يا سلام يا محمد عثمان يااخي يا سلام شجن اغنية ملانة شجن والاسطوري ابوعفان سكب فيها فن ودهشة حقيقية وتسلم يا محمد عثمان ياخي
Post: #6 Title: Re: شجن..!! Author: محمد عثمان Date: 04-08-2008, 10:23 PM Parent: #3
تسلم اخ عبد الكريم الفنان القامة عثمان حسين شكل وجداننا بالجميل من الاغنيات التى خلدت نفسها فى ساحة الغناء السودانى..
شكرا لحضورك الجميل..
مودتى...
Post: #5 Title: Re: شجن..!! Author: انعام عبد الحفيظ Date: 04-08-2008, 10:18 PM Parent: #1
لى متين يلازمك في هواك مر الشجـن ويطول بايامك سهر ويطول عـذاب يا قلبـــى لوكانت محبتــــه بالثمـن يكفيك هدرت عمر حرقت عليه شباب لكن هواه أكبر وما كــــان ليه ثمـن والحسرة ما بتنفع ومــــا بجدى العتاب أحســـــن تخليـــه لـــى الليالى والزمـن يمكن يحس ضميره ويهديه لــــى الصـواب لكني أخشى عليه مــــن غـــدر الليــالـى وأخشى الامانى تشيب وعشّنا يبقى خالـى وهو لسه في نضارة حسنه فى عمر الدوالـى ما حصل فارق عيونى لحظة او بارح خيالـى اغفـــر لــه يا حنيــِّن وجــاوز لـــو ظلم ما اصلها الأيام مظالم والعمــر غمضة ثواني واصبر على جرحك وإن طــــال الألـم بى جراحنا بى أشواقنا بنضوى الزمن انا عارفه بكره بيعود فى رعشـــة ندم ننسى الحصل بيناتنا والسهر اللى كان تصبح حياتنا نغم وعشنــــا يبتسـم وتعود مراكب ريدنا لـــــى بر الأمان
Post: #9 Title: Re: شجن..!! Author: محمد عثمان Date: 04-09-2008, 08:36 PM Parent: #5
وهل يكون نتاج لقاء العمالقة إلا كل جميل ومتفرد.. حسين بازرعة وعثمان حسين... و....شجن
والعارفو بكرة يعووووووووووود في لحظة ندم ننسي الحصل بيناااااااااتنا والسهر الكان تصبح حياتنا نغم...وعشنا يبتسم وتعود مراااااكب ريدنا.... لي بر الأمااااان... اللللله عليك
مودتي
Post: #11 Title: Re: شجن..!! Author: محمد عثمان Date: 04-10-2008, 05:40 AM Parent: #8
Quote: وهل يكون نتاج لقاء العمالقة إلا كل جميل ومتفرد.. حسين بازرعة وعثمان حسين... و....شجن
الجميلة..نهى..
حضور دايم فى واحاات الطرب و الغناء الراقى.. شجن من الاغنيات المعتقة و الخالدة فى وجدان الجميع و نحن لا نملك الا لنهرب الى مثل هذه الاغانى علها تشفى قليل من غليل..
شكرا للطلة البهية..
مودتى..
Post: #12 Title: Re: شجن..!! Author: هند محمد Date: 04-10-2008, 08:14 AM Parent: #1
الاغنية دى بالذات ليها صدى وايقاع فى نفوس كتير من الناس تعرف تحس مساحة الصدق فى كلماتها متفردة العزيز محمد شكرا على مساحة الشجن والصدق والصباح الجميل ويديك الف عافية انت واصحاب هذا العمل الجميل
Post: #13 Title: Re: شجن..!! Author: محمد عثمان Date: 04-10-2008, 04:17 PM Parent: #12
Quote: الاغنية دى بالذات ليها صدى وايقاع فى نفوس كتير من الناس تعرف تحس مساحة الصدق فى كلماتها متفردة العزيز محمد شكرا على مساحة الشجن والصدق والصباح الجميل ويديك الف عافية انت واصحاب هذا العمل الجميل
هند...
اغنيات الفنان القامة عثمان حسين كبسوله من المعاانى و الذكرياات و ظلااال لزمن جميل.. نحن نحتااجها دايما و لا نمل سمااعها و كم من لحظة تستدعى لك اغنية معينة و الحال ياهو زاتو الحال...
شكرا للمرور الجميل...
