Post: #1 Title: الفنان صالح الضئ....صوت الشجن...!! Author: محمد عثمان Date: 02-23-2008, 07:38 PM Parent: #0
الراحل صالح الضئ صااحب الصوت الساحرالطروب الذى ينقلنا من سهول كردفان الى سوااحل البحر الاحمر فى الميعااد انتظارا للقاء المستحيل و نحن نترنم بأنغام عيش معااى الحب..
ولد الفنان صالح الضئ بمدينة الابيض...و نشا فى اسرة فنية... اتجه الفنان الى رحاب الشرق و استقر بمدينة بورتسودان حيث ترعرع هنااك و ظهرت مقدرااته الفنية و اشتهر كفنان مميز بثغر السودان بورتسودان التى قضى فيهاحوالى التسعة سنوات اسهمت فيها المؤثرات الفنية فى تلك الفترة بمدينة بورتسودان بتشكيله كفنان صاحب لونية خااصة فى الشعر و الالحان و الغناء..حيث اشتهرت هناك اغنيااته فات الميعاد و يا جميل يا حلو و ذلك قبل حضوره للخرطوم...
حضر الراحل الفنان صاح الضئ الى الخرطوم فى عام 1963 مشاركا فى احد المهرجانات الفنية حيث قدم جملة من اعمااله لاقت القبول و الرواج و كانت اعماله التى قدمها فى المهرجان: يا ليالى الحب الميعاد يا عينى يا جميل يا حلو
بعد النجااح الكبير الذى وجده هذا المهرجان تمت اجازة صوته و تسجيل اعماله بالاذاعة...
بعد النجااحاات التى حققها بانتشار اعمااله التى وجدت الرواج و القبول اتجه للقااهرة و مكث بها سنوات طويلة معطرا لياليها الحالمة حتى وافته المنيه فى 27 يوليو 1985
ارتحل صااحب الصوت الهادئ العميق الممذوج بنبرات الاسى و الحزن الدفين بعد ان خلف اعمالا راائعة تحكى عن موهبته الفذه و قدرته الفائقة على كتابة الشعر و امكانياته الكبيرة فى التلحين....
اللقاء المستحيل كلماات ..ابو أمنة حامد
سألت عينيك وعدا و ذبت قبل الوصول فوقى احتمالى فعفوا لقياك يا مستحيل فى نظرة الورد لينا فى شموخ النخيل هل سطوة الحسن الا الا اعتداد ظبى كحيل ارخى المساء خصلات عليه ليل جليل و الحسن صور فيه حقيقة المستحيل فمن شهى شهيا و من بتول بتول و من عصى عصى و من لول ذلول يا اريحيه حسن تكاثرت فى بخيل مد الاياادى و ضم اخضرار هذه الحقول ها زمان جميل فاخفق بهذا الجميل شربت من مقلتيه وعد اللقاء المستحيل سكرت لكن مثلى هل يرتضى بالقليل لا يرتضى بالقليل..
Post: #2 Title: Re: الفنان صالح الضئ....صوت الشجن...!! Author: الطيب شيقوق Date: 02-23-2008, 08:11 PM Parent: #1
اخي الجميل والراقي والمرهف والمبدع - محمد عثمان
ظهر صالح الضى فى الوسط الفنى فى بداية الستينات باغنيتين حققتا شهرة واسعة – يا جميل يا حلو- واوعك تخلف الميعاد – وقد تحولت الاخيرة الى اغنية اساسية فى السباتة تغنيها الفتيات لرقصة العروس وكان ذلك قمة النجاح بالنسبة لمطرب جديد يبدا خطوته الاولى – واخذت هذه الاغنية لرقصة العروس التى كانت ضمن برنامج فرقة شعلة افريقيا واخذتها بعد ذلك فرقة رضا للفنون الشعبية وقدمتها باسم رقصة الحمامة واستخدمت نفس لحن صالح الضى—ويحدثنا عمنا السر قدور انهم قدموا الرقصة فى المسرح القومى عام 1966م امام رئيس الوزراء محمد احمد محجوب وبعض ضيوفه الاجانب وبعد نهاية العرض حضر فى الكواليس الفنان صالح الضى وكان ذلك اول لقاء بين قدور وصالح وهاجم صالح قدور معترضا على استخدام لحنه ضمن برنامج الفرقة وهدد بانه سيقاضى الفرقة وعندما كان عمى السر يبحث عن كلمات ليرد بها على التهديد فاجاه صالح بضحكة عالية واحتضنه وهو يقول له يا اخى انت ما بتعرف تهزر – وعبر عن سعادته لاختيار احد الحانه فى برنامج الفرقة وكان هذا موقف بداية صداقة عمقتها فترة الغربة الطويلة فى القاهرة – خلال تواجده فى القاهرة لحن صالح الضى مجموعة من الاغنيات الجديدة من شعر ابو امنة حامد كان اشهرها –نحن ما ناسك- - وقدم صالح برنامجا اذاعيا عن الغناء فى اذاعة وادى النيل تحت عنوان اغنيات على ضفاف النيل وبرهن على قدرته وتمكنه فى مجال البرامج الاذاعية – صالح الضى الفنان الشامل الذى اخرج من احشائه ابداع مختلف الوانه فيه انتشاء للناس من بين نثر ونظم ورسم ولحن وترنم ومن منا لايجوس الديار طربا برجليه طربا وهو يصغى – عش معاى الحب – نعم كان صالح فنانا شاملا وباستثناء بضع اغنيات لابو امنة حامد وعبد الله كاظم واخرين فان جل اغنياته مثل – الدنيا جميلة جماله وهم- يا عينى – يا طير يا ماشى لاهلنا – عش معاى الحب –عتاب – هى من كلماته والحانه ومن وحى تجاربه الشخصية بما فيها من احلام ذهبت مع الريح وطواها الزمن – ويحدثنا عمنا السر عن منفاهم الاختيارى فى القاهرة ان حياة صالح فى القاهرة لم تستقر على حال فهو احيانا يركب عربته الملاكى ويسكن الشقق الفاخرة واحيانا لا يجد اجرة التاكسى ويلجا للغرف الصغيرة فى حوارى وازقة القاهرة وفى الحالتين كان ضاحكا ومتفئلا ينظر للمستقبل اكثر مما يتحسر على الماضى – ويذكر عمنا السر ان صالح كان يمر بضائقة مالية فعرض عليه الفنان محمد عبد المطلب ان يقدم وصلة غنائية فى احد ملاهى الهرم نظير مبلغ خمسين جنيها كل ليلة فغضب صالح غضبا شديدا وقال لعبد المطلب اموت جوعا ولا اغنى فى شارع الهرم وظل صالح معتزا بشخصيته وقدراته الفنية حتى رحيله المفاجىء المفجع –
Post: #3 Title: Re: الفنان صالح الضئ....صوت الشجن...!! Author: محمد عثمان Date: 02-23-2008, 08:53 PM Parent: #1
الاخ الطيب..
شكرا للالاضافة الثرة و القيمة عن تاريخ جميل و حافل فى حياة الراحل صالح الضئ.. و لعلها مسيرة طويلة تحتاج منا للتوثيق هنا..
شكرا مرة اخرى و فى انتظاار المزيد من الاضاءات على تاريخ هذا المبدع..
يديك العاافية...
Post: #4 Title: Re: الفنان صالح الضئ....صوت الشجن...!! Author: بدر الدين الأمير Date: 02-23-2008, 09:04 PM Parent: #3
محمد عثمان لك التقدير على هذا الضىء عن صالح الكله ضىء
Post: #5 Title: Re: الفنان صالح الضئ....صوت الشجن...!! Author: الطيب شيقوق Date: 02-23-2008, 09:16 PM Parent: #4
الاخ الباشمهندس البترولي الانيق محمد عثمان
كتب احد الاخوة الاعزاء
Quote: صالح الضى من الاصوات المنعشه التى توارت زمنا عن واقع الفن السودانى ابان اقامته بالقاهره حتى رحيله وهو من بدا مرحله الحلنقى الجميله بالخرطوم عند استقراره بهاقادما من كسلا فارتبط به كثيرا لدرجه السكن فى منزل واحد بام درمان كان معهما خليل اسماعيل فتخيلوجمال هذا المنزل . قلت ارتبط به الحلنقى كثيرا فاعطاه دررا وعسلا وقمحا وعطرا ووردا وقتها كان وردى فى خواتيم مرحلته مع اسماعيل حسن لكنه تنبه بحسه الراقى الى اشعار الحلنقى التى صدح بها صالح فسعى وردى الى شعر الحلنقى بالتالى نضب معين صالح الضى فى الفن السودانى بسب " هجره " الحلنقى الى مرحله وردى الثانيه.اعز الناس, صوره..عصافير الخريف..اقابلك وغيرها .. الى جانب رقى الكلمات التى تغنى بها صالح فانه يمتاز بصوت عالى يجرح القلب وحضور شديد واستغراق فى معايشه الاغنيه يندرج هنا مع الجابرى وعبدالرحمن عبدالله وابن الباديه ورمضان زايد.
انت عارف يا باشمهندس انا صالح الضيئ ده بموت فيهو عديل خاصة اغنية عش معاى الحب - وحالف اجى الاجازة وعلى الطلاق عازمك في بيتك شخصيامع الاخ الفنان المرهف خالد الصحافة لتسمع عش معاى الحب وبس .
اوع تكون من الناس البتضايروا من نسوانهم وتفسد علينا الجلسة .
Post: #9 Title: Re: الفنان صالح الضئ....صوت الشجن...!! Author: محمد عثمان Date: 02-23-2008, 09:48 PM Parent: #5
Quote: انت عارف يا باشمهندس انا صالح الضيئ ده بموت فيهو عديل خاصة اغنية عش معاى الحب - وحالف اجى الاجازة وعلى الطلاق عازمك في بيتك شخصيامع الاخ الفنان المرهف خالد الصحافة لتسمع عش معاى الحب وبس .
اوع تكون من الناس البتضايروا من نسوانهم وتفسد علينا الجلسة .
الاخ الطيب..
لك التحية يا زول و الف مرحب بيك و الدار مفتوحة ليك الفنان خاالد الصحافة بدون شك يمتلك صوتا جميلا و انا استمع اليه كلما سنحت الفرصة...
انشاء الله ساقوم بانزال اغلب اغنياات الراحل فى هذا البوست..و ربنا يقدرنا
شكرا مرة اخرى و خليك قريب من هنا...
Post: #7 Title: Re: الفنان صالح الضئ....صوت الشجن...!! Author: محمد عثمان Date: 02-23-2008, 09:41 PM Parent: #4
Quote: محمد عثمان لك التقدير على هذا الضىء عن صالح الكله ضىء
الاستاذ بدر الدين..
لك التحية و التقدير و حضور جميل يزيد هذا الضئ ضوءا..
يديك العاافية...
Post: #6 Title: Re: الفنان صالح الضئ....صوت الشجن...!! Author: تماضر الخنساء حمزه Date: 02-23-2008, 09:21 PM Parent: #1
لنك الحفظ,,غلبني أحفظها,,
كل الود..
Post: #8 Title: Re: الفنان صالح الضئ....صوت الشجن...!! Author: كمال علي الزين Date: 02-23-2008, 09:48 PM Parent: #6
صديقي ودعثمان
ما أروعك ..
(هناك صديق سوري يغني ياطير سأمدك بتسجيل للأغنية )
وهو من عشاق صالح الضي ..
كالعادة موفق , ومرهف ..
محبتي ..
Post: #12 Title: Re: الفنان صالح الضئ....صوت الشجن...!! Author: محمد عثمان Date: 02-23-2008, 10:01 PM Parent: #8
Quote: صديقي ودعثمان
ما أروعك ..
(هناك صديق سوري يغني ياطير سأمدك بتسجيل للأغنية )
وهو من عشاق صالح الضي ..
كالعادة موفق , ومرهف ..
محبتي ..
الاخ كمال..
يا زول مشتااقين و طوالى سائلين عنك و بقيت على كيفك تجى و على كيفك تفوت يديك العاافية و فى انتظار التسجيل..
مودتى...
