محاولات احتلال المنبر العام .. بنقطة

يعتبر موقع سودانيز اون لاين اكبر المواقع السودانية و اشهرها و اكثرها تأثيرا.
أقول هذا تقديرا و يمكن لمن هم أكثر مني معرفة أن يؤكدوا هذا الأمر او ينفوه بتقارير المشاهدة من المواقع المخصصة لذلك.
لكني اقيسه بمحيط من اعرفهم -في السودان- يبدأون يومهم بتصفح المنبر العام للموقع ، و رسئل خاصة تصلني تعليقا على مواضيع تنشر هنا ، و نسبة المشاهدة للبوستات.
و يمكنني أن اعترف هنا أن لهذا المنبر فضلا عليّ لا استطيع نكرانه .

.

ربما كانت محاولة تفسير اسباب شهرة و تأثير الموقع متفاوتة.
ربما يردها البعض الى انه صوت معارض صارخ وسط ضجيج اعلامي يميل دوما للتوالي.
ربما يردها البعض الى اسماء كتبت و تكتب فيه.
ربما يردها البعض الى رضى الوالدين عن بكري و رزق و فضل ساقه الله اليه.
ربما و ربما وربما.
تظل التعليلات لمكانة موقع سودانيز اون لاين متفاوتة و اظن اغلبها تغلب عليها الأماني و القراءات الشخصية لحال الموقع.
و حتى لا اقع في ذات الاماني و القراءة الخاصة فاني لا اجيب على سؤال -ربما كان محوريا في النقاش- الا وهو لماذا رزق الله البورد هذه المكانة.

نقطة نظام ولا نقطة فوضي ؟؟؟؟

لكن تجاوز سبب شهرة البورد لا يجعلنا قط نتجاوز أن تنوعا يميز هذا الموقع و يشد اليه الكثيرين.
فهنا تجد بوستات معارضة صارخة تخبرك ما لا تقوله صحف الخرطوم الصادرة هذا الصباح.
و هنا تجد جوارها ما يوفر عليك شراء كثير من جرائد اليوم لأن الحكوميين ينقلون العديد من المقالات و المواضيع (تغطية افتتاح سد مروي في البورد لم تحوجني لشراء صحيفة او متابعة تلفاز )
و هنا تجد اخبار الكورة كأنك في منتدى كروي متخصص
ان كنت تبحث عن التاريخ فانك واجد هنا بوستات تاريخية مميزة
التحليل ؟ يوجد هنا محللون كأنهم خبراء مخضرمون. بل منهم الخبراء المخضرين.
سودانيز اون لاين تقدم للقارئ كل ما يريده في سلة واحدة.
ما عليه الا ان يمد يده و يختار.
علمت ان قراء يدخلون المنبر و يعملون خاصية البحث ليقرأوا لكاتب معين و يخرجون.
اليس هذا عامل جذب ؟

للموقع عندي ميزة أخرى لا يمكن اسقاطها تساعد في تنوعه و حفظ توازنه.
بكري ابوبكر.
كلا لا اتحدث عن مواقف شخصة او ما يفعله.
انا اتحدث عن ما لا يفعله.
عدم كتابة بكري في البورد.
ان عدم اشتراك صاحب الموقع فيه ككاتب تعطي الكتاب احساس الحرية و انهم سواسية -حتى اذا نغص عليهم ذلك اشياء اخرى- لكن غياب قلمه يجعل كل كاتب يحس انه جزء من الاتجاه العام للموقع.
تخيل لو كان بكري يكتب هنا مؤيدا او معارضا لأمر حكومي. هل سيكون للموقع ذات الشكل الحالي الذي يوحي-ظاهره على الاقل حتى لا يعترض معترض- ان كتابه ونشاطهم هو ما يحدد الاهتمام ؟
عدم كتابة بكري في رأيي -ايا كانت اسبابها- هي احدى اهم العلامات الصحية بالبورد.

اذن كيف يمكن تحديد التوجه العام للبورد ؟
ان مجموع الكتاب و ما يكتبونه و اهتمامهم بالتداخل في بوستات معينة و تصديرها للصفحة الأولى يدل على اتجاه الاراء في الموقع.
تخيل أن تفتح الموقع صباحا فتجد الصفحة مزينة ببوستات ادبية في القصة و الشعر و النقد و متداخليها يفوقون المئة.
ما هو الانطباع الاول لك ؟
بلا شك انك ستوقن انك ولجت الى بورد ادبي.

هنا تأتي ميزة اخرى لسودانيز اون لاين.
عدد كتابة.
فبالرغم من ان نصف الشعب السوداني يشكو لطوب الأرض من ديكتاتورية بكري ابوبكر الذي لا يفتح موقعه للجميع و لديه في بريده طلبات عضوية منذ ثلاثة سنوات لم يبت فيها الا ان عدد العضوية الحالي و جم مشاركته في بوستات معينة مؤشر لاتجاه الرأي في البورد و يمكن ان تقيس عليه الرأي العام ان لم يكن السوداني فالمستنير ، و ان لم يكن المستنير فالمهتم بالانترنت على الاقل.

عليه يمكنني أن أقول أن دورة حياة البوست بالمنبر أمر هام و حيوي لأنه مؤشر خطير يدل على غيره.
فالبوست الذي لا يهبط ابدا للصفحة الثانية و يظل متداخلوه يعودون اليه و يأتي غيرهم و تزداد عدد مشاهداته هو مؤشر على اتجاه البورد و على الراي العام السوداني عموما.
دعني انتهز الفرصة و اقول ان بوستات الشية و الونسة و الطهورو الرحلات تدل على اشياء ايضا. فحتى ان كانت خاوية من فكرة او عمق فهي مؤشر لغيرها.
هل تعلم أن هناك قراء يهتمون بمتابعة بوستات الشية في البورد و يعتبرونها من اجمل البوستات ؟
لماذا ؟ خذ عندك الحادثة كمؤشر و استخرج منها ما تريد من ادانة للمجتمع او تحليل له. انا غير معني بهذا الأن.

من هنا يمكننا ان نلج الى ظاهرة محددة ربما لا تحتاج الى تسمية لشهرها لدى القراء و الكتاب على حد السواء.
ظاهرة انقاذ البوستات الغارقة بمداخلة لا معنى لها بل هي كالزائدة الدودية.
بل ربما تفسد رونق البوست ان كان له رونق.
بوست تنتهي دورة حياته و ينفض عنه المتداخلون و القراء و يهبط الى قعر الصفحة الثانية.
لكن صاحبة ينقذه بمداخلة او كلمة او نقطة.
في حالات كثيرة ربما يكون لصاحب البوست عذر.
ربما لم يقل كل شئ بعد.
ربما مازال في انتظار مداخلة معينة محورية بالنسبة له.
ربما اراد العودة الى الصفحة الاولى ببوست و لم يجد ما يكتبة.
ربما هو معجب بهذا البوست تحديدا و يريد له مزيد من القراءة.
كلها اسباب مقبولة و منطقية و مفهومة في سلوك البشر.

لكن ان يهرع احد الكتاب لانتشال اكثر من ثلاثين موضوعا هو امر لا يدخل تحت احد الابواب السابقة في تقديري.
حين يقوم كاتب يوميا بتوقيت صباح الخرطوم بانتشال كل بوستاته بمداخلة زائدة عن الحاجة او نقطة (كما يحدث مؤخرا) هو أمر مختلف و يحتاج لتحليل مختلف.
دعني اخبرك ما قد يظهر لي أنا في تصرف مثل هذا.

فقط قبل التحليل فلأقل لك بماذا يذكرني المنظر الذي رأيته اكثر من مره في البورد في الخامسة صباحابتوقيت الخرطوم.
البوستات تظهر تباعا خارجة من تيه الصفحات الخلفية التي هبطت اليها. الان لا تراه .. الان تراه. عكس السحرة الانجليز.
يذكرني المنظر بحلاق الحمير -اكرمكم الله- في قرى الشمال في صبيحة السوق.
يجلس الحلاق على الارض و يفتح كيسه (الخرتاية كما نسميها) و يشرع في اخراج ادواته و يضعها كلها امامه.
حقا يذكرني مشهد البوستات و هي تقفز من القاع بهذا بمنظر المقصات الحديدة الصدئة و الكماشات و هي تخرج من هذه الخرتاية.

اولا تشير عملية انقاذ كمية كبيرة من البوستات للصفحة الاولى لرغبة قوية في تصدير احساس معين تجاه الموقع.
هذا موقع ينشر هذا الكلام ايها القارئ.
انها رسالة قوية توحي بان هذه البوستات قوية حية لها دورة حياة لا تموت.
و هي الاتجاه العام على المنبر.
و الا لماذا يجدها القارئ كل صباح في وجهه ؟
انها بلا شك بوستات مفضلة لدى كتاب سودانيز اون لاين و تعبر عنهم و الا لتركوها تهبط.
هل هذه الرسالة صحيحة ؟
قطعا هي خاطئة و تكشتف هذا حين تدخل الى البوست فتجده مرفوعا اربعة مرات بنقاط خطها صاحب البوست نفسه.
لكن الاثر النفسي يبقى حتى لو انتبه العقل لهذا.
انها رسالة ضمنية للقارئ توجه المنبر في نحو اسلوب و افكار معينة.
لاحظ ان البيعةواحدة لا يمكن فصمها او ان تأخذ منها ما تريد.
انها افكار و اسلوب.
فهل تعبر البوستات المرفوعة بحرارة من قبل صاحبها عن افكار المنبر و اسلوبه ؟
اشك انها تعبر عن الاثنين.

