Post: #1 Title: مختاراات... Author: محمد عثمان Date: 06-30-2008, 10:55 PM Parent: #0
محاولة ليس الا....!!
حلفت ما اغني قطعت وتر الحب لكني جيت بالليل مهووس وغنيتها..
عاطف خيرى/سيف الجامعة
وصتني وصيتها
ـــــــــــــــــــــ
Post: #2 Title: Re: مختاراات... Author: محمد عثمان Date: 06-30-2008, 11:20 PM Parent: #1
وصتني وصيتها .. قالت لي اترجل خليك في الواقع .. أصله الفراق واقع كان ترضى كان تزعل في الساعة ديك حسيت مذبوح وبمنجل .. حاربت رد الشوق لكنه كان ارجل .. يا شوقي يا مشتاق بالله قوم ارحل
وصتني وصيتها .. حاولت أنساها في شعري حسيتها وحلفت ما اغني قطعت وتر الحب .. لكني جيت بالليل مهووس وغنيتها يا انتي .. يا الوقعتي ايقاع الفصول .. يا انتي يا الدوزنتي انشاد المطر يا انتي يا بعض الامانى يا انتي يا كل الخطر منك وليك اين المفر ؟؟؟؟
كانت معاي واقفة زي منتهى الاصرار .. كان لا بسها الفستان مشحونة بالاسرار كانت عيون البيت المنفى والاسوار
يا طيبتها .. من نفسي شالت ذرة الشر دستها و في شنطتها تسكن ملايين المناخات العجيبة في وطن اسمه البساطة ميلت بندول وقفت عديل نخلة .. لما الطرب جاها هب الضحك رقص في حقلها البندول حتى النسيم كورك يا ضحكتها ..
تسكب لبن ابيض لون الضمير والحق الريقو كان ناشف في اللحظة ديك دفق وجات الكنايس لي اهدتني قدسية وجات الجوامع صر اهدتني منبر وتوب و عكاز و طااقية .. وكان مهرجان شعبي زي كل خلق الله .. زي كل ناس الله من قلبي حبيتها ....وصتني وصيتها
ـــــــــــــــــــــــــــــ
Post: #3 Title: Re: مختاراات... Author: انعام عبد الحفيظ Date: 07-02-2008, 09:43 PM Parent: #2
Quote: وصتني وصيتها .. حاولت أنساها في شعري حسيتها وحلفت ما اغني قطعت وتر الحب .. لكني جيت بالليل مهووس وغنيتها يا انتي .. يا الوقعتي ايقاع الفصول .. يا انتي يا الدوزنتي انشاد المطر يا انتي يا بعض الامانى يا انتي يا كل الخطر منك وليك اين المفر ؟؟؟؟
Quote: يا طيبتها .. من نفسي شالت ذرة الشر دستها و في شنطتها تسكن ملايين المناخات العجيبة في وطن اسمه البساطة ميلت بندول وقفت عديل نخلة .. لما الطرب جاها هب الضحك رقص في حقلها البندول حتى النسيم كورك يا ضحكتها ..
تسكب لبن ابيض لون الضمير والحق الريقو كان ناشف في اللحظة ديك دفق وجات الكنايس لي اهدتني قدسية وجات الجوامع صر اهدتني منبر وتوب و عكاز و طااقية .. وكان مهرجان شعبي زي كل خلق الله .. زي كل ناس الله من قلبي حبيتها ....وصتني وصيتها
يا طيبتها واصل الكلمة يا (حلمتها ) والحلمة معروفة لكن لان الغناء يعانى من المسكوتات فتم بحضور عاطف واتفاقه مع سيف ان تتحور الكلمة الى طيبتها فهل تسكب الطيبة الا الطيبة ؟ لكن (الحلمة) تسكب لبن ابيض كنا يومئذ فى القاهرة كان عاطف عائدا من مغامرة فى ليبيا والتقينا على ضفة الغناء الذى كان سيده سيف الجامعة حينها لعاطف كل الحب ولسيف كل المحبة ايضا ولك صديقنا الفنان محمد عثمان دوام الحب للاخرين
Post: #12 Title: Re: مختاراات... Author: محمد عثمان Date: 07-04-2008, 09:51 PM Parent: #9
الجميلة سلمى...
توقعت حضورك هنا و ذلك لارتباطك الوثيق مع هذا الثنائى المبدع و هذا واضح من خلال كتاباتك التى اتابعها دايما سوى ان كانت هنا او فى اى محفل اعلامى اخر...
شكرا لسرد حكاية الاغنية و التغيير الذى طرا عليها فى الكلمة التى ذكرتيها و انا شخصيا بقول الحمد لله تم التغيير و الا الجماعة هنا كان لحّقوها لينا القبلة السكرى و اخواتها...
شكرا ليك مرة تانية اخت سلمى و دايما مداخلاتك ما تثرى اى بوست تداخلين فيه..
يديك العاافية...
Post: #11 Title: Re: مختاراات... Author: محمد عثمان Date: 07-04-2008, 09:44 PM Parent: #8
الاخ اسامة..
و لك انت ايضا التحية و التقدير و انت الحااضر دايما فى ساحات النغم و الطرب الجميل و خليك قريب,,,