Post: #1 Title: زاهي في خدرو ما تألم.... Author: محمد عثمان Date: 01-14-2009, 08:36 PM Parent: #0
زاهي في خدرو ما تكلم .. إلا يوم كلموا و تكلم حن قلبو و دمع سال .. هف بي الشوق قال و قال....
و دندنه..مع الجميل المعتق..!!!
Post: #2 Title: Re: زاهي في خدرو ما تألم.... Author: Rihab Khalifa Date: 01-14-2009, 08:39 PM
Quote: هف بي الشوق قال و قال....
وقال شنو؟ محمد عثمان ان شاء الله طيب
Post: #4 Title: Re: زاهي في خدرو ما تألم.... Author: محمد عثمان Date: 01-14-2009, 08:44 PM Parent: #2
Quote: وقال شنو؟ محمد عثمان ان شاء الله طيب
باهي كل ما قالو كلمة خت كلمة كالنبال لو تراهو .. في سماهو النور كساهو الجمال...
مش كفاية دا..
يا زوله الف حمد لله بالسلامة و كل سنه و انت طيبه....
Post: #3 Title: Re: زاهي في خدرو ما تألم.... Author: khaleel Date: 01-14-2009, 08:39 PM
قال ليهو القطر
تقدم كافرة نيرانو زي جهنم
الله عليك يا العميد
Post: #5 Title: Re: زاهي في خدرو ما تألم.... Author: هشام حسن Date: 01-14-2009, 08:46 PM Parent: #3
Quote: زاهي في خدرو ما تألم .. إلا يوم كلموا و تكلم حن قلبو و دمع سال .. هف بي الشوق قال و قااااااااااااااااال ***** باهي كل ما قالو كلمة .. خت كلمة كالنبال لو تراهو .. في سماهو .. النور كساهو الجمال كنت تعلم .. كيف جهنم .. تحرق الجنب الشماااااااااااااااااااااال .. الشمال *** قالوا ليهو القطر تقدم .. و كفرة نيرانا زي جهنم حن قلبو و دمعوا سال .. هف بي الشوق قال و قااااااااااال كلموه .. ألموه .. علموه الإنفعال .. أرخى سمعو .. و أجرى دمعوا البرق سمعو .. كال و هال كم تألم .. ما تكلم .. إلا تمتم في المقاااااااااااااااااااااااااااااال .. في المقال *** زي لسان الرضيع .. كليمو .. كلامو جوهر و سط بسيمو ياتو في الجوهر المقال .. هف بي الشوق قال و قااااااااااال إيدو عندم .. ريقو زمزم .. طهر مريم في المثااااااااااال .. في المثاااال *** صدرو رمان فيهو عايم .. و طرفو ساهي .. و حزامو خاتم و جسمو من نقش توبو شال .. هف بي الشوق قال و قاااااااااال قلبي دايرو .. كيف أسايروا .. في مسايرو نجمي ضال في عيونو .. و في سنونو .. و من فنونو المووووووووووت حلاااااااااااااااال .. الموت حلال
تعرف المشكله في الجنب الشماااال دا ذاااااااااااااااطو تسلم يا محمد عثمان ياخي.. تسلم
Post: #8 Title: Re: زاهي في خدرو ما تألم.... Author: محمد عثمان Date: 01-14-2009, 08:57 PM Parent: #5
Quote: تعرف المشكله في الجنب الشماااال دا ذاااااااااااااااطو تسلم يا محمد عثمان ياخي.. تسلم
مكان القلب...اخ هشام
تسلم يا حبيب و شكرا على كلمات الاغنية..
يديك العاافية...
Post: #16 Title: Re: زاهي في خدرو ما تألم.... Author: najma Date: 01-19-2009, 04:22 PM Parent: #5
هف بي الشوق قال و قاااااااااال قلبي دايرو .. كيف أسايروا .. في مسايرو نجمي ضال في عيونو .. و في سنونو .. و من فنونو المووووووووووت حلاااااااااااااااال .. الموت حلاااااااااااااااااال
______________
يامحمدعثمان يااخوى الرسول(ص) قال رفقا بالقوارير
وانت تعلم .. كيف جهنم .. تحرق الجنب الشماااااااااااااااااااااال .. الشمال
Post: #20 Title: Re: زاهي في خدرو ما تألم.... Author: محمد عثمان Date: 01-19-2009, 08:12 PM Parent: #16
صاحبة الرواائع...نجمة
شكرا لتزيينك البوست و ما بتجيكم عوجة تب...
كل الود...
Post: #6 Title: Re: زاهي في خدرو ما تألم.... Author: محمد عثمان Date: 01-14-2009, 08:48 PM Parent: #3
Quote: قال ليهو القطر
تقدم كافرة نيرانو زي جهنم
حن قلبو و دمعوا سال هف بي الشوق قال و قال كلموه .. ألموه .. علموه الإنفعال أرخى سمعو .. و أجرى دمعوا البرق سمعو .. كال و هال كم تألم .. ما تكلم .. إلا تمتم في المقال ..
تسلم يا خليل...
Post: #7 Title: Re: زاهي في خدرو ما تألم.... Author: Rihab Khalifa Date: 01-14-2009, 08:53 PM
Quote: مش كفاية دا..