ثم هي تغمط حق كتاب اخرين في الوجود رغم ان بوستاتهم مطلوبة و تعبر عن رأي الموقع بدقة اكثر.
تخيل معي ان كاتبا يكتب بوست بتوقيت منتصف نهار الخرطوم. و يتداخل الناس و يعمر بهم البوست حتى الساعات الاولى من صباح اليوم الثاني.
فقط ليأتي عضو ينقذ ثلاثين بوستا له فيطمر البوست المحضور الى القاع.
ان كان للثلاثين بوستا رواد فلماذا غاصوا في قاع الصفحات ؟
اليس من حق الكاتب او الموضوع المقروء ان يوجد على القمة بحكم حيوية مداخلاته ؟
هنا في تقديري تأتي ميزة تهذيب صغيرة.
تقديم من يستحق عليك حتى لو اعجبتك نفسك.
انه خلق سوداني بسيط نشاهده في صفوف الكهرباء و المخابز.
تفضل فانت اولى مني.
لكن عملية انقاذ البوستات الثلاثين لا تعترف به.
انها تتقدم حتى لو لم يدخلها احد طامسة غيرها من البوستات الثرة.

بؤس عملية الانقاذ هذه يظهر في أن البوستات المنقذة تهبط مرة اخرى الى القاع بمجرد خروج صاحبها.
ليعود بعد يوم او يومين لانقاذها مرة اخرى.
تشبث كتشبث عجوز في الثمانين من عمرها تضع الشعر المستعار و المساحيق لتجذب الخطاب.
كنهم سرعان ما يكتشفون امرها و يعرضون.
و يجري عليها الزمان بحكمة.
مساحيق لا تمنع التجاعيد.
بوست يرفع بنقطة.
يدخل القارئ ظنا منه ان مسار البوست تحول او جد فيه جديد فلا يجد شيئا فلا يتداخل فيهبط البوست مرة اخرى.

كما توح عملية انقاذ ثلاثين بوستا بنهج طفولي غريب.
الطفل المدلل الذي يريد ان يتحدث فيسمعه الناس هو فقط لا غيره.
طفل يقف في حجرة صالون البيت و حوله عشرات الاطفال يلعبون و الكبار يتحدثون.
لكنه يريد أن يصمت الجميع ليسمعونه.
ربما يفعلون لبرهة.
ثم حين يكتشفون انه يقول ترهات الاطفال المعتادة يعودون الى ما كانوا عليه.
لكن الطفل لا يطيق ذلك.
يأخذ في الصراخ. و الصياح.
كلما تحدث الكبار صرخ اعلى ليسمعوه.
كلما لعب الصغار صاح اعلى ليشغل الناس عنهم.
انه يريد ان يغطي صوته على كل الاصوات.
لابد ان يسمعوه هو وحده و لا احد غيره.
انه مميز.
جميل.
انيق.
فريد.
محبوب ماما و بابا.
فلماذا لا يسمعه هؤلاء الحمقى ؟
الحل في مزيد من الصراخ.
و مزيد من النقاط لاحتلال الصفحة الأولى.

عليه ادعي ان عملية انقاذ ثلاثين بوستا كل يومين هي عملية غير ديموقراطية بالمقام الأول.
و غير عادلة فهي تسلب اناس حقا لهم.
و غير كريمة لأنها تحاول دمغ البورد برأي واحد وفق اسلوب واحد باسم واحد.
ان البورد يتحرك بوقود كتابة الموزعين على اهتمامات و كتاب متفرقين.
لك محاولة البعض القفز قسرا الى الصفحة الاولى بنقطة عملية تضر اولا بالاعضاء و تشي بعدم احترامهم كما انها محاولة لسرقة البورد و توجيه رسالة غير دقيقة للقارئ.

هل اخطأت في دعواي ؟
انتظر ان اسمع (أقرأ ) اراء الاخرين هنا.
او حتى اجد نقطة تنقذ هذا البوست من الهبوط الى القاع.

شكرا يا أميرة للنقطة.
هي اشبه بالمعروضات هنا.
شكر لجلبها.


العوض ادعي انها نقطة فوضى مقصودة.

حمور يا زول


نفخر بيــه ســد مروى الجاب الخير ليــه ناس شاكرين


هــاك الرابط دى وخدك ليــك فيــه طلــه وبجيك بيــه اكثر من رواقـــه

Re: شــــنو حكايــة النقطـــة دى يا تمبـــس ( توجـــد نقاط )

شكرا يا بدر الدين لرفد البوست برابط موضوعك
اسف لم اشاهده من قبل
تكون محاولات الانقاذ غتستو
بستك عن رفع تمبس لعدة بوستات كما فهمت.
دي مختلفة عن رفع العضو لبوستاتو.
ثانيا تمبس ده ما مضمون. عادي ممكن يكون راقد لو فوق راي.
لكن تظل الحركة ايضا غريبة اذا رفع لشخص واحد.
خصوصا المواضيع التفاعلية التي تعتمد على النقاش.
بوستات القراءة حتاج لمساعدة احيانا كهذه.
لكن ما اردت ان افتح عليه باب النقاش هو تكرر انقاذ عضو لبوستاتة كل يوم او يومي بكثافة غريبة.
بوستات يكتبها هو.
و يرد فيها هو.
ثم يرفعها هو.
ليس واحدا و لا اثنين و لا عشرة.
بل اكثر و اضعاف.
لماذا ؟
يتداخل المتداخلون في بوست ثم يبرد.
لماذا تقفز به مره اخرى ؟
لو كان واحدا لمر الامر.
لكن ..
ثلاثين ؟
ثلاثين ؟
ثلاثين ؟

الاخ تمبس اراه يلفت الانتباه فقط لما يفعله هباني

الاسم الانت زايغ منو دا بنشيل ليك وش القباحه

بغض النظر عن اختلاف هباني وتمبس لكن اراها وسيله جديده للنضال

هذا الهباني كان مفصول من الموقع ورجع في ثوبه الجديد هذا

لعلها احد فضائل النضال؟؟

حريه الناس في القراءه والتداخل هي البتحدد لكن يبدو ان الوصايه ودور الاخ الاكبر يصر عليه هباني

غايتو لو فعلا هباني دا مترشح لرئاسه الجمهوريه اخير امشي اشوف لي تكسي اسوقو في اي حته غير السودان!

حمّور زيادة .. يا سكر زيادة

الموضوع مدوّر في راسي من فترة .. بس بصراحة إنت أنقذتو من خرمجتي بطرحك الجميل والواضح.

وشايفك بتتغاضى عن رفع البوستات مرة أو مرتين، ومحتج على رفعها (30) مرة. صدقني دي زي دي. لأنو لو أنا رفعت بوستين وإنت رفعت بوستين وزيد وعبيد كل واحد رفع بوستين .... مش ياها التلاتين؟

مع ملاحظة إنو في بوستات بطبيعة موضوعها ما بتحتاج لمداخلات، ولكنها تستحق القراءة، ودي يا إما يتكرم عليها بكري أبو بكر بوضعها فوق المنبر، أو واحد ينبسط منها ويكتب (فوق) .... أو ياها النقطة (.)


