Post: #1 Title: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-09-2007, 08:59 PM Parent: #0
السكر في السودان ليهو تقاليد وعادات بيعرفوها السودانيين لوحدهم ، وبعيدأً عن الجلد وحد السكر او الجلبة الحايثيرها كلامي حول السكر وشراب الخمرة بشكل مباشر ، عندنا الشراب بيسموه قعدة ، تلقي الواحد يقول ليك - - عندنا قعدة بالفنان الفلاني - او - كنا مساهرين في قعدة للصباح ، - يعني نحن الناس الوحيدين في العالم الشراب عندنا مربوط بالقعاد ولمة ناس بيصطفوا بعضهم البعض ، وفي اللمة غالباً بيكون في ناس ما بيسكروا أي ما بيشربو الخمرة لكن بيدفعوا عدلهم، أي مساهمتهم، زي الناس البشربوا ، و مرات بتكون القعدة وتنظيمها عليهم و ديل عادة يقع عليهم توزيع الناس بعد نهاية القعدة او توصيل الما بيقدر يصل لوحده ، عموما القعدات في السودان تفاصيها متشابهة و انا ما عايز اغرق في التفاصيل لكن السبب الخلاني أنزل بوست بالشكل ده ، لأنه، فعلاً ،مرات البورد ده فيه بوسطات بتذكرني، الليل الهادي، اقصد القعدات خاصة لم الخمرة تداعب الرؤؤس. فالناس في هذه القعدات بينقسموا لنوعين نوع يلم قيك نبذ وشتايم ويفتش أي كلام عشان الشكلة تدور و برضو ما بتدور لأنه دائماً زي ما قلت قبيل انه في ناس بيحبوا القعدات لكن ما بشربوا فبتقع على عاتقهم مسؤلية درء المشاكل و حفظ الأمن لحدي ما القعدة تفرتق ، والنوع الأول ده اهون من النوع التاني . النوع التاني و ده ، النوع الصعب ، يقوم يتلحك شكر لحدي ما القعدة تفرتق من كترت الشكر - علي الطلاق إنت أحسن زول أنا لقيتو في حياتي - _ والله الكرم عندكم و انتو اصحاب الشهامة ... أنتو؟ أفو ... قلت شنو؟ "يبزغ السفة" - لا دقيقة يا اخوانا خلوني اخلص كلامي ، مش دي فرصتي ؟ و بعدين ياأخي الراجل الطيب ده ما تفوتو كاسو .. وانا ذاتي قبل شوية مش قلت ليكم أم عصام دي أحسن مرة الله خلقا في الحلة دي ، "ده طبعاً لمن المزة تجي داخلة بالصحن الكبير" -دقيقة يا....... ما تقدنا بالنقة التحت تحت دي ، كان فوتوك كاسك على الطلاق تشيل كاسي ده....... يا اخي إنت قايل نفسك هين ده احسن فنان انا سمعتو في حياتي .................................. ..................................... ......................................... ........................................... ............................................ .................................... - و يواصل في الشكر واي زول في القعدة بيلقي نصيبو من الشكر ، وطبعاً طالما المسألة شكر ما ممكن يكون في حجاز و ما في زول بيقدر يتدخل و الشكر يستمر لحدي ما يدور شكر في نفسو - - الفينا مشهودة - - ونحن فوق عزنا قبائل ما بتهزنا - _جيلي أنا جيل البطولات والإستقلال ويا بهية و عرس مافي ، اقصد، حرب مافي - _ لحدي خير امة في افرقيا والعالم العربي والغربي . - أها يا اخونا المنبر ده فيهو النوعين ديل نوع يلموا في بعضهم شكر لحدي ما حماد يفتر و يقول - _ يا اخواناااااااااااااااااااااااااااااااااااااااااااااا باقي الشكر أدوهو للخيل ولا سودانير اول خطوط جوية في أفريقيا - و نوع يلموا في بعض شكل و شتائم بسبب ومن غير سبب لحدي ما الناس المابشربوا يتفرجوا، اقصد، يتدخلوا ، و طبعاً ديل غالباً ما بيكونوا بكري او واحد من الناس النفسهم طويل في الحوار الموضوعي . ويقولوا - _ يا اخي فلان ده تاني ما تدوا .. خلاص كفاهو كده - وهم قلة بتدخلوا بشكل قليل و لو طرف السوط لحقهم بينسحبوا يا من البوست او من القعدة كلها و يقوموا يمشوا يقعدوا مع ناس سودان فور أول لأنها قعدة صفوة من المثقفين ما اي زول بيتعزم . وبكري لأنه القعدة في بيتو و ما في طريقة يمشي قعدة تانية يقوم يشيل الزول و يغطس ليك راسو في حوض الماسورة لحدي ما تفك ويجيبوا راجع واعي عشان يبدأ من جديد والتوبة علي كيف الزول. - نواصل ونعدل إذا لزم التهديد و يا اخونا انا لسه جديد و بيتي طرف ، يعني براحة علي، و مرات بسرعة بقول الروب و برفع الراية البنية خاصة لو الحرامية إتلخبتوا مع إي قوات نظامية او غير نظامية. و جاي و جاي و جاي كلو عندو دين كلو عندورأي نعود بعد قليل لو فضل فيها قليل إسماعيل خلوني اطلع السفة دي و اجي
Post: #2 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-09-2007, 10:02 PM Parent: #1
الكوماندر عبد الباقي محمد مختار
والقاص المسرحي "بقة"
بقة دي طبعا ما علي
وزن القعدة ...
اول حاجة ...
تعملا انك تقوم
تعدل السطور الطويلة
دي وتخليها كاسات
نتشة ..
زي حلاتي دي ..عشان الناس
تقرا ..
وبعداك انا من القعدة
دي مامارق
وعازم معاى زول عارفو
هسة بشم الريحة
براهو..
اوعك من بقيت تشكر فيني
كدة انت سكرت ..
هسة عليك الله السكران
منو...
انا ولّ انت ..ولو اتغلتنا
بطلع زي الدبيب
مع الضب لمن كانو متشارطين
وعايزين يشوفو منو البسكر
الدبيب قال:
- والله انا ماسكران
وفد قام ماشي دوغرررري
وكان مفروض يتلولو.
جاييييييك
Post: #289 Title: Re: أسف ، لكن البورد ده مرات بيذكرني قعدات السكر Author: arif elsawi Date: 03-29-2007, 07:34 PM Parent: #2
****
Post: #309 Title: Re: أسف ، لكن البورد ده مرات بيذكرني قعدات السكر Author: محمد المختار الزيادى Date: 04-12-2007, 03:27 PM Parent: #2
شباب انتو خاشين ولا بره
Post: #3 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-09-2007, 10:08 PM Parent: #1
القعدة بنقعدا الا شغل المنبر ده ما بنعرفوا يا حبة .. قصدي يا بقه
Post: #4 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-09-2007, 10:16 PM Parent: #3
القعدة بنقعدا الا شغل المنبر ده ما بنعرفوا يا حبة .. قصدي يا بقه
انا عارفك بتجي ..!!!
ـــــــــــــ
انت قاري كويس والله انا سكرت
Post: #6 Title: Re: أسف ، لكن البورد ده مرات بيذكرني قعدات السكر Author: عبدالله شمس الدين مصطفى Date: 03-09-2007, 10:23 PM Parent: #4
هِق ..هِق..هِق
يا جماعة الزيادة كيف ؟؟؟
Post: #5 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-09-2007, 10:20 PM Parent: #1
انا مشحشح
Post: #8 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-09-2007, 10:27 PM Parent: #5
Quote: انا مشحشح
ها ها ههها
انا غايتو اكون بقرا في السطر وماشي
معاو لحدي ما ادق في الحيطة..
هسة جبهتي دي كلها ماشة
حاجة حارة كدة...
ــــــــــــــــ
كيب مالتوصل اخوك
Post: #7 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-09-2007, 10:25 PM Parent: #1
Quote: يا جماعة الزيادة كيف ؟؟؟
اوكي بس عليك الله ما تجيبوها لينا من المراه دي
ياااخ زي المحروق كده .. هق هق هق
Post: #9 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-09-2007, 10:30 PM Parent: #7
Quote: يا جماعة الزيادة كيف ؟؟؟
انا غايتو
باص...!!!
ــــــــــــــــــــــــ لكن والله جنس خستكة
Post: #10 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-09-2007, 10:57 PM Parent: #9
يا نعوم تحياتي و سعيد بمرورك
Quote: اول حاجة ...
تعملا انك تقوم
تعدل السطور الطويلة
دي وتخليها كاسات
نتشة ..
اها الكاسات قصرناها وبقت جلابية انصار سنة و لا باب حمام قديم
Quote: القعدة بنقعدا الا شغل المنبر ده ما بنعرفوا يا حبة .. قصدي يا بقه
سلامات يا منعم لو بتقعدا اقعد في البنبر الجنبك ده و اكل ليك مرارة
Quote: هِق ..هِق..هِق
يا جماعة الزيادة كيف ؟؟؟
لا زيادة في زمن الركشات و الكشات وعم الزين قالوا لو ناسك وين قالوا لو ناسك كم قال ليهم عشرة ونقد في العمارات و قتل لناس الأمن الدش في يدهم تستموا والقعدة مستمرة للصباح لو ما طفروا علينا زوار الليل وهادمي المزات
Post: #13 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-09-2007, 11:37 PM Parent: #10
Quote: تسموا والقعدة مستمرة للصباح لو طفروا علينا زوار الليل وهادمي المزات
انا شايفهم يتحاومو برة
لكن مافي زول شغال بهم الشغلة..
اها الا بلا ...نرجع
للموضوع الاساسي
البورد = او بذكر قعدات السكر
ياخي السودان دة كلو بقى قعدة كبيرة
هسة البسو فيهو ناس الانتباهة
ديل ما بخلي الزول
يصاقر كاسو؟
اما البورد بمثابة تيرموميتر
او طربيزة رملة
تقريك موقعك من المعركة وين
طبعا دي بلغة الميدان
والكوماج...
الواقع دة بي شكلو ومشاتراتو
دي يظل الصوت المتفرد لاحساس
المواطن العادي ...وموقفو من مسائل
كتيرة ، مسائل متعلقة بي وجودو
المأزوم بي ميديا الصراع الثقافي
الواقع بين طبول الغابة الهادرة
وايقاع الصحراء الطاغي ..وبينهما
سافانا متفرقة محتاجة تعرف نفسها
وتقطع المسافة بين شجرة وشجرة
عشان تكون في بوتقة لي شخصية سودانية
يعني زي احساسك انت هسة قاعد في مدينة
بالنسبة ليك وفرت شرطك الموضوعي النسبي
وتحصلت علي مقاربة آنية بين ماتحسه انت
وبين مايحسه انسان في المسافة بين القبولاب
واوسلي ..كانسان يعي صحراويته ويعتز بي
بداوته التي لا يعرف عنها اكثر من بعيرة
الذي يوفر له الماء علي مدي مسيرة
تلاتة ايام ...وانت الان تطل علي بحر الجبل
والسماء من حولك تجود بسائلها مثل مريض السكري
لكنك تعاني وضعا آخرا ..ذلك التربص الذي لا تأمن
غدارته بين هنة وأخاها ...شايف كيف
حال البورد ...كما وصفته تماما
قعدة ...لكنها صورة للواقع ..
المهم يازول الكلام كتير
بجيهو راجع كان ماسكرت.
منعم ابراهيم
Post: #11 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-09-2007, 11:01 PM Parent: #1
Quote: وهادمي المزات
الموت هادم اللذات
و(ما يسمي النظام العام) هادم المزات
Post: #12 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-09-2007, 11:15 PM Parent: #1
فعلاً هادمي المزات و النظام العام بالذات......... يا أخي بفتش لي في دعوة كدة كان امي ربنا يطول عمرها بتداعي بيها ناس الأمن زمن نميري لم تسمع إنهم مسكوا ليهم واحد من حينا قول معاي كدي زي يمسكن الضريب وشنو كده ما عارف دقيقة ندي الحلة طلة شامي لي ريحة حريق وراجع
Post: #14 Title: Re: أسف ، لكن البورد ده مرات بيذكرني قعدات السكر Author: محى الدين ابكر سليمان Date: 03-09-2007, 11:40 PM Parent: #12
البوست لذيذ والشبه كبير بين المنبر وقعدات السكر, لكن فى قعدات مرات بتلحا زول جنو بكا, خصوصا فى الهبشة قبل الاخيرة للنافوخ, فى القعدات الزى دى طوالى فى ناس بقولو يا جماعة انا اتاخرت على البيت والولية اليومين دى مزرقنة حبة, و ما بنسى انو يغشى... " دى بتشبه بعض الحجازين فى المنبر وكت يفشلو فى تقريب وجهات النظر"
Post: #15 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-09-2007, 11:42 PM Parent: #1
Quote: حال البورد ...كما وصفته تماما
قعدة ...لكنها
لكنها بدون حله
Post: #16 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-09-2007, 11:44 PM Parent: #1
يا بقة .. يا منعم كبو للزول ده كاس
محي الدين ده جا هســع
..
اي طويل بالله
Post: #17 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-09-2007, 11:55 PM Parent: #16
Quote: يمسكن الضريب وشنو كده ما عارف دقيقة ندي الحلة طلة شامي لي ريحة حريق
يمسكك الضريب
شقاق العناقريب ؟
يازول انت سكرت دي ريحة الحلة
ولّ كماج بي غادي!!!؟
Post: #18 Title: Re: أسف ، لكن البورد ده مرات بيذكرني قعدات السكر Author: عبدالله شمس الدين مصطفى Date: 03-10-2007, 00:25 AM Parent: #17
فى مرة أصرّ أحد الأصدقاء على الزيادة لكن كلباً عقره فى طريق العودة ، و كان المصل وقتها أندر من أسنان الدجاج فكان صديقى يرد على كل من يسأله عن " إنت الكلب ده لقاك وين ؟؟"
" والله عضانى كلب الزيادة " ، و بالطبع يسمعها البعض "عضانى كلب ناس زيادة " !!!!!!!!!
Post: #19 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-10-2007, 00:28 AM Parent: #17
البوست لذيذ والشبه كبير بين المنبر وقعدات السكر, لكن فى قعدات مرات بتلحا زول جنو بكا, خصوصا فى الهبشة قبل الاخيرة للنافوخ, فى القعدات الزى دى طوالى فى ناس بقولو يا جماعة انا اتاخرت على البيت والولية اليومين دى مزرقنة حبة, و ما بنسى انو يغشى قوية دي مرات الواحد لم يطشم بينسى إنه حكي الحكاية دي قبل كة يقوم تاني يكررها [....... أو هكذا لملم شاطئيه ورحل.. قصة قديمة يا يحي فضل الله
Post: #20 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-10-2007, 00:51 AM Parent: #19
ها ها ههها
انا غايتو اكون بقرا في السطر وماشي
معاو لحدي ما ادق في الحيطة..
هسة جبهتي دي كلها ماشة
حاجة حارة كدة... ما يهو ده المقصود ، من أجل دنيا بلا جبهة
Post: #21 Title: Re: أسف ، لكن البورد ده مرات بيذكرني قعدات السكر Author: محى الدين ابكر سليمان Date: 03-10-2007, 00:53 AM Parent: #16
Quote: يا بقة .. يا منعم كبو للزول ده كاس
محي الدين ده جا هســع
..
اي طويل بالله
يا منعم سليمان ايام الشباب والعافية فى واحد صاحبناحوض رملة كان بيتجنبنى وكت اجيب معاى النيفة, الجماعة كلهم بيقولو باص الا اخوك, بردد ماْثور دارفورى بيقول" كاسى كان نموت نحسى, وكان متا, ادفنو قبال راسى", الراجل مرة زهج من شح الغلة والحاحى فى نصيبى كاملا, قال لى بغيظ: كرهتونا السياسة والسكر يا غرابة, كوزكم بسيختو وسكاريكم بنيفتو, يعنى نخلى ليكم البلد ولا شنو!!! ناول يا حبة...كان نموت نحسى.
Post: #24 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-10-2007, 01:07 AM Parent: #21
و بعدين يقولوا ليك ديل أولاد كاس وهنانقول ده ود بوسطي و لا اولادبوست واحد لأني خفت من كلمة بوستي و بوستي ربك يااخوانانمشي و بكرة بدري ، الولية مجنناني بالمس كولات، باقي الكوارع دخلوا التلاجة و ابقوا 11على الكاسات أقصد البوستات
Post: #22 Title: Re: أسف ، لكن البورد ده مرات بيذكرني قعدات السكر Author: طارق جبريل Date: 03-10-2007, 00:56 AM Parent: #1
على سبيل التحية
Post: #23 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 01:03 AM Parent: #1
Quote: كرهتونا السياسة والسكر يا غرابة, كوزكم بسيختو وسكاريكم بنيفتو, يعنى نخلى ليكم البلد ولا شنو
قبل شهرين 3عزمت صحبي اعلامي كبير ع شباب كده اصحابي مهندسين صغار شباب يعني .. المهم اول مرة اسكر
انا ذاتي مع الزول ده المهم الشباب من العصر اخر استعداد وفلان جاي والديمقراطية وما عارف شنو
والجبهة الديمقراطية .. المهم اخر استعدادات وصلت مع زولي الاعلامي الكبير والجماعة اتاريهم مشوا
جابو السنة من الفتيحاب يعني اقوي سنة وكده والمزة من وين كده .. عمك الاعلامي اول كاس وتاني كاس قاعد يطرش ش ش
الشباب عاينو كده وواحد جراني كده وقال لي بالله قول ليه انحنا نطرش هيكل ذااااتو
بلا اعلام بلا ديمقراطية سكر ما بتقدرو عليهو عايزين تجيبو لينا الديمقراطية
Post: #25 Title: Re: أسف ، لكن البورد ده مرات بيذكرني قعدات السكر Author: عبدالله شمس الدين مصطفى Date: 03-10-2007, 01:08 AM Parent: #23
Quote: بلا اعلام بلا ديمقراطية سكر ما بتقدرو عليهو عايزين تجيبو لينا الديمقراطية
.
و قد يقول البعض :- هو ديمقراطية من غير سكر دايرين بيها شنو ؟؟.
الزيادة كيف ؟؟؟
Post: #26 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 01:18 AM Parent: #1
كب يا عبدالله
بااااص شنو كب يااااخ
Post: #27 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-10-2007, 01:34 AM Parent: #26
طارق شكراً على المتاوقة بس كان تشيل ليك قطعة جبنة مزة وكدة تحياتي يا عبدالله ولي بكرة سلام منعم ومنعم و حكاية بتاعة زول طاشم ، طاشم صديق فركة قصة.........تاني وأظني حوصت شوية أجي أنزل لي لينك القي نفسي نزلت لينك تاني
Post: #28 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-10-2007, 01:49 AM Parent: #27
Post: #31 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 02:15 AM Parent: #1
يا بقة
محححححم مححححح محمممممد ده ما كبببيتو ا ليهو
كب لمحمد ياااا بقة
Post: #32 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-10-2007, 02:40 AM Parent: #31
بالله شوف الناس
نايمة كيف انحنا قبييييل
لما بنقول باص ما عشان
الجهجه دي ...
حلتكم مااكلتوها ...
Post: #33 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-10-2007, 02:48 AM Parent: #32
الجن ما ختا
قزاز افكارو بدون الجن ما ختا
قزاز افكارو بدون
كاسات
في قعدة قوية..
الجن عاقل ونجيض
بس علا حروف
الكلكي النية..
يابنية هدتلي
العافية عشان اتمدد
بين أهدابا
وشبكة عين
كحلية ..
من دغش احلام
وردية ..
لي ضل مرصوف
بي ريحة بن
عصرية..
Post: #34 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 05:25 AM Parent: #1
الجماعة ديل سكروا ونامو وللا شنو
___
حضرنا ولم نجدكم
منعم
Post: #35 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 03-10-2007, 05:35 AM Parent: #1
يا جماعة اولا السلام وجيتكم لكن القعدة قاجة والشباب مولع لكن اعملوا حسابكم من منعم بيجو دة بدور شكلة من الكأس التاني يابقة الزول من يشترك في المنبر يلقي قعدة قدامو
Post: #36 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 05:40 AM Parent: #1
Quote: يا جماعة اولا السلام وجيتكم لكن القعدة قاجة والشباب مولع لكن اعملوا حسابكم من منعم بيجو دة بدور شكلة من الكأس التاني يابقة الزول من يشترك في المنبر يلقي قعدة قدامو
شنو يا مصطفي ياااخ
ما تطلع اسرارنا لناس القعدة ديل
وللا عشان خلاااس بقيت من ناس البلو ليبل وخليتنا للسجم ده
مانشستر كيف يا سري ؟
علاء بقا يقعد
محبتي
منعم
Post: #42 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 03-10-2007, 06:05 AM Parent: #36
يا منعم ما في فضيحة ديل حتي ناس النظام العام عارفين قصتك مشتاقين يارجل وشافيك قادل اعجبني جدا نقلك للمقال الرصين للاستاذ الحاج وراق ابلغه تحياتي وانا علمت انه جاء الي بريطانيا لكن للاسف عقب مغادرته وطبعا الفرصة الجميلة دي اعطاني لها الاخ بكري ابو بكر ودي ما زي ماقال بقة قصة السكورجية اللي جنهم شكير قلت لي علاء قعد في بنبر سلامي له وفك ليهو اميتو التكنولوجية والله تعرف الدنيا دي مش المنبر كلها قعدة كبيرة لكن ما تعرف الكأس بي يبدأ من وين خاصة ناس الخرخرة
Post: #37 Title: Re: أسف ، لكن البورد ده مرات بيذكرني قعدات السكر Author: celecon Date: 03-10-2007, 05:41 AM Parent: #1
ريحتكم بس ........... ده شنو ...!!!
الجماعة سنتهم قطعت مشوا يلتقوها من الفتيحاب بس اوعه من الـ....راش ، قاعدين من بدرى شايفكم ..!!
Post: #38 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 05:44 AM Parent: #1
Post: #39 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-10-2007, 05:58 AM Parent: #38
Quote: يا جماعة اولا السلام وجيتكم لكن القعدة قاجة والشباب مولع لكن اعملوا حسابكم من منعم بيجو دة بدور شكلة من الكأس التاني يابقة الزول من يشترك في المنبر يلقي قعدة قدامو
انت قعدة مابتفوتك ياخي؟
نحنا هسة قلنا الرحلة اتأجلت..
لك التحية يامصطفي سري
انا حاسي اني بعرفك دة ما كلام سكر
كدي اقعد بي جاي ..
لغاية ما بقة دة يجيب الزيادة
مرحبابك
مفوض يامنعم تفتح بوست ترحيب
Post: #44 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 03-10-2007, 06:11 AM Parent: #39
يا منعم الحاج انت زول مسرح وانا صديق للمسرحيين امسك من بقة والمرحوم الصديق مجدي النور ومنعم شوف ( اوع تكون انت منعم شوف لاني لاقيته في لندن في رأس السنة تكون غيرت اسمك لاني عارف انو اسمه منعم ابراهيم وبث ) وصديق للمخرج ماهر الحنون وامير عبدالله في حتات تانية وصوصل في امور تانية يعرفها بقة وتاني شنو
Post: #47 Title: Re: أسف ، لكن البورد ده مرات بيذكرني قعدات السكر Author: بدر الدين الأمير Date: 03-10-2007, 06:14 AM Parent: #38
بصحتكم جميعا ارفع كأسى وبعدين انتو ليه: نشوة الكاس الاول مابتتكر فى باقى الكاسات؟ وثانيا ليه العرقى بيشرب بكاس واحد فقط ثالثلا ليه فى السكر الافرنجى يعنى وسكى وفودكا وبيرة وواين وولخ لازم حين يرفعوا الكاسات يطقوهاببعضها وتسمع تك رن ثم يبدأ الشرب؟ رابعا ليه جلسات الشراب السودانية ذكورية فقط
Post: #46 Title: Re: أسف ، لكن البورد ده مرات بيذكرني قعدات السكر Author: celecon Date: 03-10-2007, 06:13 AM Parent: #1
بتاع لندن ده متعود على النضيف ... داير تديه بتاع الفتيحاب .... عايزو يعزف بتهوفن مالك ...!!!
________________________ الف مرحب بالاستاذ مصطفى ونتمنى طيب الاقامة ...
Post: #48 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 06:17 AM Parent: #1
Quote: يا اخوان دوري ما جا
اوووووه بكري ظااااتو بقعد
ما قلنا ليكم من زمااان ما مصدقننا
يالله يا منعم ب ناول بكري ياااخ
___
Quote: بتاع لندن ده متعود على النضيف ... داير تديه بتاع الفتيحاب ..
نضيف شنو مش مصطفي ده والله ده صحبي كوم رملة بث
دا بتااااع كريستال بلح
اسالني انا يا سيليكون
Post: #50 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 06:20 AM Parent: #1
طيب ادي بكري ده
اصلا جنو ملح وللا يوم دفع شيرينغ
ناولو ياااخ
بس اكسرو ليهو بموية يا منعم ب
Post: #55 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-10-2007, 06:31 AM Parent: #50
Quote: اوووووه بكري ظااااتو بقعد
ما قلنا ليكم من زمااان ما مصدقننا
يالله يا منعم ب ناول بكري ياااخ
انا خايفو ينقل القعدة علي الخور
ياخوانا دي قعدة ترحيب بصديقي
عبد الباقي محمد مختار
وصديق منعم الف
مصطفي سري الجاي من لندن
هسة الخلاك انت أ وانا ب شنو؟
هسة البي دي ما لايقة مع "بيجو"
Post: #57 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 03-10-2007, 06:35 AM Parent: #50
انت يا منعم بتاع حركات اولا انا اللي عزمتا بكري ابوبكر كنا بنتكلم ع الهاتف شنو ليك سيد الحوش صحبي يعني جايكم زولا تقيل انت بقة زيادتو من وين اوع يكونو كشوه او قام بالقصة كلها غايتو انا عامل حسابي منعم الحاج ما رديت وشكرا سيلكون علي العزومة ماشي الحمام وجاي ويا بيجو شافيك بتشل كأس فاضي واديهو وين
Post: #88 Title: Re: أسف ، لكن البورد ده مرات بيذكرني قعدات السكر Author: NEWSUDANI Date: 03-10-2007, 03:49 PM Parent: #57
العزيز مصطفى سري والله أنا قلت القعدة دي ح تفوتك لكن حصانك جراي-كالعادة- ،، طبعا في لندن أوع من بتاعين الميني كاب وبالذات لو جاي من نيروبي تحياتي
Post: #51 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 06:23 AM Parent: #1
Quote: بصحتكم جميعا ارفع كأسى وبعدين انتو ليه: نشوة الكاس الاول مابتتكر فى باقى الكاسات؟ وثانيا ليه العرقى بيشرب بكاس واحد فقط ثالثلا ليه فى السكر الافرنجى يعنى وسكى وفودكا وبيرة وواين وولخ لازم حين يرفعوا الكاسات يطقوهاببعضها وتسمع تك رن ثم يبدأ الشرب؟ رابعا ليه جلسات الشراب السودانية ذكورية فقط
Post: #52 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 06:27 AM Parent: #1
يا مصطفي شوف رجاء العباسي قبضتك بالثابته فضحتنا ياااخ
Quote: عبدالمنعم سلام
ما دام البوست حيتحذف.. خليني أقول لصاحبي مصطفى يا كفي البلا من ما جيت توووووش على بوست القعدة بتاع عبدالباقي..