لا
-------- البحر ما بيابا الزياده
Post: #9 Title: Re: زاهي في خدرو ما تألم.... Author: محمد عثمان Date: 01-14-2009, 09:06 PM Parent: #7
Quote: لا
-------- البحر ما بيابا الزياده
فمو خاتم.. ديمه كاشم... نور ينااعم فى هلال فى جبينو و فى عينو و فى سنونو الموت حلال..
تانى فضل شنو..؟؟؟
ـــــــــــــــ يا غرق و يا...
Post: #10 Title: Re: زاهي في خدرو ما تألم.... Author: Gaafar Ismail Date: 01-15-2009, 04:02 AM
الحبيب محمد عثمان كل سنة وانت والأسرة بخير وعافية يا ســلام عليك يا محمد عثمان وانت تنثر الجمال. الله ينصر دينك ويديك العافية.
تحياتي ومودتي
Post: #11 Title: Re: زاهي في خدرو ما تألم.... Author: Gaafar Ismail Date: 01-19-2009, 06:03 AM Parent: #10
معقول يا نـــاس هذا الطرب الجميل يمشي الصفحة الخامسة بسرعة البرق.!!
Post: #19 Title: Re: زاهي في خدرو ما تألم.... Author: محمد عثمان Date: 01-19-2009, 08:06 PM Parent: #10
Quote: الحبيب محمد عثمان كل سنة وانت والأسرة بخير وعافية يا ســلام عليك يا محمد عثمان وانت تنثر الجمال. الله ينصر دينك ويديك العافية.
تحياتي ومودتي
الزول الجميل جعفر...
يا زول تحياات كتار و فقدناك زمن طويل و ناسف للرد المتاخر..البوست طفش فتره و شكر ليك كتير على نكش البوست من جديد...
يديك العاافية...
Post: #12 Title: Re: زاهي في خدرو ما تألم.... Author: Tabaldina Date: 01-19-2009, 07:55 AM
.. .
باهي كل ما قالو كلمة..خّت كلمة كالنبال لو تراهو .. في سماهو .. النور كساهو الجمال كنت تعلم .. كيف جهنم.. تحرق الجنب الشــمـأل..
الا رحم الله عميد الفن السودانى احمد المصطفي بقدر ما اعطى وكا ابدع وما حركـ به دواخلنا ومشاعرنا ____________ زي لسان الرضيع كليمو .. كلامو جوهر و سط بسيمو ياتو في الجوهر المقال.. هف بي الشوق قال و قال قلبي دايرو كيف أسايروا في مسايرو نجمي ضال في عيونو.. و في سنونو.. ومن فنونو.. الموت حلال .. الموت حلال
Post: #13 Title: Re: زاهي في خدرو ما تألم.... Author: صلاح أبودية Date: 01-19-2009, 08:11 AM Parent: #12
كّلموه ..
أّلموه ..
عّلموه الإنفعال ..
أرخى سمعو ..
وأجرى دمعوا
البرق سمعو ..
كال و هال !!
Post: #25 Title: Re: زاهي في خدرو ما تألم.... Author: محمد عثمان Date: 01-19-2009, 08:33 PM Parent: #13
Quote: كّلموه ..
أّلموه ..
عّلموه الإنفعال ..
أرخى سمعو ..
وأجرى دمعوا
البرق سمعو ..
كال و هال !!
الاخ صلاااح..
تسلم يا حبيب
و شكرا على الطله..
يديك العاافية...
Post: #22 Title: Re: زاهي في خدرو ما تألم.... Author: محمد عثمان Date: 01-19-2009, 08:16 PM Parent: #12
Quote: الا رحم الله عميد الفن السودانى احمد المصطفي بقدر ما اعطى وكا ابدع وما حركـ به دواخلنا ومشاعرنا
تبلدينا...
كيفك يا زول يا زين..؟؟
تسلم يا حبيب على الطلة الانيقة و شكرا عى صورة الراحل احمد مصطفى و هى فعلا كان يحتاج لها هذا البوست,,,
يديك العاافية...
Post: #14 Title: Re: زاهي في خدرو ما تألم.... Author: طارق ميرغني Date: 01-19-2009, 08:22 AM
اخي محمد عثمان
من اروع ما غني احمد المسطفي
لم يذكر احد شيئ عن الشاعر وحسب ذاكرتي والتي ربما يكون اصابها بعض من الخراب انها من كلمات الصاغ محمود ابو بكر شاعر
"صه يا كنار ودع يمينك في يدي" "وايه يا مولاي ايه"
Post: #15 Title: Re: زاهي في خدرو ما تألم.... Author: محمد عكاشة Date: 01-19-2009, 08:25 AM Parent: #14
شكرا جميلا
Post: #17 Title: Re: زاهي في خدرو ما تألم.... Author: حامد محمد حامد Date: 01-19-2009, 07:42 PM Parent: #15
محمد عثمان يعطيك العافية والقوة
والف رحمة تنزل على المرحوم
محمد بالله ما تطول كتير
كن بخير
Post: #28 Title: Re: زاهي في خدرو ما تألم.... Author: محمد عثمان Date: 01-19-2009, 10:02 PM Parent: #17
تسلم اخ حامد
لينا كم يوم ما شايفنك هنا..
يديك العاافية...
Post: #27 Title: Re: زاهي في خدرو ما تألم.... Author: محمد عثمان Date: 01-19-2009, 08:54 PM Parent: #15
Quote: شكرا جميلا
الجميل محمد عكاشة..
و شكرا ليك على الطلة الوريفه..
يديك العاافية...
