية الكثيرين من الذين يطلق عليهم (مفكوكي اللسان)
ولكن هشام هباني اعاد تشكيل المشهد بوعي اخر وزاوية اخري بدت اكثر قوي ووجعا وجراة فالتقط قفاز اللغة المشحونة بالدلالة الجنسية وارسلها نصالا واسلحة اخافت اعدائه كثيرا والمتامل لهذه الهشامية هبانية(ان صحت التسمية) يجدهاارتبطت بسودانيز الذي صار لوحة ايضا للمسكوت عنه في الشان السوداني...
هشام جرئي وواضح في معاركه السياسية ومغامر
وخطوطه الحمراء واضحة حاملا معه ايضا كروته الحمراء القادر علي اشهارها في وجه كل القوي الاخري في حال تقاربها من الجبهة الاسلامية...وله مقدرة منظمة علي مساككة البوستات والاعتناء بها..!!
قادر علي التحالف مع كل القوي الاخري وفي نفس اللحظة ايضا له المقدرة علي الاختلاف معها وسريعا دون رحمة او تردد
تخصص في
قضايا
1- رموز النظام(مع التركيز علي البشير-عبدالرحيم محمد حسين- نافع)
2-تجاوزات جهاز الامن
3- موقف الاخريين من سلطة الانقاذ
4- الانقاذ في عضمها.....
التيار الموشح بالتربية الدينية بجانب دعم من قوي اخري في حملتهم التي كانت تتكرر بين الحينة والاخري
ذوبت بعض سمات لغة هشام (وعلي الاقل في عناوين بوستاته) والتامل العميق للمهتمين قد يولد نقاشا عن جدلية السياسة والتقاليد او السياسة والاخلاق ..وهكذا..
اختلفا او اتفقنا مع هشام هباني الا ان تفرده وصوته ومثابرته علي متابعة القضايا الكيزانية وباستايل مختلف
تضعه هنا في سودانيز علي راس تيار منفرد وقوي وله حضور كارزيمي...ونتاج لحالة القمع والمنافي في ظل سلطة ظلمت الكثيرين...!! |
صراع التيارات في سودانيز اونلاين..!!!
|
Post: #172
Title: Re: ااااااخ
Author: حمور زيادة
Date: 02-26-2009, 04:30 PM
Parent: #171
تحليلك و متابعتك رايعه يا كيكي
خلتني اعرف الحاجات الما كنت حاضرا
بس للاسف انا عندي طبيعة شخصية سخيفة .. ما بتسنحمل محاولة استغباء الاخرين .. و دي واحدة من التكتيكات الشايف الزول ده شغال بيها .. اسلوب يا سلام يا كيكي يا وطني يا غيور و انت بتفكك التفكيك الذكي ده احب اعرف رايك في المجرم ابن الكلب العواليق العمل كذا و كذا. و هو يكون سلفا خاتي الراي فيك لكن نظام احراجات يا معلم.
كمان ما ممكن الحكاية دي تكون منتشرة في طشرمية بوست لا تقدم اي جديد.
برجع بالذاكرة لبوست عن تعدد البوستات في موضوع واحد (هل كان بوست للكابتن ود البشرى ؟ ) اها احسن كذا بوست في موضوع واحد من عشرة بوستات ما فيها موضوع واحد ذاتو.
غايتو لو عندو ميزة عندي فهي لغتو السليمة .. هذا الزميل بيكتب طشرمية سطر بدون ما يغلط و لغتو متماسكة.
بالنبسبة لعموم الاسلوب فهو بيذكرني اسلوب الشفاته و لغتم.
اتخاذ الموقف بغض النظر عن المبررات .. و تضخيم الذات و الموقف حتى تربك المراقب او الخصم او الميدان زاتو.
