تلفزيون السودان ... يحب ... اصحاب .. البشرة .. البيضاء

انظروا الى تلفزيون جمهورية السودان ، الدعاية والاعلانات
مرات حفلة رابة وغنى دلوكة للدعاية ، او مسرحية طويلة
سمجة للاعلان عن تغيير العملة .. واخرها ذوات البشرة
البيضاء من مصر وسوريا وتركيا ....

Quote: واخرها ذوات البشرة البيضاء من مصر وسوريا وتركيا ....

ما انتَ وبهاءالدين وفيصل برضوووووو بيض
نسوي شنو ؟؟ ربنا أبتلانـــــــا بيكم لكن بنحبكم شديد

لك التحية والاحترام

خالد

Quote: واخرها ذوات البشرة البيضاء من مصر وسوريا وتركيا ....

يعني مثلا عاوز يجيبو واحدة من اخواتنا في ملكال في دعاية حقت فير اد لفلي ولا كريم لتفتيح البشرة؟؟
والله الا يجيبوها مسلوخة بي موس

يعنى يا سرى ممكن تظههر فى دعاية لشامبو او كونديشنر!
مصطفى
اتمنى ان اراك مستمرا فى الكتابة عن ما ينفع الناس مبشرا بالوحدة داعيا لها وليس متعاملا بردود الأفعال فأنت مهنى محترف وليسا عنقاليا مثل جنى!
لعلمك هنا تجمع للعنقاليون امثال بشاشا ومحمد سليمان الذين يهتبلون مثل هذه السوانح لتمزيق شباك السودان البائس والتى هى اساسا متخمة!
تحياتى لك يا سرى
جنى

ولا تنسي يا عزيزي مذيعاتنا ذوات الوجه الأبيض واليد الأسمر ، وهذا بفضل فير ولفلي (أخوان)

الاخ جني ، اساسي وصديقنا خالد محجوب ، شكرا على المرور، ورمضان كريم
ما دعاني لفتح الموضوع ليس بالفكرة التي راودتكم ،انني
استأنس بان تصبح المسالة سودانية ، ولاحظوا اللغة ليست سودانية
والمواقع التي تصور فيها المشاهد ليست سودانية ، والاخ اساسي الذي
لا ينكر استعلائه على البشرة السودانية فاقول له ان الدول الاوربية
وامريكيا التي بها هذا التنوع العرقي والاثني تقوم بتوازن في تصوير
الدعاية من المهم عندهم ان تحتوي الدعاية مثلا على كل الوان البشر
الموجودين وهناك ايضا في جنوب افريقيا تجد الاعلانات توازن في فرص
الاعراق والاثنيات ، غير المهم في المسالة لماذا لا تسودن الاعلانات
ونوطن انفسنا على ما لدينا ، وهذا لا يعني انني فرح من الاعلانات
السودانية التي فيها كثير من الاستهبال وهي اعلانات بلغة معقدة
وفيها جانب التمثيل .
ويا جني ارجو ان نناقش مثل هذه القضايا بهدؤ وتروي لان تلفزيون
السودان اصبح لا يمثلنا نحن شعوب السودان ، من توزيع البرامج
وفرص عرض الثقافات ، واجبتني اعلان لموباتيل مثبت في عدد من
الشوارع متوازن بين شاب فاتح اللون واخر اسود وكذلك فتاتين
وهي من تصميم زميلنا في سودانيز اون لاين عصام عبد الحفيظ
مرة اخرى اقرأوا المقاصد وما وراء السطور ستفهمون المقصد
الحقيقي . لكم الود.

Quote: الاخ اساسي الذي لا ينكر استعلائه على البشرة السودانية

يا اخوي جبت الاستعلاء من وين
يعني لو قلت انت بي صلعتك دي ممكن يجيبوك في دعاية حقت امشاط ولا بريل كريم ولا مثبت الشعر يكون دا استعلاء في نظرك ؟

الاخ اساسي انا لم اتحدث عن صلعة وللا لبعة انا اتحدث عن التلفزيون
لا يتوازن في فرص الاعلانات ولم يسودنها جميعها من خارج الحدود
كون موضوعيا ولا تخرج الحديث عن سياقه ، وما قلته من استعلائك
هنا ، ما ذكرته في المداخلة وهي :
(يعني مثلا عاوز يجيبو واحدة من اخواتنا في ملكال في دعاية حقت فير اد لفلي ولا كريم لتفتيح البشرة؟؟
والله الا يجيبوها مسلوخة بي موس )
ما هو الاستعلاء اكثر من مما قلته انت هنا ، دعك من خفة الدم التي لا لزوم لها
ناقش ما ذكرته ، وهل فتح البشرة شئ سحمد له واذا كانت هناك من الفتيات السودوات
يحاولن ذلك فان مرده ذلك الاستعلاء الذي يتعرضن له من الدعايات والاعلانات التي
تملأ الشاشة .

Quote: لاخ اساسي انا لم اتحدث عن صلعة وللا لبعة انا اتحدث عن التلفزيون لا يتوازن في فرص الاعلانات ولم يسودنها جميعها من خارج الحدود كون موضوعيا ولا تخرج الحديث عن سياقه ، وما قلته من استعلائك هنا ، ما ذكرته في المداخلة وهي :

انا لا اخرج الحديث عن سياقه يا ظريف بل انا لا امزح ابدا معك ولكن انت لا تريد ان تستوعب وتصر علي فكرتك وانها صحيحة وحاولت ان اقاربها لك علك تدرك ما لا تدركه ولانك لابد مفرمل في محطة واحدة لا تريد ان تتجاوزها .. الغريب ان البعض يقول عنك انك كاتب محترف وماشاكل من عبارات اراها تجافي الواقع فالكاتب لابد ان يكون مرنا كفاية ليستوعب فكرة غيره بعدين ياخي انت شريك لزم للحكومة القائمة ولديكم الوزاراء الذين يجتمعون كل عشية وضحاها مع الوزراء الكيزان لما لا تمررون مثل هذه الافكار هناك بدلا عن استعراضها للشو في منتديات الحوار والونسة والشات ؟

وتلفزيون النيل الازرق .. يحب ... اصحاب .. البشرة .. البيييييييضاااااء

ما دعاني لفتح الموضوع ليس بالفكرة التي راودتكم ،انني



حبيبنا والودود سري
نعرف ونعي الأسباب التي اورت الفكرة وهي تراودنا كلما وقع الطرف على دعاية في تلزيــــون السودان
لكن يجب أن لا نقفل الدعاية ليست ملك للتلزيون فأنها لشركات وهم أحرار لكي يبرزوا الدعاية بالشكل التي يروق لهم
ثانياًالجدية في الشعب السودان تجعل الكثير لا يطرقوا ذلك المجال المشاركة في الدعاية .. وأظنك تذكر ما فعلته دعاية ( زيت عافية ) في اللاعب الكبير أحمد آدم حارس مرمى الهلال العظيم وجعلت مدرجات الرشاشات المريخاب تصيح عافية كلما قفز احمد آدم في كرة وبعدها ما كسب عافية
تلك المراة المسكينة الامدرمانية في دعاية كلين ( كرهوها الشارع ) ماخرجت وألا تهامس المارة كلين كلين ونواصل يا جميل

خالد

Quote: يعني مثلا عاوز يجيبو واحدة من اخواتنا في ملكال في دعاية حقت فير اد لفلي ولا كريم لتفتيح البشرة؟؟والله الا يجيبوها مسلوخة بي موس

الاخ اساسي

رمضان كريم ..

طبعا كلامك ده لو طلعت منه القصد العنصري وتعاملت به بالمنطق التجاري ستجده ايضا خطا ..

