Post: #1 Title: إتدللى...!! Author: محمد عثمان Date: 08-17-2009, 12:57 PM
ـــــــــــــــــــــــــــ
اتدللى و انسينى يوم ما تسألى انا قلبى بالريد مبتلى ما بسيب هواك لو تقتلى اتدللى.. اتمهلى و زيدى الصدود و اتجاهلى حالى العلى ما بتجهلى ضاع عمرى فيك..تستاهلى اتدللى.. اتاملى وضياع حبيبك حللى و انا وحدى فى النار استطلى راجيهو نورك ينجلى اتدللى... ما تسالى خلينى غيبى و طولى انا قلبى بالريد مبتلى عاجبانى يا ام قلبا خلى اتدللى...!!
Post: #5 Title: Re: إتدللى...!! Author: سلمى الشيخ سلامة Date: 08-18-2009, 01:43 AM Parent: #4
محمد عثمان براحة علينا مع العاقب دا بنموت من اهدا الناس الذين عرفتهم شخص هادئ بصورة عجيبة حديثه هامس وصوته ناعس مثلما يغنى يتحدث شكرا لك يا محمد فهذا العبقرى المطرب له الحان خلدته ولعل ملاقاته لعم السر قدور فيها حكمة ما فهو من غنى لعم السر اجمل اغنية عاطفية يا حبيبى انحنا اتلاقينا مرة وكانت الفلاتية عليها الرحمة قد اوعزت لعم السر انها ستغنيها وحين جاءت ذات يوم ووجدت العاقب يوقع على الاغنية فى دار الفنانين هاجت وماجت لكنه افحمها ـ هسى ياعشة اختى بتقدرى تقيفى فى المسرح وتغنى "نحنا اتلاقينا مرة تانى مرة الف مرة؟" فردت ـ برى ـ اها الغنية يغنيها العاقب للعاقب الحان لاتنسى منها حنينى اليك ، وهى من كلمات عم السر ايضا امد الله فى ايامه هذا الهرم المسرحى الشاعرالغنائى الحكاى
Post: #6 Title: Re: إتدللى...!! Author: سيف الدولة كامل Date: 08-18-2009, 02:19 AM Parent: #5
يا سلام يا محمد عثمان ,,, ابداع بلا حدود
ما قلنا ليك يوم بتقتل ليك زول,, في ناس
قلوبه رهيفه خلاص ما بتستحمل الردم ده.
يديك العافية يا رقيق
Post: #7 Title: Re: إتدللى...!! Author: عبد الدائم سيد أحمد Date: 08-18-2009, 07:08 AM Parent: #6
حبيبو محمد عثمان
ياخى نحن مش اصحابك رسل لينا كود كودين بالميل نقشر بيهم فى رمضان وكل سنة وانت طيب
شكرا" سلمى اديتى البوست نكهة خاصة بمداخلتك
Post: #8 Title: Re: إتدللى...!! Author: محمد أبوالعزائم أبوالريش Date: 08-18-2009, 07:26 AM Parent: #7
الكلمات رائعة حقيقي شكرا اخونا محمد بدهشنى دايما حسك في الغنا تسلم
Post: #19 Title: Re: إتدللى...!! Author: محمد عثمان Date: 08-18-2009, 09:47 PM Parent: #10
Quote: الكلمات رائعة حقيقي شكرا اخونا محمد بدهشنى دايما حسك في الغنا تسلم
الشفيفة هند...
شكرا كتير و انت تزينين البوست بهذه الطله الانيقة...
كل الود...
Post: #18 Title: Re: إتدللى...!! Author: محمد عثمان Date: 08-18-2009, 09:43 PM Parent: #8
Quote: آمنت بالله ....
إنتو شغل الليل ده بقى نهاراً جهارا؟
هسي نحن نشتغل كيف؟
ونقول مبروك رجوع الكودات؟ والاّ ده شغل خاص.
حبيبنا محمد عثمان ... يديك العافية محل ما تقبّل.
الاخ محمد أبوالعزائم ..
اها جيناك فى الليل..
تسلم يا حبيب و الكودات ما رجعت لسه غايتو الاغنية دى عندها نصيب تشتغل..
يديك العاافية...
Post: #17 Title: Re: إتدللى...!! Author: محمد عثمان Date: 08-18-2009, 08:46 PM Parent: #7
Quote: حبيبو محمد عثمان
ياخى نحن مش اصحابك رسل لينا كود كودين بالميل نقشر بيهم فى رمضان وكل سنة وانت طيب
شكرا" سلمى اديتى البوست نكهة خاصة بمداخلتك
الحبيب عبد الدائم...