______
بس العنوان ده (إحتلال المنبر) أنا قلت يا ربي نقطة بوليس والاّشنو؟

عاطر التحايا

اخونا حمور زيادة
تحياتي
وشكرا لطرحك هذا الموضوع الهام
الصفحة الاولى لمنبر سودانيزاونلاين اخي الكريم تتكون من حوالي 100 خانة اي تستوعب 100 بوست وعضويته تتكون من 6 - 7 الف عضو اي ان يشترك حوالى 60 او 70 عضو في كل خانة ونكون واقعيين العضوية الناشطة في المنبر قول حوالى 2000 اي كل 20 في خانة نسبة لان هناك اعضاء غير ميالين لفتح البوستات ويفضلون التعليق والمشاركة فقط .
يوم الجمعة الفاتت قام احد الزملاء برفع 22 بوست من بوستات زميل اخر وقام الزميل الاخر برفع 17 بوست وبقت 37 بوست في الصفحة الاولى للمنبر ( كتاحة بس ) وتم الرفع بنقطة في الـ 37 بوست وقد قمت بعمل برنت اسكرين للـ 37 بوست .
انا لا اريد ذكر اسم الزميلين وبغض النظر عن الطرح الركيك والمخجل لمواد تلك البوستات ولكن من المدهش ان هذا الرفع العشوائي رفع اربعة بوستات موضوعها واحد ويمكن بكل سهولة جمعها في بوست واحد ولو كنت انا من كتبها كنت بطنش لانو الموضوع ذاتو ما بستاهل لانو سطحي وغارق في البذاءة.
الشي البعرفو انا لو في عضو حبّ يشارك في موضوع لكن الزمن او عدم اكتمال فكرة الرد عندو بيحفظو في المفضلة او بيعمل سيرش باسم الموضوع او كاتبه وبيرد لما تتوفر ليهو الظروف .
الى الموضوعية في اغلب الاحيان حتى زهد اعضاء المنبر في التداخل معه وانخفض حتي مستوى المشاهدة (القراءة) .
ويذكرني العضو المذكور بالرئيس نميري لما كرهنا بصورو في الجرايد تلقاهو في التلفزيون ما مقصر تفتح الماسورة تلقا ورأي النميري ايامها انو مقصر في الانتشار وخت صورتو في العملة .
وبوستات العضو المذكور اصبحت منفرة للاعضاء نسبة للغة الركيكة المستخدمة والافكار السطحية الى حد كبير واحجم الاعضاء عن المشاركة فيها وبالتالي اصبح هو من يتولاها بالرعاية وتجد التالي :
يتكون البوست من 20 مداخلة او نحو ذلك . 3 او 4 مداخلات مكتوبة بواسطة العضو المذكور او فيديو 17 مداخلة up او نقطةولو رجعت لاي بوست من بوستات الزميل المعني لوجدت ان اخر 6 -7 مداخلات بواسطته هو او من يوكل له هذه المهمة الغير اخلاقية والغارقة في الانانية وحب النفس .
وانوه بان اهمية الموضوع هو ما يجعله يتصدر الصفحة الاولى ودا طبعا لاي بوست وليس فرضه على الاعضاء بنقطة

Quote: ثم هي تغمط حق كتاب اخرين في الوجود رغم ان بوستاتهم مطلوبة و تعبر عن رأي الموقع بدقة اكثر.

حمور صحبي كيفنك ؟

مافي رأي بكتبو عضو و ان طالت سلامته او عضويته بعبر عن رأي الموقع . . .
و دا مكتوب تحت قعر اي صفحة هنا :

Quote: الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها

يلا خلينا نمط السؤال . . .
هل من الصحي اصلاً يكون لـ " منبر حوار " حر ديقراطي او في ( النسخة الديفولط ) يكون ليه رأي واحد صحيح لا يقبل القسمة على اكتر من مزاج و كمين طقس نكد ؟ خصوصاً انو مواطني هذا الوطن الاسفيري من بلد المليون أي حاجة الموسوم بأسمهم ! . . .
مليون ميل - مربع كمان شفت جنس الطمع - . . . مليون مزاج . . . مليون دين . . . مليون عرق . . . مليون مليون . . . الى ما لا نهاية عديل
لو كان الكلمة رأي صاحب الموقع زي ما هي في التنبيه كان الاستيتمينت بتاعك بكون مبلوع . لكن منو البحدد انو اي بوست ( اكس ) مثلا بعبر عن رأي الموقع ؟ الهو بدوره بكون حسم هويلوجيا الموقع و انجز ورقة بيّن فيها " رأي الموقع " ؟ ان وجد . . .

انا ميال لاستخدام " منبر حوار " المترجم من الفرنجية " ديسكشن بورد " اكتر من منتدى او نادي و دي رأيها ما بحوجك تسأل منو . . . بكون مرتبط باسمها دوغري .
اما المنابر بتكون عندها رسالة . . . " رسالة منبرية " و رول مفروض تلعبه في بناء امة حضارية مستشرفة بكرة أجمل من ظروفنا الحالية ، ما اعتقد انو مطلوب منها رأي . . . مع انو صاحبها كعضو عندو الحق دا زيو و زي اي عضو. ممارسته من عدمه راجعة ليه هو و ما مفروض تأثر على الرسالة المنبرية او على حكمنا عليه . . . و اصلاً ما من العدل محاكمة زول على اراءه السياسية و لا الدينية و لا حتى الساي . . .
في المنابر دي الرأي بتشكل بصراع الاراء و التيارات الفيها في اللحظة المعينة من تاريخها و بمكوناتها المتناقضة و مد و جذر صراع الافكار التامي فيها . . . و العهدة على الديالكتيك

اقول قولي هذا و يدي تداعب ديباجة الشاي ذات الالوان الزاهية في التربيزة امامي و مكتوب عليها بخط جميل :
" شاي الربيع . . . خلي مزاجك رائق "

الشي ياكافي البلا

Quote: محبوب ماما و بابا.

ده لما يبدا يصرخ ويزعج لا في زول بينهرو لا يكفتو لا حتى يقول ليه you are grounded

خللوا بالكم الدلع بيبوظ الاطفال

أنا والله بقترح انو أي شافع يصرخ ويعمل إزعاج, الناس تقول ليه Go to your room, No Icecream for you tonight

!

من لائحة المنبر

18 - لا يسمح اغراق المنبر/السيرفا بصورة متعمدة برفع مواضيع لعضو/ ة معين او بمواضيع معينة الى الصفحة الاولى او بشكل لا نهائي أو بفتح عدد لا نهائي من البوستات في وقت واحد….أو فتح بوستات مختلفة من نفس العضو لنفس الموضوع

شكرا للمتداخلين

Quote: الاخ تمبس اراه يلفت الانتباه فقط لما يفعله هباني الاسم الانت زايغ منو دا بنشيل ليك وش القباحه بغض النظر عن اختلاف هباني وتمبس لكن اراها وسيله جديده للنضال هذا الهباني كان مفصول من الموقع ورجع في ثوبه الجديد هذا لعلها احد فضائل النضال؟؟ حريه الناس في القراءه والتداخل هي البتحدد لكن يبدو ان الوصايه ودور الاخ الاكبر يصر عليه هباني غايتو لو فعلا هباني دا مترشح لرئاسه الجمهوريه اخير امشي اشوف لي تكسي اسوقو في اي حته غير السودان!

فعلا يا عمار انها نوع من الوصاية المنبرية ..
المنبر لابد ان تكون صفحته الاولى مزينة بمواضيعي لأنها هي الاهم.
على الاخرين انتظاري و الجلوس خلفي.
حاجه كده زي دع لنا القيادة و تمتع بالرحلة.
انا بقعد قدام اسوق و انتو خليكم ورا اقرو.

Quote: وشايفك بتتغاضى عن رفع البوستات مرة أو مرتين، ومحتج على رفعها (30) مرة. صدقني دي زي دي. لأنو لو أنا رفعت بوستين وإنت رفعت بوستين وزيد وعبيد كل واحد رفع بوستين .... مش ياها التلاتين؟ مع ملاحظة إنو في بوستات بطبيعة موضوعها ما بتحتاج لمداخلات، ولكنها تستحق القراءة، ودي يا إما يتكرم عليها بكري أبو بكر بوضعها فوق المنبر، أو واحد ينبسط منها ويكتب (فوق) .... أو ياها النقطة (.)

ابو العزايم ازيك ..
موضوع انو كل زول لو رفع لروحو بوستين دي طبعا الا يحددا الضمير الشخصي و بيبقى النقاش فيها على مستوى تاني ..
لكن فرق بينا و بين انو "زول واحد " كل "يوم او يومين " يرفع لنفسو "تلتين " بوست.
دي ظاهرة غريبة شوية.
انا ما عارف انت وين في الكوكب الحزين ده لكن لو حاولت تكون موجود في المنبر من الخامسة صباحا بتوقيت السودان حتلاحظ كيف البوستات دي بتبدى تظهر في الصفحة الولى زي حبات الفشار البتفتح.
طق
طق
طق
اعتقد انها عملية ممنهجة من صاحبها و مقصودة و لم تأتي عفوا او بحسن نية كما يمكن ان يحدث من مصادفة رفع كل شخص لبوستين.

بالنسبة للبوستات الما بتحتاج مداخلات فنعم هذا صحيح ..
لكن جزء من دورة حياة البوست و قدر المقال انه يفقد جاذبيته بعد فتره قصيرة.
لو لم يتفضل عليك احد برفع مقال كتبته منذ اسبوع فيفترض ان تكون مشغول بكتابة غيره.
تخيل لو ان الكاتب الصحفي ينشر كل يوم ذات المقال لأنه متأكد أن هناك في مكان ما في زمن ما شخص سيستفيد من مقاله.
ثم اخيرا ممكن ان يكون عندك مقال مهم تريد ان يعيد الناس قراءته .. لكن ثلاثين مقال مهم تريد ان يعيد الناس قراءتها ؟ المنبر ما حقك براك عشان نقراك انت بس. اختار من التلتين ديل تلاته و خلي الباقي محل ودتو الارادة.

سلام يا وهبة و شكرا لعدم ذكر اسماء ..

