Post: #1 Title: ماافى دااعى...!!! Author: محمد عثمان Date: 01-20-2008, 00:28 AM Parent: #0
الشااعر الرااحل ابن الشرق محمد عثمان كجرااى كتب فى الشعر الغناائى للفنان القاامة وردى اغنيتين هما اغنية مافى دااعى و اغنية تااجوج.. و تغنى له ايضا الفنان الكسلاوى ابراهيم حسين باغنيتين ايضا هما تخااصم يوم و اغنية قالوا الزمن دوار..
تنقل الشااعر فى مدن السودان المختلفة ..جاءت اغنية مافى داعى كما ذكر الفنان وردى فى الستينات من القرن المااضى و ذلك عندما التقى الفنان وردى الشااعر فى جنوب البلاد حيث كان يعمل الشااعر هنااك....
إرتعاشاااااتك بتحكى !! قصة أحلاامك معاياا.. و كل خفقة فى قلبى ..نغمة تحكى ليك شوقى و هواياا.. و إنتى فى بهجة شباابك.. و حبى!! حبى ليك من غير نهاااااية!! و مافى داعى!! ماافى داعى تقولى .. ماافى!!
يا الربيع فى عطرو دافئ.. لهفة الشوق..فى كلااااامك.. فى سلاامك.. و سر غرامك ماااااهو خاافى!! و مافى داعى!!
قلبى أخضر.. و لسة فى ريعان شبابو.. فى حرارة شوقو..بيسطر كتاابو.. شوووووفى كيف نشواااانة.. تتراقص حروفو!! كل لحظة شوق..بتتجدد ظروفو.. و مافى داعى!!
عشنا فى دنياا الصبااااابة!! و السعاادة فتحنا بابهاا بهجة الدنياا و شبابهاا و إبتساامااااااااااتك حبابهاا!!!!
الأخ محمد عثمان.. لا تنسى أيضا ابداعات أبناء الشرق بازرعة واسحق الحلنقى والكابلى
Post: #13 Title: Re: ماافى دااعى...!!! Author: محمد عثمان Date: 01-20-2008, 03:37 PM Parent: #2
Quote: الأخ محمد عثمان.. لا تنسى أيضا ابداعات أبناء الشرق بازرعة واسحق الحلنقى والكابلى
امنة...
سكنااب.. مافى شك الشرق الحبيب قدم الكثير من المبدعين على مر الحقب..بازرعة و اسحق الحلنقى و الكابلى بالتاكيد ارقاام لايمكن تجاوزها ابد..ابدا نتمنى ان نجد الزمن لنعود بالتفصيل للابداع و المبدعين الذين قدموا من الشرق و الذين اثروا الساحة الادبية و الفنية بالكثير من الاعماال الخالدة فى وجدان الجميع..
يديك العاافية..و شكرا للطلة البهية..
Post: #50 Title: Re: ماافى دااعى...!!! Author: محمد عثمان Date: 03-24-2008, 11:42 PM Parent: #2
عشنا فى دنياا الصبااابة!! و السعاادة فتحنا بابهاا بهجة الدنياا و شبابهاا و إبتسااماااتك حبابهاا!!!!
