ليه تقول ايااامنا راحت...؟!!

كل سنه و الجميع بخير
و عام سعيد علينا و عليكم..

و ليه تقول اياامنا راحت و انتهينا...؟!



ــــــــــــــــــ

ياسسسسسسسسلام يا محمد عثمان ياخي
دوزنت ايقاع الاشياء الاشتر بهذا اللحن العجيب
وكل التحية والتقدير يا زول يا رائع

Quote: ياسسسسسسسسلام يا محمد عثمان ياخي دوزنت ايقاع الاشياء الاشتر بهذا اللحن العجيب وكل التحية والتقدير يا زول يا رائع

الجميل عبد الكريم...

سلاام يا زول و كل سنه و انت طيب
و متابعنك من الحى اللاتينى...

تسلم يا حبيب و شكرا للطلة..

اللللللللللللللللللللللللللللللللللللللله يا ابو حميد ياخ
تعرف عوض صاحبي لو سمع الاغنية دي
بيرجع العمارات هسييييييييييييييييييييييييي

Quote: اللللللللللللللللللللللللللللللللللللللله يا ابو حميد ياخ تعرف عوض صاحبي لو سمع الاغنية دي بيرجع العمارات هسييييييييييييييييييييييييي

الحبيب طارق...

كيفك يا زول..؟؟

انت عارف التقول دعاك اشتغل فينى من دون
بورداب الخرطوم والله لا لميت هنا و لا هنااك
اخر لحظة الامور كلها جاطت و اطينت علينا..
تخيل كنت بنضم مع عماد عبد االه بالتلفون و اتفقنا
نتفابل فى حفلة مصطفى..و بعدها بقينا بره الشبكه تماما...

هسى كمان بورداب الخرطوم نصهم اتهكر يكون الدعا اتقلب هكر...

تسلم يا حبيب..و الغنية دى انا عارفها بت لزينه...
ما صاحبك براهو نحن زاتنا الله يستر علينا...

الي طارق جبريل
الي حين حضوره


وكل التحية يا محمد عثمان

Quote: الي طارق جبريل الي حين حضوره وكل التحية يا محمد عثمان

الاخ عبد الكريم..

مساء الخير..

و دى يا صاحبى نكشتها من وين..؟؟

نتمنى عودة الاخ طارق مع تمنياتنا له بدوام الصحة و العافية..

تسلم اخ عبد الكريم..

محمد عثمان

وانت عارف نظرتك كانت بداية

يا الله علي العراب


محمد رسل الرابط بتاع اغنية شهر في الماسنقر


ولو سمحت برضو اغنية الهاجر للشفيع بصوت زيدان

رسلها لي بالماسنقر

عندي فيهم غرض

Quote: و دى يا صاحبى نكشتها من وين..؟؟

تصدق وتامن يا محمد عثمان
اللابتوب فيهو فولدر كبير وعريض (اسمو محمد عثمان)
اغانيك يا محمد مختارة بعناية فائقة ومدهشة
لذا نحن نجد ليها بين الفولدرات مكانا ومساحة وزمن يوماتي...


وياخليل شوقتني لقرضك العاوز فيهو الاغاني القلتها دي
وعرفونا يا ابو الخل ياخ

Quote: وياخليل شوقتني لقرضك العاوز فيهو الاغاني القلتها دي وعرفونا يا ابو الخل ياخ

والله يا كيكي

في جكس في الفيس بوك عائز (عتالة)

Quote: محمد عثمان وانت عارف نظرتك كانت بداية يا الله علي العراب

حبيبنا خليل..

شكرا للطلة هنا و صاحبك عبد الكريم نكت البوست
و كلنا دايرين طارق جبريل المختفى
ربنا يرجعو بالسلااامة...

Quote: محمد رسل الرابط بتاع اغنية شهر في الماسنقر

دى ما عرفتها يا خليل...!!

Quote: ولو سمحت برضو اغنية الهاجر للشفيع بصوت زيدان رسلها لي بالماسنقر

دى ممكن تتلقى..

Quote: عندي فيهم غرض

عندك جنس افلااام و قصص..طبعا بعد ما سفت ردك لعبد الكريم..


تسلم...

ليه تقول أيامنا راحت وانتهينا
ياحبيبي ولا كانت ديك سحابة
لو حصل في العمر مرة وافترقنا
هي غلطة ونحن نتحمل عذابها
كنت عايش كل أيامك محنة
وانا بحرق كل عمري في الصبابة
ياحبيبي ليه حياتنا ما تبقى جنة
ننسى ظلم الدنيا ناخد من شبابها
نبعد الشك من قلوبنا والمظنة
نمشي في درب الأماني المستطابة
لست أدري هل عذابي أم عذابك كان أكثر
حين شق الدهر بينا والفراق المر أجبر
فلماذا كنت تخشى ماضي المسير
كل واحد ليهو في تاريخه ماضي
أي ماضي وليهو ذكرى حب قديمة
وأنت عارف لما أخترتك حبيبي
كان في قلبي جرح ينزف بالهزيمة
لكن إنت صرت أغلى حب عندي
وكنت راضي معاي بظروفي الأليمة
وكنت راضي بالشقا البتبع خطاي
والمآسي المرة في طفولتي اليتيمة
ليه ماتصبر ونتحمل يا حبيبي
بكرة تلقى الدنيا بي خيرها ونعيما

