Post: #1
Title: لاقيت ليكم بكري ابو بكر ... !!!
Author: حمور زيادة
Date: 01-02-2009, 04:49 AM
هذا البوست مهدى الى الزميلة انعام حيمورة فك الله أسرها من قيد الهكر
|
Post: #2
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 04:53 AM
Parent: #1
يوم جمعة لا يختلف عن اي جمعة أخرى
و للجمعة في نفسي مكانة خاصة تحمل ذكريات المدرسة
هل تذكر جرس الحصة الاخيرة يوم الخميس ؟
و الاحساس ان غدا يوم مختلف ؟
لا مدرسة
لا طابور صباح
لا تسميع
لا استاذ يراقبك
لا طالب اكبر منك سناً ينتزع فطورك و يجري في الحوش و هو يضحك تاركك للتردد بين الجوع او المخاطرة بخوض معركة فاشلة
و لا امال في التظاهر انك رائع امام بنات المدرسة المجاورة
الجمعة
مشاهدة التلفاز
برنامج المصارعة
و عالم البحار مع جاك كوستو
جنة الاطفال
مسلسل الكرتون
الدافوري قبل الافطار
و ربما تكون محظوظاً فيسمح لك والدك بركوب العجلة في شارع الظلط بعد الصلاة
انها الجمعة الحبيبة
|
Post: #3
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 04:56 AM
Parent: #2
يوم جمعة كغيره من الجمعات
لكنك كبرت على ركوب العجلة في الظلط
و لم يعد التلفزيون يذيع حلقات عالم البحار
جمعة تعني النوم الى ساعة متأخرة
مواصلة القراءة في كتاب عن الاساطير عند العرب
الصلاة خلف امام يقرأ من ورقة بصوت رتيب فيعالج اي أرق ربما تعاني منه
جمعة رتيبة ككل الجمعات منذ كبرت على ركوب العجلة
لكنها تحمل معزة الذكريات القديمة
|
Post: #4
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 05:03 AM
Parent: #3
يرن هاتفي بنغمة موسيقية ..
أمد يدي اتناوله و اقرأ على شاشته اسم المتصل
تكنلوجيا عجيبة هي تلك
جهاز صغير في حجم علبة السجائر لا يرتبط بأي سلك و يقولون انه هاتف
الهواتف التي رأيناها كانت يوداء لها مهابة و دائما ما هي صامتة لأن الحرارة غائبة
لكن هواتف هذا الزمن صغيرة الحجم زاهية الالوان و دائمة الرنين
و هي تخبرك ايضا بالمتصل قبل ان تسمع صوته
و هي تكنلوجيا تعفيك من فتح الخط و الصمت حتى تسمع صوت المتحدث ثم تقرر انك لا تريده فتصدر اصوات الخشخشة و البرطمة موحيا ان الخط سئ ثم تنزع الفيشه ليغيب هاتفك في غيبوبة انعدام الحرارة
على الشاشة اقرأ اسم شيخ بورداب الخرطوم العوض المسلمي
هذا الرجل ملك العلاقات الاجتماعية
لا شك انه يتصل ليهنيني بالجمعة
|
Post: #5
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 05:07 AM
Parent: #4
ارد على العوض المسلمي مرحباً
يسألني هل انت في المنزل ؟
ارد بالايجاب
فيقول لي بصوته المستبشر :
انا عند بكري ابو بكر .. اجهز حاجي اجيبك
ألم أقل لكم انه ملك العلاقات الاجتماعية ؟
منذ يومين اخبرني انه سيزور بكري فقلت له استأذن لي في زيارته
ثم نسيت الامر كعهدي دائما
لكن العوض لا ينسى
انه مولع بحب الناس و التواصل
جزاه الله خيرا
|
Post: #6
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 05:08 AM
Parent: #5
في انتظار العوض كنت أفكر
سألتقي بكري أبو بكر
لكن ..
ماذا اعرف عن بكري ابو بكر ؟
|
Post: #7
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 05:13 AM
Parent: #6
بكري هو مالك موقع سودانيز اون لاين
و المشرف عليه
المشرف الأوحد ان شئت الدقة
ما اعرفه عنه ايضا انه يسمح البوستات و يوقف الاعضاء بلا تفاهم
و هو شخص صموت لا يهوى الثرثرة
ان من يصمت امام مجموع الاسئلة التي انطلقت بمناسبة تهكير الموقع لهو شخص فريد
اطول عبارة قراءتها لبكري هي عناوين البوستات التي ينزلها
و بوستات بكري لا تحوي سوى رابط يترك تفكيكه و نشره للاعضاء
و هو من عينة البشر التي تجيبك بالمفيد
Done
ٍStay away from XXX
يا الهي
هل سازور شخصا كهذا ؟
لا شك انه سيرد السلام بعبارة " و عليكم "
اعتقد ان ابلغ محادثة ستدور بيننا هي تبادل النظرات
لابد ان احرص على تنظيف عدسات نظارتي جيدا حتى تكون المحادثة واضحة
|
Post: #8
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 05:19 AM
Parent: #7
من متابعتي القليلة لما يحدث في البورد كونت فكرة عن هذا البكري ابو بكر
انه يحب ان يلعب دورا الهيا
كشأن ارباب الاولمب
لا شك انه مولع بزيوس و جوبيتر و غيرهم من الهراء الذي آمن به الاغريق و الرومان
حيث كانت الالهة تجلس هلى قمم الجبال و تتسلى بمتابعة البشر
و هي الهة تعشق و تحسد و تسرق و تغتصب و تخطف النساء
لم يكن الهة الاغريق رفيعوا الاخلاق
كما انهم ( الالهة لا الاغريق ) يحبون اكل اللحم و امعاء الذبائح و يشربون الخمر و يتطوحون كأي سكير
ماسبق ثرثرة عن الالهة لا اقصد تشبيه صورة بكري في ذهني بها
ما كان في ذهني هو ان بكري يلعب دورا كشأن هذه الالهة فيجلس على قمة جبل يتابع منه البشر الذين هم نحن
و يتدخل كالهة الاولمب الذين لم يكن من الضروري ان يكون تدخلهم هذا صائباً
فلتقطع ذراعي ان لم اجد بكري ابو بكر هذا يضع تمثالا ضخما لزيوس في صدر صالون منزله
اني ذكائي لا يخطئ في شئ كهذا
|
Post: #9
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 05:24 AM
Parent: #8
تأمل معي منبر بكري هذا
تخرج مظاهرة من الناس كخروج الاغريق الى معبد دلفي
يحملون المسوح و المباخر كدراويش الموالد
و ينشدون :
يا بكري فلان على بابك
يا بكري شوف احبابك
و يتمدد بوست المطالبة بالعضوية و التوسل الى صاحب الحوش .. صفحة .. فصفحتين .. فربما ثلاثة
و تكاد ترى في زحام المنشدين عضوا يلبس الاخضر و على صدره مسبحة الفية و هو يردد " حيييي "
ثم ..
ثم يأتي بوست الحمد بعد بوست الدعاء
لقد استجاب زيوس .. عفوا اقصد بكري .. الدعاء
اخيرا فلان بيننا
|
Post: #10
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 05:32 AM
Parent: #9
او خذ عندك المشهد التالي ..
فجأة يصرخ الصارخ ..
