ما تشيل مع الحنيه هم...و تخاف من الايام تدور

ما تشيل مع الحنيه هم...و تخاف من الايام تدور


11-16-2008, 07:35 PM


  » http://sudaneseonline.com/cgi-bin/sdb/2bb.cgi?seq=msg&board=394&msg=1252472059&rn=5

Post: #1
Title: ما تشيل مع الحنيه هم...و تخاف من الايام تدور
Author: محمد عثمان
Date: 11-16-2008, 07:35 PM
Parent: #0

و تخاف يغيرنى الزمن
و اعبر بدون عينيك بحور
انا روح بتعرف عزتك
زيك كمان صادق شعور
و انا بيك منور دنيتى
زى ليلة هالى عليها نور...!!




ــــــــــــــــــ
Post: #2
Title: Re: ما تشيل مع الحنيه هم...و تخاف من الايام تدور
Author: Osama Mohammed
Date: 11-16-2008, 09:02 PM
Parent: #1

يا باش مهندس ...

مساء الخير ...

الغنية دي كان عندنا واحد صاحبناربنا يطراهو بالخير ... كلما ما واحدة تديهو شاكوش ... يكتبها ليها في جواب ( ويبخ ) ريحة في الظرف ويديهو ليها .... لمن حفظنا ليها ...

لكن بالجد ...مبدع ... يا باشمهندس وربنا يخليك لينا ....
الشاعر بتاعها ... هل هو المرحوم عثمان خالد ؟ ولا تشابه علينا الابداع .....

لك التحية

مودتي
اسامة
Post: #4
Title: Re: ما تشيل مع الحنيه هم...و تخاف من الايام تدور
Author: محمد عثمان
Date: 11-17-2008, 08:38 AM
Parent: #2

الاخ اساامة...

سلاااام

و كيف ناس لا لا عااملين...؟؟!!

بدينا بوست الفنان عبد الرحمن عبد الله و كنت منتظر منك
الكثير لكن الهكر و ما ادراك ما الهكر فكان ان ذهب البوست
فى مهب الريح...!! حتما سنعود ببوست اخر لهذا الفنان القامة..

خليتنى ليه عشت شقا...اغنية من اياام الزمن الجميل اجترتها
لحظات عابرة مرت سريعا...
كتب الاغنية الشااعر عبد الرحمن مكاوى وفعلا عناك تشابه كبير
فى مفردة هذا الشاعر مع الشاعر عثمان خالد..
الاغنية لحنها الملحن القامة ناجى القدس و هو الذى ترك لنا اعمال رائعة
و خالدة فى الوجدان قبل ان يرحل راجعا الى وطنه...
و تبقى الساقية و حبيت عشانك كسلا تحكى عن قدراته اللحنية الرهيبة..

شكرا اخ اسامة...
Post: #3
Title: Re: ما تشيل مع الحنيه هم...و تخاف من الايام تدور
Author: ناهد بشير الطيب
Date: 11-16-2008, 11:16 PM
Parent: #1

Quote:

زيك كمان صادق شعور



وانا زيك كمان صادق شعور ....
وماتشيل مع الحنية هم ...





_______________________

ازيك يامحمد هثمان خبارك...
نعلك طيب ...
عندنا بوست حايم دايرلو غنية كدى
من عندك ...(بوست تقيل مابعرفك حتخت ليه شنو

مخييييييير) على قول بتى (اتصرف)
Post: #8
Title: Re: ما تشيل مع الحنيه هم...و تخاف من الايام تدور
Author: محمد عثمان
Date: 11-18-2008, 07:27 AM
Parent: #3

الاستاذه ناهد...

حضورك دايما له مذاق خااص
شكرا ليك كتير و ربنا يجعلك كل اياامك محنه..

الاخبار تماام التماام و طيبين و لامين..

فتشت على البوست ما قدرت اجمّع..ما عرفتو ياتو..؟؟
شايف اكتر من بوست حايم...

بعدين قلتى لى عمو كيف..؟؟؟
يكون دا..؟؟!

