Post: #1
Title: ود المهدى المرة الفاتت وأد الانتفاضة المرة دى حيجهضها!
Author: jini
Date: 07-03-2012, 10:57 AM
Parent: #0
غايتو ود المهدى الا يكون داير يبارك لى مرسى ويقول ليهو ...اخوانكم فى السودان وعودونا خير حتى بالامارة عينوا عبد الرحمن ولدى وجعفر ولد المرغنى مساعدين للبشير الشيوعين قالوا رهاين ودروع بشرية لكن انا متاكد انه عربون
كان ما قلة شغلة الموديهو مصر شنو!
جنى
|
Post: #2
Title: Re: ود المهدى المرة الفاتت وأد الانتفاضة المرة دى حيجهضها!
Author: Zoal Wahid
Date: 07-03-2012, 11:54 AM
Parent: #1
Quote: كان ما قلة شغلة الموديهو مصر شنو!
جنى |
ياحيدر اخوي، الصادق ما زول مواجهة، اول ما تسخن يزوغ وقلبه مع الشمولية.
زمان مقلب ليك الجبهة الوطنية و اتخارج ببورتسودان
حسي سمع الشباب بتكلموا عن الكتاحة و منتظرنو يتقدمهم فتكلم عن التصحر.
قبل كده مشى امريكا ليقنعها بان البلاد امتلات سلاحا و اي تغيير للنظام يعنى فوضى
و ممكن تغييره من الداخل ( فادخل بشرى الامن و ادخل عبدالرحمن القصر)...
جايز المرة دي ماشي يغير وجهة نظر مرسي القال انه مع الشعب السوداني ضد الديكتاتورية و التسلط عليه
الصادق يا اخوي بقى سفير الانقاذ للنوايا الحسنة.
|
Post: #3
Title: Re: ود المهدى المرة الفاتت وأد الانتفاضة المرة دى حيجهضها!
Author: محمد الطيب يوسف
Date: 07-03-2012, 12:26 PM
Parent: #2
الصادق مازول حارة
لو أتته مختالة تجر أذيالها فهو لها
وإلا فكب الزوغة بعد الزوغة
الراجين الصادق راجين السراب
ــــــــــــــــــــــــــــ
نحن قبيل شن قلنا
قلنا الطير بياكلنا
|
Post: #4
Title: Re: ود المهدى المرة الفاتت وأد الانتفاضة المرة دى حيجهضها!
Author: Zakaria Joseph
Date: 07-03-2012, 06:14 PM
Parent: #3
قبل اسبوع تقريبا رفض فى تصريح له للجزيرة الانجليزية, و سماحه داخل ال اس يو ب,ان يسمى ما يحدث فى الشارع بانه ثورة "not a revolution yet" و قال ستكون كذلك عندما ينتهى هو من صياغ اجندة وطنية تجمع عليها القوى الوطنية.
هل الامام و عمه احمد و ابن عمه الهادى انقطعوا تماما عن الانصار ام ماذا?
|
|