Post: #26 Title: Re: زاهي في خدرو ما تألم.... Author: محمد عثمان Date: 01-19-2009, 08:49 PM Parent: #14
Quote: اخي محمد عثمان
من اروع ما غني احمد المسطفي
لم يذكر احد شيئ عن الشاعر وحسب ذاكرتي والتي ربما يكون اصابها بعض من الخراب انها من كلمات الصاغ محمود ابو بكر شاعر
"صه يا كنار ودع يمينك في يدي" "وايه يا مولاي ايه"
الاخ طارق...
لك التحية و التقدير
نزلت انا مداخلة تحكى عن قصة هذه الاغنية و عن سيرة هذا الشاعر العظيم الذى لو لم يكتب غير صه يا كنار لكفاهو...
كل الود...
Post: #18 Title: Re: زاهي في خدرو ما تألم.... Author: تماضر الخنساء حمزه Date: 01-19-2009, 07:54 PM
Post: #23 Title: Re: زاهي في خدرو ما تألم.... Author: Yassir Bainwi Date: 01-19-2009, 08:20 PM Parent: #18
محمد عثمان يديك العافية ما بالغت معانا ياخ
Quote: في عيونو .. و في سنونو .. و من فنونو المووووووووووت حلاااااااااااااااال .. الموت حلاااااااااااااااااال
انت ما قالوا ليكنحن اليومين ديل مشوكشين شوية
خالص الود
Post: #35 Title: Re: زاهي في خدرو ما تألم.... Author: محمد عثمان Date: 01-20-2009, 08:59 PM Parent: #23
Quote: انت ما قالوا ليكنحن اليومين ديل مشوكشين شوية
خالص الود
الاخ ياسر...
هههههههه
الضربات القويه تهشم الرجاج و لكنها تقوى الحديد...و انتو حديد يا زول
تسلم يا حبيب..و شكرا للطلة
Post: #29 Title: Re: زاهي في خدرو ما تألم.... Author: محمد عثمان Date: 01-19-2009, 10:06 PM Parent: #18
باهي كل ماقالو كلمة خت كلمة كالنبال لو تراهو في سماهو النور كساهو الجمال...
شكرا تماااضر....
Post: #21 Title: Re: زاهي في خدرو ما تألم.... Author: ASHRAF TAHA Date: 01-19-2009, 08:16 PM
زاهي في خدرو ما تألم إلا يوم كلم وتكلم حنّ قلبو ودمعو سال هف بي شوق قال وقال باهي كل ماقالو كلمة خت كلمة كالنبال لو تراهو في سماهو النور كساهو الجمال كنت تعلم كيف جهنم تحرق الجنبة الشمال قالوا ليهو القطر تقدم .. و كفرة نيرانا زي جهنم حن قلبو و دمعوا سال .. هف بي الشوق قال و قال كلموه .. ألموه .. علموه الإنفعال .. أرخى سمعو .. و أجرى دمعوا البرق سمعو .. قالو و هال كم تألم .. ما تكلم .. إلا تمتم في المقاال زي لسان الرضيع .. قديمو .. كلام مجوهر و سط بسيمو ياتو في الجوهر المقال .. هف بي الشوق قال و قاال فمو خاتم.. ديمه كاشم... نور يناعم فى هلال فى جبينو و فى عينو و فى سنونو الموت حلال صدرو رمان فيهو عايم .. و طرفو ساهي .. و حزامو خاتم و جسمو من نقش توبو شال .. هف بي الشوق قال و قال قلبي دايرو ! كيف أسايرو ..؟ في مسايرو نجمي ضال إيدو عندم .. ريقو زمزم .. طهر مريم في المثال
--------------------------------- خدر يا خضر
Post: #37 Title: Re: زاهي في خدرو ما تألم.... Author: محمد عثمان Date: 01-20-2009, 09:02 PM Parent: #21
Quote: كلام مجوهر و سط بسيمو ياتو في الجوهر المقال ..
تسلم اخ اشرف
و شكرا على الحضور الجميل و شكرا على كلمات الاغنية..
يديك العاافية...