محمد عثمان صباح الخير لااقول الشاعر الراحل فقط ....ولكني اقول الراحل المقيم الاستاذ / محمد عثمان كجراي .....وصدقني اخي محمد لو كان كجراي في اي مكان اخر من العالم لوجد من الرعاية والتكريم مايستحقه....وكنت كتبت قبل سنين في احد المنتديات عن رعاية اسرة هذا العملاق وكان النداء موجه الي مبدعين الشرق .....ولكن كما تعلم لاحياة لمن تنادي . وكما ذكرت استاذتنا امنه مختار يجب ان لا ننسي مبدعين الشرق ....ومرة اخري ومن خلالك اتوجه برسالة الي السادة حكومة ولاية البحر الاحمر بضرورة تكريم الشاعر الهامة .... القامة حسين بازرعة ....اليوم قبل الغد ....لاننا اتعودنا نكرم مبدعينا بعد مايموتوا .....اتمني صادقا ان يسمي شارع المستشفي..... او حديقة البلدية..... او مسرح الثغر.... او اي معلم بارز في هذه المدينة باسم هذا الرجل بقدر مااعطي لهذا الوطن من ابداع سيظل خالدا ابد الدهر وحتما ستفني الابدان ولكن ابداعات ابن الشرق ستبقي مابقيت في الدنيا حياة.....ومرة اخري اقول ليك ....اكتب ونقب عن ابداعات ابن الشرق ونحن وراك ..... وبرضو علي كيفك تعال .... التحايا النواضر هارون دياب
Post: #14 Title: Re: ماافى دااعى...!!! Author: محمد عثمان Date: 01-20-2008, 06:10 PM Parent: #3
Quote: محمد عثمان صباح الخير لااقول الشاعر الراحل فقط ....ولكني اقول الراحل المقيم الاستاذ / محمد عثمان كجراي .....وصدقني اخي محمد لو كان كجراي في اي مكان اخر من العالم لوجد من الرعاية والتكريم مايستحقه....وكنت كتبت قبل سنين في احد المنتديات عن رعاية اسرة هذا العملاق وكان النداء موجه الي مبدعين الشرق .....ولكن كما تعلم لاحياة لمن تنادي .
هارون دياب
الاخ هارون...
سلاااام و تحاايا عطرات المثير من المبدعين خرجوا من الشرق الحبيب و لايتسع المجال هنا لذكرهم جميعا فهولاء اثروا الساحة الادبية و الفنية بالكثير من الاعمال الخالدة والتى اسهمت كثيرا فى النهضة الثقافية و الفنية للسودان الحبيب.. الراحل المقيم محمد عثمان كجراى صوت له مكانته الكبيرة بين اصوات الشعر السودانى الحديث و هو من الرموز و من الشوامخ بمدينة كسلا شأنه شأن توتيل والجبل والقاش.. ولد الشااعر بمدينة القضارف فى العاام 1927 و انتقل لرحمة مولاه ايضا بمدينة القضارف فى العام 2003 له اصداارات عدة اشهرها: صدر للشاعر ديوان الصمت والرماد وديوان الليل في غابة النيون و اعماال اخرى...
عمل الشااعر بمدينة بورتسودان فى فترة السبعينات و لقد كان مديرا لمدرسة كوريا جوار ميدان الرابطة و كان دائم التردد على سوق ديم سواكن و ذلك قبل اعادة تخطيطه و كان عاادة يجلس فى قهوة العم على الشايقى جوار السمكرجى عم باكشاى و كان مولعا بلعبة الطاولة التى كان يمارسها مع مجموعة من اصدقائه فى هذا المكان و الكثيرون من ابناء الديوم الجنوبية يتذكرون هذه الاياام حيث كانت له امسياات شعرية و ادبية داخل المدرسة فى الامسياات...
الاخ هارون شكرا ليك مرة اخرى و نتمنى ان نكتب و نكتب عن مبدعى الشرق والذين قدمزا الكثير للساحة الادبية و الفنية..و انا بصدد انزال بوست عن المبدع الرااحل صاالح الضئ و الذى ايضا لا يعرف الكثيرون انه قدم الى الخرطوم من مدينة بورتسودان فى الستينات من القرن المااضى و معه ايضا ابن بورتسودان عازف الكمنجة الشهير محمد عبد الله محمدية..
يديك العاافية...
