Post: #1 Title: ليه تقول ايامنا راحت...؟! Author: محمد عثمان Date: 06-01-2008, 00:07 AM Parent: #0
بازرعة عثمان حسين..
Post: #2 Title: Re: ليه تقول ايامنا راحت...؟! Author: انعام عبد الحفيظ Date: 06-01-2008, 00:39 AM Parent: #1
ليه تقول أيامنا راحت وانتهينا
ياحبيبي ولا كانت ديك سحابة
لو حصل في العمر مره وإفترقنا
هي غلطة ونحن نتحمل عذابا
كنت عايش كل أيامك محنة
وانا بحرق كل عمري في الصبابة
يا حبيبي ليه حياتنا ما تبقى جنة
ننسى ظلم الدنيا نآخد من شبابا
نبعد الشك من قلوبنا والمظنة
نمشي في درب الأماني المستطابة
لست أدري هل عذابي ام عذابك كان أكثر
حين شق الدهر بينا والفراق المر أجبر
كل واحد ليهو في تاريخو ماضي
أي ماضي وليهو ذكرى حب قديمة
وأنت عارف لما إخترتك حبيبي
كان في قلبي جرح ينزف بالهزيمة
لكن إنت صرت أغلى حب عندي
وكنت راضي معاي بظروفي الأليمة
وكنت راضي بالشقا البتيع خطايا
والمآسي المرة في طفولتي اليتيمة
ليه ما تصبر ونتحمل يا حبيبي
بكره تلقى الدنيا بى خيرها ونعيما
Post: #3 Title: Re: ليه تقول ايامنا راحت...؟! Author: هاشم أحمد خلف الله Date: 06-01-2008, 04:55 AM Parent: #2
صباحك صباح خير يا هندسة كنت هنا هذا الصباح الذي جملته بهذه الرائعة حسين بارزرعة وعثمان حسين = ثنائي جميل في زمن أجمل يديك العافية يا ود عثمان .
Post: #7 Title: Re: ليه تقول ايامنا راحت...؟! Author: محمد عثمان Date: 06-01-2008, 08:00 PM Parent: #3
الشفيف هااشم,,,
تسلم يا جميل و انت متاابع معنا فى درب الامانى المستطاابة..
يديك العاافية...
Post: #6 Title: Re: ليه تقول ايامنا راحت...؟! Author: محمد عثمان Date: 06-01-2008, 08:50 AM Parent: #2
انعاام...
شكرا لك و انت تسجلين الحضور الاول فى بعد الصبر...لثنائى الابداع الخرافى ابو عفان و باازرعة.. شكرا ايضا لكلمات الاغنية و التى زينت بها البوست.
يديك العاافية...
Post: #26 Title: Re: ليه تقول ايامنا راحت...؟! Author: عبدالرحمن عبدالله أبوشيبة Date: 06-08-2008, 06:41 AM Parent: #2
والله لكأني أسمعها لأول مرة.
ألا رحمك الله رحمةً واسعة بقدر ما قدمت لأمتك من رسالة سامية وجادة وقيمة في طريق الكلمة الصادقة واللحن الدافئ.
Post: #4 Title: Re: ليه تقول ايامنا راحت...؟! Author: لؤى Date: 06-01-2008, 05:30 AM Parent: #1
يا سلام عليك يا محمّد عُثمان ياخي
الله يصبّحك بالخير
أنـا في البـعـيـد مُـشـتـاق لهـمـسـة من الوطن يا نـسـمـة
Post: #8 Title: Re: ليه تقول ايامنا راحت...؟! Author: محمد عثمان Date: 06-01-2008, 08:06 PM Parent: #4
الجميل لؤى...
حضورك ابهجنا و زاد من ضؤ الغناء الجميل للرائع ابو عفان.. متابعين معك ما تنثره هنا من الجمال و الكلم الطيب فى كل بوستاتك الجميلة و التى اضاافت الكثير فى هذا البورد..
يديك العاافية...
Post: #5 Title: Re: ليه تقول ايامنا راحت...؟! Author: نادر Date: 06-01-2008, 05:55 AM Parent: #1
Quote: لكن إنت صرت أغلى حب عندي
أبهجت صباحي يديك ألف عافية يا محمد عثمان ياخي أبعفان ده حاجة ما بتتكرر بيدي الأغنية من احساسو مساحات ومدى إبداعي مدهش. أضحك الله كل صباحاتك.
Post: #9 Title: Re: ليه تقول ايامنا راحت...؟! Author: محمد عثمان Date: 06-01-2008, 08:10 PM Parent: #5
الاخ نادر..
