Post: #13 Title: Re: يعاتب يوم...و يرجع يوم..!! Author: هند محمد Date: 05-28-2008, 09:12 PM Parent: #1
الكلمات كلها حنية
دائما تتحفنا بالجمال استاذ محمد
يسلم كل احساسك راقى وجميل وتسلم
Post: #14 Title: Re: يعاتب يوم...و يرجع يوم..!! Author: محمد عثمان Date: 05-30-2008, 06:23 PM Parent: #13
الشفيفة هند..
شكرا كتير و لك كل المنى...
مودتى..
Post: #15 Title: Re: يعاتب يوم...و يرجع يوم..!! Author: انعام عبد الحفيظ Date: 06-03-2008, 10:30 PM Parent: #1
ونسأل عنو كان طوّل
وما هاميهو كان غبنا
Post: #16 Title: Re: يعاتب يوم...و يرجع يوم..!! Author: سلمى الشيخ سلامة Date: 06-04-2008, 00:49 AM Parent: #15
ونسال عنه كان طول هو ابراهيم حسين فنان لدرجة انك تنسى الى اى الاصوات ينتمى هل هو كروان ؟ام نسمة ؟ ام بلبل ؟ لاتعرف لفرط ان الغناء يدخلك جميعك حين تعلقنا باستار غنائه كنا صبايا بعد كان يغنى فى حفلات نادى العباسية حيث عاش ردحا من الزمان ومنذ الطفولة التصق صوته بلهاة القلب واللسان فلم يعد مجرد فنان بل تعدى ذلك ليكون احد ملامح المدينة (العباسية ) لكم احب صوته فى كل اغنية له مذاق وفى اى لحن له ترتيب خاص شكرا لك محمد لانك تلهبنا بكل هذا الشجن
Post: #17 Title: Re: يعاتب يوم...و يرجع يوم..!! Author: Sabah Hussein Date: 06-04-2008, 01:16 AM Parent: #16
Quote: ترمينا للأيام حنانك يا معذبنا
.
يرضو .
مافى طريقه غير الرمى دا؟
شوفوا لينا حاجه تانيه. انشاء الله بونيه.
Post: #18 Title: Re: يعاتب يوم...و يرجع يوم..!! Author: محمد خليل ساني Date: 06-04-2008, 01:38 AM Parent: #17
بدل ما نحنا بنعاتب بنفرح يوم يعاتبنا ونسأل عنو كان طول وما هاميهو كان غبنا حرام ترمينا للأيام حنانك يا معذبنا
العزيز محمد عثمان ،،،
تسلم على الأغنية الحلوة الراقية ،،، إختيار ولا أحلى من رجل فنان و راقي ،،، من زمان كنا منتظرين الحاجات الإبداع دي ،،، والحمدلله إنتظارنا ما طوّل ،،،
مع عظيم تقديري ومحبتي.
Post: #23 Title: Re: يعاتب يوم...و يرجع يوم..!! Author: محمد عثمان Date: 06-04-2008, 07:53 PM Parent: #18
الحبيب محمد خليل صااحب الصور الجميلة للمشاهير..و صاحب الرحلة الماكوكية للثغر الحبيب,,,
تسلم يا جميل على حضورك الجميل فى واحة ابناء الشرق كجراى و ابراهيم حسين.. و ما تنسى تبدا تسلم لينا و انت داخل بورتسودان من هوشيرى و حتى البر الشرقى بهناااك و ما تنسى المخبازة عند هارون..
يديك العاافية...
Post: #21 Title: Re: يعاتب يوم...و يرجع يوم..!! Author: محمد عثمان Date: 06-04-2008, 06:27 PM Parent: #17
Quote: يرضو .
مافى طريقه غير الرمى دا؟
شوفوا لينا حاجه تانيه. انشاء الله بونيه
.
صبااااح...
سلاااام و ديل ما برااهم ترباس برضو عندو رمانى لغدر الزمن و الزمن زمن كارتيه..حليل زمن البونية..!!
يديك العاافية..و شكرا للطلة مع الرمى الحايم اليومين ديل,,
Post: #20 Title: Re: يعاتب يوم...و يرجع يوم..!! Author: محمد عثمان Date: 06-04-2008, 09:12 AM Parent: #16
الجميلة سلمى...
حى العبااسية هذا الحى الذى خرج منه الكثير من المبدعين فى مختلف ضروب الفن و الريااضة...الحى العريق المعتق الذى تخرج منه دايما رائحة البهجة و الطرب..
كنت اشااهد كثيرا الفنان ابراهيم حسين هناك هذا الفنان الذى ارتبطت اغنيااته فى اذهااننا باياام جميلة فى مرحلة الصبا البااكر حيث كنا نردد دايما مع سااعة الغروب مشيت اسال عليكم و نجمة نجمة الليل نعدو السنين يا حليلنا عدو و كانت اغنيااته على لسان البنات فى حفلات الاعراس مع الدلوكة واغنية كجراى الاخرى قالوا الزمن دوار يا بسمة النوار كانت حااضرة دايما.. و اااه يا زمن....
شكرا سلمى و دايما مداخلاتك تعطر المكان برائحة الزمن الجميل و هى ترحل بنا فى تناغم بديع الى اياام كاانت جميلة..
مودتى...
ـــــــــــــــــــــ
Post: #19 Title: Re: يعاتب يوم...و يرجع يوم..!! Author: محمد عثمان Date: 06-04-2008, 09:01 AM Parent: #15
انعاام...
سلاااام
و يتواصل المشوار مع ناس الشرق السمحين كجراى و ابراهيم حسين...
