الاستاذ الموصلى/ د.عز الدين هلالى...اغنية من الزمن الجميل..!

ارتبطت هذه الاغنية بذكريات محببة الى نفسى...!!
تسجيل قديم موجود معى منذ فترة طويلة جدا...
و احسن من يتحدث لنا عن هذا التسجيل و عن
هذه الاغنية الاستاذ الموصلى نفسه..!!



لينك الحفظ

سلامات يا محمد عثمان ...
رمضان كريم وتصوم وتفطر علي خير ...

أول يوم في رمضان إستمعت للاغنية دي من خلال إذاعة البيت السوداني وكانت حلقة كاملة عن مسيرة الفنان الموصلي وأغانيه وقدم فيها الموصلي مداخلات جميلة وتحدث عن الأغنية السودانية وكمان أسهب في شرح إيقاعات وتصاوير أغنية الرسالة والبعد الدرامي والمسرحي فيها ..

إنشالله ما تكون فاتتك ؟!!!

..
سلام يا محمد عثمان
شكرا للروائع ..

الأغنية كمان رجعتني لزمن جميل ..بس ما قدييييييييم قدم الأغنية دي
يعني كلها أواسط التسعينيات القريبة دي
كنت وقتها في السنة النهائية بجامعة حلب
ومشكلتي كنت ما بعرف أدرس إلا اذا كانت المسجل شغال ..
قمت عملت لي شريط اب ساعة ونص داك جمعت فيهو :
- سفر العيون / إنتي ليا ( الاستاذ الموصلي )
- ضجة الشوق والهواجس / ما بين زمنا مستنيهو ( الراحل المقيم مصطفى سيد أحمد )
- وا آسفاي ( الاستاذ وردي )
- الفرح المهاجر ( المبدعة حنان النيل )
وطبعا كلهم كانوا توزيع الموسيقار الموصلي ..
يعني انا مدين لاستاذنا الموصلي بتخرجي من الجامعة


شكرا محمد عثمان ..
.

دى الشمس لو طال غيابا ....
ما بتقصد تابا تطلع ...
بس بتتأخر شوية ...
والبيغشي الصيف ديارم ....
ما بيبس كل خدارم ....
برضو راح تغشاهو نسمة ....
وتصبح الاوراق ندية .....
ده الخريف بيفوت وبرجع ....
والنسايم موسمية ...

اكيد اكيد حنلاقى بعضنا يوم يا محمد عثمان
والريدة هى هي ....

الاغنية ارتبطت بزمن الطفولة فى الصحافة
عندما كان الموصلى فنانها الاول .