ماذا لو كن اخواتنا في ملكال يستعملن هذه الكريمات التي ذكرتها هل ستاتي لهم بموديل من غير بشرتهن ؟

ام ان اخواتك في ملكال خارج حساباتك التجارية ايضا ؟

حديثك عن الموس والسلخ اعتبره دعابة ليست في محلها


مودتي

منعم


(التعديل بقصد كتابة كلمة خطا)

انا برضو بحب اصحاب البشرة البيضا

عقد ما عرف
في جيناتي ما عارف


المهم بحبهم لله في لله كده

وده ما بعني اني بكره اصحاب البشرة السودا

وليد محمد المبارك ، اولا التحيات يعني تخش البوست الليلي وما تقول رمضان كريم
وللا جاي ابيض ، رمضان كريم .
من حقك طبعاً تحب اللون الابيض ، ولا اقول هي عقدة فيك ، لكن ما قصدته لا يخرج
عن كون التلفزيون اصبح لا يمثل السودان ، وانت نفسك اذا ذهبت الى مصر اوقطعت
البحر الاحمر ستشعر بلون بشرتك والتي لا اعرفها لكنها سودانية ، وما قصدته
حتي بعض التلفزيونات العربية اصبحت تنتبه الى تمثيل اصحاب البشرات الاخرى
لكن بصورة بسيطة ، التوازن مطلوب في بلد متعدد الاعراق والثقافات والاثنيات
ان نعيد تلفزيوننا الي البلد الان هو في الدول العربية ، حتى الذين فكروا
في فتح قنوات جديدة اختاروا صاحبات البشرة البيضاء وكأن ليس لدينا فتيات
سودانيات وطبعا هناك الكير من الامثلة انظر الى تلفزيون الجزيرة والاخوة
السودانيين بخبراتهم لا ياخذون فرصة الظهور على الشاشة وهم كوادر اذاعية
تلفزيونية ومخارج حروفهم افضل بكثير من العروبيين في الجزيرة ، ما رايك
في هذا الذي يحدث في الجزيرة؟

Quote: طبعا كلامك ده لو طلعت منه القصد العنصري وتعاملت به بالمنطق التجاري ستجده ايضا خطا .. ماذا لو كن اخواتنا في ملكال يستعملن هذه الكريمات التي ذكرتها هل ستاتي لهم بموديل من غير بشرتهن ؟

عبد المنعم يا ظريف

ولان الاعلان للكافة في قناة فضائية بثها يغطي الكرة الارضية ويشاهدها من هو من ملكال ومن هو من البيض والسود والزرق والحمر والصفر
ولان الشركة تريد لمنتجاتها ان تباع فانها كشركة تجارية تختار من تراه يصلح لمنتجاتها ولا احد يلزمها بان تبيع في سوق كاجو كاجو


مودتي يا لطيف

الاخ مصطفى سري

أنها "مأساة قوم سود" والطامة الكبرى أنهم لا يدرون بأنهم سود. فمن الذي سوف يصحيهم من غفوتهم "البيضاء" يا ترى؟


دينق.

وووب علينا يا جني
الحياه لن تنهي عند بشاشا ومحمد سليمان
معقول بس للدرجه دي جننوك؟؟

Quote: يعنى يا سرى ممكن تظههر فى دعاية لشامبو او كونديشنر! مصطفى اتمنى ان اراك مستمرا فى الكتابة عن ما ينفع الناس مبشرا بالوحدة داعيا لها وليس متعاملا بردود الأفعال فأنت مهنى محترف وليسا عنقاليا مثل جنى! لعلمك هنا تجمع للعنقاليون امثال بشاشا ومحمد سليمان الذين يهتبلون مثل هذه السوانح لتمزيق شباك السودان البائس والتى هى اساسا متخمة! تحياتى لك يا سرىجنى

يا جني يا غالي والله محمد سليمان وبشاشا لا يسعون لتمزيق السودان
هم بس عايزنه سودان اكثر عداله.


العزيز مصطفى سري
رمضان كريم وتشكر على البوست.
وحياتك انا ماخدها من قصيره وما بتفرج على تلفزيون السودان.
لانه بجيب لي القرحه وبرفع لي الضغط.

الاخ دينق ، تحياتي ، وشكرا على المرور
تعرف في دعاية عن شركة للبوهيات وهي شركة سودانية الدعاية تصميما وممثلات مصريات
وممثلين مصريين ، وكذلك دعاية لاحدى شركات البسكويت ممثلات مصريات واخرى عن صبارات
مياه ممثلات سوريات ، والسؤال لماذا يخجلون من السودانيين والسودانيات ، هنا من هو
فهمه قاصر يعتقد اننا نتحدث عن مسائل عنصرية ، مع اننا نتحدث عن توطين وسودنة
التلفزيون.

العزيزة تراجي تحياتي ورمضان كريم
كان تحضري التلفزيون السوداني يعني يجينا الضغط برانا
ستلقين العجب والعجاب ، تلفزيون يحجب الفتيات والنساء
السودانيات وفي ذات الوقت يتيح للعربيات ذوات البشرة البيضاء
اخر بنطلون ، انه التناقض وانفصام الشخصية وثقافة الانسان المقهور.

الحبيب مصطفي سري،

ده سر كل الموت الفي بلدنا، ولكن منو البقنع الديك. احنا ماعندنا مشكلة اخري كشعب غير هذه المشكلة!

شئ مهين، مخجل حقيقة، ان يكره شعب نفسو لهذه الدرجة، او يحب لي درجة الوله غزاتو ومن استرقوه بهذه الصورة!

العجيب ماعدت اطلاقا ازعل زي زمان من احتقار الاخرين لنا، كذنوج، بل بديت اتفهم كيف الناس ديل ماعندهم اي ذنب في احتقارم لينا، لانهم يستقو احتقارم لينا، من احتقارنا احنا لي انفسنا!

شئ عجيب فعلا!

Quote: يعني مثلا عاوز يجيبو واحدة من اخواتنا في ملكال في دعاية حقت فير اد لفلي ولا كريم لتفتيح البشرة؟؟ والله الا يجيبوها مسلوخة بي موس

مجرم الحرب والدباب اساسي،

قت لي اختنا؟

يخاف الكوز، مابختشي!

مشي يكتل فيهم، لانهم مابيض البشرة، هذا العبد الحبشي، الكافوري، والان بقول اختنا!

طبعا يا بشاشا انت كزول بتسوق لنفسك ولتاريخك ولانك مهوس بقصة التاريخ دي وحريص جدا انه التاريخ يذكرك كشمالي ناضل من اجل ابناء الهامش وبتتخيل نفسك زي ضيوف بتاع السنغال داك وغيره من الكتاب المناضلين الافارقة الحفظ ليهم حقهم التاريخ وكدا
فبتشوف انه دا تعدي كبير لما واحد شمالي زي يقول لواحدة من بنات بلده من ملكات كلمة اخت .. لانه زي ما قلنا الكلام دا فيهو تعدي سافر لي تاريخك ومواقفك وبطولاتك الاستعراضية .. بتتخيل انه بعد كم سنة انه يتعمل ليك تمثال في نص غابات اويل كشمالي دافع عن ابناء الجنوب وغيره من القوميات الزنجية ربنا يقسم ليك امانيك واتمني انك تشوف اليوم دا يا جدو

Quote: ولا تنسي يا عزيزي مذيعاتنا ذوات الوجه الأبيض واليد الأسمر ، وهذا بفضل فير ولفلي (أخوان)

لاخ العزيز مصطفي سري
للاخ الباقر العفيف مؤلف اسمه ( متاهة قوم سود ذي ثقافة بيضاء )
والظاهرة التي تتحدث عنها هي نتاج هذه الثقافة المتعمقة في الذهنية
السودانية..ولن تزول الا باستئصالها وهذه مهمة شاقة وعسيرة
لانه يتعذر اقناع المريض النفسي بمرضه..والمشكلة الكبري كما
اشار الاخ ولياب في مذيعات الكريمات " وجوه بيضاء وايادي
سمراء"..يعني كدة اخير البيضاوات المستوردات !!!
مع خالص الود

هاكم هذا الفصة الحقيقية.