لقد اختطفت التياتين فلانة
و التياتين عند الاغريق كائنات اسطورية من تلك الكائنات التي كانت الارض تزخر بها قديما .. لقد كان العالم عامرا بالوحوش في ذلك الزمن
و التياتين المقصودين هنا الهكر
كلمة مرور احد الاعضاء لا تعمل
و هو ما اصطلح امجد فريد على تسميته في حالة ايزابيلا بـ " فلان في الاسر " .. و هي كلمة معبرة .. خصوصا في حالة ايزابيلا .. فقد كان وحوش الاساطير مولعين باختطاف الفتيات الجميلات .. انظر الى الف ليلة و ليلة .. ستجد لهؤلاء الوحوش ذوقاً رائعا كاي دونجوان محترف
نخرج كلنا داعين مهللين
يا بكري فك كرب فلان
يا بكري فك اسر فلان
و هي حالة تسليم تامة بالعجز
من منا يستطيع ان يفعل كماري جيرجس فيحمل سيفه و يخرج لقتال التنين ؟
لا حل الا الدعاء
و كما يحدث في اساطير الاغريق
ينهض زيوس غاضبا
يأمر فولكانو الذي هو حداد الالهة في الاساطير بلا اي مبالغة فيصنع له سيفا جديدا
ثم يقفز من قمة الاولمب و يقاتل التياتين و يعود بالاسيره
ترى هل يحتفظ بكري بتمثال لفولكانو هذا جوار تمثال زيوس ؟
سيكون في هذا شئ من المبالغة
|
Post: #11
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 05:35 AM
Parent: #10
حسناً لقد كونت فكرة الان عن الشخص الذي ورطني لساني في طلب زيارته
لكن لو كان يتوقع مني ان اقبل يده او افقد وعيي انبهارا به حين اراه فهو واهم
ان كان ينتظر مني اكثر من الاحترام فانه سيلقى مفاجأه قاسية
حسنا يا بكري ابو بكر
انا جاهز نفسياً لألتقيك
انت و زيوس الذي تحبه
|
Post: #12
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 05:39 AM
Parent: #11
أتاني - مشكورا - الزميل محمد صباحي و أقلني الى منزل بكري الذي يفصله عن منزلي شارع اسفلت فرعي
بيت ابيض ضخم
ألم اقل لكم ان هذا الرجل مولع بزيوس ؟
لا شك انه سيلتقيني في السطوح ليترك لدي احساس قمة الاولمب
على كل حال لن اخلع حذاءي على باب حجرته
لو طلب مني صباحي هذا فسيكون ردي قاسياً
ادخل المنزل خلف صباحي
يفتح بابا فادلف الى صالة واسعة
المح مجموعة من الناس
انا هنا
سألتقي بكري ابو بكر
انها اللحظة
|
Post: #13
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 05:41 AM
Parent: #12
آخذ نفساً عميقاً ..
و اتقدم ..
|
Post: #14
Title: Re: لاقيت ليكم بكري ابو بكر ... !!!
Author: Rawia
Date: 01-02-2009, 05:44 AM
Parent: #11
| Quote: لاقيت ليكم بكري ابو بكر ... !!! |
مرتييين؟
|
Post: #16
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 05:50 AM
Parent: #14
تصدقي يا راوية بالجد مرتين
سبحان الله
بكري ده شكلو اي شي عندو دبل
ــــــــــــ
كامل التضامن مع كيمو في محنتو الجديدة و شيل الحس
|
Post: #15
Title: Re: لاقيت ليكم بكري ابو بكر ... !!!
Author: العوض المسلمي
Date: 01-02-2009, 05:46 AM
Parent: #1
قول بسم الله وادخل برجلك اليمين ,,,,
صباح الخير عليك ايها المبدع الفنان
_________________________________________
نوم مافي ولا شنو يا فرده
|
Post: #17
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 05:52 AM
Parent: #15
شنو يا عمو العوض
مش انت برضو هسه صاحي ؟
وله انت حلمان ؟
انت نمت متين بعد تلفونك لي الساعة واحده و تلت صباحا داك ؟
|
Post: #18
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 05:54 AM
Parent: #17
آخذ نفساً عميقاً ..تاااني
و اتقدم .. تاااني برضو
|
Post: #19
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 05:56 AM
Parent: #18
من هذا الشخص الذي نهض مرحبا بي ؟؟
لقد قفز من كرسيه و تقدم نحوي باكثر مما تقدمت نحوه
هاشا باشا على وجهه اجمل ابتسامة ترحيب يمكن ان تتخيلها
لقد قتل هذا الرجل كل توقعاتي
من المستحيل ان يكون لديه تمثالا لزيوس
يا لخيبة الامل
كانت توقعاتي تبدوا جميلة
|
Post: #20
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 06:00 AM
Parent: #19
أول انطباع يتركه لديك بكري ابو بكر هو انك اهم شخص لديه
انه مغرم بك منذ الازل
بل ربما كان يتلوى بشوقك ليلا ..
و يعوي في الصحارى من وجع فراقك
و هو لا يفعل ذلك بالاسلوب المتزلف اللذج الذي تعرف معه ان هذا الشخص منافق كاذب يستحق الحرق في جهنم
كلا ..
بكري يبادرك بود الاشخاص الأليفين حتى تخشى على مشاعره حين فراقه
ان كان هذا استقباله فلا شك انه سيقضي لحظات سوداء حين تخبره انك لابد ان تذهب الى منزلك
|
Post: #21
Title: Re: لاقيت ليكم بكري ابو بكر ... !!!
Author: osman righeem
Date: 01-02-2009, 06:00 AM
Parent: #1
حمور يا شقيق
جمعتك مباركه
اليوم من دون الايام بدأت يومي
بمدن الملح
فيك شئ منها
وشئ كثير من الكوني
ارسل قبل ان تدركنا الصلاة
لك مودتي التي تعرف
|
Post: #22
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 06:10 AM
Parent: #21
الشقيق عثمان ..
يا لحظك ..
منيف منذ الصباح ؟
و في مدن الملح ؟
تعلم انهااختيرت من روايات القرن المئة كما موسم هجرة طيبنا الصالح الى الشمال
هنيئا لك
ـــــــــــ
يا شقيق الناس فيها شئ لله .. انا يكون فيني شئ من مدن الملح و الكوني ؟ سبحان الله
|
Post: #23
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 06:13 AM
Parent: #22
يحمل بكري صلعته الشهيرة
تلك الصلعة التي نعرفها و يعرفها طبعا الهكر كما تذكرون
احب ان انوه هنا ان الصلعة ليست عيبا قط
و ان على الاخ الهكر مراجعة موقفه من السباب بالصلعة
اما سبب موقفي هذا فيعلمه الزملاء الذين التقيتهم .. فصورتي هنا كما قال شول تخفي بعض اشياء
|
Post: #25
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 06:21 AM
Parent: #23
بابتسامته المشرقه التي توشك ان تلتهم وجهه يقودني بكري الى المجلس الذي ضم بعض ضيوف و اثنين من البورداب
العوض المسلمي و عبد الوهاب علي الحاج
اسلم على الجلوس ثم اتخذ مجلسي ..
يدور الحديث التقليدي ..
- حمد لله على السلامة
- الله يسلمك ياخ
- نورت البلد
- منوره بيكم ياخ
- الله يخليك
- الله يسلمك
هذا البكري يبدو ثرثارا على غير ما توقعت
|
Post: #26
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 06:24 AM
Parent: #25
اتأمل بكري و قد شغله مني عبد الوهاب
يذكرني بكري - باسلوبه لا بملامحه - بشخص ما
انه مألوف لدرجه كبيرة
اسرح محاولا التذكر
ان بكري فيه شئ مألوف لنا جميعا
شئ لم تنجح الصورة المقطبة المنذرة بالويل و الحذف التي يضعها هنا ان توصله
نعم نعم
عرفت بمن يذكرني بكري
|
Post: #27
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 06:30 AM
Parent: #26
هل تعرف ود الحلة الهميم ؟
ذلك الذي يبدأ يومه بعد ان تتوسط الشمس السماء
فيخرج الى الحلة بشعره المنكوش و فرشة الاسنان في فمه
يستاك و يبصق تحت شجرة دقن الباشا
ذلك الشاب الذي يقود ركشة خالتي عواطف لاسبوع مساعدة لها لأنها ارملة تسعى على ايتام
و يحمل الصواني في دعوة الغداء لدى حاج ابراهيم بمناسبة عودته من الحج
و لا بأس ان ينتظر هناية ابنة الجيران و هي عائدة من الجامعة ليتبادل معها حديثا سريعا قرب العمود في رأس الشارع
طبعا يفعل ذلك لأنه يحب هناية .. اظن هذا واضحاً ..
