Post: #1
Title: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: عاطف مكاوى
Date: 04-16-2011, 08:34 AM
ياخي أنا في اليوم بجد أكثر من 100 ايميل من فلسطين وسوريا ولبنان وبقية الدول العربية؟
ولأنه لدى ايميلات مهمة من جهات مختلفة..... بضطر أمر عليها كلها حتي لا تضيع مني رسالة مهمة
فرأيت بأنني لابد لي من أن أمر علي أشياء فيها تكوين أحزاب جديدة بأقطار عربية وأخبار انتفاضات ما يهمني منها الا (الأخبار العامة)
ولقيت نفسي مضطرا أن أعرف تلك القرى والبوادى في تلك الأقطار في حين أنني لا أعرف حتي قرى بلادى
فما العمل؟
صحيح أنني كثيرا ما أضع ايميلي في البوستات الخاصة بي حتي يُشارك غير الأعضاء فيها
لكن الحكاية بقت مزعجة جدا ...........
أدونا حل يا جماعة ....
وانت يامعاوية أنا
بستمتع جدا ببوستاتك في هذا الجانب
ياخي أدينا وصفة أوقف بيها أكثر الجهات المزعجاني .......
|
Post: #2
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: انور التكينة
Date: 04-16-2011, 09:05 AM
Parent: #1
عاطف ازيك ..
يا اخى انا زيك .. ايميلات الدول العربية و الانتفاضات مورمانى .. و اكتر حاجة من arabi bin arabi
يا اخى ده ورم فشفاشى .. قمت عملت block للايميل .. ارتحت منو زى شهر ، لكن الغريبة رجع تانى .
حظر الايميلات دى ساهل ، و لو ما عارفو قول عوك .
معليش انت مخاطب معاوية حسين ، لكن الموضوع ده محرقنى .. اعذرنى
|
Post: #3
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: Maawya Hussein
Date: 04-16-2011, 09:20 AM
Parent: #2
سلام يا عاطف والتكينه
شكلكم مشتركين في قروبات او مواقع عربيه بي ايميلاتكم الرسميه ودا غلط كبير ..في النت دا لازم يكون عندك ايميل للتعامل الرسمي وايميل للمنتديات والقروبات والغارغه والمقدودة ..عشان ما تضطر تخسر ايميلك الرسمي ..
الحل الحالي انك تعمل فلترة للايميل وتشيل عناوين القروبات البتجيك منها الرسائل المزعجة دي في البلاك ليست وحا ترتاح منها نهائي
|
Post: #4
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: عاطف مكاوى
Date: 04-16-2011, 09:38 AM
Parent: #3
الأستاذين العزيزين
أنور التكينة (ونحن ناس حلال زيك)
والباشمهندس معاوية حسين
ما قاله الأستاذ أنور صحيحا أنا بعاني بشكل خاص من ناس (عربي بن عربي)
وماعندي أى قروب معاهم ..... باختصار أنا عندى قروبين ... والقروبين
واحدة فيها 18 نفر معروفين لي تماما ... والثانية حتي أنني لم أطلب بأن أدخل فيها ولكن دخلوني
ولكن بعد البحث عرفت أنهم من الناس المحترمين جدا ....
أنا اعتبرت لأنني دائما ما أكتب ايميلي في سودانيز أونلاين ..... احتمال ده السبب
وكثيرا ما جاءتني ايملات النيجيريين المعروفة تلك وبعض الأفريقيات ولكن ما اشتغلت بيها وهذه معروفة في كل العالم
لكن يا معاوية ايميلات العرب مزعجة جدا ....... يعني ما ممكن يجيك في اليوم 100 ايميل!
كيف نعمل Block لهؤلاء
هذا هو السؤال؟
|
Post: #5
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: Maawya Hussein
Date: 04-16-2011, 09:46 AM
Parent: #4
بستخدم ياتو شركة انت ..هوت ميل ..ياهو ولا جي ميل ؟
|
Post: #6
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: بدر الدين احمد موسى
Date: 04-16-2011, 09:58 AM
Parent: #5
عاطف مكاوي
كيفك ياخ?
والله يا عاطف عمك عربي بن عربي دا ورمني ورم عديل كدة!