Quote: يوم الجمعة الفاتت قام احد الزملاء برفع 22 بوست من بوستات زميل اخر وقام الزميل الاخر برفع 17 بوست وبقت 37 بوست في الصفحة الاولى للمنبر ( كتاحة بس ) وتم الرفع بنقطة في الـ 37 بوست

لا يمكن ان يقنعني شخص قط ان هذا الأمر مصادفة او ان الزميل الذي رفع 22بوستا لزميل اخر قرأ البوستات الاتنين و عشرين و اعجب بها فمن ثم رفعها.
لسبب بسيط ان البوستات الاتنين و عشرين يفترض انها مبعثرة متفرقة في الصفحات السفلى.
فلا يمكن بحال ان يجدها القارئ جميعا ليقرأها و يرفعها بالنقطة لتزين الصفحة الاولى في تسلسل كما شاهدنا يوم الجمعة الماضية.
الاسلوب الذي ظهرت به البوستات يؤكد أن المتداخل فتحها جميعا اولا ..
ثم فتح خاصية الرد في كل البوستات.
ثم ابتدأ في وضع ختم النقطة على البوستات واحدة بعد الاخرى.
لتظهر في شكل تلك الستارة الكثيفة التي حجبت وجه المنبر ذلك اليوم.
اللطيف ان صاحب البوستات قام برفع بوستاته الاخرى بعد ذلك العمل باربعة دقائق تقريبا.

فليقنعني احدكم انها صدفة و ليست محاولة متعمدة لاحتلال المنبر.

قيقا يا صديقي ..
كيفنك ..
انا يا صاحبي بتكلم عن "الراي العام " في المنبر و ليس "الراي الرسمي" للمنبر.
كنت قايل الفرق واضح.

مداخلتك جميلة و كالعادة بتحشي العلم حشي لامن العيشه تتشق بالجمبه.
داير اقول ليك بس انو اهتمام العضوية ببوست معين و التداخل فيو و الحرص على رفعو و مناقة افكارو بيدل على اهتمام الراي العام في البورد بالموضوع.
انا مطالب بانو الراي العام الزي ده ياخد احقيتو على حساب تقدير الزول الشخصي لأنو يا سلاااااام بوستي ده شديد شدة الشركة لازم الناس تقراهو تاني.
تقراهو تاني ما مشكلة في بوست او اتنين.
لكن في تلتين بوست ؟
وكت عاجباتنك تلتينك و ما مهتم بالراي العام للكتاب المعاك الما رفعو ليك تلتينك ديل ما تمشي تفتح ليك موقع براك تسميو "أنا براي اون لاين" و تنشر تلتينك و ستينك.
مشكلتي يا قيقا انو زول يقرر انو كل ما اكتبه انا جميل و راق و مهم و معبر لذلك سادفع بجميع ما اكتبه الى الاعلى حتى لو لم يهتم به احد.

افحمتني يا حميدة

Quote: خللوا بالكم الدلع بيبوظ الاطفال أنا والله بقترح انو أي شافع يصرخ ويعمل إزعاج, الناس تقول ليه Go to your room, No Icecream for you tonight

دي كمان مشكلة براها يا صلاح.
خليها نناقشا يوم في بوست "الجالسون على حجر بكري .. شاركونا بالحنان "
هسه خلينا نشوف ناس "دع لنا القيادة و تمتع بالرحلة "= "دع لنا الكتابة و تمتع بالقراءة ".

يا وهبة ..
لتفعيل عمل اللائحة :
1- اضغط على زر النجمة.
2- اضغط بكري ثلاث مرات.
3- اضغط على زر المربع.
ثم اضعط على اتصال .. و ستصلك رسالة تفيد بتفعيل اللائحة.

Quote: يوم الجمعة الفاتت قام احد الزملاء برفع 22 بوست من بوستات زميل اخر وقام الزميل الاخر برفع 17 بوست وبقت 37 بوست في الصفحة الاولى للمنبر ( كتاحة بس ) وتم الرفع بنقطة في الـ 37 بوست

إنعل ابو الحساب زاتو
اتاريك طوالي نزولك ناقص

زيادة يا عمك ...
وكان حضرت زمن مصطفى محمود كنت قلت شنو طيب
قاليك قبل الساين إن بكون رفع خمسطاشر سطاشر بوست
و بعد الساين إن عينك ما تشوف إلا " التجاهل التجاهل التجاهل "

Quote: إنعل ابو الحساب زاتو اتاريك طوالي نزولك ناقص زيادة يا عمك ...

ودالبشرى

الله يجازي محنك...

حتيت الاتو بتاعي قبال يومو

تاني انزل بشنو...

اها الحساب اهو ده حتي التاريخ المعني..

وتاني اضربو في ستة واطلع بالاربعه

اها طلعت كم..


الكالكيولتر العندي طلعت النتيجة ايرور...!!!

اها انتو حقتكم سوت شنو....!!






رقم قياسي فهل من مزيد!!!!

واها دي ياحمور اخوي دايرة لابتوب خسوسي ....!!!

يعمل بالليزر وليس بالنقاط..!!

بوستات هباني

عشان تاااااااااااااااامنو!!!



Done











-----------------------------
اها كده عرجت ياخ!!

زيادة يا رائع حتى في مناوشاتك..أشهد أنك مبدع .

Quote: Done

يا دكتور كيفك
الكلمة الفوق مع صورة بكري تخوف والله..

Quote: إنعل ابو الحساب زاتو

ودالبشرى
فوت ليك حاجة يامسلم
آمنت بالله

حرقني تعليقك بتاع التايتنيك
يا امنجي

Quote: حرقني تعليقك بتاع التايتنيك يا امنجي

كااااااااااااااااكـ
مايبآاش ألبك اسود
فوت ليك حاجة يامسلم
الهناك لحقتها
وبرضو آمنت بالله

Quote: زيادة يا رائع حتى في مناوشاتك..أشهد أنك مبدع .

شكرا لك اخي فتحي
لك تحياتي و ودي

Quote: زيادة يا عمك ... وكان حضرت زمن مصطفى محمود كنت قلت شنو طيب قاليك قبل الساين إن بكون رفع خمسطاشر سطاشر بوست و بعد الساين إن عينك ما تشوف إلا " التجاهل التجاهل التجاهل "

ود البشرى تلك امة قد خلت ..
هسه نحن في الأمة المطلعة ( ... ) دي

تعرف يا دكتور مجدي ..
قلبت فيهم كم بوست كده ..
لقيت انو لو دخلوهم الورشة ممكن كلهم يعلمو اربعة بوستات متوسطات.
رغم انو المشكلة ما في مستوى الطرح بقدر ما هي في اسلوب الطرح و كثافته.
من حقك ان تكون نشيط و تكتب كل يوم سبعة بوستات.
ذلك فضل الله يؤتيه من يشاء ..
لكن لمن فضل الله ده الناس ما تعبروا ليك ما ممكن تشيلو بالنقطة و تحشروا ليهم في عينم بالقوة.
للصفحة الاولى قوة تقارب قوة المانشيت.
ما يتصدرها يجد الاهتمام .. ليس كل الاعضاء كاخونا المسلمي الذي يصل في القراءة الى الصفحة الثالثة .. عن نفسي لا ادري ما يوجد بعد الصفحة الثانية .. لا ادري هل هناك صفحة ثلاثة ام هناك هاوية سوداء ..
ان لم يختر الناس ان يداخلوك في ما تكتب و انفضوا عن كتابتك فلماذا تحص على اجراء علمية انعاش لثلاثين بوست كل بضعة ايام ؟
انقذ بوستا .. اثنين .. ثلاثة ..
لكن ثلاثين بوست على قمة المنبر ؟
انها رسالة : اسمعوني انا وحدي فلا احد غيري جدير أن يقرأ

Quote: اسمعوني انا وحدي فلا احد غيري جدير أن يقرأ

وانا وحدي ولا احد غيري يستطيع ان يكتب....

وفي قول اخر ان اشخبت..!!!!

http://www.internetlastpage.com/

اعتذر للاخ تمبس أني لم اشاهد بوسته عن ذات القضية الا مؤخرا ..
الحركة دي لذيذة ...

Quote: لا يمكن ان يقنعني شخص قط ان هذا الأمر مصادفة او ان الزميل الذي رفع 22بوستا لزميل اخر قرأ البوستات الاتنين و عشرين و اعجب بها فمن ثم رفعها. لسبب بسيط ان البوستات الاتنين و عشرين يفترض انها مبعثرة متفرقة في الصفحات السفلى. فلا يمكن بحال ان يجدها القارئ جميعا ليقرأها و يرفعها بالنقطة لتزين الصفحة الاولى في تسلسل كما شاهدنا يوم الجمعة الماضية. الاسلوب الذي ظهرت به البوستات يؤكد أن المتداخل فتحها جميعا اولا .. ثم فتح خاصية الرد في كل البوستات. ثم ابتدأ في وضع ختم النقطة على البوستات واحدة بعد الاخرى. لتظهر في شكل تلك الستارة الكثيفة التي حجبت وجه المنبر ذلك اليوم. اللطيف ان صاحب البوستات قام برفع بوستاته الاخرى بعد ذلك العمل باربعة دقائق تقريبا. فليقنعني احدكم انها صدفة و ليست محاولة متعمدة لاحتلال المنبر.

شكرا اخي حمور

هنالك بعض الضولط التي لابد منها في اي منبر اعلامي.

