Post: #3 Title: Re: محيك البدري...وردى Author: محمد عثمان Date: 10-21-2009, 09:13 PM Parent: #2
Quote: اها جبنا بنبرنا واتحكرنا
خالص الود
بيناوي يا جميل..
تحايا و انت اول الحاضرين لدارك و مطرحك فى دوحة الغناء الراقى الجميل رااحتك بالكامل يا ملك..
تسلم يا حبيب..
Post: #44 Title: Re: محيك البدري...وردى Author: احمد محمد بشير Date: 10-23-2009, 11:21 PM Parent: #3
Post: #45 Title: Re: محيك البدري...وردى Author: محمد عثمان Date: 10-23-2009, 11:34 PM Parent: #44
Quote: تسلم يا يا أصيل ويسلم العملاق محمد وردي فنان افريقيا الاول
تسلم اخ احمد..
و شكرا للطله الانيقة..
Post: #52 Title: Re: محيك البدري...وردى Author: محمد عثمان Date: 10-25-2009, 07:25 PM Parent: #3
**
Post: #4 Title: Re: محيك البدري...وردى Author: ليلى عز الدين Date: 10-21-2009, 11:56 PM Parent: #1
وردى ..
عز المزاج .. و الفرقة تنادى الليل
إيقاعات حرقل و جيتار شاكر .. و بيز السنين
توزيع عجيب .... مدرسة
و المُحى نور ليلة القدر .. و معااااااك فى داخل الخدر
و أيااااااااام يا زمن !!
جد .. فرض يا دموعي تنتثرى ..
عروق من نور زمان سبقنا و مضى.....
و أعاده وردى إلينا رغماً عن منطق الأياام !!
أوقف عتبات الجمال فى حدود تمكننا من تدرج درجاتها.. و أن نرفأ لعالى سماواتها
و الإحساس بلذة أن نتأرجح طرباً و ننام على وسادة من نسج الإحساس
و لحاف هو نسج وحده
نادتنا الأوتار مراراً و المشهد شارع النيل
المقعد قاعة الصداقة .. و الوقت ليلاً كان ..
ضربت أوتاره فينا موضع ضرب حوافر خيل الإحساس
و تساوى لحظتها كل النااس .. تلاشى أصل الشخصية
بانت عصيبات مخفية
و بقيت بين الأفدة الحرىّ يلهبها سوط الصوت المسحور
و تطفيها سيول تدافع إيقاع .. تمايل ساكس و كمنجات
هى ذكرى ..
لزمن ولى و فات !!
فما بقى المشهد نفس المشهد
و لاا المقعد هو ذات المقعد
لكن بقى محمد وردى .. و بقى الإحساس
و نفس الأفئدة و العصب و الناس
و شهادة أن لا طرباً إلا ذاك !!
له العظمة الأبدية .. و لأغنياته الخلود
من قبلنا و من بعدنا .. و فينا
Post: #5 Title: Re: محيك البدري...وردى Author: انعام عبد الحفيظ Date: 10-22-2009, 00:07 AM Parent: #4
Quote: وردى ..
عز المزاج .. و الفرقة تنادى الليل
إيقاعات حرقل و جيتار شاكر .. و بيز السنين
توزيع عجيب .... مدرسة
والله إنتي المدرسة يا ليلى!! كتابتك جميلة وإحساسها عميق
ـــــ شكرا محمد عثمان على محيك البدري
Post: #9 Title: Re: محيك البدري...وردى Author: محمد عثمان Date: 10-22-2009, 09:39 PM Parent: #5
Quote: شكرا محمد عثمان على محيك البدري
انعام..
و لك الشكر ايضا للطله الملونه و انت كما عودتينا دايما حاضره فى باحات الجمال و الغناء الراقى الاصيل..
يديك العاافيه...
Post: #11 Title: Re: محيك البدري...وردى Author: ليلى عز الدين Date: 10-23-2009, 01:08 AM Parent: #5
إنعام ..