Post: #11 Title: Re: الفنان صالح الضئ....صوت الشجن...!! Author: محمد عثمان Date: 02-23-2008, 09:58 PM Parent: #6
Quote: لنك الحفظ,,غلبني أحفظها,,
كل الود..
تمااضر...
النظاام الجديد فى سيرفر البورد ما مفهوم و من الصعوبة استخلاص لينك للحفظ من رابط الاغنية...
كحل وسط قمت بتحميل الاغنية فى موق اخر..لينك الحفظ تحت
Post: #10 Title: Re: الفنان صالح الضئ....صوت الشجن...!! Author: اسعد الريفى Date: 02-23-2008, 09:58 PM Parent: #1
اخونا محمد عثمان فى بداياتنا بالقاهرة تعرفنا و جاورنا المرحوم الراحل الرائع صالح الضى .. و كان ابو امنة فى كلية الاعلام .. و عاصرنا هذه الاعنية تحديدا .. و استمعنا لها مع الاستاذ السر قدور .. و كان هناك الكثيرين من الذين تاهت اسماؤهم بفعل الزمن .. و كان مولدها فى حى قاردن سيتى بين ابواب السفارة السودانية و شقته فى شارع سعد زغلول .. كان .. رحمه الله كان فنانا حقيقيا .. لا يعرف غير الكلمة و اللحن .. و بالمناسبة هذه الاغنية .. لها لحنان .. هذا هو اللحن الثانى أما الاول فلا أعتقد ان هناك من يعرفه غير السر قدور امد الله فى ايامه .. رحم الله صالح الضى
Post: #13 Title: Re: الفنان صالح الضئ....صوت الشجن...!! Author: محمد عثمان Date: 02-23-2008, 10:47 PM Parent: #10
Quote: اخونا محمد عثمان فى بداياتنا بالقاهرة تعرفنا و جاورنا المرحوم الراحل الرائع صالح الضى .. و كان ابو امنة فى كلية الاعلام .. و عاصرنا هذه الاعنية تحديدا .. و استمعنا لها مع الاستاذ السر قدور .. و كان هناك الكثيرين من الذين تاهت اسماؤهم بفعل الزمن .. و كان مولدها فى حى قاردن سيتى بين ابواب السفارة السودانية و شقته فى شارع سعد زغلول .. كان .. رحمه الله كان فنانا حقيقيا .. لا يعرف غير الكلمة و اللحن .. و بالمناسبة هذه الاغنية .. لها لحنان .. هذا هو اللحن الثانى أما الاول فلا أعتقد ان هناك من يعرفه غير السر قدور امد الله فى ايامه .. رحم الله صالح الضى
الاخ اسعد..
لك التحية و انت حااضرا فى هذه الساحة التى تعيد لك ذكريات استفدنا نحن منها و من تاريخ جميل فى حياة الراحل صالح الضئ.. ابو امنة حامد كتب ايضا اغنية ضاحك المقلتين التى لحنها و تغنى بها الراحل.. السر قدور يحمل الكثير من تاريخ الفن و حكايات الاغانى..بس نلم فيهو كيف.؟؟
يديك العاافية...
Post: #14 Title: Re: الفنان صالح الضئ....صوت الشجن...!! Author: محمد عثمان Date: 02-23-2008, 10:50 PM Parent: #1
نحن ما نااسك
Post: #15 Title: Re: الفنان صالح الضئ....صوت الشجن...!! Author: محمد أحمد محمود Date: 02-23-2008, 11:49 PM Parent: #14
محمد عثمان ياخ تسلم انا والله قد مسني من هذا البوست طرب عظيم وشجن غميس وهو كما هو دارج عند اهلي القول ان الشبعه في السنه عكاز صالح الضي فنان فنان بجيهك تمام من المسغبةوالجوع للغنا السمح ياسلام عليك ياسلام ..
Post: #21 Title: Re: الفنان صالح الضئ....صوت الشجن...!! Author: محمد عثمان Date: 02-24-2008, 07:08 PM Parent: #15
الاخ محمد احمد محمود..
منور البوست بحضورك الانيق و الدار دارك..
مودتى...
Post: #49 Title: Re: الفنان صالح الضئ....صوت الشجن...!! Author: محمد عثمان Date: 02-25-2008, 10:34 PM Parent: #14
نحن ما ناسك من كلماات الشااعر ابو امنة حامد الحان و غناء صالح الضئ...
Post: #16 Title: Re: الفنان صالح الضئ....صوت الشجن...!! Author: Alsa7afa_30 Date: 02-24-2008, 00:35 AM Parent: #1
Post: #23 Title: Re: الفنان صالح الضئ....صوت الشجن...!! Author: محمد عثمان Date: 02-24-2008, 07:21 PM Parent: #16
الصحاافة...
تسلم يا حبيب و شكرا للينك الحفظ...
بالمناسبة عندى تعليق على اغنية العااقب..بجيك بهنااك
مودتى...
Post: #17 Title: Re: الفنان صالح الضئ....صوت الشجن...!! Author: Ishraga Haimoura Date: 02-24-2008, 11:48 AM Parent: #1
الأخ محمد عثمان
صالح الضي..... "لغة ليس يحل طلاسمها غير الضالع بالأضواء"
من الأصوات الغنية وندية، واعتقد أن الإعلام قد ظلمه ظلما كبيرا، كماظلمته سنين الغربة والبعد عن المستمع السوداني.
شكرا محمد عثمان على هذه الإضاءة
Post: #18 Title: Re: الفنان صالح الضئ....صوت الشجن...!! Author: asmhan hashim Date: 02-24-2008, 02:08 PM Parent: #17
صالح الضى صاحب الاداء المميز الذى يأسر الوجدان
شكرا محمد عثمان
حاولت اهديك اغنية ليهو لكن حلف التحميل ما يشتغل معاي..
Post: #19 Title: Re: الفنان صالح الضئ....صوت الشجن...!! Author: محمد المرتضى حامد Date: 02-24-2008, 02:22 PM Parent: #18
Quote: صوت الشجن
Post: #20 Title: Re: الفنان صالح الضئ....صوت الشجن...!! Author: Ahmed al Qurashi Date: 02-24-2008, 05:19 PM Parent: #19
الاخ العزيز / محمد عثمان
جئنا وجبنا معانا عنقريبنا الهباب لنقيل ونستريح معك فى دوحة صالح الضئ
Post: #31 Title: Re: الفنان صالح الضئ....صوت الشجن...!! Author: محمد عثمان Date: 02-24-2008, 08:51 PM Parent: #20
Quote: الاخ العزيز / محمد عثمان
جئنا وجبنا معانا عنقريبنا الهباب لنقيل ونستريح معك فى دوحة صالح الضئ
دكتور احمد القرشى..
يا زول انتم من لكم الريادة هنا و استفدنا منكم الكثير..فاى مكان تمشيهو مكانك فالدار دارك و راحتك بالكامل..
يديك العاافية...
Post: #29 Title: Re: الفنان صالح الضئ....صوت الشجن...!! Author: محمد عثمان Date: 02-24-2008, 08:46 PM Parent: #19
ود المرتضى..
منور البوست بطلتك البهية و نحن ما ناااسك...
يديك العاافية...
Post: #28 Title: Re: الفنان صالح الضئ....صوت الشجن...!! Author: محمد عثمان Date: 02-24-2008, 08:40 PM Parent: #18
Quote: صالح الضى صاحب الاداء المميز الذى يأسر الوجدان
شكرا محمد عثمان
حاولت اهديك اغنية ليهو لكن حلف التحميل ما يشتغل معاي..
اسمهان...
شكرا على الطلة البهية و حاولى مرة اخرى..و ننتظر منك الاغنية..
مودتى...
Post: #26 Title: Re: الفنان صالح الضئ....صوت الشجن...!! Author: محمد عثمان Date: 02-24-2008, 08:30 PM Parent: #17
Quote: الأخ محمد عثمان
صالح الضي..... "لغة ليس يحل طلاسمها غير الضالع بالأضواء"
من الأصوات الغنية وندية، واعتقد أن الإعلام قد ظلمه ظلما كبيرا، كماظلمته سنين الغربة والبعد عن المستمع السوداني.
شكرا محمد عثمان على هذه الإضاءة
اشرااقة..
ليك وحشة و طولت الغيبة شكرا لحضورك الجميل...
مودتى...
Post: #22 Title: Re: الفنان صالح الضئ....صوت الشجن...!! Author: محمد عثمان Date: 02-24-2008, 07:18 PM Parent: #1
كتب الراحل صالح الضئ اغلب اغنيااته و لحنها بنفسه و ايضا تغنى لمجموعة من الشعراء باغنياات مختلفة... من الاغنيات التى تغنى بها:
اغنية دلال التى كتب كلمااتها الشاعر بابكر عبد الرحمن و لحنها الراحل اغنية رسالة كتبها الراحل و لحنها بنفسه اغنية الاياام و الليالى من كلماته و الحانه اغنية اللقاء المستحيل من كلمات ابو امنة حامد و من الحان الراحل اغنية ضاحك المقلتين من كلمات ابو امنة حامد و الحان الراحل صالح الضئ اغنية ازهار المحبة كتبها الشاعر ابو قطاطى و لحنها الراحل صالح الضئ اغنية يا جميل يا حلو من كلمات الراحل و الحانه..
Post: #24 Title: Re: الفنان صالح الضئ....صوت الشجن...!! Author: Raja Date: 02-24-2008, 07:48 PM Parent: #22
العزيز محمد عثمان..
سلامات ومحبة..
الفنان صالح الضي هو فنان حقيقي بجد. كلمات أغنياته والألحان الخاصة به وضعته في هذه المكانة.. أسفت كثيرا لوفاته المفاجأة والمبكرة.. .. هناك أغنية جميلة لا أعرف أسمها ولكن كلماتها: إن قلت والله.. بيحبوني يزداد دلالهم.. ويسلوني وإن قلتا خليته.. هواهم .... ويحبوني عملت أيه يا ناس فيهم ايه ذنبي بس.. حيرتوني .. للا لا لا
غنية ما حصلت..
تحياتي لك ولضيوفك وللبوست الجميل
Post: #25 Title: Re: الفنان صالح الضئ....صوت الشجن...!! Author: Alsa7afa_30 Date: 02-24-2008, 08:05 PM Parent: #24
هي أغنية "دلال" يا رجاء ..
Post: #27 Title: Re: الفنان صالح الضئ....صوت الشجن...!! Author: Raja Date: 02-24-2008, 08:39 PM Parent: #25
العزيز الصحافة 30..
سلامات وتشكرات كثيرة..
وصية شقيقي بهاء الدين لي في آخر زيارة للسودان أن أشتري له البوم للفنان صالح الضي.. وفعلا إشتريته ولا زال معي لأننا ما إتقابلنا أو لقيت شخص مسافر ليه..
أكيد بهاء لو بيقرا سودانيز أون لاين حيكون متكيف شديد بالبوست ده..
مرة تانية شكرا للكل
Post: #30 Title: Re: الفنان صالح الضئ....صوت الشجن...!! Author: Alsa7afa_30 Date: 02-24-2008, 08:49 PM Parent: #27
رجاء سلام
Quote: وصية شقيقي بهاء الدين لي في آخر زيارة للسودان أن أشتري له البوم للفنان صالح الضي.. وفعلا إشتريته ولا زال معي لأننا ما إتقابلنا أو لقيت شخص مسافر ليه..
وين في السودان نلقى الحاجات دي ؟؟
نورونا..
Post: #33 Title: Re: الفنان صالح الضئ....صوت الشجن...!! Author: Raja Date: 02-24-2008, 09:04 PM Parent: #30
الصحافة سلام.. بالمناسبة إسمك حسام.. صاح؟
حتستغرب شديد لو عرفت إني جبت الألبوم من نيالا.. في محل خطير بتاع زول قالو كان عايش في اوروبا ورجع لنيالا وفتح المحل ده. بتلاقي فيه اي غنية تخطر على بالك. مرة بالصدقة مشيت إشتريت شريط لكابلي فيه أغنية "فتاة اليوم" عشان استخدمها في تقرير. أها طلعت منه بحوالي 7 شرايط مختلفة .. المحل التاني اللقيت فيه أجمل الألبومات السودانية كان "تسني".. أكاد اجزم إنه فيه شرايط سودانية ما موجودة في أي مكان في العالم. دي من شدة ما قديمة. لما الشريط تعمل ليه عمرة قبل ما تشغله ..
