Post: #1
Title: يا روحى سلام عليك....
Author: محمد عثمان
Date: 04-02-2013, 08:56 AM
Parent: #0
عبيد الطيب...
|
Post: #3
Title: Re: يا روحى سلام عليك....
Author: طارق جبريل
Date: 04-02-2013, 10:27 AM
ليلت بدري يا حبيب
ويا سلام عليك
|
Post: #4
Title: Re: يا روحى سلام عليك....
Author: محمد عثمان
Date: 04-02-2013, 01:12 PM
Parent: #3
Quote: ليلت بدري يا حبيب
ويا سلام عليك |
قافله ياا عمك...
|
Post: #5
Title: Re: يا روحى سلام عليك....
Author: khaleel
Date: 04-02-2013, 04:43 PM
Parent: #4
سلام عليك انت يا سيدي
|
Post: #6
Title: Re: يا روحى سلام عليك....
Author: عرفات حسين
Date: 04-02-2013, 05:03 PM
Parent: #5
مطلوب.....أغنية ياروحي سلام عليك
حسين عثمان منصور
يا روحي سلاااام عليك
يا روحي سلااام عليك
سلااام يوصل إليك يرجع إلينا
نحب من شوقنا ليك من بعض العلينا
سلااام يرجع يعد بين السكينة
يا روحي سلااام عليك
سلاااام يحمل مناي يحمل محبة
أنا الحار في دوائي حكما وأطباء
سلااام لو من بعيد يسعدني..سلام وأكون سعيد
سلااام بردو إليك يا روحي سلام عليك
سلااام يحمل سلام ضمنتي حبي
سلاااام يحمل سلام علامو ربي
سلاااام يحمل سلام ضمنتي حبي
سلااام حار فيهو ريد من جوة قلبي
سلااام وحب شديد
سلااام وبردو ليك
سلااام يوصل إليك يرجع إلينا
نحب من شوقنا ليك بعض العلينا
سلااام يرجع يعد بين السكينة
سلااااااااام وشوق شديد....ياااااااااااااا روحي سلاااام عليك
Quote:
الفنان عبيد الطيب كان يعمل "براداً"بمصلحة السكة حديد ولا تثريب عليه ولا اقرانه الآخرين من الفنانين الحرفيين الممتازين فما كنا نعرف"الاحتراف"..انذاك وان كبار المغنين فى العصرين الاموى والعباسى كانت لكل منهم حرفته التى يتكسب منها نهارا وعلي سبيل المثال فحسب فقد كان المغنى(القريض) حائكا واحمد النصبى الهمدانى كان (تاجر عملة) بلغة العصروكان يقرض الناس بالكوفه وعمر الوادى كان بناءاً كان يبنى القصور الفخمة على الطراز الفارسى لأثرياء الشام والحجاز والمغنى(مخارق) كان قصابا اخذ مهنة الجزارين عن ابيه والمغنى عبد الرحمن بن عمرو الشهير بـ(دحمان) كان متسبباً وكان يؤجر الجمال والدواب لصغار التجار وكان والده ايضا فنانا ومؤديا بارعا والغريب انه كان يقول ما رأيت باطلا أشبه بحق الغناء يقول عبيد الطيب بأنه فى احدى الليالى كان عائداً من حفل زواج بحى الامراء بامدرمان راكبا دراجته عندما استوقفه بعض الرباطين فى مدخل(خور الفتيحاب) وبعد التفتيش الدقيق غاظهم ان لا يعثروا على شىء فى جيوبه سوى علبة السجائر التى كان العريس قد اهداها له وكان عبيد لا يدخن، وعندما لمحو العود مربوط فى كرسى العجلة الخلفى سألوا باستخفاف(انت شغال شنو يا اخينا؟)وعندما اجاب بانه فنان كذبوهو"تتريقوا عليه" ثم طلبا منه الغناء تحت التهديد، كما فعل جند الخليفة يزيد بن معاوية مع المغنى (سائب خائر) عند دخولهم المدينة واستباحتها... جلسوا جميعاً على الرمل ونقرش عبيد العود وغناهم (يا قائد الاسطول)، وبعد شويه اغنية (يا سايق يا رايق) وبعدين رائعة حسين عثمان منصور (ياروحى سلام عليك) انبسط الرباطون وطربوا طربا شديداً كأنهم يؤكدون بان الصعلوك ما هو الا بشر قد تأسر الكلمة الحلوة لبّه ويملك سمعيه اليراع المثقب وعاودتهم(طيبة السودانيين) ونسوا ما كانوا فيه من الفتك والهمبته وقاموا بتوصيله حتى منزله لئلا يسطو عليه آخرون يعرفون مواقعهم.. |
http://www.sudaneseonline.com/vb/showthread.php?p=297420
وبعدين رائعة حسين عثمان منصور (ياروحى سلام عليك) انبسط الرباطون
|
Post: #9
Title: Re: يا روحى سلام عليك....