إزيك يا مصطفى
يا جماعة قلنا ليكم وطو صوتكم جيرانا عوائل ياااخ
كب
Post: #61 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 03-10-2007, 06:48 AM Parent: #52
انت النسوان البيدخلهم حوش الرجال شنو وللا عشان 8 مارس حقو يسموها 8 مارثون ازيك بت العباسي اصلا الزول اللا يجيكم طاشم حتا تعرفهو لقيت الاميل بتاعك ضلالي يعني انت من زمن البنات اللي تدي التلفون غلط متين ستحضرين الي لندن انا في مانشستر وهاتفي عند منعم وبقة وبكري ابو بكر وما داير اوزعو يقومو يجوني الويك اند الجاي والبيت صغير وما بحب ناس العرقي سلامي ونتلاقي يا جماعة بقة وين انا اصلا عارفو بتاع زوغانات وتلقاهو هناك في كلولو ديسكو جوبا وللا في مانقو بقة يا خيانات
Post: #53 Title: Re: أسف ، لكن البورد ده مرات بيذكرني قعدات السكر Author: celecon Date: 03-10-2007, 06:28 AM Parent: #1
Post: #58 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 06:36 AM Parent: #1
Quote: هسة الخلاك انت أ وانا ب شنو؟
يا منعم ياااخ انت داير مشاكل وللا شنو
ياااخ انا ا وانت ب لاني قبضت الحرامي ياااخ
Post: #59 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-10-2007, 06:45 AM Parent: #58
ياجماعة ادونا بقة.. ولو ادتوني بقة ممكن انادي ليكم اسرع زول في العالم بجيب زيادة (راشد كرشة)
Post: #60 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-10-2007, 06:46 AM Parent: #58
Quote: يا منعم الحاج انت زول مسرح وانا صديق للمسرحيين امسك من بقة والمرحوم الصديق مجدي النور ومنعم شوف ( اوع تكون انت منعم شوف لاني لاقيته في لندن في رأس السنة تكون غيرت اسمك لاني عارف انو اسمه منعم ابراهيم وبث ) وصديق للمخرج ماهر الحنون وامير عبدالله في حتات تانية وصوصل في امور تانية يعرفها بقة وتاني شنو
منعمشوف اسمو
عبد المنعم ابراهيم الحاج
وانا عبد المنعم ابراهيم الحاج
تصدق ؟
بس نحنا اتلاقينا في مصوع
او اسمرا مافاكر بالضبط كدة ..
التحية لمنعم شوف هو عضو
في المنبر لكن بظهر في الشدايد
برضو زميل وصديق
المهم ناكد معرفتنا تاني
Post: #63 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-10-2007, 06:51 AM Parent: #60
Quote: الزووول البشرب النضيف ده انا شايفو وين
وين
وين
يا ربي
يا الاخو انت كاسترو وللا طارق عزيز
كب ياااخ
تقوقلو هسة يطلع
بدر الدين الامير
ــــــــــــــــــــ
شايف كيكي وصل
Post: #67 Title: Re: أسف ، لكن البورد ده مرات بيذكرني قعدات السكر Author: بدر الدين الأمير Date: 03-10-2007, 07:01 AM Parent: #60
يا اخونا انا اتلخبت معاى الدفع من المادفع ومش عارف انا سكرت وله سكرتونى المهم شايف بكرى ابوبكر ومعاهو JoHNNIEWALKR
Post: #62 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 06:50 AM Parent: #1
Quote: ياجماعة ادونا بقة..
والله حيرتنا يا كيكي
ما عرفنا هسع نديك من الكريستال وللا نديك عبدالباقي (بقه) سيد القعدة
___
يا منعم عرفنا صديق .. زميل معناها شنو ؟
Post: #66 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-10-2007, 07:00 AM Parent: #62
Quote: زميل
انت شايفني ملونة بالاحمر؟
Post: #64 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 06:54 AM Parent: #1
Quote: والبيت صغير وما بحب ناس العرقي سلامي
العرقي مالو يا مصطفي عيبوا لي ؟
بعدين شنو يعني عشان بخليك تطرش
ما عادي ياااخ كلنا طاشمين وطارشين
Post: #65 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 06:56 AM Parent: #1
Quote: تقوقلو هسة يطلع
بدر الدين الامير
والله يا منعم الزول ده ما مضمون
تقوقلو كماان يطلع اسمو نفيسة
Post: #69 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-10-2007, 07:08 AM Parent: #65
Quote: والله يا منعم الزول ده ما مضمون
تقوقلو كماان يطلع اسمو نفيسة
انت سمرت ولّ شنو؟
في نفيسة بتشرب
هافانا
Post: #68 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 07:04 AM Parent: #1
Quote: انت شايفني ملونة بالاحمر؟
انا شااايف حاااجة سكراااان ياااخ
_____
ود الامير
Quote: يا اخونا انا اتلخبت معاى الدفع من المادفع ومش عارف انا سكرت وله سكرتونى المهم شايف بكرى ابوبكر ومعاهو JoHNNIEWALKR
كداااب والله الزول اب صلعة ده بالذات جنو ملح
جننا ذاتوووياااخ
كب يا بقة
Post: #70 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 07:13 AM Parent: #1
Quote: في نفيسة بتشرب
هافانا
والله اتلخبط ياااخ ده من السيجاره
يا جماعة المولع بنقو يطلع ياااخ
صحي اتذكرت ما نفيسة عائشة
Post: #71 Title: Re: أسف ، لكن البورد ده مرات بيذكرني قعدات السكر Author: Eng. Mohammed al sayed Date: 03-10-2007, 07:14 AM Parent: #1
............................................................................ كان عرفوا* بالبوست هيلك بفتوا لينا فى جلسة السايبر
Post: #72 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 07:18 AM Parent: #1
خلاس كب لهندسة يا منعم ب
Post: #73 Title: Re: أسف ، لكن البورد ده مرات بيذكرني قعدات السكر Author: بكرى ابوبكر Date: 03-10-2007, 07:27 AM Parent: #72
رايكم شنو تكملوا القعدة دى فى الخور بعد اذن الكومندا عبد الباقى
Post: #74 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 07:28 AM Parent: #1
Quote: رايكم شنو تكملوا القعدة دى فى الخور بعد اذن الكومندا عبد الباقى
شنو يا هندسة انت سكرت وللا شنو
ما بدري ياااخ
Post: #75 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-10-2007, 07:36 AM Parent: #74
Quote: رايكم شنو تكملوا القعدة دى فى الخور بعد اذن الكومندا عبد الباقى
اها ما قلنالكم الزول دة
الزول دة بجيب خبركم
ــــــــــــــــــــــــــــــ
اها ياخوانا متخارج
Post: #77 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-10-2007, 07:37 AM Parent: #74
Quote: شنو يا هندسة انت سكرت وللا شنو
ما بدري ياااخ
يا زول انا بقة ذاتها ما داير صنفكم ده الظاهر عليهو ابوكديس القصة دي جابت ليها كلبشششششات..
Post: #76 Title: Re: أسف ، لكن البورد ده مرات بيذكرني قعدات السكر Author: Hisham Osman Date: 03-10-2007, 07:37 AM Parent: #1
since you have Bakery the landlord him self here I think it should be named SudaneseOfflisence the Offliesnces is the stores which sells wesky and beer in Ireland
Post: #78 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 07:41 AM Parent: #1
يا كيكي دي حركات النظام العام ذااااتها
الواحد يسكر معاااك ويبلغ عنك
ومنعم ب الجبان شرد من الكشة
____
هشام موافقين ع التسمية
ما يدوك كاس ياااخ
منعم ا
Post: #79 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-10-2007, 07:52 AM Parent: #78
Quote: يا كيكي دي حركات النظام العام ذااااتها
الواحد يسكر معاااك ويبلغ عنك
انت يا منعم البوديك تتطشم مع الضباط شنو ذاتتتتتو... يازول اتخارج احسن ليك ..حسع (ايمو) يقوقلك يلقاك @ الخور .بكري
Post: #80 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 07:55 AM Parent: #1
يااااخ انا عااارف يااااخ
انا قلت لمنعم ب الزول ده ما تعزموا لينا
من صلعتوا دي عرفتوا غداار
Post: #81 Title: Re: أسف ، لكن البورد ده مرات بيذكرني قعدات السكر Author: Yassir Tayfour Date: 03-10-2007, 08:20 AM Parent: #80
كووومرمت عبد الباقي ود مختار والله جهجهتني جنس جهجهة، لم جيتني بهناك أنا أقول ده ياتو عبد الباقي، إفتكرتك عبد الباقي ود حاج الأمين ياخ والله سودانيز أون لاين نورت وحا تتمرد قريب... ضربت ليك دشلومية مرة، مرات في رقم كينيا ومرات في رقم السودان ولكن مرات يجي جرس ومرات لا... يا عبد الباقي من ما سقيتنا (عصير) في الهيلتون آخر مرة شفناك، أنا عرفت الشريعة ح تكون قائمة لي يوم الدين غايتو إلا تسقينا (غير عصير) في بوستيك النكهة ده... والله كماندر، مشتاقون، ووين أراضيك! كينيا!، السودان!، ولا أمريكا!؟
كدي يا كومرت أديني شدة في الملكية ديل منعم ومنعم وكيكي! ______ تعليمات جديدة Don't drink and fight dismissed!! _________ والله يا كماندر بوستيك ناقص الحبوب
Post: #82 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-10-2007, 08:41 AM Parent: #81
كدي يا ياسر قبل ما تشدنا دقيقة عليك الله نوقف الكاسات دي شوية .. وانا من قبيل ارفع كاس وانزل كاس وسيد البوست ده عبدالباقي القادينا بيهو صلاح الامين وحاكي لينا زي دشليون قصة وقصة من ايام (اسمرا_ نيروبي).. وفعلا سودانيز اون لاين نورت والله وكراع الاسفير جيابة..و(ششير)... ... ودي مناسبة انو الواحد يطور البقة ويطالب بتحويلها الي كاس كبير ليهو ضل في الاحتفاء بعبد الباقي... ...................... ويا ياسر اعمل حسابك انا مدرب في كتيبة زعلان لكن قادي السلك سلك تا باقان
Post: #83 Title: Re: أسف ، لكن البورد ده مرات بيذكرني قعدات السكر Author: عبدالأله زمراوي Date: 03-10-2007, 10:29 AM Parent: #82
Quote: فى مرة أصرّ أحد الأصدقاء على الزيادة لكن كلباً عقره فى طريق العودة ، و كان المصل وقتها أندر من أسنان الدجاج فكان صديقى يرد على كل من يسأله عن " إنت الكلب ده لقاك وين ؟؟"
" والله عضانى كلب الزيادة " ، و بالطبع يسمعها البعض "عضانى كلب ناس زيادة " !!!!!!!!!
بالغت يا زميل!
أوع يا منعم سليمان قلت لي ناس المنبرقصة عضة كلب الجيران لشخصي المشعشع الأبدي ابان آخر زيادة نزولا على اصراركم العجيب على الزيادة!
يجازي محنكم!
أول مرة ألقى الناس الطاشين مني!
Post: #84 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-10-2007, 02:16 PM Parent: #83
Quote: كدي يا كومرت أديني شدة في الملكية ديل منعم ومنعم وكيكي!
خلا س طلعتونا ملكية
Quote: ومنعم وكيكي!
لكن انا يامان هسة برسلك جبل الشيخ، والله القرضة
ولّ بلاسيد، خور ملح،
تمرات ، تبة علي قدر
مكيت ، ربدة دي طبعا بتاعت القرون
الزينا....انت وين
محمد صالح ،سيف شريف،
ومرات
ومولانا ادريس دفع السيد،
الحسين، انا اتاريني
اقول الزول دة انا شايفو وين
اكيد مع معتز الفحل.
ــــــــــــــــــــ
برضو تقول لي ملكي
Post: #96 Title: Re: أسف ، لكن البورد ده مرات بيذكرني قعدات السكر Author: عبدالله شمس الدين مصطفى Date: 03-10-2007, 06:41 PM Parent: #83
عبد الإله زمراوى ، تحية .
والله منعم ما حكى لينا الحكاية أبداَ ، لكن معروف إنه الزيادة بتجيب يا كلب .... يا عسكرى .
بطل العضة مقيم فى هيوستين الان ، و تلقاه ميت من الضحك الان . دمت عزيزى زمراوى
Post: #85 Title: Re: أسف ، لكن البورد ده مرات بيذكرني قعدات السكر Author: Sabah Hussein Date: 03-10-2007, 02:40 PM Parent: #1
عبدلمنعم سليمان
حالتك مابتسكر شكلك كده فطموك بالمريسه
بكرى دا راسو خـفيف وصلوا البيت يامنعم ابراهيم
ازيك يابقه
ذكرتنى رحله استقبال البرالمه لمن كنت فى سـنه اولى
الرحله كانت فى مزرعه استاذ شـداد
وكان شـرطو لاسـكر لا دم يدخـل المزرعه
والشباب من دغش الرحمان وزنو الراس وجو
ايام عندى صور الرحله
Post: #86 Title: Re: أسف ، لكن البورد ده مرات بيذكرني قعدات السكر Author: bayan Date: 03-10-2007, 03:13 PM Parent: #85
يا عبد الباقي... انا اخرعت لي كشف سكر سايبري.
امشى في الخط دا يلا يازول كراع ورا كراع مالك بتتلولو كدا؟ يلا اهبش طرف نخرتك بيدك اوبس حاسب من العين
بعداك قول في الجهاز كه.. زول اضاف بيتكم بوين يا عنيا... كما عملنا تحذير للسكارى وهو لا تقربوا الكيبورد وانتم سكارى.. واسع بصدد معرفة منتوجات السكر البوردية خبرتني صديقتي الخبيرة في هذه الامور من تلقى 6 تعديلات فاكثر تعرف هذا حديث الليل الذي يمحوه النهار..
صبوحة يا ختى ان فلان وفلان ديل شايفاهم متلمين بس لمة حلة وغطايتها القصة شنو يادي... وفي ناس يا عبدالباقى ما عندهم ذرة احترام في الدم الفي كحولهم.. أجش يا ابو كومش بعدين جنى وجن الزول البكتب بخط ناعم كلام سمح كثير يبوظ علينا قدر عويناتنا..
Post: #87 Title: Re: أسف ، لكن البورد ده مرات بيذكرني قعدات السكر Author: Sabah Hussein Date: 03-10-2007, 03:30 PM Parent: #1
يابيان
والله شوفتا ليك ريسنا بترتع قبل مايدخل الحوش يظهر عليهو سـكر بالريحه
ساكت بعلم الله
ناس تشرب وناس تسكر باريحه ياكافى البلا
ياختى
وووب علينا انحنا الاتنين بس المقنبرين مع السكارى ديل
امورقاكى قبل ماالناس تجى تكشف حالنا
ويعملونا بنبارى القعدات كمان
Post: #89 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-10-2007, 04:08 PM Parent: #87
Quote: وووب علينا انحنا الاتنين بس المقنبرين مع السكارى ديل
امورقاكى قبل ماالناس تجى تكشف حالنا
ويعملونا بنبارى القعدات كمان
صباح وبيان خليكم قاعدين ما تمشوا الناس ديل نائمممين وما باقي لي بصحوا حسي منعم (ا) ذاتتتو جاتو قبضة ووديناهو الطواري بالليل وياهو داك الله يقرفوا (بستفرق) وبرجع بنوم تاني..(وبقول اااااه راسي).... انا طبعا صحيت بدري لاني قعدت معاهم (اي) لكن ما شربت اكلت معاهم الحلة بس.. وخليكم قاعدات عوجة ما بتجيكم لحدي العصر... اها يا بيان قلت لي الكشف الاسفيري كيف.. ويا صباح دكتور شداد ده مالو قاسي القلب كده ما برحم لا تخلي (رحمة) بري تنزل
Post: #90 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-10-2007, 04:24 PM Parent: #89
بدر الدين الأمير، والناس القيافة سلام ومرحب بيك خليك معانا الكاس الأول السفة الأولي السجارة الأولي و حتي المرة الأولي ،زي مابقولوا المصريين، الأولي تحلي وإن كانت بقلة، وبقلة في الإبريق ونبتة حبيبتي ماتت عطشانة جنب نهر النيل قلوا معاي سقها الله من أنهار جنانه و من خور بكري آمين
بكري علي كالله قصة الخور دي خليها شوية ، إنت ما سوداني ولا شنو؟ ذكرتني قصة زولاً كدى لم يسكر لازم يلقى ليه سبب عشان يشاكل بيهو ، فيوم القعده في بيتوا و الناس متحفظيين ما عايزين يدوه أي فرصة ، أها مع الناس ديل سواق تكسي ، تكسي في الماشين عرايا وفوقها يطقطع هديما، اها سواق التكسي في الماشين عرايا ده ما عندو قفل للكبوت بتاع العربية و بيخاف علي اللستك الإسبير بتاعو من السرقة فبقوم دايماً يتلتل معاهو مصطفي سري ويدخلوا معاهم الأسبير في البيت ، أها يا زول لم سيد البيت طشم و ما لقي ليك اي فرصة من الجماعة في القعدة عشان يشاكل ، و القعدة غلبته يمرق ويدخل ويدخل ويمرق اها واحدة من مرقاته كحل ليك اللستك الإسبير متكول زي الميس كول على الحيطة يا زول إتكيف كيف شديد و طوالي مشى ليك علي بتاع التاكسي و لم ليك فيه - تدخل الترتار في بيتي أنا ، انت قايلني انا شافع و الشكله دورت . وجاي و جاي وجاي كلو عندو دين كلو عندو رأي اها يا زول وقاموا الحرامية إتلموا مع أولاد الحرام و لموا ليك في البلد نهب منظم تحت شعار دار ابوك كان خربت شليك منها شليعة و خلوها ليك يا زول مشتحة وحيرانة ولو قالت إغتصبوني أو البقلة في الإبريق يقوموا عليها بحد الزنا لانه أحسن ليها من قوات الأمم المتحدة البغتصبوا الشفع أها يازول كده حار وكده حار و في الليلة الظلما يفتقد الحاوي أو حسن الترابي لأنه كان لقي ليها فتوي من جراب الحاوي أو جراب فقه الضرورة او مخرج على وزن المال تلتو لا قتلتو وطبعاً حا يخت نفسو في تلتو ما في كتلتو وحكمة اليوم كتلوك ولا جوك جوك و جوك ده زول عضو معانا في المنبر ده أو نحن أعضاء معاهو في المنبر وجاييكم تاني يا صباح حسين و رجاء العباسي وبيان بيان رقم واحد لأنكم زينتوا القعدة وخليتوها حداثية خالص ومصطفي سري ده ما تدهو فرصة في تلفزيون البي بي سي لأنه وشو ده إذاعي بس، و الكلام ده أنا قلتو ليهو من زمن جابوه بيشخر في فوكس إن آفريكا و قالوا سيد الرايحه يفتش خشم البقرة خشم الباب و خشم القربة كمان إنتوا يا أخوانا القعدة دي كبرت وبقت زي كرش الفيل كده ليه؟
عموماً مصطفي سري ده زول أخو أخوان وبعدين هو ظاأأتو.... أقوم ليكم عليه بلياقة الشكر والمطرة صبت في جوبا والجو بقي جو فول واناماشي على قعدة المثقفين أديها طلة ورااااااااااجع هسي يا سلام يا ياسر أنا في جوبا و ممكن تتصل علي في رقم الإسكايب ده 0019193734438 يعني كأنك متصل علي أمريكا
Post: #91 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-10-2007, 05:46 PM Parent: #90
Quote: كدي يا ياسر قبل ما تشدنا دقيقة عليك الله نوقف الكاسات دي شوية .. وانا من قبيل ارفع كاس وانزل كاس وسيد البوست ده عبدالباقي القادينا بيهو صلاح الامين وحاكي لينا زي دشليون قصة وقصة من ايام (اسمرا_ نيروبي).. وفعلا سودانيز اون لاين نورت والله وكراع الاسفير جيابة..و(ششير)... ... ودي مناسبة انو الواحد يطور البقة ويطالب بتحويلها الي كاس كبير ليهو ضل في الاحتفاء بعبد الباقي... ...................... ويا ياسر اعمل حسابك انا مدرب في كتيبة زعلان لكن قادي السلك سلك تا باقان
ياني ظاااتو وقاعد في جوبا وما تقد السلك تاني و اثبت فوق وين صلاح الأمين
Post: #92 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 05:57 PM Parent: #1
ااااااخ
والله الواحد قايم بهانق اوفر وصداع شديد
ديل منو ؟؟؟؟
والجكس ده جاء متين ؟
والجابهم منو ؟
الله يلعن سري ده عارفو راسو خفيف وكبكبابه
وزمراوي وطيفور كانوا قاعدين معانا في القعدة ؟؟؟
الظاهر امس الواحد تقل شوية
وصباح دي شيالة حااال
وال مع صباح دي منو ؟!!
يالله بكرا الواحد يتفضح في الحلة ذاتوووو
ملعون ابو دي قعدة
واب صلعة وين ,, وكيكي ومنعم ب
الله في
Post: #93 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-10-2007, 06:11 PM Parent: #92
حضرنا يا كومرت وانا من امس اقول الزول الجايب الصنف ابو(كديس) ده انا سمعت بيهو وين سمعت بيهو وين ياكريم وكده اتاكدت انو القصة دي جاية من (اطلع بره) (انداية تا رجينا)...دي انداية دنجر يا جك ... وصحبك صلاح حيرنا ذاتتو معاهو يومي (مبين) لينا في بلد اخر تقليعاتو اليومين دي قاعد في القاهرة..بعد اجازة طويلة في السودان مخلي لينا فيها البيت في مدني وبتحاوم مع ابوقرجة ومنتصر في الخرطوم.. ...والف مرحب بيك يا عبدالباقي وحضورك طاغي تماما وكل مني كل تحية ولجوبا الشوق الكبير
Post: #94 Title: Re: أسف ، لكن البورد ده مرات بيذكرني قعدات السكر Author: عبدالله شمس الدين مصطفى Date: 03-10-2007, 06:32 PM Parent: #93
يا شباب إصطباحية كيف ؟؟؟ ما كتير .... كل واحد علبة واحدة بس الواحد حاصل ليه Hang Over ....
إنتو إحنا إتعشينا أمس ؟؟؟؟!!!!
Post: #97 Title: Re: أسف ، لكن البورد ده مرات بيذكرني قعدات السكر Author: بدر الدين الأمير Date: 03-10-2007, 06:50 PM Parent: #93
يا اخوانا كدى ادونى راسى دكتورة بيان دى جات القعدة متين ويابيان والله انا نمت من التعب مش من السكر لكن الكاشف اخوى عبدالمنعم سليمان من الكاس التانى بقى يلغلق ويشتم فى امريكا والقوات الاممية قال لازم يطعن بكرى ابوبكر لان بكرى سى أى ايه وجاى يتجسس على قعدتنا وعبدالباقى سيد البيت والقعدة قال ماشى يجب الجبنة وحيييك وانا طول الليل اعتل فى كيكى السكران قال لازم يمشى بليل ده لملاسى ويبكى ويكورك انا بحب ملاسى وملاسى ماداير يفهمنى
Post: #104 Title: Re: أسف ، لكن البورد ده مرات بيذكرني قعدات السكر Author: عبدالله شمس الدين مصطفى Date: 03-10-2007, 08:03 PM Parent: #97
Quote: انا بحب ملاسى وملاسى ماداير يفهمنى
.
و أوع يكون فاتحه فى الأمر ؟؟؟!!!
على حسب علمى ملاسى ده مرتبط .
Post: #358 Title: Re: أسف ، لكن البورد ده مرات بيذكرني قعدات السكر Author: بكرى ابوبكر Date: 09-08-2007, 10:33 AM Parent: #93
m
Post: #95 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 06:40 PM Parent: #1
Quote: إنتو إحنا إتعشينا أمس
والله يا اخوانا جنس سلبطة
ياااخ قاشي ليك حلة كوارع كبيرة وبرضو بتسال يا عبدالله
غايتو دي اخر مرة اسكر معااكم
Post: #103 Title: Re: أسف ، لكن البورد ده مرات بيذكرني قعدات السكر Author: عبدالله شمس الدين مصطفى Date: 03-10-2007, 07:55 PM Parent: #95
Quote: ياااخ قاشي ليك حلة كوارع كبيرة وبرضو بتسال يا عبدالله
.
أتارى أنا أقول الملصّق يدينى شنو ؟؟!!!!
والله محن بس .
Post: #98 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 06:56 PM Parent: #1
Quote: وانا طول الليل اعتل فى كيكى السكران قال لازم يمشى بليل ده لملاسى ويبكى ويكورك انا بحب ملاسى وملاسى ماداير يفمنى
بالله يا بدرالدين ده كلو حصل ؟
ياااخ ما ممكن الزول ده صنديد ولو لما في ملاسي امس كان دشدشوا ليك
___
كيكي
البدر اداك 1/صفر
لكن بكون كلامو صح لانه بشرب نضيف وما هبش العرقي زييينا
Post: #100 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-10-2007, 07:05 PM Parent: #98
لو ثبت في التحر يات يامنعم اني قلت كده... قصتي بتكون باظت وشمبري بكون خفة مع الصنف ابوكديس الجابو (بقة) ده ودي دعوة صريحة لاعلان توبتي النصوحة من (العرقي) البخليني اهضرب هضربة شينة زي دي,,, ...... ومن الليلة كانجي مورو بس...عرقوك نههههي
Post: #105 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-10-2007, 08:08 PM Parent: #100
Quote: وووب علينا انحنا الاتنين بس المقنبرين مع السكارى ديل
والليله فضيحتنا فضيحة.....
مرا في الحلة دي
ماشافت طراشكم ما في
لكن والله من ما بديت السكر في حياتي
دي كلها ...ما شفت زي دة
ـــــــــــــــ
هسة كان ما انا اتخارجت البارح اكان الليلة وشي دة
اودي وين؟
Post: #108 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-10-2007, 11:45 PM Parent: #98
أها جيت يوم الخميس وقلت أبدا بدري بدري لكن لما ليك فيني واحد أنا زمان كنت كديسو ، كديسو يعني كنت مضايقو في البنت الكان هو بحبها، و بقي يشيل ويلف ويدور بمليون سؤال عشان في النهاية يقول لي أها - ونجلاء وين ؟ - نجلاء عرسها ودعمها وكسح بيها الخليج - وإنت عملت شنو؟ - أنا؟.... لسه كديس ولافي في الحلة ما عندك كديسه زهجان منها ؟؟؟؟ - لا أنا يا اخوي بقيت كوز و ما بحب إلا كوزة يا زول عصرت ضنبي جوه بين كرعيا من الخوف و مشيت الوساوس لعبت براسي و قلت اليلة باص إمكن الزول ده لافي بي جاي و عامل لي كمين اتوكلت عليك يالله الطالع منط طالع منك ورقدت أنوم و النوم ابي يجي كلو كلو و جاتني ليك فكرة مجنونة جن أنه أقوم أشغل مروحة السقف و الف عكس إتجاها بنفس سرعتها لحدي ما أدوخ وأقع رب في السرير لكن السؤال أجيب الزيادة من وين؟ من المكيف؟ولا مروحة التربيزة أها شلت الجريدة فتحتها لقيت لي الرئيس و قوات الأمم فتحت التلفزيون برضو الأمم المتحدة وما أدراك ما الأمم المتحدة الصباح قمت من النوم قلت أغسل وشي فتحت الأمم المتحدة لقيت ليك الماسورة و الرئيس منشنيين علي وعرفت ليك عرقي مروحة السقف مضروب و مضروب عليك الليلة يا نعومة يا حليل ناس ديل الزمان بيجونا
Post: #110 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-11-2007, 00:15 AM
Quote: و النوم ابي يجي كلو كلو و جاتني ليك فكرة مجنونة جن أنه أقوم أشغل مروحة السقف و الف عكس إتجاها بنفس سرعتها لحدي ما أدوخ وأقع رب في السرير لكن السؤال أجيب الزيادة من وين؟ من المكيف؟ولا مروحة التربيزة
ياخي والله دي بتكون سكرة تاريخية لكن نلقاها احنا وين يا عبدالباقي مع مكيفات الدوحةالما بتلف دي..