تحياتي
Post: #34 Title: Re: الفنان صالح الضئ....صوت الشجن...!! Author: Alsa7afa_30 Date: 02-24-2008, 09:16 PM Parent: #33
رجاء
نيالا حتة وحدة ؟؟
صعبتيها خالص !
ما بنلقى في العاصمة المثلثة ؟؟
ولا ناس في العاصمة بقو ما بسمعوا الحاجات دي حالياً ؟؟
Quote: دي من شدة ما قديمة. لما الشريط تعمل ليه عمرة قبل ما تشغله
لكن بعد العمرة بتكون حاجة تانية ! أنا بموت في النوع ده من الشرايط لأنو بدون شك بتكون حاملة درر،،
بالمناسبة أخوك بلا فخر أخصائي عمرة شرايط
شريط مقطوع شريط مقلوب أي حاجة ..
________ حسام
Post: #32 Title: Re: الفنان صالح الضئ....صوت الشجن...!! Author: محمد عثمان Date: 02-24-2008, 09:03 PM Parent: #24
Quote: العزيز محمد عثمان..
سلامات ومحبة..
الفنان صالح الضي هو فنان حقيقي بجد. كلمات أغنياته والألحان الخاصة به وضعته في هذه المكانة.. أسفت كثيرا لوفاته المفاجأة والمبكرة.. .. هناك أغنية جميلة لا أعرف أسمها ولكن كلماتها: إن قلت والله.. بيحبوني
العزيزة رجاء..
لك التحية و انت حضورا هنا الراحل الفنان صالح الضئ فنان ذو نكهة خااصة و لونية متفردة شكل وجداننا باغنيات جميلة و درر خالدة فى مكتبة الغناء السودانى..
الاغنية التى ذكرتيها هى فعلا اغنية دلال كما ذكر الاخ حساام و هى من كلمات الشاعر بابكر عبد الرحمن و الحان الراحل الفنان صالح الضئ
دلال كلمات بابكر عبد الرحمن الحان و غناء صالح الضئ
ان قلت والله بيحبونى يزداد دلالهم و يسلونى و ان قلت خليتو هوااهم يشكو الهوى و يلومومنى عملت ايه..؟ يا ناس فيكم ايه ذنبى بس حيرتونى ان رحت اشكى و اظلّم او ابكى حبى و اتألم و اقول خلاص توب يا قلبى من حبو مرة و اتعلم الاقة احلامو تجينى من عز منامى تصحينى بغير عليها من روحى و تزيد مع الغيرة جروحى و اصبر و اقول يمكن بكرة تتطراانى و تقول يا روحى لكن يمر بكرة و بعدو و تسيبنى لسهدى و نوحى مقسوم على ارضى عذابو و اوقد بنار حبى شبابو و تنور ايامو هنئية كل يوم يقول قلبى حبابو ولما يشوفنى بديت اسلى يطرا ويقول الهوى جاهو
Post: #100 Title: Re: الفنان صالح الضئ....صوت الشجن...!! Author: محمد عثمان Date: 03-01-2008, 09:10 PM Parent: #32
بغير عليها من روحى و تزيد مع الغيرة جروحى و اصبر و اقول يمكن بكرة تتطراانى و تقول يا روحى لكن يمر بكرة و بعدو و تسيبنى لسهدى و نوحى
Post: #90 Title: Re: الفنان صالح الضئ....صوت الشجن...!! Author: محمد عثمان Date: 02-28-2008, 08:31 PM Parent: #22
و كتب له ايضا الشااعر اسحق الحلنقى اغنية شريك حيااتى..
Post: #35 Title: Re: الفنان صالح الضئ....صوت الشجن...!! Author: محمد عثمان Date: 02-24-2008, 09:17 PM Parent: #1
Post: #36 Title: Re: الفنان صالح الضئ....صوت الشجن...!! Author: Raja Date: 02-24-2008, 09:35 PM Parent: #35
العزيزان محمد وحسام..
يعني بجد زي ما بيقولو: You made my day
يا حسام بالله ورينا الطريقة البتعمًر بيها الشرايط. أوعك تقول لي بالمنكير. لأنها دي طريقتي الخيبانة ..
أكيد ناجي الملك بيعرف الجخانين بتاعت الدرر الفي العاصمة المثلثة .. عليك بيه..
ودي
Post: #37 Title: Re: الفنان صالح الضئ....صوت الشجن...!! Author: Alsa7afa_30 Date: 02-24-2008, 09:56 PM Parent: #36
رجاء
Quote: أوعك تقول لي بالمنكير
الصراحة دي كانت الطريقة البدائية ..
أما حالياً نستعمل السولوتيب
احذري من أن ينطبق طرفا الشريط فوق بعضهما البعض عند لصقهما .. لابد أن يكون الطرفان متلاصقان جنباً إلى جنب بواسطة السولوتيب ..و بعد عملية اللصق نقوم بإزالة الزوائد بواسطة مقص صغير ..
و هنالك رؤى مستقبلية لإدخال التكنولوجيا باستخدام "روبوت" مصمم خصيصاً لهذا الغرض، لحل هذه المشكلة التي تثير الغضب ،خصوصاً لمن الواحد يكون رايق و عندو مزاج يسمع الشريط المعني ..
أهم حاجة في الحكاية دي طول البال و سعة الصدر ..
Post: #38 Title: Re: الفنان صالح الضئ....صوت الشجن...!! Author: عمر أحمد Date: 02-24-2008, 10:00 PM Parent: #1
ما ادراك ماصالح الضي
بتحكر هنا النشوف آخركم شنو
Post: #39 Title: Re: الفنان صالح الضئ....صوت الشجن...!! Author: صلاح شعيب Date: 02-25-2008, 04:32 AM Parent: #38
إذاعه ولا حفله عامه كلو عندنا لكن حنان الجريف خِلِص بنجيبو الأسبوع الجاي.
Post: #42 Title: Re: الفنان صالح الضئ....صوت الشجن...!! Author: محمد المرتضى حامد Date: 02-25-2008, 07:57 AM Parent: #41
شيقوق،
سلامات يازعيم،
Post: #50 Title: Re: الفنان صالح الضئ....صوت الشجن...!! Author: محمد عثمان Date: 02-25-2008, 10:46 PM Parent: #41
Quote: تعرفي يا رجاء لما أسمع المقطع البيقول ( بغير عليها من روحي وتزيد مع الغيرة جروحي) بتذكر
الكلام البيقولوهو ناس تحضير الأرواح والذي يزعمون فيه أن الجسد المادي تخرج منه الهاله
الإكتوبلازمية التي يمكن رؤيتها بأجهزة عالية الحساسية ( منها قلب العاشق)، ففي تلك الحاله،
Post: #48 Title: Re: الفنان صالح الضئ....صوت الشجن...!! Author: محمد عثمان Date: 02-25-2008, 10:04 PM Parent: #40
Quote: الأخ الفاضل محمد عثمان...
هكذا أنت وكما عودتنا دوماً... فى الدنيا كم من جميل!!
لك التحية والتقدير أخ محمد...
ورحم الله الفنان صالح الضي...
العزيزة سلمى...
لك التحية و انت دايمة الحضور فى كل ما هو جميل شكرا ليك كتير..
مودتى...
Post: #47 Title: Re: الفنان صالح الضئ....صوت الشجن...!! Author: محمد عثمان Date: 02-25-2008, 04:06 PM Parent: #39
الاخ صلاح شعيب..
لك التحية و التقدير و شكرا للاضافة
مودتى...
Post: #45 Title: Re: الفنان صالح الضئ....صوت الشجن...!! Author: محمد عثمان Date: 02-25-2008, 03:53 PM Parent: #38
Quote: ما ادراك ماصالح الضي
بتحكر هنا النشوف آخركم شنو
سلااام اخ عمر
منور يا زول...الدار دارك
مودتى...
Post: #43 Title: Re: الفنان صالح الضئ....صوت الشجن...!! Author: محمد أبوالعزائم أبوالريش Date: 02-25-2008, 08:03 AM Parent: #1
محمد عثمان يا جميل ....
غايتو يوم بتقتل ليك زول ....
بس
Post: #44 Title: Re: الفنان صالح الضئ....صوت الشجن...!! Author: مطر قادم Date: 02-25-2008, 02:49 PM Parent: #43
Post: #53 Title: Re: الفنان صالح الضئ....صوت الشجن...!! Author: محمد عثمان Date: 02-26-2008, 00:35 AM Parent: #44
الاخ مطر...
و ما تنسى زول فى الحلة الا سلم عليهو.. شكرا للاضاافة و اللحن الجميل اغنية يا طير من الاغنياات التى خلدت نفسها و ذلك لارتباطها بالسفر و الغربة و البعد عن الدياار الحبيبة..
مودتى...
Post: #51 Title: Re: الفنان صالح الضئ....صوت الشجن...!! Author: محمد عثمان Date: 02-25-2008, 10:53 PM Parent: #43
اخ محمد ابو العزائم..
تسلم با جميل.. و ما بتجيكم عوجة انشاء الله..
مودتى...
Post: #46 Title: Re: الفنان صالح الضئ....صوت الشجن...!! Author: محمد عثمان Date: 02-25-2008, 04:04 PM Parent: #1
وجدت هذه المادة بالارشيف فى بوست للاخ خالد ابو القاسم بعنوان: اليوم (23) عاماً على رحيله (صالح الضي) الذي لم ينطفئ
و هى منقولة من صحيفة السودانى...
لم يلج صالح الضي دنيا الغناء من الباب السهل، فقد صادف ظهوره العمالقة: الكاشف، أحمد المصطفى، حسن عطية، عثمان حسين، إبراهيم عوض.. وغيرهم. لكن لصالح ميزات اخر، فوالده هو الضي آدم رمضان؛ عازف آلة (البروجي) الماهر التي كان يستخدمها الجيش في نداءاته المختلفة. وكان الضي حاضراً في الألعاب الشعبية (الجراري، التويا، الهسيس) وغناء (الكرير).
حكى لنا أخاه آدم الضي، الذي جلسنا اليه بصحبة ابن اخيه الإعلامي علاء الدين محمد الضي الذي وثق له عبرسفره (الفنان صالح الضي.. طرب الزمن الجميل) بمنزله بالثورة. يقول: كنت وصالح والأخ الأكبر محمد بالأبيض بعد انتقالنا بصحبة الوالد اليها في العام 1942م من ديارنا ببارا. كنا ننتظر الجيش لنردد من خلفه الجلالات المشهورة حتى حفظناها عن ظهر قلب، وصرنا نتتبع الجيش في المدينه مبهورين.. وأحيانا نقضي الساعات بلا ملل ونحن ننظر الى الوالد يقوم بتلميع آلاته الموسيقية.
* بارا المدينة الأولى في حياته
شهدت هذه المدينه الحالمة بولاية شمال كردفان ميلاد صالح الضي في العام 1936م، وبالأبيض عندما بلغ السابعة من عمره درس الابتدائية بمدرسة الأبيض، لكنه اتجه الى عمل النجارة وصار من أشهر صانعي الأثاث بالمدينة. غير أن رحيل الوالد في العام 1952م من الأسباب التي سارعت برحيله الى مدينة بورتسودان، بعد مضيّه وقتا ليس بالكثير مع شقيقه محمد الضي عازف الكمان المعروف بأم درمان.
* عشر سنوات ببورتسودان
ويواصل حاج آدم، شقيق المرحوم الفنان صالح الضي الذي تحامل على آلام المرض، حديثه لـ(السوداني) أن صالح الضي قد قضى عشر سنوات بمدينة بورتسودان منذ العام 1962م حتى ظنه كثير من الناس أنه من أبناء تلك المدينة التي أحبها لدرجة كبيرة، وبها تفتقت موهبته الغنائية وعرفه الناس عبر أشهر أغنياته (أوعك تخلف الميعاد)، (يا جميل يا حلو)، (يا عينيا)، وغيرها.