لك التحية و انت حضورا هنا الراائع ابو عفان استطاع ان يطرّز كلمات بازرعة باروع الالحان و التى البسها ذهبا بصوته المسحور..
مودتى..
Post: #10 Title: Re: ليه تقول ايامنا راحت...؟! Author: سلمى الشيخ سلامة Date: 06-01-2008, 08:21 PM Parent: #9
الرومانسية الغنائية هى ما يمكن ان نضع فيها عثمان حسين هى خانته التى لا ينتزعها منه احد منذ ان بدا ظل يغنى للرومانسية وبها لم يحد عنها منذ اول لقاء له بهذا الهرم الشاعر حسين بازرعة قدما للمكتبة ما لا يوصف ولا يقاس من اغنيات امتعتنا لدهور قادم حيث الحب العذرى والبراءة حيث الحبيب والحبيبة هما اسياد الكون
ليه تقول ايامنا راحت وانتهينا ؟ يا حبيبى
استمع اليه وهو يقول يا حبيبى ويتبع ذلك صوت (الصفارة ) حنينة ومتماشية مع روح اللحن لحن تذوب له مفاصل الكراهية وتنبت ولايبقى سوى الحب فاردا اجنحته استاذى عثمان حسين احبك دائما
Post: #11 Title: Re: ليه تقول ايامنا راحت...؟! Author: محمد عثمان Date: 06-01-2008, 09:39 PM Parent: #10
الحبيبة سلمى..
ليك وحشة والله شكرا للمداخلة الرائعة وانت حضورا فى واحة ابو عفان..هذا الفنان الذى استطاع ان يضع بصمته فى مسيرة الغناء السودانى و ذلك باسلوبه المتميز فى الالحان و فى طريقة انتقائيه للكلمات التى يتغنى بها.. الثنائية النجحة مع شاعر الشرق بازرعة افرزت لنا درر من الاغنيات الجميلة و وضعت اللبنات الاولى لمدرسة الرومانسية فى الاغنية السودانية..
إنّا لله وإنّا إليه راجعون اللهم أرحم عُثمان حسين وأسكنه فسيح جنّاتك اللهم باعد بين عثمان حسين وبين خطاياه كما باعدت بين المشرق والمغرب اللهم نقّ عثمان حسين من الخطايا والذّنوب كما يُنَقّىَ الثّوب الأبيض من الدّنس اللهم أغسل عثمان حسين بالثلج والماء والبرد اللهم أبدل عثمان حسين داراً خيراً من داره وأهلاً خيراً من أهله اللهم أجمعنا وعثمان حسين في مستقرّ رحمتك اللهم إنّا نسألك بإسمك الأعظم أن توسّع مدخل عثمان حسين اللهم آنس في القبر وحشة عثمان حسين اللهم ثبّت عثمان حسين عند السُّؤال اللهم لقّن عثمان حسين حجّته اللهم باعد القبر عن جنبات عثمان حسين اللهم أكف عثمان حسين فتنة القبر اللهم أكف عثمان حسين ضمّة القبر اللهم أجعل قبر عثمان حسين روضةً من رياض الجّنّة ولا تجعله حفرة من حفر النار اللهم إن كان أبو عفّان محسناً فزد في إحسانه ، وإن كان مسيئاً فتجاوز عن سيّئاته اللهم ألحق عثمان حسين بالشُّهداء اللهم أفتح على عثمان حسين نافذة من الجّنّة وأجعل قبره روضةً من رياضها
الي جنات الخلد باذن الله فقد امتعت وابدعت ومهرت اسمك في دواخل الجميع وشكلت وجدان جيل كامل اختلفنا في كل شئ لكننا اتفقنا فيك ستظل باقي في دواخلنا مابقي في العمر بقية لك الرحمة والمغفرة ولتنعم بالفراديس ياسليل الفراديس
Post: #22 Title: Re: ليه تقول ايامنا راحت...؟! Author: انعام عبد الحفيظ Date: 06-07-2008, 10:58 PM Parent: #1
له الرحمة عثمان حسين ولنا الصبر
Post: #23 Title: Re: ليه تقول ايامنا راحت...؟! Author: محمد عثمان Date: 06-07-2008, 11:00 PM Parent: #1
رحل صاحب الفراش الحائر الفنان الذى حبيناه بكل جوارحنا و رحلنا عبر البحر مع اغنياته الجميلة التى شكلت وجداننا..و كانت فتح فى مدرسة الرومانسية فى الغناء السودانى..
الرحمة و المغفرة له و البركة فى اهله و ذويه و التعازى موصولة لكافة الشعب السودانى و كل محبيه..