يديك العاافية....
Post: #22 Title: Re: يعاتب يوم...و يرجع يوم..!! Author: عبدالكريم الامين احمد Date: 06-04-2008, 06:47 PM Parent: #19
ياسسسلام يا محمد عثمان وانت يا زول مالك علي انا المسكين (قاصدني عديل كده ) الزمان: واه من ذلك الزمان الذي ذهب مع رياح الايام التي اتت تتقاطر وتتكاثر يوم ورا يوم وكانها تتامر مع رمال النسيان حتي تغطي سيرة تلكم الشفيفة الظريفة ذات اللون الابنوسي والضحكة التي تحاكي المزيكة... المكان: مدينة الان سكنها القبح واصبحت اماسيها ليس بين ثنايا دقائقها وساعتها السادسة رائحة ولا عطر تلك التي كانت ترسل في داخلنا عشق ذلك الفنان الذي يحتاج الي اعادة اكتشاف وتسليط كثيف الضوء علي فنه المميز الرهيف... يا محمد عثمان بجنس غناويك دي يوم بتخلي ليك زول يفك اخرو ويموت زززززززت
Post: #24 Title: Re: يعاتب يوم...و يرجع يوم..!! Author: محمد عثمان Date: 06-04-2008, 08:06 PM Parent: #22
الجميل عبد الكريم..
يا اخى لك التحية و فعلا من وين نجيب عمر تاانى مرة فى بوست للاخ ابو ذر جات سيرة اغنية للفنان صلااح ود البادية و كانت اغنية الف اهلا يا دموع و كان ان ارتبطت هذه الاغنية معى بمشاهد مماثلة لما ذكرته فى مداخلتك فكان ان فكيت اخرى وغايتو ربك ستر و مرت بسلااام.. يا صااحبى فضفض هو فى حدى جايب خبر...و احسن لينا من ان نموت بالحسرة على زمن جميل عدى و فات...
يا زول ربنا يديك العاافية و يحفظك من كل شر..
Post: #25 Title: Re: يعاتب يوم...و يرجع يوم..!! Author: Emad Abdulla Date: 06-04-2008, 08:14 PM Parent: #24
يا محمد ..
الله يديك الفي مرادك ..
....... ليه بالتسجيل بتاع الإذاعة القديم الغنية دي مفترية و إستعمارية ؟؟
Post: #26 Title: Re: يعاتب يوم...و يرجع يوم..!! Author: محمد عثمان Date: 06-04-2008, 08:26 PM Parent: #25
Quote: يا محمد ..
الله يديك الفي مرادك ..
الاخ عماد..
تسلم ياا حبيب ربنا يحفظك و يديك العاافية انت عارف البوست زى قصة بوستيك بتاع ود العاتى اهو كل مرة انعام تشيل و تنكت...و انا اشيل واخط نفس بهنا...
Quote: ....... ليه بالتسجيل بتاع الإذاعة القديم الغنية دي مفترية و إستعمارية ؟؟
والله عندى نفس الاحساااس لكن ليه ما عارف...!!!!
Post: #27 Title: Re: يعاتب يوم...و يرجع يوم..!! Author: Ishraga Mustafa Date: 06-04-2008, 08:39 PM Parent: #26
يامحمد عثمان مالك علينا؟ انا زى امانى صاحبتى الاغنية دى بتبكينى وبتطلع عينى
زغت منها كم مرة اها البيسكتنى شنو بالليل ده
يازول ماممكن تكون هااااااااااااادىء كدى وتطلع منك كل المصائب الجميلة دى
ياخى ربنا يديكى العافية
----- الذّ حاجة يرجع دى
Post: #31 Title: Re: يعاتب يوم...و يرجع يوم..!! Author: محمد عثمان Date: 06-04-2008, 09:29 PM Parent: #27
اشرااقة...
لك التحية و التقدير و هى لحظاات نهرب فيها الى الغناء الجميل عله يشفى قليل من غليل و عدوة انتقلت الينا منذ زمن بعيد و جددها و نشطها من جديد اخونا عماد ربنا يديهو العاافية...
كل مودتى....
ـــــــــــــــــــــــــــــــــــــــــــــ و ما احلى التصاافى من بعد... و لما ترجع بالسلااامة و ترجع اياامنا الجميلة و رجوع القمرة لوطن القمارى.. و رجعنالك.. و رجع الصدى.. و نحن رااجعين فى المغيرب..
شفتى الغناء السودانى الجميل محتفى بالرجوع قدر شنو..!!
Post: #28 Title: Re: يعاتب يوم...و يرجع يوم..!! Author: انعام عبد الحفيظ Date: 06-04-2008, 08:51 PM Parent: #26
Quote: انت عارف البوست زى قصة بوستيك بتاع ود العاتى اهو كل مرة انعام تشيل و تنكت...و انا اشيل واخط نفس بهنا...
يعني الواحد اصلو ما يطلب منكم ويتضارى فيكم
اها عليهو العوض ومنو العوض معاكم ومع لياليكم دي
Post: #29 Title: Re: يعاتب يوم...و يرجع يوم..!! Author: Emad Abdulla Date: 06-04-2008, 09:00 PM Parent: #28
إنعام .. يا أجمل كائنات الليل المغلغلة .. ( طبعا ده مقارنة بمحمد عثمان و ثروت و حيدر و خدر و انا .. و شوية كدايس ) .. ياخي ما ترحمي المواطن ده أصلو .. هو كان رحمنا في الأول لما بينزل الحاجات السعرانة دي ؟؟
