Post: #1
Title: ساعة الشمس يادوب بتطلع....!!
Author: محمد عثمان
Date: 11-07-2009, 08:40 AM
صبااحات خير و بركه..
و تحاايا..
يا النازلة ماشه على البحر.. ساعة الحلب
ساعة الشمس يادوب بتطلع....
و الشعااع من بين فتيحاات الغصون
رقرق على قش الدرب....
مااع الندى
وقع متل خرز السبح خيطو انقطع....
يا النازلة
السمحة بى وسط التمر..دائما تفوت..
يتنى بى فوقها الجريد..يلمس سبايب فى الشعر..
و القمرى من عش ما بيطير..اعتاد عليها و والفها..
حتى السبيط..مد الشخاليب و ابتسم..
مرات تقيف..منو وتشيل ..
مرات تكون مشغولة بى شيتا كتر..
يا الناازلة!!
|
Post: #2
Title: Re: ساعة الشمس يادوب بتطلع....!!
Author: هواري نمر
Date: 11-07-2009, 08:48 AM
Parent: #1
Quote: [
صبااحات خير و بركه..
و تحاايا.. |
اها...
هسي عندي الساعة1:40 ..صباحا
و لسه قدامي.. باقي الليل كلو...
اها..بس كيفن عــــــــــــــــــــــــــــاد..
يعني شغلي ده ما اخلصــــــــــــــو ى شنو؟؟
غايتو..
انا كده...اخر اسبوعي...ح اعديه كلو..شجن و زكريات
يعني ويك اند عوضنا الله فيه..
ههههههههههههه..
الا الحق ود جبريل..
ما يجي ...يضرب السكلي و النخجي...
لـــوووووووووووووووووووول
ازيك يا ود عثمان
وتحياتي و احترامي...
|
Post: #3
Title: Re: ساعة الشمس يادوب بتطلع....!!
Author: SHIBKA
Date: 11-07-2009, 03:15 PM
Parent: #2
هواري
الحمدلله انا سمعتها بعد المغرب
محمد عثمان
سلمت وسلمت مجايبك
|
Post: #5
Title: Re: ساعة الشمس يادوب بتطلع....!!
Author: محمد عثمان
Date: 11-08-2009, 04:38 AM
Parent: #3
Quote: هواري
الحمدلله انا سمعتها بعد المغرب
محمد عثمان
سلمت وسلمت مجايبك |
شبكه..
و نوارو ماال..
مال فى الدرب ..
وسوس و قاال..
السمحة جات!!
و اجمل صباااح...
شكرا كتير...
|
Post: #4
Title: Re: ساعة الشمس يادوب بتطلع....!!
Author: محمد عثمان
Date: 11-08-2009, 04:35 AM
Parent: #2
Quote: اها...
هسي عندي الساعة1:40 ..صباحا
و لسه قدامي.. باقي الليل كلو...
اها..بس كيفن عــــــــــــــــــــــــــــاد..
يعني شغلي ده ما اخلصــــــــــــــو ى شنو؟؟
غايتو..
انا كده...اخر اسبوعي...ح اعديه كلو..شجن و زكريات
يعني ويك اند عوضنا الله فيه..
ههههههههههههه..
الا الحق ود جبريل..
ما يجي ...يضرب السكلي و النخجي...
لـــوووووووووووووووووووول |
هوارى يا جميل..
ساعة الشمس يادوب بتطلع....
و الشعااع من بين فتيحاات الغصون
رقرق على قش الدرب....
صاحبك فى العنايه...فاقد الاتجاه اليومين ديل
تسلم يا حبيب و صباحات خير وبركه..
يديك العاافيه..
|
Post: #6
Title: Re: ساعة الشمس يادوب بتطلع....!!
Author: سلمى الشيخ سلامة
Date: 11-08-2009, 06:37 AM
Parent: #1
Quote: شوفى البحر..يا السمحة يتقطع ترع!!
اصبح بعيد..
و الترع وسط الرملة..ذى كبة عسل..
جابوها فى صينية ليك..فطرة عريس..
حاشاها ما قالت بعيد..
السمحة مهما كان ترد..شان تسقى شتلاات الحياة..
شان تسقى فى البيت الأهل.. |
اجمل لوحة فى الشعر الغنائى
شوفى البحر
امر
كن
فكانت تلك القصيدة التى ترانا هالكين فى اثرها
مواجيد قلما تخرجها اقلام الشعراء
شكرا ليك يامحمد عثمان
|
Post: #7
Title: Re: ساعة الشمس يادوب بتطلع....!!
Author: محمد عثمان
Date: 11-09-2009, 04:32 AM
Parent: #6
Quote: اجمل لوحة فى الشعر الغنائى
شوفى البحر
امر
كن
فكانت تلك القصيدة التى ترانا هالكين فى اثرها
مواجيد قلما تخرجها اقلام الشعراء
شكرا ليك يامحمد عثمان |
الجميله سلمى...
تحاايا كتار
فعلا الشاعر حدربى محمد سعيد استطااع ببراعة
فائقه جدا ان يرسم لوحه جميله بالكلمات المعبره جدا
و التى استطاعت ان تنقل مشهدا حيا و كانه امام الاعين
اللحن الجميل و ايقاع الدليب اضاف بعدا ثالثا لتكون
هذه اللوحه البديعه ثلاثيه الابعاد تنبض حيويه..
شكرا ليك و صبااحات نديه طبعا بوقتنا هنا
كل الحب...
|
|