Post: #2
Title: Re: في عيونا بنشيل الصبر ...
Author: احمد الامين احمد
Date: 03-12-2015, 03:17 PM
Parent: #1
تحية ود عُثمان
ك (سميع )قديم من عصر مضى لن أسمح لبوست به (صوت ) شيخنا صلاح بالهبوط إلى الصفحة الثانية طالما كلمة مرورى (مُفعلة ) خاصة
ان سماع نغم راقى من نبض شيخنا صلاح صار أأمرا نادرا هذا العصر الركيك المُزدان ب (الأصوات المُزعجة جدا )
تقريبا صلاح لحظة هذه المداخلة نهاية شتاء 2015 لايوجد صادح سودانى يفوقه فى الطبقة العالية جدا التى يقف عليها هو وكابلى واللحوو وداللمين وعثمان مصطفى وعبدالرحمن عبدالله خاصة .
يرتبط حس شيخنا صلاح فى ذهنى بأول ليلة حضرت فيها إلى الخرطوم (القديمة ) منتصف سبعين القرن الماضى من (دار الغرب) مسقط رأس أمى مرورا ب (ودهاشم ملى ) من اعمال مكوار مسقط رأس أبى حيث تصادف إحيائه حفلا فى ختان نجل الأسرة التى حللنا بدارهم بالحلة الجديدة غرب جامع ميرغنى
وكنت فى نهاية المرحلة الأبتدائية وأذكر جيدا انه فى ذاك الحفل صدح ب:
1- أنا غنيت للستات (علمت بعد سنوات طويلة أن ود ماحى قد ملأ بها أسطوانة عند الخواجة بمصر )
2- طبع الزمن
3- الهدف
4- عدى بى يالشوق
وغيرها من دُرر راقية جدا جدا جدا عجزت حواء الفن عن إنتاج مثلها
تحية مجددا ود عثمان وعسى أن لاتطول الغياب عن المنبر خاصة أنك مطلقا لا تأتى بغث وقبح بل تأتى بمزيكا كبيرة جدا جدا من عصر ناس عثمان حسين ووردى و ود البادية .
* تنبيه
لصعوبة تقنية لم أسمع الأغنية فى البوست لكن من العنوان علمات أنها من أغنيات صلاح ود البادية الذى أعرف أغنياته من رقى وسمو القاموس الذى تعج به .
|
Post: #5
Title: Re: في عيونا بنشيل الصبر ...
Author: khaleel
Date: 03-12-2015, 03:48 PM
Parent: #2
اهو مرت الف ليلة وبرضو بنفكر نريد
خميسك قشطة سيدي محمد عثمان
شوق شديد احمد الامين
|
Post: #9
Title: Re: في عيونا بنشيل الصبر ...
Author: محمد عثمان
Date: 03-20-2015, 04:20 PM
Parent: #5
Quote: اهو مرت الف ليلة وبرضو بنفكر نريد
خميسك قشطة سيدي محمد عثمان
شوق شديد احمد الامين |
خليل ياا صاحب...
سلاام يا حبيب و معليش على الرد المتاخر يا عمك
طبع الزمن فعلا ترديد اصداء و انا شخصيا باعتبرها من الاغنيات المظلومه جدا للفنان صلاح بن الباديه
و اكيد طله الاستاذ احمد دايما تضيف لينا الكثير...
يديك العاافيه...
|
Post: #8
Title: Re: في عيونا بنشيل الصبر ...
Author: محمد عثمان
Date: 03-20-2015, 04:16 PM
Parent: #2
Quote: تحية ود عُثمان
ك (سميع )قديم من عصر مضى لن أسمح لبوست به (صوت ) شيخنا صلاح بالهبوط إلى الصفحة الثانية طالما كلمة مرورى (مُفعلة ) خاصة
ان سماع نغم راقى من نبض شيخنا صلاح صار أأمرا نادرا هذا العصر الركيك المُزدان ب (الأصوات المُزعجة جدا )
تقريبا صلاح لحظة هذه المداخلة نهاية شتاء 2015 لايوجد صادح سودانى يفوقه فى الطبقة العالية جدا التى يقف عليها هو وكابلى واللحوو وداللمين وعثمان مصطفى وعبدالرحمن عبدالله خاصة .