بكري يحمل طابع ابن الحلة التقليدي بشكل لافت للنظر
|
Post: #28
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 06:45 AM
Parent: #27
لو التقيت بكري ابو بكر في أي مكان و قدمه لي شخص على أنه مالك موقع سودانيز اون لاين لكذبته بلا تردد
بكري يبدو لي و هو يضحك بلا تحفظ و يحرك يديه في .. في ..
في تمغي
عفوا على الكلمة لكن لا اجد لفظة تعبر عن التمغي الا لفظةالتمغي
بكري يتمغى و هو يحرك يديه
اسلوبه و حركاته اشبه بموظف بوزارة الزراعة
ذلك الموظف القابع في مكتب بعد لا يكاد يتعامل مع الجمهور
و لا يكاد يعمل اي شئ
هو فقط يأتي للمكتب كي لا يفوقته يوم الصرفيه
هل تعرف ذلك الموظف الذي يجلس خلف مكتب الحديد الرمادي و امامه عشرات الفايلات المتربه يبرز منها اوراق مهترئة الاطراف
و هو يقضي يومه في سف السعوط و شرب الشاي الاسود الثقيل الذي يبقى تفله في قاع الكوب
لكن من المستحيل ان يكون لهذا الرجل علاقة بالانترنت
|
Post: #24
Title: Re: لاقيت ليكم بكري ابو بكر ... !!!
Author: mohmed khalail
Date: 01-02-2009, 06:15 AM
Parent: #21
حمور
صباح النور على البلور
Quote: و عالم البحار مع جاك كوستو
جنة الاطفال |
ياخ انت قديم خلاص منجد ما قال لي انت دفعتنا
والتحية عبرك لي بكري اب صلعة
وللراجل الفاضل الحاج العوض ابو صلعة
ولك انت ايضا يا دفعة يا اب صلعة
والحمد لله ما ختينا صورة سخسية كان لحقنا الطابور اب صلعة ده
|
Post: #29
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 06:48 AM
Parent: #24
محمد خليل ..
منجد ما يعمل ليك فيها مولود امبارح العصر
يا زول منجد حضر زمن المسلسل تلاتة مرات في الاسبوع
لكن استراليا بترجع الشيخ لصباه
|
Post: #30
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 06:53 AM
Parent: #29
لو كان هناك من يتابع هذا البوست فاني اعتذر اني ساتوقف قليلاً ..
انها الجمعة ..
لابد ان يكون لديك عدة اشياء لتفعلها في نهار الجمعة
لا ادري ماذا ينبغي ان افعل بالضبط لكني لن اكون السوداني الوحيد الذي ليس لديه تلك الاشياء المهمة التي يفعلها نهار الجمعة
لذلك ساتوقف قليلا محاولا اكتشاف ما ينبغي ان افعله
ان كان البوست قد اعجب احدكم فانصحه ان يسلي نفسه بقضم اضافر يده او قطع شرايين معصمه على سبيل تزجية الوقت حتى اعود
|
Post: #33
Title: Re: لاقيت ليكم بكري ابو بكر ... !!!
Author: العوض المسلمي
Date: 01-02-2009, 07:44 AM
Parent: #30
حممر يا شاب سلام
Quote: لا ادري ماذا ينبغي ان افعل بالضبط لكني لن اكون السوداني الوحيد الذي ليس لديه تلك الاشياء المهمة التي يفعلها نهار الجمعة
لذلك ساتوقف قليلا محاولا اكتشاف ما ينبغي ان افعله |
ياشاب انت ناسي برنامج قندهار ولا بعت القضيه
|
Post: #43
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 07:14 PM
Parent: #33
عمو العوض ..
| Quote: ياشاب انت ناسي برنامج قندهار ولا بعت القضيه |
ما عندي ليو مزاج
حاقضي يوم منزلي
|
Post: #31
Title: Re: لاقيت ليكم بكري ابو بكر ... !!!
Author: عبدالوهاب علي الحاج
Date: 01-02-2009, 07:18 AM
Parent: #1
ياحمور
دا بوست الوداع ولا شنو ؟
|
Post: #44
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 07:19 PM
Parent: #31
وهبة ..
Quote: ياحمور
دا بوست الوداع ولا شنو ؟ |
ياخ بوست التلج
|
Post: #32
Title: Re: لاقيت ليكم بكري ابو بكر ... !!!
Author: عبدالله كع
Date: 01-02-2009, 07:22 AM
Parent: #1
حمور صباحك ...جميل
متابع ياخي ...وقولنا نشوف الزول ده بعيونك ..
وبي صراحه صورة بكري في البرفايل ... تاوانيه !!
منتظرنك
|
Post: #45
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 07:22 PM
Parent: #32
عبد الله كع ..
| Quote: وبي صراحه صورة بكري في البرفايل ... تاوانيه !! |
النصيحة لبكري انو يغير الاستديو البيتعامل معاو فورا
|
Post: #34
Title: Re: لاقيت ليكم بكري ابو بكر ... !!!
Author: ناذر محمد الخليفة
Date: 01-02-2009, 07:51 AM
Parent: #1
راوية ...
لكن ذاكرتك ماا رهييييييييييييييييبة
حمور طبعا جديد وما فهم قصدك
|
Post: #35
Title: Re: لاقيت ليكم بكري ابو بكر ... !!!
Author: Salahaldeen Nadir
Date: 01-02-2009, 09:09 AM
Parent: #34
قلت لي الراجل طلع ما عنو قرون ولا بيطلع نار من مناخيرو؟
كامل التضامن مع الريس بكري في محنتة
لا لأ
إنتو أكيد فاتتكم حاجة أو
أو بكري هكركم و سيطر على تفكيركم
!
|
Post: #47
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 07:30 PM
Parent: #35
صلاح النادر ..
Quote: قلت لي الراجل طلع ما عنو قرون ولا بيطلع نار من مناخيرو؟
|
تخيل و لا عندو ضنب و لا اربعة رجلين ؟
|
Post: #49
Title: Re: لاقيت ليكم بكري ابو بكر ... !!!
Author: Magdi Ahmed Elsheikh
Date: 01-02-2009, 07:33 PM
Parent: #47
| Quote: تخيل و لا عندو ضنب و لا اربعة رجلين ؟ |
GANDAHAR MADDNESS
& COW MADDNESS
|
Post: #46
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 07:29 PM
Parent: #34
ابو النيز ..
Quote: لكن ذاكرتك ماا رهييييييييييييييييبة
حمور طبعا جديد وما فهم قصدك |
حمور جديد لكن انتو بتريحو ؟
تخمو تجيبو في كوتات 2005 و تورونا نحن الاولاد الصغار الكلام الما حضرناو
المشكلة انو الكلام بالهندي .. فهمات صعوبات كتير واجد فيهكي لكن امورتاج تمشيكي
طلعت ذاكرتك انت الما رهيبة
|
Post: #36
Title: Re: لاقيت ليكم بكري ابو بكر ... !!!
