Post: #1
Title: طيبك عبق...!
Author: محمد عثمان
Date: 02-22-2010, 02:30 PM
Parent: #0
اها نهارا جهارا المره دى ...!!
ابو صلاح
و جوز حى العرب..
هوى يا جاهله و طيبك عبق
و سنّك برّاقه يسوى بق
ترنع تشبه مهر السبق
و فوق اردافا كتيفا انطبق
هوى يا جاهله و فوقك عهود
براءه و طه و يسن و هود...!!
|
Post: #2
Title: Re: طيبك عبق...!
Author: محمد عثمان
Date: 02-22-2010, 06:01 PM
Parent: #1
الليل..يا جمال الليل
|
Post: #3
Title: Re: طيبك عبق...!
Author: Ahmed al Qurashi
Date: 02-22-2010, 06:48 PM
Parent: #2
الأخ العزيز / محمد عثمان
سلامات
أغنية جمال الليل كتب عليها في الإذاعة إنها من كلمات الشاعر موسى حسن ( شاعر جدودنا زمان ) وفى الحقيقة هي من الاغانى التي جمعها كرومه من عدة اغانى مثل فرع البانه البيرنع يقود وسبعه أم لونا غامق الخضار لابوصلاح وظبي الخدر الماشاف قفار للمساح والشويدن الروض الجنان لأحمد عبدالرحيم العمري ولم تعدل هذه المعلومة في الإذاعة حتى ألان ... فمثلا الأبيات التي تقول ...
طبيك عبق ................وسنك براقه بسوى بق
ترنع تشبه مهر السبق .... وفوق أردافه كتيفه انطبق
******
فوقك عهود .......... برا وطه ويس وهود
لي شلاخك وقفن شهود ..... أثمر فرعك جوز النهود
*******
جديىة الخدور ....... بخلاف شوفتك انا شن بدور
وسطك رق وقلع الصدر....... شعرك ظلمة ومحياك بدر
هذه الأبيات من أغنية فرع البانه البيرنع يقود لابوصلاح
أما هذه الأبيات التي تقول ....
طرفك كحيل...... وصدرك عالي وخصرك نحيل
وبين أردافك دائما وحيل .... تشبهي سحاب الضحى عند الرحيل
************
محياك قمر..... ميل فرعك شال الثمر
طائل ديسك ينضح خمر.... ومن العلقم هجرك امر
هذه الأبيات للشاعر على المساح في أغنيته المشهورة ظبي الخدر الماشاف قفار
أما البيت الذي يقول ...
أتجلى نار ....
قنديل وجهك يخفى الفنار
يا الساكنه فؤادي وما ليك جار
سكنى روحي معاك بالإيجار
فهو من أغنية سبعه أم لونا غامق الخضار لابوصلاح
والبيت الذي يقول ...
تتفدعى ..
وفوق لدروعك تتجدعى
بى جيوش أشواقك تفزعي
وكل يوم ثوب صبري تمزعي
فهو من أغنية سيبى قلبي لابوصلاح
وهذا المقطع من اغنية سبعه ام صدرا علا لابو صلاح ايضا ...
يا نسيم الروض قابلا
بالتحية ان كان تقبلا
اوعى حاسب لا تقبلا
تبقى عاشق والغى بلا
اما هذا المقطع فهو من اغنية الشويدن روض الجنان للشاعر احمد عبدالرحيم العمرى ....
يا خفيف الروح يالرزان
فرعك المصقول خيرزان
بيك نشابه البان يبقى زان
انت كالميزان يا المزان
سجل الاغنية للاذاعة اولاد المامون
مودنى ِ
|
Post: #4
Title: Re: طيبك عبق...!
Author: Rihab Khalifa
Date: 02-22-2010, 06:53 PM
Parent: #3
يا سلام يا محمد، يسلم ذوقك
و تسلم يا احمد
شوفو الكلام ده كيف بالله :)
Quote: يا الساكنه فؤادي وما ليك جار
سكنى روحي معاك بالإيجار |
|
Post: #6
Title: Re: طيبك عبق...!
Author: محمد عثمان
Date: 02-22-2010, 09:10 PM
Parent: #4
Quote: يا سلام يا محمد، يسلم ذوقك
و تسلم يا احمد
شوفو الكلام ده كيف بالله :) |
بت الخليفه...