قليبي المنو اصلو شقاي ريدي يزيد الهم علي يسفح وريدي يعشق بالألم نبرة قصيدي دي تاجوج متلقت يا خملة زيدي
مع الأيام يزيد حسنك نضارة عشان عينيك تخضر الصحارى بوصف ليكي ألحان العذارى نعيش باقي العمر في الريد سكارى
نخوض بحر الهموم نبحر نعدي نقابل بالثبات موج التحدي سنين العمر تاخد وما بتدي ودربك لشاطي النور يودي
Post: #4 Title: Re: ماافى دااعى...!!! Author: هاشم أحمد خلف الله Date: 01-20-2008, 06:11 AM Parent: #1
أجمل صباح يا وجيه ربنا يجمل أيامك زي ما بتسعدنا بذوقك الجميل والتحية عبرك للفنان القامة محمد وردي ونترحم علي روح الشاعر الشفيف محمد عثمان كجراي وياريت لو الدولة تكرم كل من ترك بصمة علي وجدان الشعب السوداني بكلمة او لحن او أداء . وتسلم كتير يا هندسة .
Post: #5 Title: Re: ماافى دااعى...!!! Author: Ahmed al Qurashi Date: 01-20-2008, 07:12 AM Parent: #4
رغم هذا الابداع لقد كان شاعرا منسيا..... للشاعر كجراى الرحمة والمغفرة فكلمات هذه الاغنية صادقة وجميلة ومعبرة وصوت وردى قديما ما اروعه فانا اخى محمد عثمان احب الغناء القديم والتسجيلات القديمة ولقد أسرنى هذا التسجيل القديم واظنه من تسجيلات الاذاعة وليتك اخى محمد عثمان ان تكرمنا بلنك لحفظ هذه الاغنية الجميلة فلدى تسجيل قديم لها ولكن ليس بهذا النقاء ... لك التحية اخى محمد عثمان فدائما تضيف لهذا المنبر روعة وجمال
Quote: الأخ محمد عثمان.. لا تنسى أيضا ابداعات أبناء الشرق بازرعة واسحق الحلنقى والكابلى
الاخت آمنة لك التحية
لكن والله ظلمتى الشرق ظلم شديد ، يعنى بس إكتفيتى بى دييل؟ لو مسكت ليك الوسط الفني حتلقى الابداع كله جاى من الشرق ، وعددهم لا يحصى فمثلا صديقى عمر الشاعر غير مجرى الاغنية السودانية وابراهيم حسين وكمال ترباس وعبد العظيم حركة وعازف الايقاع رحمة الله علية هرقل والزبير احسن عازف طبلة فى السودان رحمة الله عليه والقائمة بتجر
يا سلام ما اجمل هذه الاغنية حقيقي الاستاذ وردي ابدع ثم ابدع في هذه الاغنية ، التحية للراحل العظيم كجراي وكل من ساهموا في ترقية وجدان المستمع السوداني
الاستاذ ترهاقا
Quote: الاخت آمنة لك التحية
لكن والله ظلمتى الشرق ظلم شديد ، يعنى بس إكتفيتى بى دييل؟ لو مسكت ليك الوسط الفني حتلقى الابداع كله جاى من الشرق ، وعددهم لا يحصى فمثلا صديقى عمر الشاعر غير مجرى الاغنية السودانية وابراهيم حسين وكمال ترباس وعبد العظيم حركة وعازف الايقاع رحمة الله علية هرقل والزبير احسن عازف طبلة فى السودان رحمة الله عليه والقائمة بتجر
انت كدا حتكون ظلمت باقي الابداع الجاي من كل انحاء السودان
يمكن النسبة كبيرة من الشرق ،لكن هذا لا يمنع انه في مبدعين كتار شديد من كل المناطق، نسيتوا يا جماعة اسماعيل حسن وابداعاته المدهشة ده براهو سودان قائم بذاتو
والتحية لكل هولاء المبدعين من كل السودان
ولك التحية وانت واحد من هؤلاء المبدعين المفخرة للسودان