Post: #109 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-11-2007, 00:13 AM Parent: #98
Post: #180 Title: Re: أسف ، لكن البورد ده مرات بيذكرني قعدات السكر Author: رأفت ميلاد Date: 03-12-2007, 07:52 AM Parent: #98
عليك الله يا منعم إنت عندك خوة
قعدة زى دى تفطنى
Post: #182 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-12-2007, 10:00 AM Parent: #180
Quote: عليك الله يا منعم إنت عندك خوة
قعدة زى دى تفطنى
ياخي وين انت؟
تلفونك مركب ليهو
اضان حامل؟
رسلنا ليك منعم سليمان
ماجاك؟؟
انا عارفك بتجي مع الهينيسي!
Post: #99 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 07:03 PM Parent: #1
Quote: ومصطفي سري ده ما تدهو فرصة في تلفزيون البي بي سي لأنه وشو ده إذاعي بس، و الكلام ده أنا قلتو ليهو من زمن جابوه بيشخر في فوكس إن آفريكا
وانا معاااك يا بقة
ويا بكري نتفق من هسع سري ده ما يخت صورة في البروفايل بتاعو
ولو ختا صورتو دي استقالتي
اذاعة آه
تلفزيون لا
Post: #101 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 07:07 PM Parent: #1
Quote: وشمبري بكون خفة
الله يحفط شمبرنا يا كيكي
Post: #102 Title: Re: أسف ، لكن البورد ده مرات بيذكرني قعدات السكر Author: Imad Khalifa Date: 03-10-2007, 07:41 PM Parent: #101
Quote: " والله عضانى كلب الزيادة "
اوعك يابقه تجيب ليهم الزيادة شايف ناسك كترو. سعدنا بوجودك هنا. لك ولضيوفك كل التحايا.
عماد خليفة
Post: #106 Title: Re: أسف ، لكن البورد ده مرات بيذكرني قعدات السكر Author: عبدالله شمس الدين مصطفى Date: 03-10-2007, 10:49 PM Parent: #102
يا شباب يخيل لى الأخير ده طعمه (داشر) ،
تعالوا نلخبط النوعين ، يعنى نفحِّل الجديد .
مرّه جبنا واحد كان ريحته عفنة ، واحد أخونا سماهوا عرقى (أباطات) ، و صحى الصباح إتسوّك بى ديتول من فظاعة الريحة العجيبة .....
كب يا منعم ، مش يبقى ( داشر) و لا قاشر ، هى جيبتوا بالهين ؟؟؟!!
كب يا زول ........
Post: #107 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-10-2007, 10:54 PM Parent: #1
Quote: كب يا منعم ، مش يبقى ( داشر) و لا قاشر ، هى جيبتوا بالهين ؟؟؟!!
كب يا زول ........
خووود كاسك يا عبدالله
تعرف يا عبدالله اخر عرقي شربتوا كنت قافل نخريني ده ما بتاع اباط ده بتاع ظراط عديييل
يا اخوي انت ستات العرقي ديل ما بخافوا الله
بث نعمل شنو يا ابوعبده
جيييييرز
Post: #113 Title: Re: أسف ، لكن البورد ده مرات بيذكرني قعدات السكر Author: عبدالله شمس الدين مصطفى Date: 03-11-2007, 00:46 AM Parent: #107
جيييرز .
Quote: يا اخوي انت ستات العرقي ديل ما بخافوا الله
.
لا و إنت الصادق يا منعم ، ديل إستمرؤوا أكل المال الحرام و ذلك بغش العرقى ،
الناس ديل قايلنّوا لبن عشان يغشوا فيه كده ، ده عرقى .... عرقيييييى ؟؟!!
لو الواحد مابخاف الله ، كان يستلف منهم و ما يدفع ليهم القروش ، عشان عمايلهم دى ،
لكن الواحد ما بشرب عرقى حرام ، يعنى مسروق ، أو دين هالك .
نقول شنو عاد غير ... حسبى الله و نعم الوكيل فيهم
Post: #111 Title: Re: أسف ، لكن البورد ده مرات بيذكرني قعدات السكر Author: عاصم ابوبكر حامد Date: 03-11-2007, 00:19 AM Parent: #1
يا منعم وكيكى انا عرفت الفيكم والعليكم
انتم ناس العالم التاسع صح ؟؟؟
يا كيكى اهم شئ فى الجلسة شنو اجيب معاى لبن ولا بسكويت ولا عير تفاح
تسلم
Post: #112 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-11-2007, 00:20 AM Parent: #111
أها جيت يوم الخميس وقلت أبدا بدري بدري لكن لما ليك فيني واحد أنا زمان كنت كديسو ، كديسو يعني كنت مضايقو في البنت الكان هو بحبها، و بقي يشيل ويلف ويدور بمليون سؤال عشان في النهاية يقول لي أها - ونجلاء وين ؟ - نجلاء عرسها ودعمها وكسح بيها الخليج - وإنت عملت شنو؟ - أنا؟.... لسه كديس ولافي في الحلة ما عندك كديسه زهجان منها ؟؟؟؟ - لا أنا يا اخوي بقيت كوز و ما بحب إلا كوزة يا زول عصرت ضنبي جوه بين كرعيا من الخوف و مشيت الوساوس لعبت براسي و قلت اليلة باص إمكن الزول ده لافي بي جاي و عامل لي كمين اتوكلت عليك يالله الطالع منط طالع منك ورقدت أنوم و النوم ابي يجي كلو كلو و جاتني ليك فكرة مجنونة جن أنه أقوم أشغل مروحة السقف و الف عكس إتجاها بنفس سرعتها لحدي ما أدوخ وأقع رب في السرير لكن السؤال أجيب الزيادة من وين؟ من المكيف؟ولا مروحة التربيزة أها شلت الجريدة فتحتها لقيت لي الرئيس و قوات الأمم فتحت التلفزيون برضو الأمم المتحدة وما أدراك ما الأمم المتحدة الصباح قمت من النوم قلت أغسل وشي فتحت الأمم المتحدة لقيت ليك ماسورة الحمام و ماسورة المطبخ و ماسورة البندقية و الرئيس منشنيين علي وعرفت ليك عرقي مروحة السقف مضروب و مضروب عليك الليلة يا نعومة يا حليل ناس ديل الزمان بيجونا و تاوقت في البوست بتاع الترحيب بمصطفي سري لقيت ليك واحد كاتب مرحب بيك مليار منها عرفت ليك القصة في الخمسنات مرحب بيك مليم ومشت زمن عبود بقت مرحب بيك تعريفة وزمن الصادق الأول مرحب بيك ريال زمن نميري مرحب بيك جنية زمن الإنتفاضة مرحب بيك 100 التميز لأنه أي زول عارف أها في زمن الخبت واللقط بقت الف و مرحب عشرات الإلوف و فجأءة قفزت لمليون هسع واقفين في مرحب بيك مليار و الله يوقفها على كدة لأني ما بعرف أحسب أكتر من كده
Post: #114 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-11-2007, 01:57 AM Parent: #112
Quote: و جاتني ليك فكرة مجنونة جن أنه أقوم أشغل مروحة السقف و الف عكس إتجاها بنفس سرعتها لحدي ما أدوخ وأقع رب في السرير لكن السؤال أجيب الزيادة من وين؟ من المكيف؟ولا مروحة التربيزة
لا حولا يا بـقة...
الا بلا ...وليه الفكرة دي انا مافكرت فيها؟
مرات الواحد بكون حاكة معاهو حكة شديدة
حق السيجارة ماعندو ..تلق يباري التخميسات
لمان الناس تتضايق ..الناس بتتضايق من التخميسة ليه؟
زي زولك داك بتاع الكديسة ...اها من ما بقى
كوز ...بقي يفتش في خصومو الضايقو في كديستو
واحد واحد ..وصاحب الجماعة الضايقو في حديدتو!!!
الا بلا... ارجع ليك لي موضوع المروحةالمافكرت فيهو
وانت من خيانتك ماكلمت زول ...قرطعت قزازة السقف براك
وتميتا من الكندشة والتربيزة ..لكن حنس حنكشة اتحنكشتها
ونحنا نتكرش ساكت ..من سرير لي عنقريب ..ومن رقدة
لي قعدة...(قعدة) دي شنو !! ؟ والجابه شنو هسة في كلامي
وانا من قبيل زايغ من اي كلمة تزيد علي القلق والكاروشة..
المهم يازول ...الا بلا بقيت عامل زي الزول العندو محكمة نظام
عام . ..تصدق زمان زمن الناس تقولك حبابك 100 والبلد بي
خيرا وشريها ..واسم خريستو دة تلقاهو في اي ملف ...قالو في واحد
ــــــــــــــــ اها هسة انا تبتا لكن بشرب لي صاحبي.
Post: #115 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-11-2007, 02:06 AM Parent: #114
يا نعوم تحياتي شايف الناس بقوا يتسرتو واحد واحد خايفين من صاحب البيت و خور ابوعنجة لكن يا اخوي أنا كل يوم بخت عدلي و أنتظر والبيجي مرحب بيهو و المابيجي ،نغني ليهو ما قال بيجي و مالو ماجا إتصلت عليك وشكلك كنت مدقس
Post: #116 Title: Re: أسف ، لكن البورد ده مرات بيذكرني قعدات السكر Author: بدر الدين الأمير Date: 03-11-2007, 02:16 AM Parent: #115
عبدالباقى انت ياخوى بقيتها انداية وله شنو وشايف الناس بقو كويمات كويمات وفى ناس مقيلة على العموم اكان بقت انداية اطرد منها عبدالمنعم وعبدالكريم ديل بطفشو الزباين وبجيبو الفقر
Post: #117 Title: Re: أسف ، لكن البورد ده مرات بيذكرني قعدات السكر Author: NEWSUDANI Date: 03-11-2007, 02:24 AM Parent: #1
يابقه يااخي الناس دي كترت وكلامهم كتر ما حقو نتعشى ولا شنو يا سري؟؟أنا عارفو ما ح يقتنع ويح يصر يكمل
الشراب أصلوا هو وهجو قصتهم عجيبة
Post: #118 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-11-2007, 02:59 AM Parent: #117
Quote: يا نعوم تحياتي شايف الناس بقوا يتسرتو واحد واحد خايفين من صاحب البيت و خور ابوعنجة لكن يا اخوي أنا كل يوم بخت عدلي و أنتظر والبيجي مرحب بيهو و المابيجي ،نغني ليهو ما قال بيجي و مالو ماجا إتصلت عليك وشكلك كنت مدقس
دقست شنو؟
امس مدقسني اللاب توب ...
كنت في الشغل ...
السقنال ضعيفة
مرة يعلي ومرة يجلي..
الا بلا ..انا نسيت اديك رقم
الموبايل ..
اتغظت كم مرة اها اكتب
واكتب ...وفي كل مرة الكتابة
تضيع .."web not in server"
ــــــــــــــــــــــــــــــ
cell# 16025187403
Post: #120 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-11-2007, 03:03 AM Parent: #118
Quote: ا هو وهجــــــو قصتهم عجيبة
نيو سودان انت تعرف هجو؟
Post: #132 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 03-11-2007, 06:22 AM Parent: #117
ازيك يا لورد والله مشتاقين وبفتش في تلفون عادل سيد احمد في لندن ، وريل لي تلفونك وكاساتك ، ونشكرك علي الترحيب ، هجو وداهو الخور واحسن كدة ، المهم بنتواصل بكل الاشكال
Post: #119 Title: Re: أسف ، لكن البورد ده مرات بيذكرني قعدات السكر Author: صديق الموج Date: 03-11-2007, 03:02 AM Parent: #1
عبد الكريم وعبد المنعم وبدر الدين وبقية السكرجية ...ياجماعة صوتكم ده عالى خلاص ونحن قى البوستات الجنبكم دى لاقادرين نكتب لا قادرين نقرأ اعوذ بالله منكم يا فاجرين يا شواطين...لعنة الله ...والله ربى كفينا شر السكرجية الا تختشون..
كدى ادونى كاس فور زا رود ONE FOR THE ROAD
طبعا نحن فى القشورية..ويوم ناس حزب الامة كانوا عاملين ليهم ندوة والا وداع زول فى فندق ودخلنا انا وواحد صاحبى لقينا القاعة مفروشة طرابيز بى فوط حمراء جميلة والكاسات اشكال والوان شى احمر وشى ابيض،وشى اصفر،وشىء خاتف لونين .. جميع عصائر الدنيا منقة وتفاح وبرتقال وليمون و الكاسات زاتا جميلة خلاص الطويلة ام ضنيب ديك والمدورة زى قزازة اللمبة وواحدة مخنصرة، شى كرستال وشى زجاج لامع..المهم صاحبى بى زعل كدة قال لى : بالله شوف الانصار ديل اسأوا استعمال الكاسات كيف؟
Post: #121 Title: Re: أسف ، لكن البورد ده مرات بيذكرني قعدات السكر Author: بكرى ابوبكر Date: 03-11-2007, 03:25 AM Parent: #119
انت يا منعم السالنى امبارح الزولة ديك متزوجة ولا ما متزوجة منو ??????
عبد الباقى ياحبيب مسئول من الخير انت فى جوبا دى بتلقى الانترنت وين ما قالوا ما فيها حياة تكون الاوضاع اصلحت..... كدى ادينا فكرة عن الاوضاع هناك و اسعار الاراضى و اسعار البيوت فى حى مثل "رجال مافى" او "اطلع برة"
ونتلاقى فى الحور
Post: #122 Title: Re: أسف ، لكن البورد ده مرات بيذكرني قعدات السكر Author: بدر الدين الأمير Date: 03-11-2007, 03:44 AM Parent: #119
صديق الموج اناجيت السعودية سنة 98 ولموا فينى اصدقائى ناس الرشيد بهلول ونجم الدين على حسن سقونى عرقى معمول السكر كاس واحد وبقيت امسك الشباك اقول ده الباب قلت ليهم ده شنو قالو لى ده اسمو استيكت عمرة قلت طيب واستيكت الحجة بتكون كيف قالوا لى بقة واحدة وتبقى من اهل بدر وتوبة اكان اجى حايم بهناك تانى
Post: #123 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-11-2007, 05:23 AM Parent: #1
Quote: انت يا منعم السالنى امبارح الزولة ديك متزوجة ولا ما متزوجة منو ??????
عبد الباقى ياحبيب مسئول من الخير انت فى جوبا دى بتلقى الانترنت وين ما قالوا ما فيها حياة تكون الاوضاع اصلحت..... كدى ادينا فكرة عن الاوضاع هناك و اسعار الاراضى و اسعار البيوت فى حى مثل "رجال مافى" او "اطلع برة"
يا جماعة قلنا ليكم الناس بتاعين النسوان ديل ما تعزموهم لينا تاني
يا خي ما دايرين مشااكل ياااخ
وبعدبن اب صلعة ده شغال في النظام العام ما تدوهو اسراركم
___
يا بقة علاء الدين بشير (الصحافة) اداني مكنتك يا سكرجي
Post: #124 Title: Re: أسف ، لكن البورد ده مرات بيذكرني قعدات السكر Author: صديق الموج Date: 03-11-2007, 05:34 AM Parent: #1
Quote: صديق الموج اناجيت السعودية سنة 98 ولموا فينى اصدقائى ناس الرشيد بهلول
بدر الدين الامير سلام... بالله انت صاحب الرشيد بهلول بئس الاسم الفسوق بعد الايمان ياحليلو بهللة ملك البهدلة..زول حبوب،المرة الجاية مر علينا نحن،،،
Post: #125 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-11-2007, 05:43 AM Parent: #1
الموج بعمتك الكبيرة دي بتكون سكرت مع ابوي .. هسع تاب
___
Tab وللا Caps Lock
( انظر الكيبورد)
Post: #126 Title: Re: أسف ، لكن البورد ده مرات بيذكرني قعدات السكر Author: بدر الدين الأمير Date: 03-11-2007, 05:59 AM Parent: #125
منعم ابوك تاب تربت يداك
تنهدات: معاى SMIRNOFF بتسأل عن عبدالباقى لسة باقى على العشرة
Post: #131 Title: Re: أسف ، لكن البورد ده مرات بيذكرني قعدات السكر Author: Eng. Mohammed al sayed Date: 03-11-2007, 06:11 AM Parent: #126
Quote: ابوك تاب
أبوكتاب ..ولا أبو كراس هغ هغ هغغغغ
فى أبى -أمى نقول بالعربى ..أبوك تاب ونقول بالهندى..أمي تاب..بات..شان
Post: #134 Title: Re: أسف ، لكن البورد ده مرات بيذكرني قعدات السكر Author: بدر الدين الأمير Date: 03-11-2007, 06:26 AM Parent: #131
ياناس الخبر جاناالخبر شايلو النسيم سلمو على ناس الحسا وفى الحساضاعت سنينى
Post: #149 Title: Re: أسف ، لكن البورد ده مرات بيذكرني قعدات السكر Author: Eng. Mohammed al sayed Date: 03-11-2007, 07:50 AM Parent: #134
البدر هيم سلف طلع البدر علينا بمحياك يامليح وصفى المجلس كما صوت رجاء بلمليح فتفضل هاهو كأسك بيمينك مستريح إن شئت فمستضاف أو صاحب الدار الفسيح
Quote: سلمو على ناس الحسا وفى الحساضاعت سنينى
يوووصل
Post: #127 Title: Re: أسف ، لكن البورد ده مرات بيذكرني قعدات السكر Author: Eng. Mohammed al sayed Date: 03-11-2007, 06:02 AM Parent: #1
تلمح إسم البوست لابد تدخل تدخل ..لابد تكتب تكتب ..لابد يجيك تأنيب ضمير ضميرك يأنبك ..لازم تجى داخل تانى عشان تمسح تجى تمسح..لازم تدخل البوست تدخل البوست ..لازم تكتب تكتب..لازم تصاب بتأنيب الضمير.. ضميرك يأنبك..etc
يحلها الشبكا..تنشبك..لابد..
والله بوست ذكرنى مسائل الدائرة فى كتاب التحليلية لما كراس الإجابة إمتلأ كتبت فى الركن والمسألة ماتمت ..كتبت ليهم (...وهكذا)
Post: #128 Title: Re: أسف ، لكن البورد ده مرات بيذكرني قعدات السكر Author: فيصل نوبي Date: 03-11-2007, 06:07 AM Parent: #127
الطارة جااااااااااتكم ..
Post: #129 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-11-2007, 06:08 AM Parent: #1
الباشمهندس محمد سيد Tab
Post: #130 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-11-2007, 06:09 AM Parent: #1
Quote: الطارة جااااااااااتكم ..
ما تخافوا اولاد الحلة دي اصلا مزعجين
Post: #133 Title: Re: أسف ، لكن البورد ده مرات بيذكرني قعدات السكر Author: Eng. Mohammed al sayed Date: 03-11-2007, 06:24 AM Parent: #1
Quote: السالنى امبارح الزولة ديك متزوجة ولا ما متزوجة منو ??????
هوى ياسيد الحوش بقيت تلخبت ولا شنو؟..المهم..عملت لى شنو فى موضوع كوندليزا رايس. وافقت بىّ عريس ولا لا
............................................................................... إنتوا صحى سكرتير الأمم المتحدة إسمو ...بوكيمون؟
محن!!!!!! عالم إسبيس تووون صحى
Post: #135 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-11-2007, 06:26 AM Parent: #1
سري
علاء قال ليك ما تقل عشن تقدر تمشي البيت
متابع القعدة
Post: #136 Title: Re: أسف ، لكن البورد ده مرات بيذكرني قعدات السكر Author: عاصم ابوبكر حامد Date: 03-11-2007, 06:40 AM Parent: #1
شوف يا بدرالدين الامير ومنعم وشلة السكرجية
اعملوا حسابكم
ولا اجيب ليكم ناس الطارة ديلك ولا 3تسعات .... منعم انت علاءالدين بتاع الصحافة من ضمن الجماعة ولا ركب التونسية ...
والمقعد بكرى من ناس الجن والانشأ شنو ؟؟؟؟
Post: #139 Title: Re: أسف ، لكن البورد ده مرات بيذكرني قعدات السكر Author: بدر الدين الأمير Date: 03-11-2007, 06:56 AM Parent: #136
عاصم كان بكرى عليك تحمد جلستنا وللجميع هنا بكرة الجلسة عندى على شرف عاصم وناس الخبر والرياض والماعندو صديقة مايجى انشاء الله تكون بت ام لعاب بس جلسة ذكورية نهى وكل واحد يحدد نوع الشراب الدايرو وكيكى وعبدالمنعم وبكرى ابوبكر ممنوع الاقتراب والتصوير
Post: #140 Title: Re: أسف ، لكن البورد ده مرات بيذكرني قعدات السكر Author: عاصم ابوبكر حامد Date: 03-11-2007, 07:01 AM Parent: #139
الحبيب بدرالدين شخصيا
Quote: عاصم كان بكرى عليك تحمد جلستنا وللجميع هنا بكرة الجلسة عندى على شرف عاصم وناس الخبر والرياض والماعندو صديقة مايجى انشاء الله تكون بت ام لعاب بس جلسة ذكورية نهى وكل واحد يحدد نوع الشراب الدايرو وكيكى وعبدالمنعم وبكرى ابوبكر ممنوع الاقتراب والتصوير
تب جلستكم ما فيها كلام
وما تنسئ تجيب معاك نفيسة كمان ؟؟؟
Quote: وكل واحد يحدد نوع الشراب الدايرو
فى دى انا انا ماداير
لكن جاى جاى ...
اسمعنى انت نفيسة دى شنو ؟؟؟
Post: #137 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-11-2007, 06:42 AM Parent: #1
يا عاصم
علاء مشاهد فقط زيييك
Post: #141 Title: Re: أسف ، لكن البورد ده مرات بيذكرني قعدات السكر Author: Yassir Tayfour Date: 03-11-2007, 07:21 AM Parent: #137
يا كومرت عبد الباقي ياخ أمس الليل كلو أنا بصاوت في الرقم ده جربتو بكل الطرق زي الضارب أمريكا وزي الضارب السودان وزي الضارب عبار ذاتوو لا جا ولا قال بجي
منعم ود حاج إبراهيم يا زول ما إختلفنا... قسم الملكية ديل وكل زول يدرشو نصو ما النص القدامك ده.. يعني مثلا مثلا يعني يا تاخد كيكي يا منعم ويا بكري يا بدر وهكذا كبابيك اقصد دواليك لكن لو سلمتني المهندسين، أخليهم ليك في حالة saturation & cutoff زي الزول العندو فاق _______ سر الليل! الجمبك فُطو
Post: #138 Title: Re: أسف ، لكن البورد ده مرات بيذكرني قعدات السكر Author: عاصم ابوبكر حامد Date: 03-11-2007, 06:51 AM Parent: #1
منعم
Quote: يا عاصم
علاء مشاهد فقط زيييك
تمام
انت كيف واخبار البنبر شنو ؟؟؟
Post: #142 Title: Re: أسف ، لكن البورد ده مرات بيذكرني قعدات السكر Author: Sabah Hussein Date: 03-11-2007, 07:24 AM Parent: #1
والماعندو صديقة مايجى انشاء الله تكون بت ام لعاب بس جلسة ذكورية نهى
غايتو انا جايه مع بكرى ياجماعه لسببين
السبب الاول انه واصـال بمعنى امنجى كبير وفى حالة الكشه بيسهل لينا
المخارجه
والسبب التانى احنسوا مايتم القعده دى فى الخور
والاهم من دا كلو فى زول سـألو دى متزوجه ولا لسع
اها دى بتكون انا ولو بقت صـاحبتى بيان برضو بفكها عكس الهوا
ويا بدر الدين ياخوى
تنهيدات فى الحاله دى بتنقلب تشـهيقات
Post: #145 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-11-2007, 07:36 AM Parent: #142
سلام يا سكروجو الليلة انا (اووف) بكرة لو مشيت بالهانق اوفر اغرق ليكم الدوحة دي كلها.. ..ياسر (كما كنت يازول)..بكرة بجيك وبمزاج ..بدرالدين ده راسو خفيف يا شباب حسي يتنهد فيكم يكرهكم شعر حميد زااااتو ..سيد القعدة (باقي) خلي لي انا شوية من عرقي تا انداية رجينا ده.. ..منعم سليمان لمن تسكر كلامك كثيييييير ياخي.. ..منعم ب شرحو.. ..عاصم زح من الناس ديل اصلو القصة بتداء بقة بقة وبعد شوية تحصل كيكي ..عبدالله شمس الدين ما ح ادفع ليك الشيرنغ.. ..صباح حسين ما دام جاية ومع بكري انا القاعد ليها شنو ..فيصل نوبي حظك الليلة انا اوف..لو كنت في القعدة كان الكاسوري دور من اول كاس كاسين.. منو تاني.. الريس بكري اعمل حسابك من (عرقي) اطلع بره تضربو المنبر ده كلو بكرة توديهو لينا الخور.. ... ... تصبحوا علي خير يا حبايب وبكرة ادونا شمار القعدة..ويا وكدي ادونا كاس نوامة علي الطاير كده.. وجاو
Post: #146 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-11-2007, 07:40 AM Parent: #142
Quote: تنهيدات فى الحاله دى بتنقلب تشـهيقات
____
صباح والله مش لو جيتي مع بكري لو جيتي مع النظام العام كله ما بنخليك
Post: #143 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-11-2007, 07:26 AM Parent: #1
Quote: وكل واحد يحدد نوع الشراب الدايرو وكيكى وعبدالمنعم وبكرى ابوبكر ممنوع الاقتراب والتصوير
يا بدر شنو ختيتني مع ناس الملح ديل
وبعدين شنو جايب ليك بنات في القعدة
انحنا ما رجال وللا شنو ؟
______
ياسر طيفور انت باص وللا شنو
باص المدرسة
Post: #150 Title: Re: أسف ، لكن البورد ده مرات بيذكرني قعدات السكر Author: Yassir Tayfour Date: 03-11-2007, 07:51 AM Parent: #143
يا منعم أي أنا باص ما داير أتقل عشان الchكس المعا ود الأمير ده.. بعدين الجماعة بصلو مرحلة الـ (لا وعي).. ______ والواعي من يتعشى سمك!
Post: #144 Title: Re: أسف ، لكن البورد ده مرات بيذكرني قعدات السكر Author: عاصم ابوبكر حامد Date: 03-11-2007, 07:30 AM Parent: #1
صبوحة كيفك
Quote: والاهم من دا كلو فى زول سـألو دى متزوجه ولا لسع
اها دى بتكون انا ولو بقت صـاحبتى بيان برضو بفكها عكس الهوا
اسمعنى اوع اشوفك فى اللمة فاهمة؟؟؟ لوجيتى شيلى شيلتك ...
نشوفك
Post: #147 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-11-2007, 07:42 AM Parent: #1
Quote: منعم سليمان لمن تسكر كلامك كثيييييير ياخي..