سلااام و تحايا كتار
و يسلم ذوقك الرفيع ياخى...
كل الود..
|
Post: #5
Title: Re: طيبك عبق...!
Author: محمد عثمان
Date: 02-22-2010, 09:06 PM
Parent: #3
Quote: الأخ العزيز / محمد عثمان
سلامات
أغنية جمال الليل كتب عليها في الإذاعة إنها من كلمات الشاعر موسى حسن ( شاعر جدودنا زمان ) وفى الحقيقة هي من الاغانى التي جمعها كرومه من عدة اغانى مثل فرع البانه البيرنع يقود وسبعه أم لونا غامق الخضار لابوصلاح وظبي الخدر الماشاف قفار للمساح والشويدن الروض الجنان لأحمد عبدالرحيم العمري ولم تعدل هذه المعلومة في الإذاعة حتى ألان ... فمثلا الأبيات التي تقول ...
طبيك عبق ................وسنك براقه بسوى بق
ترنع تشبه مهر السبق .... وفوق أردافه كتيفه انطبق
******
فوقك عهود .......... برا وطه ويس وهود
لي شلاخك وقفن شهود ..... أثمر فرعك جوز النهود
*******
جديىة الخدور ....... بخلاف شوفتك انا شن بدور
وسطك رق وقلع الصدر....... شعرك ظلمة ومحياك بدر
هذه الأبيات من أغنية فرع البانه البيرنع يقود لابوصلاح
أما هذه الأبيات التي تقول ....
طرفك كحيل...... وصدرك عالي وخصرك نحيل
وبين أردافك دائما وحيل .... تشبهي سحاب الضحى عند الرحيل
************
محياك قمر..... ميل فرعك شال الثمر
طائل ديسك ينضح خمر.... ومن العلقم هجرك امر
هذه الأبيات للشاعر على المساح في أغنيته المشهورة ظبي الخدر الماشاف قفار
أما البيت الذي يقول ...
أتجلى نار ....
قنديل وجهك يخفى الفنار
يا الساكنه فؤادي وما ليك جار
سكنى روحي معاك بالإيجار
فهو من أغنية سبعه أم لونا غامق الخضار لابوصلاح
والبيت الذي يقول ...
تتفدعى ..
وفوق لدروعك تتجدعى
بى جيوش أشواقك تفزعي
وكل يوم ثوب صبري تمزعي
فهو من أغنية سيبى قلبي لابوصلاح
وهذا المقطع من اغنية سبعه ام صدرا علا لابو صلاح ايضا ...
يا نسيم الروض قابلا
بالتحية ان كان تقبلا
اوعى حاسب لا تقبلا
تبقى عاشق والغى بلا
اما هذا المقطع فهو من اغنية الشويدن روض الجنان للشاعر احمد عبدالرحيم العمرى ....
يا خفيف الروح يالرزان
فرعك المصقول خيرزان
بيك نشابه البان يبقى زان
انت كالميزان يا المزان
سجل الاغنية للاذاعة اولاد المامون
مودتى ِ |
الاخ العزيز د. ود القرشى...
مافى كلااام تانى بعد هذه المداخله الثره و القيّمه
شكرا ليك كتير و انت كما عودتنا دايما تنثر لنا هنا من مخزونك
الزاخر و الوافر عن تاريخ جميل لاغنياات الحقيبه و التى كانت اساس
كل الغناء الوافر الحاضر حاليا...
يديك العافيه...
|
Post: #7
Title: Re: طيبك عبق...!
Author: عبد الدائم سيد أحمد
Date: 02-23-2010, 07:55 AM
Parent: #5
يا محمد وين لينك الحفظ ... دق دق دق
|
Post: #8
Title: Re: طيبك عبق...!
Author: هواري نمر
Date: 02-23-2010, 12:51 PM
Parent: #7
شعرك ظلمة و محيك بدر
الليل الليل يا جمال الليل
_____
ودعثمان كيفنك؟؟
اها الليلة جهارا نهارا..
الله يديك العافية ويفتحها عليك...يا رب
|
Post: #11
Title: Re: طيبك عبق...!