Post: #14 Title: Re: شجن..!! Author: محمد عثمان Date: 04-26-2008, 11:38 PM Parent: #1
وهو لسه في نضارة حسنه فى عمر الدوالى ما حصل فارق عيونى لحظة او بارح خيالى....!
Post: #15 Title: Re: شجن..!! Author: هاشم أحمد خلف الله Date: 04-27-2008, 06:54 AM Parent: #14
Quote: لى متين يلازمك في هواك مر الشجـن ويطول بايامك سهر ويطول عـذاب يا قلبـــى لوكانت محبتــــه بالثمـن يكفيك هدرت عمر حرقت عليه شباب لكن هواه أكبر وما كــــان ليه ثمـن والحسرة ما بتنفع ومــــا بجدى العتاب
يا ربي شوف بالله الكلام ده طالع من وين ؟؟؟؟
الوجيه صاحب الذوق والفهم ولدنا محمد عثمان دائماً جميل ودائماً متآلق مشكور علي الأغنية المعجزة
Post: #17 Title: Re: شجن..!! Author: محمد عثمان Date: 04-27-2008, 11:29 PM Parent: #15
الشفيف هااشم الحااضر دايما فى دوحة النغم و الغناء الراقى الجميل..
Post: #18 Title: Re: شجن..!! Author: محمد عثمان Date: 04-27-2008, 11:31 PM Parent: #16
صااحبة الجمال سلمى..
حضورك دايما يسعدنا
و شكرا لصورة العملاق عثمان حسين..
مودتى...
Post: #19 Title: Re: شجن..!! Author: انعام عبد الحفيظ Date: 06-05-2008, 03:28 PM Parent: #1
اغفـــر لــه يا حنيــِّن وجــاوز لـــو ظلم ما اصلها الأيام مظالم والعمــر غمضة ثواني واصبر على جرحك وإن طــــال الألـم بى جراحنا بى أشواقنا بنضوى الزمن انا عارفه بكره بيعود فى رعشـــة ندم ننسى الحصل بيناتنا والسهر اللى كان تصبح حياتنا نغم وعشنــــا يبتسـم وتعود مراكب ريدنا لـــــى بر الأمان
إنّا لله وإنّا إليه راجعون اللهم أرحم عُثمان حسين وأسكنه فسيح جنّاتك اللهم باعد بين عثمان حسين وبين خطاياه كما باعدت بين المشرق والمغرب اللهم نقّ عثمان حسين من الخطايا والذّنوب كما يُنَقّىَ الثّوب الأبيض من الدّنس اللهم أغسل عثمان حسين بالثلج والماء والبرد اللهم أبدل عثمان حسين داراً خيراً من داره وأهلاً خيراً من أهله اللهم أجمعنا وعثمان حسين في مستقرّ رحمتك اللهم إنّا نسألك بإسمك الأعظم أن توسّع مدخل عثمان حسين اللهم آنس في القبر وحشة عثمان حسين اللهم ثبّت عثمان حسين عند السُّؤال اللهم لقّن عثمان حسين حجّته اللهم باعد القبر عن جنبات عثمان حسين اللهم أكف عثمان حسين فتنة القبر اللهم أكف عثمان حسين ضمّة القبر اللهم أجعل قبر عثمان حسين روضةً من رياض الجّنّة ولا تجعله حفرة من حفر النار اللهم إن كان أبو عفّان محسناً فزد في إحسانه ، وإن كان مسيئاً فتجاوز عن سيّئاته اللهم ألحق عثمان حسين بالشُّهداء اللهم أفتح على عثمان حسين نافذة من الجّنّة وأجعل قبره روضةً من رياضها
Post: #21 Title: Re: شجن..!! Author: محمد عثمان Date: 06-07-2008, 08:14 PM Parent: #20
خليتنا فى غاية الالم
الرحمة و المغفرة للفنان عثمان حسين و لاحوله و لا قوة الا بالله العلى العظيم و انا لله و انا اليه راجعون البركة فى اهله و ذويه و التعازى موصوله لكل قبيلة الفن و جميع افراد الشعب السودانى...
هلا يا محمد عثمان وكل التعازي والاسي والحزن علي رحيل هذا الصوت القابع بقوة في نواة الوجدان ورحل عنا وخلانا للايام نفترش الحزن ولكن عزوانا بان خوالده ودرره ستبقي في مسامنا تلهمنا سيرة الجمال والفن الجميل وكل الحزن العميق يا محمد والتعازي لكل هذا الشعب الطيب