تحيااااات ..
و الله وردى دا هو المدرسة ..
ما زال حتى الآن يعطى دروساً فى التوزيع
و يحمل العازفين و نحن ما لا طاقة لنا به
و راضيين نقول ياااا مدد الكلام و الالحان
مشكورة على التعليق
Post: #8 Title: Re: محيك البدري...وردى Author: محمد عثمان Date: 10-22-2009, 09:27 PM Parent: #4
Quote: هى ذكرى .. لزمن ولى و فات !! فما بقى المشهد نفس المشهد و لاا المقعد هو ذات المقعد
لكن بقى محمد وردى .. و بقى الإحساس و نفس الأفئدة و العصب و الناس و شهادة أن لا طرباً إلا ذاك !!
له العظمة الأبدية .. و لأغنياته الخلود من قبلنا و من بعدنا .. و فينا
ليلى...
مداخله شحمانه تجبرك على التوقف كثيرا بين سطورها و تمنحك الدهشه و التأمل و تعبر بنا حواجز الزمن لتعيدناالى صدى كل ذلك الزمن الجميل و ذكرياات تتخلل الفواصل وتنساب كما النسمه مع صوت وردى المسحورو زخم اللحن الجميل الذى يغسل الاحساس بالحنين و يعيد الاجترار لتتجدد الاحااسيس مع صوت الرااائع وردى الذى يسحرنا و يقيدنا بذهول الروعه....
ليلى... شكرا لهذا الاحساس الدفّاق و الحروف الجميله التى ترفص فى غيبوبه و طرب و انتى تسجلى حضورا فى واحة الاستدعاء النبيل التى استدعيناها لنستنشق انفاس الذكريات وهى تعبق فيناعلها تعيد فينا قليل من كثير....
و هكذا دايما تبقى قيمة الفن الذى لا تحترق ولا تعرف القشور...
لك كل الاحترام و التقدير و كل الامنيات الطيبه..
و لنا عوده مع حكاايه هذه الاغنيه..!!
Post: #12 Title: Re: محيك البدري...وردى Author: ليلى عز الدين Date: 10-23-2009, 01:18 AM Parent: #8
محمد ..
تحياتى ..
و كبير إعزاز و إعتزاز بسيرة و مسيرة محمد وردى
عبر هذه و غيرها من الأغنيات التى تأخذنا معها فى رحلة طرب وردية
و حقيقة فإنى أحمل لصاحب ذلك الصوت عشقاً لاا نهائي
بدأ مع بدايات إدراكى و إستمر لهذه اللحظة ..
و فى كل يوم يملأنى اليقين بأنه وحده و هكذا دون أغانيه .. هو أغنية الأغنيات ..
أوحشتنى طلته فى تلك الليلات الوردية و أمسيات الطرب الخالص الصافى
المتعافى من كدر الأيام و حزن الأرواح المهمومة
كل الحب و العشق و التقدير و الإحترام لذلك الفنان الإنسان
و كل الأمنيات له بدوام الصحة و طول العمر
Post: #28 Title: Re: محيك البدري...وردى Author: محمد عثمان Date: 10-23-2009, 08:39 PM Parent: #12
محمد ..
Quote: تحياتى ..
و كبير إعزاز و إعتزاز بسيرة و مسيرة محمد وردى عبر هذه و غيرها من الأغنيات التى تأخذنا معها فى رحلة طرب وردية
و حقيقة فإنى أحمل لصاحب ذلك الصوت عشقاً لاا نهائي بدأ مع بدايات إدراكى و إستمر لهذه اللحظة .. و فى كل يوم يملأنى اليقين بأنه وحده و هكذا دون أغانيه .. هو أغنية الأغنيات ..