جاهزين ياخى بس قول عووك و رمضان كريم علينا و عليكم..
تسلم...
Post: #16 Title: Re: إتدللى...!! Author: محمد عثمان Date: 08-18-2009, 08:35 PM Parent: #6
Quote: يا سلام يا محمد عثمان ,,, ابداع بلا حدود
ما قلنا ليك يوم بتقتل ليك زول,, في ناس
قلوبه رهيفه خلاص ما بتستحمل الردم ده.
يديك العافية يا رقيق
حبيبنا سيف الدوله...
ياخى لك كل الاستماع و الاستمتاع الجميل
و تسلم من كل شر..
يديك العاافية..
Post: #13 Title: Re: إتدللى...!! Author: محمد عثمان Date: 08-18-2009, 08:20 PM Parent: #5
Quote: محمد عثمان براحة علينا مع العاقب دا بنموت من اهدا الناس الذين عرفتهم شخص هادئ بصورة عجيبة حديثه هامس وصوته ناعس مثلما يغنى يتحدث شكرا لك يا محمد فهذا العبقرى المطرب له الحان خلدته ولعل ملاقاته لعم السر قدور فيها حكمة ما فهو من غنى لعم السر اجمل اغنية عاطفية يا حبيبى انحنا اتلاقينا مرة وكانت الفلاتية عليها الرحمة قد اوعزت لعم السر انها ستغنيها وحين جاءت ذات يوم ووجدت العاقب يوقع على الاغنية فى دار الفنانين هاجت وماجت لكنه افحمها ـ هسى ياعشة اختى بتقدرى تقيفى فى المسرح وتغنى "نحنا اتلاقينا مرة تانى مرة الف مرة؟" فردت ـ برى ـ اها الغنية يغنيها العاقب للعاقب الحان لاتنسى منها حنينى اليك ، وهى من كلمات عم السر ايضا امد الله فى ايامه هذا الهرم المسرحى الشاعرالغنائى الحكاى
بت الشيخ..
سلااام
و كما الفراشات تنجذب نحو نور الغناء الجميل اتوقعت حضورك هنا...
السر احمد قدور كنز من معلومات الزمن الجميل و ايضا كتب الكثير من الاغنيات الجميلة لكثير من الفنانين و اعماله مع الراحل العاقب كلها مميزة و الاغنية التى ذكرتيها يالتاكيد هى اغنية خالدة و راسخة فى وجدان الجميع العاقي ايضا لحن لكثير من الفنانين فهو لحن للطيب عبد الله و نجم الدين الفاضل و محمد ميرغنى و غيرهم...
الدلال اخذ حيزا كبيرا فى الاغنية السودانية و كتبت الكثير من الاغنيات فى الدلال و اذكر هنا السر دوليب فى : زيدنى من دلك شوية...
و عوض جبريل فى: من دلالو ولا مالو..؟؟؟
و ود حد الزين ايضا فى اغنية وردى: عاجبنا فيك دلال...
هسى عليك الله بعد دا كلو مش السر احمد قدور ليهو حق.. و اذكر ايضا انه دار نقاش قى احد المرات عن الدلال و الغنج و فى دى الا يجينا عصمت العالم بهنا..
شكرا سلمى على المداخلة التى اثرت البوست كثيرا
يديك العاافية...
Post: #20 Title: Re: إتدللى...!! Author: سلمى الشيخ سلامة Date: 08-19-2009, 01:22 AM Parent: #13
Quote: الدلال اخذ حيزا كبيرا فى الاغنية السودانية و كتبت الكثير من الاغنيات
والله فكرة شغل لطيفة جدا حاقعد فى رمضان افتش الدلال ويا مدلل سيب دلالك دا
تصوم وتفطر على خير
Post: #12 Title: Re: إتدللى...!! Author: محمد عثمان Date: 08-18-2009, 08:06 PM Parent: #4
Quote: hello Tariq and Mohamed Osman,
I have the same wondering!!!!!!!!!
thanks for the nice song
Noon
شكرا نون و نوّر البوست بحضورك الجميل..
تحاايا..
Post: #11 Title: Re: إتدللى...!! Author: محمد عثمان Date: 08-18-2009, 08:00 PM Parent: #3
يا سلاااااااااااااااااااااااااااااااااااااام يا محمد عثمان يا عسل ياخي والله منتهى الروعة ايوة خلونا مع (البهجة) والطرب والحب والدلال وسيبونا من الدفسيبة وقطع النفس ده ياااخي
واصل يا لذيذ في الحاجات اللذيذة دي وكتر من الدلال .