يرتبط حس شيخنا صلاح فى ذهنى بأول ليلة حضرت فيها إلى الخرطوم (القديمة ) منتصف سبعين القرن الماضى من (دار الغرب) مسقط رأس أمى مرورا ب (ودهاشم ملى ) من اعمال مكوار مسقط رأس أبى حيث تصادف إحيائه حفلا فى ختان نجل الأسرة التى حللنا بدارهم بالحلة الجديدة غرب جامع ميرغنى
وكنت فى نهاية المرحلة الأبتدائية وأذكر جيدا انه فى ذاك الحفل صدح ب:
1- أنا غنيت للستات (علمت بعد سنوات طويلة أن ود ماحى قد ملأ بها أسطوانة عند الخواجة بمصر )
2- طبع الزمن
3- الهدف
4- عدى بى يالشوق
وغيرها من دُرر راقية جدا جدا جدا عجزت حواء الفن عن إنتاج مثلها
تحية مجددا ود عثمان وعسى أن لاتطول الغياب عن المنبر خاصة أنك مطلقا لا تأتى بغث وقبح بل تأتى بمزيكا كبيرة جدا جدا من عصر ناس عثمان حسين ووردى و ود البادية .
* تنبيه
لصعوبة تقنية لم أسمع الأغنية فى البوست لكن من العنوان علمات أنها من أغنيات صلاح ود البادية الذى أعرف أغنياته من رقى وسمو القاموس الذى تعج به . |
استاذ احمد..
ياخ اولا اشد الاسف على الرد المتاخر جدا و ذلك لصعوبات فى الدخول و السفر و عدم الاستقرار فى الوقت الحالي
فلك العتبي حتى ترضى ...
ود الباديه مافى شك فنان ضخم جدا و قد رفد مكتبه الغناء السودانى بالكثير من الاعمال الجميله فهو تغنى بكل انواع القصائد و الكلمات
من عده شعراء لا يتسع المجال لذكرهم كلهم هنا...
الاغنيه موضوع البوست هى فعلا من كلمات الدكتور عز الدين هلالى و التسجيل الفوق هو نفس تسجيل مهرجان الثقافه الذى ذكره الاخوان فى مداخلاتهم
المهم فى الامر ان عدم فوز هذا الاغنيه بالمركز الاول كان قد اثار جدلا كبيرا و الفنان ود الباديه نفسه ابدى عدم رضاه عن لجنه الاتحكيم وقتها...
و ربما هناك الكثير عن الاغنيه التى فازت وقتها بالمركز الاول و التى لا اذكر بالضبط هل هي كانت عشان خاطرنا لمحمد ميرغنى ام اغنيه اخرى للفنان صلاح مصطفى..
لك التحيه استاذ احمد و انت كما عودتنا دايما صاحب مخزون كبير لذكريات الاغانى و الزمن الجميل...
لك التحيه...
|
Post: #3
Title: Re: اِتكاء على حائط الوقت
Author: أبوذر بابكر
Date: 03-12-2015, 03:31 PM
Parent: #1
كيفك يا محمد عثمان
طولنا منك ياخ والله
ان شاء الله دائما طيب وشديد وسعيد
عشان قاعد تسعد الناس وترش دواخل الأحاسيس فيهم بعطور النغم وعبق الكلام
ممكن عادى اى زول يسمع أى أغنية فى أى مكان
خصوصا مع كترة الأماكن المتاحة البقت فى زمنا ده
لكن لما فجأة تلقى قدامك أغنية زى دى ويكون مرت سنين عددا ما سمعتها
قطعا وحتما الاحساس بكون مختلف
وفى الغالب الأعم تهيئة واعادة دوزنة الدواخل يمكن تكون جايه مع الأغنية مش عشان الأغنية فى ذاتها
لكن بكون فى ربط وتوشيج للحظة او يوم او حتى فترة عمر كاملة عندها صلة الأغنية المقصودة
وزى ما قال ليك أخونا أحمد الأمين بالضبط
الأغنية بقت مرتبطة عنده بأشياء سمحة وجميلة ومحكرة قاعدة جوه روحه
أنا بالضبط بتذكر الأغنية وإنها كانت مساهمة واشتراك شيخنا صالح الجيلى ود ابو قرون
صلاح سيد الصوت الأسطورى فعلا، كانت مشاركته فى واحد من مهرجانات الثقافة فى ايام حكومة مايو
ربما المهرجان الأول أو التانى ما بتذكر بالدقة
واكتر ما ميز الأغنية هو تعدد او تنوع البناء اللحنى فيها واختلاف الايقاع بين كل مقطع والتانى
وكان ما اخاف الكضب
اقول انها من نظم الشاعر الفنان عز الدين هلالى
شكرا ياخ
شكرا كتير
|
Post: #4
Title: Re: اِتكاء على حائط الوقت
Author: Osman Musa
Date: 03-12-2015, 03:48 PM
Parent: #3
بعد التحية .. وينك يا أستاذ .