شنننووووو يا كيييكي يااااااخ
ما بددددرررررري يييياااااخ
Post: #148 Title: Re: أسف ، لكن البورد ده مرات بيذكرني قعدات السكر Author: عاصم ابوبكر حامد Date: 03-11-2007, 07:43 AM Parent: #1
كيكى احوى مسائك خير
Quote: ..عاصم زح من الناس ديل اصلو القصة بتداء بقة بقة وبعد شوية تحصل كيكي
قلت كدا
انت وصلت وين من بقة بقة دى
اوع تنشرط
Post: #151 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-11-2007, 08:00 AM Parent: #1
Quote: والواعي من يتعشى سمك
والسمك عند بكري
وبكري عاوز صباح
والصباح عاوزين فطور
والفطور عند بقة
وبقة لسة ما جا
___
يا ياسر بدر الدين ده ما تشوفوا كده مكنته خفيفة في كـــلو
Post: #152 Title: Re: أسف ، لكن البورد ده مرات بيذكرني قعدات السكر Author: عاصم ابوبكر حامد Date: 03-11-2007, 08:06 AM Parent: #1
منعم
ده كلام ده
Quote: وبكري عاوز صباح
ومنعم عاوز (......)
Post: #154 Title: Re: أسف ، لكن البورد ده مرات بيذكرني قعدات السكر Author: بدر الدين الأمير Date: 03-11-2007, 08:26 AM Parent: #152
يا اخوانا منعم ده مرفوع عنه القلم وليس على الطفل والمريض والسكران حرج وتلك هى شمل منعم صباح انا من سأل بكرى عن البت دى متزوجة بس الوكت داك بكرى كان ماخد نفس من سجارة كيكى وكيكى اللعين كان لافيها مخصوص عشان بكرى وبكرى من ديك وعيييك وحتى هذه اللحظة فاكر نفسو فى الخور بس انا المحيرنى ليه الحيران من غير سكر كوستاوى اليومين ديل قاعد وين ومفوت قعدة زى دى ياربى يكون بسكر راس مع ملاسى حمانا الله
Post: #155 Title: Re: أسف ، لكن البورد ده مرات بيذكرني قعدات السكر Author: عاصم ابوبكر حامد Date: 03-11-2007, 08:31 AM Parent: #154
بدرالدين كيفك انا اتبريت منكم انتو يا سكرجية
Quote: بس انا المحيرنى ليه الحيران من غير سكر كوستاوى اليومين ديل قاعد وين ومفوت قعدة زى دى ياربى يكون بسكر راس مع ملاسى
لوووووووووووووووووووووووووووووووووووووووووووووول
من غير تعليق
Post: #153 Title: Re: أسف ، لكن البورد ده مرات بيذكرني قعدات السكر Author: Eng. Mohammed al sayed Date: 03-11-2007, 08:19 AM Parent: #1
Post: #157 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-11-2007, 05:44 PM Parent: #156
صباح الخير بالليل ومن أجل عالم خالي من مخلفات البلاستيك و أكياس البلاستيك و لحمة البلاستيك وزحمة البلاستيك و قرارات البلاستيك حمكة الأمس " الجاتك في مالك سامحتك" حكمة اليوم كتلوك ولا جوك جوك
جوبا كلها أصبحت محاولة للبناء و الناس جاريه جري الجن العايز يبني بيت والعايز يبني بزنس و العايز يبني علاقات جيدة و كلو بناء في بناء لكن المسائل ما هينه وبتحتاج لطولة بال ووهدوء نوايا من أخونا المنتظرين القصة كلها تفشل ويقوموا يقولوا ليك _زمان شن قلنا؟ الإنترنت يا بكري هنا كويس لكن غالي وبيتوفر للشركات والمؤسسات الحكوميه بشكل كويس غير كده محاولات تعبانه من الأفراد و كلها عن طريق الفي سات الحياة بشكل عام غالية جداً جداً لانو اسعار الوقود و المحروقات في السماء يعني جالون البنزين بعشرة دولار و عليها ممكن تقيس باقي الأشياء كمية من الفنادق نشاءت على النيل طبعاً من المباني الجاهزة و أسعارها أقل حاجة 170 دولار لليلة الواحدة طبعأ الوجبات مضمنة طبعاً السئ كل المواد الغذائية للإستهلاك اليومي بتجي من يوغندا من سمك لي خضار لي فواكه لأنه دي اول مرة جوبا يكون فيها أعداد بالحجم ده من مسؤليين حكوميين لمنظمات الأمم المتحدة مرورا بالشركات و العائدين و الجيش الشعبي و جيش الأمم المتحدة و جيش الوحدات المدمجة يعني لسه الجنوب ما إنتظمت فيه حركة زراعية للإكتفاء الذاتي معظم الأشياء الواحد كان بيتوقع إنها تنتج داخل الجنوب ، هي من أصله كانت بتجي من الخرطوم وهسع بقت تجي من يوغندا وكينيا لسهولة المواصلات و خلو الأسعار من الضرائب و الأتوات الغير قانونية و الإستفادة من إتفاقية الكوميسا التي هي معمول بها في الجنوب و بعتقد أنه نحن كناس عندنا مسؤلية من خلال المنبر العام تنطلق مبادرات للمساعدة في هذه العملية من التغير و كل زول حسب فكرته للمساعدة و حسب قدرته حتي ولو بشكل فردي لأنه محاولات تنظيم المجموعات في حد ذاتها متعبة و مزعجة و فيها كل زول عندو رأي في التاني و ما تنسوا حكمة امبارح الجاتك في مالك سامحتك و حكمة اليوم كتلوك ولا جوك جوك
Post: #159 Title: Re: أسف ، لكن البورد ده مرات بيذكرني قعدات السكر Author: بدر الدين الأمير Date: 03-11-2007, 06:29 PM Parent: #157
الله الله زاريا حبى أنا وبعدين يازرزورة دايرن نعرف انطباعك عن العام الاول فى الجامعة
Post: #160 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-11-2007, 06:40 PM Parent: #159
Quote: تلمح إسم البوست لابد تدخل تدخل ..لابد تكتب تكتب ..لابد يجيك تأنيب ضمير ضميرك يأنبك ..لازم تجى داخل تانى عشان تمسح تجى تمسح..لازم تدخل البوست تدخل البوست ..لازم تكتب تكتب..لازم تصاب بتأنيب الضمير.. ضميرك يأنبك..etc
يحلها الشبكا..تنشبك..لابد..
والله بوست ذكرنى مسائل الدائرة فى كتاب التحليلية لما كراس الإجابة إمتلأ كتبت فى الركن والمسألة ماتمت ..كتبت ليهم (...وهكذا)
وهكذا دوليب تمسح وتكتب تكتب وتمسح اهم حاجة ماتنسي إنك تمسح وتكتب و تمسح و بالعكس وماشي انا شايف بدرالدين بأ بدري عموما ما في مشكلة اليوم الأحد وإجازة عندنا هنا واصل
Post: #161 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-11-2007, 06:44 PM Parent: #160
شفت لي لينك كده من أختنا بيان و فجاءة قام إختفي ده أنا الطاشم ولا هي ياربي؟
Post: #162 Title: Re: أسف ، لكن البورد ده مرات بيذكرني قعدات السكر Author: bayan Date: 03-11-2007, 06:48 PM Parent: #161
Quote: شفت لي لينك كده من أختنا بيان و فجاءة قام إختفي ده أنا الطاشم ولا هي ياربي؟
يس دخلو زول جاطو كنت عايزة استخدم خبراتك تفرزو لي حالة اقتراب من كيبورد في حالة سكر ولا جن الله والرسول العادي دا... بعداك عشان البنية حردتو طالبنا بكري بسحبو ومشكورا عملها..
Post: #164 Title: Re: أسف ، لكن البورد ده مرات بيذكرني قعدات السكر Author: بكرى ابوبكر Date: 03-11-2007, 06:55 PM Parent: #162
Quote: يعني جالون البنزين بعشرة دولار والفنادق أسعارها أقل حاجة 170 دولار لليلة الواحدة طبعأ الوجبات مضمنة
كلام يطير السكرة يازول كان كده امريكيا دى رحمة اجعص فندق الليلة مابتفوت ليها 30 او 80 دولار
اها اسعار الاراضى كيف وهل يسمح للمندكورى المثلى باخذ ارض فى جوبا
Post: #163 Title: Re: أسف ، لكن البورد ده مرات بيذكرني قعدات السكر Author: بدر الدين الأمير Date: 03-11-2007, 06:54 PM Parent: #161
عبدالباقى ااتنى بالصبوح يابهجت الروح وياعبدالباقى انازيك شفت النك بتاع بيان وعلقت عليه لانه كان تحية من بنتها الحبوبة زاريا وفجأة لقيت النك طار والفى راسى طارت
Post: #200 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 03-12-2007, 11:14 PM Parent: #157
بقة نهارك سعيد بتوقيت قرنتش كتلوك ولا جوك جوك هذه الحكمة تنطبق علي مطلوبي المحكمة الجنائية الدولية ، لكن ما ادهشني
الفرح والنشوي العارمة (ما تفسرها الي اي شيئ اخر ) في صحف الخرطوم اليوم ، باطلاق سراح احد المعتقلين في غوانتانامو ( هل صحيح الاسم كدة وانت عارف انا من غير الناطقين بها ) واطلاق السراح والبحث الان عن متهمين جدد يذكرني بحراسات الخرطوم يوم الخميس حينما تقوم شرطة النظام العام بالكشة المعهودة تبدا يوم السبت في تفريغها بالمحاكم الايجازية والجلد والغرامات حتي تستطيع ان تملا الحراسات بقادمين جدد ، وانا احمد السلامة لعادل الذي اطلق سراحه لكن انشاء الله ادي البطانية لاحمد هارون لنه سيحتاجها وتاني كتلوك ولا جوك جوك
Post: #165 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-11-2007, 06:58 PM Parent: #1
بفه والامير
امس السكره كانت حلوة .. وكانت بجكسيها بس ود الامير جاب معاهو فلبينيه
كيكي وبكري شردو مع صباح بدري
منعم ب استفرغ وعمل مشكلة مع سري
ياسر طيفور شابكنا القعدة كلها بقة وين بقة وين
المهندس محمد سيداحمد tap
تاني شنو
صحي اللنك بتاع الدكتورة مشي وين
Quote: يس دخلو زول جاطو
ما اكون انا لاني دخلت مع اي سليمان بمداخلة مشيت اشوفا لقيتوا مافي
قلت يمكن انا الما جيت
الله يلعن ابو الهانق اوفر
الخميس قريب وجايبين لينا ويسكي من يوغندا اسمو رويال
والرويال ده حاجة غريبة في اكياس وبذكرني الليبتون
واعملوا ليبتون لمان اجيكم راجع ..
Post: #166 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-11-2007, 07:37 PM Parent: #165
Quote: اها اسعار الاراضى كيف وهل يسمح للمندكورى المثلى باخذ ارض فى جوبا
مجموعة من الشمالين يمكلون أراضي عن طريق الشراء وعن طريق التقديم عبر مكاتب الأراضي من ناحية الغلاء مرتيطة بمسألة البترول و وسائل النقل والإتصال و البلد عموماً هنالك إقبال عليها من ناس من مختلف أنحاء العالم و في تحفظ من الشماليين نتيجة لما يروج من قبل البعض فيا بكري أنت مدعو تجي تشوف بعينك في أي وقت
Post: #168 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-11-2007, 08:12 PM Parent: #166
Quote: والرويال ده حاجة غريبة في اكياس وبذكرني الليبتون
Post: #173 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-12-2007, 00:00 AM Parent: #172
Quote: عبد الكريم وعبد المنعم وبدر الدين وبقية السكرجية ...ياجماعة صوتكم ده عالى خلاص ونحن قى البوستات الجنبكم دى لاقادرين نكتب لا قادرين نقرأ اعوذ بالله منكم يا فاجرين يا شواطين...لعنة الله ...والله ربى كفينا شر السكرجية الا تختشون..
عموماً من هنا و لي قدام حا نوزع الفرص و رئاسة القعدة كل يوم على حزب جمالي أو غير تقليدي أو غير فاسد أو .... أو..... أه وقامت الدنيا وما قعدت عشان المرة جابت ولد و الولد عندهم أحسن من البت يعني بالميت كده لو ختو قروش الحزب الحاكم في حسابو و مات تقوم القروش متتوزع ورثة على اهل الميت و ليس حزب الميت و إنشاء الولد ربنا يطول في عمرو لأنه ممكن يطلع عكس ابوه و ما يثقوافيه وما يختو قروش الحزب في حسابو أو يطلع من كيسو يلتحق بحركات متمرده في دارفور أو أي مكان فيه تمرد عموماً ولد البلد قوم الدنيا و ما قعدها لم أمه طلعت من المستشفي 12 تور إتوزعت كرامة و يوم السماية خلوه ساكت و ما في داعي للحكي لأنه منقول على الهواء ، ويجب أن لا يفسد بالوصف نواصل
Post: #174 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-12-2007, 01:21 AM Parent: #1
بقة
خصمتك بالنــبي اكان ما ترسل لي ( رويال) اصلي للخرطوم
عندك صحبي علاء الدين بشير (الصحافة) جاي
ولو ما جاء عندك كيمي جيمس un radio
والكلام ده يا بقة ما كلام سكر
وبرسل ليك رقمي بالماسنجر عشان تديهو للمرسال
وشكرا للاوفر يا بقة
وبقة بقة الليل نعدو
وانت ما عارف الرويال لمن يوصل كيف نبقوا
____ كيكي ومنعم ب وانور وودالامير sorry try again
اي لف يو بق بوقي
Post: #175 Title: Re: أسف ، لكن البورد ده مرات بيذكرني قعدات السكر Author: celecon Date: 03-12-2007, 06:40 AM Parent: #1
منعم ....
القعدة جاهزة ولا لسه ... بقة بقة الليل نستقبلوا ...
Post: #176 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-12-2007, 06:42 AM Parent: #1
اديني 10 دقايق يا سيلك
واتصل بي عشان القعدة
Post: #177 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-12-2007, 06:48 AM Parent: #176
الليلة قالوا في كشة في طرف الحلة... لكن ماعندكم مشكلة انا كلمت (ابوالزهور) الشاويش بتاع الكشة يجيب ليكم (باقة) بكري من المخزن بتاع النقطة.. ... منعم وضب (العكو) وخلي سيلكون يرش الفسحة دي. بكري قالوا جاي الليلة والله يسترنا من بتاع التنهدات ابو سيجارة تنزل الصقر من السماء من ريحتها العجيبة ديك
Post: #178 Title: Re: أسف ، لكن البورد ده مرات بيذكرني قعدات السكر Author: Yassir Tayfour Date: 03-12-2007, 07:02 AM Parent: #177
____________ أشربوا، يا كيكي ومنعم تربيع، وأتركوا الباقي لبُقة
Post: #179 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-12-2007, 07:13 AM Parent: #178
ده الكلام يا ياسر ولكن مع البشكيرين منعم اخوان ديل بقة الا يلم القزاز الفاضي او ينتظر الكوتة التانية الح تجيبها
Post: #181 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-12-2007, 09:55 AM Parent: #179
احم احم
والله لكن
الليلة عرقي تلاتة بيوت
مابار مع البار الجا
شايلو ود طيفور..
كيكي ...صبن اتنين
في السوج...
ــــــــــــــــــــــــــ ياسر السوج شنو؟
Post: #183 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-12-2007, 10:07 AM Parent: #181
Quote: اخر استعدادت فريق هلال الامة السودانية- صور 7 119 محمود الدقم 12-03-07, 03:29 ص بواسطة EMU إيمو
صاحبك شايفو في
استاد الهلال
اشرت ليهو عمل ماشايفني؟؟؟
Post: #184 Title: Re: أسف ، لكن البورد ده مرات بيذكرني قعدات السكر Author: Yassir Tayfour Date: 03-12-2007, 01:18 PM Parent: #181
Quote: الليلة عرقي تلاتة بيوت
يا منعم التعديل ده لأنو أنا خلطت ما بين.. المشروب وضيوف الأمير.. وإختلط علي عدد البيوت.. _________ هن كم؟ أقصد البيوت ما البنوت
Post: #185 Title: Re: أسف ، لكن البورد ده مرات بيذكرني قعدات السكر Author: elsawi Date: 03-12-2007, 03:19 PM Parent: #184
Quote: بس انا المحيرنى ليه الحيران من غير سكر كوستاوى اليومين ديل قاعد وين ومفوت قعدة زى دى ياربى يكون بسكر راس مع ملاسى حمانا الله
يا بدر الدين الأمير كوستاوي معي في المنزل، و ربما ابعث به لكم عندما يفيق، و سأفكر في اللحاق بكم عندما تصلون لمرحلة "الزكريات" او "الأمان" على اقل تقدير .. بالمناسبة ال Hennessy Cognac الجابو ليكم ياسر طيفور ده في امريكا الشمالية يفضلنه النساء اكثر من الرجال، عارفين ليه؟؟؟ الحرفا يمتنعون!! المحيرني انه يشرب ليه كاس واحد بس و يزوغ، و إسمه براه يسكر ام درمان كلها
الصاوي
Post: #186 Title: Re: أسف ، لكن البورد ده مرات بيذكرني قعدات السكر Author: Yassir Tayfour Date: 03-12-2007, 03:55 PM Parent: #185
تعرف يا منعم كان في واحد صديقنا إسمو الجنيد.. الجنيد كان من موظفي الأمم المتحدة بإيطاليا وإنتهي بهيكوتا الجنيد يا منعم بعد ما يطشم، بتكلم إنجليزية جزلة خالص.. زي مصطفي سعيد.. _______ عندو صورة لسكرتيرته.. واحد بيضاء جميلة خلاص.. يقوم يطلعها ويقول: بالله شوفو انا كنت وين وهسي وين.. الجماعة يقولوا ليهو: أكرمو عزيز قومٍ ذُل.. ويكرموهو بكأس.. وهكذا تتعدد القعدات والخمر والحديث ثابتان..
Post: #187 Title: Re: أسف ، لكن البورد ده مرات بيذكرني قعدات السكر Author: Yassir Tayfour Date: 03-12-2007, 04:00 PM Parent: #186
الصاوي! صورت الهنسى الفوق دي، نعل ما بتدخلني في زمرة حاملها... قالوا: الزول لما يطشم بزداد روحانيات... رأيك شنو في الكلام ده؟ _________ علي أي حال ده هنسي خالٍ من الكحول..
Post: #188 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-12-2007, 04:44 PM Parent: #187
Quote: تعرف يا منعم كان في واحد صديقنا إسمو الجنيد.. الجنيد كان من موظفي الأمم المتحدة بإيطاليا وإنتهي بهيكوتا الجنيد يا منعم بعد ما يطشم، بتكلم إنجليزية جزلة خالص.. زي مصطفي سعيد.. _______ عندو صورة لسكرتيرته.. واحد بيضاء جميلة خلاص.. يقوم يطلعها ويقول: بالله شوفو انا كنت وين وهسي وين.. الجماعة يقولوا ليهو: أكرمو عزيز قومٍ ذُل.. ويكرموهو بكأس.. وهكذا تتعدد القعدات والخمر والحديث ثابتان..
هاهاهاهاهاهاهاهااااااااااأأأأأأأأأأأأأأأأأ الجنيد موجود و رفعت عنه الذلة يا ياسر شغال ليهو مع منظمة في الخرطوم
يا ياسر ممكن ترسل تلفونك على الماسنجر يا أخونا أنا كلمة عايز اقولها ممكن فرصة ؟؟؟ ـــــــــــــــــــــــــــــــــــــــــــــــــــــــــ و الرويال في الطريق
Post: #189 Title: Re: أسف ، لكن البورد ده مرات بيذكرني قعدات السكر Author: معتز القريش Date: 03-12-2007, 04:55 PM Parent: #188
هيغ هق هيغ
الس س س لااام علللليييككككم
يا منعم حرام عليك أنا مش قلت ليك
أنا طولت ...
ثلاثة يوم ما قادر أرفع رأسي
ولا اقول كلمة
ولا يا ربي أكون اتعودت على المستورد
القشوو دا بقى يغلت علي
يا أخوانا في زول عندو بندول
ولا واحد يجيب سكين يقطع لي رأسي دا
آآآآآآآخ صداااااااع صدااااااع
Post: #195 Title: Re: أسف ، لكن البورد ده مرات بيذكرني قعدات السكر Author: Nader Abu Kadouk Date: 03-12-2007, 07:32 PM Parent: #185
الصاوي الشديد ده من وين الصفوه ولا ماجوك
ودابكدوك
Post: #190 Title: Re: أسف ، لكن البورد ده مرات بيذكرني قعدات السكر Author: نادر Date: 03-12-2007, 06:30 PM Parent: #1
بوست ممتع يا عبد الباقي البوست ده بيديك احساس إنها قعدة جد جد، كل زول شايت في اتجاه، ولا موضوع واحد لافق في التاني، وصاحب البوست قاعد في جوبا ضارب المهبريب والشربة الصاح ومدور ليك في الخلايق شمال ويمين ... يا زول بوستك لذيذوبشبهك.
Post: #191 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-12-2007, 06:55 PM Parent: #1
سلام يا معشر (السكروجو)..وليكم وحشة والله والفيك اتعرفت يا (منعم) ب تلبد مني الصنف ابوكديس بتاع مستر جون.. لكن برضو مافي مشكلة يا حبيب انا جايب صنفين من النوع الاصلي ذاتتو القام زت..من انداية حواء ليمون ونوع جديد خشي الملاعب اسمو(اسكت 2007) ده عرقي تكبوا في عربتك وتدور استاتر طوالي.. بس كدي خلو القصة تضلم وبنجيكم بجاي.. ... ... ياسر طيفور انت بالذات انا حاجز ليك باقة من(القام زت) عشان تولع بجاي وتمشي تولعها بهنننننننناك.. والله عالم محظوظة بشكل الشكل يجييييها في محلها ونحن نفتش علي (ملاسي) سنة كاملة ما نلم فيهو..:D
Post: #202 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-13-2007, 00:59 AM Parent: #201
Quote: والفيك اتعرفت يا (منعم) ب تلبد مني الصنف ابوكديس بتاع مستر جون..
انت سمعتني؟
ياخي انا قاصد اجلي ليهو الموضوع ..زي ماتقول اوضحو
- اجلي النظر ياصاح.
مش يعني مااوريك..!!
ــــــــــــــــــــ والله يامنعم الزول دة تقول مركب
اضان فيل ...سمعني كيف
ما عارف...
هو ركب الفيل مع ودالامير؟؟؟
Post: #203 Title: Re: أسف ، لكن البورد ده مرات بيذكرني قعدات السكر Author: بدر الدين الأمير Date: 03-13-2007, 01:42 AM Parent: #202
عبدالنعم يا ود الحاج باقى السكرجية حرام عليكم صاحبكم عبدالمنعم سليمان صالبنى ليهو تلاتة ساعات قال عندو كتاب اللفه بعنوان معتز القريش من التكفير للتسكير قلت ليهو تامر ياعبدالمنعم ح اطبع ليك الكتاب وياريتنى ماقلتها تامر يا.... خلاص بقيت خليجى وله فاكر نفسك امم متحدة وفى بلدنا دى الاوامر عند اتنين ستات الشاى وستات العرقى واعك تفتكر انو فى فرق بين قعدت الشاى وقعدت العرقى واوعك تفتكرنى سكران ياود الحححححححاج تعالوا فكونى انا قلت الروووووب
Post: #204 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-13-2007, 02:40 AM Parent: #202
يا اخوانا أنا جاي لكن بالله يا ياسر نزلنا غنية تنور القعدة لأنه ناس الحزب الجمالي قعدتهم بالبلابل فصلحها لينا لحدي ما نرجع
Post: #205 Title: Re: أسف ، لكن البورد ده مرات بيذكرني قعدات السكر Author: معتز القريش Date: 03-13-2007, 05:14 AM Parent: #204
Quote: صاحبكم عبدالمنعم سليمان صالبنى ليهو تلاتة ساعات قال عندو كتاب اللفه بعنوان معتز القريش من التكفير للتسكير
انت يا بدر عبد المنعم دا سكر ولا شنو
عاوز يعمل كتاب ...
السكرة طارت ليهو في راسو
افتكر نفسو الطيب صالح ولا شنو
يا كافي البلا دا عرقي ولا بنج
لكن أنا عندي كتاب اسمو
عبد المنعم من الهجيج الى الدقيق (المريسة)
Post: #206 Title: Re: أسف ، لكن البورد ده مرات بيذكرني قعدات السكر Author: معتز القريش Date: 03-13-2007, 05:16 AM Parent: #205
يا أخوانا ياسر طيفور دا مشى وين
أوعة يكون اتسمم ...
يا ياسر تعال ...
ما خلاص بقينا أولاد كاس
Post: #211 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-13-2007, 05:39 AM Parent: #206
خلاص يا مولانا جابو ليك سيرة الوجع والسنة جدعت القفطان.. مرحب بيك وارفع كاس يا قرشرش
Post: #207 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-13-2007, 05:27 AM Parent: #1
Quote: عبد المنعم من الهجيج الى الدقيق (المريسة
)
هاااكم اقراو كتااابييييييي
Post: #208 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-13-2007, 05:30 AM Parent: #207
Quote: قال عندو كتاب اللفه بعنوان معتز القريش من التكفير للتسكير
اهي اهي
ــــــــــــــــــــ انا علي تصميم الغلاف!!
Post: #209 Title: Re: أسف ، لكن البورد ده مرات بيذكرني قعدات السكر Author: معتز القريش Date: 03-13-2007, 05:31 AM Parent: #207
يا عبد المنعم الكوارع بتاعة أمس دي جبتوها من وين
ياخ خشمى ملصق لغاية الصباح
إلا فكيتو بشوية بنزين
دي كوارع ولا سلسيون
Post: #214 Title: Re: أسف ، لكن البورد ده مرات بيذكرني قعدات السكر Author: بكرى ابوبكر Date: 03-13-2007, 05:45 AM Parent: #209
اسمعوا هوى يا شباب امبارح فى واحد شال كيسى بتاع الصعود قال يسف و يرجعوا ...و قام نام بيه و حالف لاخر الاسبوع اذا ما رجعوا ناوى افصله لانو كيس صعودى دافعين ليه بدولار.... وراكبين ليه حمار....... و ممطر فى سوق الجلود عند ود عطار.... و مصلحين ليه الراس بنص عبار.....