Author: salee
Date: 01-02-2009, 09:25 AM
Parent: #1
حمور
كـــــــــــل سنة وانت طيب 
|
Post: #48
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 07:32 PM
Parent: #36
سالي ..
| Quote: كـــــــــــل سنة وانت طيب |
و انتي طيبة يا ستي
شكرا للمرور
|
Post: #37
Title: Re: لاقيت ليكم بكري ابو بكر ... !!!
Author: ناهد بشير الطيب
Date: 01-02-2009, 11:27 AM
Parent: #1
ذكرتنى بايام الجمعية الادبية ياحمور قبل ان نتطلق منها بالثلاثة
وقبل ان نعيش بعدها ك(مواطنين عاديين )
غايتو بطيبة بكرى و(التمغى ) القلته ده ...ان يوم ودوا بكرى التشليح الالى ....
هو ونوابه ناس المسلمى (الافاطل) (جمع تكسير لافلاطون ولسيد الحوش بكرى )
يانا الحارسينهم هناك ...
متابعين واصل ...
|
Post: #51
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 08:09 PM
Parent: #37
ناهد بشير ..
سعيد بمتابعتك
و ربما اكتب " سمعت ليكم صوت ناهد بشير "
|
Post: #38
Title: Re: لاقيت ليكم بكري ابو بكر ... !!!
Author: sami Alzubair
Date: 01-02-2009, 01:31 PM
Parent: #1
Quote: أول انطباع يتركه لديك بكري ابو بكر هو انك اهم شخص لديه
انه مغرم بك منذ الازل
بل ربما كان يتلوى بشوقك ليلا ..
و يعوي في الصحارى من وجع فراقك
و هو لا يفعل ذلك بالاسلوب المتزلف اللذج الذي تعرف معه ان هذا الشخص منافق كاذب يستحق الحرق في جهنم
كلا ..
بكري يبادرك بود الاشخاص الأليفين حتى تخشى على مشاعره حين فراقه
ان كان هذا استقباله فلا شك انه سيقضي لحظات سوداء حين تخبره انك لابد ان تذهب الى منزلك |
وصف ممتاز لحالة مر بها كل من التقاه تقريبا
تعرف ياحمور
عمنا الطيب صالح اشار للحالة دي في احدي كتاباته
بانها ثقافة الشعب الامريكي عموما
انا هنا لا ادعي ان بكري امريكي
او انه اكتسب هذه العادات في سنوات مكوثه بينهم
ولكن نفس الابتسامة البسيطة والتعامل العفوي
بدون تكلف.. بدون افتعال
طبع حقيقي بعيد عن الزيف
(كسير تلج من أمو)
..
تاني لاحظت حاجة
ما بنسي اسم زول خاااااالص
لي قدام يازول يابحر
|
Post: #53
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 08:13 PM
Parent: #38
سامي يا ود الزبير ..
Quote: تعرف ياحمور
عمنا الطيب صالح اشار للحالة دي في احدي كتاباته
بانها ثقافة الشعب الامريكي عموما
انا هنا لا ادعي ان بكري امريكي
او انه اكتسب هذه العادات في سنوات مكوثه بينهم
ولكن نفس الابتسامة البسيطة والتعامل العفوي |
تعرف انا ناوي اجي اتكلم غالبا عن حتة طبع الخواجات ده
اصبر حبببه بوريك رأيي فيو
Quote: الابتسامة البسيطة والتعامل العفوي
بدون تكلف.. بدون افتعال
طبع حقيقي بعيد عن الزيف
(كسير تلج من أمو) |
لو سمحت امشي كسر تلجك ده في مسطبه/بوست تانيه
ما تلخبت تلجنا مع بعض تقوم القصة تبوظ ياخ
|
Post: #39
Title: Re: لاقيت ليكم بكري ابو بكر ... !!!
Author: ALazhary2
Date: 01-02-2009, 02:11 PM
Parent: #1
.
.
حمور زياد
ياخي كتابتك جميلة وسلسلة ولذيذة وحلوة ومحببة وودودة وطيبة وتطرب ولا تمل.
جد والله بدون أي فتفوتة مجاملة.
دائماً كتاباتك تعيد إلي ذكريات وذكريات وذكريات .
أنت زول مبدع ياحمور زياد.
وبمناسبة معراجك لي بكري (أبو تفة) إن شاء الله ماينساك ويديك مكتبة وكان اداك مكتبة عليك الله ذكره يديني مكتبة وكان أدانا نحن الإتنين بدعي ليه في الحرم ربنا يرزقه بشنطة مليانة دولارات فئة المية يعمل بيها عملية زراعة شعر ليه ولي سيف الجامعة ، وكان ما أدانا ننتظر إنفصال الجنوب ونخلي دينق يتوسط لينا يدونا جنسية دولة جنوب السودان وبعد داك المكتبة بتجي كمجاملة لينا بإعتبارنا ضيوف أجانب واجب أكرامهم
.
.
|
Post: #40
Title: Re: لاقيت ليكم بكري ابو بكر ... !!!
Author: هشام حسن
Date: 01-02-2009, 06:19 PM
Parent: #39
| Quote: ان كان البوست قد اعجب احدكم فانصحه ان يسلي نفسه بقضم اضافر يده او قطع شرايين معصمه على سبيل تزجية الوقت حتى اعود |
اضرع يا حمور.. منتظرنك
| Quote: كتابتك جميلة وسلسلة ولذيذة وحلوة ومحببة وودودة وطيبة وتطرب ولا تمل |
بس ما تشرنا..
كل سنة وانت طيب
|
Post: #57
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 08:27 PM
Parent: #40
هشام حسن ..
لو بديت تقضم ما تمشي اكتر من الكوع .. بتتعوق ياخ
وانت طيب و سالم و رافل في نعم الله
شكرا للانتظار
|
Post: #54
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 08:20 PM
Parent: #39
الأزهري 2 ..
رفيق الطموح و التوسلات الى بكري
| Quote: ياخي كتابتك جميلة وسلسلة ولذيذة وحلوة ومحببة وودودة وطيبة وتطرب ولا تمل |
و صديقة للبيئة ؟
شكرا ليك
| Quote: وبمناسبة معراجك لي بكري (أبو تفة) إن شاء الله ماينساك ويديك مكتبة وكان اداك مكتبة عليك الله ذكره يديني مكتبة |
طبعا يا ازهري البوست ده ما عندو اي علاقة باي حاجة تانية خالص
و لا بكسر لبكري تلج عشان مكتبة و لا شي
لكن بس عشان البيقروا البوست يفهموا انت قصدك شنو انا مضطر اني اخت ليهم رابط
لعناية بكري أبو بكر ..أتسول من جنابكم مكتبة
بس عشان اوضح بيو كلامك ما اكتر
و لو بكري ابو بكر قرا البوست ده بالصدفة و الشمار خلاهو دخل الرابط ده بالصدفة فقرر فجأة انو يعمل لي مكتبة بالصدفة فده ما معناهو اي شي
دي مجرد صدف ساي ياخ
انصحك تفتح بوست اسمو " قريت ليكم عن بكري ابو بكر " احتمال ينفع
|
Post: #41
Title: Re: لاقيت ليكم بكري ابو بكر ... !!!
Author: ناذر محمد الخليفة
Date: 01-02-2009, 06:21 PM
Parent: #1
يا عمك ..
هاك الهدية دي :
الأبـــــــــراج...
|
Post: #42
Title: Re: لاقيت ليكم بكري ابو بكر ... !!!
Author: Magdi Ahmed Elsheikh
Date: 01-02-2009, 06:43 PM
Parent: #41
|
Post: #61
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 10:07 PM
Parent: #42
مجدي الشيخ ..
شكرا للمرور و الصورة الجميلة
كده لكن عملت البوست كسير تلج لبكري عديييييل
|
Post: #58
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 08:31 PM
Parent: #41
ابو النيز ..