تقدمت أحد الاخوات من جنوب السودان لكي تعمل كمذيعة لنشرة الاخبار الانجليزية بتلفزيون السودان, تم رفضها لتلك الوظيفة رغم تعليمها العالي ورغم الوظيفة المرموقة التي كانت تشغلها في السودان وطبعا هي إنسانة جميلة وصاحبة خلق ومن أكبر قبيلة في السودان. يعني لا يوجد هنالك أدنى سبب لرفضها.
لقد تم نقل هذا الاخت الى دولة الكويت بواسطة الشركة العالمية التي تعمل بها كأحد المدراء العالمين. تقدمت للعمل في التلفزيون الكويتي الذي كان مديره خواجة أنذاك وتم قبولها وتعينها فورا بعد أن تفوقت في المعاينات التي كان ينافسها بها بعض المذيعات من بعض الدول العربية. عملت تلك الاخت بتلفزيون دولة الكويت كمذيعة لنشرة الاخبار الانجليزية وظهرت بمستوى جيدا جدا. وبعد أن تمت فترة عملها بدولة الكويت عادت الى السودان وأتصل تلفزيون السودان بها وقام بتعينها مذيعة لنشرة الاخبار الانجليزية. هذا قصة هدية الى الذين لا يعرفون السودان جيدا .

Quote: تقدمت أحد الاخوات من جنوب السودان لكي تعمل كمذيعة لنشرة الاخبار الانجليزية بتلفزيون السودان, تم رفضها لتلك الوظيفة رغم تعليمها العالي ورغم الوظيفة المرموقة التي كانت تشغلها في السودان وطبعا هي إنسانة جميلة وصاحبة خلق ومن أكبر قبيلة في السودان. يعني لا يوجد هنالك أدنى سبب لرفضها. لقد تم نقل هذا الاخت الى دولة الكويت بواسطة الشركة العالمية التي تعمل بها كأحد المدراء العالمين. تقدمت للعمل في التلفزيون الكويتي الذي كان مديره خواجة أنذاك وتم قبولها وتعينها فورا بعد أن تفوقت في المعاينات التي كان ينافسها بها بعض المذيعات من بعض الدول العربية. عملت تلك الاخت بتلفزيون دولة الكويت كمذيعة لنشرة الاخبار الانجليزية وظهرت بمستوى جيدا جدا. وبعد أن تمت فترة عملها بدولة الكويت عادت الى السودان وأتصل تلفزيون السودان بها وقام بتعينها مذيعة لنشرة الاخبار الانجليزية. هذا قصة هدية الى الذين لا يعرفون السودان جيدا .

الحبيب دينق،

يرفضوها في السودان بلدا افتراضا، لتعين في الكويت!

عجبي!

لاحظ بعد عملا في الكويت ياداب حيفرشو ليها البساط!

امخاخ اخوال، زي ماقال السعودي!

يا مصطفى ياصديقى الغريبة انهم بقولو ليك فى السودان (الحمرة الاباها المهدى )
وماشفنا زول غير الاباهن المهدى فى التلفزيون
زمان كانت المعرفة هى الاصل فى القبول للتلفزيون
كنا بنشوف ميرى سرسيو
فى نشرة الاخبار الانجليزية
وهيام المغربى كمذيعة متقنة للفن الاعلامى ورجاء حسن حامد رد الله عافيتها
وكثيرات ممن لم ترتبط بهن صفة (اللون ) لكن المعرفة الاعلامية
والمذيعين نفس الامر

فيما خص الممثلات صرح احد المخرجين (الكبار )
انه ما بشغل معاهو غير (البنات الصفر وشعرهن طوال )

المؤسف انه البنات الصفر وشعرهن طوال ديل ما بشكلو وجود كبير فى الخريطة الحياتية لشعب السودان
لكنهم هسى هم الفى التلفزيون
الواحدة شعرها طويل لكن تحت الشعر (قرعة )
الا النادر القليل
دا غير انها جاية بواسطة او من ناس الحكومة
وتعال النسالك انتو مش فى الحكومة يعنى ماعندكم ناس مؤهلين يا ناس الحركة ؟
وحاجة كمان ليه لغاية الان الحركة ما عندها وجود داخل التلفزيون او الاذاعة ؟
مع انها شريك اصيل ؟
معليش لكن الحكاية دى ممغسانى شديد

والله يا سلمي لو كنتي في زمن الانقاذ ده في ال fm ماتظهري مع لونك ده

Quote: والله يا سلمي لو كنتي في زمن الانقاذ ده في ال fm ماتظهري مع لونك ده

الاعزاء بشاشا، سلمى الشيخ سلامة ، دينق ، منعم ، ادريس البدري
الشكر على الاضافات القيمة ، ومن يشاهد تلفزيون السودان الخاوي
من البرامج المنوعة والثقافية ، التي تعكش تنوع السودان الحقيقي
وليس الخرطوم فقط ، ولنقارن ما يشاهده المشاهد السوداني من برامج
في قنوات العرب وتلفزيون السودان ، لن يجد الفرق من طبق اليوم الذي
يمكن ان يكون للمترفين وليس الغلابة والجوعى ، البليلة والعصيدة
اطباق هوائية لا نعرف نطبخها ، نشكركم

الاخ العزيز عمر على ، لك الشكر
(للاخ الباقر العفيف مؤلف اسمه ( متاهة قوم سود ذي ثقافة بيضاء )
والظاهرة التي تتحدث عنها هي نتاج هذه الثقافة المتعمقة في الذهنية
السودانية..ولن تزول الا باستئصالها وهذه مهمة شاقة وعسيرة
لانه يتعذر اقناع المريض النفسي بمرضه)
ذلك هو المقصد ، وهذا المرض النفسي الذي يعاني منه تلفزيون السودان
المصيبة انه ينقله بعدوى المشاهدة ويصيب كل الذين يشاهدون التلفاز،
لك الود.

ده اسمه الاستلاب الثقافى يا مصطفى

وصل الى اقصى مراحله

فى السودان الان....

الصديق احمد امين، رمضان كريم
الاستلاب الثقافي اشكاله متعددة منها ، لكن التماهي الذي يحدث
هو الاخطر ، من يعتقدون اننا عرباً صرفاً لا زال النقاش حول الهوية
مستمراً وهو من مسببات الحرب الاهلية لعدم اعتراف واحترام المركز
باختلافنا ، وينسحب هذا على الاجهزة الاعلامية التي ما فتئت ترسل
الرسائل الخاظئة والكاذبة داخليا وخارجيا . وانت تعلم كيف تدير
العديد من الدول رغم استمرار الصراع بين العرقيات والاثنيات
لكن هناك اتفاق في ادارة هذا الصراع والاختلاف وهو ما نفشل فيه
انظر الى اللغة العربية الصرفة في مسلسلات سودانية ، وحتى ان
حاولوا تقليد شخصية جنوبية ياتون من احد الشماليين ويعوج اللسان
بتقليد فج واستعباط وغباء .

Quote: فبتشوف انه دا تعدي كبير لما واحد شمالي زي يقول لواحدة من بنات بلده من ملكات كلمة اخت

الدباب اساسي،
سودانيات الجنوب بنات اهلك؟
ياراجل؟
لزومو شنو استهبالك ده؟
لو بنات اهلك ماشي تكتل فيهم ليه؟
نسيت كلامك من شويتين عن الجلابيات البيض كما تتوهم، والزغاوة في بوست غادة عبدالعزيز؟

Quote: نسيت كلامك من شويتين عن الجلابيات البيض كما تتوهم، والزغاوة في بوست غادة عبدالعزيز؟

كالعادة مبتز وسياسي قذر تفرغ الكلمات من معانيها وتتاجر بالشعارات ولا شي جديد في شخصيتك القذرة

كلامي عن غادة كلام واضح جدا لمن يريد ان يفهم لا من يريد ان يبتز ويتاجر بالعبارات ويحور

اصر علي ان غادة شمالية شئت ام ابيت وثقافتها ثقافة شمالية ولا ضير من عملها في محطة تلفزيونية شمالية

ولا احد يجبرها علي العمل في محطة اخري او مثلك يبتزها باقحام الكيزان وقنواتهم في ما لا علاقة له

الان تمارس في دورك التاريخي من البتزاز وشابكني دباب ومجرم حرب وكلام فاضي بعدين ياخي انت قايل روحك

احرص من جون قرنق ولا ريك مشار ولا سلفا كير ؟؟ ما ياهم شركاء الذين (دبدبوا) فيهم بالامس وسمنة علي عسل

جاي عامل لي الكوم بقرش والدقة بي دباب؟؟

كتب الاخ جنى :
مصطفى
اتمنى ان اراك مستمرا فى الكتابة عن ما ينفع الناس مبشرا بالوحدة داعيا لها وليس متعاملا بردود الأفعال فأنت مهنى محترف وليسا عنقاليا مثل جنى!