حبنا سرى رايك شنو لو اخت ليك الصورة دى فى ملفك
Post: #240 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 03-13-2007, 03:50 AM Parent: #214
يا لورد ما عندي مانع كيتا في منعم وعارف نفسي اقيف منو لكن انا فاقد القعد الظاهر في الصورة ممكن تقلعو وترسلو لي ما قالو هندسة وكدة المهم انا لسع ما شاورت زوجتي لانو لوطلعت قيافة وظهرن علي البنات بتبقي مشكلة ولو قالن البنات شينة ( ما منعم اللي يقول لانو ما محسوب باي جهة ) تقوم زوجتي العزيزة تراجع قرار الزواج وتكون انت السبب ( السبب الحماني ) يعني بين نارين ولا املك القرار حتي الان يازول اتصرف انت ، ومحل رهيفة تنقد
Post: #210 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-13-2007, 05:36 AM Parent: #1
Post: #212 Title: Re: أسف ، لكن البورد ده مرات بيذكرني قعدات السكر Author: معتز القريش Date: 03-13-2007, 05:41 AM Parent: #210
Quote: ما عارف لكن فات جابا كيكي من المراه دي :
نفيسة
عبد المنعم
دي نفيسة الجو شنو كدا ما عارف
لقوها شنو كدا
برضو ما عارف
Post: #213 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-13-2007, 05:43 AM Parent: #1
ود قريش يجازي محن اللي يسكر معااك تاني
Post: #215 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-13-2007, 05:50 AM Parent: #1
يا جماعة الشال كيس صعوط الراجل ده يرجعوا ليهو
الزول ده بتاااع مشاااكل ياااخ
بعدين شغال ضابط في النظام العام
___
يا زول كل شي وللا يخت صورة المريب ده
Post: #216 Title: Re: أسف ، لكن البورد ده مرات بيذكرني قعدات السكر Author: معتز القريش Date: 03-13-2007, 05:55 AM Parent: #215
Quote: اسمعوا هوى يا شباب امبارح فى واحد شال كيسى بتاع الصعود قال يسف و يرجعوا ...و قام نام بيه و حالف لاخر الاسبوع اذا ما رجعوا ناوى افصله لانو
هووووووووووي يا بكري
كان داير ليك سبب تودينا بيهو الخور ساي قول
مافي زول سرق صعوطك ولا حاجة
هو انت قاعد تشتري صعوط
انت سكرت ولا شنو يا ريس
زمان ما قلت ما بتتكيف للسفة الا تشحدها
Post: #227 Title: Re: أسف ، لكن البورد ده مرات بيذكرني قعدات السكر Author: بدر الدين الأمير Date: 03-12-2007, 09:41 PM Parent: #216
بكرى يابوبكر وحات شيخى ود هبانى عفيف اللسان معدل الميزان وبركاته المن الكمدة لرمدة و بجار سيدى ود سليمان عبدالمنعم الصقعان كيسك ياالغبيان شفتو فى يد ود القريش السكران الحيران
تنهدات: معتز جوزيت خيرا على هذه السرقة الحميدة بس ياريت تسرق لينا بعد الكيس الباصات ايها حقت صاحب الكيس وبعدها ح تدخل موسوعة ود هبانى الهجائية
Post: #218 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-13-2007, 06:00 AM Parent: #215
Quote: صعود بكري
ياريس كيسك شالو معتز قريش.. قلت ليهو لييه يازول؟؟ قال لي كيييييييه في بوستاتي البوديها لي الخور الزول ابو صلعة ده فعشان كده يا ريس انا بنصح انك تجيب معاك المرة الجاية بودي (قارد) لانو الزول ده انا عرفت تحت تحت كده انو قرر يطشم مخصوص عشان يشدها معاك قرض..
Post: #217 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-13-2007, 05:57 AM Parent: #1
يا معتز الكيس ده شالو كيكي وللا منعم ب وللا صاحبك بتاع الافرنجي دااك اسمو منو
ااااي ود الامير
Post: #220 Title: Re: أسف ، لكن البورد ده مرات بيذكرني قعدات السكر Author: معتز القريش Date: 03-13-2007, 06:18 AM Parent: #217
Quote: ياريس كيسك شالو معتز قريش.. قلت ليهو لييه يازول؟؟ قال لي كيييييييه في بوستاتي البوديها لي الخور الزول ابو صلعة ده فعشان كده يا ريس انا بنصح انك تجيب معاك المرة الجاية بودي (قارد) لانو الزول ده انا عرفت تحت تحت كده انو قرر يطشم مخصوص عشان يشدها معاك قرض..
كضاب والله يا ريس
دا زول بتاع فتن ساي
هو ذاتو ما كان معانا أمس
كان بقشط في نادي الواحة
وهاك الدليل ـ قبضتو ليك بالثابتة
Post: #219 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-13-2007, 06:05 AM Parent: #1
Post: #222 Title: Re: أسف ، لكن البورد ده مرات بيذكرني قعدات السكر Author: معتز القريش Date: 03-13-2007, 06:25 AM Parent: #219
بعد هذه الخيانة العظمى للقعدة
من المدعو كي كي اللعين
واستبدال العرقي الأغبش بالوسكي الذهبي والفودكا ناصعة البياض
وقعوا لفصل كي كي من القعدة فورا والحمد لله الريس معانا
Post: #221 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-13-2007, 06:22 AM Parent: #1
والله بالجد جد
لا حولللللللللللللللل اللللللللللللة
Post: #223 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-12-2007, 09:30 PM Parent: #221
لا حولللللللللللللللل اللللللللللللة دههه منوووووو ده يا قريش الزول المبتهج وواقف لمبة ده.. غايتو لو ده انا..اقر واعترف واحلف قسما عظما بان الذي امامي ويبدو كما الخمر (ممكن الصفر ده الناس تتخيلو..ويسكي والابيض فلنقل انه يشابه الفودكا) ولو قلت غير كده اطلع زول بتاع غلاط اسفيري,,, لكن بالجد بالجد والله علي ما اقول شهيد يا شباب الاصفر ده عصير تفاح والابيض الزي الفودكا دي(موية) موية الله دي عديل كده.. .... وبعدين وانتم كبار العارفين شفتو ليكم زول بلخبت (ابيض) بي (اصفر).. ... عليك اللعنة يا قريش والله يفرج عليك خلقك الله دي يا ظلامي يا جبهجي يا مكفراتي يا لعين
Post: #224 Title: Re: أسف ، لكن البورد ده مرات بيذكرني قعدات السكر Author: معتز القريش Date: 03-12-2007, 09:31 PM Parent: #221
Quote: والله بالجد جد
لا حولللللللللللللللل اللللللللللللة
يا منعم انت بالجد راسك بقى خفيف
الصورة دي انا رسمتها يعني
ولا ما عرفتو بالبدلة ؟؟؟
دي لزوم الديسكو يا معلم...
أها لقيتني كيف ...
ما سكرت لسه صاح ؟
Post: #225 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-12-2007, 09:34 PM Parent: #1
Quote: والله يفرج عليك خلقك الله دي يا ظلامي يا جبهجي يا مكفراتي يا لعين
Post: #226 Title: Re: أسف ، لكن البورد ده مرات بيذكرني قعدات السكر Author: معتز القريش Date: 03-12-2007, 09:40 PM Parent: #225
Quote: وبعدين وانتم كبار العارفين شفتو ليكم زول بلخبت (ابيض) بي (اصفر)..
مادي حرفنتك يا معلم ...
لكن على منو؟؟
كان انت واقع من السما سبعة مرات
أنحنا الدفرناك
ما قلت ليكم أمنجي وجاي أجمع معلومات
تاني تجي قعداتنا؟؟
والله إطورت يا بتاع الكنابي
ويسكي وفودكا في آن واحد يا مفتري
وأنا وصاحبي منعم مهريين بالعرقي
Post: #229 Title: Re: أسف ، لكن البورد ده مرات بيذكرني قعدات السكر Author: معتز القريش Date: 03-12-2007, 09:47 PM Parent: #226
Quote: بكرى يابوبكر وحات شيخى ود هبانى عفيف اللسان معدل الميزان وبركاته المن الكمدة لرمدة و بجار سيدى ود سليمان عبدالمنعم الصقعان كيسك ياالغبيان شفتو فى يد ود القريش السكران الحيران
يا ريس بكري
ان شاء الله كان انا شلت كيسك
ربنا إشيل كي كي وعبد المنعم
من البورد دا
يا بدر انت نسيت بكري دا بسف ملح ساااااااي
شايل قريعتو ولافي وكان أبيت ليهو بالسفة
يا بوستك إمشي الخور
يا انت ذاتك تلحق بوستك
اللهم أجرنا من خور ابوبكر وعفانته
Post: #231 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-12-2007, 09:48 PM Parent: #225
ياكيكي انت لطشتة الهنينسي من السوج؟
Post: #228 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-12-2007, 09:43 PM Parent: #1
والله يا معتز النظرية بتقول :
بيرة آند ويسكي اس تووو ريسكي
لكن ويسكي وفودكا دي ما شفناها الا في الصور
عموما المؤمن صديق
Post: #230 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-12-2007, 09:48 PM Parent: #1
Quote: بكرى يابوبكر وحات شيخى ود هبانى عفيف اللسان معدل الميزان وبركاته المن الكمدة لرمدة و بجار سيدى ود سليمان عبدالمنعم الصقعان كيسك ياالغبيان شفتو فى يد ود القريش السكران الحيران
الحمد لله
تلحقنا وتنجدنا يا شيخي ابوسيكارة يا الحوارك جكسي ومحايتك بيبسي
بركة شيخ ود الامير يسمعك بكري ويفصل معتز العوير
تلحقنا يا راجل نفيسة
تنجدنا يا زعاط الكديسة
الشال الكيس انشاء الله يتشلا يا رب
ويمشي افغانستان وما يدلا يا رب
بركاتك شيخي ابو سيكارة
Post: #232 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-12-2007, 09:51 PM Parent: #1
القعدة دي ياجماعة شكلها كده حتدور كاسوري بعد شوية مادام الجبهجي ده قاعد ينزل صور مدبلجة ويفضح السادة اعضاء القعدة.. ..وين ياسر طيفور الكمندان الكبير(القصة بقت حرب صور يا ياسر)... ياكمندانات زول دي (دفاع شعبي) ..... ..... قريش شنو ياصديق روق المنقة ياخي المنبر ده متلفز وناس الفريق يقولو (كريم) ده باظ وخلي (الكانجي مورو) وبقي بتاع مرايس خواجات...بالله خت الكورة وطة يا وريف..
Post: #233 Title: Re: أسف ، لكن البورد ده مرات بيذكرني قعدات السكر Author: Eng. Mohammed al sayed Date: 03-12-2007, 09:57 PM Parent: #1
Quote: ياشباب الاصفر ده عصير تفاح والابيض الزي الفودكا دي(موية) موية الله دي عديل كده..
أحب الرز موومتاز موز ماعادى ياود القريش القبضية كدا ولا بلاش ياخى أنا من إنضميت لى البنبر دا مافى واحد جاب أكيدة متل دى قال شنو! قال منتظر بص الثورة قال
........................................................................... الدنيا دى مادولاب
Post: #234 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-12-2007, 10:11 PM Parent: #1
Quote: السكر في السودان ليهو تقاليد وعادات بيعرفوها السودانيين لوحدهم ، وبعيدأً عن الجلد وحد السكر او الجلبة الحايثيرها كلامي حول السكر وشراب الخمرة بشكل مباشر ، عندنا الشراب بيسموه قعدة ، تلقي الواحد يقول ليك - - عندنا قعدة بالفنان الفلاني - او - كنا مساهرين في قعدة للصباح ، - يعني نحن الناس الوحيدين في العالم الشراب عندنا مربوط بالقعاد ولمة ناس بيصطفوا بعضهم البعض ، وفي اللمة غالباً بيكون في ناس ما بيسكروا أي ما بيشربو الخمرة لكن بيدفعوا عدلهم، أي مساهمتهم، زي الناس البشربوا ، و مرات بتكون القعدة وتنظيمها عليهم و ديل عادة يقع عليهم توزيع الناس بعد نهاية القعدة او توصيل الما بيقدر يصل لوحده ، عموما القعدات في السودان تفاصيها متشابهة و انا ما عايز اغرق في التفاصيل لكن السبب الخلاني أنزل بوست بالشكل ده ، لأنه، فعلاً ،مرات البورد ده فيه بوسطات بتذكرني، الليل الهادي، اقصد القعدات خاصة لم الخمرة تداعب الرؤؤس. فالناس في هذه القعدات بينقسموا لنوعين نوع يلم قيك نبذ وشتايم ويفتش أي كلام عشان الشكلة تدور و برضو ما بتدور لأنه دائماً زي ما قلت قبيل انه في ناس بيحبوا القعدات لكن ما بشربوا فبتقع على عاتقهم مسؤلية درء المشاكل و حفظ الأمن لحدي ما القعدة تفرتق ، والنوع الأول ده اهون من النوع التاني . النوع التاني و ده ، النوع الصعب ، يقوم يتلحك شكر لحدي ما القعدة تفرتق من كترت الشكر - علي الطلاق إنت أحسن زول أنا لقيتو في حياتي - _ والله الكرم عندكم و انتو اصحاب الشهامة ... أنتو؟ أفو ... قلت شنو؟ "يبزغ السفة" - لا دقيقة يا اخوانا خلوني اخلص كلامي ، مش دي فرصتي ؟ و بعدين ياأخي الراجل الطيب ده ما تفوتو كاسو .. وانا ذاتي قبل شوية مش قلت ليكم أم عصام دي أحسن مرة الله خلقا في الحلة دي ، "ده طبعاً لمن المزة تجي داخلة بالصحن الكبير" -دقيقة يا....... ما تقدنا بالنقة التحت تحت دي ، كان فوتوك كاسك على الطلاق تشيل كاسي ده....... يا اخي إنت قايل نفسك هين ده احسن فنان انا سمعتو في حياتي .................................. ..................................... ......................................... ........................................... ............................................ .................................... - و يواصل في الشكر واي زول في القعدة بيلقي نصيبو من الشكر ، وطبعاً طالما المسألة شكر ما ممكن يكون في حجاز و ما في زول بيقدر يتدخل و الشكر يستمر لحدي ما يدور شكر في نفسو - - الفينا مشهودة - - ونحن فوق عزنا قبائل ما بتهزنا - _جيلي أنا جيل البطولات والإستقلال ويا بهية و عرس مافي ، اقصد، حرب مافي - _ لحدي خير امة في افرقيا والعالم العربي والغربي . - أها يا اخونا المنبر ده فيهو النوعين ديل نوع يلموا في بعضهم شكر لحدي ما حماد يفتر و يقول - _ يا اخواناااااااااااااااااااااااااااااااااااااااااااااا باقي الشكر أدوهو للخيل ولا سودانير اول خطوط جوية في أفريقيا - و نوع يلموا في بعض شكل و شتائم بسبب ومن غير سبب لحدي ما الناس المابشربوا يتفرجوا، اقصد، يتدخلوا ، و طبعاً ديل غالباً ما بيكونوا بكري او واحد من الناس النفسهم طويل في الحوار الموضوعي . ويقولوا - _ يا اخي فلان ده تاني ما تدوا .. خلاص كفاهو كده - وهم قلة بتدخلوا بشكل قليل و لو طرف السوط لحقهم بينسحبوا يا من البوست او من القعدة كلها و يقوموا يمشوا يقعدوا مع ناس سودان فور أول لأنها قعدة صفوة من المثقفين ما اي زول بيتعزم . وبكري لأنه القعدة في بيتو و ما في طريقة يمشي قعدة تانية يقوم يشيل الزول و يغطس ليك راسو في حوض الماسورة لحدي ما تفك ويجيبوا راجع واعي عشان يبدأ من جديد والتوبة علي كيف الزول. - نواصل ونعدل إذا لزم التهديد و يا اخونا انا لسه جديد و بيتي طرف ، يعني براحة علي، و مرات بسرعة بقول الروب و برفع الراية البنية خاصة لو الحرامية إتلخبتوا مع إي قوات نظامية او غير نظامية. و جاي و جاي و جاي كلو عندو دين كلو عندورأي نعود بعد قليل لو فضل فيها قليل إسماعيل خلوني اطلع السفة دي و اجي
ده شنو ده
Post: #236 Title: Re: أسف ، لكن البورد ده مرات بيذكرني قعدات السكر Author: Adrob wad Elkhatib Date: 03-12-2007, 10:29 PM Parent: #234
Quote: لازم حين يرفعوا الكاسات يطقوهاببعضها وتسمع تك رن ثم يبدأ الشرب؟
الاخ بدرالدين تحياتى طبعا طق الكاسات ده فيه حكمة , طبعا اى انتعاش رهيب لابد يكون بالحواس الخمس : فانت ترى الكاس وتمسك به وتتشتم رائحتة , ينقصك حاسة السمع ولمن تطق الكاس يكون جمعة كل الحواس .
حاشية : بالمناسبة الرشيد يهلول بلدياتى ودفعتى وصاحبى فرقتنا الدنيا منذ 17 سنة وين الراجل ده لو عندك ليه عنوان بالله رسلوا لى
Post: #249 Title: Re: أسف ، لكن البورد ده مرات بيذكرني قعدات السكر Author: بدر الدين الأمير Date: 03-13-2007, 06:25 PM Parent: #236
ادروب لك التحية فى تفسيرك لقرع الكاسات يبدولى انك شريب من الطبقه اياها وبعدين ياخى فى زول عاقل بقول انا قريب الرشيد بهلول او بعرف ذلك الصايع الصعلوق الرشيد ياله من متمرد بطريقته الخاصة اشتاقه كثيرا لكنى مثلك ياصديقى اخباره مقطوعة عنى من فترة لكن ممكن الاخ صديق الموج يفيدنافى العثور عليه
Post: #258 Title: Re: أسف ، لكن البورد ده مرات بيذكرني قعدات السكر Author: Adrob wad Elkhatib Date: 03-14-2007, 10:07 PM Parent: #249
الاح بدرالدين تحياتى
Quote: يبدولى انك شريب
ياخى نحنا ناس قهوة ساى!!!!!!!والعجب من الصباح .
شوف انا ساكن وين ....الصورة ادناه يعى الجو جو قهوة ...بالمناسبة عازمك قهوة رايك شنو كلها 4 ساعات منكم.
حقوق الناس والندمان خمس فأولها التزين والوقار
وثانيها مساعدة الندامى وكم حمت السماحة من ذمار
وثالثها وان كنت ابن خير البرية محتداً ترك الفخار
ورابعها وللندمان حق سوى حق القرابة والجوار
إذا حدثته فاكسو الحديث الذي حدثته ثوب اختصار
وخامسها يدل به أخوه على كرم الطبيعة والنجار
كلام الليل ينساه النهار فان الذنب فيه للعقار
فان حكمت كأسك فيه فاحكم له بإقالة عند العثار
Post: #237 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-12-2007, 10:30 PM Parent: #234
منعم ب وباشمنهندس محمد... ياخ قريش ده زول مطرطش ساكت..ودي واحدة من قصص (سيم سيم بالكربون).. التهمة بتكون راكباك ركوب الجن وكل قرائن الاحوال بتقول ان القصة دي (فودكا+ويسكي) لكن يظل المتهم غير ذلك وبتاع عرقي ومرايس فقط لحين اثبات العكس ويظل برئيي..برا وبحرا من مقارعة خطوب الفرنجة وخمرهم المعتق ومشجعا للصناعة المحلية والمحلية فقط..... منعم تطردوا قريش ده ولا اجوطها واعلن حرب اسفيرية ثانية..
Post: #235 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-12-2007, 10:15 PM Parent: #1
يا اخوانا بكري عمل حاجة للبوست ده
شايفو كان 3 صفحات بقا 2
تكتب ود الامير تتكتب ليك كيكي
تقول كافر يجيك قريش
تكتب منعم سليمان تتكتب منعم ب
المهندس محمد يكتب عن الفضيحة البوست يقفل
نجيب السكر ما نلقا الخرابة
نلقا الخرابة ود قريش يابا
انا سكرااان وللا شنو
وللا طرفي من اصلو نعسان
يمكن
Post: #238 Title: Re: أسف ، لكن البورد ده مرات بيذكرني قعدات السكر Author: Eng. Mohammed al sayed Date: 03-12-2007, 10:33 PM Parent: #1
منعموووو والله الحصل ليك حصل لى كل ما أفتح البوست ألقى الكوت لى البوست من أول مداخلة جاهز للإرسال من 3 إتحول لى صفحتين السبب شنو ماعرفت؟ كيكى دا شيخ ولا إيييه؟
Post: #239 Title: Re: أسف ، لكن البورد ده مرات بيذكرني قعدات السكر Author: عبدالكريم الامين احمد Date: 03-12-2007, 10:39 PM Parent: #238
Quote: كيكى دا شيخ ولا إيييه؟
الفكي (قوبي) بتاعي يا محمد بحاول يخارج الصورة الكارثة دي من البوست لكن(ابوصلعة) حجابو قووووووووي... ....عموما المحاولات جارية وسيتم الاستعانة بفكيه من خارج الكمبو لانتزاع هذه الصورة الكارثة
Post: #241 Title: Re: أسف ، لكن البورد ده مرات بيذكرني قعدات السكر Author: Yassir Tayfour Date: 03-13-2007, 04:24 AM Parent: #239
يا كيكي بقيت تشرب apple juice! يا اخوانا لو سمحتو أسكتو دقيقتين حداداً علي شهدا إكتوبر.. هو إكتوبر دي الإستشهد فيها منو... أي عليك الله شيلو الفاتحة.. يا قريش يا شرفان خت الكاس.. داير تشيل الفاتحة بي يد واحد؟؟ السم ده ملحوق.. صمت.. منعم التاني: إنتو فطيتوني! مافي زول رد عليهو.. بقة: كب ياخ! منعم الأول: آيه الدنيا غير، لمت ناس في خير، أو قعدت سكر.. ثم تكلم لغة غير مفهومة، يقال إنها لغة التغرنجة.. ____________ الأمير يتنهد: يا جماعة لو في سكين ولا آلة حادة، لموها من هنا.. معانا مكفراتي..
الجماعة: بصوت واحد: أأأأأأأأأأأي
Post: #242 Title: Re: أسف ، لكن البورد ده مرات بيذكرني قعدات السكر Author: على عمر على Date: 03-13-2007, 05:38 AM Parent: #1
انا يابقه عملتا ليك سمعه حسنه فى بوستك دا وقاعد اعاين ليهو كل دقيقتين لكن جابت ليها معتد القريش ما فاضل ليكن الا ....
Post: #243 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-13-2007, 08:38 AM Parent: #242
و الجماعة لم فترو من شيل وخت و كملو حلايف الطلاق في كل المحافل لموا خلايق الله و قالو لهم حي على الجهاد... حي على الجهاد حي على الجهاد و الجهاد المرة دي قرقاش وناشف لا بنات حور منتظرات و لا مسك يعطر تربنا ما الشيخ و ماذون بنات الحور كفر بالزواج البايو ريشل و أمر بعدم خلط الأعراق بنت حور وسوداني كالح ؟ عشم يونس الدكيم في الملكة فكتوريا قالوا الشيخ كفر - الشيخ كفر ؟؟؟؟ و جن جنون حيران الشيخ الأحياء منهم و الأموات ما حفلة عرس جماعي وطرشقت ما وليمة بالقيزان و أنكشّحت أنكشف المستور وشفنا الطيرة تأكل في جنها و الحيطة تتمطي وتفلع في قفي الشيخ البناها حي على الجهاد حي على الجهاد و لا حياة لمن تنادي ........ صمت الشيخ .. فجاءة إنتفض مغنياً - خلانا نتشابي نجر وراء الغلابة و ينوا حنانا دستورنا علماني و مشروعنا ما حضاري دق الباب وجانا أنا جريتلوا حفيانه اركو مالو ما جانا... دق الباب و جانا و انا جريتلوا حفيانه مولانا المرضي مالو زاغ خلانا ما قصدت الحيا قصدي أدشدش المعارضه حنانا اليلة مالوا ما جانا حنانا دي التهليلة ما لها تعبانة ونام الشيخ و الأغنية تتردد صدي بين شفاه و الجماعة في شيل و خت وخت وشيل لكن يا اخونا الشيل ده نوديهو وين جاء حكيمهم وقال نتبرع بيهو لضحايا كترينا دنق دنق موسيقي تصويرية - ويا دار ما دخلك شر النهاية فتحت خشمي و قلت دي النهاية؟؟؟؟؟؟ رجعوا لينا قروشنا و أفلامكم الما هابطة دي انا تاني ماني خشيها لو دفعتوا لي مليون جنية قال فليم سوداني السوداني فيهو شنو ؟؟ شفنا في الملا عمر في أفغانستان وفي صدام في العراق و لسه مدور في العراق و على الباغي تدور الدوائر والمربعات حكمة أمبارح يا تيرويس الماجاءك في بوستك ما تمشي ليهو في عرسه و حكمة اليوم كتلوك ولا جوك جوك
Post: #244 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-13-2007, 09:00 AM Parent: #243
يا مصطفي سري مين النزل صورتك ؟ مش أنا قلتلك الصورة مكانها ما يطلبه المستمعين ده انا حا شتكيك للجنة اللصوص و قطاعين الطرق و وزير الداخلية السابق
Post: #245 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-13-2007, 03:40 PM Parent: #244
أرفع صوتك هيبة وجبرة و منتظر اللمة باللمبة
Post: #246 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-13-2007, 04:18 PM Parent: #245
Post: #250 Title: Re: أسف ، لكن البورد ده مرات بيذكرني قعدات السكر Author: طلال عفيفي Date: 03-14-2007, 05:20 PM Parent: #248
عبد الباقي سلام ، مرحب يا معلمين ..
قبل سنوات كنا بنقعد في كوبر جوه ونجيب الخمره في براد شاي ، ونقعد متحلقين حول تربيزة الشراب زي العصافير ، لابسين عراريقنا وفي جيوبنا علب البرنجي وورق اللف ولستك والشيرينج حق القعدة ؛
أهم حاجة في الموضوع إنو التربيزه بيكون مدقوق في نصها مسمار (عدم المؤاخذة) عشان نخت الكاس لصقو عشان نوزن مقاس الكاس بطرف المسمار ..
وبي كده يا حبايبي الحلوين نكون إتفادينا الشِبك والمشاكل ، وكلام كاسك أطول من كاسي ، وإنت يا زول فطيتني .
Post: #251 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-14-2007, 06:08 PM Parent: #250
يا طلال أنا ما قتا ليك فاتتك أي قعدة بس أنت مر من هنا من حين لآخر
Post: #253 Title: Re: أسف ، لكن البورد ده مرات بيذكرني قعدات السكر Author: بدر الدين الأمير Date: 03-14-2007, 07:39 PM Parent: #251
الكلام لعمر الخيام:
لاتشغل البال بماض دفين واغنم من الحاضر أمن اليقين فقد تساوى فى الثرى راحل غدا وماض من الف السنين
Post: #255 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 03-14-2007, 09:29 PM Parent: #251
الصورة التي تنور شاشة كمبيوتر اي مشترك لا تحسدوها اخوة الاسلام يا بقة الصورة كانت بطلب من الاخ بكري ، وانا اريد ان انشر كل صوري مثل مرشحي الانتخابات ، وانا الرمز بتاعي جاهز (الصلعة ) ويوم ما تبدا الانتخابات تكون الدعاية صوتوا لرمز الصلعة ، وترت ترت عجور والصلعة تولع نور وسنأصل للصلعة كما تم التأصيل لكل شيئ الاغنيات واسماء لعيبة الكورة (حيث يمنع مناداتهم بالالقاب بئس الاسم الفسوق بعد الايمان ) وعند تأصيل الصلع هناك العديد من الاثر الصالح في هذه المسألة والفقه لم ينسي ذلك ، والصلع الان تمت خصحصة العديد منه ، بل وتم استيراد صلع من دول مختلفة ولان المقاطعة مع الشيطان امريكا فقد تمت الاستعاضة بايران وتايوان ومجموعة دول عدم الانحياز وللصلع لمثل قعداتكم فوائد جمة فهي مرشد لكل اللذين يبحثون عن دليل ولكل من يبحث عن الشوارد مثلها مثل الراية ، والصلع لديها اتحاد مشهور اسمه (اتحاد الصلع والجلحات الصغيرة ) وسنفتح باب العضوية والان سيقوم احدهم ويسجل الاتحاد باسمه اذكر ان مصور السوداني الاستاذ عزت التقط لنا صورة فيها الاخوان طارق الامين (هيللاهوب )وصالحين وعوض شكسبير وشخصي الضعيف وكان تعليق الجنرال احمد طه اسفل الصورة ( البقاء للاصلع ) وكل صلعة وانت بخير
Post: #252 Title: Re: أسف ، لكن البورد ده مرات بيذكرني قعدات السكر Author: خضر حسين خليل Date: 03-14-2007, 07:37 PM Parent: #1
بدايةً
في صحتكم ياشباب
زمان كان في دعاية في التلفزيون عن زبادي ريري في النهاية كانو بقولو البركة في ريري المهم البركة في منعم سليمان لأنو عزمني هنا الواحد كان شامي الريحة لكن قلنا يازول تعال بي الدرب العديل ....