Post: #24 Title: Re: زاهي في خدرو ما تألم.... Author: محمد عثمان Date: 01-19-2009, 08:30 PM
و مداخله دسمه منقولة من الحوش البهناك:
داخل خِدر( فاطمة مدني)
(محمود أبوبكر) رجل يحمل عدة رجال في رجل واحد
الإستغراق .. التفكير .. البقاء .. الأثر .. صور من الأمس نكاد نشتم عبقها الطيب عبر كلمات ومعاني تتحرك بين ظهرانينا نهيم حباً ووجداً بها ..آثار ذلك الماضي في المباني والأحياء العتيقة التي تكمل في خيالنا زهو الماضي الجميل ونحن نقتفي آثار معاصريه من رواه وأبطاله ... الوقت أصيل .. تعسجدت أطراف السماء فتخضب لون الأفق بلون ذهبي فكان لنا موعداَ داخل الخِدر الذي غنى له الفنان أحمد المصطفى بأغنية ( زاهي في خدره ) و إحتمت به المؤرخة : فاطمة مدني وزوجة المرحوم الصاغ محمود أبوبكر.... بين قسمات ممعنة في الجمال وتقاطيع تتسامى في إختراق نبضات الزمن الجميل لأجمل قصة حب في زمن الحرب وأوتار أيامٍ ماضية تعزف أجمل مقطوعة في الحرب العالمية الثانية لتحكي بحميمة العلاقة بينها وتلك الأيام التي تسربت خلسةٍ فإنطرحت أساريرها وهي تحكي لنا عن أمسها الجميل إبتدرت قائلة كان يناديني هنداً ويخاطبني به في كل القصائد فناداني قائلاً أناديك هند في القريض وزينب ولعلني بخفاء أسمك أشجع وايضاً قال في أغنية أيه يامولاي للمرحوم خضر بشير وإذا البان تثنى وإذا البلبل غنى فأعلمى ياهند إنا نكتم الحب ونفني أعشق الطبع العليا فيك ياأخت الثريا لم يكن طبعك الإ عند من كان نبيا
وهي التي غنى لها : أحمد المصطفى زاهي في خدره ماتألم الإ يوم كلموه تكلم
هف بي الشوق قال وقال قالوا القطر تقدم وكفرة نيرانا زي جهنم حن قلبوا ودمعه سال
وعندما سألتها عن مناسبة تلك الأغنية أجابتني بكل بلاغة ( يابتي الغنية دي مناسبته في بطنه ) كيف لا وهي خريجة مدرسة الرهبات الكاثوليك ومعلمة وقاصة ولها العديد من المؤلفات ولها كتاب ( لمحات من الأدب الغنائي الشعبي) وكانت تقيم ندوات يومين من كل أسبوع بمنزلها لمعظم فناني وشعراء الحقيبة أسرته من أعيان قبيلة الحلنقة بكسلا والدته شلالية ووالده البكباشى أبوبكر حسن بحكم منصبه في العديد من الولايات مماأكسبه نظرة عميقة وتجارب واسعة ...وفي مدينة بور الجميلة 1908م ، كانت صرخات مولود الفرح القادم من أنهار الخلود نقشاً على جدار الوطنية .... أبيه ضابطاً حربياً برتبة (يوزباش ) وهي تمثل منصب مأمور مركز وبعد ذلك درس بمدرسة عطبرة الأمريكية ثم الأبيض الأميرية والأميرية الوسطى في حلفا وأكمل تعليمه الثانوي بكلية غردون العليا متخرجاً بإمتياز في قسم الكتبة وعندما بلغ الأربعة عشر عاماً أتخذه مدير قسم عموم إدارة السكة حديد سكرتيراً خاصاً لمراسلاته السرية وكل هذا كان قبل 1933م وفي سنة 1935م فتحت أبواب السماء ودارت رحى الحرب فاستنهضته نفسه بأداء واجب العروبة فأستقال من منصبه والتحق بالجيش 1937م وتخرج برتبة ملازم ثان فكان يتدرب بعزيمة ماضية ولهفة حتى يلقى أخوانه بأرض النزال إذ كانت الحرب العالمية قد شارفت على نهاياتها وفعلاً تم ماتمنى فأشترك في حملات شمال أفريقيا في واحة كفرة الليبية ضد الطليان وفي حملات ساحل أفريقيا بموقعة السيد ( المقروم ) . تضيف إبنته د. رجاء الأستاذة بجامعة أمدرمان الأهلية :وفي ضاحية من ضواحي الإسكندرية إشتعلت أشهر معارك الحرب العالمية الثانية بمنطقة العلمين و شمس الصباح تلج في عيد الأضحى هو بعيد عن دياره وبنته الكبرى قد أكلمت عامها الأول ولم يراها فكانت كلماته بلسماً للجراح في نفسه التي شاقها الفراق وتربصها شبح الموت في خطوط القتال، فقال فيها ياهلالاً بالعامرية هلا تعب القلب من عسى ولعلا دلني وجهك المضل فؤادي وسحه السمع كم أضل فدلا كل يوم أعيش في الأمس حتى لاأرى اليوم غير ماكان قبلا فقد كان خيالها يتغير تارة بعد أخرى وهو في قمة الوجد والحزن على وطنٍ ترنيمته أصوات البنادق وصورة طفلته تداعب خياله وعند إستقالته من منصبه ونزوعه نحو العسكرية مازحه كعادته صديقه المحامي ( عُقيل أحمد عقيل) فرد عليه بقصيدة " صه ياكنار" التي أصبحت شعاراً لمؤتمر الخريجين وهي القصيدة التي هزت أرجاء الضمائر الوطنية وأوقظت الحس الوطني فكانت كلماتها نصلاً حاداً على خاصرة الإستعمار ولازال صداها حتى اليوم يؤرق النفوس ويدعوها لحادي الجهاد ولحنها كان ثمرة صدفة جمعته بالموسيقار إسماعيل عبد المعين بقاطرة حلفا في منتصف الأربعينات وهو عائد من جبهة الشرق صه ياكنار وضع يمينك في يدي ودع المزاح لذي الطلاقة والرد صه غير مأمور وهات هواتنا كالأرجوانة وايل غير مصفد فإذا صغرت فكن وضيئاً نيراً مثل اليراعة في الظلام الأسود فأبذل حياتك غير مغلول اليد