Quote: انت كدا حتكون ظلمت باقي الابداع الجاي من كل انحاء السودان
الفاضلة مايا مساء الخير بالصباح فى السودان
ابدا ما ظلمت ولكن حاولت انبه الاخت آمنة إنو غير اللى ذكرتهم فى مبدعين كتر وهذه امانة تاريخية اما محمد وردى واسماعيل حسن فهم قارتين بكل محيطاتها ونحن في الشمال لنا القدح المعلى في هذا المجال
زمان كانوا بيقولوا مدنى والخرطوم ، لكن لمن جيت عشت الواقع لقيت الموضوع غير ، يعنى من 14 عازف مع وردى كنا سبعة من منطقة واحدة ، ما فى زول يجى يقول كمان فى الفن فى محسوبية ، الفن لا يستحمل ذلك
فحقنا محفوظ يا مايا
ولكى ودى
Post: #9 Title: Re: ماافى دااعى...!!! Author: مجاهد عبد الرحمن Date: 01-20-2008, 09:19 AM Parent: #8
تسلم يا جميل تعرف بس نحتاج التسجيل الجديد الفيه المقدمة ورابط الحفظ ليهم الإتنين الله يحفظك حتى لو تستعين بصديق
Post: #22 Title: Re: ماافى دااعى...!!! Author: محمد عثمان Date: 01-20-2008, 09:54 PM Parent: #9
Quote: تسلم يا جميل تعرف بس نحتاج التسجيل الجديد الفيه المقدمة ورابط الحفظ ليهم الإتنين الله يحفظك حتى لو تستعين بصديق
الاخ مجااهد..
تسلم انت من كل شر لينك الحفظ نزل فوق.. و انشاء الله ارجع ليك بالتسجيل الجديد..
و شكرا كتير للطلة البهية..
يديك العاافية...
Post: #43 Title: Re: ماافى دااعى...!!! Author: محمد عثمان Date: 02-15-2008, 00:40 AM Parent: #9
قلبى أخضر.. و لسة فى ريعان شبابو.. فى حرارة شوقو..بيسطر كتاابو.. شوووووفى كيف نشواااانة.. تتراقص حروفو!! كل لحظة شوق..بتتجدد ظروفو.. و مافى داعى!!
Post: #20 Title: Re: ماافى دااعى...!!! Author: محمد عثمان Date: 01-20-2008, 08:52 PM Parent: #7
Quote: يا سلام ما اجمل هذه الاغنية حقيقي الاستاذ وردي ابدع ثم ابدع في هذه الاغنية ، التحية للراحل العظيم كجراي وكل من ساهموا في ترقية وجدان المستمع السوداني
الفااضلة ماايا..
لك التحية انت ايضا و انت حضورا فى دوحة الغناء و الشعر الجميل..
مافى داعى تقولى مافى لكن يا ساطور اخوى عازف الايقاع جعفر حرقل ما هرقل ولا كيف ؟
شكرا ليك يا محمد عثمان وكجراى من الشعراء الغنائيين الذين يشار اليهم فى محفل الغناء السودانى غنى له العديد من الفنانين خاصة ابراهيم حسين
مرة اخرى شكرا
Post: #24 Title: Re: ماافى دااعى...!!! Author: محمد عثمان Date: 01-20-2008, 10:16 PM Parent: #17
Quote: شكرا ليك يا محمد عثمان وكجراى من الشعراء الغنائيين الذين يشار اليهم فى محفل الغناء السودانى غنى له العديد من الفنانين خاصة ابراهيم حسين
الجميلة سلمى..
لك التحية و التقدير و انت الحااضرة دايما فى ساحات الجماال و الفرح
يديك العاافية...
Post: #19 Title: Re: ماافى دااعى...!!! Author: محمد عثمان Date: 01-20-2008, 08:10 PM Parent: #6
الاخ ترهااقا..
صدقت فعلا قائمة طويلة لاتحصى و لا تعد لذا نتحاشى ذكر الاسماء حتى لا ننسى احدهم....