شكرا للطلة..و ربنا يديك العافية
و يحفظك من كل شر...
Post: #5
Title: Re: ما تشيل مع الحنيه هم...و تخاف من الايام تدور
Author: Alsa7afa_30
Date: 11-17-2008, 11:56 AM
Parent: #1

من أجمل ما غنى حمد الريـح ..



يديك العافية ..
Post: #10
Title: Re: ما تشيل مع الحنيه هم...و تخاف من الايام تدور
Author: محمد عثمان
Date: 11-22-2008, 06:52 AM

الجميل الصحاافة..

شكرا لحضورك هنا...

لك التحية...
Post: #6
Title: Re: ما تشيل مع الحنيه هم...و تخاف من الايام تدور
Author: najma
Date: 11-17-2008, 12:43 PM
Parent: #1

الليلة جيت شااااااايل الفرح قصدك تعوضنى اللفااااااات

اديتنى حنية عيووووووون مالقيته فى اقرب صلاااااوات

اديتنى احساس بعمر حاضنو الربيع ونسايمو جاااااات

يوم كنا فى جلستنا ديك نحكى ونعيد الزكريااااااات

ماتشيل مع الحنية هم وتخااااااف من الايااااام تدور


و تخااااااف يغيرنى الزمن و اعبر بدون عينيك بحور

________

يديديك يديك الفى مرادك يا محمد عثمان يااخوي
Post: #11
Title: Re: ما تشيل مع الحنيه هم...و تخاف من الايام تدور
Author: محمد عثمان
Date: 11-22-2008, 07:00 AM
Parent: #6

najma

و نجمه..نجمة..

شكرا للطلة البهية
و يديك انتى ايضا الفى مرادك..

كل الود..
Post: #7
Title: Re: ما تشيل مع الحنيه هم...و تخاف من الايام تدور
Author: انعام عبد الحفيظ
Date: 11-17-2008, 03:37 PM
Parent: #1

خليتني ليه عشت الشقا قبال أعرفك من زمان

كم مره لاقيتك انا لمحتّ ليك بالريد كمان

من بدري ليه ما قلت لي انا قلبي ليك ديار حنان

وبالريد كمان صارحتني وكان متوهني الزمان

الليلة جيت شايل الفرح قصدك تعوضنى اللي فات

أديتنى حنية عيون مالقيتها فى اقرب صلات

أديتنى احساس بعمر حاضنو الربيع ونسايمو جات

يوم كنا فى جلستنا ديك نحكى ونعيد الزكريات

ماتشيل مع الحنية هم وتخاف من الايام تدور

وتخاف يغيرنى الزمن واعبر بدون عينيك بحور

انا روح بتعرف عزتك زيك كمان صادق شعور

وانا بيك منور دنيتى زى ليلة هالي عليها نور
Post: #12
Title: Re: ما تشيل مع الحنيه هم...و تخاف من الايام تدور
Author: محمد عثمان
Date: 11-22-2008, 07:26 AM
Parent: #7

انعاام...

و كالعادة انتى دايما حااضرة فى واحات الطرب الجميل

شكرا ليك و شكرا لاضاافة كلمات الاغنية هنا...

مودتى...
Post: #9
Title: Re: ما تشيل مع الحنيه هم...و تخاف من الايام تدور
Author: بكري الصايغ
Date: 11-22-2008, 02:07 AM
Parent: #1

الأخ الـحـبيب الـحـبوب،
مـحـمد عـثمان،

الـتحية والسلام لشخـصـك الرائع،

ومـررت للتـحـية والـمجامـلة...
والشكـر علي مـجـهوداتك الـمقدرة فـي زرع الأفراح والبهـجة والـمسـرات بالـمنبـر العام،

ولك مـودتي.
Post: #13
Title: Re: ما تشيل مع الحنيه هم...و تخاف من الايام تدور
Author: محمد عثمان
Date: 11-22-2008, 07:31 AM
Parent: #9

حبيبنا بكرى..

