يا جماعة ... الشافو السنة الجديدة يورونا شكلها كيف لانو .. نحن لسعة في 2007

اتصل بي العديد من دول بدا العام 2008 لديهم
تباينت الاراء منهم من قال انها حميلة وتفاؤلية
ومنهم من قال لا تغيير فيها ومنهم من ينتظر من
امثالنا ... نطمع في انطاباعات الذين بدا لديهم
العام الجديد...
وكل عام وانتم بخير ...

هسي الواحد يقول ليك كل سنة وانت طيب ولا مساء الخير
نهايتو

والله ياسري

لي هسي غايتو أخوك داخل وماداخل في السنة الجديدة دي
يعني رجل جوة ورجل برة


غايتو أصحابنا الخشو فلم باكر في السودان
قالو بايخ وماجايب حقو
حتي حفلة عقد الجلاد ضاربة لستك


مصطفي ياخ كل سنة وإنت طيب والسودان شديد ووسيم

يا شاب يا لذيذ ، كل سنة وانت طيب
زمان حفلات راس السنة في اندية الخرطوم التي لا تعرف النوم تدخل هنا
وتتمها بهناك

لكن انا في البلد دي اللي هم اسيادها قاعد في البيت وشربت الشاي

نشوف البقية احتلفوا كيف وللا شافوا السنة الجديدة كيف

العزيز مصطفى سنة سعيدة وكل الامانى محققة
انت عارف يا مصطفى عندنا كمندان جانا زيارة فى
أحد الميزات ولقانا مدورين شاى ب لبن , صفق أياديه
وقال لينا هى حصلت انكم تشربو شاى ب لبن واليوم خميس
أسع أنا أعمل فيكم شنو وقرب يشيل الكفتير والمعلقة
والسكر معروضات , لولا أن كبينا الجرسة واعتذرنا ووعدناه
بعدم تكرار مثل تلك الغلطة , دحين الكمندا دا لو قلنا ليهو
أخونا مصطفى قاعد فى لندن والدنيا رأس سنة وبشرب فى شاى ب لبن
وكيلك الله كان بكا . تحياتى عبرك للعزيز مغيرة أوع كمان تكون
علمتو شراب الشاى باللبن فى رأس السنة .

Quote: أوع كمان تكون علمتو شراب الشاى باللبن فى رأس السنة .

يافيصل
إنتو الشاى بتجرتقو فى سويسرتكم دى..??

سلامات يامصطفى
وكل عام وأنت والوطن وأسرتك بخير..

قرعت كل الأجراس , فى كل العالم لإعلان مواقيت أخرى للنوم والعمل والنزهة
والقتال , عوضآ عن أخرى محتلفة عنها فى آخر رقم فقط..!!
دوران آخر للساعة ياصديق , ليس بمقدوره إضافة أو إزاحة شئ, فهى عملية حسابية بحته,ولكنها أستطاعت التوفر على طوية إنسانية طيبة..فطبيعة الإنسان قابلة للإحتفال بأى عيد كان..,
رأس السنة أى عيد هو..??
فلقد عودتنا الرأسماليه أن تصبح كل الأعياد متشابهة ,
حتى أنه فى إمكانك أن تهدى خاتمآ ذهبيآ ثمينآ لزوجتك فى عيد العمال,..

اول حاجة سلام كتير ( طق طق طق)

مشتاقين ..

عارف كل ما اجي اعمل مداخلة ليك بكتبها 4 لي 5 مرات بتطير ولما اقفل .. الحالة دي ابتدا من بوست الترحيب ..

هسى لي كلامي دا كاتبة ليك مداخلتين ذي الورد طاروا ..

عارف سنة حلوة ومشينا شارع النيل .. وجينا هسى ..

الشامية لي هسى ناسها ذي ما هم لي هسى صاحيين وبضربوا في الفول والاقاشي والسمك .. دا الامتداد

والصحافة كعادتها منورة وفي نفس الوقت هادئة ..

مشينا صرخنا وكوركنا .. والبلد محمية (تمام) بي السواري والعربات بي كل مترين والتاني .. كل الكباري مغلقة ..

جينا من امدرمان عن طريق الحاج يوسف وكبري الجريف شرق ..

كانت لمة حيمورابية حلوة ..


كل سنة وانت طيب .. وربي يرد غربتك الفجأة دي بالنسبة لي ..

تحياتي .. ناس بيتكم كويسين .. قاعدة الاقيهم.. الليلة لاقيتهم .. وملأ السور قلبي وبي ..

احنا في بلدا السلام على الكافر حرام
والتهنئة بعيد رأس او كراع السنة ستين حرام

مرة شباب البلد احتفلوا بعيد الحب.
السنة البعدها .... جماعة (المنكر) جمعوا ليك
كل الورود الحمراء حتى الصناعية من الاسواق.