والله العظيم ياسرى دى نصيحة زول بيحبك
ونادرا ماتلقاهاالزمن ده
ونصيحة زى دى مابتطلع من زول عنقالي .. لكن الراجل اتواضع
في يوم من الايام انا كنت زيك كدة يا سري
وكنت باحب الحركة الاسلامية اكتر من حبك لامك وابوك وحركتك الشعبية
كنت بافتكر انو هى ( الحق المطلق ) و ( العدالة السماوية ) و ماسواها باطل
كنت باشوف اى واحد فيها ( رسول ) و ( ملاك )
لكن التجارب أثبتت لى بانها مجرد حركة من حركات السياسة السودانية
تخطئ وتصيب .. ولا تستحق القداسة
يا سري اكتب وقرر واحكم بعقلك فقط .. اما العقل والقلب معا فلا يستحقهما الا الله ثم البلد
ولك مودتى .. ورمضان كريم

الطاهر ساتي الكوز،

قت لي خليت المشروع الاستلابي؟

كذبا كاذب!

مافي كوز بخلي الكوزنة علي الاطلاق كقاعدة ولو كفر بالتنظيم او بطاقات العضوية!

انت او جني كايسين تدسو شنو، خايفين من نبش الكلام ده؟ خليك من تلفزيون الكيزان العمل ليك حساسية لانك برضك اعلامي كيزان.

حتنكر ولع السوداني العادي والسودانية باللون الابيض؟ ماعادي اول شروط اختيار العروس، لون البشرة البيضاء او الفاتحة!

السكوت او دفن الراس هنا، حينفع الناس يعني؟ طيب ماجربنا كلامك والشايل اسمو جني علي مدي نصف القرن الماضي؟ ماذا كانت النتيجة؟

ماينفع الناس يالطاهر هو التشخيص الصحيح للعاليهم، ثم الدوا، نشربو مهما كان مر!

لاابدا!

دي مشكلتنا كلها في السودان، اوزي كلامك يضر السودان ولا ينفعم لاننا جربناهو. سلام يا "بيشي"!

مصطفي سري،
انداندي بنجنا؟
ترجمة;
هل تتحدث لغتنا؟

Quote: السكوت او دفن الراس هنا، حينفع الناس يعني؟ طيب ماجربنا كلامك والشايل اسمو جني علي مدي نصف القرن الماضي؟ ماذا كانت النتيجة؟

هييع العنقالى وصل!
تعرف لقيت خريف اب سعن صرفة وجراد!
انت عارف المثل دا ما بطبق عليك انت بطبق عليك المثل التونسى ( شلاى وطاح بخربة)!
يعنى خراى وهرار ولما ليهو فى خرابة!
اها ما تقصر ودعتك الله !
جنى

الاوبوق بشاشا

فعلا مخك لوفطرك مابيغديك على راى جنى
هسع في كلامى اناجبت سيرة التلفزيون ..؟؟
كلامى ده عام ماعندو علاقة بالوشوش البتظهر في التلفزيون
التلفزيون ده بى كلو وشوشو البيضاوالصفرا والخضرا انا عندى فيهو راى
مامهم لون الوش ياتور الله .. المهم نوع المادة البيقدمو الوش
ما اظنك تفهم كلامى ده لانك جاى بى فهم مسبق
وده عيبك يا بشاشا
مابتدى الزول فرصة عشان يقول الدايرو لانك بتسبقو بقول الدايرو انت وبتنسب ليهو قولك
الله يكون في عونك وفى عون السودان المنتظرك عشان تجددو
ورمضان كريم وتصوم وتفطر على خير

لعزيز مصطفي سري و الاحبة

تخيل انه بعد الجد الجهيد دا برضو ما عاجب العرب
في قصة سمعت انها حقيقية
قال ليك سوداني شغال في جدة معاهو زميل سعود
ايام ظهور الفضائية السودانية شافا السعودي
و تاني يوم سأل السوداني
قال يهو
الحين حريمكم كلهن زي البظهرن في تلفزيونكم
السوداني لا وانت الصادق الفي التلفزيون ديل اسمح حريم عندنا
العوديطيب خطره و قال ليهو
ولا يهمك في الجنة نحنا ناخد بنات الحور و انتوا

تاخدوا حريمنا
ولدنا قل ليهو و الله مكسب

و صاحبنا السعودي ما عارف انه جماعتنا موش بس مزاحمنه في العروبة
حتي بنات الحور لمو فيهم عرسوهن
ولمان اختلفوا طلقوهن
و عاد ليوين

http://www.youtube.com/watch?v=9odXrd73HjQ&mode=related&search=
فوق ولي قدام يا ود سري ... ضد المنفصمين
شوف بت العرب دي حلاوة وغناء وطرب

كتب الزميل المحترم الطاهر ساتي

(والله العظيم ياسرى دى نصيحة زول بيحبك
ونادرا ماتلقاهاالزمن ده
ونصيحة زى دى مابتطلع من زول عنقالي .. لكن الراجل اتواضع
في يوم من الايام انا كنت زيك كدة يا سري
وكنت باحب الحركة الاسلامية اكتر من حبك لامك وابوك وحركتك الشعبية
كنت بافتكر انو هى ( الحق المطلق ) و ( العدالة السماوية ) و ماسواها باطل
كنت باشوف اى واحد فيها ( رسول ) و ( ملاك )
لكن التجارب أثبتت لى بانها مجرد حركة من حركات السياسة السودانية
تخطئ وتصيب .. ولا تستحق القداسة
يا سري اكتب وقرر واحكم بعقلك فقط .. اما العقل والقلب معا فلا يستحقهما الا الله ثم البلد
ولك مودتى .. ورمضان كريم )
رمضان كريم استاذي ساتي
اولا انا لست من الذين ينقادون من رقابهم وانت اعلم بذلك وهذا ما يجعل كثير
من صحف الخرطوم تتردد في ان تضمني اليها ، لانني اجهر بالقول ومواقفي معروفة
وكما يقول الكيزان لا زكي نفسي ، وما انتاوله هنا لا يمت للحركة الشعبية لتحرير
السودان بصلة لسبب بسيط ، ان الحركة مثلا لديها نسبة في اجهزة الاعلام القومية
حسب التعريف - الخرطومي- ولم تناله حتى كتابة هذه السطور وهو امر يخصها في
المطالبة ، وليس لدي قداسة لاي كائن من كان ، سوى قلمي ، هنا طرحت قضية
نطمع في ان ينظر اليها القائمون في التلفزيون وهي قضية الموازنة ، في
عكس التنوع الثقافي والاثني والعرقي - هذا التنوع الغني للسودانيين- في
جهاز التلفزيون وليس كتمومة الجرتق التي ما يحتاجون اليها يبثونها لمدارة
ازمة قائمة ، الى جانب ان الاعلانات في كل تلفزيونات الدنيا التي تعترف
بالتنوع في بلادها وحتى بعض الدول العربية اتجهت الى ذلك مع انها ما زالت
تسخر من بعض اصحاب البشرات الاخرى وجنسياتهم ، نريد ان ندير هذا التنوع
بديموقراطية حقة ، بعض من تداخلوا من الذين لديهم وساس بانني اتحدث
عن عنصرية او اعلاء مجموعة بشرية على اخرى اخطأوا في تقديرهم ، لحساسية
تمتلكهم هم واستشاطوا غضبا في تلوين بائن لشئ لم اقله ، ويمكنك مراجعة ما كتبت
الامر التبس عندكم انت وجني واخرين والامر عندي لا يحتاج الى كثير عناء
التلفزيون امامكم اعيدوا النظر كرتين ستجدون ما اقوله عين الحقيقة . ورمضان كريم

الدباب اساسي،

ده كلامك ولالا:

