طالما الكودات دي ما شغالة انا حا اقعد ارازي من برة كدة زي مرازات لعبة الحبل دي
بكري اذاني ياخ ههههههههههههه
Post: #19 Title: Re: انت صاحى ولا نايم..؟! Author: BitAlhana Date: 05-13-2009, 06:18 AM Parent: #18
محمد عثمان
نقول سلام و نعيد سلااااااااااااام لوووووووووووووووووول
قول لي الزول الكتب الاغنيه أساسان كان مالووووووووووووووووووا؟؟
أكيد في مشكله !!! و لا مو كدي؟؟
اسمع يا محمد الناس ديل حالتهم ما كانوا بيشوفوا الجكس ... لو شافوا كان سوا شنووووووو؟؟؟؟
بث
Post: #24 Title: Re: انت صاحى ولا نايم..؟! Author: محمد عثمان Date: 05-14-2009, 09:03 PM Parent: #19
بت الهنا...
سلاااام ليك و للمعاك فى الخيمة قاعدين
Quote: محمد عثمان
نقول سلام و نعيد سلااااااااااااام لوووووووووووووووووول
و دى حقتنا...ماركة مسجلة كوبى رايت و كدا
Quote: قول لي الزول الكتب الاغنيه أساسان كان مالووووووووووووووووووا؟؟
أكيد في مشكله !!! و لا مو كدي؟؟
يعنى الامى دا لو ما كان مكسر..؟؟ هسى الكلااام الجميل دا كان بنلقاهو وين..؟؟
Quote: اسمع يا محمد الناس ديل حالتهم ما كانوا بيشوفوا الجكس ... لو شافوا كان سوا شنووووووو؟؟؟؟
طبعا كان غلبهم النضم...و كان راح علينا كل هذا الغناء الجميل
غايتو لقيتك....
ياخى شكرا للطلة و المداخلة السمحة...
يديك العاافية...
Post: #20 Title: Re: انت صاحى ولا نايم..؟! Author: Hamid Elsawi Date: 05-13-2009, 06:43 AM Parent: #18
العزيز محمد عثمان التحية لك و لزوقك الرفيع و الراقي و انت تتحفنا بهذه الروائع التي لا أستطيع وصف وقعها علينا في غربة طال زمنها
انت حكمة من روائع الشاعر محمد علي عبد الله الامي و كنت قد وعدت ابنه ابراهيم المقيم معنا في مدينة كالقري مقاطعة البرتا - كندا - و عدته ان اكتب بوست كامل عن والده المحوم الامـــي تخليداً له و حفظاً لتراثه و قد قدم لي ابراهيم الكثير من المعلومات التي أعتقد انه من الواجب عرض ما تيسر لنا منها اجلالاً و احتراماً لما قدمه ذلك الجيل من فنون و ادب و ثقافة ما زالت تهز و جداننا و دواخلنا بعنف
محمد علي عبد الله الامي من مواليد حي الركابية بامدرمان عام 1908 و توفي عليه رحمة الله 1988 و من كلماته سألته عن فؤادي, عيون الصيد, اسمعني نشيدك و غني له بادي عليه الرحمة و أبدع ...
ما بخاف
ما بخاف من شئ برضي خابر المقدر لا بـــــد يكون ان اتاني الهم جيشه دافر يلقي يا خلاي صبري وافر يلقي عزمي التام ليه خافر و يلقي قلبي شجاع ما جبون
بالعداء معروف ما ببادر و ما بخون الجار ماني غادر و ما بقول للناس مثلي نادر بل بقول للخالق شئون
و له ايضاً شعر هزلي و قصائد طريفة و بها كثير من الدعابه و خفة الظل أتمني ان اجد وقت للكتابه عنها و هو يمت بصلة قرابة للمبدع خليل فرح عليه الرحمة
لك التحية محمد عثمان مرة أخري و اعذرني لعدم الكتابة في بوستاتك التي اتابعها و استمتع بها لضيق ذات الوقت
لك و لزوارك الود
Post: #25 Title: Re: انت صاحى ولا نايم..؟! Author: محمد عثمان Date: 05-15-2009, 09:17 PM Parent: #20
Quote: العزيز محمد عثمان التحية لك و لزوقك الرفيع و الراقي و انت تتحفنا بهذه الروائع التي لا أستطيع وصف وقعها علينا في غربة طال زمنها
انت حكمة من روائع الشاعر محمد علي عبد الله الامي و كنت قد وعدت ابنه ابراهيم المقيم معنا في مدينة كالقري مقاطعة البرتا - كندا - و عدته ان اكتب بوست كامل عن والده المحوم الامـــي تخليداً له و حفظاً لتراثه و قد قدم لي ابراهيم الكثير من المعلومات التي أعتقد انه من الواجب عرض ما تيسر لنا منها اجلالاً و احتراماً لما قدمه ذلك الجيل من فنون و ادب و ثقافة ما زالت تهز و جداننا و دواخلنا بعنف
محمد علي عبد الله الامي من مواليد حي الركابية بامدرمان عام 1908 و توفي عليه رحمة الله 1988 و من كلماته سألته عن فؤادي, عيون الصيد, اسمعني نشيدك و غني له بادي عليه الرحمة و أبدع ...