Author: محمد عثمان
Date: 04-03-2013, 03:37 PM
Parent: #5
| Quote: سلام عليك انت يا سيدي |
يسعد نهاارك ياا صااحب...
|
Post: #7
Title: Re: يا روحى سلام عليك....
Author: Haytham Abdulaziz
Date: 04-02-2013, 08:47 PM
Parent: #1
| Quote: يا روحى سلام عليك.... |
و يا روحى أنصفتني......
له الرحمة و المغفرة الإنسان الفنان عبيد الطيب.......
______________
مشتاقين يا ود عثمان والله......
|
Post: #8
Title: Re: يا روحى سلام عليك....
Author: عرفات حسين
Date: 04-03-2013, 12:39 PM
Parent: #7
http://www.youtube.com/watch?v=TPMP3FnZigo
الفنان الراحل/ محمد حسنين (ياناس أنتو وين أنتو ليهوا مابنتوا)
والتى هى من كلمات الشاعر حسين عثمان منصور
والحان برعى أحمد دفع الله ،
يا ناس وين انتو..؟؟ ما بنتو
View Post
الحبيتا ديك جاهلة ما دارية
والنسيانة وجافيانا ما طارية
وخلّوا الروح في الدموع
وخلّوا النار في الضلوع
لي عزالنا واعدانا شمتّو
يا ناس انتو وين انتو ما بنتو
ورّوا قلوبنا وين انتو وليه غبتو
ما بنتو
******
كل الدنيا ولهانة بي ريدا
وحتى الظبية غيرانة من جيدا
وحبّي ليهم ما رعوه
دون اسباب ودّعوه
لارواحنا واعمارنا ودّرتو
يا ناس انتو وين انتو ما بنتو
ورّوا قلوبنا وين انتو وليه غبتو
ما بنتو
******
شفت الدنيا ضاحكالي في عيونا
وحتى الفتنة ساجدالا مفتونة
وكل ليلاً بي صباحو
وكل صدّاح بي نواحو
وانا غير ليلي ونوحي ما درتو
يا ناس انتو وين انتو ما بنتو
ورّوا قلوبنا وين انتو وليه غبتو
وما بنتو
******
الجافين وناسين دوام لينا
وخلّوا العبرة حيرانة في عينينا
شوقي ليهم ضوّ نار
حنّ جانا ولينا زار
لآلامنا وأحزانا شتّتو
يا ناس انتو وين انتو ما بنتو
ورّوا قلوبنا وين انتو وليه غبتو
ما بنتو
** كل ليلا بصباحو...و كل صدّاح بنواحو
|
Post: #10
Title: Re: يا روحى سلام عليك....
Author: عرفات حسين
Date: 04-03-2013, 04:14 PM
Parent: #8
محمد عثمان
اولا ,مشكور شكر كثير
ثانين , كنت حانزلهم عندك , فقلت عسي ولعلا
ولكن الفضل لك اولا واخيرا
مع تحياتي
|
|