* دخوله الإذاعة
من أطرف ما حكاه حاج آدم عن دخول صالح الى الإذاعة في العام1969م: كان يصطحبنا انا ومحمد كعازفين، وكانت لجنة الإجازة وقتها تتكون من (عثمان زين، عابد كوكو، حسن الخواض، العاقب محمد حسن، علاء الدين حمزة)، وكانت دهشة اللجنة عندما علمت أننا أشقاء ووقفوا مبهورين، حين غنى صالح (ليالي الحب، الميعاد، يا جميل يا حلو).
ويقول علاء الدين الضي هنا: من المفارقات الغريبة بالإذاعة وقتها أن أشهر أغنياته التي عرفها الناس (عيش معاي الحب) قد رفضت من قبل الإذاعة.
* رحلته إلى مصر
يحكي علاء الدين محمد الضي (ابن اخيه) عن تلك الرحلة إلى مصر انه وفي ذات اللحظة فقط قبيل اقلاع الطائرة التي اقلت صالح الضي إلى القاهرة كان الرئيس الأسبق نميري قد تستلم مقاليد السلطة بالبلاد.. كان صالح قد ذهب طلبا للدراسة بمعهد الموسيقى العالي بمصر، وكان العديد من الفنانين السودانيين قد درسوا بالمعهد، منهم على سبيل المثال العاقب محمد الحسن، سيد خليفة، أحمد المصطفى، محمد عبد الله محمدية.
وأضاف حاج آدم قائلا (وقد تذكر تلك الأيام الخوالي): كنت عندما اذهب إلى مؤتمرات اتحادات عمال النقل العربي التقيه بشقته بوسط القاهرة التي كانت قبلة لكل السودانيين، اجده يجتمع إلى السر قدور، ابو آمنة حامد وكثير من المبدعين الذين يأتون إلى القاهرة، وفيها كتب اغنيته الشهيرة (يا طير يا ماشي لي أهلنا) التي كتبها ولحنها وأداها.
* قصة العودة
ظل صالح الضي بمصر زمنا طويلا نشطا في كل المحافل حيث عمل في اذاعة ركن السودان مسؤولا عن قسم الموسيقى فيها وشارك المصريين في (اوبريت الجلاء) السنوي، كما شارك مع فرقة رضا الغنائية الاستعراضية التي أعجبت بلحن أغنيته (أوعك تخلف الميعاد) لتضع عليها لحن رقصة (الحمامة) التي أدّتها الفرقة لاحقاً بالمسرح القومي بأم درمان وسط إعجاب السودانيين.
ورغم هذا النشاط لصالح الضي بالقاهرة الا ان مأمون عوض ابو زيد استطاع ان يقنعه بضرورة العودة إلى السودان بسبب تهيئة ظروف الإبداع بالداخل، فعاد في العام 1972م يحمل معه أغنياته منوّتة بشكل علمي.. وسرعان ما سجل للإذاعة منها (دلال)، (الميعاد)، (رسالة)، وبدأ يتفاعل مع المجتمع مشاركاً في أفراحه ومناسباته ويستجيب لكل الدعوات التي تصل اليه من الأهل والأصدقاء.
لم يدم الحال طويلا فقد ملت الفرقة الموسيقية التي لم تكن معتادة على الغناء الجاد والصعب عزف أغنياته على النوتة وبيروقراطية الأجهزة الإعلامية معجلة برحيله مرة أخرى الى مصر.. وفي هذا يقول علاء الدين إن صالح كان يجلس للتسجيل منذ التاسعة صباحاً (الموعد الذي ضرب له) حتى الخامسة مساء دون أن يتمكن من التسجيل.. مما جعله يغضب بشدة ويقول لهم بصالون عمه الحاج آدم باستياء بائن (أنا ماشي وما أظن أجي راجع تاني).
* تسجيلاته للتلفزيون
سجل صالح الضي للتلفزيون قبل رحيله مرة اخرى الى مصر حوارات (سهرة) مع متوكل كمال في العام 1973م، وغنى في تلك السهرة أغنياته (عيش معاي الحب)، (الميعاد)، (يا طير يا ماشي لي أهلنا)، كما سجل لمحجوب عبد الحفيظ حوارا فنيا في بداية الثمانينيات.
ويقول علاء الدين الضي إنه من المؤسف حقاً أن يحول تغير نظام الأشرطة في التلفزيون الى الديجتال دون حفظ أغنيتيه الفصيحتين (ضاحك المقل)، و(اللقاء المستحيل)، للراحل أبو آمنة حامد، ذلك لأن الأشرطة التي سجل بها لا يمكن نسخها الى النظام الجديد لعدم توفر إسبيراتها.
* أغنياته الشهيرة
غنى الضي الكثير من الأغنيات فاقت عددا الـ(23) أغنية، فغنى لأسحق الحلنقي (شريك حياتي)، (عيش معاي الحب)، (بتتغير)، ولأبو آمنة حامد (نحن ما ناسك)، (اللقاء المستحيل)، (ضاحك المفاتن)، (سنتحد)، وغنى لمحجوب شريف الشوق والغرور)، ولتاج السر عباس (ثورة شعب)، و(دلال) لبابكر عبد الرحمن، و(سلوان) لخليفة الصادق، كما غنى للشاعر محمد علي أبو قطاطي (فرحة)، (أزهار المحبة).. كما كتب صالح الكثير من الأغنيات الخاصة به ووضع الحانها بنفسه.
* زواجه
لارتباط الفنان صالح الضي ببورتسودان والشرق كان يقوم برحلات مستمرة الى أسمرا مع مجموعة من الفنانين السودانيين، وفي أسمرا التقى بزوجته الصيدلانية الإريترية (الماظ)، ومنها أنجب ابنته الوحيدة (عزيزة)، وكانت الماظ تخاف جداً على زوجها من المعجبات للدرجة التي كانت تصر أن يصطحبها في جميع حفلاته، مما عجل بانفصالهما، ليتزوج صالح مرة أخرى من مصرية أقامت معه بالقاهرة.
* الحلنقي يحكي عن صديقه..
عندما حدثنا الشاعر إسحق الحلنقي عن صديقه الضي، بدا متأثراً فقد صمت لفترة من الوقت قبل أن يقول: صالح من أقرب الناس الى نفسي، التقينا في بداية السبعينيات، وكنا لا نفترق أبداً، فما ذهبت الى مكان الا كنت بصحبته.. كنا كالتوائم، وقد أرادت الظروف أن نسكن معاً في بيت المال الى جانب الفنان أبو عركي البخيت، وخليل إسماعيل، والفنان محمد الأمين، كنا نصحو معاً في الصباح لنعد الإفطار والشاي قبل أن نذهب بأرجلنا الى حوش الإذاعة، واعتبر أغنيته (يا عينيا) من أجمل الأغنيات التي غناها صالح، فقد كان موفقا في اختيار أغنياته وألحانه التي يضعها بنفسه. وأذكر عندما كنت اجلس بشجرة الإذاعة الشهيرة ومعي الفنان الموسيقار العاقب محمد حسن الذي قال لي عندما لحظ صالح يسير في اتجاهنا: "صالح يتميز بعبقرية في ألحانه التي يضعها، لأنه يعتمد على الموهبة الفطرية".. وكان صالح-والحديث للحلنقي- صاحب كاريزما خاصة.. فعندما فكرت في منح الملحن المعروف بشير عباس أغنية (بتتغير) ليضع لها اللحن للبلابل اعترض عليّ الضي طالبا تلك الأغنية ليغنيها، فوضع لها اللحن وغناها كأحسن ما يكون.
وعن ميزات صالح الشخصية قال الحلنقي: كان صالح كما الطفل الصغير؛ صافياً في ضحكته، يجامل الناس لدرجة كبيرة، حتى إنه يمكن أن يغني بالمجان في الأعراس. وعندما اعترضت عليه في ذلك قال لي: "ماذا يعني أن ننام بمنازلنا، وبإمكاننا إسعاد الناس؟".. وختم الشاعر إسحق الحلنقي كلماته بالقول: محزن ان لا يجد فنان مثل صالح التكريم اللائق به، فلا يمكن أن تكرم الثريات وتترك النجوم؟!.
* عودته الأخيرة لمصر ووفاته
كان صالح الضي قد عاد الى مصر مرة أخرى في نهاية العام 1984م ليقيم بحي السيدة زينب (أحد أحياء القاهرة الشعبية)، وبها لقي ربه في الثامن والعشرين من يوليو 1985م ضمن مجموعة من الأصدقاء من الجنسيات المختلفة بعد تعرضهم لحادث تسمم شهير أودى بحياتهم جميعاً.
ذهب (الضي).. الذي لم ينطفئ بعد رحلة من العطاء الفني الممتد، تاركا ثروة غنائية قيمة ما تزال تتغنى بها الأجيال وتسعد من بعده.. له الرحمة بقدر ما قدم. ترحموا معنا عليه ونحن نحيي ذكراه الثالثة والعشرين والتي توافق اليوم 28 يوليو 2007
منقول من صحيفة السودانى.. عدد يوم 28/7/2007
Post: #52 Title: Re: الفنان صالح الضئ....صوت الشجن...!! Author: محمد عثمان Date: 02-25-2008, 10:56 PM Parent: #1
سلوان كلمات خليفة الصاادق الحان علاء الدين حمزة غناء الفنان صالح الضئ
سوف انساكى و انسى كل شئ عن هواانا و سانساه زماانا علق النفس زمانا و سامحوه غراما.. اتخذ القلب مكانا سوف انساكى و فى الكاس سلو و عزاء و ستبكين على الامس و لا يجدى البكاء سوف تخبو ناار حبى فى غد و سانساكى و انسى ما مضى من موعد و ستجلو ذكرياات للهوى عن خلدى و سانساها و انسى ذكرها للابد و اذا ما لحت فى يوم بدربى سوف لا اهفو و لا يخفق قلبى و سامضى لا اباالى برجاء او نداء و ستبقين على الدرب تثيرين الرثاء
Post: #54 Title: Re: الفنان صالح الضئ....صوت الشجن...!! Author: مجدي عبدالرحيم فضل Date: 02-26-2008, 09:57 AM Parent: #52
ياســـــــــــــــــلام يا أبوأحميد
غاية في الروعة وأضاءات الضئ صادقه وجلية رحمة الله علية
،،،،أبوقصى،،،،
Post: #57 Title: Re: الفنان صالح الضئ....صوت الشجن...!! Author: محمد عثمان Date: 02-26-2008, 08:46 PM Parent: #54
Quote: ياســـــــــــــــــلام يا أبوأحميد
غاية في الروعة وأضاءات الضئ صادقه وجلية رحمة الله علية
،،،،أبوقصى،،،،
شكرا ابو قصى على الحضور الجميل
مودتى...
Post: #55 Title: Re: الفنان صالح الضئ....صوت الشجن...!! Author: Tayseer Elmobarak Date: 02-26-2008, 10:59 AM Parent: #1
محمد عثمان .. صاحب الذوق الرفيع .. عنوان البوست كفى و وفى .. أرجو قبول المشاركة ..
Post: #56 Title: Re: الفنان صالح الضئ....صوت الشجن...!! Author: sudania2000 Date: 02-26-2008, 12:20 PM Parent: #55
محمد عثمان
سلامات واشواق كتارات
كل غطسة وانت بخير
وكعادتك تضرب الجميع في مقتل وبدون مجاملة ذوقك راقي في اختيار الاغاني
وكل ما تختار اجده يلمس العصب في ناس كثيرة مرهفة ولكل الحضور هنا اقول
جمال روحكم يملأني فرحا ويذيد الرغبة في الاستماع وأجمل ما في البوست
لنكات الحفظ وكمان الكلمات : والله يوم بتكتل ليك زول فرحا وسعادة بالنغم الاصيل
والكلمات الجميل عارف عندي مشكلة في الحفظ وطلبي هارد كوبي سيدي لمجموعة الاعمال
لمن تفضي احرق سي دي علي قول ناس المياكروسوفت وكلك علي بعضك جميل وفنان
تحياتي واحترامي لكل الحضور وليك تاني كمان
Post: #62 Title: Re: الفنان صالح الضئ....صوت الشجن...!! Author: محمد عثمان Date: 02-27-2008, 09:09 AM
سوداانية...