تصدق بالله انو قبل ما افتح البوست بتاعك دا مسحت 500 رسالة اغلبها من عربي بن عربي, واسماء عربية!
الكويسة الايميل البتجيني فيه انا سبلتو من زمن وبمسح بلا قراية!
بعدين في شركات-زي شركتي دي- لا تسمح لك بوضع اي حد في بلك ليست لانهم هم البيبيعو الايميل للشركات العربية المسكينة بتاعت عربي بن عربي دا.
غايتو الله في
|
Post: #7
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: haroon diyab
Date: 04-16-2011, 09:58 AM
Parent: #5
| Quote: بستخدم ياتو شركة انت ..هوت ميل ..ياهو ولا جي ميل ؟ |
هوت ميل يامعاوية
ياخي الحقنا....وووووووووووب
وقلنا الرووووووووووووووب
شكرا ياعاطف
|
Post: #8
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: عاطف مكاوى
Date: 04-16-2011, 10:05 AM
Parent: #5
يا زول المسأ لة كاشة في اتجاهها ...
أنا عندى الآتي :
التلاتة .... كنت بقرأ في جامعة في كلورادوا مديها (الهوت ميل) وده ما فيه اشكال
ومن قبل استخدمت الايميل الأساسي البفتحو في اليوم عشرين مرة في بوست لي اسمه (رفاق مصر) في المنبر (الجي ميل)
وحاليا مستخدم في المنبر ايميل الياهوفي بوست مدخول أيضا .......
الازعاج جاييني من الجي ميل والياهو ...... لأنني كتبتهما في المنبر
ووالله يا معاوية قعدت أُمبارح ولدى بالساعات علي أساس يجد لي حل في الموضوع وطبعا لأنه غير متخصص وهو طالب ثانوى
--
تعب تعب شديد مع كل محركات البحث ليجد حلا علميا ولم يجد ...... لذلك قلت له بأنني سأُخاطب المختصين
يعني هذه المخاطبة جاءت بعد معاناة داخل الأسرة ....... حتي لا تعتبرني مزعجا.
--
|
Post: #11
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: عاطف مكاوى
Date: 04-16-2011, 10:30 AM
Parent: #9
انت عارف يا معاوية
انا فاتح لي بوست بيعتمد أساسا علي المشاركين من خارج أعضاء المنبر (يعني عبر الايميل)
ياخي أنا بتعب تعب مبالغ فيه حتي لا تضيع مني مساهمة أحد المساهمين يعني حاليا عندى الساعة (3 ونص صباحا)
وبرضو قاعد حتي لا أُضيع مساهمة أحد الذين تعبوا وكتبوا ..... وبعد ده أمشي للايميل لأجدة 135 رسالة أو أكثر في اليوم
ياخي لازم تجدوا لينا حل للموضوع ده .......
|
Post: #10
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: Maawya Hussein
Date: 04-16-2011, 10:27 AM
Parent: #8
بالنسبه للياهو دا ايميل ضارب شديد ولا يعتمد عليه ..
الجي ميل افتح الايميل المطلوب وتابع بي الصور
|
Post: #12
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: عاطف مكاوى
Date: 04-16-2011, 10:35 AM
Parent: #10
يا معاوي أشرح كويس
نحن ناس ضهارى ساكت .......
|
Post: #14
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: Maawya Hussein
Date: 04-16-2011, 10:49 AM
Parent: #12
الصور ما واضحه عندك يا عاطف ؟ الشرح بيعتمد علي انك تفتح اي ايميل ولو لقيتو من شخص غير مرغوب فيه تطبق الفلترة ..ولو الايميلات المزعجه من جهه واحدة تطبق خيار ابلي تو اول ..بالنسه لي انك وضعت ايميلك هنا في الاون لاين دي ما مشكلة كبيرة ولا سبب رئيسي من الرسائل المزعجه البتصلك انا كم مرة وضعت ايميلي وما حصل جاتني رسائل مزعجه ..المشكلة كلها في القروبات لانها بتكون مفتوحه والايميلات بتنتشر بين القروبات التانيه ...
|
Post: #13
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: Maawya Hussein
Date: 04-16-2011, 10:37 AM
Parent: #10
الهوت ميل
|
Post: #15
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: عاطف مكاوى
Date: 04-16-2011, 10:54 AM
Parent: #13
والله يا معاوية لو فاهمك (الحس المكوة موقدة)
يا خي ختها لينا .... ون .. تو....ثرى..... الخ
قلت ليك نحن ناس ضهارى ساكت .