أوحشتنى طلته فى تلك الليلات الوردية و أمسيات الطرب الخالص الصافى المتعافى من كدر الأيام و حزن الأرواح المهمومة
كل الحب و العشق و التقدير و الإحترام لذلك الفنان الإنسان و كل الأمنيات له بدوام الصحة و طول العمر
ليلى..
و لا زال صدى الذكرياات الجميله يتواى فى مداحلاتك الثره و التى اثرت البوست كثيرا و جعلت منه اكثرا القا و جمالا مع الصوت المسحور لوردى و الكلمات العميقه و النافذه لدواخل الاحساس و التى خطها الشاعر الكبير صاحب الروائع ابو صلاح..
امنيا طيبه لفنان وردى و تمنياتنا له بدوام الصحة و العافيه فهو الذى شكل وجداننا و وجدان الكثير بالدرر التى نثرها فى مكتبه الغناء السودانى و التى ستظل خادله فى وجدان الجميع..
لك التحية و التقدير و انت تقدلين بهذه المداخلات الدسمه..
كل الود...
Post: #6 Title: Re: محيك البدري...وردى Author: محمد عثمان Date: 10-22-2009, 11:56 AM Parent: #1
.. صحيح يا جروحي لا تبري ! او كما قال الصادق ود آمنة: شوفة المنو للقانون بقيت اتحد .. فتح علي جرح الغنا بعد ما إنسد
و لا ننفك نأتي كلما شادن ترنم .. او نسيم الصبح نسم او شرع محمد عثمان و إنعام عبد الحفيظ في إتفاق (جنائي- جمالي) جديد و ليلى صحبتك ذات خاطر و إحساس و تعبير ؟
حوبات و صولات صالح عبد السيد، المعروف مجازا ب (ابوصلاح) فدياس السودان بدون إزميل و بدون قلم بسيمات فاهك التبري .. عيار 23 .. دق (ود مسيك) الهالكة صالح كل ما ينظرا .. وفي مدينة الجوف ساكنة الضرا هي تلك المعارك التى دارت دوائرها بالخوجلاب ضواحي بحري و قلعة صالح جبريل في مرتكز امدرمان حيث السيوف تتجرد من عيون واسعين .. و صاح وهبة فاقد عقلو مابين جريح و طعين
المُحي نور ليلة القدرِ نصب قوس حاجبو لي غدرِ معاك في داخل الخدرِ فؤادي المالكو من بدري حبيبي البي العلي تدري
حياتي ونعمتي ويسري رضيت لو يرض بي اسري فريض يا دموعي تنتثري إذا منو النسيم يسري حبيبي البي العلي تدري
حمام الأيك والقمري يصيح ينبيك عن أمري وبين عواسلك السمري روايحي وفاكهتي وخمري حبيبي البي العلي تدري
قبالك وين أجد فكري مصافحة اليمين سُكري في بالك هل يمر ذكري وامامك شكوتي وشكري حبيبي البي العلي تدري
صحيح لجروحي لا تبري هواك برضاي ما جبري بسيمات فاهك التبري ياجميل كم قللت صبري حبيبي البي العلي تدري
انعاام ...
فمنا بالتعديل فى الاقتباس حسب مداخله الاخ لؤى شكرا ليك و شكرا للاخ لؤى..
كل الود..
Post: #41 Title: Re: محيك البدري...وردى Author: محمد عثمان Date: 10-23-2009, 10:49 PM Parent: #29
تماام...
