Post: #1
Title: ده سخف يا بكرى ابوبكر
Author: nasiradin
Date: 08-09-2005, 00:56 AM
Parent: #0
الريس
سيد الحوش
الادراه
وا وا وا
سيشترك عبالرازق فى منبر اخر
و سيقول ما يشاء
بالطريقة التى يشاء
فى الوقت الذى يشاء
و لن تستطيع ايقافه عندها
من الافضل كان ان يحتوى هذا الموقف هنـــــــــــــــــــــــــا
و لكنه الان قد اطلق الى الفضاء السايبيرى
الذى عجز الطيب مصطفى عن وضع اطار و حدود له يا بكرى
كما عجزت انت الان
كان بالمكان ان تحل تساؤلات عبدالرازق بالاجابه عليها و ليس بالفصل فهو لم ولا و لن ينفع
يا بكرى عوووووووووووك أصحى
انت راجل المفروض تكون فاهم الكلام ده
:
الم يتسائل معظم اعضاء المنبر هنا عن اعراض وزراء و رئساء حتى
لماذا لم يتم فصلهم ... عاوزنى اذكرك و لا بتتذكر براك
هل التساؤل من ضمن لوائح الفصل
اين كنت عندما جرحت
خلاص يبقى كل زول يتسائل عن الصادق المهدى وزواجه الكان مكتوب عندك فى بورديك هنا يجب فصله
خلاص يبقى كل زول يتسائل عن البشير وزوجاته هنا يجب فصله لانو ده أعراض نساء
خلاص يبقى كل زول يتسائل عن الترابى و اخلاقه يجب فصله ما لم يأتى بالدليل
خلاص يبقى كل زول يتسائل عن ابوعيسى و فنادق القاهره يجب فصله ما لم يأتى بالدليل
خلاص يبقى كل زول يتسائل عن قرنق و اغتيالات الحركه يجب فصله ما لم يأتى بالدليل
خلاص يبقى كل زول يتسائل عن ربيكا و القروش الدخلته فى حسابه يجب فصله ما لم يأتى بالدليل
و لا فى فرق بين اعراض الناس المشاهير و الناس العامه
الاعراض اعراض يا بكرى
و الفصل ما بيحل
و السؤال اساسا ما مقصوده بيهو تماضر
و كلنا عارفين اساسا السؤال موجه فى أى بوست و لى منو؟
و ما زال سؤال عبد الرازق قائما و الجميع ينتظر الاجابه ... مع احترامى للجميع
تحياتي ... ناصر البطل
|
Post: #2
Title: Re: ده سخف يا بكرى ابوبكر
Author: waleed500
Date: 08-09-2005, 01:09 AM
Parent: #1
تحياتى نصر الدين
اسئلة مشروعة وما بتودى الزول التوج او مقابر احمد شرفى
اتمنا ان يعيد الاخ المهندس بكرى ابوبكر النظر فى موضوع اخونا
عبد الرازق ونحن فى الانتظار والموت جماعى عرس
|
Post: #3
Title: Re: ده سخف يا بكرى ابوبكر
Author: nasiradin
Date: 08-09-2005, 01:23 AM
Parent: #2
اريد ان أسأل:
أين كان بكرى ابوبكر يوم ان تم تجريح الأخت رباح الصادق هنا .. فى نفس هذا المنبر؟
الم تكن هى ايضا اخت لنا و سودانيه؟
طيب دى مسأله أعراض خليها احتمال يكون الفصل بس لما الواحد يسأل من قروش
طيب خودك ده سؤال تانى
أين كنت يا بكرى ابوبكر يوم اتهم احدهم فى هذا المنبر السيده ربيكا قرنق بانها اخذت