قال سنة جديدة قال

كل يوم و انت بخير

العزيز فيص عثمان الحسن ، كل سنة وانت والاسرة بخير وعام سعيد انشاء الله

(
العزيز مصطفى سنة سعيدة وكل الامانى محققة
انت عارف يا مصطفى عندنا كمندان جانا زيارة فى
أحد الميزات ولقانا مدورين شاى ب لبن , صفق أياديه
وقال لينا هى حصلت انكم تشربو شاى ب لبن واليوم خميس
أسع أنا أعمل فيكم شنو وقرب يشيل الكفتير والمعلقة
والسكر معروضات , لولا أن كبينا الجرسة واعتذرنا ووعدناه
بعدم تكرار مثل تلك الغلطة , دحين الكمندا دا لو قلنا ليهو
أخونا مصطفى قاعد فى لندن والدنيا رأس سنة وبشرب فى شاى ب لبن
وكيلك الله كان بكا . تحياتى عبرك للعزيز مغيرة أوع كمان تكون
علمتو شراب الشاى باللبن فى رأس السنة .)

والله يا فيصل ، انا قلت نقابل السنة الجديدة بشكل جديد ، والحمد لله
اصبحنا واصبح الملك لله ، شراب الشاي في احتفال راس السنة لذيذ
وقمت في وقت مبكر لا صداع ولا شئ ... مغيرة شكلو احتفل بشاي برضو
وشوف السنة الجديدة ماذا تخبئ لنا ...

مكرر ،

العزيز ، الجيلي احمد كل عام وانت بخير واسرتك الكريمة وعام سعيد

(رأس السنة أى عيد هو..??
فلقد عودتنا الرأسماليه أن تصبح كل الأعياد متشابهة ,
حتى أنه فى إمكانك أن تهدى خاتمآ ذهبيآ ثمينآ لزوجتك فى عيد العمال,..)

تعرف الراسمالية استطاعت ان تنقل لنا اشياء جميلة ايضا رغم القيمة الاستهلاكية
في كثير من احتفائها وقيمها لكنها الانسانية يا صديق ، واهدائنا للعام الجديد
اسورة من الحب والسلام ...

الدكتور مصطفى محمود ، كل سنة وانت بخير وعام سعيد لك والاسرة
تشكر على وردة العام الجديد ، ولنحلم باجمل ما لدينا ...

الاخت انعام حيمورة ، كل وانت بالف خير وال حيمورة بالف خير
شكرا على المداخلة اللطيفة

(مشينا صرخنا وكوركنا .. والبلد محمية (تمام) بي السواري والعربات بي كل مترين والتاني .. كل الكباري مغلقة ..

جينا من امدرمان عن طريق الحاج يوسف وكبري الجريف شرق ..

كانت لمة حيمورابية حلوة .. )
نقول شنو غير بختكم وعينا باردة ، وطبعا منذ التسعينات كانت احتفالات رأس السنة
مخاطرة بسبب دولة طالبان افريقيا ... ولكن الحماية الاكتر من اللزوم قتلت سائق
الدبلوماسي الامريكي ... غايتو ..

زول واحد ، كل سنة وانت واسرتك بخير وعام سعيد وتتحقق امانيك

(مرة شباب البلد احتفلوا بعيد الحب.
السنة البعدها .... جماعة (المنكر) جمعوا ليك
كل الورود الحمراء حتى الصناعية من الاسواق.)
الحمد لله ما جمعوا الحب من قلوب الناس التي ما زالت عامرة بالحب
تشكر يا عزيز ...

ما كل ما يخرج من الكفتيرة شاي

أهه يا درش فيصل جابه ليك من محطة سبعه بعد الشريعة

Quote: ما كل ما يخرج من الكفتيرة شاي

كل عااام يهنئ العاااام بسعيدوا وياريت يكون الجديد أحلي وأرحم من الفااااتوا (وياحليل الزمن الجميل داك يادرش زكريات تمر علي نوافذ القطار وهيهات هيهات أن نلحق أثره)

الجماعة عندنا بيبكوا عشان العمر نقص مازاد ونااااس بتحتفل وبتحرق في العمر الفااات بس المهم نحن هنا عندنا عيدين وبس !!!

عيد الفطر فرحة الصائم وعيد الأضحي نحر وتقرب وفرحة حاج أدي ركنوا الخامس .

طبعا مدينة الضباب عشان كده ماشايفين العاااام الجديد شوف ليك سلم وأجلي الضباب بتدخل العااام ده سباحة وحااااااات ربيكا الحلفاوية

الجميلة وعقبال ماتتني (بسري ) دعوة برضوا من الزمن السمح سمح أنت وعسل عامك.

،،،،،أبوقصى،،،،