من واقع خبرتي اقترح الضواط التالية:

أولا: يحدد للعضو حصة محددة من البوستات كل أسبوع، على أن لا تجاوز
ثلاث بوستات. يمكن للمهندس بكري السيطرة على ذلك تقنيا

ثانيا: في حال أن أراد العضو فتح بوست رابع في نفس الأسبوع، عليه أولا تقديم طلب باحالة أحد
بوستاته المفتوحة إلى الأرشيف المؤقت الذي يمكن للمتداخلين الرجوع إليه بسرعة

ثالثا: منع ظهور أكثر من بوست واحد للعضو في الصفحة الأولى. ايضا يمكن لبكري أن
يسيطر على ذلك تقنيا

رابعا: مسح البوستات التي يتجاوزها الحدث (مثلا البوستات التي تسبق مباريات كرة القدم والتي تستمر
أسابيع بعد المباراة ... !!)

Quote: أولا: يحدد للعضو حصة محددة من البوستات كل أسبوع، على أن لا تجاوز ثلاث بوستات. يمكن للمهندس بكري السيطرة على ذلك تقنيا ثانيا: في حال أن أراد العضو فتح بوست رابع في نفس الأسبوع، عليه أولا تقديم طلب باحالة أحد بوستاته المفتوحة إلى الأرشيف المؤقت الذي يمكن للمتداخلين الرجوع إليه بسرعة ثالثا: منع ظهور أكثر من بوست واحد للعضو في الصفحة الأولى. ايضا يمكن لبكري أن يسيطر على ذلك تقنيا رابعا: مسح البوستات التي يتجاوزها الحدث (مثلا البوستات التي تسبق مباريات كرة القدم والتي تستمر أسابيع بعد المباراة ... !!)

الاخ سالم
تحياتي
هنالك بعض الزملاء المحترمين الذين يميلون لفتح البوستات الاخبارية واذكر منهم :
الاخ واصل علي
الاخ معتصم محمد صالح
الاخ جني
الاخ فرانكلي
وهؤلاء ربما احتاجوا لفتح اكثر من 5 او 6 بوستات في اليوم وفي الحقيقة هي بوستات مهمة وتحمل لنا اخبار ما كنا لنجدها الا بالبحث المضني والمرور اليومي على اكثر من 30 او 40 وقع اخباري .
لو وافقت ادارة البورد على ما نشرته من افكار عاليه سيجد هؤلاء الزملاء مشقة في نشر هذه الاخبار .
ولكن اعتقد ان صاحب البوست يعني البوستات القديمة التي نالت حظها من النقاش والمشاهدة ويصر اصحابها على فرض وجودها في الصفحة الاولى دون مبرر سوى الانانية وحب الظهور .
وشكرا

Quote: وهؤلاء ربما احتاجوا لفتح اكثر من 5 او 6 بوستات في اليوم وفي الحقيقة هي بوستات مهمة وتحمل لنا اخبار ما كنا لنجدها الا بالبحث المضني والمرور اليومي على اكثر من 30 او 40 وقع اخباري .

يا رااااااااجل

Quote: يا رااااااااجل

اووووووه ودالبشرى
حباب التايتنيك

Quote: يا رااااااااجل

انا اقول شفتها وين!!!

وهبة يا عمك
كدي خليني من تايتانيك و بتاع
اسي عايز تقنعني انو بوستات الأخبار دي مهمة شديد و عسير الحصول عليها لدرجة تستثنيها من اقتراح تحديد عدد البوستات
ياخي المتصفح الأولريدي قاعد قدام الجعهاز وفاتح سودانيز اون لاين غالبو يفتح قوقل في وندو ولّ تاب تانية و يقرا الخبر الدايرو
يا عمك دقيييييييقة باللاي

انا ضد اقتراح تحديد عدد البوستات عموما لكن تبريرك بإستثناء بوستات النقلتية ما عاجبني

Quote: اسي عايز تقنعني انو بوستات الأخبار دي مهمة شديد و عسير الحصول عليها لدرجة تستثنيها من اقتراح تحديد عدد البوستات ياخي المتصفح الأولريدي قاعد قدام الجعهاز وفاتح سودانيز اون لاين غالبو يفتح قوقل في وندو ولّ تاب تانية و يقرا الخبر الدايرو يا عمك دقيييييييقة باللاي

ود البشرى
خلاص معليش خليهم يحددو العدد
انا شخصياً ما بتضرر لانو في الاسبوع كان فتحت لي بوست ما قصرت
وفي الغالب بيمشي الخور
هسه فتحت لي بوست خبري شافوه 10 بس 7 بواسطتي انا تتصور
وهمتك بتاعة البروفايل عجيبة ودا لانو عندك اتنين بس
انا لو فكرت اعمل زي الوهمة دي الا اوقف فيها فني



______
كل سنة وانت طيب

Quote: ود البشرى خلاص معليش خليهم يحددو العدد انا شخصياً ما بتضرر لانو في الاسبوع كان فتحت لي بوست ما قصرت وفي الغالب بيمشي الخور هسه فتحت لي بوست خبري شافوه 10 بس 7 بواسطتي انا تتصور وهمتك بتاعة البروفايل عجيبة ودا لانو عندك اتنين بس انا لو فكرت اعمل زي الوهمة دي الا اوقف فيها فني

يارااااااااجل..



انا ارفع ليك وانت ارفع لي

ياحبيب روحي يانور عيني







_______________________

ياحمور حصل بوستك

Quote: انا ارفع ليك وانت ارفع لي ياحبيب روحي يانور عيني

يادكتور مجدي
الحركة دي متخصص فيها عمك وصبيانو

Quote: يادكتور مجدي الحركة دي متخصص فيها عمك وصبيانو

في حد قال غير كده...

Quote: عليه ادعي ان عملية انقاذ ثلاثين بوستا كل يومين هي عملية غير ديموقراطية بالمقام الأول. و غير عادلة فهي تسلب اناس حقا لهم. و غير كريمة لأنها تحاول دمغ البورد برأي واحد وفق اسلوب واحد باسم واحد

نتفق معك تماما
وصدقا النتيجة هى العزوف
مازاد عن الحد ينقلب الى الضد




حمور يروقنى طرحك المتسلسل دائما
أجمل مايميزه انه يحمل فكرة واضحة وسلسة
انت تبدأ بنا من الارض وتصعد بنا درجة درجة فى الطرح
شكرا للمتعة كل ماتكتب نقرأن بعناية وتأمل
وواثقة انه اضافة
كن بخير

حمور زِيادة ...

عمودك ده حأرفعو لامِن براك تقول ( أنا خلاص الدايِر أقولو قُلتو ) والله
تعلمت (بِالطريقة الصعبة) مِن عمودك ده حاجات كتيرة و(كبح) لي رغبة
كُتْ دايِر أتنرجس بيها ... غايتو كتر خيرك وبرضو شكيتك على الله ...

Quote: حمور زِيادة ... عمودك ده حأرفعو لامِن براك تقول ( أنا خلاص الدايِر أقولو قُلتو ) والله تعلمت (بِالطريقة الصعبة) مِن عمودك ده حاجات كتيرة و(كبح) لي رغبة كُتْ دايِر أتنرجس بيها ... غايتو كتر خيرك وبرضو شكيتك على الله ...

شكرا ليك ياعزام..





...

شكرا استاذة هند و الحبيب عزام

شكرا حمور زيادة
الصفحة الاولى للمنبر الان معافاة تماماً
اشهد ان هذا البوست من اكثر البوستات المنتجة
في هذا الربع
واكرر شكري

ثم بعد "حردة" لم تطل .. صاحبتها الألفاظ الرنانة و الصفات الضخمة قبل الذهاب..
ديموقراطية .. ظلم .. عدالة ..
تعود الأمور سيرتها الأولى ..
و هاهي بوستات الرقص تظهر ..
رقصة في الشمال و رقصة في الجنوب الشرقي ..
اخشى ما اخشاه ان الذهاب الذي لم تصاحبه مظاهرات صاخبة تطالب بالبقاء اخشى ان ترجعنا الى خانة النقطة مرة اخرى ..
فقد ثبت ان شعب البورد لازال يحتاج الى مزيد من التثقيف الثوري ليحافظ على مكتسباته من المناضلين.

اللهم اكفنا شر النقطة.

Quote: اخشى ما اخشاه ان الذهاب الذي لم تصاحبه مظاهرات صاخبة تطالب بالبقاء اخشى ان ترجعنا الى خانة النقطة مرة اخرى ..

حقيقة يا صديقي وهبة الخروج العاصف (المخالف لقوانين المنبر ككل ما يفعله الزميل ) كأنه عملية لي ذراع او قياس نبض ..
كان المطلوب ان تخرج بعدها البوستات مطالبة بعودة الزميل و استخدامه للابتوبه الجديد ..
لكن شيئا لم يحدث ..
بل لم يهتم بالامر احد غيركم انتم الذين لاسنكم و شتمكم ..
ثم عاد مرة اخرى فلم يحتفي بدخلوه احد غيركم ..
في تقديري ان هذا يعني أن بقاء الزميل اصبح مثل عدمه ..
هنا نجد ان المنطق يميل الى انه سيحتاج لتذكير الناس بنفسه مرة اخرى
فيفتح عشرات البوستات و يرفع مئات المخلفات التي غاصت.
ليذكر الناس انه هنا ..
موجود ..
و يخاطبة بعضهم بالجسور ..
(لا ادري ما الجسارة في شتم الاشخاص من وراء المحيط .. كنت ساقدر هذا الأمر رغم اسفافه ان جاء من احد سكان امتداد ناصر )
اظننا مقدمين على ايام سوداء .. ما لم يكن بكري ( الرجل غير العادل ) قد امسك يده.