هل المرحوم امدرماني ؟ قارن اسلوبو باسلوب بعض من حكى عنهم العم شوقي بدري كربابيط مشاهير في ام درمان.
|
Post: #173
Title: Re:يا كيكي ياااااااخ
Author: محمد البشرى الخضر
Date: 02-28-2009, 08:12 PM
Parent: #172
سلام استديو و كابتن و ضيوف
تحية خاصة لصديق الاستديو مولانا ابوبكر و ناسف على تأخير التعليق على المداخلة الثرية لكن على وعد ان نفرد لها حلقة خاصة
كابتن الأسبوع الماضي حافل بالاحداث و المواضيع الحية و الجديدة خليني احصر ليك جزء منها على أمل ان تتناولو لينا في البانوراما الأسبوعية
- سابع حزب الأمة و دراما محمد عادل
- عودة بشاشا القوية
- عودة موضوع الخامس و بقوة على يد حيدر قاسم و النفير العملو ابوساندرا
- انذار وهبة
- ترشيح ود العمدة لرئاسة الحزب
- تداعيات - أو حمى - الرابع من مارس
- طرمونيات و برمونيات ود الباوقة ( شايفك تناولت الموضوع في شو تاني)
وبعض المتفرقات هنا و هناك ذات الصلة
على السريع كدة الشفت فاتح كم بوست من أمس و الحالة الكورة تعادل ؟
تابعونا بعد الفاصل
|
Post: #174
Title: Re: Re:يا كيكي ياااااااخ
Author: سارة علي
Date: 02-28-2009, 08:16 PM
Parent: #173
يعني هسه يا ودعمي المجهود العملتو في اسابيع البورد جاي تجيبو بي جاي...
يعني نعتبر دي النسخة التانية؟؟
|
Post: #175
Title: Re: Re:يا كيكي ياااااااخ
Author: محمد البشرى الخضر
Date: 02-28-2009, 08:27 PM
Parent: #174
اتصال مهم من صديقة الاستديو سرورة
تتساءل عما اذا كان البرنامج بديل أو امتداد لباص الاسابيع
بداية بنحيي صديقتنا و نحب نقول ليها وردنا تساؤل مشابه من عدد من المشاهدين من قبل
و الحقيقة هنا طبيعة الشو مختلفة هنا المواضيع منتقاة و ذات خصوصية غير الوضع هناك
ثم ان الأمر هنا فيه تحليل و متابعة و قراءات مختلفة و اضاءات عكس التعليق السريع الكان بتم هناك
وللدقة الاستديو هنا امتداد لبوست الديربي للكابتن كيكي و اللي اتعرض لتلغيم مما اضطرانا للمتابعة هنا و تشعبت المواضيع
وكدا
نحيي ضيفتنا على المتابعة و نحب ننتهز الفرصة و نقول ليها مشتاقين وكدا وينك ما ظاهرة لا هنا لا هناك
|
Post: #176
Title: Re: Re:يا كيكي ياااااااخ
Author: عبدالكريم الامين احمد
Date: 03-01-2009, 07:37 PM
Parent: #175
Quote: - سابع حزب الأمة و دراما محمد عادل
- عودة بشاشا القوية
- عودة موضوع الخامس و بقوة على يد حيدر قاسم و النفير العملو ابوساندرا
- انذار وهبة
- ترشيح ود العمدة لرئاسة الحزب
- تداعيات - أو حمى - الرابع من مارس
- طرمونيات و برمونيات ود الباوقة ( شايفك تناولت الموضوع في شو تاني)
وبعض المتفرقات هنا و هناك ذات الصلة |
هلا يا استديو وحبابك يا عمك
وعزرا علي الغياب لسفرة (طرمونية) كده علي قولة ود الباوقة..
وقبل من نشوت في الدس بتاعك ضروري تسجيل صوت لوم لصديقة الاستديو سارة علي
(وشنو يا سارة البوست ده عيبوهو لينا) وش صاري ومطالب بقوي ان يدردق كابتن ود البشري الاخت سارة للتحليل
في مقبل الحلقات هههههههههه
محمد عادل ادي مسرح رجل واحد يحسده علي استاذنا السني في ديربي الامة وصال وجال وهمز ولمز ولعب باصات طويلة
واخري قصيرة وقلب زي مليون باكورد في سيرة فلان دقو وفلان (فول) عجبني اسم محمد فول..فلان فول رشحو
وجنن حزب الامة جنون قبورة ودق صفائح وطلع فضائح رغم انو مافيي تاكيدات او نفي لحديثه لكنها طلعت غايتو
الدقو منو عرفنا..الطردو منو عرفنا والنبذ مبارك الفاضل برضو عرفنا..
غياب تام وواضح لعضوية حزب الامة من المنبر والديربي ويبدو حتي لنا مهدي قد خسرت الرهان فقط فاز الرجل الذي بشرت بكوزنته وافرح ذلك عبدالرازق الطالب...(ودي فيها رجعة يا عمك) عندها علاقة بحادث الباصوريد المنكور..