لقيت ود ابكر هنا غايتو محل ماتكون في مريسة طوالي متلب يامحيو .... الله يعين
هسي الدنيا ليلت وكان ذدنا حرف هنا بننقص في راسنا ياخ حالة عجيبة البلد كلها بقت تسكر ولي باكر
خضر
Post: #254 Title: Re: أسف ، لكن البورد ده مرات بيذكرني قعدات السكر Author: معتز القريش Date: 03-14-2007, 09:14 PM Parent: #252
وييييييييين يا شباب
والله مشتاقين عديييييل
بصراحة كدا أنا البتاع دا قاعد يغلت عليّ
أنا هسة لي يومين ما عارف أنا في السماء ولا في الأرض
ممكن ألف لي سيجارة؟؟؟؟
يا ربي سيد الحوش ح يرضى ؟؟؟
Post: #256 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 03-14-2007, 09:38 PM Parent: #1
والله ما بسكر لو سري ما غير الصورة
Post: #257 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 03-14-2007, 09:53 PM Parent: #256
يامنعم كيفك ما تبقيني سبب انت ما عندك حق البتاع ، انشاءالله تكون قريت ردي لبقة في نفس البوست دة لمن علق علي الصلعة ، وانا صلعتي دي ما بغيرها وصوريتي سانزل بها في الانتخابات القادمة والذ شيئ الصلعة باللطة ، زي السلطة بالجنبة ، والقرن القادم هو قرن الصلع ، وتقول سنو الرئيس بي صلعتو ، وملس زناوي بصلعتو ، والنائب الاول سلفاكير بصلعتو ، والرئيس الامريكي الجاي احتمال كبير بصلعتو ، وانت بصلعتك
Post: #259 Title: Re: أسف ، لكن البورد ده مرات بيذكرني قعدات السكر Author: معتز القريش Date: 03-15-2007, 08:50 AM Parent: #257
Quote: أي عليك الله شيلو الفاتحة.. يا قريش يا شرفان خت الكاس.. داير تشيل الفاتحة بي يد واحد؟؟ السم ده ملحوق..
ياسر طيفور
انت كافر ولا شنو ؟
شفت ليك واحد شايل كاس ويشيل معاه فاتحة
إني أعلن عليك الجهاد والرماد الكال حماد
يا سكرجية المنبر اتحدوا لفصل ياسر طيفور
من القعدة
Post: #260 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-15-2007, 09:36 AM Parent: #257
Quote: وكان تعليق الجنرال احمد طه اسفل الصورة ( البقاء للاصلع ) وكل صلعة وانت بخير
هااااااااااااااااااااااااااااااااها و البقاء للأصلع ونزهي
Post: #261 Title: Re: أسف ، لكن البورد ده مرات بيذكرني قعدات السكر Author: Nader Abu Kadouk Date: 03-15-2007, 09:45 AM Parent: #260
يا جماعه البتاع ده وصل وين ليهو زمن طويل ما جا بعندنا
الصاوي ارخي شويه
Post: #263 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-15-2007, 05:11 PM Parent: #261
منو قال شنو؟
Post: #286 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-26-2007, 11:34 PM Parent: #261
و الجماعة لم فترو من شيل وخت و كملو حلايف الطلاق في كل المحافل لموا خلايق الله و قالو لهم حي على الجهاد... حي على الجهاد حي على الجهاد و الجهاد المرة دي قرقاش وناشف لا بنات حور منتظرات و لا مسك يعطر تربنا ما الشيخ و ماذون بنات الحور كفر بالزواج البايو ريشل و أمر بعدم خلط الأعراق بنت حور وسوداني كالح ؟ عشم يونس الدكيم في الملكة فكتوريا قالوا الشيخ كفر - الشيخ كفر ؟؟؟؟ و جن جنون حيران الشيخ الأحياء منهم و الأموات ما حفلة عرس جماعي وطرشقت ما وليمة بالقيزان و أنكشّحت أنكشف المستور وشفنا الطيرة تأكل في جنها و الحيطة تتمطي وتفلع في قفي الشيخ البناها حي على الجهاد حي على الجهاد و لا حياة لمن تنادي ........ صمت الشيخ .. فجاءة إنتفض مغنياً - خلانا نتشابي نجر وراء الغلابة و ينوا حنانا دستورنا علماني و مشروعنا ما حضاري دق الباب وجانا أنا جريتلوا حفيانه اركو مالو ما جانا... دق الباب و جانا و انا جريتلوا حفيانه مولانا المرضي مالو زاغ خلانا ما قصدت الحيا قصدي أدشدش المعارضه حنانا اليلة مالوا ما جانا حنانا دي التهليلة ما لها تعبانة ونام الشيخ و الأغنية تتردد صدي بين شفاه و الجماعة في شيل و خت وخت وشيل لكن يا اخونا الشيل ده نوديهو وين جاء حكيمهم وقال نتبرع بيهو لضحايا كترينا دنق دنق موسيقي تصويرية - ويا دار ما دخلك شر النهاية فتحت خشمي و قلت دي النهاية؟؟؟؟؟؟ رجعوا لينا قروشنا و أفلامكم الما هابطة دي انا تاني ماني خشيها لو دفعتوا لي مليون جنية قال فليم سوداني السوداني فيهو شنو ؟؟ شفنا في الملا عمر في أفغانستان وفي صدام في العراق و لسه مدور في العراق و على الباغي تدور الدوائر والمربعات حكمة أمبارح يا تيرويس الماجاءك في بوستك ما تمشي ليهو في عرسه و حكمة اليوم كتلوك ولا جوك جوك
Post: #262 Title: Re: أسف ، لكن البورد ده مرات بيذكرني قعدات السكر Author: shahto Date: 03-15-2007, 05:07 PM Parent: #260
يابقة سلامات ياخي فطريقة للملح في جوبا
و هل ارضي العشوائة احتكرها زول هي في اخر اطلع برة و <<<<<<<<< مافي عشان اخوك مدمن عشوائي حنب اطلع جوة
سلامات
Post: #264 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-15-2007, 05:42 PM Parent: #262
عندنا عشوائي ما لاقين ليهو شيخ تقبل؟ ممكن نسميهو مايوا و نخلي ليك المواصلات حمير
Post: #265 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-16-2007, 08:29 AM Parent: #264
الصبر يا أخوانا الجايات أكتر من الرايحات
Post: #266 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-17-2007, 04:26 PM Parent: #265
و الدعوة لأخ خطاب
Post: #267 Title: Re: أسف ، لكن البورد ده مرات بيذكرني قعدات السكر Author: طارق الأمين Date: 03-17-2007, 07:38 PM Parent: #266
الشراااام وعليكوم
ورحمطولااااهي
وبرا
كاتو
دقيقادقيقدقيقا بجي بجي بجي
Post: #268 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-20-2007, 07:04 AM Parent: #267
Post: #269 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-20-2007, 07:19 AM Parent: #268
Quote: ورحمطولااااهي
دي رحمة
ولّ سفينة محطمة
Post: #270 Title: Re: أسف ، لكن البورد ده مرات بيذكرني قعدات السكر Author: عصام عبد الحفيظ Date: 03-20-2007, 09:58 AM Parent: #269
بس الواحد يغيب دقيقتين فى غرب النوير يجى يلقى صوتكم عال والشية دخانا ضارب فى السما
خلونى اجيب شرابى ده وبعدين ادونا فرصة نعبر عن ذاتنا المحرق جوفا دى ...!!!
Post: #271 Title: Re: أسف ، لكن البورد ده مرات بيذكرني قعدات السكر Author: بدرالدين يعقوب Date: 03-20-2007, 01:07 PM Parent: #1
يابقة :- ذكرتني واحد اخونا ومعاه اخونا برضو بقشطو جنب بيتهم كل يوم اخونا بجيب لي اخونا فول بعد القشطة بتعشو (يعني قشطة بدون مزه ونهايتها فول) يوم اخونا التاني جاب دجاجة ودساها وري الباب , لمن خلصوا القشطة اخونا قال لي اخونا نجيب فول قال ليه باص يعني لزوم خيانات لانو عندو دجاجة وراء الباب ولسه ماتم كلامه سمعو صوت الكدايس تكورك والدجاجة راحت في خبر كانه
يابقة لكن القعده لمن تكون مرتبة ورزينه بتكون حلوة (يعني ماعشوائية)
قلت لي اسمك منو هقهقهق
نواصل في القعدة الجاية ياشربة اقصد يابقة
Post: #272 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-21-2007, 07:11 AM Parent: #271
يا عصام عبدالحفيظ نعمل ليك شنو ما عذاب المصور يا بدرالدين ما في حاجة إسمها القعدة الجاية لأنو دي قعدة مستمرة و ما حاتقيف البيفتر يمشي ينوم و الإتملا يمشي يتدفق في حوض الماسورة داك و يجي و لو ما داير يجي برضو من حقو السلام السلام ده طول كده مالوا ؟؟؟؟
Post: #273 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-21-2007, 07:30 AM Parent: #272
الصيف دخل ياجماعة ولّ شنو؟
عصام سلاماااات كدي خليني
الندخل الكرتونة دي في التلاجة
بعداك نشوف اخبار ك
شنو؟ ....والله لكن
فاتتك قعدة !!!
وفي ناس من فضيحتم تاني
كراعم مادقت بي جاي
وزول كدة ..طش من بيتم
لمو ليك فيهو بتاعين الطواري
وختوه ليك في درابزين...
ياداب مشينا فكيناهو..!!!
مخسرنا ليك حق القعدة الا بلا ..
البركة في كرتونك الجيت
شايلا دي...؟
بالله قتلي اخبار النوير شنو؟
Post: #274 Title: Re: أسف ، لكن البورد ده مرات بيذكرني قعدات السكر Author: NEWSUDANI Date: 03-21-2007, 07:32 AM Parent: #1
يا بقه المزة لأنوالشراب ده قوي
وبمناسبة المزة مرة شلة قرروا يبطلوا الشراب ويشربوا بنقوا ،فصاحبنا قال ليهم مع البنقو والبنقو بيجوع قرر أنه يمزوا سلطة
الشباب نزلوا فيها شي معالق شي يدين ،الشاهد قرضوا السلطة ،،،،
سيد البيت قال ليهم بيطريقتكم دي أنتوا دايرين ليكم متعهد أنا أفتكر أحسن نرجع لشرابنا ،،
كب يا كمرد
Post: #275 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-21-2007, 12:39 PM Parent: #274
اها كبينا الجاز و هناي بتاع الجاز داك قالوا عندو بنك في البيت تمشي للريئس في صلاة الصبح يكتب ليك ليهو ورقة تشيل الورقة تمشي ليهو في صلاة صبح اليوم التاني تديهو الورقة يسوقك معاهو البيت حسب المبلغ الكراتين بيتجي طالعة و دائماً دولارات بس ،لأنو المحلي تقيل و الدولار خف وزنه وغلى ثمنة لحدي ما وصل مية درجة مئوية
Post: #276 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 03-24-2007, 00:52 AM Parent: #275
نرجع للموضوع الاساسي
هل البورد فعلا اشبه بقعدة كبيرة؟
Post: #277 Title: Re: أسف ، لكن البورد ده مرات بيذكرني قعدات السكر Author: عبّاس الوسيلة عبّاس Date: 03-24-2007, 06:25 AM Parent: #276
بقه نعم روق الشباب و خليننا نتناقش المنبر في خطر و المنبر يهمنا امره . في عالم اليوم هنالك صحافة الأجهزة الأمنية و هذا واضح في كثير من صحف الخرطوم. المنبر عليه هجمة لإغراقه في الإسفاف ولتصفية الحسابات الشخصية.نعم هو عمل كبير على أخونا بكري فقط نذكره أن الكنغ يجب أن يكون دائماً واعي. أتمنى يا بكري ان نرى مجلس امناء مثلا لوضع السياسات و للمراقبةاو اي جسم لمساعدتك جسم يعبر عن الجميع . الكتابة إلتزام و مسؤولية. معاً من أجل إختلاف بناء و موضوعي. عبّاس الوسيلة
ا
Post: #278 Title: Re: أسف ، لكن البورد ده مرات بيذكرني قعدات السكر Author: NEWSUDANI Date: 03-24-2007, 06:59 AM Parent: #1
يازميل الحكاية كلها قعدة..
قعدة كب وقعدة سب،،وقعدة بجيب الجرب،،
البلدقعدة، والحكم قعدة ،والمعارضة قعدة ،
لكن قعدة من قعدة تختلف
في قعدة خم وقعدة لم وقعدة بين أولاد الجزم
وفي قعدة فن ،وقعدة فيها أشلاء المحن
ماهو كله قعدة
قعدة حكم ،وقعدة نظم ومنها في نهاية حكم الظلم
يا صديقي كل البلد قعدة
وخلينا قاعدين
Post: #279 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-24-2007, 07:45 AM Parent: #278
أها دي واحدة من القعدات البتنتهي بشكله لأنه مافي زول بيقبل النقاش بموضوعية رغم من أن الموضوع فيهو حيوية ومعني أبعد من الشخصيات التي تطرق لها في حد ذاتها
Post: #280 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-25-2007, 02:31 PM Parent: #279
يا اخوانا الخميس الجاي القعدة في الفتيحاب وراء بيت ناس مناوي ، عشان شكل القعدة يبقى بالسلاح، انا تاني ماعايز شكلة بالخشم ساكت ولا بصوت عالي
Post: #281 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 03-25-2007, 03:24 PM Parent: #280
امك ، تقول الفتيحاب عديييييييييييييييييييييييييييييييييل كدة وانت عارفنا نحن سلاحنا الطوب ، والجري بقي صعب ، كنت بتكلم مع زول صاحبنا عن الاحداث بتاعت الفتيحاب وقلت ليهو الشرطة داهمت منزل حرس مناوي بالدبابات قال لي هي الشرطة خلت الكوامر وابو عشرة ، وناس زمان يذكرون تلك الشرطة والقعدات الزي تكون معمر (السلاح ) مش الشيشة
Post: #282 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 03-25-2007, 03:25 PM Parent: #280
امك ، تقول الفتيحاب عديييييييييييييييييييييييييييييييييل كدة وانت عارفنا نحن سلاحنا الطوب ، والجري بقي صعب ، كنت بتكلم مع زول صاحبنا عن الاحداث بتاعت الفتيحاب وقلت ليهو الشرطة داهمت منزل حرس مناوي بالدبابات قال لي هي الشرطة خلت الكوامر وابو عشرة ، وناس زمان يذكرون تلك الشرطة والقعدات الزي دي تكون معمر (السلاح ) مش الشيشة
Post: #283 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-26-2007, 10:07 PM Parent: #282
Quote: يا اخوانا الخميس الجاي القعدة في الفتيحاب وراء بيت ناس مناوي ، عشان شكل القعدة يبقى بالسلاح، انا تاني ماعايز شكلة بالخشم ساكت ولا بصوت عالي
و الله ما كانش أصدي و الجايات أكتر من الرايحات
Post: #284 Title: Re: أسف ، لكن البورد ده مرات بيذكرني قعدات السكر Author: عاصم ابوبكر حامد Date: 03-26-2007, 10:14 PM Parent: #1
عبدالباقى ليلتك باسطة وسكر
تانى رجعت لينا بوست السكرجية دا ..
انا ماعارف الدنيا ليل اجيب معاى انشاء ولا كونياك ولا جن
احسن واحد عندكم شنو ....
Post: #285 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 03-26-2007, 10:42 PM Parent: #284
Quote: انا ماعارف الدنيا ليل اجيب معاى انشاء ولا كونياك ولا جن
احسن واحد عندكم شنو ....
شوفتا ليك السر قدور بيغنوا ليك معاهو عقد الجلاد ياريت يا ريت ... و اسرار غناية جداً و الله يخليها تغني كل يوم ونحن نسمع و يا السر قدور الكلام وصل لينا من زمن عرفنا إنك إنت فعلاص السر قدور يا لك من السر قدور
Post: #287 Title: Re: أسف ، لكن البورد ده مرات بيذكرني قعدات السكر Author: NEWSUDANI Date: 03-28-2007, 09:52 PM Parent: #1
يا صاحب الدعوة "القعدة"،،،
الجماعة مسكوا في وزير الداخلية مابين مشكرا له وبين ملعن له ولليوم الذي ولد فيه،،
يا بقة عارفك ماشي تجيب ثلج لكن وصي بالعشاء الناس دي سكرت
- راجع البوست-
Post: #288 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 03-29-2007, 01:36 AM Parent: #287
يا زول انت من زمن بيجيبوا التلج الشغلة كدة وبث وبعدين الشغلة في الفتيحاب ـ تلج شنو ما هي جنب المهندشين والديش ودوا فتاشة
Post: #290 Title: Re: أسف ، لكن البورد ده مرات بيذكرني قعدات السكر Author: انعام عبد الحفيظ Date: 04-05-2007, 11:42 AM Parent: #288
عارف يا مصطفى قدر ما فتشتك ما لقيتك
أخيرا قلت ح ألقاك هنا
انا قلت أقول ليك إنو امس انا واسمهان
كنا في عرس مهدي في الفتيحاب
وأي زول ممكن تتخيلو كان موجود
والله يا مصطفى فقدناك وصحبك عبد الباقي قاااااااااااااعد
اها انا قلت أكلمك ومتخارجة من قعدتكم دي
Post: #291 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 04-05-2007, 04:39 PM Parent: #290
انعام يا دفعة ، طبعا شففتيني قبيل بالهاتف واتصلت علي العريس مهدي ناصر المهدي وما لميت في بقة ، وعارف بعدين ما بلم فيهو ، وانت الان في الكوافير ولحدي ما تخلصو العرس واصلي القعدة بعدها وليك الامان والناس الموجودين هنا في جلسة بقة ما غريبين عليك صاح؟
Post: #292 Title: Re: أسف ، لكن البورد ده مرات بيذكرني قعدات السكر Author: خدر Date: 04-05-2007, 04:50 PM Parent: #291
بُقة حلجتها و قعدتا ؟
بركة القريناكـ تاني بعد 20 سنة واسمكـ ده كل مرة اشوفو و اقراهو غلط .. لمن نبهني الليل صاحب مشتركـ بجيكم صادي و بحكي ليكم (حلجتها و قعدتا) دي لو زول حكاها قبلي ببلغ فيكم اقرب بسط امن شامل
Post: #293 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 04-05-2007, 04:55 PM Parent: #292
يا اخ انت لسع ما خليت عادة تحكي النكتة الفرمالة كل مرة اسعي قريب في القعدة الفاتت ما حكيتها ، لطيت يا مان
Post: #294 Title: Re: أسف ، لكن البورد ده مرات بيذكرني قعدات السكر Author: bayan Date: 04-05-2007, 05:18 PM Parent: #293
هوي خارجو روحكم اسعنية نخلص القرقشة الحاصلة ونجيكم نكشكم.. قعدتكم دي ما قانونية عندكم اذن من البلدية وعملتو التصريح؟
بالله يا عبدالباقي عرفتك اليوم اثر محادثة مع صديقة انت دفعة ناس حمامةوطاهرة؟ الناس القالت كدي دخلت بعد مرقنا نحنا؟
Post: #295 Title: Re: أسف ، لكن البورد ده مرات بيذكرني قعدات السكر Author: Marouf Sanad Date: 04-05-2007, 05:24 PM Parent: #293
علي الحرررام, عععلي الحرام
absolutely , definitely ,absolutely, definitely
Post: #296 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 04-06-2007, 01:35 AM Parent: #295
يامصطفى ما تديناواحدة من السيوسيو بتاع الفودكا المصبنو هناك داك
Post: #298 Title: Re: أسف ، لكن البورد ده مرات بيذكرني قعدات السكر Author: انعام عبد الحفيظ Date: 04-06-2007, 01:41 PM Parent: #291
Quote: انعام يا دفعة
دفعة وين يا مصطفى سري؟؟؟
البعرفو إنو أنا لما دخلت الجامعة انت في رابعة
Post: #297 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-06-2007, 01:16 PM Parent: #1
Taht is it
Post: #299 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 04-06-2007, 05:12 PM Parent: #297
يا بقة طولت انت رجعت نيروبي وللا شنو ، المهم القعدة ما ماشة وبقت تدخل لينا (الجكس ) وانا جني وجن القعاد مع الجكس وانت تعلم ذلك قبل فترة جات سلمي الشيخ وبعدها رجاء العباسي واليومين دي جات انعام عبدالحفيظ ، ما كفاية عصام عبدالحفيظ حتي لو الاشتراك في الاسم واها جات بيان وبمكنة انا بعرف دفعتك واتحكرت وقعدت ، والله يا منعم لا نلم في جنا الفودكا ولا اي حاجة بس خارجو الجكس عشان الجلسة تمشي ، وتطلعنا فتوي اليوم ، وديل من اسع يبداوا في قصة الجندر والجردل وما عارف شنو ، اصلوا مما مكن تقعدوا بدون جكس هوي يا بقة تعال شوف جلستك مشت وين وللا افرتكها ليك اسعععععععع
Post: #300 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 04-06-2007, 05:35 PM Parent: #299
Quote: Taht is it
سلام لهجو وامو وأخو..
لكن ياسرّي..شفت الناس دي اتشرت كيف..واحدين
مشو العقد في الجامع...واحدين .مشو الخور..
والشكل والحرابة ما تديك الدرب..
هسة دة يقولو عليهو شنو؟
Post: #301 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-07-2007, 12:13 PM Parent: #300
sorry am just back from Nairobi and khartuom and i lost my Arbic Keyboard
Quote: بالله يا عبدالباقي عرفتك اليوم اثر محادثة مع صديقة انت دفعة ناس حمامةوطاهرة؟ الناس القالت كدي دخلت بعد مرقنا نحنا؟
Yes Hamama is my duffa ,Tahera is one year ahead of us. but listen i know you from Salma nad those of yahaya and some other of those who kept hanging around the High institute of D&M and the Haishan ,i writte again when i regain my Keyboard Mustafa, Moneim and Inaam i will get back to you soon to show what i got from my trip to Khartuom
Post: #302 Title: Re: أسف ، لكن البورد ده مرات بيذكرني قعدات السكر Author: ابراهيم حموده Date: 04-08-2007, 03:44 PM Parent: #1
بقه ازيك زمان لمن النميري كسر الخمور وكبوها في النيل ، واحد عمل كاريكاتير لزول متعشي سمك سايقنو قسم البوليس ، الضابط النوبتجي سال العسكري الزول دا مالو؟ العسكري قال ليهو سيادتك الزول ده ((سمكان)).. علي هذا الاساس قلت اجي الليله (( آنتبر معاكم)) في المنبر هنا.. انتبر دي اوعك تفسرها علي طريقة استاذنا صلاح عوض الله (فلان لدغته عقرب، فانتبر موضع اللدغه)
اشواقي الاكيده
Post: #303 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-10-2007, 01:23 PM Parent: #302
Quote: بقه ازيك زمان لمن النميري كسر الخمور وكبوها في النيل ، واحد عمل كاريكاتير لزول متعشي سمك سايقنو قسم البوليس ، الضابط النوبتجي سال العسكري الزول دا مالو؟ العسكري قال ليهو سيادتك الزول ده ((سمكان)).. علي هذا الاساس قلت اجي الليله (( آنتبر معاكم)) في المنبر هنا.. انتبر دي اوعك تفسرها علي طريقة استاذنا صلاح عوض الله (فلان لدغته عقرب، فانتبر موضع اللدغه)
اشواقي الاكيده
أبراهيم حمودة عديييييييييييييييل كدة و الله القعدة دورت ، وما تقولي مدورة باسيادها و الله الشوق براميل براميل براميل و براميل من واين ناس عروة حمدان التحية للاولاد يا سري يا اخي فين التغطية الإعلامية لهذه القعدة لأنو منعم ده شكلو طشم وإنطم نام و جايكم لحكوة الخرطوم أولاً لاقيت ليكم يحي فضل الله في بيت عصام عبد الحفيظ أها قعدنا نتونس لحدي ما الشمس طلعت و كانت قعدة الله يعيدها تاني وتالت ورابع ... كان أيمن حسين حاضر بالكاميرا و قاسم أبوزيد وحاتم مصطفي العوض ومحمد نعيم سعد و طارق الأمين و عصام عبد الحفيظ ومن القعدة ديك طوالي سافرت تريييييييييييييييان على جوبا
Post: #304 Title: Re: أسف ، لكن البورد ده مرات بيذكرني قعدات السكر Author: Kostawi Date: 04-11-2007, 07:09 PM Parent: #303
أستغفر الله العظيم
لعن الله شائلها و باقيها و كاسرها
I just came from Haj
Post: #305 Title: Re: أسف ، لكن البورد ده مرات بيذكرني قعدات السكر Author: منعمشوف Date: 04-12-2007, 00:06 AM Parent: #304
ســـــــلام يا عُمد وســـــلام يا بقة والله ده كلام شحمــــــــان جداً
ألزَّ حاجة أنو الواحد يحصل القعدة بعد شهر كامل وماتكون فاتتو ولا كلمة من الونسة.
Post: #306 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-12-2007, 08:31 AM Parent: #305
Quote: بجيكم تانى لمن أخرم ليكم.
But Ya Akhi Nihna Kharmaniein Laik taoali
Post: #307 Title: Re: أسف ، لكن البورد ده مرات بيذكرني قعدات السكر Author: bayan Date: 04-12-2007, 08:44 AM Parent: #306
Quote: وبمكنة انا بعرف دفعتك واتحكرت وقعدت
سلام يا سري زمان زمن الزمان كان زين والشعر مغطي الاضنين كان المكنة السنينة انا بعرفك من وين؟؟ مرة مشينا معرض بتاع كتاب اها جا واحد شال الكتاب الجنبي وقالي انا بعرفك من وين طوالي مديت ليه يدي وقلت ليه ووووووين انت ما ظاهر وناس فاطمة عاملين كيف لي زمن ما شوفتهم وناديت البنات سلمو عليه اشتغلنا فاصل حق عرفة لما فغر فاهو.. وبقى في التخارجو.. اليوم داك ضحكنا ضحك شديد.. اوعى تسال بت من معهد الموسيقى شايفك وين بينقلب السحر على الساحر..
اسع ياربي عبد الباقي دا عايز يدقسني بالعرفة دي؟ اقوليه سلمى هو؟ تطلع لي سلمى الشيخ سلامة..