ــــــــــــــــ
Post: #30 Title: Re: زاهي في خدرو ما تألم.... Author: Gaafar Ismail Date: 01-20-2009, 04:17 AM Parent: #24
Quote: وفي مدينة بور الجميلة 1908م ، كانت صرخات مولود الفرح
مدينة بور الجميلة الوادعة التي تقع على ضفاف النيل الأبيض تبعد حوالي 200 كيلو جنوب ملكال وحوالي مائة كيلو شمال جوبا.تم تخطيطها تخطيطا رائعا فشوارعها طولية وعرضية وأحيائها موزعة أيضا بطريقة هندسية منسقة. ففي أقصى جنوب المدينة يقع منزل مفتش المركز بحديقته الرائعة، ويقع شرق هذا المنزل سكن حكليمباشي المستشفى .ويقع جنوبه مكاتب المركز ( مكتب المفتش والمأمور وضابط الشرطة والصراف والكتبة والسجن ومكتب البريد) والميناء النهري . وشرق مباني المركز يقع سكن موظفي المركز ومدرسة بور الوسطى وميدان الكرة والمطار والمدرسة الأولية ومستشفى بور الذي تم تشييده وتزويده بأحدث الأجهزة في ذلك الوقت . وفي أقصى الجنوب يقع السوق وسكن التجار والملكية ومدرسة بور الصغرى . ويقع المسجد شرق السوق داخل حديقة جميلة مساحتها حوالي 3000 متر مربع.وفي الضفة الغربية للنيل تقع جناين الحكومة والمرحوم الحاج بلال عبد الله والمرحوم الحاج دوكة فضل المولى والعامرة بشتى أنواع الفواكه والخضروات. عاش سكان مدينة بور حياة هادئة آمنة ولم يطالها حادث التمرد عام 1955 الذي عم معظم مدن الجنوب . ومن بور أيضا انطلق تمرد الحركة الشعبية عام 1983م . في هذه المدينة الرائعة وفي نفس المنزل الذي وُلد فيه شاعرنا الملهم محمود أبوبكر ، الذي أثرى وجداننا بشعره الرقيق ، كان ميلادي في منتصف أربعينات القرن الماضي . اللهم أرحم محمود أبوبكر وأسكنه الفردوس الأعلى مع الصديقين والشهداء والأبرار وحسن أولئك رفيقا وبارك في ذريته وأنعم على الحاجة فاطمة مدني ، زوجته الوفية ، موفور الصحة والعافية وطول العمر
Post: #39 Title: Re: زاهي في خدرو ما تألم.... Author: محمد عثمان Date: 01-20-2009, 09:27 PM Parent: #30
الحبيب جعفر..
شكرا للسرد التاريخى الذى يحكى عن منطقة جميلة و عن تاريخ شاعر ضخم بحجم صه يا كنار التى خلدت فى وجدان الجميع و اصبحت واحدة من الرموز الوطنية و التى يحفظها الجميع عن ظهر قلب..
نتمنى ان يعم السلاام ربوع البلاد و تعود لهذه المناطق الجميلة ايامها الزاهية و هى من خرج منها افذاذ مثل الملهم محمود ابو بكر..
لك التحية...
Post: #38 Title: Re: زاهي في خدرو ما تألم.... Author: محمد عثمان Date: 01-20-2009, 09:10 PM Parent: #24
و مواصله للسيرة الفوق... مع الشكر الجزيل للاخت اياات...
تمضي زوجته قائلة : كان متأثراً بالمعارك التي خاضها وله ديوان شعر صدر في 1961م ( أكواب بابل من ألسنة البلابل ) يزخر بالعديد من القيم والشعر الوطني وتتميز كلمات بالقوة إضافة إلى ذلك كان كاتباً مسرحياً مميزاً ومن إحدى أعماله (أميرة البحرين )و( أميرة فرنسا ) التي كتبت في ذكرى الكاتب وليم شكسبير وقد فازت بالجائزة الأولى وتبرع بقيمتها لإتحاد الكتاب العرب بجانب ذلك كان عازفاً ماهراً للعديد من الآلآت مثل الكمان والعود والبيانو إضافةً إلى أنه يجيد الرسم وذو صوت عذب وقد كان معجباُ بشعب عمر المختار الذي قضى معه نحو سبع سنوات وتنبأ له بالرئيس القذافي حين قال : يامختار قد خلقت مجداً صفي القلب وضاح المحيا ماخذلوك لكن الليالي هتكن القوس وإعتدن الرميا كأن بالزمان وقد ترائ وأنشأ بينهم رجلاً فتيا يرفع راية ويعز مجداً تخضر الوهاد به مليا يعمر غامر الصحراء نوراً ويروي جدبها خصباً وريا وعندما إستبعد أصحابه فكرة تطور الشعب الليبي من حياة البداوة رد عليهم: ومن قسمت له الأيام حظاً سيجد في البئر إن هبطت ثريا ومضت قائلة لي من الأبناء حسن وآمال أبوبكر كوثر وأجمل ماختمت به قولها وهي تصفه إنه كان يحمل عدة رجال في رجل واحد.
ــــــــــــــــــــ
Post: #31 Title: Re: زاهي في خدرو ما تألم.... Author: Gaafar Ismail Date: 01-20-2009, 08:07 AM
والله يا امحمد اخوى ود المرتضى مشغول شغلة ما قادر يحك راسو والله تشفق عليهو من كثرة الزحمة
صحيح تواري الاخ مرتضى عن المنبر توارى معه الكثير الممتع من نظم الحروف بازهى صورها البلاغية من حسن تعليل وطباق وجناس وتوريات بعييدة تشهق قبل ان تصل محطات غاياتها.
Post: #52 Title: Re: زاهي في خدرو ما تألم.... Author: محمد عثمان Date: 01-22-2009, 09:08 PM Parent: #46
شكرا الاخ الكيك للاضافة
و فعلا فيديو تاريخى للراحل احمد المصطفى..
يديك العاافية...