شكرا ليك
لقيتك مبالغة .. ما نسيت بعد اليوم الحافل ده ؟
ـــــــــ
طبعا الناس حيستغربوا في المداخله الشترا دي و حيقولو الزول ضرب البتاعات في قندهار و جا يطربق في البورد
الله يرجع لينا المسينجر يحلنا من البث المباشر ده .. و لو رجع المسينجر يرجع لينا دكتورة بيان برضو
|
Post: #50
Title: Re: لاقيت ليكم بكري ابو بكر ... !!!
Author: صديق الموج
Date: 01-02-2009, 07:38 PM
Parent: #1
| Quote: لاقيت ليكم بكري ابو بكر |
تصدق نحن برضو وعاجبنا فيه شعرو الغزير الحرير لما النسمه
تداعبو وتهفهفوا...
وعاجبانا الوجنات الفى راسو والمسماة جدلا جلحات
يعيش بكرى ونموت نحن..
علينا جاى نشد سراير الحديد نكسر طلح نكسر تلج،،،
|
Post: #62
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 10:16 PM
Parent: #50
صديق الموج ..
Quote: تصدق نحن برضو وعاجبنا فيه شعرو الغزير الحرير لما النسمه
تداعبو وتهفهفوا...
وعاجبانا الوجنات الفى راسو والمسماة جدلا جلحات |
متأكد انوده بكري ابو بكر ؟
يكون قصدك بكري الخير بالوصف ده
|
Post: #52
Title: Re: لاقيت ليكم بكري ابو بكر ... !!!
Author: طارق ميرغني
Date: 01-02-2009, 08:11 PM
Parent: #1
اخي المبدع حمور بصراحه اني اراك سيناريست ومن كبارهم. كل سنه وانت طيب وواصل
ابداعك ....متابعين.
|
Post: #55
Title: Re: لاقيت ليكم بكري ابو بكر ... !!!
Author: Magdi Ahmed Elsheikh
Date: 01-02-2009, 08:22 PM
Parent: #52
|
Post: #64
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 10:20 PM
Parent: #55
مجدي احمد الشيخ ..
الدعايات الانتخابية حقت الحزب الاتحادي الديموقراطي كان بيكون فيها صورة السيد علي الميرغني و صورة اسماعيل الازهري و صورة السيد محمد عثمان الميرغني و صورة المرشح صغيرونه كده
ما شايف السيد علي
|
Post: #63
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 10:17 PM
Parent: #52
طارق ميرغني ..
شكرا للمتابعة و رقيق الحرف
|
Post: #56
Title: Re: لاقيت ليكم بكري ابو بكر ... !!!
Author: lana mahdi
Date: 01-02-2009, 08:22 PM
Parent: #1
أسلوبك في الكتابة ذكرني بأسلوب د. رفعت إسماعيل في (ما وراء الطبيعة) السخرية المحببة و السلاسة و التشويق و اختيار مفردات غير مألوفة للتعبير عن أجواء مألوفة
..............
....................................
......
.......................
...............
//
.........................
..............................
.....
..................
.............................
حمور ما تصدق.. دي ما أنا الكتبتا الكلام الفوق...دة الهكر
غايتو الزول العندو جمعة ما عارف يعمل فيها شنو يحسدوهو عدييييييييييييل..
(حُوسّودوت)
نعوم حبيبتي:شوفي ليكي أقرب يعقوب (@يسلّفك) باسوورده
-------------
@عشان ما يجي زول من أعداء النجاح يقول لي إنتي يعقوب ما سلّفك باسوورده بل سطيتي عليه
|
Post: #65
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 10:37 PM
Parent: #56
الاميرة لنا مهدي ( بين قوسين الاميرة ديييك الهرشتيني ما اقولا )
| Quote: أسلوبك في الكتابة ذكرني بأسلوب د. رفعت إسماعيل في (ما وراء الطبيعة) السخرية المحببة و السلاسة و التشويق و اختيار مفردات غير مألوفة للتعبير عن أجواء مألوفة |
بالجد ده اكبر مدح اتلقاو ..
شكرا شديد لأنك فرحتيني ..
اسلوب رفعت او د.احمد جميل شيق و سعدت ان تري في اسلوبي ما يذكرك به
هاك دي هدية الكلام الحلو القلتيو لي
أسطورتي .. يحكيها لكم د.رفعت اسماعيل
| Quote: حمور ما تصدق.. دي ما أنا الكتبتا الكلام الفوق...دة الهكر |
طالما ما رديتي لي بهناك يبقى في احتمال كبير انك الهكر
| Quote: غايتو الزول العندو جمعة ما عارف يعمل فيها شنو يحسدوهو عدييييييييييييل.. |
سبحان الله ..يعني كنتي عاوزاني اكون بعمل في شنو ؟ انكت المطبخ ؟ 
انعام رجعت
نحن كمان بنخلي الزي انعام تطول في الاسر ؟
كف نف نجيبو حي
|
Post: #66
Title: Re: لاقيت ليكم بكري ابو بكر ... !!!
Author: Magdi Ahmed Elsheikh
Date: 01-02-2009, 10:45 PM
Parent: #65
|
Post: #71
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 11:23 PM
Parent: #66
مجدي الشيخ ..
واشماتي في صوركدي لامن تجي الارشفة و تشيلا بره
|
Post: #72
Title: Re: لاقيت ليكم بكري ابو بكر ... !!!
Author: Magdi Ahmed Elsheikh
Date: 01-02-2009, 11:55 PM
Parent: #71
Quote: مجدي الشيخ ..
واشماتي في صوركدي لامن تجي الارشفة و تشيلا بره |
كلو في الحفظ والصون ياعمك
|
Post: #59
Title: Re: لاقيت ليكم بكري ابو بكر ... !!!
Author: انعام حيمورة
Date: 01-02-2009, 08:41 PM
Parent: #1
| Quote: هذا البوست مهدى الى الزميلة انعام حيمورة فك الله أسرها من قيد الهكر |
شكرا ليك يا حمور ...
واستمتعت جدا بالسرد وعجبتي الحتة بتاع (اسرار البحار) لانو كنا بننتظرها يوم الجمعة بفارغ الصبر ...
حمور انت كتاااااب
|
Post: #67
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 10:50 PM
Parent: #59
انعام حيمورة ..
بركة الجيتي بالسلامة
| Quote: واستمتعت جدا بالسرد وعجبتي الحتة بتاع (اسرار البحار) لانو كنا بننتظرها يوم الجمعة بفارغ الصبر |
الجمعة كان معناها برنامج المصارعة و جاك كوستو
كان زمن مميز بالجد ..
للاسف مرقنا منو و ما دخلنا في زمن تاني
|
Post: #68
Title: Re: لاقيت ليكم بكري ابو بكر ... !!!
Author: Magdi Ahmed Elsheikh
Date: 01-02-2009, 10:53 PM
Parent: #67
Quote: للاسف مرقنا منو
و ما دخلنا في زمن تاني |
بلاغة مستفحلة
وتورية مروية حتي النخاع
|
Post: #60
Title: Re: لاقيت ليكم بكري ابو بكر ... !!!
Author: ناهد بشير الطيب
Date: 01-02-2009, 08:48 PM
Parent: #1
| Quote: و ربما اكتب " سمعت ليكم صوت ناهد بشير " |
عاد الكتابة دى حتكون مورورة بستناها بفارغ الصبر
خلاص اختم هنا مع بكرى كفاه على كده ....قبل على اختك....
____________________________
كدى ماتوفى بالوعد...
|
Post: #69
Title: Re: لاقيت ليكم بكري ابو بكر ... !!!
Author: حمور زيادة
Date: 01-02-2009, 10:55 PM
Parent: #60
يا ناهد ..