Post: #308 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 04-12-2007, 02:23 PM Parent: #307
الاخت بيان ، شفتي بدون القاب يعني برضو بنعرف الدقيس وانا اصلا ود الديم متربي لحدي ما حاولت الصلعة تطلع قمت طلعت انا وخليت الصلعة تجي وراي ، وللا ما شابفة ، ناس المعهد عندي معاهم ود شديد ، مش ناس معهد الموسيقي والمسرح بس كمان كلية الفنون ، يعني ممكن تقولي فنان تشكيلي وممثل وللا مخرج ضل طريقو ، ومعرفتي بيهم بدات عندما كنا نذهب في الاجازة او عنوة ياتي عمي طلسم لاخذنا الي بقالته في العمارات وكانت في شارع 57 ووقتها المعهد في نفس الشارع واذكر كانت فاتحة علي المعهد ويومها كانت امال علي ما اذكر وقتها طالبة وهادية طلسم يعني بنات طلسم كن في ذلك الوقت طالبات وكان ايضا الراحل مصطفي سيد احمد وكتيرين من العظماء في الموسيقي والمسرحيين ولذلك بدات العلاقة مع اهل الفنون والمسرح ، ويللا كبو لينا ، ولك الود يا اختنا بيان
Post: #310 Title: Re: أسف ، لكن البورد ده مرات بيذكرني قعدات السكر Author: bayan Date: 04-12-2007, 05:45 PM Parent: #308
اها يا سري انا بقول شوفتك وين؟ ياخي انا كنت في الفترة ديك في المعهد حياة طلسم الدفعة القدامي انت بتعرف ناس سمية وعوض وسليمان نوبة وبربر وزهير المرضي؟
Post: #312 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 04-12-2007, 07:07 PM Parent: #310
الاخت بيان ، سلامات طبعا سليمان نوبة من اولاد الديم وهو الان في فرنسا ، واعرف مجموعة كبيرة من ناسكم في المعهد ، طبعا كان بجو البقالة والعمة بطة والدة البلابل مرات بتكون قاعدة في البقالة واصحابك طبعا بتاعين خستكات ، كنا بنبيع عصائر كركدي وغيرها يقوم واحد يملأ الكباية ويشربها ويزوغ يعني دعابة الحجة تجوط في حياة وللا هادية ، وكنا ندخل المعهد لجمع الفارغ من الكبايات ونتونس مع المبدعين واحيانا نحضر شوية بروفات سواء ناس المسرح او الموسيقي لكن اذكر انو اغلب بروفات المسرح تكون خارج المعهد ، وتلك الايام الناس الضخمين وفطاحلة المعهد الذين تخرجو من الاستاذ الكوري الذي تلعم اللغة العربية ، اعتقد سعدالدين والفاتح والنو وفائز مليجي كانوا جديدين ، وكان عثمان مصطفي استاذ جديد ، وتاني منو كدي ذكريني ، لاني وقتها كنت في المتوسطة ما تشوفي الصلعة اصغر مما تتوقعون ، الصلعة دي تعب وشقاء وسجون الانقاذ ، وهبوب السودان اللي بيرجع الشعر لي ورا ، ولك الود
Post: #311 Title: Re: أسف ، لكن البورد ده مرات بيذكرني قعدات السكر Author: ناذر محمد الخليفة Date: 04-12-2007, 07:06 PM Parent: #1
كيفكم يا شباب ...
طبعا جيتكم في اليوبيل الشهري للبوست دا ..
عارفين العلاقة شنو بين البوست بتاع الكوماندور عبد الباقي وبين الإتقاذ؟!
العلاقة إنو لمن الإنقاذ جان الناس قالت ما حا تصمد أكتر من إسبوع .. بعد شوية قالت .. ما اكتر من شهر .. بعدين قالو ما اكتر من سنة !!
البوست دا مما نزل .. أنا أقول ما حا يصمد قدام مشي الخور أكتر من إسبوع .. يعد شوية قلت .. ما أكتر من شهر .. بس صراحة حكاية ما أكتر من سنة دي ما بقدر على شراطا !!
اها يا شباب ..
في الذكرى الشهرية للبوست دا قلت النتشجع وأخش طالما البلد ما فيها كشات الليلة ...
والله الكلام الداير أقولو طار لي من راسي !!
سوري .. بلف وأجيكم بعد العشا يا شباب ..
Post: #313 Title: Re: أسف ، لكن البورد ده مرات بيذكرني قعدات السكر Author: الأمين عثمان صديق محمد Date: 04-12-2007, 10:39 PM Parent: #311
Post: #314 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-13-2007, 05:54 AM Parent: #313
يا ناذار سلامات و جيدن جيت إنت قصدك البورد ما حا يصمد مش البوست، لأته البوست ده مستقي روحو ونفسو من البورد، القعدة الكبيرة بس الفرق ندنا هنا ما في شكل ولا شكر لأنه حسمنناها من البداية يعني مصطفي سري ود. بيان بيتلاقي في القعدة دي و بقعدوا يتتذكروا و يتداعوا و تانين بيجوا يدحلوا و يطلعوا زي شخصيات يوجين اونيسكو أو صمويل بكيت و يا الأمين الزول اللقفل بارو ده فلس ولا تاب ولا ناس النظام العام؟ الصمود للقعدة البورد الصمود لكل القعدات الموضوعية
Post: #315 Title: Re: أسف ، لكن البورد ده مرات بيذكرني قعدات السكر Author: NEWSUDANI Date: 04-13-2007, 06:06 AM Parent: #1
بقة حمدالله على سلامتك والعريس كيف ؟
والله كان تجيب الجميل يحي فضل الله ياخد له خشم خشمين في القعدة دي وبعدين يرجع لبيت البكى الفي الخرطوم ده
Post: #316 Title: Re: أسف ، لكن البورد ده مرات بيذكرني قعدات السكر Author: bayan Date: 04-13-2007, 06:48 AM Parent: #315
كان في ناس الكوفنجية ديل اكيد بشربو بلاش وبتخستكو والا ما كان اسمهم الكوفنجية طبعا كبير الكوفنجية هو يحي فضل الله الكنا بنغني ليه سنة يا ولد يحي الكوفنجي سيد المعهد بعدين جلال بلال الغياظ ود عطبرة بعدين الكوفنجي العسولي السكرة ود الناظرة عادل السعيد وعباس الزبير زعيم المتسهبلين وصاحب قصيدة انتي ما مجنونة جن عديل وجنك مصرم في فتيل وبالع حبوب المسكنة
و الجنو منو الوجيه ابو القاسم ابو زيد قاسم وجلال وعباس ديل من مديرية النيل الدامر وعطبرة اها الناس كانوا بقولو لي خت خط تحت بقولي لي دي انه عطبرة والدامر ما بيجبو زول سالم المعهد دا بالاضافة صاحبك الرشيد احمد عيسى والسر السيد وحجر البطارية محمد سليمان دخيل الله كان اصغرنا من المحلتين ديل قابلتو السنة الفاتت وداني بيتهم عشان يثبت انه بقى عمدة وعنده محطة بص باسمو.. وعشان آمن واصدق جاب فاتورة الكهربة كاتبين فيها قرب محطة دخيل الله.. بعدين عندك في الموسيقى يحي الهجا ومعتصم وكيكة دا عنده قصة ما للنشر وصديق الطيب ديل ناس عطبرة والدامر
اها نجيك للجكس كان في خالدة الجنيد والمرحومة نعمات هارون وعشة المبارك والهام سوزوكي وشادية مغازي وامينة النور وندوة حسن وغالية حسن وماجوري الينانا وانجلينا ماسيمو واحسان محمود ومريم حاوت ومريم الضعيفة وسلمى على عبدالقادر طبعا سلمى الشيخ سلامة وفايزة عمسيب وسون دفع الله وانعام عبدالله واسيا التلب وآمنة امين واللذيذة مهدية محمد الحسن اكيد بتشرب مجاني بعد تعطش من الرطانة مع خالة بطة.. وذكية محمد عبدالله ومصطفي دراج يوم بحكي ليك قصة دراج ومحمد محي الدين وخالة بطة.. تعبت بجيك تاني تذكر دهباية البتعمل الشاي في العمارة المجاورة؟
Post: #317 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-13-2007, 07:50 AM Parent: #316
ٍلامات يا نيوسوداني .. العرس كان تمام و الراجل هج على ممبسا لسهر العسل و الزفة كانت بفرقة كواتو .. يعني ما فيها فيل هندي ولا دبكة لبنانية... يا بيان سلامات
Quote: اها نجيك للجكس كان في خالدة الجنيد والمرحومة نعمات هارون وعشة المبارك والهام سوزوكي وشادية مغازي وامينة النور وندوة حسن وغالية حسن وماجوري الينانا وانجلينا ماسيمو واحسان محمود ومريم حاوت ومريم الضعيفة وسلمى على عبدالقادر طبعا سلمى الشيخ سلامة وفايزة عمسيب وسون دفع الله وانعام عبدالله واسيا التلب وآمنة امين واللذيذة مهدية محمد الحسن اكيد بتشرب مجاني بعد تعطش من الرطانة مع خالة بطة.. وذكية محمد عبدالله ومصطفي دراج يوم بحكي ليك قصة دراج ومحمد محي الدين وخالة بطة.. تعبت بجيك تاني تذكر دهباية البتعمل الشاي في العمارة المجاورة؟
يا بيان يا أختي الناس دي كلها أنا بعرفها إلا إنت إنت شغالة بإسم حركي يا د. نجاة محمود ولا شنو؟
Post: #318 Title: Re: أسف ، لكن البورد ده مرات بيذكرني قعدات السكر Author: bayan Date: 04-13-2007, 08:06 AM Parent: #317
Quote: إنت شغالة بإسم حركي يا د. نجاة محمود ولا شنو؟
انت يا عبدالباقي لاقيت الناس دي وين؟ لانه لو لاقيتها في المعهد اها بنكون اتلاقينا.. ولو لاقيتها في الحيشان التلاتة بنكون ما اتلاقينا لانه انا سافرت سنة 1985 ورجعت آخر سنة 1989 وانقطعت فترة لاني كنت بدرس بس من معهد الخرطوم للبيت وبالعكس حيث المسؤوليات الاسرية لا تسمح لي باي زمن.. سنة 1991 مشيت المعهد اقدم لوظيفة مساعد تدريس اها كان في معاينة الطلاب الجدد الجماعة قايلني طالبة جديدة. نادوني ليك قالو لي جاية من وين ومقدمة لي ياتو قسم؟ قربو يقولو لي مخطوبة واختك ما قصرت.كلمتهم باي حاجة عايزنها.. وتمثيل شديد اين سمعت المعاينة صعبة وبنفضو الناس واني عندي خبرة في الدورة المدرسية اها جماعتك توصيات وتقولي شنو وتعملي شنو.. اهههههم حاجة ما تكوني خجولة المعاينة بشوفو الزول عنده "شداعة" ادبية ولا لا. بس افسد هذا المشهد صوت هاشم صديق نجاة محمود بتلعب بيكم؟ وطبعا كانت لعبة سمحة خلاص متكيفة منها شهور.. تبرلم من يريد برلمتك.. شوفتا كيف؟ بعداك طبعا ما اخدوني في المعهد لقصة طويلة ثم هاجرت بعد عام.. ولم اعمل ابدا في مجالي الذي تدربت عليه.. مرة بسبب اني مرأة والمصلحة مكتظة بالنساء ودا بعد الانتفاضة ومرة بسبب اني ما من ناس الولاء وطيرة الله في بلد الله لا حزب لا صندوق.. عشان كدا حصل لي انقطاع من ناسي والحيشان التلاتة..
Post: #319 Title: Re: أسف ، لكن البورد ده مرات بيذكرني قعدات السكر Author: عبد المنعم سليمان Date: 04-13-2007, 08:45 AM Parent: #1
مرات قعدات السكر مفيدة
والواحد بطلع كلام ما بقدر يقولو تاني يوم الصباح
ومن القعدة دي عرفت انه انعام عبدالحفيظ دفعة الختيار مصطفي سري
وربنا يزيد ويبارك
والقعدة الجاية نعرف منو قدر منو
والله يعلم
منعم (ا)
Post: #320 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-13-2007, 02:10 PM Parent: #319
انت يا عبدالباقي لاقيت الناس دي وين؟ يا دكتورة الناس دي عرفتها وانا طالب لأنهم كانوا وما زالوا مرتبطين بالمعهد/الكلية أنا دخلت المعهد 1986 و إتخرجت نهاية 1990 يعني منها و الجماعة المهوسيين قاموا قفلوا المعهد و ما قتح تاني إلا سنة 1995 تحت عمادة أحمد عبدالعال و الإنهيار عموماً أهو إتلاقينا في معهد سودانيز اون لاين و ربنا يديم الملاقاة
Post: #321 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 04-13-2007, 02:18 PM Parent: #320
Post: #322 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-13-2007, 02:54 PM Parent: #321
إنت يا منعم المصحيك لحدي هسع شنو؟؟ دي حالة إسمها الإدمان تحياتي للبنية الكانت في الصورة القبل الهسع دي
Post: #323 Title: Re: أسف ، لكن البورد ده مرات بيذكرني قعدات السكر Author: Marouf Sanad Date: 04-13-2007, 03:18 PM Parent: #322
يا كوماندور عبد الباقي
يا دووب وقعت لي, اتلاقينا السنة الفاتت في واشنطن واكلنا انجيرا.
تحياتنا ليك
Post: #324 Title: Re: أسف ، لكن البورد ده مرات بيذكرني قعدات السكر Author: bayan Date: 04-13-2007, 03:28 PM Parent: #320
ايوااااااااااا ما تقول عشان كدا ما اتقابلنا
الحي بلاقي الاجازة الجاية نشوفك في السودان كان الله مد لينا في الايام... يسعدني مقابلة ناس المعهد.. لقد كانت فترة سعيدة في حياتي.. والى الان احتفظ بحب كبير لاي زول قابلتو هناك..
Post: #325 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-13-2007, 04:21 PM Parent: #324
Quote: يا دووب وقعت لي
, يا دووووب وقعت ليك يعني مخليني معلق الزمن ده كلو حرام عليك.. لكن ما أظن أكلنا انجيرا براها ما شربت معاها حاجة كده ولا كده يا معروف و الله سلامات يارجل.. و البركة في القعدات الزي دي
Quote: والى الان احتفظ بحب كبير لاي زول قابلتو هناك..
بالله أحتفظي لي بشوية لحدى ما نتلاقي
Post: #326 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 04-13-2007, 11:45 PM Parent: #325
Quote: إنت يا منعم المصحيك لحدي هسع شنو؟؟ دي حالة إسمها الإدمان تحياتي للبنية الكانت في الصورة القبل الهسع دي
Post: #327 Title: Re: أسف ، لكن البورد ده مرات بيذكرني قعدات السكر Author: NEWSUDANI Date: 04-14-2007, 06:35 PM Parent: #1
يا سري معانا هذه الأيام صديقك اللدود سعادة العقيد طيار الشهيد وليد حامد وبس سمع صوتك في الضامة دي قال
لازم يسلم عليك،أما عندي ليك قطيعة كده بتعجبك لمن نجي ماشين من القعدة
Post: #328 Title: Re: أسف ، لكن البورد ده مرات بيذكرني قعدات السكر Author: bayan Date: 04-14-2007, 06:48 PM Parent: #327
تعرف يا سري المعهد دا فيه علاقات كدا متشابكة عايزة كتلوج عشان الزول يعرفها.. خاصة بين سكورجيته وما اكثرهم..
في قصة كدا مضحكاني شديد.. في زولين في المعهد بكجنو بعض كجنة شديدة بعدين اي زول مصاحبهم سوا دي براها مشكلة ذي مشكلة فلسطين واسرائيل.. طوالي بتكون خايف واحد يزعل عشان انت مصاحب التاني.. واحد فيهم من مدينتي واحد من الجزيرة المهم مرة كدا ماشة القاهم ليك واقفين مع بعض وعلى اهبة الاستعداد ما للشكل للخروج معا.. سلمت وقفت معاهم دقائق وما مصدقة كلو كلو مشيت المهم تكرر المشهد دا خاصة ايام الاعانة.. قمت سالت ولد الجزيرة قلت ليه بالله بتمشو وين؟ قالي بنعمل قعدة انا وهو قلت ليه ياخي انا مفتكرة القعدات دي لازم تكونو اصحاب وكدا.. يعني نفهم انكم خلاص بقيتو اصحاب قالي منو البصاحب الرمة دا؟ قلت ليه وتيب؟ قالي يا زولة زولكم دا راسو خفيف نعمل الشيرنق وهو بس يشمها يرقد سلطة وانا اقوم بالقزازة كلها.. ويومها عرفت انه ما بالضرورة الزول يكون دولة استعمارية ممكن يكون عربي من الجزيرة ويعرف يستغل التاني... الله يطراهم بالخير ويحيهم الغمام اينما كانوا,,
Post: #329 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 04-14-2007, 07:23 PM Parent: #328
الاستاذة بيان تحياتي ، اها بقيت تعرفي ادب القعدات اللي ممكن تجمع الفرقاء تعرفي واحد صديقنا من الندماء ، قال مرة لو جابوهو رئيس جمهورية ممكن يحل مشاكل السودان ، قلينا ليهو كيف قال اولا اعيد فتح البارات وكل يوم خميس مباراة للهلال والمريخ ، لانوجماهير الفريقين بعد كل مباراة يتجادلون ومن الخميس يتنتهي المباراة يتغالطوا يحدي المباراة التانية وما في زول ح يجيب خبر الحكومة بتعمل في شنو ، ولو ناس الحكومة الان قاموا فكرو في الاقتراح دة ح يشيلوه خطف ويبدوا فيه ، وزي ما واحد قال الحكومة قعدتها طولت الظاهر الكشات وقفت ، قام واحد رد ليهو ماهم ناس الكشة قاعدين معاهم ، لك الود
Post: #330 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 04-14-2007, 07:28 PM Parent: #329
اللورد نيو سوداني ، لك الشوق يا راجل والف تحية والله موضوعك باظ بقيت تجالس الشهداء ، ودة طبعا ما بيجوهو حور وللا يحزنون ، وانا بري عندي قطيعة جامدة بدات من نيروبي وانتهت في اديس ابا ابا ، واسال اب جقادو منها لانو الشهيد المعاك دة ما بقدر يقولها ليك تحياتي ليهو
Post: #331 Title: Re: أسف ، لكن البورد ده مرات بيذكرني قعدات السكر Author: الجيلى أحمد Date: 04-15-2007, 01:27 AM Parent: #330
دا بوست تحفه,
أنا من هنا مازاحى وجاييكم بعد أروق شوية من وردية عمل طويلة..
شايف منعم ماسك الجو,
تحايا ياشباب وأدونا من المتبن
Post: #332 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 04-15-2007, 06:45 PM Parent: #331
فوق فوق والقعدة مستمرة والما عايز يطلع برة ، وين سلمي الشيخ يا بقة حضرت الكوارع وللا لسع ، سمعت ان العقيد الشهيد وليد حامد في دبي وامسك الخشب ، وفوق تاني
Post: #333 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-16-2007, 01:19 PM Parent: #332
يا سري الشهيد العقيد طيار طمش وعمل ليك عملية إنا مطلع بيان و حا انزلوا هنا بس خليني إنتهي من الصياغة
عندنا فكاكات تلزمكم و ولا....
Post: #334 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-16-2007, 01:27 PM Parent: #333
يا منعم شكرا على اللينك لكن يا اخي أنا كنت وين لحدي ما البوست يصل قدر ده وانا ما أشوفه و بعدين و إنت وقت بتعرف تنزل الحاجات دي ما تعزم لينا واحد من المطاليق
Post: #335 Title: Re: أسف ، لكن البورد ده مرات بيذكرني قعدات السكر Author: NEWSUDANI Date: 04-16-2007, 04:37 PM Parent: #1
Quote: ما بيجوهو حور وللا يحزنون ، وانا بري عندي قطيعة جامدة بدات من نيروبي وانتهت في اديس ابا ابا ، واسال اب جقادو منها لانو الشهيد المعاك دة ما بقدر يقولها ليك
يا كومرد سري دي شهادة عديل لا فيها قطيعة ولا قالوا لي ولا أفتكر شوف عين،،
كده النرجاء البيان بتاع بقة أنشاء الله ما يكون ندين ونشجب لأنو كانوا مع ناس كمال الوسيلة أمبارح وأنت عارف أبو الوسيلة ح يجد ليه المبرر الأنساني للخزلان !!
والله يا سري الشحرور ليه مليون حق
Post: #336 Title: Re: أسف ، لكن البورد ده مرات بيذكرني قعدات السكر Author: bayan Date: 04-17-2007, 08:10 AM Parent: #335
الاخ عبد الباقي.. سالتني في بوست مجاور ماذا انا الان ولانني قد قلت كلمتي هناك ولا اود الدخول الدخول هناك وحتى لا تجاهلك قررت ان اكتب لك الرد هنا..
طيلة حياتي لا اشترك في جماعات ولا انضم تحت اي مجموعات سياسية لان طبيعتي لا تقبل ذلك.. واحترم خيارات اي انسان مهما كانت متناقضة مع خياراتي
هذه الطبيعة جعلت لي قبول من الكل بمختلف الاتجاهات..وهي تشكيلة كبيرة من الاصدقاء من كل الاديان و الجنسيات والانواع... اودهم ويودوني لا ابشر بافكاري ولا احكم بها احد..ولا احاسب بها احد.. اقبل الضعف الانساني للناس ولا اتنازل عن المبادئ العامة مثل الصدق والاخلاص والوفاء ونجدة المهلوف... في 25 سنة الاولى من حياتي كانت لدي كل الافكار عند امرأة درست الفنون واحسب نفسي مثقفة.. خاصة ما يخص تحرير المرأة بالمفاهيم الغربية.. في محيط غربي تحولت افكاري الى اتجاه آخر.. كعادتي انني كثيرة القراءة وبدات في التعلم في الاسلام..ووصلت لقناعات ان الاسلام هو مخلص البشرية.. وصرت اسعى دائما للتعلم اكثر واتمنى ان اكون مسلمة جيدة في حياتي رغم عيوبي الكثيرة ارجو الله ان يغفر لي اخطائي يعينني على حسن عباداته.. خياري هذا لم افرضه على احد او استخدمه لابعاد اي انسان مازالت احتفظ بكل علاقاتي القديمة.. ويناقشوونني في كل شىء وأمزح معهم واخرج معهم الى المحافل ولم اتغير.. ويمكنك سؤال كل من يعرفني من الاخوة والاخوات في المعهد اذا يوما طالبت احد ان يتغير او علقت بصورة ناقدة على سلوكهم الذي قد استهجنه بحكم خلفيتي الفكرية
حديثي ذلك ورد في سياق ان قور اتهمني كذبا بانني جندته ليكون كوزا..وانا لدي علاقات مع حماس والجهاد وكان ذلك في بداية سنوات الثمانين.. حيث لا توجد حماس ولا الجهاد ولا انا كنت اهتم بالدين كثيرا.. هذا ما قصدته.. الان انا مستقلة عن اي حزب سياسي سوداني واحسب نفسي متدينة.. ومفاهيمي اناقش بها بالتي هي احسن لمن يود مناقشة الامور المطروحة..ودائما الحوار مفتوح معي.. اتمنى ان اكون قد ابنت لك بصورة كفاية من انا الان.. ولك الاحترام..
Post: #337 Title: Re: أسف ، لكن البورد ده مرات بيذكرني قعدات السكر Author: عاصم ابوبكر حامد Date: 04-17-2007, 08:39 AM Parent: #1
المحيرنى فى قعدات السكر دى
انها تلم كل الاطياف ...
والاجمل من كل ذلك انهم لا يختلف اثناء الشراب اطلاقا ...
يا ناذر انت اقعد اتذكر لحدى ما تجى طلقة طاشة (اربجى)مثلا
على نمرة (3) وتكون قريبة من نادى الاسرة ومن الناصية او الشارع البودى الجنوبى
وبعدين قول لينا الذكرى الثالثة والسابعة عشر...
نشوفكم فى قعدة وتكون عندى بث ما يظهر منعم قريب اهم شئ ...
Post: #338 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-17-2007, 12:26 PM Parent: #337
Quote: الاخ عبد الباقي.. سالتني في بوست مجاور ماذا انا الان ولانني قد قلت كلمتي هناك ولا اود الدخول الدخول هناك وحتى لا تجاهلك قررت ان اكتب لك الرد هنا..
طيلة حياتي لا اشترك في جماعات ولا انضم تحت اي مجموعات سياسية لان طبيعتي لا تقبل ذلك.. واحترم خيارات اي انسان مهما كانت متناقضة مع خياراتي
هذه الطبيعة جعلت لي قبول من الكل بمختلف الاتجاهات..وهي تشكيلة كبيرة من الاصدقاء من كل الاديان و الجنسيات والانواع... اودهم ويودوني لا ابشر بافكاري ولا احكم بها احد..ولا احاسب بها احد.. اقبل الضعف الانساني للناس ولا اتنازل عن المبادئ العامة مثل الصدق والاخلاص والوفاء ونجدة المهلوف... في 25 سنة الاولى من حياتي كانت لدي كل الافكار عند امرأة درست الفنون واحسب نفسي مثقفة.. خاصة ما يخص تحرير المرأة بالمفاهيم الغربية.. في محيط غربي تحولت افكاري الى اتجاه آخر.. كعادتي انني كثيرة القراءة وبدات في التعلم في الاسلام..ووصلت لقناعات ان الاسلام هو مخلص البشرية.. وصرت اسعى دائما للتعلم اكثر واتمنى ان اكون مسلمة جيدة في حياتي رغم عيوبي الكثيرة ارجو الله ان يغفر لي اخطائي يعينني على حسن عباداته.. خياري هذا لم افرضه على احد او استخدمه لابعاد اي انسان مازالت احتفظ بكل علاقاتي القديمة.. ويناقشوونني في كل شىء وأمزح معهم واخرج معهم الى المحافل ولم اتغير.. ويمكنك سؤال كل من يعرفني من الاخوة والاخوات في المعهد اذا يوما طالبت احد ان يتغير او علقت بصورة ناقدة على سلوكهم الذي قد استهجنه بحكم خلفيتي الفكرية
حديثي ذلك ورد في سياق ان قور اتهمني كذبا بانني جندته ليكون كوزا..وانا لدي علاقات مع حماس والجهاد وكان ذلك في بداية سنوات الثمانين.. حيث لا توجد حماس ولا الجهاد ولا انا كنت اهتم بالدين كثيرا.. هذا ما قصدته.. الان انا مستقلة عن اي حزب سياسي سوداني واحسب نفسي متدينة.. ومفاهيمي اناقش بها بالتي هي احسن لمن يود مناقشة الامور المطروحة..ودائما الحوار مفتوح معي.. اتمنى ان اكون قد ابنت لك بصورة كفاية من انا الان.. ولك الاحترام..
الدكتورة بيان.. إنت زعلتي ولا شنو ؟ المفترض تكوني عرفتي قصدي نتج من عدم دقة التعبير عن حالتك التي إضطررتك لشرحها لي مطولاً بالرغم من أنني أعرفك من حديثي مع سلمي والسر السيد الذي قبل يومين فقط تحدث مع عن حادثة المؤتمر الذي دعاك له قور المؤتمر الذي كان يجب أن تشاركي به ، وكان السر السيد مؤيداً لوجهة نظرك فقط تعمدت لفت إنتباهك لتعبير آخر يكون اكثر دقة من
Quote: علما انه في تلك الفترة كنت مستقلة ولبرال
و ليس لي ..لآخرين لا يعرفونك..
Post: #339 Title: Re: أسف ، لكن البورد ده مرات بيذكرني قعدات السكر Author: bayan Date: 04-17-2007, 12:44 PM Parent: #338
Quote: و ليس لي ..لآخرين لا يعرفونك..
شكرا لك اخي عبدالباقي.. ربما جو ذلك البوست وما يدور في البورد فسرت حديثك خطأ.. التحية للصديق الاخ السر السيد فهو في مقام الاخ الشقيق وانت ايضا اتمنى ان اراك وتنزل محل الاخ الشقيق لانك من رحم ذلك المكان الذي جمعنا يوما..