Author: محمد عثمان
Date: 02-23-2010, 09:48 PM
Quote: _____
ودعثمان كيفنك؟؟
اها الليلة جهارا نهارا..
الله يديك العافية ويفتحها عليك...يا رب |
هوارى يا جميل...
الليل...الليل يا جمال الليل
النهار كان حاله استثنائيه بعد ما اخدنا الاذن من صااحبك..
تسلم يا حبيب...
|
Post: #9
Title: Re: طيبك عبق...!
Author: محمد عثمان
Date: 02-23-2010, 07:30 PM
Parent: #7
الاخ عبد الدائم..
تسلم ياخى و لينك الحفظ هنا:
لينك للحفظ و الاستمااع
يديك العاافيه...
|
Post: #10
Title: Re: طيبك عبق...!
Author: Osman Musa
Date: 02-23-2010, 08:02 PM
Parent: #9
والله يا محمد عثمان
من زمن انا فى الخلوة .
يغنى فيها ولا هسع .
طيبك عبق ! الليل والليل
يا جمال الليل .
..
يا محمد عثمان أنت مش زمان
عماد عبدالله قال ليك تانى لو
جبت أغانى زى دى بشتكيك عند البوليس ؟؟؟
تتذكر ؟؟
مش قال ليك الله بدخل الزول النار ؟؟؟
.. يا محمد يا أخى سلامات
|
Post: #12
Title: Re: طيبك عبق...!
Author: سيف الدولة كامل
Date: 02-23-2010, 10:47 PM
Parent: #10
Quote: و سنّك برّاقه يسوى بق
ترنع تشبه مهر السبق
و فوق اردافا كتيفا انطبق |
عليك الله يا محمد الكلام الفوق ده كلام نصاح. ده نخجي نهار عديييل.
تسلم يا جميل ,,,, استراحه نهارية قمة الروعة.
|
Post: #15
Title: Re: طيبك عبق...!
Author: محمد عثمان
Date: 02-24-2010, 10:42 PM
Parent: #12
Quote: عليك الله يا محمد الكلام الفوق ده كلام نصاح. ده نخجي نهار عديييل.
تسلم يا جميل ,,,, استراحه نهارية قمة الروعة. |
ابو السيوف يا حبيب...
فعلا كلااام يمخول الراس
و صالح ليلا نهارا...
تسلم يا ملك..
|
Post: #13
Title: Re: طيبك عبق...!
Author: محمد عثمان
Date: 02-24-2010, 04:27 PM
Parent: #10
Quote: والله يا محمد عثمان
من زمن انا فى الخلوة .
يغنى فيها ولا هسع .
طيبك عبق ! الليل والليل
يا جمال الليل .
..
يا محمد عثمان أنت مش زمان
عماد عبدالله قال ليك تانى لو
جبت أغانى زى دى بشتكيك عند البوليس ؟؟؟
تتذكر ؟؟
مش قال ليك الله بدخل الزول النار ؟؟؟
.. يا محمد يا أخى سلامات |
ابو عفان يا حبيب...
سلااام ياخى و شوق كتير
اها غايتو المشغلويات خلتنا دخول متقطع
و بينى و بينك برضو المود و المزاج اليومين ديل متقلب شديد
و نحاول نقاوم و حتى لو بالقليل...
و برضو ما عندك مشكله سجن...سجن...غرامه..غرامه
و صاحبك عماد شكلو ساكت ليهو فوق راى....
تسلم...
|
Post: #14
Title: Re: طيبك عبق...!
Author: محمد عثمان
Date: 02-24-2010, 10:40 PM
Parent: #2
هوى يا جاهله و فوقك عهود...
|
Post: #16
Title: Re: طيبك عبق...!
Author: انعام عبد الحفيظ
Date: 02-24-2010, 10:44 PM
Parent: #14
| Quote: اها نهارا جهارا المره دى ...!! |
اها نحنا كمان ليلاً
إزيك يا محمد عثمان
|
Post: #17
Title: Re: طيبك عبق...!
Author: محمد عثمان
Date: 02-24-2010, 10:49 PM
Parent: #16
Quote: اها نحنا كمان ليلاً
إزيك يا محمد عثمان |
يا نسيم الروض قابلا..
بت عبد الحفيظ...
سلااام ياخى و يا جمال الليل...
تحايا...
|
|