يلاحظ اتهامه للدكتور مجدي بمسح البوستات كأنها تقدمة للقول انه تسرع في اتهام بكري لهذا رجع حين عرف ان بكري ليس هو من مسح بوسته.

اللهم اكفنا شر النقطة يا رحيم.

Quote: اللهم اكفنا شر النقطة يا رحيم.

آمين

Quote: مجدي الشيخ نحن مصدقين وما مصدقين انوالبسحب مواضيعنا في اقل من دقيقة ده الهكر...تراهو الهكر معانا وما عارفين كتر خيرك سترت صاحبك المزنوق تمبس وفرجت عن نفسك الاف كرب يوم القيامة..ومن متين عندك الاكسس بتاع الموقع...الف مبرووك ويربي في عزك!

حمور دي هنا....

Re: عاجل جدا....البشير الان يرقص في حلايب!


مع تحيات الهكر...!!!

ياجماعة لو فتحت لي بوست بعنوان عاجل: أنا عرفت اسم الهاكر الجوكر الحقيقي لكنو راح مني

تفتكرو بجيب دخل؟ وللا إلا برضو اشتري فتيل قطرة واجي انقط ليه كل يوم؟

!

Quote: ياجماعة لو فتحت لي بوست بعنوان عاجل: أنا عرفت اسم الهاكر الجوكر الحقيقي لكنو راح مني تفتكرو بجيب دخل؟ وللا إلا برضو اشتري فتيل قطرة واجي انقط ليه كل يوم؟

كدي خد ساتر..

بعيد عنك الليلة هو حائم ياصلاح..!!!

يا اخوي انت مالك شكلك بقي كدة

جارت الايام عليك والا جرت عليك انا..











__________________________
رسل لي ايميلك عشان تاني ماتنساه..!!

Quote: واجي انقط ليه كل يوم؟

ياعمك
التكتيك اتغير بقى الرفع بغلامة اكبر من او اصغر من
اها دي بتلقى ليها قطارة وين ؟

Quote: اها دي بتلقى ليها قطارة وين ؟

اجيب بتاعات الكعك.....!!!

صعبة دي..

Quote: اجيب بتاعات الكعك.....!!!

والله برضو فكرة يامجدي

شنو يا دكتور داير تعمل رايح







شيك فبراير ما اتأخر وكدا
ولّ نفتّو ...

حكم التداخل بي نقطة الخواء

وحكم الرشاقة كما الاستمناء

وبينهما ايه كدة فكري

الله يعينك

على تفسير التنقيط

على سمايات المتداخلين

في طهور ابو النقيقيط

وعادت ال......

قبل ان تبارحنا..!!

د. مجدي

أتذكرت إسم الهاكر و عندي دليل شبه ما بطال

يا ما إنت كريم يارب

الايميل مم مم مم

[email protected]

وبالايميل برسل ليك رقم حسابي البنكي بتاع باركليز أو بيبلوس زاي ما تحب

!

خلاس شيلو...

معليش حمور..!!








والله الليلة كترت نقط...!!!

الا يعتبر هذا نوع من الافلاس,,

واحلام اليقظة في عز الظهر...!!!

تعرض المنبر اليوم للكتاحة المنقطة

لله الأمر من قبل و من بعد ..
حقا بعد ما تكرر اليوم انا افكر جديا في اطلاق دعوة لترك المنبر للزميل هباني و طبعا لا انسى الزميلة ريهان المعجبة جدا باسلوبه و بما يكتبه.

هل حملة اليوم المسعورة لرفع البوستات بنقطة لها علاقة بانسحاب الزميل الاسبوع الفات دون أن يهتم به أحد ؟
أم هي محاولة أخرى لتضخيم الذات ؟
الصراخ بأنه أنا هنا.
اسمعوني وحدي .
خصوصا مع وجود عدد مقدر من البوستات المعارضة و الناقدة الجادة.
هل الغيرة الطفولية لها علاقة بحملة اليوم ؟

التنظيم العالمي للاخوان قرر التخلص من البشير واخرين!

مثال لطيف ..
بوست مكتوب بتاريخ 11 فبراير و ما زال يرفع حتى اليوم بنقطة
عدد النقاط 14 نقطة

تخيل !!

و انظر :

ستشهد الايام القادمات خلخلة في عرش الطغاة!

للعلم لا يحتوي البوست الا على :

Quote: بسبب خوفهم وحرصهم على مصالحهم والتي لن يحافظ عليها هذا الرئيس العبيط والذي بعبطه وهوجه ادخل مشروعهم الخرائي العظيم في ( طيز وزة) وسيحاولون ان يتغدوا به قبل ان يتعشى بهم!

و هو مكتوب بتاريخ 5 مارس
لكن صاحبه ظن أن هذا الكلام من الأهمية بمكان ليعيد رفعه اليوم بنقطة

بالذمة ده كلام ؟

Quote: بالذمة ده كلام ؟

تحياتي حمور
كيف ما كلام مادام هنا في عضوة بكامل قواها العقلية
شايلة دلوكتها الطق الطق الطق الطق ومسمياهو اوباما السودان
هسه انا كان في زول قال لي اوباما السودان ما بقبض الرئيس دا الليلة دي
وبنصبح انا وهو في لاهاي يازول قول ليك غير دا .

الأخ الأديب و الوطني الغيور حمور زيادة

Quote: بالذمة ده كلام ؟

أقدر انزعاجكم و غيرتك على الموقع من الترهات التي تراها مسيطرة على الصفحة الأولى للمنبر وهي كما تعلم الحيلة المتوفرة لرفض الظلم و القهر الممارس على شعبنا لمدة تقارب العقدين من الزمان
و قد يكون محتواها صادم و جارح لذائقتك الرقيقة ولكنها لو تعلم امضى من الحسام المهند في فؤاد الطغاة و هذه النقطة التي تستهين بها تقض مضاجع الظلمة و تحيل ليلهم نهارا
عموما سيتوقف هذا العبث الذي تراه عندما تقوم بدورك الوطني المطلوب منك كمثقف يحمل هم بلاده و شعبه
عندما تملأ الصفحة الأولى ببوستات تطالب بحق مقبولة و غيرها ممن اغتصبن
و تدين الظلم و الفساد و القهر المسلط على رقاب شعبنا
عندها لا يعود هناك داعي لهذه النقطة التي ازعجتك و اقلقتك
هل اتفقنا اخي الوطني المناضل المثقف حمور ؟


أبو حتوت
مركب ماكينة سائق تاكسي

Quote: مركب ماكينة سائق تاكسي

آمنت بالطعمية والزرع والبلّ والفرم الكبكبى ذاتو ياودالبشرى

وهبة يا حجة آمنة
ستاي أوي فروم مي أخير ليك



(كاااااااااااااااااااااااااااااااااااااااااااااااااااكـ)

Quote: وهبة يا حجة آمنة ستاي أوي فروم مي أخير ليك

ود البشرى
تعرف لو قفلتها بيوتيوباية
كان جننت المداخلة جن

مكرر

Quote: وهبة يا حجة آمنة ستاي أوي فروم مي أخير ليك

الخير وين ما معروف...

تكس تكسي تكس....

Quote: ود البشرى تعرف لو قفلتها بيوتيوباية كان جننت المداخلة جن

كتبا وهو لاف كداري ياوهبة..

بعد مانزل من التكس....

Quote: الأخ الأديب و الوطني الغيور حمور زيادة Quote: بالذمة ده كلام ؟ أقدر انزعاجكم و غيرتك على الموقع من الترهات التي تراها مسيطرة على الصفحة الأولى للمنبر وهي كما تعلم الحيلة المتوفرة لرفض الظلم و القهر الممارس على شعبنا لمدة تقارب العقدين من الزمان و قد يكون محتواها صادم و جارح لذائقتك الرقيقة ولكنها لو تعلم امضى من الحسام المهند في فؤاد الطغاة و هذه النقطة التي تستهين بها تقض مضاجع الظلمة و تحيل ليلهم نهارا عموما سيتوقف هذا العبث الذي تراه عندما تقوم بدورك الوطني المطلوب منك كمثقف يحمل هم بلاده و شعبه عندما تملأ الصفحة الأولى ببوستات تطالب بحق مقبولة و غيرها ممن اغتصبن و تدين الظلم و الفساد و القهر المسلط على رقاب شعبنا عندها لا يعود هناك داعي لهذه النقطة التي ازعجتك و اقلقتك هل اتفقنا اخي الوطني المناضل المثقف حمور ؟ أبو حتوت مركب ماكينة سائق تاكسي

وهنا مكنة تاكسي وقعت ولافي كداري...