محمد عادل يمتاز
1-بوست الون قوووووو وهو بوست بفكرة لولبية متشعلقة في زول محدد وبضرب بيدا من حديد ومرح علي كل من يقترب
او يدافع عن هذا الشخص
2-تنويع اللعب...الصادق والانقاذ..محمد فول واخريين...مريم الصادق...والتذكير بمبارك الفاضل ما بين الفينة والاخري
3-قطع ناشف مع كل يقترب من اعضاء حزب الامة او يقترب..
4-بوستات منبثقة (علي شاكلة انتو مالكم ومالي ما تمشي لمياد’) لوووووول
وسنعود الي متبقي الدس حيث بشاشا واخريين
|
Post: #177
Title: Re: Re:يا كيكي ياااااااخ
Author: عبدالوهاب علي الحاج
Date: 03-01-2009, 07:46 PM
Parent: #176
| Quote: وقبل من نشوت في الدس بتاعك |
|
Post: #178
Title: Re: Re:يا كيكي ياااااااخ
Author: عبدالكريم الامين احمد
Date: 03-01-2009, 07:48 PM
Parent: #176
| Quote: عودة موضوع الخامس و بقوة على يد حيدر قاسم و النفير العملو ابوساندرا |
هنا يا عمك
مرحلة متقدمة من الديربي وفعلا متابعة واعية من حيدر قاسم فالخامس مرت عليه ايام عديدة كانت كافية لخروج الافكار والسياسات والنقة والايدلوجيا بتاعة الحزب علي مستويات عديدة وحتي مقررات الخامس المفروض تطلع للاطلاع العام ما شفنا فيها حاجة وسوال حيدر ونقاشه امر متوقع من زول متابع ومهتم وراقد في راي كونه قديم في الشغلانة دي مع الناس ديل وطلع منهم...
اختيارات ابوساندر وتشكيلته النخوبوية الجابها شاف الناس ضرسوها وما علقو عليها ولكنها يمكن ان تقراء كمحاولة منه لدفع الحوار فيمن يثق في مقدراتهم وقد ياتي اخري ويقراها محاولة لقفل البوست علي مجموعة معينة
وهذا امر لايليق في منبر مفتوح وفي وجود اخريين مقدراتهم الفكرية قد تفوق الذين ذكرهم...وحتي وان قلت فحقهم الاصيل في النقاش مكفول وحق مكتسب,,,المنبر يا عمك متعته كما قلنا سابقا يهزم الصوالين المغلقة وحكاية نادو فلان ولاعلان...
ونعود
|
Post: #179
Title: Re: Re:يا كيكي ياااااااخ
Author: عبدالكريم الامين احمد
Date: 03-01-2009, 08:13 PM
Parent: #178
| Quote: - عودة بشاشا القوية |
هلا يا وهبة
وود البشري جدع ليهو دس حااقد شوف فيهو شنو جاب لي حبيبي السابق بشاشا مدردق
وغايتو جنس غايتو كما قال الاسطوري كاروشة (ههه)
عودة بشاشا ياعمك ارتبطت بقرب القرار التاريخي وفعلا انه الشديد القوي الذي اتي ببشبش مهرولا بعد غيابه الطويل ورغم مياه الخامس التي كانت قبضة ثمينة لخطاب بشاشا المناوئي لمستلبي الجلابة الشيوعيون او كما يقول
الا انه عاد مع رياح مارس...
عودة بشاشا فيها دعم للخط العام المويد للقرار
وفيها ايضا دعم كبير لتيار الخطاب الضد الجلابة الذي انحسر في غياب تراجي ومحمد سليمان واخريين
رغم تواجد دكتور بشارة صفر الا ان في عودة بشاشا دفعة قوية وانضمام هذا التيار للظهور بقوي في ارض المنبربشكل راتب...