Quote: ياخي لو عاجبكم ولا ما عاجبكم غادة دي جلابية ( بيضاء مكوية) ونص وخمسة واكيد ما حنشوفها حتزيع يوم من الايام في قناة زغاوة زالنجي بالظلط ولا دردقي طوباي لانه ديل ناسها وديل اهلها

مامعني ديل ناسا مش زغاوة زالنجي؟

Quote: مامعني ديل ناسا مش زغاوة زالنجي؟

اكيد يا تور الله الانطح بتفرغ الكلام من معناهو

وكلامي واضح انه اهل الشمال اهل غادة هذا ان اعجبك او لم يعجبك لو عملت في محطة تبث من الشمال فهذا من حقها
وكونها لن تعمل

Quote: قناة زغاوة زالنجي بالظلط ولا دردقي طوباي

وهنا قصدي واضح يا طير الظلط
لانها لا تدعم حركات زغاوة الانفصالية ودولة الزغاوة الكبري التي تدعوا لها الحركات المسلحة لذا لن نراها في قنوات تلك الحركات
او نراها تهتف لها وتكبر مثلما تتجاجر انت وبقية الظلنطحية يا مبتز يا قذر

Quote: ما اظنك تفهم كلامى ده لانك جاى بى فهم مسبق وده عيبك يا بشاشا

الطاهر يا بيشي، اي قادوس يااخوانا،

عنوان البوست البشرة البيضاء، او كلامك غير كده، يبقي لازمك توصيل لي كلامك.

دي مسؤولية صاحب القول مش المتلقي!

اساسي رمضان كريم


لانها لا تدعم حركات زغاوة الانفصالية ودولة الزغاوة الكبري التي تدعوا لها الحركات المسلحة
.....
كلامك ده في جملة أخطاء
حركات دارفور ليست انفصالية ... ومافى حركة طرحت فكرة زى دى
وثانيا هى ماحركات زغاوة ... فيها كل اعراق وقبائل دارفور
و دولة الزغاوة الكبرى دى أوهاموشائعات .. مافى جهة اعلنت عنها او دعت ليها

يا اساسي الحروبات والصراعات السياسية بكل مساويها أفضل من الحروبات والصراعات القبلية والجهوية
و زى كلامك الفوق ده هو البيرسخ وبيكرس النوع التانى من الحروبات والصراعات
مافى داعى نظلم قبائلنا وننسب ليها افعال بعض ابنائها
ولك مودتى
ورمضان كريم وتصوم وتفطر على خير

انت بي جدك يا الطاهر ولا دا دفن الرؤس في الرمال

ما كل يوم من بدات الحرب دي في دارفور من قبل كم سنة بنقرأ هنا وغير هنا لمنسوبي الحركات دي الفاظ جلابة وشمالين والحكومة جناح الجعلين بقيادة المشير ونافع وقوش والحكومة جناح الشوايقة بقيادة علي عثمان والجاز وغيرهم واول فصيل تمرد كان من قبيلة الزغاوة
يا زول دا البنعرفو لو في اجندة غير كدا لاعلام الحكومة فدي حاجة خاصة ما لينا دخل بيها
لكن البنعرفوا انه الحرب دي لم تسيس بل (قبلت) اي قبلية كما اشاعوا لها بجنجويد وقبائل عربية ضد قبائل زنجية او زغاوية

الاخ اساسي ، التحيات
انت تسوق البوست الى غير ما انتويت ان يكون انا هنا لم اتحدث عن مسائل
عنصرية او غيرها بل تحدثت عن قضايا تقع ضمن المسكوت عنه وانت تتحدث عن
دولة زغاوة كبرى وحركات تحرير في دارفور وشوايقة وجعليين لذلك ارجوك
ان نتناقش بهدؤ ، ولست كما ذكرتني من قبل انني لا اعترف بالخطا او اركب
راسي وهذا ما قلته اعلاه:
(الغريب ان البعض يقول عنك انك كاتب محترف وماشاكل من عبارات اراها تجافي الواقع فالكاتب لابد ان يكون مرنا كفاية ليستوعب فكرة غيره بعدين ياخي انت شريك لزم للحكومة القائمة ولديكم الوزاراء الذين يجتمعون كل عشية وضحاها مع الوزراء الكيزان لما لا تمررون مثل هذه الافكار هناك بدلا عن استعراضها للشو في منتديات الحوار والونسة والشات ؟ )
اولا انا لست متحدث باسم الحركة الشعبية سواء هنا او في اي منبر اخر ، وليس عيبا ان تنتمي
الى جهة سياسية ، كما انني لم اطرح هنا راي للحركة الشعبية التي لها منابرها التي تطرح
فيه اراءها ، وانا لا استعرض اراء او للشو كما تفضلت وارائي ليست للونسة او الشات هذا
حوار اذا ارتضيت وفق مقتضيات الحوار ان تتداخل فيه دون تعسف واستفزاز ستجدني كما افعل
من خلال ردودي اليك واتمني ان تتواصل ، وقضية اني كاتب محترف والرونة التي تطلبها مني
لا اظن انني في موقع للرد على ذلك الان ، واكرر لك انني كتبت هذا الحوار لنرى ما نشاهده
في التلفزيون السوداني هل هو يمثل شعوب السودان من زالنجي وطوكر واروما وحلفا والسكوت
والباريا والدبوسا والددينقا والاشولي والدينكا والنوير والبويا والانقسنا والينمك
والتيرا والمسيرية والرزيقات والشايقية والجعليين ، والفور والمساليت والزغاوة
هذه بعض شعوب السودان واظن ان البعض لم يسمع ببعض القبائل التي اوردتها هنا
لذلك الاخ اساسي ما قلته اعيد النظر فيه ولا تظلم نفسك اولا دعك مني ، وشكرا

اقترحتك لون ......
يمنح اللوحه ازدواجيه القرايه

ياخى اتجاوز

سري
لأستاذنا {حامد جمعة} متعه الله يالصحة نص مسرحي تخرجنا به من قصر الشباب
النص يحكي قصة شاب خرج من بيئته ورحل إلى بيئة أُخرى ففشل في التأقلم معها
وفشل في مشوار العودة لبيئته
وهذا هو السودان برأي يفتقد للهوية فلم نصير عرباً ببشرتنا البيضاء ولم نتمكنمن العودة لجذورنا الأفريقية
المسألة ليست مسألة بشرة بيضاء فقط كما تفضلت ولكنها مسألة هوية تلفزيونية أوإعلامية كاملة تنوع حقيقي وليس مجرد شعارات تجئ وتروح بُُعيد الأخبار واجعلك بموضوع سلمي الشيخ

الاخوين عبدالباقي واحمد موسى ـ التحيات
بقة ارسلت لنا قصة مصورة للشابة الفنانة والجميلة ، ومع ذلك ان الكاميرا
سريعا ما تتحول عنها ، القضية التي لا يود بعض الاخوة هنا ان يفهموها او
يهربون من مواجهتها ان التلفزيون يريدنا ان نتلون معه بمعني ان نكون
بثقافة ذات اتجاه واحد ، واذا كان هناك من يرصد الخريطة البرامجية
في التلفزيون دعك عن الاذاعة مع خطورتها يجد ان مساحة الثقافة السودانية
تضيق وما يبث فيه تبسيط مخل واستهبال كبير واغلب اللقطات بعيدة عن واقع
الناس ومعاشهم وثقافتهم ، وتاتي قنوات اخري "اجنبية" وتصور وتبدع ونرى
انفسنا بشكل جميل ، يا احمد اذا هؤلاء الاخوة تجولوا في جهات السودان الاربعة
بنظارة واسعة ترى كل شئ سيدركون ان بالسودان ثقافات يفترض ان نعتز بها
ونتفاخر بها لغنائها وثرئاها وان نخلق منها حوارا مجيدا بيننا ينهي
الاختقان الذي نعيشه - نريد ان يكون تلفزيون واجهزة اعلام خارج الخرطوم
تمشي بين الناس الحقيقيين .

التلفزيون في عهد الطيب مصطفى بدأ فكرة البشرة البيضاء
وهناك العديد من الحكاوى التي تروى عن هذا العنصري خلال
ادارته للتلفويون ، وابعاده للعديدين بالذات الفتيات
بسبب اللون من على الشاشة.