Re: فالنقد حملة ضد الشتائم

Quote: أستاذة زينب تحياتي Quote: لا تحزف ولكنها تذهب للصفحات الخلفية ويصبح البحث عنها مرهق كنت سالتك عن المقصود من عبارتك " هناك بوستات تختفي لمجرد اسم كاتبها " و تعليلك اعلاه بنطبق على كل البوستات التي لا تجذب المتداخلين للتعليق او لا يتعهدها صاحبها بالرعاية بالنقطة او غيرها من ادوات الرفع و نزول البوستات لصفحات الخلفية شيئ طبيعي في منبر به آلاف الأعضاء النشطين منهم بالمئات و الهايبر آكتف بالعشرات حتى لو كان المنبر معارض فقط و كل العضوية مناوئة للنظام ستظل حالة رجوع البوستات الخاملة للصفحات الخلفية حقيقة ماثلة بالمناسبة للعثور على بوست ما افضل طريقة هي البحث باسم الكاتب

يارااااااااااجل.....!!

غايتو يا ود البشرى المداخلة دي بالغت فيها عدييييييل.

لكن بالجد كانت عاوزه ليها يوتيوب كده و كان كوركت براها

Quote: حقا بعد ما تكرر اليوم انا افكر جديا في اطلاق دعوة لترك المنبر للزميل هباني و طبعا لا انسى الزميلة ريهان المعجبة جدا باسلوبه و بما يكتبه.

زميلنا المنبري حمور زيادة..

الم يأتيك حديث حرية الاعجاب؟؟؟؟

يا سيدي الفاضل انت ما عاجباك كتابة هشام هباني (مرشحي للرئاسة القادم- للمعلومية) امشي ناقش هشام هباني افيد واكثر منفعة لكن ايرادك لأسمي بالصورة المستفزة اعلاه يعتبر احتلال بي نقطة ...

Quote: الم يأتيك حديث حرية الاعجاب؟؟؟؟

Quote: زميلنا المنبري حمور زيادة.. الم يأتيك حديث حرية الاعجاب؟؟؟؟ يا سيدي الفاضل انت ما عاجباك كتابة هشام هباني (مرشحي للرئاسة القادم- للمعلومية) امشي ناقش هشام هباني افيد واكثر منفعة لكن ايرادك لأسمي بالصورة المستفزة اعلاه يعتبر احتلال بي نقطة ...

الزميلة ريهان ..
أتاني حديث البذاءة.
ليس منك لكن من مرشحك.
و عنه ثم بعد ذلك عنك أقول لك.
للزميل كامل الحرية أن يكتب رأيه. و لي كامل الحرية أن اعتبره مفيدا أو لا . و لك كامل الحرية ان تريه رائعا يكتب بماء الذهب.
لكن يظل من حقي ايضا ان اعجب حين أراك - دون غيرك - تثمنين كتابته بالمقارنة بما اسميته في بوست الترحيب به "بوستات الشية ".
غيرك يمدح كتابات هباني أنها مناضلة و جسورة.
و لهم في ذلك مطلق الحق.
لكن - للاسف - لم أر غيرك يفرح أن بوستاته ستزين الصفحة الأولى على حساب بوستات الشية و قندهار ( التي أنا من روادها و محبيها ) لذلك وجدت مقارنتك مستفزة و اخذت انظر الى البوستات التي هي افضل من بوستات الشية.
فوجدت - و يا للعجب - أنها ترفع بالنقطة من صاحبها رغم تنكب المتداخلين عنها.
بوستات لا يدخلها احد.
لكن صاحبها يصر على أن يرفعها لتشين الصفحة الأولى.
مرة يرفع اكثر من ثلاثين بوستا.
مرة يرفع عشرين بوستا.
و ماذا فيها ؟

Quote: قلووط أفندي

Quote: الرئيس العبيط والذي بعبطه وهوجه ادخل مشروعهم الخرائي العظيم في ( طيز وزة)

حسنا ..
هو قد كتب هذا الهراء و اعتبره ابداعا ..
لا اعتراض على قدر الله.
فلماذا يرفعها مرارا و تكرارا محاولا احتلال المنبر بها ؟
راجعي بوستي هذا من البداية و ستجدين أني لم احاول ان ادين الفاظه و معجبيه بقدر ما ادنت عملية ممنهجة معينة يقوم بها بلا كلل و لا حياء ليحتل الصفحة الأولى.


بالنسبة لك يا زميلتي ..
ما كان اسمك سيرد لولا أنك اليوم عدتي الى التلميح بأفضلية ما يفعله على قندهار.
و ما جعلك لك حق التعريض بقندهار و روادها يعطيني حق ذكر اسمك - كمعجبة كبيرة به - هنا.
ثم اسمحي لي أن اتعجب من أن ذكر اسمك هنا استفزاز لك لكن نشر الزميل لبوست باسم الكلاب يضع فيه صور زملائك في المنبر لا يعتبر استفزازا لك او لهم.
و دعيني اعجب أكثر من أن الفاظه التي يتحفنا بها ليست مسيئة في نظر معجبة مثلك و لا رفعه لبوست باربعة عشر نقطة بينما ذكر اسمك هنا مستفز.
و الصدق اقول لك حين كتبت عبارتي اعلاه لم اكن اسخر ..
فانا حقا افكر في ترك المنبر لهشام الذي يتصرف كأنه الوحيد في هذا المنبر.
لو كان يحترم الكتاب الذين معه لما كان يأتي كل يومين ليرفع بوستات لا يدخلها الا قلة ليسيطر بها على الصفحة الأولى.
لدي بوست عن المتنبي لم أكمله بعد رفعه ثلاثة من الاخوة ثلاث مرات اخرها اليوم.
هذا ما افهمه عن رفع البوستات.
اما رفع زميل لثلاثين بوست من بوستاته فهذا احتقار لكل كاتب غيره.

لا اميل الى اسلوب مرشحك الرئاسي في استنطاق الناس و "زرزرتهم " كما يفعل كل كم يوم ..
لكني اجد نفسي حقا محتارا حين اجدك تعتبرينه منضالا يستحق الترشيح بسلوك كهذا .
لذلك استميحك عذرا في سؤال :
هل حقا تمجدين شخصا يشتم الاخرين بهذه الألفاظ و يزدري زملاء المنبر برفعه بوستاته الفقيرة غصبا و في ذات الوقت تعتبرين ذكرك باستغراب كاحدى معجباته استفزازا لك ؟
اخشى ان تكون تلك قسمة طيزى.

بخصوص أن اناقشه فحتى الأن لا استسيغ أن اناقش شخصا يكتب بكل اريحية الفاظا على شاكلة :
قلوط .. اولاد الهرمة .. الكلاب .. طيز وزه .. الخ
ماذا اقول لشخص هذه الفاظه ؟
له الحرية أن يكتب طالما بكري - سامحه الله - لا يفعل لائحته و يمسح هذه البذاءة.
لكن لي حرية طلب الرحمة بان يترك هذه البوستات تهبط طالما لم يأتها أحد.
اما ان كنتي معجبة بهذه البوستات فيمكنك تولي المهمة عنه و الدخول كل يومين عند الخامسة صباحا و رفع البوستات بالنقطة الشهيرة.
حينها ستكوني قد قتلتي لي حجتي و رفعتي عن الزميل حرج الظن أنه طاغية لا يريد أن يسمع الناس الا صوته وحده.
حتى لو كان صوته محملا بتلك الالفاظ







ــــــــــ
اعتذر عن هذه الافاظ التي اضطررت لكتابتها هنا لكن ظننت أنك ربما لم تريها في بوستاته.
اما ان كنتي رأيتيها و تعجبك فان ذلك ... ماذا اقول .. ذلك من حقك و الله المستعان.

حمور
شكرا لك فقد اسمعت لو ......... ماعلينا
النبي فيك كان تزيدها كلمة تاني .
هباني دا بالكتير زي ما قال حميدة لو اتلميت معاهو في منطقة جغرافية واحدة العلاقة الوحيدة الممكن تلمك معاهو انو يكون عندو طبلية تجي تشتري منو سيجارة واختصارا للوقت ما تولع منو ذاتو .
حقيقي انا آسف لوجود هذه الكارثة بيننا حقيقي آسف فمثله يجب ان يحجر عليه او ان يكون نزيل احدى المصحات النفسية الم تتابع الزميلة كيف ان ابن اخيه الزميل (جمال هباني) فتح بوست طويل عريض من عينة البوستات التأديبية ينصحه ويوبخه فيه حقيقة عين الرضا عن كل عيب كليلة .

حمور تحياتي
بالله عليك الله خليها تطالع الرابط دا
وداير اسمع رايها في اي وقت تختاره
قال اوباما السودان قال

قراءة فى سلوكيات ومؤهلات مرشح الرئاسة هشام احمد عبد الق...ر هباني (هشام هباني)

يعني أخشك ليك واسطة يا وهبة ؟
ههههه
طيب ..
يا اختنا ريهان ..
راجعي الرابط الختاهو و هبة ده لانو عندو علاقة بموضوع الترشيح الرئاسي.
اما موضوعنا هنا فهو عن سلوك المرشح الرئاسي الغير ديموقراطي و الطفولي في محاولته احتلال المنبر العام بنقطة ببوستات انتهت دروة حياتها.