انا قلت ربما .. ده احتمال ما وعد
ثم انا ما بكتب الا بعد المره التانية
اضربي تاني احتمال تفوزي ببوست
|
Post: #70
Title: Re: لاقيت ليكم بكري ابو بكر ... !!!
Author: Badreldin Ahmed Musa
Date: 01-02-2009, 11:13 PM
Parent: #69
حمور زيادة
سلام
ياخ كلامك حلو و سلس
لكن كدة انت كشفت بكري و تاني ما في زول بخاف منه ياخ
بس مالك علينا، نحن الزراعيين و من لف لفنا؟ ليه تقول فينا كدة ياخ
Quote: اسلوبه و حركاته اشبه بموظف بوزارة الزراعة
ذلك الموظف القابع في مكتب بعد لا يكاد يتعامل مع الجمهور
و لا يكاد يعمل اي شئ |
عشان كلامك دا انا بطالب بكري انه يديك مكتبة و يدفعك بريميم- يعني اعلى سعر. ما في مجاني!!!
|
Post: #73
Title: Re: لاقيت ليكم بكري ابو بكر ... !!!
Author: الحاج حمد الحاج
Date: 01-03-2009, 08:06 AM
Parent: #70
بكري و كمان وهبة الرجل الظريف..
انت محظوظ ياخي..
سرد جميل..
|
Post: #74
Title: Re: لاقيت ليكم بكري ابو بكر ... !!!
Author: عمر صديق
Date: 01-03-2009, 10:14 AM
Parent: #73
الاخ المبدع حمور
تحياتي
ياخ كيف تقول لاقيت لينا بكري
ويوم عيزومة بيتو البورداب كانو بوصفو بيت بكري عن طريق بيت حمور
|
Post: #77
Title: Re: لاقيت ليكم بكري ابو بكر ... !!!
Author: حمور زيادة
Date: 01-03-2009, 10:25 AM
Parent: #74
عمر صديق ..
Quote: ياخ كيف تقول لاقيت لينا بكري
ويوم عيزومة بيتو البورداب كانو بوصفو بيت بكري عن طريق بيت حمور |
ما انا انتظرت اسبوع كامل انو بكري يكتب بوست يقول " لاقيت ليكم حمور زيادة " لكن لقيتو عمل رايح
فقلت احرجو و كده
|
Post: #78
Title: Re: لاقيت ليكم بكري ابو بكر ... !!!
Author: حمور زيادة
Date: 01-03-2009, 10:27 AM
Parent: #77
و لسه في الكلام باقي
|
Post: #76
Title: Re: لاقيت ليكم بكري ابو بكر ... !!!
Author: حمور زيادة
Date: 01-03-2009, 10:23 AM
Parent: #73
الحاج ..
Quote: بكري و كمان وهبة الرجل الظريف..
انت محظوظ ياخي.. |
و كمان عمو العوض شيخ بورداب الخرطوم
جلسه مليئة بالعمالقة و الناس المهمة ما عارف انا زاتي الحشرني في نصهم شنو
|
Post: #80
Title: Re: لاقيت ليكم بكري ابو بكر ... !!!
Author: العوض المسلمي
Date: 01-03-2009, 02:01 PM
Parent: #76
Quote: كمان عمو العوض شيخ بورداب الخرطوم
جلسه مليئة بالعمالقة و الناس المهمة ما عارف انا زاتي الحشرني في نصهم شنو |
والله مافي عملاق الا انت يا حمور ,,,
بالجد شخص تستحق التقدير ,,,
واصل منتظرنك نشوف كنا بنعمل في شنو بعيونك ,,,,
|
Post: #83
Title: Re: لاقيت ليكم بكري ابو بكر ... !!!
Author: Tragie Mustafa
Date: 01-04-2009, 08:17 AM
Parent: #76
حمور زياده
يازول يا طيبان انت
اوع تصدق
بكري ده زي آل الميرغني وآل المهدي
يعملوا طيبين وهم (حكومة آوي)
ضحكتني موت بحكاية اسرار البحار وجاك كوستو؟؟
يا شباب انت من ياتو جيل؟؟؟
فاكراك و الله من ناس الاهليه والركشات الحديثه دي
تطلع من زمن كوستو؟؟؟
Quote: حمور
صباح النور على البلور
Quote: و عالم البحار مع جاك كوستو
جنة الاطفال
ياخ انت قديم خلاص منجد ما قال لي انت دفعتنا
والتحية عبرك لي بكري اب صلعة
وللراجل الفاضل الحاج العوض ابو صلعة
ولك انت ايضا يا دفعة يا اب صلعة
والحمد لله ما ختينا صورة سخسية كان لحقنا الطابور اب صلعة ده |
ويازول انت لو من زمن كستو اوع تقولا للعوض المسلمي يا عمو؟؟؟
وحياتكم العوض ده اصغر مننا كلنا
بس مضيع شبابه ساي
العوض دع اصغر من ناذر الخليفه اللسه بيلبس في فنايل الشفع
والوان الغريبه وعجيبه
السطرين الآخيرات عارفهك حيفقعوا مرارة ناذر
|
Post: #86
Title: Re: لاقيت ليكم بكري ابو بكر ... !!!
Author: العوض المسلمي
Date: 01-04-2009, 09:20 AM
Parent: #83
تراجي سلام
كيفك والاسره ؟
Quote: ضحكتني موت بحكاية اسرار البحار وجاك كوستو؟؟
يا شباب انت من ياتو جيل؟؟؟
فاكراك و الله من ناس الاهليه والركشات الحديثه دي
تطلع من زمن كوستو؟؟؟ |
| Quote: ويازول انت لو من زمن كستو اوع تقولا للعوض المسلمي يا عمو؟؟؟ |
كلمته بس هو راسه قوي
Quote: وحياتكم العوض ده اصغر مننا كلنا
بس مضيع شبابه ساي |
عارفه يا تراجي اول اوصف ليك حمور ده ,, زول طويييييييييل وعنده صلعه ,,,
ورقيق في كتاباته وجسده ايضا ,,,
شكرا تراجي علي رفع الروح المعنويه للعوض ,,,,
ويا حمور كلم شمائل بكلام تراجي ده سمح؟
|
Post: #89
Title: Re: لاقيت ليكم بكري ابو بكر ... !!!
Author: حمور زيادة
Date: 01-05-2009, 02:11 AM
Parent: #83
السيدة تراجي ..
كيفنك
Quote: حمور زياده
يازول يا طيبان انت
اوع تصدق
بكري ده زي آل الميرغني وآل المهدي
|
دي شهادة قوية جدا من تراجي يا جماعة انو انا زول طيب .. تاني مافي زول يقول غير كده
لكن يا تراجي ما تتكلمي في ناس سيدي علي ديل و الله السيد علي ينبشك يا زوله
و الما مؤمن بالمهدي قالوا دموا حلال
اعملي حسابك هووووي
Quote: فاكراك و الله من ناس الاهليه والركشات الحديثه دي
تطلع من زمن كوستو؟؟؟
|
يا تراجي ياخ انا ماكل خرفين .. ليه يعني الحقد ده ؟
شكرا لمرورك
|
Post: #75
Title: Re: لاقيت ليكم بكري ابو بكر ... !!!
Author: حمور زيادة
Date: 01-03-2009, 10:22 AM
Parent: #70
بدر الدين احمد ..