الأح مصطفى سري

سلام و رمضان كريم

قولك في الإقتباس أدناه يدعوني لطرح تساؤل
قلت:

( .. ، هنا طرحت قضية
نطمع في ان ينظر اليها القائمون في التلفزيون وهي قضية الموازنة ، في
عكس التنوع الثقافي والاثني والعرقي - هذا التنوع الغني للسودانيين- في
جهاز التلفزيون وليس كتمومة الجرتق التي ما يحتاجون اليها يبثونها لمدارة
ازمة قائمة ، الى جانب ان الاعلانات في كل تلفزيونات الدنيا التي تعترف
بالتنوع في بلادها وحتى بعض الدول العربية اتجهت الى ذلك مع انها ما زالت
تسخر من بعض اصحاب البشرات الاخرى وجنسياتهم ، نريد ان ندير هذا التنوع
بديموقراطية حقة ، )

أنا أتفهم قصدك جيدا و أثنيه .. لكن هل ما يفعله الغربيون و كل تلفزيونات الدنيا و حتى بعض الدول العربية هل يتم ذلك
كرغبة ناتجة عن وعي لإحترام و عكس التنوع الإثني و الثقافي و بالتالي (ديمقراطية حقة) .. أم هي إستراتيجية تسويق
تجاري (راسمالي) تنشر بضاعتها على كل ألوان الطيف لتستدر الربح من الجميع ?!..

هل هو الوعي المعرفي الإعترافي بالحقوق الإنسانية الديمقراطية و الوعي الإثني .. أم هو الوعي التجاري ,

أخذ السخرية التي أشار ليها قلمك بعالية ك .... علامة إختبار !

مصطفى سري

اها رمضان كريم ياخ

هاهاهاهاهاهاها


انا فاهم قصدك

لكن انا قصدي انو المزيع اخر شي في عملية انتاج الاعلام

تلفزيون السودان لا يعبر عن السودان من سنة 90

تلفزيون السودان يعبر عن الكيزان والكيزان فقط


قبلي ما نشوف المزيعين والمزيعات كان بيض ولا خدر ولا كحليين

شوف لينا البرامج وطريقة اعدادها وخلافة


يعني مشكلة التلفزيون ما عنصرية وحتى لو فيها عنصر في حاجة اهما من تعنصره هسع

وهي انو تلفزيون السودان تلفزيون عنده ايدلوجية
وبما انو البلد كلها قلبت من الايدلوجية للجهوية وحتى كمان وصلنا مرحلة العوائل
فاكيد تلفزيون السودان بكون عنده ضبغة غالبة فيها ريحة قبيلة معينة زيو زي باقي المرافق الحكومة السودانية مؤخرا


يا سري يا عزيزي
الاولى الان ان ننتقد مضمون ما يقدمه التلفذيون
حتين بعد داك نشوف البقدم منو

كل الود

العزيز مصطفى سلامات
انقل اليك مضمون اعلان سمعته البارحة فقط على اذاعة مانجو حيث تبتدر الفتاة قولها بعرفت الان لماذا افشل فى التقدم لوظيفة وهذا بفعل فير اند لفلى حيث تشير الى ان سبب رفضها فى تقلد اى وظيفة فى السابق يعود الى لون بشرتها وهاهى الان تظفر بها لانها ببساطة استعملت فير اند لفلى اى نوع من الاستلاب هذا الذى نحن فيه يا اخى انها مشكلة الهوية نحن لم نتخطى مرحلة الجهل بمن نحن بعد ان قلت ان التلفزيون لا يعبر عنا كسودانيين وصفوك بالعنصرى كيف وانا لا اجد نفسى فى كل ما يبث على قنواته وحقيقى زى ما قالت الاستاذة سلمى لا اكلف نفسى عناء المشاهدة ابدا والتى لا تجلب لى سوى الضغط
ولكن اين يكمن الحل؟ كيف نجعل الاجهزة الاعلامية تعبر عن شخصيتنا كان حريا بالقائمين عليها بث ثقافاتنا المتنوعة وانى لاعجب كيف يكون لدينا هذا الثراء الثقافى ولا نفخر به ونبثه؟

ولكن اااه من الوجع.
نجلاء الماحى

الأخ مصطفى

كل التحايا الطيبة ورمضان كريم

Quote: ولان الاعلان للكافة في قناة فضائية بثها يغطي الكرة الارضية ويشاهدها من هو من ملكال ومن هو من البيض والسود والزرق والحمر والصفر ولان الشركة تريد لمنتجاتها ان تباع فانها كشركة تجارية تختار من تراه يصلح لمنتجاتها ولا احد يلزمها بان تبيع في سوق كاجو كاجو

الأخ أساسي
لا أدري .. هل أسمي هذا غلاط جغرافي أم تجاري؟ نعلم أن بث القناة الفضائية يغطي الكرة الأرضية. ولكن هل يتم الإعلان لحليب كابو ليشتريه مستهلك في نيكاراجوا؟ أم أن هنالك مستهلك مستهدف لهذا المنتج؟ الشئ الثاني هل هذا الإفتراض يعني أن الجمال لا يكون إلا لذوي البشرة البيضاء؟ الشئ الثالث، كان كلام الأستاذ مصطفى سري واضحاً .. ويجب أن يحس من يتوقف عند هذه القناة إنها قناة سودانية، ولا نقبل أن نخبئ ملامحنا خلف ملامح بعيدة عنا ولسان لا ينطق بلهجتنا.

يا أخي نحن نعتز بلون بشرتنا .. ولهجتنا.. ولا تتغير جنسيتي سواء كنت رأفت ميلاد أو دينق

الاخ وليد المبارك لا يا اخي لا اتفق معك

Quote: تلفزيون السودان لا يعبر عن السودان من سنة 90 تلفزيون السودان يعبر عن الكيزان والكيزان فقط قبلي ما نشوف المزيعين والمزيعات كان بيض ولا خدر ولا كحليين شوف لينا البرامج وطريقة اعدادها وخلافة يعني مشكلة التلفزيون ما عنصرية وحتى لو فيها عنصر في حاجة اهما من تعنصره هسع وهي انو تلفزيون السودان تلفزيون عنده ايدلوجية

اطلاقا الموضع ما الكوزنه فقط الموضوع الاسلامعروبيه هذا
اذن هو خليط من كوزنه وكمان عروبه

لانه الكيزان وزي ما بيتقولا وتعيدوا دوما الغالبيه منهم من الهامش
ومعروف انه الهامش ما ابيض يبقى ده معناهو شنو؟؟؟ياهو القالته نجلاء الماحي ذاته.
تحياتي يا مصطفى سري

وشكرا لكل المحاولات الصادقه لاستعادة الهويه.

االخ محمد العزائم ابو الريش كلامك من دهب شكرا لك:

Quote: الأخ أساسي لا أدري .. هل أسمي هذا غلاط جغرافي أم تجاري؟ نعلم أن بث القناة الفضائية يغطي الكرة الأرضية. ولكن هل يتم الإعلان لحليب كابو ليشتريه مستهلك في نيكاراجوا؟ أم أن هنالك مستهلك مستهدف لهذا المنتج؟ الشئ الثاني هل هذا الإفتراض يعني أن الجمال لا يكون إلا لذوي البشرة البيضاء؟ الشئ الثالث، كان كلام الأستاذ مصطفى سري واضحاً .. ويجب أن يحس من يتوقف عند هذه القناة إنها قناة سودانية، ولا نقبل أن نخبئ ملامحنا خلف ملامح بعيدة عنا ولسان لا ينطق بلهجتنا. يا أخي نحن نعتز بلون بشرتنا .. ولهجتنا.. ولا تتغير جنسيتي سواء كنت رأفت ميلاد أو دينق

Quote: ان الدول الاوربية وامريكيا التي بها هذا التنوع العرقي والاثني تقوم بتوازن في تصوير الدعاية من المهم عندهم ان تحتوي الدعاية مثلا على كل الوان البشر الموجودين وهناك ايضا في جنوب افريقيا تجد الاعلانات توازن في فرص الاعراق والاثنيات ، غير المهم في المسالة لماذا لا تسودن الاعلانات ونوطن انفسنا على ما لدينا ، وهذا لا يعني انني فرح من الاعلانات السودانية التي فيها كثير من الاستهبال وهي اعلانات بلغة معقدة وفيها جانب التمثيل . ويا جني ارجو ان نناقش مثل هذه القضايا بهدؤ وتروي لان تلفزيون السودان اصبح لا يمثلنا نحن شعوب السودان ،

!!!!!!!!!!!!!
ياأستاذ سري
الإعلانات التلفزيونيه يقوم بإنتاجها شركات إنتاج متخصصه تصور هذه الإعلانات بناءً على رغبة (الشركه أو المعرض أو المصنع) الذي يرغب في الإعلان عن منتجاته .. والتلفزيون ياأخي ليس له أي دور في هذه العمليه هو فقط يستلم شريط الإعلان و(يقبض) ثمنه ...
الشركات هي التي تريد هذا .. تريد فتيات بيض البشره للإعلان عن منتجاتهن ولاأحد يمكنه أن يغصب هؤلاء على أن يأتوا بفتيات من جنوب السودان حتى يظهروا كموديل لهم ..