شكرا لكل الاخوان الذين مروا من هنا و الفقد واحد بالنسبة للجميع..
كيف لا اعشق جمالك ما رات عيناي مثالك كيف لا اعشق جمالك وانت نظري .. انت بأدبك ... دلالك وانت سحري... فيك اجمل شيء خصالك وانت بدري ... وابعد الغايات منالك لو رميت بتصيب نبالك قلبي لاعب بيه مالك وعقلي وبال هواي كيف لا اعشق جمالك بسمتك توحي الاغاني اسما ايات المعاني في هواك لاقيت (هواي) (............) انت ذي زهر الخميله تنتعش في دوح جميله وعاليه اخلاقك نبيله
انت رافل في نعيمك وبس انال من نار جحيمك قولي كيف اصبر بليمك ناري تطفي ... وروحي تبقي قلبي لاعب بيه مالك اللهم اغفر له وارحمه واجعله من اهل جنه النعيم...
Post: #32 Title: Re: ليه تقول ايامنا راحت...؟! Author: محمد عثمان Date: 06-08-2008, 08:40 PM Parent: #24
ماجدة...
البركة فى الجميع فلقد كان فنانا حبيناهو بكل جواارحنا و عشقناهو و اغنياته الجميلة و حاشا حاشا لن ننساهو ابدا...
Post: #25 Title: Re: ليه تقول ايامنا راحت...؟! Author: مروان جمال الدين Date: 06-08-2008, 03:30 AM Parent: #1
...لا نملك إلا أن ندعو لك أن يهبك الكريم دربا آخضر وحسن مقام..
Post: #29 Title: Re: ليه تقول ايامنا راحت...؟! Author: Mamoun Zain Date: 06-08-2008, 10:36 AM Parent: #25
كان صوتا شجيا .. كان نغما جليا .. كان حلما كان احساسا مرهفا .. وكان ابداعا مليا ..
اللهم أنزل عيله شآبيب رحمتك وأجعله من أصحاب اليمين يا رب
Post: #27 Title: Re: ليه تقول ايامنا راحت...؟! Author: haroon diyab Date: 06-08-2008, 06:51 AM Parent: #1
وكتب الشاعر عمار محمد ادم يرثى صاحب الشجن وابن مقاشى الراحل المقيم عثمان حسين ويقول فيها اعزى مقاشى والناس الهناك ساكنين وفى السجانة ابكى الزول خرافى حنين اشوف الناس صفوف واقفين يصيح الصائح المجروح يولول زى خروج الروح زى قمرية باكية تنوح دموع دفاقة من العين وقلب حزين حليل عثمان حليل الكان زمانو زمان يحرك فى الصخور وجدان ويبعث فيها ريد نشوان ويعزف اعذب الالحان جميل فنان روح قديس ضمير انسان وداعا يا الجميل جوة وداعا يا البرق ضوه وداعا ياوليد فاطنى وحبيب عاشه وحفيد الزينى بت حوه مما قمنا شفنا الزول ملانا شجن وكيف انساهو فينى سكن وحبب لى قليبى الفن اصيل سودانى كلو وطن سمعت الحانو قلبى انا حن وعطر للوجود صوتو مغستى انا ما حضر موتو فتح فينى مليون باب يعزف عود اصلو رباب سيد الفن والاداب كيف بتهيلو فوقو تراب حليل عثمان وداعا يا الجميل بره جمالك فينا انشره من البركل الحانى وجبل مرة وداعا ياحبيب الناس غناك الطيب الانفاس وداعا ياجميل احساس
Post: #28 Title: Re: ليه تقول ايامنا راحت...؟! Author: Tayseer Elmobarak Date: 06-08-2008, 07:26 AM Parent: #1
نخلة أخرى تتهاوى في بلادي ... الحزن أكبر من أي كلام يقال ... له الرحمة و المغفرة ولنا الصبر الجميل ...