Post: #34 Title: Re: محيك البدري...وردى Author: محمد عثمان Date: 10-23-2009, 09:15 PM Parent: #23
Quote: .. صحيح يا جروحي لا تبري ! او كما قال الصادق ود آمنة: شوفة المنو للقانون بقيت اتحد .. فتح علي جرح الغنا بعد ما إنسد
و لا ننفك نأتي كلما شادن ترنم .. او نسيم الصبح نسم او شرع محمد عثمان و إنعام عبد الحفيظ في إتفاق (جنائي- جمالي) جديد و ليلى صحبتك ذات خاطر و إحساس و تعبير ؟
حوبات و صولات صالح عبد السيد، المعروف مجازا ب (ابوصلاح) فدياس السودان بدون إزميل و بدون قلم بسيمات فاهك التبري .. عيار 23 .. دق (ود مسيك) الهالكة صالح كل ما ينظرا .. وفي مدينة الجوف ساكنة الضرا هي تلك المعارك التى دارت دوائرها بالخوجلاب ضواحي بحري و قلعة صالح جبريل في مرتكز امدرمان حيث السيوف تتجرد من عيون واسعين .. و صاح وهبة فاقد عقلو مابين جريح و طعين
وردي متحركا ( فيما بين جنبات) ميلودي كرومة الاول
دكتور طراوه..مستودع التاريخ الجميل
و كما الفراشات تنجذب نحو ضوء الشموع اتوقعت حضورك هنا و ها انت كما عودتنا دايما تنثر و تفتح صفحات تاريخ جميل لشاعر قامه و فنان امه بحالها...
شكرا لك و شكرا للصوله النثريه التى جعلت من الجو الجميل هنا اكثر جمالا...
و الاغنيه لها قصه طويله حكاها وردى بنفسه عندما طلب منه ان يقدم احد اغنياات الحقيبه فى عهد على شمو و سنعود للحكايه بالتفصيل لاحقا..
يديك العاافيه...
Post: #46 Title: Re: محيك البدري...وردى Author: ليلى عز الدين Date: 10-24-2009, 01:25 AM Parent: #23
Quote: حوبات و صولات صالح عبد السيد، المعروف مجازا ب (ابوصلاح) فدياس السودان بدون إزميل و بدون قلم بسيمات فاهك التبري .. عيار 23 .. دق (ود مسيك) الهالكة صالح كل ما ينظرا .. وفي مدينة الجوف ساكنة الضرا
أحمد طراوة ..
كل التحايا و السلام
و كعادة النقاد و محبي الخلاف .. إختلف البعض على أصل ذلك البيت
سمعه و فهمه غالبية الطروبين على حسب نُطق الأستاذ وردى له .. التِبرِ .. ( الذهب)
و أنا طبعاً منهم .. بغض النظر فسمعى لوردى كله طااعة
لكن أتى أهل اللغة و فسروا المعنى على....
بسيمات فاهِك التَبْرى .. من برأ أو يبرأ الجرح ( تشفى)
دلالة بأصل لغة القصيدة العامية و معانيها المباشرة ..
لكن فى الحالين فان المعنى و الإحساس وااااصل
و الطرب حاااااصل ..
لوردى العظمة .. و لأغنياته السمع و الطاعة الأبدية
Post: #48 Title: Re: محيك البدري...وردى Author: محمد عثمان Date: 10-24-2009, 09:44 AM Parent: #46
Quote: أحمد طراوة ..
كل التحايا و السلام
و كعادة النقاد و محبي الخلاف .. إختلف البعض على أصل ذلك البيت سمعه و فهمه غالبية الطروبين على حسب نُطق الأستاذ وردى له .. التِبرِ .. ( الذهب) و أنا طبعاً منهم .. بغض النظر فسمعى لوردى كله طااعة
لكن أتى أهل اللغة و فسروا المعنى على.... بسيمات فاهِك التَبْرى .. من برأ أو يبرأ الجرح ( تشفى) دلالة بأصل لغة القصيدة العامية و معانيها المباشرة ..
لكن فى الحالين فان المعنى و الإحساس وااااصل و الطرب حاااااصل .. لوردى العظمة .. و لأغنياته السمع و الطاعة الأبدية
ليلى..
سلااام
و برضو وجهه نظر...!!
و نسمع من الجماعة..
تحاايا..
Post: #56 Title: Re: محيك البدري...وردى Author: عمر صديق Date: 10-26-2009, 00:12 AM Parent: #46
Quote: أحمد طراوة ..