--
|
Post: #16
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: عاطف مكاوى
Date: 04-16-2011, 03:32 PM
Parent: #15
شكرا يا معاوية
الفهم بقة قليل
غايتو نشوف الولد لما يصحي احتمال يفهم لينا أسهمك دى
غايتو أنا تعبان جدا من هؤلاء العرب .... علي الرغم من أنني (نوبي)
ولولا وجود والدى في منطقة الوسط السوداني كان من الممكن أن لا أتكلم العربية
والسؤال الآخير لماذا لا تزعجني ايميلات صينية علي سبيل المثال؟
ياخي قبل شوية صحيت لقيت مئات من هذه الايميلات ذيادة علي الما عارف أعمل فيهم شنو؟
ومرات كتيرة بغلط مع بعض الأصدقاء في أنني لا أرد عليهم لأنو بتكون رسالتهم وسط هذا الكم الهائل من هذا السخف.
|
Post: #17
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: Maawya Hussein
Date: 04-16-2011, 05:07 PM
Parent: #16
الموضوع ابسط من بسيط يا مكاوي
افتح الايميل وافتح اي ايميل من الايميلات المزعجه وطبق زي مافي الصور كلها تلات خطوات وفي ثواني ..احتمال في الايام الاولي ما تحس بي انها وقفت لكن بي مرور الايام ما حا يصلك ايميل ..القروبات والمجموعات النتيه دي مزعجه جدا وفيها تبادل ايميلات وسهلة الوصول لي مجموعات الاسبام
|
Post: #18
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: مهيرة
Date: 04-16-2011, 05:51 PM
Parent: #17
شكرا يا معاوية وشكرا صاحب البوست
غايتو ناس alarabi bin arabi
عملوا لى وجع عيون
تحياتى
|
Post: #19
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: عاطف مكاوى
Date: 04-16-2011, 06:11 PM
Parent: #18
|
Post: #20
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: عاطف مكاوى
Date: 04-16-2011, 06:31 PM
Parent: #19
شكرا يا باشمهندس
قام الولد وعمل حسب الخطوات
وقال لي عمنا ده زول شاطر جدا .... وقال لقد استفاد كثيرا
وحا نشوف البيحصل خلال يوم أو يومين
لكن اذا ما جات نتيجة ..... ما حا أخليك ..... واتحملنا
نحن ناس الحلال ديل عكاليت ............
|
Post: #21
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: عاطف مكاوى
Date: 04-17-2011, 05:41 AM
Parent: #20
يا باشمهندس
علي باليمين انتهيت لينا من ناس
arabi bin arabi
نهاية بطل
كدى ما تشوف لينا حل مع ناس الياهو
|
Post: #22
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: عابدون محمد عابدون
Date: 04-17-2011, 06:07 AM
Parent: #21
طيب بالمرة ياباشا شوف لينا Microsoft Outlook والله بن عربى دا عمل لينا ارهاب عديل كدة.
|
Post: #23
Title: Re: يا باشمهندس (معاوية حسين) ... الايميلات الكثيرة من الدول العربية ... كتلتنا ... ما العمل؟
Author: عاطف مكاوى
Date: 04-17-2011, 06:25 AM
Parent: #22
يا عابدون
أنا ولدى الكبير في تالتة ثانوى .... ومن الناس الهباشين بالذات في الالكترونيات
وبعتمد عليه في أشياء كثيرة في هذا الجانب ...... وانت عارف أولاد الزمن ده
وبعدين بيقرأ في أمريكا ...... أربط كل هذه الأشياء مع بعض .....
وانو يجي ويقول لي ياخي (عمنا ده خطير) ..... طبعا يقصد الباشمهندس (معاوية حسين)
والله انو يحلني من ناس (عربي بن عربي) ياخي دى بالدنيا ..........
بس نزنقو وما نخليه ............. ده كنز خطير في سودانيزأونلاين
شكرا لك يا باشمهندس ......... شكرا كثيرا .... بالجد.
|
|