سلااام كتير و حضور رااقى و انيق و احرف ملونة باحساسات الغناء الجميل و تحت الخدمة لحرق كل الاغنيات و ارسالها لك..
شكرا للطلة الانيقة...
مودتى...
Post: #59 Title: Re: الفنان صالح الضئ....صوت الشجن...!! Author: محمد عثمان Date: 02-26-2008, 09:07 PM Parent: #55
تيسير..
شكرا كتير للاضاافة الثرة و حضور جميل....
مودتى...
Post: #58 Title: Re: الفنان صالح الضئ....صوت الشجن...!! Author: محمد عثمان Date: 02-26-2008, 09:02 PM Parent: #1
Post: #65 Title: Re: الفنان صالح الضئ....صوت الشجن...!! Author: محمد عثمان Date: 02-27-2008, 09:22 AM Parent: #58
Post: #60 Title: Re: الفنان صالح الضئ....صوت الشجن...!! Author: محمد عثمان Date: 02-26-2008, 09:16 PM Parent: #1
و على الوعد ما زلنا..!!
كلماات و الحاان الفنان صاالح الضئ
يا طير يا ماشي لى أهلنا بسراع وصل رسائلنا والشوق ما تنسى ياطائر لكل البسألك عنا قوليهم على العهد مازلنا ذكراهم أنفاسنا و مشاغلنا كيف حال بستانا وخمائلنا و ربوتنا مجمع حبايبنا ******* أنا في انتظارك يا طائر..على نااارى وصل رسا ئل يا طائر..و عود بالبشااير و افرد جنااحك يا طاائر..على داارى قبال تعود لازم تروح من تاانى مرة ما تنسى زول في الحله إلا سلم عليهو و تحضن عينيهو
Post: #71 Title: Re: الفنان صالح الضئ....صوت الشجن...!! Author: انعام عبد الحفيظ Date: 02-27-2008, 09:26 PM Parent: #60
قوليهم على العهد مازلنا ذكراهم أنفاسنا و مشاغلنا
شكراً كتير محمد عثمان
لأني كنت أفتقد هذا التسجيل
Post: #78 Title: Re: الفنان صالح الضئ....صوت الشجن...!! Author: محمد عثمان Date: 02-27-2008, 10:20 PM Parent: #71
تسلمى يا انعاام الغناء الراقى الجميل ملك للجميع...
يديك العاافية...
Post: #61 Title: Re: الفنان صالح الضئ....صوت الشجن...!! Author: أميرة فاروق عبد العال Date: 02-27-2008, 07:13 AM Parent: #1
الأستاذ/ محمد عثمان
أحلا صباح.. ممزوج بشجن غريب.. متعك الله مثلما متعتنا..
تسلم كتير..
Post: #63 Title: Re: الفنان صالح الضئ....صوت الشجن...!! Author: Saber Abdelhadi Date: 02-27-2008, 09:11 AM Parent: #1
كنت مسافر من الخرطوم للقاهرة .. سألت الصادق الرضي (أجيب ليك معاي شنو يالصادق ..??) .. قال لي (كتاب "إنقلابات عاطفية" لأسامة الخواض .. وشريط كاسيت لصالح الضي) ..
شكرا محمد عثمان ..
.. ولى قدام ..
Post: #69 Title: Re: الفنان صالح الضئ....صوت الشجن...!! Author: محمد عثمان Date: 02-27-2008, 08:37 PM Parent: #63
Quote: كنت مسافر من الخرطوم للقاهرة .. سألت الصادق الرضي (أجيب ليك معاي شنو يالصادق ..??) .. قال لي (كتاب "إنقلابات عاطفية" لأسامة الخواض .. وشريط كاسيت لصالح الضي) ..
شكرا محمد عثمان ..
.. ولى قدام ..
صاابر..
لك التحية وانت حضورا هنا تستدعى ذكرياات باحداث تدل على عظمة هذا الفنان..
شكرا للطلة الجميلة...
مودتى...
Post: #64 Title: Re: الفنان صالح الضئ....صوت الشجن...!! Author: محمد عثمان Date: 02-27-2008, 09:17 AM Parent: #1
Quote: الأستاذ/ محمد عثمان
أحلا صباح.. ممزوج بشجن غريب.. متعك الله مثلما متعتنا..
تسلم كتير..
اميرة...
كم احيانا نحتااج لقليل من الشجن كزاد للسفر فى رحلة ذكرياات الغناء المعتق بفعل الزمن هذا الغناء الذى يفجر فى دوااخلنا البراكين و يغسل لنا الهم و الضمير...و يجعلنا نتمسك بالعشق و الدهشة... كلماتك اثارت فينى بعض الشجون فى هذا الصبااح..
مودتى..و شكرا لهذه للطلة الصبااحية..
Post: #66 Title: Re: الفنان صالح الضئ....صوت الشجن...!! Author: معتصم دفع الله Date: 02-27-2008, 10:26 AM Parent: #1
الحبيب محمد عثمان .. تحيات المحبة والسلام .. عرفت تختار فنان فريد ومبدع حقيقي .. في مره وجدت أخ عزيز يعمل في محل تسجيل الأشرطة وبيعها .. وما إن وقعت عيناي على ألبومات صالح الضي إلا ووقفت عندها وطلبت منه تسجيلها لي فوراً .. وهي محفوظة في مكان أمين للأسف في السودان وليست موجودة معي الآن .. لا أمل سماع أغنياته ويطربني صوته الشجي ..
شكراً على هذه السياحة الجميلة .. ورحم الله فناننا الكبير صالح الضئ ..
مودتي ..
Post: #67 Title: Re: الفنان صالح الضئ....صوت الشجن...!! Author: محمد المرتضى حامد Date: 02-27-2008, 12:37 PM Parent: #66
تعرف يا محمد، غنية يا جميل يا حلو الدم الشربات مكملو دي ، ككثير من أغاني تلك الفترة، لها اثر في النفس يرتبط بايام وأمكنه محدده ، ناس الأدب عاجبني تعبير عندهم يقولو ليك عبقرية الزمان والمكان ، تعرف الأغنيه دي على بساطة كلماتها لدرجة أنها ممكن تقول تكتب أحسن منها وانت نايم لكن هيهات ، فهي يجري عليها وصف السهل الممتنع ، على بساطتها شوف الوصف ( ياجميل يا حلو) و (دم الشربات) طبعا الشربات ده يخاطب السودان من نيمولي لكتم فحلفا ثم الكرمك وكل بقعة لايتوفر فيها الفيمتو أومشتقات الكولا يتوفر فيها الشربات ، طبعا مصطلح دمك شربات دا لللأسف راح زمان بعد ظهور المحاليل الوريديه المضروبه، وزيدان إبراهيم ربما يغير شطر البيت البيقول ( واسقيك من وريدي) لأنو المحبوب حا يسألو عن نتيجة المعمل وربما شهادة المنشأ، المهم الناس زمان لما يقولو ليك (دمو أو دمها شربات) معناها الزول ده عندو سماحة نفس وحاجات تانيه كتيره تؤهله للتوهط بين ضلوع الناس بسرعة ضوئية خلافا لأضداهم الذين يشابه دمهم نفط بحر الشمال ويعطل مصافي التكرير. صالح الضي دا يا محمد في صوتو في حاجه ما عارفا شنو لكن عارفا جايه من وين ، حاجه كده بتتسمع في المنطقه المجاوره للكبد القال عليها ود الرضي ( في معالق الجوف موسو مجلوخه)، والحاجه دي بتظهر أكثر في تسجيلاته التي تمت في استوديوهات القاهرة والتي تتصف بدرجة نقاء عالية في الصوت والسريرة والضمير والشجن المُصَفَّى وكمان بالذات لما يقول: في قلبي إنت بتكبر وتكبر معاك معاني ، كلام زي دا بيتسمع مباشرة في الأبهر و دي حاله ما بتتوصف بس بتتحسَّ، حاله مافي أسمح منها يا محمد ، لكن مقولة (بغير عليها من روحي) دي حاجه غير، دا كلام من يؤثرون على أنفسهم ولو كان بهم شوق يفوق في الظمأ كل بقع الكون السوداء. معليش كتّرنا عليك يا حلو،
Post: #68 Title: Re: الفنان صالح الضئ....صوت الشجن...!! Author: Ahmed al Qurashi Date: 02-27-2008, 06:07 PM Parent: #67
Quote: بارا المدينة الأولى في حياته
شهدت هذه المدينه الحالمة بولاية شمال كردفان ميلاد صالح الضي في العام 1936م، وبالأبيض عندما بلغ السابعة من عمره درس الابتدائية بمدرسة الأبيض، لكنه اتجه الى عمل النجارة وصار من أشهر صانعي الأثاث بالمدينة. غير أن رحيل الوالد في العام 1952م من الأسباب التي سارعت برحيله الى مدينة بورتسودان، بعد مضيّه وقتا ليس بالكثير مع شقيقه محمد الضي عازف الكمان المعروف بأم درمان.
من بارا كمان ودرس فى الابيض يا محمد عثمان ده ما حقنا ومن ناسنا كمان
Post: #74 Title: Re: الفنان صالح الضئ....صوت الشجن...!! Author: محمد عثمان Date: 02-27-2008, 09:54 PM Parent: #68
Quote: من بارا كمان ودرس فى الابيض يا محمد عثمان ده ما حقنا ومن ناسنا كمان
و الله يا دكتور مافى شك زولكم تب و من نااسكم بارا التى انجبت الكثير من المبدعين فى مختلف المجالات الفنية و الادبية و غيرها.. بارا التى شهدت مولد اغنية يا صوتها لما سرى لمحمد يوسف موسى و وقتها كان يعمل هناك فى مصلحة البريد و البرق..
كلما جاء ذكر بارا كلما جاء ذكر ود بارا عبد الرحمن عبد الله و الشااعر المرهب عثمان خالد صاحب رحلة عيون و يا قلبى يا مقتول كمد و والله يا احلى البنات لو كان لقيت سر الغنا..و شمحة سمحة الصيدا و...و...
للاسف لم اشااهد بارا..و ايضا شااهدت الابيض قريبا جدا و لفترة بسيطة..
صااحبك دكتور طراوة عمل مداخلتين فى الحوش البهناك عن الراحل صالح الضئ بنقلهم هنا انشاء الله..
يديك العاافية..و متذكر الما لقيتلو مثيل و يا النفيسة خصاالك...كيف يكون..
Post: #72 Title: Re: الفنان صالح الضئ....صوت الشجن...!! Author: محمد عثمان Date: 02-27-2008, 09:30 PM Parent: #67
تعرف يا ود المرتضى انا زمان كنت بسمع انا بعض الغناء له لون و طعم و رائحة..غناء الراحل صالح الضئ اثبت لى هذه المقولة فهو يستطيع ان ينفذ بصوته العجيب الى الدواخل من غير استئذان و يهبش فى العصب الحى مش بس اللحم الحى..فيكون الطرب احساس داخلى غاامض لا تعرف منبعه و لا تعرف من اى الاجزاء تولدت هذه الفولتية العاالية... و بجيب ليك اغنية يا عينى فهى فيها شحنة من التطريب اللامتنااهى لكن من شنو ما بتعرف و حتشوف و تسمع براك...
يديك العاافية...
Post: #73 Title: Re: الفنان صالح الضئ....صوت الشجن...!! Author: انعام عبد الحفيظ Date: 02-27-2008, 09:53 PM Parent: #67
Quote: المهم الناس زمان لما يقولو ليك (دمو أو دمها شربات) معناها الزول ده عندو سماحة نفس وحاجات تانيه كتيره تؤهله للتوهط بين ضلوع الناس بسرعة ضوئية
Quote: وكمان بالذات لما يقول: في قلبي إنت بتكبر وتكبر معاك معاني ، كلام زي دا بيتسمع مباشرة في الأبهر و دي حاله ما بتتوصف بس بتتحسَّ، حاله مافي أسمح منها
Quote: لكن مقولة (بغير عليها من روحي) دي حاجه غير، دا كلام من يؤثرون على أنفسهم ولو كان بهم شوق يفوق في الظمأ كل بقع الكون السوداء.