كل التحايا و السلام
و كعادة النقاد و محبي الخلاف .. إختلف البعض على أصل ذلك البيت
سمعه و فهمه غالبية الطروبين على حسب نُطق الأستاذ وردى له .. التِبرِ .. ( الذهب)
و أنا طبعاً منهم .. بغض النظر فسمعى لوردى كله طااعة
لكن أتى أهل اللغة و فسروا المعنى على....
بسيمات فاهِك التَبْرى .. من برأ أو يبرأ الجرح ( تشفى)
دلالة بأصل لغة القصيدة العامية و معانيها المباشرة ..
لكن فى الحالين فان المعنى و الإحساس وااااصل
و الطرب حاااااصل ..
لوردى العظمة .. و لأغنياته السمع و الطاعة الأبدية
الاخت ليلي تحياتي
صحيح ان الاستاذ الموسيقار وردي قامة غنائية سامقة ولكن يعاب عليه هنا انه يقول
بسيمات فاهك التبري من التبر (بكسر التاء وتسكين الباء وكسر الياء ) وهو خطأ في اللغة الشعرية لايمكن ان نجده عند شاعر فذ مثل ابي صلاح لان التبر بمعني الذهب يعني اصفرار اللون وهو مستقبح في وصف الفم
والصحيح هو بسيمات فاهك التبري من التبر (بفتح التاء والباء وتسكين الراء) وهو نبات زهوره شديدة البياض (يكثر بنواحي الدندر في الخريف ويمكن ان يسأل عنه المسنوح ود شيقوق)
وتشبيه الفم بنبات التبر قصد به ابو صلاح اكساب الاسنان لوحة جمالية تتمثل في شدة البياض
وانتظر تعليق دكتور طراوة
Post: #64 Title: Re: محيك البدري...وردى Author: محمد عثمان Date: 10-26-2009, 10:42 PM Parent: #56
Quote: الاخت ليلي تحياتي
صحيح ان الاستاذ الموسيقار وردي قامة غنائية سامقة ولكن يعاب عليه هنا انه يقول
بسيمات فاهك التبري من التبر (بكسر التاء وتسكين الباء وكسر الياء ) وهو خطأ في اللغة الشعرية لايمكن ان نجده عند شاعر فذ مثل ابي صلاح لان التبر بمعني الذهب يعني اصفرار اللون وهو مستقبح في وصف الفم
والصحيح هو بسيمات فاهك التبري من التبر (بفتح التاء والباء وتسكين الراء) وهو نبات زهوره شديدة البياض (يكثر بنواحي الدندر في الخريف ويمكن ان يسأل عنه المسنوح ود شيقوق)
وتشبيه الفم بنبات التبر قصد به ابو صلاح اكساب الاسنان لوحة جمالية تتمثل في شدة البياض
وانتظر تعليق دكتور طراوة
شكرا اخ عمر للملاحظات و التوضيح..
و فى انتظار ود القرشى و دكتور طرااوه..
تسلم...
Post: #25 Title: Re: محيك البدري...وردى Author: Osman Musa Date: 10-23-2009, 07:19 PM Parent: #1
ود عثمان . تجول يا عزيز . وأنهر لينا حمام الايك والقمرى دا علينا جاى . خلينا نحتفل . والدنيا أكتوبر يا عزيز . تحياتى
Post: #43 Title: Re: محيك البدري...وردى Author: محمد عثمان Date: 10-23-2009, 11:18 PM Parent: #42
Quote: الاخ محمد عثمان تحياتي
وشكرا علي البوست و ارجو ان تقبل هذه المساهمة
ذات الاغنية باداء اولاد الموردة
الاخ عمر..
ياخى شكرا كتير على الاضافه و المساهمه الثره حقيقة انا كنت اجهل من تغنى بهذه الاغنيه من فنانى الحقيبه بعد كرومه..و كم تمنيت ان يطل علينا دكتور ود القرشى فاكيد هو يملك الكثير عن تاريخ هذه الاغنية..