بعض من قروش الحركه و ادخلتها فى حسابها الخاص
أقول ليك بصراحه انا ما فاضى أمشى فتش الارشيف انت و طلع الكلام ده
بس الكلام ده موجود هنا فييييييييي منبرك الفيهو نفس سبب الفصل الان ده
تحياتي ... ناصر البطل
|
Post: #4
Title: Re: ده سخف يا بكرى ابوبكر
Author: nasiradin
Date: 08-09-2005, 01:34 AM
Parent: #1
اذا كان هذه البوستات المعنيه هى سبب الفصل يا بكره
و فى اعتقادك ان بها خطأ
اذن لا داعى لوجودها فى المنبر
مثل انه لا داعى لوجود عبدالرازق فى نظرك
ودى اتخيل لى ازدواجيه تانيه فى المعايير
يعنى انحنا ببساطه كده
اذا فى زول بيبيع بنقو ناس المكافحه ما بيقبضوهوا و يدخلو السجن و بيخلوا البنقو بتاعو فى الشارع
يعنى يا اما تفصل عبد الرازق و تسحب البوست
يا اما تخليهم الاتنين يا بكرى
مع المعذره للاخ عبد الرازق للمثل الما مسئول ده
تحياتي ... ناصر البطل
|
Post: #5
Title: Re: ده سخف يا بكرى ابوبكر
Author: nasiradin
Date: 08-09-2005, 04:45 AM
Parent: #1
يا بكرى
انا أحترم الاستاذه تماضر كل الاحترام
و كذلك الاخ كوستاوى
و لكن
ارفض الازدواجيه و التملق و المحاباه و الشولاليات
حتى و لو كانت الاستاذه تماضر قد تقدمت بشكوى ضد عبدالرازق
اين كنت يا بكرى عندما تقدم ودشاموق و هشام مدنى بشكواهم ضد كوستاوى
تحياتي ... ناصر البطل
|
Post: #6
Title: Re: ده سخف يا بكرى ابوبكر
Author: nasiradin
Date: 08-09-2005, 05:27 AM
Parent: #1
ان كان عبد الرازق قد ذكر الاتى و رأيت ان هذا هو السبب
على رأى الاخ محمد حنين
Quote: وجعلت البعض منا يقوم....
بالمتاجرة بأعراض أهله |
اين كنت يا بكرى
عندما فتح بوست كاااااااااااامل هنا
يتحدث عن ان نساء المغتربين يبيعون اجسادهم
ان صح الكلام اعلاه اذن عبدالرازق على حق
و ان لم يصح اين كنت انت يا بكرى
ناصر البطل
|
Post: #7
Title: Re: ده سخف يا بكرى ابوبكر
Author: nasiradin
Date: 08-10-2005, 05:27 AM
Parent: #1
اها يااااااااا جنابوا بكرى
تماضر قالت ما اشتكت
و كوستاوى عامل فيها ما فاهم
وانو الكلام اساااااسا ما معنى بيهو
يعنى ما اشتكى برضو
أها شنو قولك يا بكرى قول شن قولك
ناصر البطل
|
Post: #8
Title: Re: ده سخف يا بكرى ابوبكر
Author: عماد شمت
Date: 08-10-2005, 05:24 PM
Parent: #7
الاستاذ بكري
تحيه واحترام
قرأت حوالي ثلاثه او اربع بوستات مناشده بأرجاع المفصوليين
خاصة عبدالرازق الطالب وخضر عطا المنان
وانت لازم الصمت لا ادري لماذا !!!!!
هل اخطأت في الفصل ؟؟؟ بامكانك العدول والرجوع للصواب .
او علي الاقل نعرف ما سبب فصلهما حتي ننصفك ونقف الي جانبك .
سكوتك محير !!!!!!!!!!!!!!