و انا اضيف للذين ذكرتهم انت صالح الضئ و محدية..
يديك العاافية..
Post: #16 Title: Re: ماافى دااعى...!!! Author: محمد عثمان Date: 01-20-2008, 07:35 PM Parent: #5
Quote: رغم هذا الابداع لقد كان شاعرا منسيا..... للشاعر كجراى الرحمة والمغفرة فكلمات هذه الاغنية صادقة وجميلة ومعبرة وصوت وردى قديما ما اروعه فانا اخى محمد عثمان احب الغناء القديم والتسجيلات القديمة ولقد أسرنى هذا التسجيل القديم واظنه من تسجيلات الاذاعة وليتك اخى محمد عثمان ان تكرمنا بلنك لحفظ هذه الاغنية الجميلة فلدى تسجيل قديم لها ولكن ليس بهذا النقاء ... لك التحية اخى محمد عثمان فدائما تضيف لهذا المنبر روعة وجمال
شكرا ياا دكتور كتير و طلتك ابهجت البوست متابعين كتاباتك الثرة و معلوماتك القيّمة التى تنثرها لنا فى هذا البورد.. هناك سر يكمن فى تسجيلااات الاذاعة فهى تمتاز بنقاء غير عادى و حتى لو قارنا بين تسجيلات الشركات الفنية التى تنتج اشرطة الكاسيت لمختلف الفنانين الان ايضا نلاحظ هناك فرق كبير جدا فى نوعية التسجيل مع ملاحظة التطور الحااصل الان فى تكلنوجبا الصوت لكن رغما عن ذلك و رغم عن الزمن البعيد لم تفقد تسجيلات الاذاعة بريقها و نكهتها و جودتها نتمنى ان نجد احد من المختصين يعلل لنا هذه المسألة..
Post: #15 Title: Re: ماافى دااعى...!!! Author: محمد عثمان Date: 01-20-2008, 07:16 PM Parent: #4
Quote: أجمل صباح يا وجيه ربنا يجمل أيامك زي ما بتسعدنا بذوقك الجميل والتحية عبرك للفنان القامة محمد وردي ونترحم علي روح الشاعر الشفيف محمد عثمان كجراي وياريت لو الدولة تكرم كل من ترك بصمة علي وجدان الشعب السوداني بكلمة او لحن او أداء . وتسلم كتير يا هندسة .
الشفيف هاشم...
شكرا كتير للاطلالة الزااهية و اضم صوتى الى صوتك للاخد بيد مبدعى بلادى و خصوصا الكثير منهم يعانون ما يعاانون.
قد يكون الشاعر كجراي والفنان وردي ابدعوا في هذه الاغنية
لكن اعلم تماما انه اكيد بصماتكم في هذه الاغنية هي ابداع رائع من نوع اخر قد تكون الكلمات قوية واللحن كذلك لكن الاصابع التي تؤدي هذا اللحن هي من تقدم خلاصة الابداع
Post: #11 Title: Re: ماافى دااعى...!!! Author: منى على الحسن Date: 01-20-2008, 10:23 AM Parent: #1
Quote: لكن والله ظلمتى الشرق ظلم شديد ، يعنى بس إكتفيتى بى دييل؟ لو مسكت ليك الوسط الفني حتلقى الابداع كله جاى من الشرق ، وعددهم لا يحصى فمثلا صديقى عمر الشاعر غير مجرى الاغنية السودانية وابراهيم حسين وكمال ترباس وعبد العظيم حركة وعازف الايقاع رحمة الله علية هرقل والزبير احسن عازف طبلة فى السودان رحمة الله عليه والقائمة بتجر
الأخ العزيز ( الملك) تهراقا.. باللهى الجماعة ديل كلللهم من الشرق.. والله ما كنت قايل نفسى مظلوم كده..( العبارة من نكتة شهيرة طبعا)
انت زاااتك طلعت زول ما ساهل..