بالنسبة لمذيعات التلفزيون القومي .. أعتقد أنك لاتشاهد تلفزيون السودان إطلاقاً او أنك تشاهده في فترات متفاوته .. فتلفزيون السودان به مذيعين ومذيعات يغطون كل الوطن شماله وجنوبه .. شرقه وغربه .. بكل السحنات والألوان والمعتقدات ..
ولهذا السبب سمى بالـ(تلفزيون القومي)

قبل يومين عاملين مطبخ شيف لبناني والمساعد سوداني...............وهاك ياخفة دم وحركات ... ومحمد فرح يقول ليك فيه كل ال... عشان كده سموه القومي ...كرهنا التلفزيون وكرهنا المذيعات الكل يوم معانا... وكرهنا الكيزان وسخفهم وعبطهم .
رمضان كريم
الشفيع

الاخوة المتداخلون ، شكرا لكم للحوار الثر الذي قصدنا ان نعبر عنه هنا
ان نتناقش ونتحاور بعيدا المهاترات ، وسارد على كل التعليقات التي
ارى انها مفيدة لمزيد من الحوار ، شكرا جزيلا لكم

حرام عليكم ..! أوجدوا طريقة لوقف مسلسل (أمير الشرق ) - نورالدين صلاح الدين

الأستاذ مصطفى السرى.
لك التحية.
ورمضان كريم.
الحقيقة أنا متحير ولدرجة تبلم مما أراه فى قناتنا التلفزيونية وحيد القرن دا.
معقولة يجيبوا معجون وبوهيات وأشياء بسيطة زى دى لتقوم بإعلانها بنت سورية أو مصرية لا تتميز بشىء على الإطلاق لتجعلها تظهر على الشاشة الفضية السودانية.
طيب ما عندنا عشرات الجامعات ومئات الثانويات والمعاهد العليا التى يمكن أن تكون حقل المواهب ومورد الجمال السودانى الفطرى, ليتم ترشيحهن للعمل الإعلانى والدعائى بالتلفزيون.

لأنه لو كان التحاجج بإسم عدم الخبرة والمعرفة فإن معظم المعلنين وشركات الدعاية والاعلان تستعين بجهود بنات واولاد المدارس والجامعات لتنفيذ فكرة إعلانية جذابة ومن صميم المجتمع.
أما لو كانت الفكرة كلها مسيطر عليها عقدة اللون فتلك من مظاهر كراهية الذات الجميلة لإنه لا تعرف ذاتك بل تعرف ذاتك عن طريق سخرية ذاتك وهذا سئ للغاية.

وإستهبال أساسى عن طريق السخرية والإستخفاف المفضى الى إحتقار الذات بمثل تهكمه على بنات ملكال يرمز لأهل الجنوب السود, فلماذا إذن لا يستعان بحمرة وبياض بنات السودان الأخريات!!.

لأن مهما كان تفاوت الالوان فى السودان فلن تخرج عن كونك من( سودان)لذا نريدها سودانية فيها لون محمد سنى دفع الله ورحاب إبراهيم وسارة فضل الله ومارى سرسيو.
وريحة كاجوكاجى وسوق ليبيا وام دفسو وشندى وحلفا وكسلا وقلابات!!وجنينة وفاشر والضعين الابيض!!??.

الأستاذ مصطفى السرى.
لك التحية.
ورمضان كريم.
الحقيقة أنا متحير ولدرجة تبلم مما أراه فى قناتنا التلفزيونية وحيد القرن دا.
معقولة يجيبوا معجون وبوهيات وأشياء بسيطة زى دى لتقوم بإعلانها بنت سورية أو مصرية لا تتميز بشىء على الإطلاق لتجعلها تظهر على الشاشة الفضية السودانية.
طيب ما عندنا عشرات الجامعات ومئات الثانويات والمعاهد العليا التى يمكن أن تكون حقل المواهب ومورد الجمال السودانى الفطرى, ليتم ترشيحهن للعمل الإعلانى والدعائى بالتلفزيون.

لأنه لو كان التحاجج بإسم عدم الخبرة والمعرفة فإن معظم المعلنين وشركات الدعاية والاعلان تستعين بجهود بنات واولاد المدارس والجامعات لتنفيذ فكرة إعلانية جذابة ومن صميم المجتمع.
أما لو كانت الفكرة كلها مسيطر عليها عقدة اللون فتلك من مظاهر كراهية الذات الجميلة لإنه لا تعرف ذاتك بل تعرف ذاتك عن طريق سخرية ذاتك وهذا سئ للغاية.

وإستهبال أساسى عن طريق السخرية والإستخفاف المفضى الى إحتقار الذات بمثل تهكمه على بنات ملكال يرمز لأهل الجنوب السود, فلماذا إذن لا يستعان بحمرة وبياض بنات السودان الأخريات!!.

لأن مهما كان تفاوت الالوان فى السودان فلن تخرج عن كونك من( سودان)لذا نريدها سودانية فيها لون محمد سنى دفع الله ورحاب إبراهيم وسارة فضل الله ومارى سرسيو.
وريحة كاجوكاجى وسوق ليبيا وام دفسو وشندى وحلفا وكسلا وقلابات!!وجنينة وفاشر والضعين الابيض!!??.

صديقنا مصطفى سري
كل سنة وانت طيب
ورمضان كريم عليكم جميعا
تعرف أجمل اعلان شفتو في السودان، كان في جوبا.. اعلان عن كريمات .. بت "سوداء" فاحمة السواد وجميلة.. والاعلان مكتوب عليه Bkack beauty وفعلا هو كذلك.
المسألة في الثقافة. قبل يومين رأيت هنا عارضة أزياء سودانية آية في الجمال. لكنها بمقياس ثقافتنا الاستعلائية، لا تسوي "بصلة". في حين أن العالم كله يحتفي بها.
متى ندرك أن الجمال يكمن في السواد "أيضا" وأن العالم الآن مهووس بالسواد؟

Quote: هو فقط يستلم شريط الإعلان Quote: و(يقبض) ثمنه ...

لقد إختصرلنا الأخ محمد فرح كثير عناء بحث
فهاهي جهيزة التلفاز تقطع قول كل خصيب

Quote: و(يقبض) ثمنه ...

هي بداية القصة والحل والقضية على قول الرائع {هاشم صديق}
فأن يقبض التلفزيون الثمن هذا هو دوره !!!
التفزيون صار طارداً لكل المبدعين ويحاول أن يصنع الإبداع صنعة في أرواح خاملة بتسفيرها إلى ماليزيا وخلافها فهل تصنع المادة الإبداع بالنفوس ومنهم من بدأت علاقته بالتلفزيون مع ماليزياونعود رويداً رويداً

الأستاذ مصطفي سري..

لك خالص التحية والتقدير علي إثارة الأمر وتناولك العميق له كما عودتنا دائما..

