Post: #1 Title: اول خطاب للرئيس بعد اخماد الثورة Author: abuguta Date: 07-03-2012, 04:27 AM
ايها الشعب السودانى الفضل احيكم بتحية ثورة الانقاذ الباقية الى يوم القيامة حديثى معكم اليوم بصراحة خالص عشان ما اغش عليكم,,, 1-البترول مشى مع الجنوب,ممكن نزيد المحروقات دى تانى وتالت ,عشان ما تظاهروا تانى,,وتكسروا عمائر اختكم الزجاجية,,البلد ببقى منظرها شين والناس بتضحك علينا 2- الزراعة بقت ما نافعة والنيل ميوتو بقت شوية ,,قدر الشراب,,اسعالوا اخونا المتعافى عندو مزارع على النيل,,قربت تحرق,,وعوض الجاز عندو نحيل فى نورى لما جاب خبراء اجانب حتى شرب,, يعنى الزراعة بقت فاشلة,,حتى البلد بعد سياسات وزير المالية فى تحرير سعر الصرف بقت طاردة للمثتثمرين 3- موضوع الدهب دا طلع ماسورة قالوا كلوا طلع حجارة وفالصو اها ما فضل لينا غير انكم تغتربوا,,ماهو الناس بره عائشة كويس ,,انا بعرف زميل فى كندا كان دفعتى فى حوش بانقاالابتدائية لما مات ما فارق كندا,,لو ما الغربة سمحة فكركم كان قعدالمدة دى كلها,,, دحين اسى عندى ليكم حلول,,,الدول الصديقة والمجاورة لو ادتنا قروض واعانات ما بتصلكم,,وما ممكن تثتثمر عندنا لانو مافى ضمانات,,عشان كدا وزير الخارجية طلب من الدول التبرع لنا بتاشيرات,,وكتر خيرهم ما قصروا,,وعطالتك عين بيها اخوك *بلد الحرمين تبرعت 5 مليون تاشيرة للذكور والايناث *قطر ست الحارة ب 2 مليون تاشيرة *الكويت مليون تاشيرة,,,نحن وقفنا ضدهم فى حرب الخليج لكنهم كرماء *سلطنة عمان ب 300 الف تاشيرة *البحرين 200 الف تاشيرة,, انتو ايران دا ما دولة بترولية وصناعية,,,لازم تجربوا الاغتراب فيها,, وماتنسو ليبيا حتفتح ودى قريبة من ناس دارفور,,, وبعدين اخونا ادريس دبى قال داير ليه ناس على حسب كلام, موسى هلال,,,زول نسيبنا ما بنقصر معاه وتانى عندنا عمائر واملاك فى ماليزيا ,,دايرة حراس وجناينية ,,البلد ديك سمحة ,,وخالية من الامراض مش زى بلدنا دى,,,بس الاولوية للذين طلعوا مظاهرات ياجماعة ,,ديل اهل وجعة وزهجوا من القعدة معانا ,
الله اكبر الله اكبر,,,
مخرج
دمت حاكما فينا ياعمر ما دامت شمس فى السماء وقمر النيل جرى من عدلك ماء فانبت الزرع فى الصحراء والشجر
Post: #2 Title: Re: اول خطاب للرئيس بعد اخماد الثورة Author: حامد بدوي بشير Date: 07-03-2012, 05:27 AM Parent: #1
أبو قوتة،
أسمي هذا بالسخرية الحارقة الثاقبة.
أنت مبدع.