إستمتاع بالألحان
إستمتاع بالمداخلات
محمد عثمان أعذرنا لإطالتنا هنا
Post: #89 Title: Re: الفنان صالح الضئ....صوت الشجن...!! Author: محمد عثمان Date: 02-28-2008, 03:03 PM Parent: #73
Quote: إستمتاع بالألحان
إستمتاع بالمداخلات
محمد عثمان أعذرنا لإطالتنا هنا
انعاام...
البيت بيتكم و راحتك بالكاامل...
مودتى...
Post: #70 Title: Re: الفنان صالح الضئ....صوت الشجن...!! Author: محمد عثمان Date: 02-27-2008, 09:01 PM Parent: #66
Quote: الحبيب محمد عثمان .. تحيات المحبة والسلام .. عرفت تختار فنان فريد ومبدع حقيقي .. في مره وجدت أخ عزيز يعمل في محل تسجيل الأشرطة وبيعها .. وما إن وقعت عيناي على ألبومات صالح الضي إلا ووقفت عندها وطلبت منه تسجيلها لي فوراً .. وهي محفوظة في مكان أمين للأسف في السودان وليست موجودة معي الآن .. لا أمل سماع أغنياته ويطربني صوته الشجي ..
شكراً على هذه السياحة الجميلة .. ورحم الله فناننا الكبير صالح الضئ ..
الجميل معتصم...
منور يا حبيب انتم من لكم الرياادة فى عاالم النغم الجميل هنا و دايما نستمتع بما تنثرونه من ابدااع فى هذا البورد.. لك التحية و التقدير و انت حااضر فى هذه الواحة..
و شكرا كتير بقدر خيوط منااديلك...
Post: #75 Title: Re: الفنان صالح الضئ....صوت الشجن...!! Author: هاشم أحمد خلف الله Date: 02-27-2008, 10:01 PM Parent: #70
محمد عثمان يا جميل والله المنبر من دونك كئيب شديد شكراً كتير يا وجيه .
Post: #79 Title: Re: الفنان صالح الضئ....صوت الشجن...!! Author: محمد عثمان Date: 02-27-2008, 10:24 PM Parent: #75
Quote: محمد عثمان يا جميل والله المنبر من دونك كئيب شديد شكراً كتير يا وجيه .
الشفيف هااشم..
طلتك بالدنيا..و مشتاقين شديد انتم من يزينون البورد بالكلام و الشعر الجميل..
يديك العاافية...
Post: #76 Title: Re: الفنان صالح الضئ....صوت الشجن...!! Author: محمد عثمان Date: 02-27-2008, 10:02 PM Parent: #1
كتب دكتور طراوة فى الحوش التانى:
Quote: .. صالح الضي !
ولاتزال حكايتو مستغلقة و محاطة بالاسرار !
لم يجد الانصاف و التقدير من جهاز الدولة البيروقراطي ( إذاعة و تلفاز )
جهاز دولة : ربيب الاستعمار ، غير ديمقراطي ، و نتاج مسلسل الفشل السياسي !
طلع صالح من السودان بيحمل ارتال من احاسيس الضيم و الحسرة !
ما شرق ، و لا عبر البحر الاحمر ، لكنو مشى مصر
.. اصلا نوعو دا ما بقدر يعيش في مدن الملح بتاعت عبد الرحمن مُنيف !
وفي مسارح الدقي و العجوزة كان بقدم اجمل الاسكتشات و الاغاني ضمن فرقة علي الكوباني
عينو علي جنوب الوادي و قلبو اصلا خلاهو في الخرطوم .. وطفق يردد : ما ناسك .. نحنا ما ناسك
مات موتا جماعيا !
.. هو و الفنان التجاتي مختار في تلك الشقة مهبط الوحي و الشعر و الغناء .. شقة ضريح سعد بالمنيرة .. شقة عرفت تاريخيا بشقة ابو آمنة حامد ..
عليك الرحمة يا ( يا جميل يا حلو ) .. يا من علمتنا الريد و التصافي ..
Post: #77 Title: Re: الفنان صالح الضئ....صوت الشجن...!! Author: محمد عثمان Date: 02-27-2008, 10:08 PM Parent: #1
و كتب ايضا دكتور طراوة فى الحوش التانى:
Quote: .. و أنتقل صالح الضي بعد نجاحاتو مع فرقة علي الكوباني للعمل مع فرقة رضا !
قدم مع فرقة رضا الاستعراض الغنائي الراقص الناجح و اللي ترك اثر كبير :
" رقصة الحمامة "
جميل كان منظر حسناوات مصر وهن برقصن رقصة العروس السودانية بتعديل مختلف علي كلمات و موسيقى اغنية :
" يا جميل يا حلو "
المُعاد توزيعا علي إيقاع العشرة بلدى المصري !
وتاني بنهض السؤال المحوري :
ليه جملتنا الموسيقية الخماسية بتتماشى مع ايقاع العشرة بلدى .. بينما الجملة الموسيقية المصرية بتاعت المقام الكبير ما بتتماشى مع إيقاعات السودان من دليب و تم تم و الرقي - اشتقاق الدلوكة ؟ !
Post: #80 Title: Re: الفنان صالح الضئ....صوت الشجن...!! Author: أحمد طراوه Date: 02-27-2008, 10:31 PM Parent: #1
الترجيع ، و الترديد ، و الالتياع وجماليات الكورس الرجالي بلغوا قمة الاولمب في حالتين :
- لمن وردي يقول : وكان تعب منك جناح في السرعة زيد ! - لمن صالح الضي يقول : ما ناسك .. نحنا ما ناسك !
وفي قمة الاولمب بتلقي صلاح احمد ابراهيم جالس و حواليه العرائس .. يحتسي خمرة باخوس النقية
.. أأأهِ يا مرية
جيبا لينا بهناك يا ود عثمان : علشان نشوف قصة ايقاع الفالس .. و الحزام الفي مضيقِ .. كلما قلت قصير ! هو كان الخصر اصغر !
ودا نوع غريب من الشعر نبهنا ليهو مبكرا طالب الثانوى بمدرسة امدرمان الاهلية القرب بيت الزعيم الازهري :
" ود حامد المرتضى "
.. ناسنا .. البدو الحب من زمن الصحابة !
وفي عنقريب احمد القرشى بنقعد معاكم حضور و متابعة
Post: #83 Title: Re: الفنان صالح الضئ....صوت الشجن...!! Author: محمد عثمان Date: 02-27-2008, 11:19 PM Parent: #80
شكرا دكتور طراوة ما قصرت تب
Quote: " ود حامد المرتضى "
.. ناسنا .. البدو الحب من زمن الصحابة !
و دى الا يرد عليها صاحبك...
Post: #81 Title: Re: الفنان صالح الضئ....صوت الشجن...!! Author: تماضر الخنساء حمزه Date: 02-27-2008, 11:03 PM Parent: #1
صوت الشجن
محمد عثمان ود. أحمد طراوة سوا
Post: #82 Title: Re: الفنان صالح الضئ....صوت الشجن...!! Author: محمد عثمان Date: 02-27-2008, 11:16 PM Parent: #81
Quote: صوت الشجن
محمد عثمان ود. أحمد طراوة سوا
تمااضر.. خليك قريبه الحوش التانى برضو فى انتظاارك..
Post: #84 Title: Re: الفنان صالح الضئ....صوت الشجن...!! Author: محمد المرتضى حامد Date: 02-28-2008, 09:18 AM Parent: #82
Quote: شكرا دكتور طراوة ما قصرت تب
Quote: " ود حامد المرتضى "
.. ناسنا .. البدو الحب من زمن الصحابة !
و دى الا يرد عليها صاحبك...
يا محمدعثمان، كلام طراوه دا ما صاح ، أنا ما بديت الحب في الثانويه العامه الجنب بيت أزهري، أنا بديتو في مدرسة الهجرة الإبتدائية في المسالمه والكلام دا قلتو في ( الحب في المنبر) وقلت دا الكلام القاصدو كابلي لما يقول (الوعي المبكر والعاطفه النبيله). كم مشتاق نقول ليك يا طراوه.
Post: #86 Title: Re: الفنان صالح الضئ....صوت الشجن...!! Author: محمد عثمان Date: 02-28-2008, 10:07 AM Parent: #84
Quote: يا محمدعثمان، كلام طراوه دا ما صاح ، أنا ما بديت الحب في الثانويه العامه الجنب بيت أزهري، أنا بديتو في مدرسة الهجرة الإبتدائية في المسالمه والكلام دا قلتو في ( الحب في المنبر) وقلت دا الكلام القاصدو كابلي لما يقول (الوعي المبكر والعاطفه النبيله). كم مشتاق نقول ليك يا طراوه
.
ود المرتضى...
رجعت بى لشاارع عجيب فى المساالمة دا ما شارع مدرسة التوفيقية...آآه من الشارع دا شفت هسى انت وصحابك عاوزين تخلونا نفك اخرنا... و ليهو حق الكابلى يقول كم مشتاق لعينيك...حرااسك يا حالم الحياء و الفضيلة و باقى البيت القلتو انت...
تحياتى...
Post: #99 Title: Re: الفنان صالح الضئ....صوت الشجن...!! Author: محمد عثمان Date: 03-01-2008, 05:48 PM Parent: #82
و نتاابع مع صوت الشجن...
Post: #85 Title: Re: الفنان صالح الضئ....صوت الشجن...!! Author: قرشـــو Date: 02-28-2008, 09:54 AM Parent: #1
الأخ محمد عثمان
لك التحية والتجلة
لعل مثل هذا النكش يجعل العواجيز امثالى يعيشوا صباهم ثانية ويعودوا لايام رائعات كان من ضمن ما يوشيها الحان الراحل صالح الضىء فقد خلدت الحانه فى الذهن وارتبطت بالكثير من الاحداث الجميلة فأصبحت كل اغنية تحمل كما من الذكريات النبيلة .... اشكرك كثيرا على هذا الجمال وعلى اعادة كتابة سيرة الرجل واغانيه الرقيقة وانا شخصيا ارى ان لا يقلد اى انسان الفنان الراحل لان صوته متفرد جدا وجميل لدرجة الوله به وفى تكرار اغانيه افساد لها والما لنا الذين عشناه حقيقة وتفاعلنا معه ومع الحانه ورسخت تلك الالحان فى وجداننا...
استحلفكم بالله يا من تملكون القرار ان تجعلوا اولئك يحجمون عن تشويه روائعه التى لن تتكرر ابدا...
رحم الله الفنان الراحل صالح الضىء واسكنه فسيح جناته وجعل فى قبره روضه من رياض الجنة وجعل روحه فى عليين ...
لك معزتى ومودتى ...
Post: #87 Title: Re: الفنان صالح الضئ....صوت الشجن...!! Author: محمد عثمان Date: 02-28-2008, 10:14 AM Parent: #85
Quote: الأخ محمد عثمان
لك التحية والتجلة
لعل مثل هذا النكش يجعل العواجيز امثالى يعيشوا صباهم ثانية ويعودوا لايام رائعات كان من ضمن ما يوشيها الحان الراحل صالح الضىء فقد خلدت الحانه فى الذهن وارتبطت بالكثير من الاحداث الجميلة فأصبحت كل اغنية تحمل كما من الذكريات النبيلة .... اشكرك كثيرا على هذا الجمال وعلى اعادة كتابة سيرة الرجل واغانيه الرقيقة وانا شخصيا ارى ان لا يقلد اى انسان الفنان الراحل لان صوته متفرد جدا وجميل لدرجة الوله به وفى تكرار اغانيه افساد لها والما لنا الذين عشناه حقيقة وتفاعلنا معه ومع الحانه ورسخت تلك الالحان فى وجداننا...