شكرا كتير و انت تعيد لنا هذا البوست
للواجهة مرة اخرى...

يديك العاافية و متابعين معااك فى كل الاخبار
التى تجعلنا up to date فيما يدور فى الساحة
السياسية فى البلد...

كل الود...
Post: #14
Title: Re: ما تشيل مع الحنيه هم...و تخاف من الايام تدور
Author: بكري الصايغ
Date: 12-19-2008, 10:26 PM
Parent: #1

استاذ مـحـمد عـثمان،

*** - اللـه يـديك العافية وانت بتـزرع الافـراح والبـهـجـة والـمسـرات بالـمنـبـر العام،

*** - مـجـهوداتك واللـه واللـه مـقدرة وفـوق العيـن والرأس،

*** - واصـل ياأمـيـر الطـرب،
لك مـودتي.
Post: #15
Title: Re: ما تشيل مع الحنيه هم...و تخاف من الايام تدور
Author: طارق جبريل
Date: 12-20-2008, 01:11 AM
Parent: #1

اندراشي جد
Post: #16
Title: Re: ما تشيل مع الحنيه هم...و تخاف من الايام تدور
Author: بكري الصايغ
Date: 12-20-2008, 01:46 AM
Parent: #1

الأخ الـحبيب الـحـبوب،
مـحـمد عـثمان،

تـحياتي ومـودتي لشـخـصك الـمقدر،

*** - قلت لنفسـي ليه دائـمآ مـحمد عـثمان يـهدينا الأفراح والـمسرات ومافي زول يـديه هـدية?، لـذلك قررت اهـديك الأغنية دي امـلآ وان تـحوز علي رضـاك!!

*** - لك مودتي مع باقة زهور تفوح ياسـميـن.

اسـم الاغنية: شـجـن.
اسـم الفنان: الراحـل عـثمان حـسـيـن.
الـمصـدر : الاذاعـة السـودانية.

<a href="http://www.sudaneseonline.com/cgi-bin/sdb/2bb.cgi?seq=post&board=180&msg=1226860524&rn=1[/B" target=_self>ما تشيل مع الحنيه هم...و تخاف من الايام تدور]
Post: #17
Title: Re: ما تشيل مع الحنيه هم...و تخاف من الايام تدور
Author: بكري الصايغ
Date: 12-20-2008, 01:55 AM
Parent: #16

http://www.sudanradio.info/arabic/modules/debaser/genre...nreid=30&start=15[/B]
Post: #22
Title: Re: ما تشيل مع الحنيه هم...و تخاف من الايام تدور
Author: محمد عثمان
Date: 12-23-2008, 00:33 AM
Parent: #17

شكرا اخ بكرى

و هديه مقبولة منك يا حبيب...
Post: #18
Title: Re: ما تشيل مع الحنيه هم...و تخاف من الايام تدور
Author: هاشم أحمد خلف الله
Date: 12-20-2008, 07:11 AM
Parent: #1

آهـ وتاني آهـ يا هندسة
شوية علينا الله يرحم والديك
Post: #19
Title: Re: ما تشيل مع الحنيه هم...و تخاف من الايام تدور
Author: حامد محمد حامد
Date: 12-20-2008, 01:40 PM
Parent: #18

اوووووه محمد عثمان

انا البخاف بغبرنى الزمن وارجع اقول يا ريت زمن

كلمات ولحن وتجلى وكلهم قامات

بالمناسبة ناجى القدس رجع تانى السودان

لكن الزمن ترك فيه علامات كبيرة

ربنا يحفظك ويحفظ الجميع بالخير

وكن دوما للابداع رائده

شكرا محمد
Post: #20
Title: Re: ما تشيل مع الحنيه هم...و تخاف من الايام تدور
Author: najma
Date: 12-21-2008, 04:03 PM
Parent: #19

up

اعاده سماع دور تانى وبجى تالت مره غاشيةالبوست

محمدعثمان مساء سعيد
______

يااخوانا خلو البوست ده فوق قدر ماتقدرو الاغانى الحلوة دى مابتتلقى بالساهل
Post: #21
Title: Re: ما تشيل مع الحنيه هم...و تخاف من الايام تدور
Author: حامد محمد حامد
Date: 12-21-2008, 04:45 PM
Parent: #20