-بوسته الاول هلامي (عن مصادره) التي ذكرها بفرتقة الكيزان وسرعان ما تحول الي بوست احتفائي وضاعت الاشاعة التي اتي بها
-ثم سريعا تفرغ لحبايب قلبة من بني شيوع والجمهم حجارا من الاستلاب والجلابة مع ورود سيرة الخديوية في بوست حيدر قاسم
-تحالف سريع مع خطاب هشام هباني
-لايزال في انتظار مجموعته التي يتوقع ان تظهر في اليومين ماقيل يوم 4 وساعتها سيولع المنبر
-تلاحظ قلة الحدة في ردوده وتقليل استايله العنيف ولكن ان تعرض لاي ضغط فان حليمة قادرة الي الرجوع الي قديمها سريعا
|
Post: #180
Title: Re: Re:يا كيكي ياااااااخ
Author: حمور زيادة
Date: 03-01-2009, 08:24 PM
Parent: #179
كما نلفت نظر الاستديو الى هجمة سريعة من العائد بشاشه على بوست عن الماربة بين كرري و الوضع الحالي و استخدامة لنظرية سياسة نابيلون الخارجية و سياسة نابليون الداخلية الشهيرة ليصل كالعادة الى نقطة البداية ان كل من ليس هو فهو مسلتب و تابع للخديوي و حافظ كلام قلم المخابرات.
احب الصب و نشيد العلم ياخ .
|
Post: #181
Title: Re: Re:يا كيكي ياااااااخ
Author: محمد البشرى الخضر
Date: 03-01-2009, 09:06 PM
Parent: #180
هلا يا استديو و يا كابتن و يا ضيوف
لازالت درجة الإثارة عالية و الأحداث تجري بوتيرة متسارعة حتى اخشى ان الاستديو قد يضطر لكلفتة بعضها نسبة لضيق الزمن
كما تفضلت يا كابتن بشاشا عاد بقوة و بزخمه المعتاد يوزع في الشتايم يمنة و يسرة تحس انو ما قادر يلاحق
الغريبة و قبل قراءة تعليق كابتن زيادة كنت بطالع بعض التقارير المتعلقة باحداث اليوم لفت نظري مداخلة طويلة عريضة عبارة عن جكة قام بيها بشاشا مع الأخ سبيل
دخل بيه بحمد ومرق بخوجلي ما قال فيها اي شي متعلق بمداخلة سبيل الإستفهامية لكن ملاها بما تيسر من الحشو الفارغ المعتاد بتاع اذلام و خديوية و استلاب وما إلى ذلك
من البشاشيات
لكن داير الجد يا كابتن ليه وحشة والله
يا كابتن في زخم العادليات لا يفوتك الماتش السخن بين محسن خالد و مرعب واشنطون الإمام
فيما يتعلق بسابع الأمة ما عارف ليه لكن تحس بان التغطية الإعلامية تعبانة او بدون نفس مقارنة بالخامس
مناسيب/منسوبي - دي فيها كلام طبعا - الحزب مشاركاتهم خجولة على غير العادة
افتقدنا التغطية الإعلامية و التحليل و المقالات من لنا مهدي و وعويس ووراق ويعقوب
و حدث مثل ترشيح ثم رفض ترشيح زميل البورد العمدة لرئاسة الحزب معقول يضيع في الزحمة كدا
كابتن الا تفتقد قلم عادل عبد العاطي
مزيد من المواضيع تجدر الإشارة إليها على امل تناولها لاحقا:
- محاكمة محمد ناصر - بالمناسبة هي ليست محاكمة محمد ناصر لأن هذه الشخصية لم تظهر حتى الآن
طيب من هو المتهم حاليا (مطلوب معلومات , الرجاء الإتصال بالأرقام على الشاشة )
- تطورات ازرق النهلة
- تصويت عزام و اشكاليات الفرز - اعادت للاذهان تجربة كوسو 93
- و الموضوع الرئيس طبعا اقتراب الرابع من مارس
عايزين توقعاتك يا كابتن لردود الفعل و اتجاهات الرأي في البورد حينها
فاصل و نعود
|
Post: #182
Title: Re: Re:يا كيكي ياااااااخ
Author: سارة علي
Date: 03-01-2009, 09:19 PM
Parent: #181
ممكن اهدي؟؟؟
انا جادة ما بهظر..
|
Post: #183
Title: Re: Re:يا كيكي ياااااااخ
Author: محمد البشرى الخضر
Date: 03-01-2009, 10:13 PM
Parent: #182
اهدي يختي ....اهدي
الله يهدينا و يهديك
|
Post: #184
Title: Re: Re:يا كيكي ياااااااخ
Author: محمد البشرى الخضر
Date: 03-02-2009, 10:31 PM
Parent: #183
يحتجب الاستديو هذا الاسبوع إحتجاجا على الحركات البايخة البعمل فيها كلتشي دي
على أمل معاودة اللقاء على الهواء مباشرة يوم اربعة بعد صدور القرار
|
|
|