استحلفكم بالله يا من تملكون القرار ان تجعلوا اولئك يحجمون عن تشويه روائعه التى لن تتكرر ابدا...
رحم الله الفنان الراحل صالح الضىء واسكنه فسيح جناته وجعل فى قبره روضه من رياض الجنة وجعل روحه فى عليين ...
لك معزتى ومودتى ...
الاخ قرشو..
سلااام كتير..و طلة حلو و مدااخلة قيّمة جدا اتفق معاك تماما فيما ذكرته..فعلا حصل مسخ و تشويه للكتير من الاعمال الجميلة سوى ان كاننت للفنان صالح الضئ او لغيره من الفنانين الكبار لا توجد غضاضة فى ان يبدا الفنانين الشباب بترديد غناء الكبار و لكن يجب ان تكون الاستمرارية باعمالهم الخاصة بهم.. شكرا ليك مرة اخرى و صدقت مقولة سمح الغنا فى خشم سيدو
مودتى...
Post: #88 Title: Re: الفنان صالح الضئ....صوت الشجن...!! Author: محمد عثمان Date: 02-28-2008, 10:17 AM Parent: #1
Post: #92 Title: Re: الفنان صالح الضئ....صوت الشجن...!! Author: محمد عثمان Date: 02-28-2008, 08:48 PM Parent: #88
Post: #91 Title: Re: الفنان صالح الضئ....صوت الشجن...!! Author: محمد عثمان Date: 02-28-2008, 08:46 PM Parent: #1
شريك حيااتى كلماات اسحق الحلنقى لحن و غناء صالح الضئ
بكيت العمر من قبلك و كان كلو العمر احزاان و بيك انا عشت بعد الهم اماان ما بعدو اصلو اماان مشيتا دروبك القاااسية و لسه مصيرى امشيها كتير قاسيت جحيم ناارك و مكتوب لى اقااسيها غلبنى ادارى نيراانى و نيراان غيرى بطفيهاا ادل الناس على الجنة و جنات عمرى نااسيها ذرفت دموعى فى حبك لقيت دمعااتى ما بتجدى معااك اخضرت اياامى و بانت فيك نجوم سعدى اقول لو انسى اياامك يطل المااضى متحدى بدون حبك سنين عمرى مجرد ذكرى بتعدى احس دايما معااك بالحب احس بنورو يغمرنى شعورى فى دااخلى اكبر من ارادة قلبى يجبرنى احبك و ابقى ليك فااكر و اساامحك لما تظلمنى كأنك انت بس مخلوق من اياام عمرى او منى
ـــــــــــــــــــ
Post: #101 Title: Re: الفنان صالح الضئ....صوت الشجن...!! Author: محمد عثمان Date: 03-01-2008, 09:19 PM Parent: #91
احبك و ابقى ليك فااكر و اساامحك لما تظلمنى كأنك انت بس مخلوق من اياام عمرى او منى...
Post: #93 Title: Re: الفنان صالح الضئ....صوت الشجن...!! Author: محمد عثمان Date: 02-28-2008, 08:52 PM Parent: #1
اغنية شريك حياتى كلمات اسحق الحلنقى...
Post: #94 Title: Re: الفنان صالح الضئ....صوت الشجن...!! Author: Elmosley Date: 02-28-2008, 11:15 PM Parent: #93
لم أكن محظوظا بالتلاقي كثيرا مع صالح الضي الا حينما تم ابتعاثي معهد الكونسرفتوار بالقاهرة فقد كان هو صديق التجاني مختار وكان التجاني صديق وقد رحلا سويا من هذه الفانية صالح فنان ذو انتاج غاية في التمييز وكان أخوه محمد الضي أحد القيادات التي خدمت اتحاد الفنانين كثيرا
Post: #95 Title: Re: الفنان صالح الضئ....صوت الشجن...!! Author: Osman Musa Date: 02-29-2008, 00:44 AM Parent: #94
أوعك تخلف الميعاد ... صالح الضىء الفتح الجديد فى عالم الغناء السودانى دخل يحمل الى دنيا الفن تلك المعلقات الجديده .. كلام مختلف كلام ناقع وصافى وسهل دخل القلوب كل القلوب . رحم الله الفنان صالح الضىء والشكر الجزيل للفنان والكاتب الناشط الأخ محمد عثمان
Post: #97 Title: Re: الفنان صالح الضئ....صوت الشجن...!! Author: محمد عثمان Date: 02-29-2008, 10:24 PM Parent: #95
الجميل عثمان موسى..
لك التحية و التقدير و انتم من تنثرون ريااحين الفرح و الجمال هنا فى البورد.. ازدان البوست بحضورك الرااقى الانيق..
مودتى..
Post: #96 Title: Re: الفنان صالح الضئ....صوت الشجن...!! Author: محمد عثمان Date: 02-29-2008, 07:08 AM Parent: #94
Quote: لم أكن محظوظا بالتلاقي كثيرا مع صالح الضي الا حينما تم ابتعاثي معهد الكونسرفتوار بالقاهرة فقد كان هو صديق التجاني مختار وكان التجاني صديق وقد رحلا سويا من هذه الفانية صالح فنان ذو انتاج غاية في التمييز وكان أخوه محمد الضي أحد القيادات التي خدمت اتحاد الفنانين كثيرا
الاستاذ يوسف الموصلى,,
لك التحية و التقدير و الشكر اجزله و انت تسجل معنا حضورا فى دوحة الراحل صالح الضئ.. كل مودتى...
Post: #104 Title: Re: الفنان صالح الضئ....صوت الشجن...!! Author: مطر قادم Date: 03-02-2008, 01:56 PM Parent: #96
العزيزمحمد عثمان كل التحايا والشكر علي هذا البوست الهام
ولك ولجميع زواره استمعوا لصالح الضي وهو يغني هذه الاغنيات
بتتغير عيش معاى الحب إن قلت والله بحبوني أوعك تخلف بالميعاد يا عينيا يا عينيا يا طير يا ماشي لي أهلنا
Post: #106 Title: Re: الفنان صالح الضئ....صوت الشجن...!! Author: محمد عثمان Date: 03-02-2008, 07:36 PM Parent: #104
شكرا مطر مقع سمين و ملياان...
يديك العاافية...
Post: #112 Title: Re: الفنان صالح الضئ....صوت الشجن...!! Author: محمد المرتضى حامد Date: 03-05-2008, 10:46 AM Parent: #96
Quote: أنا ياريت لو عرفتك وحبيتك من زمان
يا محمد، ما أقسى السفر بقطار الأماني,
(ما أصاب من مصيبة في الأرض ولا في أنفسكم إلا في كتاب من قبل أن نبرأها إن ذلك على الله يسير لكي لاتأسوا على ما فاتكم ولا تفرحوا بما آتاكم...)
صدق الله العظيم
Post: #114 Title: Re: الفنان صالح الضئ....صوت الشجن...!! Author: محمد عثمان Date: 03-05-2008, 01:13 PM Parent: #112
Quote:
Quote: Quote: أنا ياريت لو عرفتك وحبيتك من زمان
Quote: يا محمد، ما أقسى السفر بقطار الأماني,
(ما أصاب من مصيبة في الأرض ولا في أنفسكم إلا في كتاب من قبل أن نبرأها إن ذلك على الله يسير لكي لاتأسوا على ما فاتكم ولا تفرحوا بما آتاكم...)
صدق الله العظيم
صدقت يا ود المرتضى...
Post: #116 Title: Re: الفنان صالح الضئ....صوت الشجن...!! Author: Asma Ali Date: 03-06-2008, 07:36 AM Parent: #96
شكرا على البوست الجميل ده ممكن لينك الحفظ لاغنيه دلال
Post: #123 Title: Re: الفنان صالح الضئ....صوت الشجن...!! Author: عصمت العالم Date: 03-06-2008, 09:02 PM Parent: #96
الانيق الفنان الجميل محمدعثمان..العزيز
دائما تحسب الخطوات ..بتردد ايقاع الاخطاء المتوارث...وتلك العصافير المغنيه ترحل الى ذلك البعد الابدى.الى فراق..ويعيد المساء الحالم..عند ارتداد رياح خفره.بصيدح ذلك الغناء..وتفريدة اللحن..وشجنه..وعمقه..وخزاز احساسه..وشجون ليل سهره الطويل..ونعيد الذكرى والاستذاكر..ونعيد كل الصور القديمه...ونعيد الاجترار..باحساس الاسى والدموع...ونحن ضيعناهم عندما كانوا بين ظهرانينا..يضربون على هذه الارض الواسعه..ويطربون الانسان ..والكون..والزمن,,ونحن لا ندرى بمدى العمق..ومدى االبعد..وزمن الالهام.. وتلك العصافير تغسل غبش فجر الصباح بتلك الترانيم الجمال..وتعطر سموات الكون بوهج قطرات الندى الرعاش..وهى ترسم على وجه الكون كل تلاقح تلك المعانى الجمال..وترش على صبا الدنيا عتق عطر ذلك الايراق..وتنشر لواءات النشوه.واروقة الجمال..وتحى فى وجدان الناس رنين تلك التواشيح المنى..وهى تغزل الفرح على تلك الهضاب .وتنثر روائع الالحان... والراحل الفنان صالح الضى..كان اطواق اجنحة تلك العصافير المغرده..وكان حادى الركاب...اتى فى زمن قدم فيه مباهج انفاسه وعطاء منحه الثر..واشجى..واطرب..وغنى.وتغنى..بالشجون والاحلام ..وصبا الحب..والامال..وربط بين المعانى والاحاسيس..ودلق فيوض انسكاباته التى تمددت .,.وتعددت بعد رحيله ثلاثة وعشرون عاما..وقبلها عشرات السنوات..وسيظل صدى ذلك الصوت الصيدح الغريد.رنين تلك الالحان يصاحب فى رفقة ليل العاشقين ويرسم نضارة الاحلام..ويشجى الدواخل ويسكب كل ذلك الحنين... الفنان محمد عثمان.. دائما تمنح من عتق روائع اختياراتك..ذلك الضى المشع..وتفتح جرحا نافذا فى عمق الشجن...وتضمده بروعة حلاوة الالحان..وكل ذلك التفرد.. كم امتعتنا بكل ذلك الزخم ..البديع.. كل الحب...
Post: #126 Title: Re: الفنان صالح الضئ....صوت الشجن...!! Author: محمد عثمان Date: 03-08-2008, 06:22 AM Parent: #123
Quote: وتلك العصافير تغسل غبش فجر الصباح بتلك الترانيم الجمال..وتعطر سموات الكون بوهج قطرات الندى الرعاش..وهى ترسم على وجه الكون كل تلاقح تلك المعانى الجمال..وترش على صبا الدنيا عتق عطر ذلك الايراق..وتنشر لواءات النشوه.واروقة الجمال..وتحى فى وجدان الناس رنين تلك التواشيح المنى..وهى تغزل الفرح على تلك الهضاب .وتنثر روائع الالحان... والراحل الفنان صالح الضى..كان اطواق اجنحة تلك العصافير المغرده..وكان حادى الركاب...اتى فى زمن قدم فيه مباهج انفاسه وعطاء منحه الثر..واشجى..واطرب..وغنى.وتغنى..بالشجون والاحلام ..وصبا الحب..والامال..وربط بين المعانى والاحاسيس..ودلق فيوض انسكاباته التى تمددت .,.وتعددت بعد رحيله ثلاثة وعشرون عاما..وقبلها عشرات السنوات..وسيظل صدى ذلك الصوت الصيدح الغريد.رنين تلك الالحان يصاحب فى رفقة ليل العاشقين ويرسم نضارة الاحلام..ويشجى الدواخل ويسكب كل ذلك الحنين...
الشفيف عصمت..
لك التحية و انت حااضرا معنا فى دوحة الراحل صالح الضي و شكرا كتير للمداخلة الرااقية الانيقة و التى تحكى عن اياام و زمن جميل كان..
الراحل صالح الضي اثرى مكتبة الغناء السودانى بالكثير من الاعمال الجميلة و التى شكلت وجدان جيل باكمله و لا زالت تحتفظ بحيويتها و رونقها و تطريبها العالى جدا..