حسب ما سمعنا من وردي وما جاء في كتاب معاويه حسن يسن (تاريخ الغناء والموسيقي في السودان) الاغنيه لحنها لكرومة وسجلها علي الاسطوانات في القاهرة الفاضل احمد وردي سمعها في صباه الباكر علي غرامفون خاله المغرم بالغناء في قريتهم.. وتأثر بها عميقا وذكر ان ان تأثيرها يظهر في بعض الحانه مثل لزمات في (بعد ايه) وانه غناها حتى يدحض مقوله كانت تسود بكونه لا يجيد غناء الحقيبة
لست ادري متى غناها لاول مره ولكن حسب ماهو معروف انه قدمها في منافسات مهرجان الثقافة الاول حيث قدم محمد الامين بدور القلعة المنافسة لها وعثمان حسين (زيدني في هجراني) وياله من تنافس
واذكر ان بدوي ابو صلاح احتج بمقال في الصحف علي نطق وردي لكلمة التبري مكسوره التاء حيث ذكر ان الصحيح هو التبري بفتح التاء اي ان اسنانها بيضاء مثل زهر التبر وليست مصفرة تبرية كالذهب واظن قول بدوي صحيحا
د احمد طراوة اتمني ان تنورنا عن هذا الفاضل احمد! واسأل: هل هي (نواعسك ) ام (عواسلك) كما في النص أعلاه؟
اخي لؤي اتمني استبدال صورة وردي هذه اظنها لاتصلح للنشر ولك ودي واحترامي
.. تحياتي لمامون و لؤي و خالد طيب جيبوا لينا اسطوانة (جمرو حرقني) بصوت الفاضل احمد كلمات ابوصلاح معاوية ود محمد جابا قبل كدا في بوست تاريخ الغناء في مُضاهاة تاريخية مع أداء ياسر تمتام بمصحابة الفلوت
Post: #63 Title: Re: محيك البدري...وردى Author: محمد عثمان Date: 10-26-2009, 07:51 PM Parent: #58
Quote: شكرا محمد عثمان
تسلم اخ خالد..
وشكرا للطله..
Post: #61 Title: Re: محيك البدري...وردى Author: محمد عثمان Date: 10-26-2009, 07:43 PM Parent: #55
Quote: حسب ما سمعنا من وردي وما جاء في كتاب معاويه حسن يسن (تاريخ الغناء والموسيقي في السودان) الاغنيه لحنها لكرومة وسجلها علي الاسطوانات في القاهرة الفاضل احمد وردي سمعها في صباه الباكر علي غرامفون خاله المغرم بالغناء في قريتهم.. وتأثر بها عميقا وذكر ان ان تأثيرها يظهر في بعض الحانه مثل لزمات في (بعد ايه) وانه غناها حتى يدحض مقوله كانت تسود بكونه لا يجيد غناء الحقيبة
لست ادري متى غناها لاول مره ولكن حسب ماهو معروف انه قدمها في منافسات مهرجان الثقافة الاول حيث قدم محمد الامين بدور القلعة المنافسة لها وعثمان حسين (زيدني في هجراني) وياله من تنافس
واذكر ان بدوي ابو صلاح احتج بمقال في الصحف علي نطق وردي لكلمة التبري مكسوره التاء حيث ذكر ان الصحيح هو التبري بفتح التاء اي ان اسنانها بيضاء مثل زهر التبر وليست مصفرة تبرية كالذهب واظن قول بدوي صحيحا
الاخ مامون..
شكرا للمداخله القيّمه و الثّره جدا و التى اثرت البوست كثيرا و مافى شك كتاب تاريخ الغناء مرجع كبير و به الكثير من التاريخ الذى يحكى عن الفن فى السودان فى مراحل مختلفه..