Quote: لكن كدة انت كشفت بكري و تاني ما في زول بخاف منه ياخ
|
انت نسيت انو ناس البورد ديل في الطبيعة شي و ورا الكيبورد شي تاني ؟
اها بكري ده ما بيعضي
لكن بيوقف
و المثل قال : البيوقف من غير ما يتكلم كتير خافو
بعدين ياخ انا قلت موظف في وزارة الزراعة ما قلت زراعي
عادي ممكن يكون خريج ثانوي و شغال في الوزارة
لكن ما وريتنا من لف لفكم ديل منو ؟ الخدرجيه بتوع السوق المركزي يعني ؟
|
Post: #79
Title: Re: لاقيت ليكم بكري ابو بكر ... !!!
Author: الطاهر عثمان
Date: 01-03-2009, 01:38 PM
Parent: #1
كتابة حلوة ياخي
عجبتني شديد
تحاياي وتقديري
|
Post: #81
Title: Re: لاقيت ليكم بكري ابو بكر ... !!!
Author: الحاج حمد الحاج
Date: 01-04-2009, 07:16 AM
Parent: #79
حمور
Quote: و كمان عمو العوض شيخ بورداب الخرطوم
جلسه مليئة بالعمالقة و الناس المهمة ما عارف انا زاتي الحشرني في نصهم شنو |
التحية للأخ العوض المسلمي زعيم بورداب الخرطوم و الذي عرفته من خلال كتاباته و من خلال حديث الأخوان بدر الدين اسحاق و وهبة عنه..أتمنى ان التقيه.
|
Post: #82
Title: Re: لاقيت ليكم بكري ابو بكر ... !!!
Author: معتصم محمد صالح
Date: 01-04-2009, 07:44 AM
Parent: #81
| Quote: هذا البكري يبدو ثرثارا على غير ما توقعت |
يا عمك .. واصل ياخ ..
|
Post: #84
Title: Re: لاقيت ليكم بكري ابو بكر ... !!!
Author: عماد محمود علي
Date: 01-04-2009, 08:36 AM
Parent: #82
| Quote: اسلوبه و حركاته اشبه بموظف بوزارة الزراعة |
حمـور ... ماكنت ماشي كوييييس ياخ مالك بقيت بتتلولو ... مالهم بتاعين وزارة الزراعة ؟ عيبهم لي ؟ غايتو عالم تمحن ياخ ...... يازول تاني أوعك تمشي تاكل طماطم وخضارات في قندهار ... مش برضه من الزراعة ؟ كده تاااني أمشي بس .....
حيرتونا زااااتو ... تاكلوا تسالينا وتسيئوا لي أسامينا ....
حيمور واصل فسردك جميل ... ( بس من غير حكاية الموظفين ديل ياخ ... رأس السوط لحقناوكده )
|
Post: #85
Title: Re: لاقيت ليكم بكري ابو بكر ... !!!
Author: Shamael Elnoor
Date: 01-04-2009, 09:04 AM
Parent: #84
| Quote: و لم يعد التلفزيون يذيع حلقات عالم البحار |
حمورنا
اثرت في شجونا كنت اكتمها!!!
لكن اقوليك حاجة
كاد الثلج ان يذوب ويتخذ الماء من ايادينا مجرى
|
Post: #87
Title: Re: لاقيت ليكم بكري ابو بكر ... !!!
Author: جعفر محي الدين
Date: 01-04-2009, 10:02 AM
Parent: #85
أنا شفت الكان بخوف بكري
دكتور / سعد الدين حمد بتاع الـ Geochemistry
طلاب الجيولوجيا كانو من اللخبطة بقولو حمد الدين سعد
أنت يا حمور زيادة تستحق قلم من كوارتز
يا حليل جمع زمان عالم البحار والدوري الألماني
|
Post: #94
Title: Re: لاقيت ليكم بكري ابو بكر ... !!!
Author: حمور زيادة
Date: 01-05-2009, 02:23 AM
Parent: #87
جعفر محي الدين ..
| Quote: يا حليل جمع زمان عالم البحار والدوري الألماني |
الدوري الالماني ده حق العجايز
نحن كنا ناس تلماتش سااااي
ذكرتني سؤال جميل
ليه زمان التلفزيون نصو مواد المانية ؟
الدوري الالماني
تليماتش
زيو ون ( المجلة العلمية )
حاجه غريبة فعلا
|
Post: #93
Title: Re: لاقيت ليكم بكري ابو بكر ... !!!
Author: حمور زيادة
Date: 01-05-2009, 02:19 AM
Parent: #85
شمايل ..
| Quote: كاد الثلج ان يذوب ويتخذ الماء من ايادينا مجرى |
في الشتا ده مافي خوف على التلج
الخوف من سخانة الحاقدين الزيك
|
Post: #92
Title: Re: لاقيت ليكم بكري ابو بكر ... !!!
Author: حمور زيادة
Date: 01-05-2009, 02:17 AM
Parent: #84
عماد محمود ..
| Quote: حيرتونا زااااتو ... تاكلوا تسالينا وتسيئوا لي أسامينا .... |
انتو يا ناس الزراعة بكري ده طلع شتيمة وله شنو ؟
مالكم ناكرنو قدر ده ؟
ياخ خلاص موظف في الحياة البرية
هسه تجيني غزالة تقول لي ليه الحياة البرية
|
Post: #99
Title: Re: لاقيت ليكم بكري ابو بكر ... !!!
Author: عماد محمود علي
Date: 01-05-2009, 12:10 PM
Parent: #92
Quote: انتو يا ناس الزراعة بكري ده طلع شتيمة وله شنو ؟
مالكم ناكرنو قدر ده |
حمور ياخي نحن ما محتجين على بكري ولا غيره .. نحن محتجين على كلامك التحته خط ده :
Quote: اسلوبه و حركاته اشبه بموظف بوزارة الزراعة
ذلك الموظف القابع في مكتب بعد لا يكاد يتعامل مع الجمهور
و لا يكاد يعمل اي شئ
هو فقط يأتي للمكتب كي لا يفوقته يوم الصرفيه |
يعني نحن قاعدين ناخذ مرتبات ساااااكت ، لا شغل ولا مشغله .. ياخي كده ح تفور الجماعة ديك بي هناك ... ( دي أسال منها ود الصائم ) ... وخلاص ....
|
Post: #91
Title: Re: لاقيت ليكم بكري ابو بكر ... !!!
Author: حمور زيادة
Date: 01-05-2009, 02:14 AM
Parent: #82
معتصم ..
| Quote: يا عمك .. واصل ياخ .. |
حاضر يا ريس
ــــــــــ
كامل التضامن معاك في الضيق العملو ليك دكتور عبد الله علي ابراهيم
|
Post: #90
Title: Re: لاقيت ليكم بكري ابو بكر ... !!!
Author: حمور زيادة
Date: 01-05-2009, 02:13 AM
Parent: #79
الطاهر عثمان ..
شكرا لكلماتك الانيقة
|
Post: #88
Title: Re: لاقيت ليكم بكري ابو بكر ... !!!
Author: ناذر محمد الخليفة
Date: 01-04-2009, 11:09 AM
Parent: #1
أم رشيرش ..!!
Quote:
العوض دع اصغر من ناذر الخليفه اللسه بيلبس في فنايل الشفع
والوان الغريبه وعجيبه |
بالله لو عندك مشكلة مع أبو ساندرا حاولي حليها بعيد مني ..!!
|
Post: #95
Title: Re: لاقيت ليكم بكري ابو بكر ... !!!
Author: حمور زيادة
Date: 01-05-2009, 02:26 AM
Parent: #88
أبو النيز
امشي ساوي فنايل الشفع حقتك دي ام الوان عجيبة الزي الوان هدوم ميشيل اوباما
|
Post: #96
Title: Re: لاقيت ليكم بكري ابو بكر ... !!!
Author: سفيان بشير نابرى
Date: 01-05-2009, 03:00 AM
Parent: #1
يا صاحب الجائزة
انت مش لاقيتنى برضو ؟
|
Post: #100
Title: Re: لاقيت ليكم بكري ابو بكر ... !!!