Quote: يعني أخش ليك واسطة يا وهبة ؟

لا لا ماكدا ياحمور
بس انا ما داير اخش معاها في حوار مباشر وكدا
بس دا كل الموضوع .

عملا بالمثل القائل

if you can not beat them, then join them

ولما اولاد هندسة كتروها في بوست اليوم الحار, بكري مش اداهم نصيبهم من السلطة والثروة

انا بفتكر نحن نلم توقيعات عشان الريس بكري يعمل منبر خاص للأخو

وبكده نضرب كم وتلاتين عصفور بحجر



!

Quote: عملا بالمثل القائل if you can not beat them, then join them ولما اولاد هندسة كتروها في بوست اليوم الحار, بكري مش اداهم نصيبهم من السلطة والثروة انا بفتكر نحن نلم توقيعات عشان الريس بكري يعمل منبر خاص للأخو وبكده نضرب كم وتلاتين عصفور بحجر

what goes around comes around
كلام بالانجليزي كدا لقيتو واقع في بوست
جبتو بجاي قلت احتمال ينفع في البوست دا

Quote: كلام بالانجليزي كدا لقيتو واقع في بوست جبتو بجاي قلت احتمال ينفع في البوست دا

ما لقيت ليك .

بالانجليزي يامرسي يازيناتي..!!!










_______________________________
ياصغيير يامحيرني ومتحير,,,,

what goes around comes around
دي غنية ل Justin Timberlake
ولو بتحب الفرجة في youtube.com
أمشي شوفها, في دخله وتريات مجنونة

!

Quote: youtube.com

جبت سيرة البحر تاني....!!

Quote: بس انا ما داير اخش معاها في حوار مباشر وكدا بس دا كل الموضوع .

يا وهبة انت عارف اني زيك زعلان من كلام بوستات الشية الهي عرضت بيو
و عارف اني زيك ضغط دمي واصل 3000/ 7500 من تصرفات المرشح
لكن الحوار مع اختنا ريهان ما اظنو شي كعب.
في الاخر شنو ؟
ممكن تكون في معلومة فايته عليها انت تنورا بيها
ممكن تكون في معلومة فايته عليك هي تنورك بيها.
او كل زول فيكم يقول للتاني كلامو و تقيفو في نفس نقطة بديتو.
يعني لا توجد خسارة.
ثم ياخ انت ناقشت المرشح و استحملت الفاظو الزي الـ ...
و ما اظن ابدا ريهان ممكن تكون سيئة.
هي زي ما قالت معجبة بالمرشح. و ده حقها.
انت حتناقشا في ما يمسك من هذا الاعجاب.
يعني هذه لو قالت ليك ياخ عاجباني كتابتو لكن الشتايم الشتمك بيها انت و حميدة و مجدي و العوض و تمبس ما قبلاناها.
تاني عندك عندها حاجه ؟
لو اتناقشتو و قالت ليك انا لما قصدت بوستات الشية ما قصدت اسيئك او اسئ الناس البتمشي قندهار.
تاني في شس يزعلك منها ؟
نقاشا و حاورا و ما بتخسر باذن الله.
او .. هكذا اتمنى.

Quote: عملا بالمثل القائل if you can not beat them, then join them ولما اولاد هندسة كتروها في بوست اليوم الحار, بكري مش اداهم نصيبهم من السلطة والثروة انا بفتكر نحن نلم توقيعات عشان الريس بكري يعمل منبر خاص للأخو وبكده نضرب كم وتلاتين عصفور بحجر

انت يا صلاح النادر لا تفوت لا تموت

Quote: نقاشا و حاورا و ما بتخسر باذن الله. او .. هكذا اتمنى.

والكورة اقوان كما يقول الكابتن لطيف رحمه الله..!!

حمور زيادة خالص الاحترام والتحية

اسلوب هشام هباني في الكتابة هو امر ما بين القارئ لي هشام والكاتب هشام لست معنية بنقاشه او اجراء استبيان عنه ومن حقي ان انتقده او ان لا انتقده وفي النهاية القصة بترجع لي انا ولي تقديري الخاص، فما في اي سبب يدفعك انت او غيرك لدفعي دفع لانتقاد هشام هباني انتقده انت وادخل معاه في حوارات او ما تدخل برضو امر برجع ليك ما بلومك ولا بسألك لاني افعل ما يمليه علي راسي بدون النظر لرؤؤس الاخرين ...انتهي

كون اني اتمني انو القي الصفحة الاولي مزينة بهشام هباني بمواضيعه التي افضلها علي بوستات تصور الفرق بين شية الصاج وشية الجمر ده من حقي (الامنيات حق لمتمنيها ).
الشئ المهم انو الاختلاف بين البني ادمين عملية طبيعية ومدعاة للابتسام ( دهشة وجود اخر ) يبقي طبيعي اني افضل بوستات هشام هباني وانت لا تفضلها وطبيعي انك تكون مؤيد فكرة وجود بوستات الشية وقندهار وان لا اكون مؤيدة لها ..لكن الماطبيعي اني اسيب فكرة بوستات الشية وابدا اهاجم في الزول المؤيد وجودها او ان تسيب انت بوستات هشام وتبداء بانتقاد اعجابي ..

Quote: لكن يظل من حقي ايضا ان اعجب حين أراك - دون غيرك - تثمنين كتابته بالمقارنة بما اسميته في بوست الترحيب به "بوستات الشية ".

لا مامن حقك انك تعجب للاسباب ادناه:-
1\ من حقي الاعجاب بما اريد.
2\ لم اطرح اعجابي للنقاش.
3\ لا توجد لديك اي خلفية عن منهجية تفكيري عشان تعجب من اعجابي.

Quote: اما ان كنتي رأيتيها و تعجبك فان ذلك ... ماذا اقول .. ذلك من حقك و الله المستعان.

طيب انت بتعرف الحقوق كويس وبالتأكيد هي لا تتجزأ

Quote: و ما اظن ابدا ريهان ممكن تكون سيئة.

؟؟؟


زميلي في المنبر عبد الوهاب خالص التحايا

Quote: بس انا ما داير اخش معاها في حوار مباشر وكدا

بالضبط انا زيك وبل ازيد شوية اني ما عندي اي رغبة في الحوار معاك (مباشر او خلافه) .
اتمني احترام الرغبات

**حمور اعتذر ان وجدت اخطاء املائية لانو عيوني نعسو الوقت اتاخر ***

Quote: بالضبط انا زيك وبل ازيد شوية اني ما عندي اي رغبة في الحوار معاك (مباشر او خلافه) .

يا حمور
عليك الله اسأل الزميلة قول ليها كدا خلاص اتسديتي
انا شخصيا بتهمني راحة الزبون والعضو المصاب

Quote: اتمني احترام الرغبات

نحن قلنا حاجة غير كدا
انت الابتديتي وصادرتي حريتنا في اختيارنا ولا انا غلطان ؟
اعجبي بكتابات هشام هباني ما شئت
واتركي لنا بوستات الشية وقندهار
بس ما تنسي تدخلي الرابط الفوق دا
.
.
ونلتقيك صدفة

صباح الخيرات يا ريهان ..
يا اختي الفاضلة ما ممكن تقولي لي ما من حقك تستغرب او تستعجب ..
كانو بتطلبي من زول لما يشوف حاجه جميلة ما تعجبو
او يشوف حاجه قبيحه فيشمئز
ممكن تقولي ما من حقك تناقشني ..
و بوافقك عليها و بعتذر و بسحب مبادئ النقاش البديتا ليك دي

لكن ..
يظل الموضوع هنا - و هو الجاب اسمك - مناقشة و استنكار تصرف هباني برفع تلتين بوست لواجهة المنبر - بغض النظر عن محتواها - و استنكار صمت المعجبين عن فعلة كهذه بما لها من دلالات.
و امتزتي انت دون بقية معجبي هباني بالمفاضلة.
ما بقول الاعجاب .. بقول المفاضلة.
فأنتي من ازدرى اختيارات الاخرين التي تقفز للصفحة الاولى لأن لها رواد و اعلنتي انها يجب ان تختفي تحت بوستات هباني.
و ها هو هباني يعمل بنصيحتك فيرفع تلتين بوست ليخفي بوستات الشيه و غيرها من البوستات.
المهم ..
دلالات الفعلة تلقيها في اول البوست.
لو حبيتي تناقشيها مرحب.
ما حبيتي .. ياكي زميلتنا و ليك الاحترام و الخصوصية.


بالنسبة لمنهجية تفكيرك فبتظهر من اختياراتك .. مش ؟
زي ما منهجيه تفكيري بتظهر من اعجابي ببوستات الشية.
عموما ده ما اصبح موضوعنا.
راجعي البوست من البداية و تعجبي معنا او اعجبي كما كنتي من النقطة

تحياتي

ولا يزال التنقيط مستمر
عاصفة من النقاط

لا لاحتلال المنبر بالبذاءة والسطحية
وساقط القول