Post: #48 Title: Re: زاهي في خدرو ما تألم.... Author: saadeldin abdelrahman Date: 01-21-2009, 06:58 AM
انت شفت حاجة يا هندسة؟ ..كدي اسأل الحاج دا عن حفلة الراحل أحمد في جامعة الخرطوم و جلوسه معهم على النجيلة.
Post: #49 Title: Re: زاهي في خدرو ما تألم.... Author: انعام عبد الحفيظ Date: 01-21-2009, 09:40 AM
حن قلبو و دمعوا سال .. هف بي الشوق قال و قال كلموه .. ألموه .. علموه الإنفعال .. أرخى سمعو .. و أجرى دمعوا البرق سمعو .. قالو و هال كم تألم .. ما تكلم .. إلا تمتم في المقاال
دي يا محمد طلعتها من وين ؟؟؟
غايتو جرابك دا فيهو العجائب!!!
Post: #51 Title: Re: زاهي في خدرو ما تألم.... Author: الكيك Date: 01-21-2009, 07:31 PM Parent: #49
Post: #53 Title: Re: زاهي في خدرو ما تألم.... Author: محمد عثمان Date: 01-22-2009, 10:38 PM Parent: #49
Quote: حن قلبو و دمعوا سال .. هف بي الشوق قال و قال كلموه .. ألموه .. علموه الإنفعال .. أرخى سمعو .. و أجرى دمعوا البرق سمعو .. قالو و هال كم تألم .. ما تكلم .. إلا تمتم في المقاال
دي يا محمد طلعتها من وين ؟؟؟
غايتو جرابك دا فيهو العجائب!!!
شكرا انعاام...
و دى اغنية فرضت نفسها و كان لابد ان تشاركونا الاستماع اليها...
كل الود...
Post: #54 Title: Re: زاهي في خدرو ما تألم.... Author: saadeldin abdelrahman Date: 01-23-2009, 10:43 AM
يا اخوانا في معلومة بتقول إنه المرحوم محمود ابوبكر هو نفسه شاعر: أنا امدرمان سلوا النيلين عني و عن عزمات فتاي عند التجني.. رأيكم ايه?
Post: #59 Title: Re: زاهي في خدرو ما تألم.... Author: Gaafar Ismail Date: 01-23-2009, 04:35 PM Parent: #54
إبني الحبيب أبو السعود أنا أم درمان من كلمات الشاعر الرقيق المشهور المغفور له عبد المنعم عبد الحي . غنى له أحمد المصطفي وآخرون أغنيات كثيرة:
أنا أم درمان كلمات الشاعر عبد المنعم عبدالحي أنا أمدرمان تأمل في ربوعي أنا السودان تمثل في نجوعي أنا أبن الشمال سكنت قلبي على إبن الجنوب ضميت ضلوعي **** أنا أم درمان سلوا النيلين عني وعن عزمات فتاي عند التجني فخير بنيك يا سودان مني سلوا الحادي سلوا الشادي المغني أنا أم درمان إذا ما قلت أعني فما نيل المطالب بالتمني تجيش النفس بالآمال لكن هذا لما لا تدعني *** أنا ام درمان مضى أمسي بنحسي غدا وفتاي يحطم قيد حبسي واخرج للملأ في ثوب عرسي وابسم بعدما قد طال عبسي واهتف والورى يعرف حسي فيا سودان إذ ما النفس هانت اقدم للفدا روحي بنفسي
Post: #61 Title: Re: زاهي في خدرو ما تألم.... Author: محمد عثمان Date: 01-23-2009, 08:43 PM Parent: #59
الجميل جعفر..
شكرا على المعلومة و على القصيدة الخالده الشاعر عبد المنعم عبد الحى شاعر ضخم و له الكثير من الاعمال الغنائية الجميلة مع مختلف الفناين من جيل الرواد نحتاج ان نحكى عنه فى بوست منفصل..
تسلم...
Post: #60 Title: Re: زاهي في خدرو ما تألم.... Author: محمد عثمان Date: 01-23-2009, 08:34 PM Parent: #54
Quote: يا اخوانا في معلومة بتقول إنه المرحوم محمود ابوبكر هو نفسه شاعر: أنا امدرمان سلوا النيلين عني و عن عزمات فتاي عند التجني.. رأيكم ايه?
اها يا ابو السعود حبيبنا جعفر جاب المعلومة كاملة فى المداخلة التحت..
الشاعر عبد المنعم عبد الحى كتاب كبير نتمنى ان نجد فرصة لنستعرض اغنياته و تاريخه الطويل فى دنيا الفن السودانى..
شكرا ليك...
Post: #55 Title: Re: زاهي في خدرو ما تألم.... Author: ناهد بشير الطيب Date: 01-23-2009, 12:18 PM
محمد عثمان ازيك ياخى والله لو ماانت البورد ده ماينقعد ابدا ازيك يارحاب ويييينك محمدعثمان اخونا عماد عثمان وهو من خارج البورد لكن حقيقة ... احق منا فى الدخول وهو موثق من الدرجة الاولى وله الكثير من الصور القديمة النادرة والكلمات الجميلة التى كتبها او كتبت فى كل رموز المجتمع وابت نفسه الا ان يتحف بوست زاهى خدره بصورتين الشاعر محمود ابوبكر وفى الاولى صورة الشاعر مع اخوه احمد ...وقبل ذلك يغريك كثير السلام
Post: #62 Title: Re: زاهي في خدرو ما تألم.... Author: محمد عثمان Date: 01-23-2009, 08:52 PM Parent: #55
Quote: محمد عثمان ازيك ياخى والله لو ماانت البورد ده ماينقعد ابدا ازيك يارحاب ويييينك محمدعثمان اخونا عماد عثمان وهو من خارج البورد لكن حقيقة ... احق منا فى الدخول وهو موثق من الدرجة الاولى وله الكثير من الصور القديمة النادرة والكلمات الجميلة التى كتبها او كتبت فى كل رموز المجتمع وابت نفسه الا ان يتحف بوست زاهى خدره بصورتين الشاعر محمود ابوبكر وفى الاولى صورة الشاعر مع اخوه احمد ...وقبل ذلك يغريك كثير السلام
الجميلة نااهد..