Author: حمور زيادة
Date: 01-07-2009, 08:02 AM
Parent: #96
سفيان نابري ..
Quote: يا صاحب الجائزة
انت مش لاقيتنى برضو ؟ |
ما متذكر لاقيتك وله لأ ..
مشكلة ملاقاة مصر بليل دي بتخليك تصحى الصباح ما متذكر اي حاجه
|
Post: #97
Title: Re: لاقيت ليكم بكري ابو بكر ... !!!
Author: محمد يوسف الزين
Date: 01-05-2009, 11:29 AM
Parent: #1
حمور
في كتابتك حاجة من د.احمد خالد توفيق
على سبيل التحية بالمناسبة
|
Post: #101
Title: Re: لاقيت ليكم بكري ابو بكر ... !!!
Author: حمور زيادة
Date: 01-07-2009, 08:08 AM
Parent: #97
محمد يوسف ..
Quote: حمور
في كتابتك حاجة من د.احمد خالد توفيق
على سبيل التحية بالمناسبة |
هذا مدح شديد ولي الفخر ..
تعرف ..
اكرمني ربي اني لاقيت الراجل الرايع ده مرتين
كل مره اقول امشي عليو اسلم و اقول ليو ياخ انا بحبك و الناس بيقولو نفسنا واحد في الكتابة ..
لكن شدة الحب و الرهبة تخليني قاعد اعاين ليو لامن يمشي
شمار سريع ..
الرجل متحدث بارع كما هو كاتب رهيب .. عيبو بس ضحكتو شيييييييينه
|
Post: #108
Title: Re: لاقيت ليكم بكري ابو بكر ... !!!
Author: حمور زيادة
Date: 01-10-2009, 05:56 AM
Parent: #101
و نتابع الحكــي ..
|
Post: #109
Title: Re: لاقيت ليكم بكري ابو بكر ... !!!
Author: حمور زيادة
Date: 01-10-2009, 06:01 AM
Parent: #108
متوجساً احاول ان ابدأ حديثا مع بكري ..
كنوع من الحكحكه ..
لكنه - بلطف - يبدأ الحديث ..
ينظر لك بكري في اهتمام و في عينيه نظرة بريئة تلمع معها ابتسامة وديعه
( ده غزل رسمي )
لا يهم ما يتحدث عنه
هل الموضوع الهكر او تخصيب اليورانيوم
المهم انه يقوله لك في حميمية و اهتمام
لا تحس انه يتكلم ليقول رأيه فقط
بل هو يتكلم كأنه يسألك
بأدب يقول لك رأيه و هو يبتسم
هل هذا الرجل هو بكري ابو بكر ام اني دخلت بيتا خطأ ؟
|
Post: #110
Title: Re: لاقيت ليكم بكري ابو بكر ... !!!
Author: حمور زيادة
Date: 01-10-2009, 06:05 AM
Parent: #109
حاولت ان اسأل نفسي هل هي طباع الخواجات ؟
من يعيش وسط الخواجات لفترة يعود بطيبة اقرب للهبل
يتحدث فتظن ان لعابه سيسيل على صدره بعد دقائق
يغريك ان تخدعه ..
فهو ينبهر لكل شئ
حدثه عن الركشه فيفتح فمه في بلاهه
حدثه عن تحويل الرصيد فيضرب صدره براحته و يشهق
ان الحياة في بلاد الفرنجه تكسب المرء طبعاغريبا
حين تدخل اي مجلس و تجد احد الجلوس يبتسم في امومة كانه الموناليزا فاعلم انه قادم من غربة امتدت عشرات السنين من بلاد الخواجات
لكن بكري لم يترك لدي هذا الاحساس
هذا الرجل طيب .. لكنه ليس بتلك البلاهة
هذا رجل لم يرم طباع ود البلد من الطائرة حين كانت تعبر الاطلسي
|
Post: #98
Title: Re: لاقيت ليكم بكري ابو بكر ... !!!
Author: Tabaldina
Date: 01-05-2009, 11:58 AM
Parent: #1
..
.
| Quote: بالله لو عندك مشكلة مع أبو ساندرا حاولي حليها بعيد مني ..!! |
والله شمشرة فى السماء .. ياخى شطرنا عديل كدا ..
ما لكن لقيتك ..
والله الزول دا تانى بقطعو معاك ..
_________
حمور .. ان شاء الله يصدقوا ليك بمكتبة
غايتو بوستيك بستحق .. وكسير التلج بنجح
عقبال ما استلم الفيلا ..
|
Post: #102
Title: Re: لاقيت ليكم بكري ابو بكر ... !!!
Author: حمور زيادة
Date: 01-07-2009, 08:10 AM
Parent: #98
Quote: حمور .. ان شاء الله يصدقوا ليك بمكتبة
غايتو بوستيك بستحق .. وكسير التلج بنجح
عقبال ما استلم الفيلا .. |
آميييييين يا صالح
لكن ..
| Quote: ياخى شطرنا عديل كدا .. |
يعني عمل ليكم شنو بالضبط كده ؟
|
Post: #104
Title: Re: لاقيت ليكم بكري ابو بكر ... !!!
Author: انعام حيمورة
Date: 01-07-2009, 08:12 AM
Parent: #98
حمور ..
شكرا لاتصالك ومتابعتك ..
وشفت الراجل دا كيف يستاهل بوستك دا وانا بدوري بقدمه ليه في طبق من دهب ..
وطالما بكري معانا ما همانا
|
Post: #105
Title: Re: لاقيت ليكم بكري ابو بكر ... !!!
Author: حمور زيادة
Date: 01-07-2009, 08:16 AM
Parent: #104
Quote: وشفت الراجل دا كيف يستاهل بوستك دا وانا بدوري بقدمه ليه في طبق من دهب ..
|
هع ..
هلا هلا
ده الكلام ..
بت حيمورة و العودة
ــــــــ
لمن الجماعة يقعدوا معاك قعدة اخ مع اخوه ، صديق مع صديقو ، مواطن شريف مع مواطن شريف زيو قولي ليهم الطرطور ما حقي حق الهكر .. بيصدقوك
|
Post: #107
Title: Re: لاقيت ليكم بكري ابو بكر ... !!!
Author: انعام حيمورة
Date: 01-07-2009, 08:26 AM
Parent: #105
الله يستر !!
|
Post: #103
Title: Re: لاقيت ليكم بكري ابو بكر ... !!!
Author: osman righeem
Date: 01-07-2009, 08:11 AM
Parent: #1
Quote: ليه زمان التلفزيون نصو مواد المانية ؟
الدوري الالماني
تليماتش
زيو ون ( المجلة العلمية )
حاجه غريبة فعلا |
محطة التلفزيون السوداني تبرعت بها حكومة المانيا(الاتحادية سابقا)
في أواخر الخمسينات
و كانت تدعمه بالبرامج و التدريب للعنصر البشري
|
Post: #106
Title: Re: لاقيت ليكم بكري ابو بكر ... !!!
Author: حمور زيادة
Date: 01-07-2009, 08:18 AM
Parent: #103
Quote: محطة التلفزيون السوداني تبرعت بها حكومة المانيا(الاتحادية سابقا)
في أواخر الخمسينات
و كانت تدعمه بالبرامج و التدريب للعنصر البشري |
الشقيق القديم شديد عثمان ..
دي ياها المحطة الأولى بتاعة عبود الختو ليها التلفزيونات في الحدايق ديك ؟
يعني الالمان اولاد الحلال ديل كانوا بيمدونا بالمواد اكتر من عشرين سنة ؟
شي عجيب و الله
ـــــــــ
البث كان اخر الخمسينيات وله اول الستينيات ؟
|
|