UP
Post: #25
Title: Re: ما تشيل مع الحنيه هم...و تخاف من الايام تدور
Author: محمد عثمان
Date: 12-23-2008, 00:42 AM
Parent: #20

p
Quote:
اعاده سماع دور تانى وبجى تالت مره غاشيةالبوست

محمدعثمان مساء سعيد
______



نجمه.. يا صديقة الغناء الجميل..

شكرا ليك و يسلم ذوقك الرفيع

و كل سنة و انت طيبة..


كل الود...
Post: #24
Title: Re: ما تشيل مع الحنيه هم...و تخاف من الايام تدور
Author: محمد عثمان
Date: 12-23-2008, 00:39 AM
Parent: #19

Quote: اوووووه محمد عثمان

انا البخاف بغبرنى الزمن وارجع اقول يا ريت زمن

كلمات ولحن وتجلى وكلهم قامات

بالمناسبة ناجى القدس رجع تانى السودان

لكن الزمن ترك فيه علامات كبيرة

ربنا يحفظك ويحفظ الجميع بالخير

وكن دوما للابداع رائده


الاخ حامد...

تحياات

اجمل خبر رجوع الملحن المقتدر ناجى القدس
فهو قامة لحنية كبيرة و كنز من الابدااع نتمنى ان
يجد الجو الملائم و الاصوات الواعده و التى يستطيع
من خلالها ان يقدم اعماله...

شكرا ليك..و حضور جميل
Post: #23
Title: Re: ما تشيل مع الحنيه هم...و تخاف من الايام تدور
Author: محمد عثمان
Date: 12-23-2008, 00:35 AM
Parent: #18

تسلم اخ هاشم

و كل سنة و انت طيب...
Post: #26
Title: Re: ما تشيل مع الحنيه هم...و تخاف من الايام تدور
Author: ماجدة عوض خوجلى
Date: 12-23-2008, 02:27 AM
Parent: #1

الليلة جيت شايل الفرح قصدك تعوضنى اللي فات
أديتنى حنية عيون مالقيتها فى اقرب صـــلات
أديتنى احساس بعمر حاضنو الربيع ونسايمو جات
محمـدعثمــان الله يخليــك لينــا
تســلم يارب كتير انت ...
Post: #27
Title: Re: ما تشيل مع الحنيه هم...و تخاف من الايام تدور
Author: محمد عثمان
Date: 12-23-2008, 08:32 PM
Parent: #26

Quote: الليلة جيت شايل الفرح قصدك تعوضنى اللي فات
أديتنى حنية عيون مالقيتها فى اقرب صـــلات
أديتنى احساس بعمر حاضنو الربيع ونسايمو جات
محمـدعثمــان الله يخليــك لينــا
تســلم يارب كتير انت ...


ماجده..

كل سنة و انت طيب
و امنياات بعاام سعيد...

الف حمد لله بسلامة الجمااعه و كنا حضورا هناك
و طقينا الحنك مع الحاجة...

شكرا لحضورك الرااقى الانيق...

يديك العاافية...
Post: #28
Title: Re: ما تشيل مع الحنيه هم...و تخاف من الايام تدور
Author: ناهد بشير الطيب
Date: 12-23-2008, 11:05 PM
Parent: #1

Quote: قلت لنفسـي ليه دائـمآ مـحمد عـثمان يـهدينا الأفراح والـمسرات ومافي زول يـديه هـدية?، لـذلك قررت اهـديك الأغنية دي امـلآ وان تـحوز علي رضـاك!!



ياسلاااااااام على الذوق
وانا كمان بهديك الاغنية دى
نيابة عن اخوى محمد عثمان ..



___________________________________

محمد اخوى
كتر لاخونا بكرى الصايغ الكتير والكتير من الاغانى
واهديها ليه بالجد والله ...