محمد عثمان
كالعاده نسجل توقيعا بالحضور فى حضرت بوستاتك استراحات الجمال


انعام نعناعة ازيك



هي غلطة ونحن نتحمل عذابها
كنت عايش كل أيامك محنة
وانا بحرق كل عمري في الصبابة

Quote: انعام نعناعة ازيك هي غلطة ونحن نتحمل عذابها كنت عايش كل أيامك محنة وانا بحرق كل عمري في الصبابة

نجمة يا نجمة إزيك


كل واحد ليهو في تاريخه ماضي
أي ماضي وليهو ذكرى حب قديمة
وأنت عارف لما أخترتك حبيبي
كان في قلبي جرح ينزف بالهزيمة
لكن إنت صرت أغلى حب عندي
وكنت راضي معاي بظروفي الأليمة
وكنت راضي بالشقا البتبع خطاي
والمآسي المرة في طفولتي اليتيمة

Quote: محمد عثمان كالعاده نسجل توقيعا بالحضور فى حضرت بوستاتك استراحات الجمال

نجمة..

و دايما تزدان البوستات بحضورك الجميل

يديك العاافية..

انعاام..

مساءك زين

شكرا على كلمات الاغنية التى كتبها بازرعة
و طرزها الفنان عثمان حسين بهذا اللحن الرائع..

كل الود..

لست أدري هل عذابي أم عذابك كان أكثر

Quote: ننسى ظلم الدنيا ناخد من شبابها نبعد الشك من قلوبنا والمظنة نمشي في درب الأماني المستطابة

محمد عثمان

ما اجملك

وكفى بالله عليك كفى

والله يسامحك

كن بخير

محممد عثمان

اغنية شهر العسل

حسين عثمان منصور

معليش كتبت الشهر ونسيت العسل (كلو من كيكي هيكل دها)

ياخي ما تشرح لينا في بوست منفصل كيفية تنزيل الاغاني وتحميلها

ما فهمنا حاجة من شرح بقال

Quote: محممد عثمان اغنية شهر العسل حسين عثمان منصور معليش كتبت الشهر ونسيت العسل (كلو من كيكي هيكل دها) ياخي ما تشرح لينا في بوست منفصل كيفية تنزيل الاغاني وتحميلها ما فهمنا حاجة من شرح بقال

خليل..

هههههه

خلاص عرفتها..لكن يا زول كيكى دا مالك عيهو..؟؟
ما تسوى الزول سبب سااكت..

موضوع تحميل الاغانى و تنزيلها الاخ معاوية كان عمل بوست
شامل و واضح جدا و مشروح بالصور و بالتفصيل الدقيق
بيكون موجود فى الارشيف..انا متاكد هذا البوست حيفيدك كتير
بحالو افتش عليهو فى الارشيف و اجيب ليك اللينك هنا
و برضو انت فتش معاى...و بالجد بوست قيّم جدا

شكرا ليك..

الجميل حاامد..

تسلم يا رفيق الغناء الراقى الجميل..

كل الود..

Quote: ليه تقول أيامنا راحت وانتهينا ياحبيبي ولا كانت ديك سحابة لو حصل في العمر مرة وافترقنا هي غلطة ونحن نتحمل عذابها كنت عايش كل أيامك محنة وانا بحرق كل عمري في الصبابة ياحبيبي ليه حياتنا ما تبقى جنة ننسى ظلم الدنيا ناخد من شبابها نبعد الشك من قلوبنا والمظنة نمشي في درب الأماني المستطابة لست أدري هل عذابي أم عذابك كان أكثر حين شق الدهر بينا والفراق المر أجبر فلماذا كنت تخشى ماضي المسير كل واحد ليهو في تاريخه ماضي أي ماضي وليهو ذكرى حب قديمة وأنت عارف لما أخترتك حبيبي كان في قلبي جرح ينزف بالهزيمة لكن إنت صرت أغلى حب عندي وكنت راضي معاي بظروفي الأليمة وكنت راضي بالشقا البتبع خطاي والمآسي المرة في طفولتي اليتيمة ليه ماتصبر ونتحمل يا حبيبي بكرة تلقى الدنيا بي خيرها ونعيما

اكرر لي بكرة

Quote: لست أدري هل عذابي أم عذابك كان أكثر حين شق الدهر بينا والفراق المر أجبر

ياخي لليلي ما ليلت
مالكم علينا تاني

طارق ازيك وجمعتك مباركة
انتو محمد عثمان دة غطس وين وخلانا مع البوستات الناشفة دى