يا سلام
والله الشوق بحر
|
Post: #6
Title: Re: اِتكاء على حائط الوقت
Author: فتحي الصديق
Date: 03-12-2015, 07:47 PM
Parent: #4
Quote:
وكان ما اخاف الكضب
اقول انها من نظم الشاعر الفنان عز الدين هلالى
|
نعم يا أباذر ,,
هي كلمات الشاعر الدكتور عز الدين هلالي ,
تحياتي النديات لك ولمحمد عثمان وضيوفه الكرام .
والتقدير لصلاح , ذلك المطرب المجيد .
|
Post: #7
Title: Re: اِتكاء على حائط الوقت
Author: khaleel
Date: 03-14-2015, 08:54 AM
Parent: #6
طبع الزمن
هي التي كتبت ميلاد شاعرنا
دكتور عز الدين هلالي
|
Post: #12
Title: Re: اِتكاء على حائط الوقت
Author: محمد عثمان
Date: 03-20-2015, 04:36 PM
Parent: #6
Quote: نعم يا أباذر ,,
هي كلمات الشاعر الدكتور عز الدين هلالي ,
تحياتي النديات لك ولمحمد عثمان وضيوفه الكرام .
والتقدير لصلاح , ذلك المطرب المجيد . |
هو كدا...
شكرا اخ فتحي
يديك العاافيه...
|
Post: #11
Title: Re: اِتكاء على حائط الوقت
Author: محمد عثمان
Date: 03-20-2015, 04:33 PM
Parent: #4
Quote: بعد التحية .. وينك يا أستاذ .
يا سلام
والله الشوق بحر
|
الاخ عثمان موسى سلام كتير و ليكم وحشه يا حبيب
اهو طبع الزمن و الحاجات اصيحت غير
عليك الله تحياتنا للدكتور طراوه و دى امانه فى رقبتك...
تسلم كتير....
|
Post: #10
Title: Re: اِتكاء على حائط الوقت
Author: محمد عثمان
Date: 03-20-2015, 04:27 PM
Parent: #3
Quote: كيفك يا محمد عثمان
طولنا منك ياخ والله
ان شاء الله دائما طيب وشديد وسعيد
عشان قاعد تسعد الناس وترش دواخل الأحاسيس فيهم بعطور النغم وعبق الكلام
ممكن عادى اى زول يسمع أى أغنية فى أى مكان
خصوصا مع كترة الأماكن المتاحة البقت فى زمنا ده
لكن لما فجأة تلقى قدامك أغنية زى دى ويكون مرت سنين عددا ما سمعتها
قطعا وحتما الاحساس بكون مختلف
وفى الغالب الأعم تهيئة واعادة دوزنة الدواخل يمكن تكون جايه مع الأغنية مش عشان الأغنية فى ذاتها
لكن بكون فى ربط وتوشيج للحظة او يوم او حتى فترة عمر كاملة عندها صلة الأغنية المقصودة
وزى ما قال ليك أخونا أحمد الأمين بالضبط
الأغنية بقت مرتبطة عنده بأشياء سمحة وجميلة ومحكرة قاعدة جوه روحه
أنا بالضبط بتذكر الأغنية وإنها كانت مساهمة واشتراك شيخنا صالح الجيلى ود ابو قرون
صلاح سيد الصوت الأسطورى فعلا، كانت مشاركته فى واحد من مهرجانات الثقافة فى ايام حكومة مايو
ربما المهرجان الأول أو التانى ما بتذكر بالدقة
واكتر ما ميز الأغنية هو تعدد او تنوع البناء اللحنى فيها واختلاف الايقاع بين كل مقطع والتانى
وكان ما اخاف الكضب
اقول انها من نظم الشاعر الفنان عز الدين هلالى
شكرا ياخ
شكرا كتير |
الشفيف أبو ذر...
سلام ياخ و كانت لنا اياام فى هذا المكان و شوف مرت كم سنه...
الشكر الجزيل على المداخله الدسمه و فعلا كما ذكرت السمع خشم بيوت..
مافى شك الاغنيه مكتمله من كل النواحى فالكلمات مافى كلام و اللحن متنوع و الصوت الشجى لو الباديه
الغنيه لم تاخذ حظها من الانتشار كباقى اغنيات ود الباديه و هذا ربما لزعله الفنان ود الباديه من لجنه تحكيم مهرجان الثقافه و قتها و الله اعلم...
لك التحيه و التقدير....
|
|