وتابعت نقاش الزملاء جيدا,والقضية هي فعلا كما أوضحتها أنت هنا:

Quote: القضية التي لا يود بعض الاخوة هنا ان يفهموها او يهربون من مواجهتها ان التلفزيون يريدنا ان نتلون معه بمعني ان نكون بثقافة ذات اتجاه واحد ، واذا كان هناك من يرصد الخريطة البرامجية في التلفزيون دعك عن الاذاعة مع خطورتها يجد ان مساحة الثقافة السودانية تضيق وما يبث فيه تبسيط مخل واستهبال كبير واغلب اللقطات بعيدة عن واقع الناس ومعاشهم وثقافتهم ، وتاتي قنوات اخري "اجنبية" وتصور وتبدع ونرى انفسنا بشكل جميل ، يا احمد اذا هؤلاء الاخوة تجولوا في جهات السودان الاربعة بنظارة واسعة ترى كل شئ سيدركون ان بالسودان ثقافات يفترض ان نعتز بها ونتفاخر بها لغنائها وثرئاها وان نخلق منها حوارا مجيدا بيننا ينهي الاختقان الذي نعيشه - نريد ان يكون تلفزيون واجهزة اعلام خارج الخرطوم تمشي بين الناس الحقيقيين .

فعلا..
والحسرة والأسي أنهم يدركون..لكنهم مستلبون تماما يا مصطفي, ويرون أن الجمال في الأبيض
والشعر الطويل! وليس عند هذا الحد فقط ..بل يريدوننا جميعاأن نؤمن بذلك
ونفسخ جلدنا وخلقة الله الأداها لينا..علشان كده ما غريب أبدا أن تجد الدعايات التي
تروج لنفس الإستلاب ده زي :وشك منور مستقبلك منور!والدعاية دي بالذات لأنها
عنصرية لابعد درجة وأبعادها خطيرة للغاية..لأنك بمجرد قراءتها سيخطر ببالك العكس تماما:وشك مظلم مستقبلك مظلم!


كما أن أستاذة سلمي أوضحت معايير الإختيار ..ويالها من معايير!!

Quote: فيما خص الممثلات صرح احد المخرجين (الكبار ) انه ما بشغل معاهو غير (البنات الصفر وشعرهن طوال ) المؤسف انه البنات الصفر وشعرهن طوال ديل ما بشكلو وجود كبير فى الخريطة الحياتية لشعب السودان لكنهم هسى هم الفى التلفزيون الواحدة شعرها طويل لكن تحت الشعر (قرعة ) الا النادر القليل دا غير انها جاية بواسطة او من ناس الحكومة

وأخيرا تزوير التاريخ (بالبشرة البيضاء واللهجة المصرية!)..عن طريق ملسل (أمير الشرق) وتاريخ وسيرة بطلنا عثمان دقنة بنفس الصورة التي ذهبت إليها ونفس الإستلاب!




والجاي أخطر وأفظع..وشكرا للزميل عبد الباقي لإيراد الرابط..

لعلهم يتحررون ويشفون من هذا المرض اللعين.

زميلنا مصطفي

أقدر فكرة البوست..والحقيقة أنا بعيد عن التلفزيون منذ زمن
..وأذكر أن الشاعر التيجاني سعيد صرح في التسعينات بقوله:
كلما إبتعدت عن التلفزيون إزددت ثقافة..وحينما كنت في السودان إستمع للاذاعة أكثر من التلفزيون
وكان يوجد التنوع في البرامج الثقافية والفنية..في الولايات المتحدة وجدت أن المذيعين الذين ينتمون للاقلية السوداء
ممثلين في أي تلفزيون بداية من السي ان ان إلي فوكس نيوز ..وفي كل البرامج العامة تجدهم وحتي في النشرة الجوية..
ولذلك لا يكتمل قومية التلفزيون الاميركي ويجد الاحترام إلا بإستقطاب مذيعيين سود..
شخصيا ليس لدي مشكلة مع أصحاب البشرة البيضاء من السودانيين إذا كانوا مؤهلين مهنيا ويتقاسمون العمل الاعلامي
مع غيرهم من أصحاب البشرة مثلي..ويجب ألا نهاجمهم لمجرد أنهم أصحاب بشرة بيضاء يطلون علي المشاهدين
بغثهم أو ثمينهم في الآداء ..علينا أن نهاجم المسؤولين والثقافة التي مهدت عدم وجود التنوع في "الصورة والصوت"
..المسألة لا تنفصل عن ثقافتنا المركزية التي تريد أن تصب قالب السودانيين في "البياض" وحده..بما يعني ذلك من ترميزات
نعلمها..
لا أعتقد أن وجود مذيعين ذوي بشرة سوداء أو كبدية أو بنية سيغير الوضع طالما أن التلفزيون في الانظمة الشمولية لا يقدم مضمونا..
بغير أنه يخدم أصحاب المشروع الحضاري..
مع الشوق والتحيات

الزميل المحترم صلاح شعيب ،
المسالة الثقافية في السودان لم تحظى باي من المناقشات ودائما تعالج بالحلول
السياسية ولذلك تاتي الحلول فطيرة وناقصة ، لكن في التلفزيون اللا قومي ينفذ سياسات
برامجية تابعة للساسي .
القضية الجوهرية ان التلفزيون بدا ذلك منذ فترة مايو واظن قبلها بذات تراكم
الدولة المركزية وتهميشها للاقاليم وتراكم ذلك في المسالة السودانية برمتها
ياصديق انا لا اتحدث عن مذيعين بالوان الطيف جميعها بل عن ان رغبة التلفزيون
وبصورة اكثر كثافة منذ ان تولى ادارته العنصري البغيض الطيب مصطفى اتجه نحو
اصحاب البشرة البيضاء حتى بناتنا المذيعات جربن اي كريم يفتح البشرة واستشهدن
بالبشرة ، شكرا للاضافة الثرة

الصديق خالد عويس ، شكرا على المرور ، والحديث القيم ونتسال معك ما اوردته
انت من تسأول
(متى ندرك أن الجمال يكمن في السواد "أيضا" وأن العالم الآن مهووس بالسواد؟ )

دعاية كرستال اذا شاهدته فانك لا تشاهد دعاية سودانية رغم ان الشركة سودانية
لكن دعاية مصرية لغة وغناء ورقص ، فقط البث في تلفزيون السودان ، واللون ابيض
للمصريات الجميلات.

مصطفى سري
كل سنة وانت طيب
ورمضان كريم عليكم جميعا

Quote: دعاية كرستال اذا شاهدته فانك لا تشاهد دعاية سودانية رغم ان الشركة سودانية لكن دعاية مصرية لغة وغناء ورقص ، فقط البث في تلفزيون السودان ، واللون ابيض للمصريات الجميلات.

المسألة ليست جديدة ...... هل تذكرون دعاية (لبان سندباد؟) تك .. تك .. تك ..... لبان لو تنفخو طق بيطق!
عجبي

عزيزى مصطفى سرى

القضية عندنا كسودانيين هى تلك ( العقدة ) الغريبة التى تلازمنا و هى دائماً نجدها تتجسد فى مقولة ( أنا ود عرب يا اخى ) .
كنت فى اليونان فى فترة من الفترات ( طالباً للعلم ) كان صديقى الرزيقى ( حميدان ) مولعاً بمصادقة الطلاب القادمون من دول عربية و كان كثيراً ما يعتد بعروبته و كنت انا على العكس تماماً كل اصدقائى من الدول الافريقية,و اذكر ان صديقى العزيز السودانى (مبوتو سايمون ) كان يقول لى دائما ( هنا كلنا فى سرج واحد ) .
المهم فى الامر اننى وجدت صديقى ( حميدان ) ذات مرة يجلس فى مطعم الجامعة مع صديقه المقرب و قد كان من سوريافألقيت عليهم التحية و جلست اتناول وجبتى و قد كان صديقى ( حميدان ) و صديقه يتناقشان فى امر ما,, و عندما أحتد النقاش, إذا بصديقه السورى يقول له بالحرف الواحد( اسمع يا حميدان أنا عربى تعرف يعنى ايه عربى ).

و تلفزيون السودان يا صديقى لا يمكن ان يكون افضل حالاً مما يحدث على مستوى الشارع .

العزيز رأفت ، شكرا
السودانيون جميعاً لا علاقة لهم بتلفزيون يدعي انه قومياً