العزيز محمد هارون أثنى اقتراحك بوجوب تكريم أستاذنا بازرعة.
العزيزة مايا..ياخ ما تزعلى..يكفى انو الأستاذ وردى فنان السودان وأفريقيا الأول.
Post: #23 Title: Re: ماافى دااعى...!!! Author: انعام عبد الحفيظ Date: 01-20-2008, 10:06 PM Parent: #1
جميلة جداً يا محمد عثمان
سمعتها تسجيل حديث
بس اول مرة اسمع التسجيل القديم دا
شكرا ليك كتير على لنك الحفظ
Post: #31 Title: Re: ماافى دااعى...!!! Author: محمد عثمان Date: 01-21-2008, 09:04 PM Parent: #23
Quote: جميلة جداً يا محمد عثمان
سمعتها تسجيل حديث
بس اول مرة اسمع التسجيل القديم دا
شكرا ليك كتير على لنك الحفظ
انعااام..
دايما يكتمل الجماال و الروعة بحضورك الانيق و اى مكان تمشيهو مكاانك و اى زمان تلقيهو زماانك
مودتى...
Post: #26 Title: Re: ماافى دااعى...!!! Author: هند محمد Date: 01-21-2008, 06:25 AM Parent: #1
آجمل الصباحات مع الابداع ووردى وذوقك السليم استاذ محمد ..
يديك الف عافية ..
Post: #27 Title: Re: ماافى دااعى...!!! Author: وصال عالم Date: 01-21-2008, 09:29 AM Parent: #26
لك التحية دوماً على إثراء ساحة المنبر وعلى إسعادنا بالفن الجميل....
شكراً مرة أخرى...
Post: #45 Title: Re: ماافى دااعى...!!! Author: محمد عثمان Date: 02-15-2008, 08:17 PM Parent: #44
Quote: الأخ الفاضل محمد عثمان.....
لك التحية دوماً على إثراء ساحة المنبر وعلى إسعادنا بالفن الجميل....
شكراً مرة أخرى...
العزيزة سلمى..
شكرا ليك كتير و دايما بكم و بحضوركم الانيق يكون التواصل اجمل..
مودتى....
Post: #46 Title: رد Author: Mohamed fageer Date: 02-16-2008, 04:42 AM Parent: #1
الرائع محمد عثمان تحية اللنك الفوق ما شغال وانا عندي مليون داعي لحفظ الأغنية ادينا لنك جديد شكرا
Post: #48 Title: Re: رد Author: محمد عثمان Date: 02-16-2008, 10:17 AM Parent: #46
Quote: الرائع محمد عثمان تحية اللنك الفوق ما شغال وانا عندي مليون داعي لحفظ الأغنية ادينا لنك جديد شكرا
الاخ محمد...
لك التحية تغيير السيرفر لخبط الامور شوية راجع ليك بلينك حفظ اخر..
مودتى...
Post: #47 Title: Re: ماافى دااعى...!!! Author: كمال ادريس Date: 02-16-2008, 09:39 AM Parent: #1
الاخ محمد عثمان اختيارك ينبض اناقة متكاملة... ارتال من الشكر الجزيل
Post: #49 Title: Re: ماافى دااعى...!!! Author: محمد عثمان Date: 02-23-2008, 06:08 AM Parent: #1
كل خفقة فى قلبى ..نغمة تحكى ليك شوقى و هواياا..
Post: #51 Title: Re: ماافى دااعى...!!! Author: انعام عبد الحفيظ Date: 03-25-2008, 00:02 AM Parent: #1
Quote: إرتعاشاااااتك بتحكى !! قصة أحلاامك معاياا.. و كل خفقة فى قلبى ..نغمة تحكى ليك شوقى و هواياا.. و إنتى فى بهجة شباابك.. و حبى!! حبى ليك من غير نهاااااية!! و مافى داعى!! ماافى داعى تقولى .. ماافى!!