كل مودتى...
Post: #98 Title: Re: الفنان صالح الضئ....صوت الشجن...!! Author: محمد عثمان Date: 02-29-2008, 10:38 PM Parent: #93
Post: #102 Title: Re: الفنان صالح الضئ....صوت الشجن...!! Author: محمد عثمان Date: 03-01-2008, 09:25 PM Parent: #1
Post: #103 Title: Re: الفنان صالح الضئ....صوت الشجن...!! Author: محمد المرتضى حامد Date: 03-02-2008, 10:18 AM Parent: #102
Quote: اوعك تخفك الميعااد و تسيب لى الاالم
أعتقد أن الصحيح (أوعك تخلف الميعاد وتزيد لي الألم) ، لأنه الراجل دا يا محمد متألم سلفا وأي (شرَّه ) ستضيف كذا فولت من الألم لما هو موجود أصلا, ولا أراك الله مكروها في (موعد) لديكم.
Post: #105 Title: Re: الفنان صالح الضئ....صوت الشجن...!! Author: محمد عثمان Date: 03-02-2008, 06:05 PM Parent: #103
Quote: أعتقد أن الصحيح (أوعك تخلف الميعاد وتزيد لي الألم) ، لأنه الراجل دا يا محمد متألم سلفا وأي (شرَّه ) ستضيف كذا فولت من الألم لما هو موجود أصلا, ولا أراك الله مكروها في (موعد) لديكم.
ود المرتضى...
الاولى عدلنااها واضحة لكن التاانية دى شكلو قالها فوق رأى يمكن اساسا كان متألم و الميعاد كان البندول الحارسو لمداوة الالم... نااسكم ديل حيرونا عديل..قبل ميعادنا بسااعتين ابيت انا... و برضو غالط نفسه..اقول يمكن انا الما جيت...شكله ماخد جرعة تحصين..!!! يا زول شكرا ليك كتير...تم التصحيح
Post: #108 Title: Re: الفنان صالح الضئ....صوت الشجن...!! Author: نها محسن أبورأس Date: 03-02-2008, 09:54 PM Parent: #1
أخي الجميل محمد عثمان أولا أعتذر عن إنشغالي الشديد بالدراسة مما حرمني من كل تلك الروائع ومنعني من التعبير عن إعجابي الشديد بهذا البوست المميز... هي لفتة جميلة إستحقها الفنان الجميل صلاح الضئ... الشكر كل الشكر لك ولكل المتداخلين ومتابعين معاك....
Post: #109 Title: Re: الفنان صالح الضئ....صوت الشجن...!! Author: محمد عثمان Date: 03-02-2008, 10:27 PM Parent: #108
الاخت نهاا..
لك الشكر اجزله و نتمنى لك التوفيق و النجااح
و زى ما بيقولو الناس كل شئ ملحوق
يديك العاافية....
Post: #111 Title: Re: الفنان صالح الضئ....صوت الشجن...!! Author: نادر Date: 03-05-2008, 10:45 AM Parent: #1
شكراً أخي محمد عثمان على جهودك المقدرة هنا وهو إن دل إنما يدل على احساسك العالي ورهافة حسك وطيب دواخلك. وددت التنبيه إلى أن الاسم هو : (صالح الضي) وليس (الضيء) كما ورد في هذا البوست من بعض الأخوة المتداخلين ... وضرورة التنبيه هنا للتوثيق الصحيح، وتداركاً لتداول المصطلحات والأسماء الخاطئة كي لا يختلط الأمر يوماً ما للأجيال القادمة... خالص تحياتي وودي نادر
Post: #113 Title: Re: الفنان صالح الضئ....صوت الشجن...!! Author: محمد عثمان Date: 03-05-2008, 11:01 AM Parent: #111
Quote: شكراً أخي محمد عثمان على جهودك المقدرة هنا وهو إن دل إنما يدل على احساسك العالي ورهافة حسك وطيب دواخلك. وددت التنبيه إلى أن الاسم هو : (صالح الضي) وليس (الضيء) كما ورد في هذا البوست من بعض الأخوة المتداخلين ... وضرورة التنبيه هنا للتوثيق الصحيح، وتداركاً لتداول المصطلحات والأسماء الخاطئة كي لا يختلط الأمر يوماً ما للأجيال القادمة... خالص تحياتي وودي نادر
الاخ الكريم نادر..
شكرا لحضورك الجميل هنا و شكرا للتنبيه فيما يختص بالحرف الاخير لاسم الفنان الراحل و فعلا كما ذكرت اى مادة توثيقية لا بد ان نتوخى فيها الحذر.. المشكلة اننى لا استطيع تعديل عنوان البوست و نتمنى لو الاخ بكرى يسمعنا ليقوم بالواجب...
لك التحية مرة اخرى..و فائق مودتى
Post: #115 Title: Re: الفنان صالح الضئ....صوت الشجن...!! Author: محمد عثمان Date: 03-05-2008, 10:50 PM Parent: #1
Post: #117 Title: Re: الفنان صالح الضئ....صوت الشجن...!! Author: قرشـــو Date: 03-06-2008, 07:54 AM Parent: #1
الأخ محمد عثمان
يسعد صباحك بكل جميل كما اسعدت صباحاتنابهذه الروائع
حقيقة هذا البوست يصعب الابتعاد عنه ومفارقته وذلك لوجود الشجن واللحن الجميل به والكلمة الصادقة التى تنم على الاصالة والوفاء لمن غادر دنيانا الفانية هذه ....
لك تقديرى ومودتى...
Post: #121 Title: Re: الفنان صالح الضئ....صوت الشجن...!! Author: محمد عثمان Date: 03-06-2008, 01:44 PM Parent: #117
Quote: الأخ محمد عثمان
يسعد صباحك بكل جميل كما اسعدت صباحاتنابهذه الروائع
حقيقة هذا البوست يصعب الابتعاد عنه ومفارقته وذلك لوجود الشجن واللحن الجميل به والكلمة الصادقة التى تنم على الاصالة والوفاء لمن غادر دنيانا الفانية هذه ....
لك تقديرى ومودتى...
الاخ قرشو...
لك التحية و التقدير و دايما يزدهر البوست بوجودكم و حضوركم الجميل
مودتى....
Post: #118 Title: Re: الفنان صالح الضئ....صوت الشجن...!! Author: قرشـــو Date: 03-06-2008, 09:33 AM Parent: #1
الأخ محمد عثمان
يسعد صباحك بكل جميل كما اسعدت صباحاتنابهذه الروائع
حقيقة هذا البوست يصعب الابتعاد عنه ومفارقته وذلك لوجود الشجن واللحن الجميل به والكلمة الصادقة التى تنم على الاصالة والوفاء لمن غادر دنيانا الفانية هذه ....
لك تقديرى ومودتى...
Post: #119 Title: Re: الفنان صالح الضئ....صوت الشجن...!! Author: Asma Ali Date: 03-06-2008, 12:45 PM Parent: #118
الاستاذ محمدعثمان رجاءا لينك الحفظ لاغنية دلال - مع كل الشكر على هذا البوست
Post: #120 Title: Re: الفنان صالح الضئ....صوت الشجن...!! Author: محمد عثمان Date: 03-06-2008, 01:41 PM Parent: #119
Quote: الاستاذ محمدعثمان رجاءا لينك الحفظ لاغنية دلال - مع كل الشكر على هذا البوست
Post: #122 Title: Re: الفنان صالح الضئ....صوت الشجن...!! Author: Asma Ali Date: 03-06-2008, 01:50 PM Parent: #120
شكررررررررررررررررررررررن شديييييييييييييييييد
Post: #125 Title: Re: الفنان صالح الضئ....صوت الشجن...!! Author: محمد المرتضى حامد Date: 03-07-2008, 08:13 PM Parent: #122
Quote: بستناك و قلبى خافق فى لحظاات العشم
كلمة (العشم) دي يا محمد تعجبني كثيرا لأنها من الكلمات التي التقطتها أذني في يفاعتي وكان ينطقها الكبار وتحديدا جداتنا(الحبوبات)، وبالطبع كل كلماتهن تبقى أثيرة لدينا حتى نلحق بهن إنشاءالله ، كنا نعرف ما المراد بها قبل أن نعرف معناها ، ندرك مضمونها اللغوي تماما لذا كنا نعرف الأمل المصحوب بترقب الموجب من شخص ما ، العشم ، وظني أن أقسى عبارة تقال لإنسان هي ( ما كان العشم ) وعندما تأتي لحظة العشم الفارقة يكون القلب في حالة يدركها كل إنسان له فؤاد صحيح، وفي هذا الإتجاه كان (سند) على موعد معها (في القصيدة) يحتشد وجدانه بالعشم منتظرا قدومها :
(بلور ضلعك ياعصير الريح سال على النوافذ والزجاج مطرا كدمع الشمع يغسل مدخل الكوخ العتيق من السياج إلى السياج قلبي تعلق بالرتاج. أتدق لحظة قربها حانت شراييني ارتوت قلقا وكدت من الهياج أهوي أمزق زركشات ستائري الجزلى وأعصف بالسراج )
أصبحت أحاسيس ( العشمان) كلها متعلقة بالرتاج فربما تفتح هي الباب، لذا كانت (تجهجهنا) ايام الصبا أغنية (وعد النوار) التي بلغت فيها القصيدة ذراها في ( ولو وشوش صوت الريح في الباب يسبقنا الشوق قبل العين) ، دا باب العشم يا محمد.
Post: #127 Title: Re: الفنان صالح الضئ....صوت الشجن...!! Author: Adam Omer Date: 03-08-2008, 12:20 PM Parent: #125
فوووووووووووووووووق من اجل بلبل التبلدى
Post: #128 Title: Re: الفنان صالح الضئ....صوت الشجن...!! Author: محمد عثمان Date: 03-08-2008, 07:57 PM Parent: #125
ود المرتضى...
ما اجمل انت تخرج الكلمات بصدق من انفعال حقيقى فهى تخرج معبرة و تحمل دلالات كثيرة تحكى عن واقع الحال و اللحظة فالعشم حبل طويل بداايته بالاسواق و نهاايته بالامل و التمنيات التى استنفرت هذه الكلمات المعبرة لتخرج...و تصبح الحانا جميلة نتفاعل معها و نطرب لها...
يديك العاافية..
Post: #129 Title: Re: الفنان صالح الضئ....صوت الشجن...!! Author: محمد عثمان Date: 03-08-2008, 08:09 PM Parent: #1
Post: #130 Title: Re: الفنان صالح الضئ....صوت الشجن...!! Author: Adam Omer Date: 03-09-2008, 06:27 PM Parent: #129
Quote: فوووووووووووووووووق من اجل بلبل التبلدى
Post: #131 Title: Re: الفنان صالح الضئ....صوت الشجن...!! Author: محمد عثمان Date: 03-09-2008, 09:32 PM Parent: #130
:
Quote: فوووووووووووووووووق من اجل بلبل التبلدى
شكرا اخ ادم منور البوست بحضورك الجميل,,
يديك العاافية...
Post: #133 Title: Re: الفنان صالح الضئ....صوت الشجن...!! Author: Adam Omer Date: 03-14-2008, 09:02 PM Parent: #131
واللة يا اخى محمد عثمان هذا الفنان فريد زمانو
و ما تنسى انا من هناك
Post: #134 Title: Re: الفنان صالح الضئ....صوت الشجن...!! Author: Adam Omer Date: 03-16-2008, 07:29 PM Parent: #133
Quote: واللة يا اخى محمد عثمان هذا الفنان فريد زمانو
و ما تنسى انا من هناك
Post: #135 Title: Re: الفنان صالح الضئ....صوت الشجن...!! Author: محمد عثمان Date: 03-16-2008, 07:32 PM Parent: #133
Quote: واللة يا اخى محمد عثمان هذا الفنان فريد زمانو
و ما تنسى انا من هناك
الاخ ادم
لك التحية و انت من بلد الابدااع و المبدعين بجهز فى اغنيات اضافية للراحل صالح الضي لم تسمع من قبل..
شكرا ليك كتير على الاهتمام بالبوست يديك العاافية...
..