غايتو ما عارف اشكرك كيف..؟؟ ياخى انتى عملتى لينا اضاافة كبيرة فى هذا البوست بهذه الصور النادرة و حقيقة لم لكن اتخيل ان ارى صورة الشاعر الضخم محمود ابو بكر فى هذا البوست شكرا ليك كتير جدا..جدا و الزول الاسمو عماد نرجو ان تبلغيه تحايانا و شكرنا الجزيل ليهو والله ما قصر معانا كلو و واضح من كلامك انه مستودع لتاريخ جميل و كم نتمنى ان يلحقنا بالبودر حتى نستفيد منه فى التوثيق لافذاذ يجب ان يعرفهم الجيل الحالى..
نبصم معاك بالعشرة و نثنى ايضا و نهبش ليك بكرى برضو لو عملتى ليهو بوست لطلب عضوية فى هذا البورد...
تحيااتى...
Post: #67 Title: Re: زاهي في خدرو ما تألم.... Author: ناهد بشير الطيب Date: 01-23-2009, 09:16 PM Parent: #62
محمد عثمان
فى بوست مفتوح الان ...فاتحه عبدالكريم احمد الامين اسمه (يابكرى عماد عثمان ............)المهم راجعه وبرضو كتر خيرك يدك معانا ....
____________________________
محمد مامستنياك يعنى تورينى ....
Post: #69 Title: Re: زاهي في خدرو ما تألم.... Author: محمد عثمان Date: 01-23-2009, 10:04 PM Parent: #67
Quote: محمد عثمان
فى بوست مفتوح الان ...فاتحه عبدالكريم احمد الامين اسمه (يابكرى عماد عثمان ............)المهم راجعه وبرضو كتر خيرك يدك معانا ....
____________________________
محمد مامستنياك يعنى تورينى ....
ناهد..
ما شفت البوست دا...من دربى دا و بمشى عليهو
ـــــــــــــــــــــــ
راجع ليك.. الشبكة عندى ما مئة المئة...
Post: #56 Title: Re: زاهي في خدرو ما تألم.... Author: Alsa7afa_30 Date: 01-23-2009, 12:24 PM
قلبي دايرو .. كيف أسايروا .. في مسايرو نجمي ضال ..
تسلم يا جميل ..
Post: #57 Title: Re: زاهي في خدرو ما تألم.... Author: نادية عثمان Date: 01-23-2009, 12:54 PM Parent: #56
ياسلاااااااام ياخ !!
ماسامعة حاجة ! ( وش طرشان) !
Post: #68 Title: Re: زاهي في خدرو ما تألم.... Author: محمد عثمان Date: 01-23-2009, 10:01 PM Parent: #57
Post: #65 Title: Re: زاهي في خدرو ما تألم.... Author: محمد عثمان Date: 01-23-2009, 08:59 PM Parent: #56
Quote: قلبي دايرو .. كيف أسايروا .. في مسايرو نجمي ضال ..
تسلم يا جميل ..
الحبيب الصحافة..
شكرا على الطلة
تسلم...
Post: #58 Title: Re: زاهي في خدرو ما تألم.... Author: ناهد بشير الطيب Date: 01-23-2009, 02:08 PM
الشاعر محمود ابو بكر
Post: #63 Title: Re: زاهي في خدرو ما تألم.... Author: Rihab Khalifa Date: 01-23-2009, 08:53 PM
Quote: ازيك يارحاب ويييينك
كيفك يا ناهد، قاعده بس نزلت الشغل الصور جميله ومعبره, شكرا.
Post: #64 Title: Re: زاهي في خدرو ما تألم.... Author: فتحي الصديق Date: 01-23-2009, 08:54 PM
Quote: في مسايرو نجمي ضال
اّّّمنت بالبلاغة
Post: #66 Title: Re: زاهي في خدرو ما تألم.... Author: كمال علي الزين Date: 01-23-2009, 09:06 PM Parent: #64
(*)
Post: #71 Title: Re: زاهي في خدرو ما تألم.... Author: محمد عثمان Date: 01-23-2009, 10:09 PM Parent: #66
كمال...
اخباارك..؟؟
تسلم يا حبيب..
Post: #70 Title: Re: زاهي في خدرو ما تألم.... Author: محمد عثمان Date: 01-23-2009, 10:06 PM Parent: #64
Quote: اّّّمنت بالبلاغة
تسلم اخ فتحى..
شكرا على الطلة..