علي كل حال نتمني ان تسمعنا صوتك
لك مني كل احترام وتقدير
|
Post: #9
Title: Re: ده سخف يا بكرى ابوبكر
Author: nasiradin
Date: 08-11-2005, 00:11 AM
Parent: #8
عارف يا بكرى
انا كلو يوم بقتنع
انو الانقاذ دى ليها حق تودينا فى ستين دهيه
و انو الديمقراطيه دى وهمه مننا ساااااااااى
و انو كلو سودانى عندو منصب بيعمل للناس جوطه فى راسم
سلام
ناصر البطل
|
Post: #10
Title: Re: ده سخف يا بكرى ابوبكر
Author: ADIL FAIT
Date: 08-11-2005, 00:37 AM
Parent: #9
اخ/ ناصر
سلامات يازول يا رائع
سلامات وانت بتقول العاوز تقولي
سلامات وانت تمتلك ناصية الجرأه المهذبه
لكن بقول ليك حقوا تدوا اخونا بكري فرصة عشان يتصرف
وانا متأكد بعد كل هذه النداءات حا يتصرف كما يحلو لك ولنا
وتتحقق امانينا بأن يعود المفصولين
مع أكيد حبي وتقديري،،،
عادل فايت
|
Post: #11
Title: Re: ده سخف يا بكرى ابوبكر
Author: nasiradin
Date: 08-11-2005, 01:03 AM
Parent: #10
أخى عادل لك الود
أحترم بكرى غاية الاحترام فى شخصه
صدقنى مسألة انشاء منبر من ناحيه تقنيه ليست بالمسأله الصعبه
و هى متوفره مجانا على الانترنت و بتقنيات أعلى مماهو موجود هنا
لكن .. ما الفرق
الفرق يا عزيزى هو فى الحق الأدبى لبكرى و لأعضاء المنبر ايضا
بكرى صاحب السيرفر و لكن الأعضاء هم أصحاب المواضيع الثره
أكره ازدواجية المعايير
و شيئا اخر ايضا
هو ذلك الألفه الذى يقف على رأسى يدعونى الى السكوت
لا يمكن ننادى بالحريه و لا نطبقها على أنفسنا
لا أرى عبد الرازق مخطئا
فتماضر لم تشتكى و كوستاوى ذكر بانه ليس بالمقصود
و اذا تم فصله من وجهة نظر بكرى
اذن ليفصله و لكن ليفصل بدون محاباه .. راجع مداخلاتى بالأعلى
مع أنى لا أرى فى تساؤل عبدالرازق أى خطأ يذكر
و الحل ليس بالفصل انما بالاجابه على سؤاله
ناصر البطل
|
Post: #12
Title: Re: ده سخف يا بكرى ابوبكر
Author: nasiradin
Date: 08-11-2005, 06:36 AM
Parent: #1
أنا عارف انو ما عندك شئ تقولوا يا بكرى
بس أنا عندى
ناصر البطل
|
Post: #13
Title: Re: ده سخف يا بكرى ابوبكر
Author: صلاح الدين عبدالله محمد
Date: 08-13-2005, 01:33 AM
Parent: #12
اسئلة حائرة تبحث عن اجابة
هل من مجيب؟؟؟؟؟؟؟؟؟؟؟؟؟؟؟؟؟؟
|
Post: #14
Title: Re: ده سخف يا بكرى ابوبكر
Author: nasiradin
Date: 08-13-2005, 02:00 AM
الأخ صلاح
المقوله التى تذكر أن بكرى ما فاضى
و هو لا يقرأ البورد كاملا
أنا شخصيا أصبحت أكفر بها
فهو له المام بكل ما يدور هنا
و تجده فى الاماكن التى يريد هو ان يتواجد بها
و غالبا التى لا يوجد بها نقاش حاد
مثل المباركات و ما الى ذلك
و ان اردت ان يتم فصلك الان تستطيع ان تجرب مدى متابعة بكرى للمنبر
أختار ليك حته سقمبتوتيه فى جحر بوست
و اتدسه بين حرفين
و اكتب ليك كلمه كده ولا كده
صدقنى حتلقاهو جاك ناطى
مع انو ده بوست كامل هو عامل فيها ما شايفو
ناصر البطل
|
Post: #15
Title: Re: ده سخف يا بكرى ابوبكر
Author: nasiradin
Date: 08-16-2005, 00:09 AM
Parent: #1
نوع من الفضول يا بكرى
ما هو المقياس الذى تعمل به
فى هذا المنبر
كفارة ليكم انتو سورى لى انا !
ناصر البطل
|
|