املك تسجيلا بصوت وردى بنفسه و هو يحكى عن حكايه هذه الاغنيه و قصتها سابحث عنه و اعود به لهذا البوست..
شكرا ليك كتير...
Post: #65 Title: Re: محيك البدري...وردى Author: ليلى عز الدين Date: 10-27-2009, 00:30 AM Parent: #55
Quote: اخي لؤي اتمني استبدال صورة وردي هذه اظنها لاتصلح للنشر ولك ودي واحترامي
لماذا لا تصلح صورة وردى للنشر ؟؟
نفس الملامح و التفاصيل التى تحملها تقاسيمه و التى هى دوماً على البال
Quote: صورة وردي يعرفها من يعرفه .. و من يسمعه و يفهمه
من يطرب له و يشعر به
و تحس حواسه إحساس وردى باغنياته و بعشاقه و محبيه
الأُخت الفاضلة أُستاذة ليلى تحيّة ورديّة
وردي نفسه لا يعرفه إلاّ من يعرفه وهذا قول ظللت أردّده في مناسباتٍ مختلفة
لكِ عزيزتي التّحيّة والوُد
وعُذراً أخي محمّد عُثمان
Post: #68 Title: Re: محيك البدري...وردى Author: محمد عثمان Date: 10-29-2009, 08:21 PM Parent: #67
Quote: وعُذراً أخي محمّد عُثمان
الاخ لؤى..
يا زول انت سيد بيت هنا..
و فعلا يظل وردى قامه سامقه و شامخه على مر الاجيال هذا الفنااان الاسطورة.. صااحب الصوت المسحور الذى تسحرنا الحاانه و اغنيااته و تعطينا قوة اضاافية للاحسااس بشكل مختلف..
الفناان الذى لم تفاارق اغنيااته ذاكرتنا فهى كلما تطفيها الغيوم تبرق مثل المطر...
هذا البوست الذى كشف اننا لا زلنا نحتفظ بخصلااات قليلة من اياام زماان..تخرج منهااا رواائع وردى لتكون لنا مرآآة للزمااان و المكااان....و تعيد ترتيب كثير من الاشياء فى دواخلنا..
شكرا ليك كتير و الدار دارك يا حبيب..
يديك العاافيه..
Post: #62 Title: Re: محيك البدري...وردى Author: محمد عثمان Date: 10-26-2009, 07:49 PM Parent: #54
Quote: .. عوافي يا مجروح، ولابأس عليك و اصلا (مجروحة الهوى) ما بتسمع الصايحة
ما شفت ابوصلاح بقول : (هوا كم برضاي ما جبري)
دكتور طراوه..
الزين حكايتو شنو..؟؟
Post: #60 Title: Re: محيك البدري...وردى Author: محمد عثمان Date: 10-26-2009, 07:37 PM Parent: #53
Quote: صحيح يا جروحي لاتبري
والله ما غاابت محااسنك مره لا الجرح اتنسى
ود المرتضى..
و جروح فى جروح يا حبيب...و لا نملك الا ان نهرب الى هذا الغناء المتدفق عله يشفى قليل من غليل..
تسلم يا جميل..
Post: #69 Title: Re: محيك البدري...وردى Author: Moawia Mohammed Date: 11-08-2009, 04:45 AM Parent: #60
جمرو حرقني - الفاضل أحمد من تسجيلات أوديون 1933 م
جمرو حرقني - ياسر تمتام
Post: #70 Title: Re: محيك البدري...وردى Author: محمد عثمان Date: 11-08-2009, 05:08 AM Parent: #69
معااويه يا حبيب...
يا زول انت وينك و وين..؟؟ ليك وحشه والله..
ياخى شكرا على الطله بعد غيبه طويله و شكرا على الاضاقه و التسجيلات النادره..
تسلم يا جميل...