الحبيب حامد...
ياخى نأسف للرد المتاخر..و مشاكل فى الدخول للبورد
شكرا ليك كتير على المداخلة الثرّة و القيّمة و التى اثرت البوست كثيرا و اضافة فيه معلومات ذات فائدة كبيرة عن شاعر هذه الاغنية,,
لك كل الود و ربنا يديك العافية و يحفظك من كل شر...
Post: #23 Title: Re: انت صاحى ولا نايم..؟! Author: محمد عثمان Date: 05-13-2009, 09:45 PM Parent: #18
Quote: طالما الكودات دي ما شغالة انا حا اقعد ارازي من برة كدة زي مرازات لعبة الحبل دي
بكري اذاني ياخ ههههههههههههه
طارق يا حبيب..
زاد اذاى يا صااحى...
عاد نكلم منو..؟؟؟
تعال نعمل مذكرة شديدة اللهجة و نمضى فيها ناس الليل كلهم واحد و احد...
Post: #22 Title: Re: انت صاحى ولا نايم..؟! Author: محمد عثمان Date: 05-13-2009, 09:42 PM Parent: #17
Quote: لا والله صاحيييييين البنومنا شنو مع الفاليوم بتاعك ده ؟؟
كيفنك اخوي ودعثمان اليومين ديل شايفك بتمرق من الجراب
القديم ...شفت جنس الكلام ده اصلو ما بموت يفضل كده لامن
تقوم الساعة نلك ونلك ونجتر ويفضل حلو المذاق في اي
زمان واي مكان ,,,
الله يديك العافيه
الجميل عماد..
ياخى تسلم و انت المداوم على السهر معانا فى ساحات الغناء الجميل...
يديك العاافية و شكرا للطلة الوريفة...
Post: #21 Title: Re: انت صاحى ولا نايم..؟! Author: أبوذر بابكر Date: 05-13-2009, 06:56 AM Parent: #1
محمد عثمان
الزول النغم
كيف الحال
دى واحدة من إشراقات غنانا المفروض الناس يدرسو أداء "حاج طه" بادى محمد الطيب ليها
بادى سيد الطرب المتفرد وصاحب الصوت السماوى المافى زيه ابدا
وربنا تانى رحمنا بى ناس زى عاصم البنا وياسر تمتام والزول والله مطمئن جدا يا محمد إنه بلدنا أرض ولود وخصبة وكريمة ودائما بتطلع لينا ناس بجملو حياتنا ويسعدونا
والكلام للشاعر محمد عبد الله الشهير بالأمى
إنت حكمة إنت آية ولا إنسان إنت صاحى ولا نائم ولا طرفك من طبعه نعسان
دى اسئلة زى سفرجت ,, انا كل الثلاثة ديل رغما عن انف شيقوق.
Post: #28 Title: Re: انت صاحى ولا نايم..؟! Author: محمد عثمان Date: 05-20-2009, 10:16 PM Parent: #26
Quote: دى اسئلة زى سفرجت ,, انا كل الثلاثة ديل رغما عن انف شيقوق.
الاخ العزيز....عبدالعزيز الفاضلابى
هههههههههه
انف وثلاث عيون... والله فعلا ناس الحقيبة ديل مرات بيلفوا الراس..
صاحبك ود شيقوق داق ليهو وتد فى الخيمة البهناك..
تسلم يا حبيب...
Post: #27 Title: Re: انت صاحى ولا نايم..؟! Author: محمد عثمان Date: 05-20-2009, 10:12 PM
Quote: محمد عثمان
الزول النغم
كيف الحال
دى واحدة من إشراقات غنانا المفروض الناس يدرسو أداء "حاج طه" بادى محمد الطيب ليها
بادى سيد الطرب المتفرد وصاحب الصوت السماوى المافى زيه ابدا
وربنا تانى رحمنا بى ناس زى عاصم البنا وياسر تمتام والزول والله مطمئن جدا يا محمد إنه بلدنا أرض ولود وخصبة وكريمة ودائما بتطلع لينا ناس بجملو حياتنا ويسعدونا
والكلام للشاعر محمد عبد الله الشهير بالأمى
الزول الشفيف...أبوذر
تسلم يا حبيب و شكرا للاضافة الثرة و المداخلة القيّمة..