لك العتبى حتى ترضى
Post: #340 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 04-17-2007, 01:08 PM Parent: #339
الاستاذة بيان تحياتي ، شنو يا جماعة طشمتو ، المعرفة تبدأ هكذا يمكن من شكلة ، واها يا بيان بما انك (اصولية ) وما نزعلي بهزر طبعا ، وداك يساري واخر ما عارف شنو ، الجلسات الزي دي تلم بعيدا عن الحوار المتشنج ، واعتقد ان القصد التعارف والتوادد ووضع الحوارات بشكل سلس دون تجريم ، لقيتيني كيف ، وبعدين انت زاتك تختفي فترات وتجي ما عارف بتمشي وين ، ما واصلتي ذكرياتك الجميلة عن تلك الدفعة رغما عن انني لست ضمن طلاب المعهد ولكن صديق مخلص لهم ابقوا عافية
Post: #341 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-17-2007, 01:16 PM Parent: #339
Quote: لك العتبى حتى ترضى
القا ليك منو أنا ما راضي؟؟؟؟؟؟؟؟؟
Post: #342 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-17-2007, 01:35 PM Parent: #341
يا صفصف كيف الحال القعدات كدة طبعاً لازم طوبة تجي مارقة من مكان ما و بعدين قعدتنا ما فيها أي شكلة و شوية الشكلة الفوق دي جاية مهاجرة من قعدة في بيت د.قاسم قور يعني هجرة نصوص الخريف
Post: #343 Title: Re: أسف ، لكن البورد ده مرات بيذكرني قعدات السكر Author: bayan Date: 04-17-2007, 03:17 PM Parent: #342
Quote: ما واصلتي ذكرياتك الجميلة
لما كنت في سنة تانية كنت في جمعية السينما الكانت مقررتها ندوة حسن وكان معانا الخير السقيد و المرحوم حسب الرسول احمد عملنا علاقة امبريالية مع المركز الامريكي كنا بنجيب منهم افلام نعرضها كنشاط المهم قامو عزمونا لعرض خاص لفلم الاب الروحي في بيت مدير المركز,, قمنا مشينا لقينا في ريفرشمنت تربيزة للمشروبات العادية وتربـــــــــــــــيزة للكحوليات وحسبو والخير السقيد من انضف اولاد المعهد ونهائي ما بيشربوا المهم رجعنا حكينا للجماعة كيف انه الخمور انهارا قامو قالو امال خرتايتكم دي لشنو؟ يا ما عندكم عشرة.. والسنة الجاية جمعية السينما دي تشمنها قدحة.. قبلو على الخير وحسبو وقال ليهم بالجد يدو الحلق للماعندو اضان.. اسع كان سوقتونا ما كان رعينا ليكم رعية السرور.. سايقين لينا ديل.. بالفعل السنة البعدها من قالو جمعية السينما الشكلة دورت فيها واللذيذة ما اتعزموا تاني,,,
Post: #344 Title: Re: أسف ، لكن البورد ده مرات بيذكرني قعدات السكر Author: معتز القريش Date: 04-17-2007, 03:35 PM Parent: #343
بيان الكوزة المحكرك وسط السكارى ديل شنو
يا شماتت أبلة تراجي فيك
أمرقي قوام قبال تجيكي
Post: #345 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 04-17-2007, 04:45 PM Parent: #344
Quote: لانه انا سافرت سنة 1985 ورجعت آخر سنة 1989 وانقطعت فترة لاني كنت بدرس بس من معهد الخرطوم للبيت وبالعكس حيث المسؤوليات الاسرية لا تسمح لي باي زمن..
الأخت د.بيان
انا ياداب عرفت السبب الجايب ليك المشاكل
لانك الفترة دي بالذات كانت مهمة لاي انسان
سوداني يكون موجود في السودان انشاء الله فترة
بسيطة..عشان في حاجات كتيرة كدة الانسان
بكون عرف يضعها في ياتو مكان من القعدة..
برغم صورية المسألة في دموقراطيتها..الا انها
علي الاقل بتخلي الزول يدرك موقفوا من الحاجات
الجاية..معقولة انت ماعشت فترة من حياتك
في فترة ديمقراطية في السودان؟..
انا بعتبر عشت فقط من عمر حياتي الاربعين سنة
فترة الاربعة سنوات ..والاتعلمتو فيهامن قيمة
يعادل كل السنوات الباقية.
لك التحية
Post: #346 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 04-17-2007, 05:20 PM Parent: #345
السا كيداني
علي الساحل الممتد (باسع) الواسع
Post: #347 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-17-2007, 06:18 PM Parent: #346
يا نعوم تشكر على الفنانة الفوق دي
Post: #348 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-18-2007, 04:57 PM Parent: #347
Quote: انا بعتبر عشت فقط من عمر حياتي الاربعين سنة
فترة الاربعة سنوات ..والاتعلمتو فيهامن قيمة
يعادل كل السنوات الباقية.
that means the Sudanese Governments has stolen 90% of your life age i do not think sorry will help
Post: #349 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 04-18-2007, 11:13 PM Parent: #348
يابقة ياحبيب..
التسعين % دي بتتغذي من العشرة% الباقية..ولو لا وجود الفترة ديك
لكنت استهلك واقع نظري معمم..فترة الديمقراطية الثالثة التي شاركنا
فيها برغم الخمج الفيها علي المستوى العام غير انها علي مستوى
الخاص نشرت قيمة معتبرة ..لا المستوي السياسي ولكن علي المستوي الفكري
Post: #350 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-19-2007, 06:00 AM Parent: #349
Quote:
Quote: التسعين % دي بتتغذي من العشرة% الباقية..ولو لا وجود الفترة ديك
لكنت استهلك واقع نظري معمم..فترة الديمقراطية الثالثة التي شاركنا
فيها برغم الخمج الفيها علي المستوى العام غير انها علي مستوى
الخاص نشرت قيمة معتبرة ..لا المستوي السياسي ولكن علي المستوي الفكري
صــــــــــــــــــأح يا فردة سلامات وصباح الخير بالليل
Post: #351 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 04-19-2007, 03:16 PM Parent: #350
الجماعة اياهم قبل المخاطبة الجماهيرية بدوها نقزات وحفلة بقيقم وهاك يالرقيص وبعد المخاطبة برضو بديوها نقيز والناس تطلع مبسوطة الراجل قال شنو ولمنو ما معروف ، وقالوا مرات في القري النائية الذي يحشد للقاء الجماهيري المليوني للقائد الاوحد يردد ان في لقاء القائد الفنان فلاني الفلاني ، وكان ما مصدقني اسالوا هناي لاني ما داير اتكلم في السياسة لانها مسخنة شوية ، وللا شنو يا نيو سوداني
Post: #352 Title: Re: أسف ، لكن البورد ده مرات بيذكرني قعدات السكر Author: NEWSUDANI Date: 04-19-2007, 03:33 PM Parent: #1
تعرف يا سري الظاهر بقة زاتوا نعس وبيأخذ ليه دقسة
أما الجماعة قصة الرقيص دي يا سري حيرتنا،،
يشاكلوا في العاجكو ويشيلوا سيخ ،، ويرقصوا في القصر الجمهوري ،،
أجتماع مجلس الوزراء بيمزوا بشنوا ؟؟ والله أخواننا القاعدين في القعدة دي أنشاء الله تعرفوا لأنوا قعدتنا دي ما فيها وزراء والحمدلله
يا بقة بأنتظار البيان بخصوص الطيار شهيد والحور العين،،
علر رأيك يا سري ونسة السياسة(القشارة) دي مسيخة
بجيك راجع أحسن الليلة الخميس ،، عقبال عندكم
Post: #353 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-19-2007, 05:10 PM Parent: #352
و نحن بضو عندنا الخميس، و بعدين الجماعة ديل بقوا يتحرشوا باي زول و يقولوا ليك لقيناهو سكران و لو طلع قانون السكر ما بيشملوا يقوموا يقولوا ليك ضرب ذخيرة في الهواء لكن برضوا عندنا هنا الخميس و ماشين عليها، ومحل رهيفة التنقد، سكران وضربت ذخيرة في الهواء و حلايب سودانية
Post: #354 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 04-19-2007, 05:14 PM Parent: #352
يا نيوسوداني ، والله انت لمن يجيبوا سيرة البتاع تجي ناطي ، البيان الخاص بتاع العقيد شهيد طيار تحت الطبع ، وعرفت ان الكي بورد بتاع بقة طمش ، ودي بعرفها هو ، لكن شفاهة عرفت محتوي البيان وملامحه العامة الصحفيين بهمهم الملامح العامة ، وحسب معلوماتنا جزء من الوقائع التي يحتويها البيان وقعت عندكم وانا اقترحت علي رئيس لجنة التحقيق ( انت ما عارف تشكيل لجنة التحقيق ) ان يجري اتصال عليكم للمشاورة ، مش تحمد ربنا كراعك ما جات وخميسك ما يجيب ليك هجو طاير ، لانك رفعت صوتك شوية ، والله تبقي في الشيل والمواصلات والتاكسي الما خمج انا حدثتك
Post: #355 Title: Re: أسف ، لكن البورد ده مرات بيذكرني قعدات السكر Author: NEWSUDANI Date: 04-19-2007, 05:44 PM Parent: #354
Quote: سيرة البتاع تجي ناطي ،
[/QUOTE ]
العزيز سري بتاع البتوع!!!!
Quote: مش تحمد ربنا كراعك ما جات
كراعي تجي وين أنا قلت ليك شوف عين ما حكي ،، حتى الشهيد زاطوا ما يقدر ينكرها -والشينة منكورة-
Quote: والتاكسي الما خمج انا حدثتك
التاكسي تااااااااااني
الى لقاء قريب بما أني سأحضر للمملكة المتحدة آخر الشهر
Post: #356 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-21-2007, 01:44 PM Parent: #355
Quote: وست ممتع يا عبد الباقي البوست ده بيديك احساس إنها قعدة جد جد، كل زول شايت في اتجاه، ولا موضوع واحد لافق في التاني، وصاحب البوست قاعد في جوبا ضارب المهبريب والشربة الصاح ومدور ليك في الخلايق شمال ويمين ... يا زول بوستك لذيذوبشبهك.
يا أخونا الزول لم يصحي بيحاول يتذكر الحصل بالليل شنو ولم يتذكر يقوم يطشم تاني عشان ينسى
عموماً شكراً يا نادر على بصيص حضورك
Post: #357 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 04-21-2007, 01:54 PM Parent: #356
Quote: بقة
خصمتك بالنــبي اكان ما ترسل لي ( رويال) اصلي للخرطوم
Post: #359 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 09-08-2007, 11:49 AM Parent: #357
يلا يا اخونا حصلوا خم الرمـــــــــــــــــــــــــــــــــــــاد رمضان على الأبوااااااااااااااااااااااااااب شكرا يا بكري و المرة الجاية ما تخاف على كيس الصعوط بقي عندنا حراسة
Post: #360 Title: Re: أسف ، لكن البورد ده مرات بيذكرني قعدات السكر Author: Raja Date: 09-08-2007, 11:53 AM Parent: #359
لا حولاااااا البوست ده لسه فيهو روح..
عبدالباقي يا حبيب..
سلام من عندي لغاية عندك وبالعكس..
رمضان كريم وكل يوم وإنت ووليداتك بخير
Post: #361 Title: Re: أسف ، لكن البورد ده مرات بيذكرني قعدات السكر Author: شول اشوانق دينق Date: 09-08-2007, 12:22 PM Parent: #1
يا اخواننا فاتني كتير؟؟؟!!!
جايب معاي .............
نخليه مفاجاة لغاية ما اجي
دمتم
شول اشوانق
Post: #362 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 09-08-2007, 03:04 PM Parent: #361
Raja am alive and this topic is a alife too Chol what ever you bring is good and welcom
Post: #363 Title: Re: أسف ، لكن البورد ده مرات بيذكرني قعدات السكر Author: salah elamin Date: 09-08-2007, 03:33 PM Parent: #362
بقة دا ياهوانا جبت زيادة يا كمرد
Post: #364 Title: Re: أسف ، لكن البورد ده مرات بيذكرني قعدات السكر Author: Ahmed musa Date: 09-08-2007, 04:57 PM Parent: #1
{بُقة}
Quote: أسف ، لكن البورد ده مرات بيذكرني قعدات السكر
أولاً: انا ذاتي آسف لأني لسبب ما قرأت العنوان
Quote: أسف ، لكن البورد ده مزات بيذكرني قعدات السكر
ثانياً : {صلاح الامين} ده وقّفوا لأنوا الظاهر كدة والله أعلم {سِكِر} لأنوا جاب القزازة من تحت التربيزة وخاتاها وِش ثالثاً : {رأيك شنوا في ترتيب القعدة بي أولاً وثانياً وكده} تحضرني هنا قصة المُبدع {جمال حسن سعيد} والذي إستوقفه يوماً مُعجب من النوع أبوكديس داك وأصر على { جمال } أن يذهب معه للبيت بشكل لم يملك صاحبك إلا الإستجابة ثُم أصرعلى جمال ان يشرب معه شاي المغرب وكان هو يشرب شئ من سياق القصة أظنه{عرقي} فقدبدأ القعدة بالشكر لجمال {يا مُبدع ,معقول الإبداع ده كلوا في بيتي , وبالله بتعملوا الحاجات دي كيف يا أُستاذ جمال إلخ } ثم بعد تجاوز الحد الحد {بالله ده شنوا السخف البتعملوا فيهوا ده , إنتوا ما بتشوفوا المصريين هيييع , خليكم من امريكا هييييع}
ثم بعد نجاح {جمال} اخيراًبإقناعه بضرورة الذهاب
{جداً لكن ما تنقطع يا عثمان }
وراجع ليك للخطأ التصنيفي الوقعت فيهوا لقلة خبرة بالقعدات أو طول بعاد منها وذلك من خلال مشروع دراستي حول {مراتب السكرالسوداني ــ دراسة حالة}
Post: #365 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 09-08-2007, 06:13 PM Parent: #364
صلاح شكراً لكن أنت عارف انا زول بتاع ميلوتي أحمد سلام ومرحب و اليلة السبت بمشي وبجيك تريان يدرب يوم داك
Post: #366 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 09-08-2007, 06:16 PM Parent: #364
قعدة عمرها ثلاثة اشهر ونص ناس طشمت وفكت الطشمة وطشمت تاني وبعدين جني وجن الزول اللي يجي القعدة يادوب ضيف ويمسكها وينظر فيها زي احمد موسى دة اولا هو ما دافع الشير بتاعو وتانيا بشغال البنات وثالثا قبض الجو طوالي ، اها بقة زاتو عندنا راي فيهو كل مرة يجيب زول من طرف ما تقول ود بري وحلايب سودانية "اسع الدخل حلايب شنو" وبعدين احمد موسى تجي الكشة يعمل فيها محامي وتطلع البطاقة بتاعت اللجنة الثلاثية اللي فيها وليد والزول الصحبك الجاي من الشرق . صلاح الامين كيف جن اسمرا دة شيلو وجيب غيرو بشق النفس اها يابقة اتصلت عليك وعرفت بعدها انك في كينيا بترجع متين دايرك ضروري جدا ، انا ماشي قريب وجاي وحارسك يا احمد موسي
Post: #367 Title: Re: أسف ، لكن البورد ده مرات بيذكرني قعدات السكر Author: salah elamin Date: 09-08-2007, 08:29 PM Parent: #366
Quote: صلاح الامين كيف جن اسمرا دة شيلو وجيب غيرو بشق النفس
مصطفي سري واضح انك سكرت يا كمرد او اسمرتك تكون فكت يا اخي الجبتو انا بيرة ملوتي وهي خفيفة يعني زي خمسة في المية تحية لربيكا الصغيرة .
ويا بقة انتاي تستي ؟ حنتي دبل جن ولا كلتي ملوتي بيرة؟ ولا اقول ليك حاجة احسن عبار بتاع سوا عديل كده.
واحمد موسي عشان فصاحتو دي عليك الله يا بقة طول ليهو الكاسات عشان يتدمر .
Post: #368 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 09-08-2007, 09:01 PM Parent: #367
صلاح الامين ، والله الزول لمن ياداب يقعد ويلاقي زولا معرفة جديد يللا يسال اها فلان وين وانا لاقيتو قبل عشر سنوات واخر قعدة كانت عند ناس احمد موسى يااخي الزول دة طمش كدة ، اها انت بستم وين في ليبيريا والله كينيا وللا غينيا طيعا انا قريت الكتوب حسب تعليمات كومريت اب جقادوا قال ما تتمعن في الاسم لانو ما دوا ، واب جقادو دة اسالو منو بقة ، واحمد موسى هارب مني لاني سالتو من الشيرينق بتاعو ، ونسال تاني وين اخوك كيكي ، ومبروك لاخوك احمد الامين مع انك ما عزمتنا انا بعرف بقة في السودان لمت يتداخل بالعربي ، ويا بقة تاني قبل ما تمشي الترم ترم اتضل علينا ، عالم عجيبة ، انا ماشي قريب وجاي تاني
Post: #369 Title: Re: أسف ، لكن البورد ده مرات بيذكرني قعدات السكر Author: salah elamin Date: 09-08-2007, 09:47 PM Parent: #368
مصطفي علني اقصد مصطفي سرس
بستم الشهير بمنتصر في ملاوي وبقة بكون حسه في فلوريدا 2000 وشكرا على التهنئة وعقبال زواج ربيكا
وكيكي بكون في المنبر وابجقادو لاقيتوا في نيروبي في شقتكم وهو الان بالقاهرة وانا داتي في القاهرة الان.
تحياتي
Post: #370 Title: Re: أسف ، لكن البورد ده مرات بيذكرني قعدات السكر Author: Abdulbagi Mohammed Date: 09-08-2007, 09:50 PM Parent: #368
عادة البوستات بتغطس ولا بتمشي الخور لكن ده جاء ناطي من صاحب القعدة الكبيرة نفسو يا صلاح الأمين حنتي دبل جن وحنتي يماني باريا سري البركة في الشوفة ونية العودة الليلة السبت و انا كنت في لمة كبيرة ، وأنت عارف,، بكرة برجع عليك
Post: #371 Title: Re: أسف ، لكن البورد ده مرات بيذكرني قعدات السكر Author: Ahmed musa Date: 09-08-2007, 09:55 PM Parent: #1
{بُقة} جيت راجع {بصقت سفة}, أهاااااا {سري} و{ودالأمين} قصروا لي المُشوار لأنوا كالآتي في قعدات المزاج دي يا{حبة} وحبة دي لزوم الدخول في الجو وكده , ماعلينا: في ها القعدات في {الطرباق} وهم نوعين {الطرباق المُتوحِد} وهو نوع يمسك موضوع واحِدأو شخص مُحدّد و يلوكوا لحدي ما يفكها عند واحدين أو يربطها عند تانيين النوع التاني {الطرباق المٌتنقل} وهو يتنقل من موضوع لآخر بسرعة {يونس شلبية}والمٌصطلح {يونس شلبية} مُصطلح مؤقت لحين سودنته , اها ده النوع السابع , من غيظي بديت بيهوا وجاييكم أما عن تهمة عدم دفع الشيرنق برد عليها منو ؟!!!! ايواااا برد عليها {شوف} ما في في المنبر دي ما مُشكلتي وجاييكم
Post: #372 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 09-08-2007, 11:34 PM Parent: #371
صلاح اها انت لسعة صاحي واحمد موسى ما دفع الشرينق وبقة في 2000 الله يعيدو قريت قصة كيكي قلت لي" وكيكي بكون في المنبر " قريتها في البنبر ولسعة انا صاحي الايام دي المنبر يقوم ويقعد ، وناس عاملة علمانية تلقاها اسلامية فجأة او فجعة كدة ولقيت واحدين طلعوا وللا اترفدوا وواحداين زايغين من الشيرنق ، وسالت عضو هنا غير نشط عن صديق الموج وادركت انا هذا العضو ناسي القصة من اساسها ، والمنبر يبدأ كلام عن دكتور منصور خالد ودكتور ع.ع. ابراهيم والجاسوسية ومنو الجاسوس وقصص ، يرجعوا تاني لقصة التقسيمات والسودان الجديد الذي يرفضه البعض فقط لانه فكرة مغايرة مع ان الفكرة تقول علينا ان نعترف للاخرين ان يكونوا اخرين ، ليس اقصاءا لاحد واذا هناك من يعتقد ذلك ينزل المحطة الجاية . دخلنا في السياسة ، لكن داير ارجع الناس لفكرة البوست انو البورد زي ما قال بقة "بيذكرني قعدات السكر" ونحن سرحنا في العنوان مغايرا لجوهر المسالة ، ما علينا المهم انو البورد او المنبر اكبر قعدة سودانية والشية رحيتها طلعت وناس خم الرماد يا بقة جايين الصبح بدري او نهاية اليوم خاصة ناس خطاب حسن احمد ، ومنعم الحاج والعاقبة عندكم في المسرات.
Post: #373 Title: Re: أسف ، لكن البورد ده مرات بيذكرني قعدات السكر Author: Mohamed Abdelmotalib Hassan Date: 09-08-2007, 11:48 PM Parent: #372
المنبر ده برضو بذكرني بي .... سوق سته: تمشي ليهو لما يكون عندك حاجة مسروقة ولا عايز ليك زنك قديم تعملو زريبة للغنم ولا للجداد...
ومرات بذكرني بي بيوت العذابة الفي نص الحلة... الواحد لما يجي خاشي يتلفت مية مرة عشان يتأكد مافي زول شافو.... ومرات... ومرات .... ومرات ـــــــــــــــــــــــــــ
Post: #374 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 09-09-2007, 00:18 AM Parent: #373
اها يا محمد لقيت المنبر دة شنو شايف نفسك قايم في النفس غايتو المنبر لا بيت عزابة ولا سوق ستة اهو زي القعدة جيب بنبرك وشاكل الداير تشاكلو وصالح الدايرو وبرضك القعدة الجاية بتجي تلقي الشاكلتو في القعدة والمصالحو برضو في وتاني تدور ، الحل تقلب القصة ، رايك شنو.
Post: #375 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 09-09-2007, 02:30 PM Parent: #374
الناس دي نايمة لسعة ما فكت المهم نحن يا بقة نحرس ليك وانت نوم قفا- من يشيل-
Post: #376 Title: Re: أسف ، لكن البورد ده مرات بيذكرني قعدات السكر Author: Ahmed musa Date: 09-09-2007, 08:12 PM Parent: #1
أهاااايا {حبيب} وحبيب دي برضوا من لزوميات القعدة نرجع ونقول الصنف التالت (طبعاً الاول والتاني إتكفل بيهم بقة) مع إيضاحات تالية في حينها , {الصنف التالت} النوع {العاطفي} وهو أيضاً نوعين {عاطفي سالب} و{عاطفي موجب} والعاطفي السالب هو الذي يعمل على {تهويل} صغار المشاكل والتعاطي معها بضخامة مُزعجة ومؤثرة حيناً في الحضور وكذا العاطفي الموجب والذي {يُهوّل} المسائل الجيدة و يلتقي مع {الشاكارين} في أنه يتمدد إلى مساحات موضوعات بعكس الأول {الشاكار} والذي يركزعلى الشخوص أو التصرفات ولا يتمدد إلى الموضوعات التي يتميز بها {العاطفي الموجب} ونعود إن عاد {بُقة} وحمدلله على سلامة {الشيرمان} من الإشاعة
Post: #377 Title: Re: أسف ، لكن البورد ده مرات بيذكرني قعدات السكر Author: Kostawi Date: 09-10-2007, 08:13 PM Parent: #376
استغفر الله اللهم إني صائم
Post: #378 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 09-10-2007, 08:34 PM Parent: #377
يعني يا كستاوي انت باص من خم الرماد وللا ما داير تدفع الشيرنق ما في مشكلة احمد موسى زاتو ما دافع ؟؟ بقة غايب ليه ..ز ليه
Post: #379 Title: Re: أسف ، لكن البورد ده مرات بيذكرني قعدات السكر Author: Hassan M Saeed Date: 09-11-2007, 01:05 AM Parent: #1
يا جماعة لحقونا
Post: #380 Title: Re: أسف ، لكن البورد ده مرات بيذكرني قعدات السكر Author: عبدالمجيد صالح Date: 01-03-2008, 11:52 PM Parent: #1
نحن ناس الغرب جينا نفتشو بغو
مقطع الكاس البجيبو الصديق ابلعو واستريح
حقوق الاقتباس محفوظة-رواية عطر نسائي ل عماد براكة
--------------------------------- حاشية البغو مشروب \يعادل المريسة عندكم في الشمال
عبدالمجيد صالح
Post: #381 Title: Re: أسف ، لكن البورد ده مرات بيذكرني قعدات السكر Author: Raja Date: 01-04-2008, 00:43 AM Parent: #380
عبدالباقي يا حبيب..
وينك مختفي..؟
بالمناسبة ما بعرف قعدات السكر شكلها كيف.. لكن البورد ده بيذكرني بفيلم إسماعيل ياسين في مستشفى المجانين.. ده أحلى فيلم يتشاف ..
ودي وكل عام وأنت ووليداتك بخير
Post: #382 Title: Re: أسف ، لكن البورد ده مرات بيذكرني قعدات السكر Author: Zakaria Joseph Date: 01-04-2008, 02:28 AM Parent: #1
Companeros Sorry for the intrusion. I saw a big Habano and somebody is talking about Johnny walker,well, I do not like none of that. My favorit is Coheba,a fine cigar which is only produced in the western province of Pinar del Rio, Cuba, and for the (gada) , I go for 15 year-old Havan Club. Havana Club is as smooth as a cold karkedy cup and if you ever get hooked on it, forget about anything else. Ahaa, el Meastro Bakri will not be able to get it in the state because of the embargo on Cuba-unless-of course he crosses the boredr to Mexico.
Post: #383 Title: Re: أسف ، لكن البورد ده مرات بيذكرني قعدات السكر Author: بكرى ابوبكر Date: 01-20-2008, 08:29 AM Parent: #382
يا اخوانا بقة ده غطس وين لا تلفون......... لا اساى بى؟؟؟؟؟؟؟؟؟؟؟؟
Post: #384 Title: Re: أسف ، لكن البورد ده مرات بيذكرني قعدات السكر Author: مصطفي سري Date: 01-20-2008, 11:31 AM Parent: #383
يا بكري انت ( طمشت ) الزول في جوبا وعندو مهمة الظاهر ويا بقة تعال شوف قعدتك دي وصلت وين ... ووليد حامد اتزوج ...
Post: #385 Title: Re: أسف ، لكن البورد ده مرات بيذكرني قعدات السكر Author: عبد المنعم ابراهيم الحاج Date: 01-20-2008, 10:41 PM Parent: #384
سلام ياشباب
ياداب انا جاي من سفرة..الواحد مشى السودان ورجع ولا زول هببو لينا..الله يخلي اصحابنا زمان.. خوتكم خوة قعدات ساكت ..
Post: #386 Title: Re: أسف ، لكن البورد ده مرات بيذكرني قعدات السكر Author: Raja Date: 01-20-2008, 11:02 PM Parent: #384
سري سلام..
Quote: ويا بقة تعال شوف قعدتك دي وصلت وين ... ووليد حامد اتزوج ...
NOOO, Not again
Post: #387 Title: Re: أسف ، لكن البورد ده مرات بيذكرني قعدات السكر Author: بابكر التوم Date: 01-21-2008, 00:57 AM Parent: #386
التحية لرمان العقعدة العجيبة الاخ عبد الباقى دى مفروض تدخل موسوعة جنس سرى اتاريك غاطس بجاى يطرشنا بالبوست دا ومالك كبرت ولا شنو ممادخلت ما رفعت كاسى . يوم سعيد وغريب للمصادف تزامن البوست دا مع زواج حبيبنا رشاد الجزولى " />">[/ اه عشان شرفنتك دى جينا بحقناجبنا نضيف لانو مكة عندها ملاريا والشيك كشات تقيلة لك مودتى واظهر
Post: #388 Title: Re: أسف ، لكن البورد ده مرات بيذكرني قعدات السكر Author: اسامة جعفر Date: 01-21-2008, 02:39 AM Parent: #387
هادم المزات
">[/