Post: #30 Title: Re: ليه تقول ايامنا راحت...؟! Author: omer abdelsalam Date: 06-08-2008, 11:25 AM Parent: #1
الصديق الجميل / محمد عثمان اسمح لى بهذه الخاطرة في بوستك عن الراحل : عثمان حسين الانسان
Quote: القامة...عثمان حسين ..عرفته ذات مرة *******************************************
اسمح لى بهذه الوقفة في حضرة الغائب الحاضر الراحل عثمان حسين في مطلع سنة 70 شاءت الظروف ان اسكن ولمدةعام كامل في حي الزهور في منزل عمي حيث التحقت بمدرسة الخرطوم جنوب الثانوية العامة النموذجية كان منزل الفقيد الراحل / عثمان حسين على بعد امتار قليلة من منزلنا وكان وقتها الراحل في اوج عنفوانه الفني وشهرته و{ دسامة } انتاجه الفني من الروائع وكنت في فترة مابعد الظهيرة اتحين فرصةارسالى الى الدكان المجاور لمنزل الراحل لعلى احظى بلقائه ومشاهدته عن قرب كنتى اتعمد التاخير في الرجوع للمنزل حتى اراه خارجامن منزله وهو يهم بركوب سيارته فاشيرله من البعد بتحية خجولة وكانت سعادتي تكتمل عندما يأتي بجلبابه السوداني بدون عمامة للدكان فاراه هاشا باشا على كل من وجده في الدكان ..يسال عن الحال والأحوال ، كأبن حلة لايفصله حاجز عن الجميع فانزوي وقتها في ركن قريب استمع اليه يحدث الناس ، وكنت لصغر سني اتهيب ان ادخل معه في نقاش مباشر ولكن كانت سعادتي تصل الى مداها حين يلتفت الي ويسالنى : وين عمك حسن لى مدة ماشفتو ؟ فارد عجلا : علشان بيشتغل في ارشاد الطائرات بمطار الخرطوم بيكون عندو وردية فتكتمل نشوتي حين يقول : سلم عليهو وقول ليهو عثمان ليهو مدة ماشافك فكنت ارجع منتشيا الى المنزل لإخبر عمي برسالة عثمان حسين متسائلا عن سر العلاقة بينهما بالرغم من النادر ان يلتقيا في الحي حتى فاجأني عمي حسن - رحمه الله - بأن عثمان حسين كان رفيق دربه وصباه بحي السجانة بالخرطوم هكذا كان يمثل عثمان حسين بنغمه وشخصه حلما جميلا في تلك المرحلة وذلك الزمن الجميل الذي عطر فيه الراحل سماء الأغنية السودانية ..رحم الله الفنان الجميل ..ونسال الله ان يسكنه فسيح جناته .. وانا لله وانا اليه راجعون
[URL] [Email] [Profile] [Edit] [اضف رد]
Post: #31 Title: Re: ليه تقول ايامنا راحت...؟! Author: ABU QUSAI Date: 06-08-2008, 08:39 PM Parent: #30
ألا رحم الله الراحل العظيم المقيم في دواخلنا أبدا الفنان عثمان حسين ، إنا لله وإنا إليه راجعون ...
لنك الحفظ يا شباب لو أمكن ...
أبو قصي
Post: #33 Title: Re: ليه تقول ايامنا راحت...؟! Author: ياسر عدوي Date: 06-09-2008, 03:07 AM Parent: #31
اللهم أغفر له و ارحمه و اعفو عنه و أكرمه - اللهم وسع مدخله و ادخله الجنة و غسله بالثلج و الماء والبرد - اللهم يمن كتابه و هون حسابه و لين ترابه و ثبت أقدامه و ألهمه حسن الجواب - اللهم طيب ثراه و اكرم مثواه واجعل الجنة مستقره و مأواه - اللهم نور مرقده و عطر مشهده و طيب مضجعه - اللهم آنس وحشته و ارحم غربته و قه عذاب القبر و عذاب النار - اللهم نقه من خطاياه كما ينقى الثوب الأبيض من الدنس - اللهم فسح له في قبره و اجعله روضة من رياض الجنة و لا تجعله حفرة من حفر النار - اللهم انقله من ضيق اللحود و القبور إلى سعة الدور و القصور مع الذين أنعمت عليهم من الصديقين و الصالحين والشهداء - اللهم اجعل له من فوقه و من تحته و من أمامه و من خلفه و عن يمينه و عن يساره نورا من نورك يا نور السماوات و الأرض - اللهم أبدله دارا خيرا من داره و أهلا خيرا من أهله و أزواجا خيرا من أزواجه واسكنه فسيح جناتك في الدراجات العلي آمين - اللهم إن كان قد أحسن فزد في إحسانه و إن كان قد أساء فتجاوز عن إساءته - يا أكرم من سئل و يا أوسع من جاد بالعطايا … خفف أحماله و حط من أوزاره واجعله في مقام من قام لك بالقرآن أناء الليل و أطراف النهار - اللهم كن له بعد الحبيب حبيبا و لدعاء من دعا له سامعا و مجيبا و اجعل له من فضلك و رحمتك و جنتك حظا و نصيبا - اللهم من أحييته منا فأحييه على الإيمان و من توفيته منا فتوفه على الإسلام - اللهم إنا نسألك توبة قبل الموت و راحة عند الموت و مغفرة بعد الموت