Post: #72 Title: Re: زاهي في خدرو ما تألم.... Author: saadeldin abdelrahman Date: 01-23-2009, 10:15 PM
يا ناهد.. العسكري اب رحط فينا شنو :)
Post: #73 Title: Re: زاهي في خدرو ما تألم.... Author: منصوري Date: 01-24-2009, 05:06 AM
محمد عثمان تسلم لايزال فنانى المفضل أحمد المصطفى العميد... بالرغم من الهيصة الفنية الحاصلة الآن أدب وقار جمال..الحان كلمات عشق الفن.. ( قشيش بنات) زي ما تقول لهجة المناصير.. زول مكمل يعني بعدين موش كافرة نيرانو زي جهنم كفرة..نيرانا زي جهنم كفرة المدينة المصرية المعروفة الجماعة ديل كانوا كلهم في مصر والعميد قضى هناك فترة العميد كان هناك فنان قايم الأركان.. ولايزال عبد الحليم حافظ يحبو.. وصبوحة تفتش في الرزق.. وكان مفروض العميد هناك يشتهر أكثر منهم.. لكن ياهو.. حالتنا نحن السودانين.. في صورة تذكارية مع العميد جاب صبوحة السودان ولبست التوب السوداني رقصت بيهو.. الفن تعبير جميل لإبراز قيم الجمال.. فى العربية شرايط أحمد المصطفي والبيت والشغل والموبايل أتصيد أخبار أحمد المصطفى في أي جهة رحمه الله
Post: #74 Title: Re: زاهي في خدرو ما تألم.... Author: محمد عثمان Date: 02-03-2009, 07:19 AM Parent: #73
شكلو الهكر مسح الكثير من المداخلات و الردود و الصور فى هذا البوست....!!!
الاخت ناهد...
الرجاء انزال صور الشاعر الراحل مره اخرى..
لك التحية...
Post: #75 Title: Re: زاهي في خدرو ما تألم.... Author: najma Date: 02-16-2009, 05:34 PM Parent: #74
هف بي الشوق قال و قال....
محمد يسعد مساك
سماع دور تالت
Post: #76 Title: Re: زاهي في خدرو ما تألم.... Author: محمد عثمان Date: 03-09-2009, 12:11 PM Parent: #75
Quote: هف بي الشوق قال و قال....
محمد يسعد مساك
سماع دور تالت
سلااام نجمه
ناسف البوست طشا مع زحمة الهكر و الكثير من المداخلات هنا ايضا اختفت..
لك التحية و التقدير..
Post: #77 Title: Re: زاهي في خدرو ما تألم.... Author: محمد حيدر المشرف Date: 03-09-2009, 06:50 PM Parent: #76
*
... يا الله
.. جسمو من نقش توبو شال
.. زى لسان الرضيع قديمو
.. نور وناعم فى هلال
..
طهر مريم فى المثال
بالغتو
Post: #78 Title: Re: زاهي في خدرو ما تألم.... Author: محمد عثمان Date: 03-11-2009, 11:00 AM Parent: #77
Quote: يا الله
.. جسمو من نقش توبو شال
.. زى لسان الرضيع قديمو
.. نور وناعم فى هلال
..
طهر مريم فى المثال
بالغتو
تسلم اخ محمد حيدر
شكرا للطلة الوريفة...
Post: #79 Title: Re: زاهي في خدرو ما تألم.... Author: محمد المرتضى حامد Date: 03-12-2009, 00:09 AM Parent: #78
زي لسان الرضيع .. كليمو .. كلامو جوهر و سط بسيمو
محمد عثمان ، أنا كنت وين لما عملتو الكلام دا؟ ياخ مش كان تناغمني؟ لامِّي الناس السمحين ديل من يناير وانا غايب؟ الله يسامحك؟
Post: #80 Title: Re: زاهي في خدرو ما تألم.... Author: saadeldin abdelrahman Date: 03-12-2009, 01:31 AM Parent: #79
كنت بسأل نفسي، المرتضى دا ما خندق معانا هنا مالو؟ حباب مناديلك المطرزة يا مولانا.
Post: #81 Title: Re: زاهي في خدرو ما تألم.... Author: Gaafar Ismail Date: 03-13-2009, 08:09 AM Parent: #80
قلبي دايرو ! كيف أسايرو ..؟ في مسايرو نجمي ضال إيدو عندم .. ريقو زمزم .. طهر مريم في المثال
Post: #82 Title: Re: زاهي في خدرو ما تألم.... Author: محمد عثمان Date: 03-13-2009, 08:05 PM Parent: #79
محمد عثمان ، أنا كنت وين لما عملتو الكلام دا؟ ياخ مش كان تناغمني؟ لامِّي الناس السمحين ديل من يناير وانا غايب؟ الله يسامحك؟
ود المرتضى...
ياخى نحن زاتنا كنا مشغولين معاك بالزول السمح
انت عارف..الحاجة البتزعل الزول انو البوست كان مليان مداخلات دسمة من اخوان كرام هنا و ايضا صور للشاعر نزلتها اختنا ناهد كلها راحت مع الهكر يعنى الزول دا روح علينا حاجات جميلة كانت فى البوست دا و كلها راحت فى حق الله بعض من هذه المواد موجودة معاى بحاول اعادة كتابتها هنا و الباقى غايتو الا ننتظر الاخوان و الاخوات المرو من هنا...
تسلم يا حبيب...
Post: #83 Title: Re: زاهي في خدرو ما تألم.... Author: هاشم أحمد خلف الله Date: 03-14-2009, 10:55 AM
والله أيام يا هندسة ليك وحشة قوية والله تسلم على الطرب الجميل .
