بذاءة ام ابداع؟ تراجى مثالا

Quote: هنالك روايه شعبيه تقول ان من يضبح الكديسه للشريك الآخر يوم الدخله هو من سيكون صاحب الكلمه العليا في شؤن المنزل. اها اي راجل نموذج(سي السيد) بيضبح هو الكديسه للزوجه ويهرش لك ابو اهلها وبيخوفها ليوم الدين. مؤخر ظهر نوع قليل من الزوجات يبادر هو بضبح الكديسه. اها في نمط علاقة الجوار الجديده دي فان المؤتمر الوطني هو من ضبح الكديسه للحركه الشعبيه في ابيي!! ولما تكون طالب جديد وجاي المدرسه لو جاك طالب فتوة وضربك لو لحقت مشيتها ولا بكيت حتنضرب كل يوم في المدرسه وآخرتها حيتم اغتصابك عديل من باقي زملائك العاملين(صقور)!! هذه ثقافة (المندكور) يا اهل الجنوب....الكلام ده لو ما واقع لكم آخير يقع لكم كويس.....البمشي للمجتمع الدولي زي الود الخائب البيشتكي للناظر..... اما الود الجدع العايز يفرض احترامه على الجميع بيلطش ابو يوم (الفتوه) قدام كل المدرسه! للآن المؤتمر الوطني ملطش احزاب الشمال جميعها 10/صفر لصالح المؤتمر الوطني. وملطش حركات دارفور 10/صفر لصالح الوطني. وهاهو يقسم في الاقليم وماشي ما جايب خبر زول لا مجتمع دولي ولا عبد الظنبار! والآن ملطش الحركه الشعبيه بدولتها الوليده 10/صفر برضو. وقبال اسبوع ملطش قطاع الشمال في جبال النوبه 10/صفر برضو...... وزمان قلنا لكم(يا رجال السودان) : ادونا السيوف هاكم رحاطنا! وقاعدين تتفاصحوا.... كرهوتنا السودان يا رجاله!! يمين الله لو كنت مكان سلفاكير انا ما هبط بطائرتي في اسرائيل ما ابقى انا حاكم دولة الجنوب! البلطش المؤتمر الوطني غير اسرائيل منو؟؟؟ البجي وببلعهم لسانهم وبيقصفهم في حدودهم وبيرجع منتصر منو؟؟؟ الطير النوم من عيونهم غير اسرائيل منو؟؟؟ يا اخي قوموا بلا لمه كلكم رجال اونطه شابكنا ضبط النفس وضبط السجم رماد..... اقعدوا ارجو لي المجتمع الدولي كان تلقوا مريسة تام زينه! شوفوا يا ناس ابيي ويا كل الهامش......مجتمع دولي كلام فاضي والمؤتمر الوطني توقيته صاح العالم مشغول بليبيا وسوريا وبقاع اهم منكم واوباما متشبر عايز يحل مشكلة الشرق الاوسط بطولها وعرضها قبل انتخاباته!تفتكروا الفاضي لكم منو؟؟ وحكومه عارفنها (ساحره) ومتأكده من شغل (الفقرا) وشايفين نتائجه ومستعدين يدفعوا زياده فيه لانهم جربوا ولقهوا زي الورد معاهم. و يا دينق الور لما يجوك رجال المسيريه المستنيرين الزي حمدان جمعه مفروض تقدر مكانتهم وتعرف تبحث الحلول معهم مش تذوغ بجاي وتذوغ بهناك وبكره نبقى في الجرسه الزي دي!! اليوم اضعتم ابيي .....ولسه.....ياما في الجراب يا حاوي....

انضممت لهذا المنبر منذ العام 2003
و كنت اكتب حينها باسم nasiradin
منذ ذلك الحين و حتى الان
لم اجد تراجى فى هكذا موقف
لذلك اسال
هل تطورت ادوات تراجى الكتابيه
ام وصل بها المطاف أخيرا الي هنا؟

Quote: وآخرتها حيتم اغتصابك عديل من باقي زملائك العاملين(صقور)!!

Quote: انضممت لهذا المنبر منذ العام 2003 و كنت اكتب حينها باسم nasiradin منذ ذلك الحين و حتى الان لم اجد تراجى فى هكذا موقف لذلك اسال هل تطورت ادوات تراجى الكتابيه ام وصل بها المطاف أخيرا الي هنا؟

الموضوع أبسط مما تتخيل ، هذه المريضة البذيئة في واحد ليهو زمن
طويل جداً بيكتب بالباسوورد بتاعها.

ولأنه غبي جداً ، ولأنها غبية جداً متخيلين الناس ما عارفه القصة دي.

بئس المرأة السودانية ، وبئس الرجل السوداني الذي يتخفى خلف إمرأة
بهذا السوء والمرض والبذاءة.

على كل حال فقد وافق شن طبقة ، فأنعم به من توافق!!!

انت يا الحبيب
تعيب وتجيء كان ما فتحت ببوست باسمي ما بترتاح؟؟؟
عارف في ارشيفك في كم بوست باسم تراجي؟؟؟


اها فاكر ده دليل شنو؟؟؟
دليل انك الاعف فكرا وكتابة؟؟
ولا دليل انه تراجي...دي اول من تقرأ ليها هنا؟؟؟




اها تراجي دي شغاله بيك؟؟؟
ولا فكرت منو هو النكره البيكتب بهذا الاسم؟؟
اها قوم شوف لعبك يا شاب وتراجي دي بتقول كلام كبار كبار
بيعروفوا الكبار بس!

المساله ليست اهتمام شخصي
فانا شهدت ولادتك اسفسريا و قرات ما كتب عنك أيضاً
لذلك لا تستطيعين ان تقفي امام نقد بوستاتي... فهمتى؟



المساله و ما فيها
انك تطرحين نفسك كقياديه لبعض القضايا
التى اضر بها انضمامك اكثر مما قدم لها
و ما تقومين به من مراهقه اسفيريه
يعطى مثالا مكتمل الأركان لما ال اليه حال سودانيين المعارضه فى المهاجر و خصوصا معارضى الانترنت

بس 

ان كان تطور فى اللغه فعلى الجميع إذن ان يطور ادوات مضاده
و ان كان بذاءه فلله فى خلقه شئون


الصقور هينين
اما ان نقول تراجي هاكم رحطى
كتيره شويه