Post: #71 Title: Re: محيك البدري...وردى Author: Osman Musa Date: 11-08-2009, 05:21 AM
صحيح لي جروحي لاتبرئ هواك بي رضاي ماجبري نسيمات فاهك التبري ياجميل آه كم قللت لي صبري
__ يا محمد عثمان ده الشعر البعجب . ده نوع الشعر البخلى السمك يمرق من البحر . يديك الصحة يا وردى
Post: #72 Title: Re: محيك البدري...وردى Author: محمد عثمان Date: 11-08-2009, 04:02 PM Parent: #71
Quote: يا محمد عثمان ده الشعر البعجب . ده نوع الشعر البخلى السمك يمرق من البحر . يديك الصحة يا وردى
تسلم اخ عثمان
**قاعد بفتش ليك فى موضوعك البهناك...
يديك العاافيه...
Post: #73 Title: Re: محيك البدري...وردى Author: محمد عثمان Date: 12-10-2009, 10:02 PM Parent: #72
تحاايا
كل عام و الجميع بخير...
Post: #74 Title: Re: محيك البدري...وردى Author: Osman Musa Date: 12-10-2009, 10:11 PM Parent: #73
محمد عثمان تعال . يازول انت وين ؟ السنة دى برضو حجيت ؟ سلام شديد ياعزيز
Post: #75 Title: Re: محيك البدري...وردى Author: Elbagir Osman Date: 12-11-2009, 02:11 AM Parent: #74
Quote: وبين عواسلك السمري
طول الوقت ظللت أسمعها لواعسك
واللعس سواد الشفاه الحسن في العربية القديمة
وهو جمال في السودانيات كثير
ولكني عند قراءة ما جاء أعلاه
وجدت أن إحتمال كلمة "عواسل" وارد
لوصف الشفاه
فكلمة عسل تستعمل كصفة في العديد من العاميات السودانية
الباقر موسى
Post: #78 Title: Re: محيك البدري...وردى Author: محمد عثمان Date: 12-26-2009, 08:11 AM Parent: #75
Quote: طول الوقت ظللت أسمعها لواعسك
واللعس سواد الشفاه الحسن في العربية القديمة
وهو جمال في السودانيات كثير
ولكني عند قراءة ما جاء أعلاه
وجدت أن إحتمال كلمة "عواسل" وارد
لوصف الشفاه
فكلمة عسل تستعمل كصفة في العديد من العاميات السودانية
استاذ الباقر...
تحايا صبااحيه و ناسف جدا للرد الذى جاء متاخر جدا اصلو البوست طفش مننا و لك العتبى حتى ترضى..
فعلا هناك الكثير من الاغنياات تترسخ بعض كلماتها بصوره مغايره و لكن عند التدقيق و سماع الاغنيه بوضوح و تانى نكتشف حقيقه الكثير من الكلماات...
مفرده ابو صلاح واضحه جدا و لا تخطئها الاذان و له الكثير من التشابه فى كلماته فى قصائده المختلفه و على نفس النسق كتب:
يا الفاطرك نور و فاهك عسالى جننت الوف عشااق امثالى...
تسلم و لك التحيه و التقدير...
Post: #76 Title: Re: محيك البدري...وردى Author: محمد عثمان Date: 12-11-2009, 06:19 PM Parent: #74
Quote: محمد عثمان تعال . يازول انت وين ؟ السنة دى برضو حجيت ؟ سلام شديد ياعزيز
الحبيب عثمان موسى...
ياخى كل سنه و انت طيب
سفر و حوامه شديه و كنا بعيدين شويه و ربنا يتقبل مننا و منكم...
يديك العاافيه...
Post: #77 Title: Re: محيك البدري...وردى Author: Osman Musa Date: 12-11-2009, 06:56 PM Parent: #76
شنو يازول ؟ قلنا الموسم ماهو موسم تمر فى الشمالية . حج ماك فى الحج السنة دى . لو مشيت كندا وما جيت معرج جاى يكون اللوم شوالات . عليك الله ادينا اخر اخبار العملاق وردى . تحياتى