Post: #3 Title: Re: اول خطاب للرئيس بعد اخماد الثورة Author: ثروت سوار الدهب Date: 07-03-2012, 05:48 AM Parent: #2
حيت يا ابقوتة يا فنان مع الوجع و الالم
Post: #4 Title: Re: اول خطاب للرئيس بعد اخماد الثورة Author: الطيب رحمه قريمان Date: 07-03-2012, 06:26 AM Parent: #3
لك التحايا الطيبة يا اباقوتة
Post: #7 Title: Re: اول خطاب للرئيس بعد اخماد الثورة Author: موسي عيسي Date: 07-03-2012, 06:45 AM Parent: #4
إبداع يا ابوقوته و الله ممكن يصلح لعمل
مسرحي رهيب يا ود السني ما تسرع تخفف
لي نار وجدي
تسلم يا شاب
Post: #11 Title: Re: اول خطاب للرئيس بعد اخماد الثورة Author: abuguta Date: 07-03-2012, 07:15 AM Parent: #7
موسى عيسى
شكرا على التشجيع,,,
خرطة السودان الحالية تزيد الخطاب ,,البلد لما شفناها كبيرة قيمنا بدل نقتل بعضنا,,الجنوب زى ولدك الكبير لما يفصل عيشتو,,,
Post: #10 Title: Re: اول خطاب للرئيس بعد اخماد الثورة Author: abuguta Date: 07-03-2012, 06:52 AM Parent: #4
Quote: لك التحايا الطيبة يا اباقوتة
الطيب قريمان,,,
بلديات وجدتو فى الجمعية,,قالو لى الولد قريبك بعد التعارف قلت ليه انت امك تزوجت متين
تسلم ياحبيب
Post: #8 Title: Re: اول خطاب للرئيس بعد اخماد الثورة Author: abuguta Date: 07-03-2012, 06:48 AM Parent: #3
Quote: حيت يا ابقوتة يا فنان مع الوجع و الالم
سوار اخونا ملاسى قال قرفنا بقت ترف
صدقنى ياخى اذا ما خاطب الشعب زى كدا يبقى رئيس ########,,بقى شنو تانى عشان يصبر به المواطن العادى
Post: #6 Title: Re: اول خطاب للرئيس بعد اخماد الثورة Author: abuguta Date: 07-03-2012, 06:45 AM Parent: #2
Quote: أسمي هذا بالسخرية الحارقة الثاقبة
اخ حامد
الذين طاهر جلمهم عمر يوم او عام,,لما جات الانقاذ يجى البشير يبرر لهم ان الاحزاب نحن جبرناها وكانت فاشلة طيب هم ما جربوها,,,تقوم تعتقلهم فى المستودعات
شكرا على المرور
Post: #5 Title: Re: اول خطاب للرئيس بعد اخماد الثورة Author: Nasir Ahmed Elmustafa Date: 07-03-2012, 06:45 AM Parent: #1
ابقوته تحياتي اولا نهنيك باخماد الثورة وعقبال للحلفاية البترول قاااااااااااااااااااااااااااااااااااعد وقبل يومين اعلنوا عن عشرة الف برميل دخلت الانتاج الذهب الذهب يكاد عقلي يذهب هذا هو شعار الشباب هذه الايام ولا ينكره الا اعمى التاشيرات جاية بالكوب وهي اشارة ايجابية لسوق العمالة السودانية وكان الاحوال اصلحت بضاعتنا ترد الينا وجامعة الخرطوم هااااااااااااااااااااااااااااااادية والطلبة مشوا على قرايتم بعد ما لقوا احزاب المعارضة ماسورة
Post: #9 Title: Re: اول خطاب للرئيس بعد اخماد الثورة Author: احمد العربي Date: 07-03-2012, 06:49 AM Parent: #5
ابوقوته تحيه واحترام
Post: #13 Title: Re: اول خطاب للرئيس بعد اخماد الثورة Author: abuguta Date: 07-03-2012, 07:22 AM Parent: #9
Quote: ابوقوته تحيه واحترام
احمد العربى
بعد مرور 23 سنة وثلاثة ايام,, عاوزين كم سنة تانى عشان اعلملوا حاجة
دفاع زمرة الانقاذالحالبة فقط حفاظا على ممتلكاتهم,,
Post: #12 Title: Re: اول خطاب للرئيس بعد اخماد الثورة Author: abuguta Date: 07-03-2012, 07:18 AM Parent: #5
ناصر احمد المصطفى,,,
اسم يذكرنى بحب الاوطان عند عميد الفن
احترم رؤيتك للاشياء بمناظرك الخاص
Post: #14 Title: Re: اول خطاب للرئيس بعد اخماد الثورة Author: أحمد الشايقي Date: 07-03-2012, 08:41 AM Parent: #12
سلام أبو قوتة وضيوفه الكرام
أنا لم أجد ما يدعوني للضحك في هذا الخطاب الذي تبرعت بكتابته لسعادة الرئيس فخطاب سعادته أمام البرلمان لو تمعنه الناس بعمق لا يبعد كثيراً عن هذا المنطق, فالحكومة غير (متخيلة) أن الجنوب يمكن أن ينتحر ليؤذي الشمال وبالتالي يوقف ضخ النفط عبر الأنابيب .... Why not ? وإذا كان هذا هو تقدير الحكومة لإمكانيات دولة الجنوب وعلاقاتها الخارجية المتينة مع القوى العظمية والقوى (الكنسية) وهذه تعرفها الحكومة وتجهر بها في خطابات الدعم (لزاد المجاهد) منذ 23 سنة فلماذا تفترض حكومتنا أن الجنوب ينتحر وليس لديه بدائل ؟؟؟ الحكومة السودانية تحكم البلاد بمنطق لا يصدقه سوى الذين تقل أعمارهم عن (10) سنوات أو الذين تكون معارفهم في حدود معارف الأطفال من سن (10) سنوات وأقل من ذلك ...
أحمد الشايقي
Post: #15 Title: Re: اول خطاب للرئيس بعد اخماد الثورة Author: حامد بدوي بشير Date: 07-03-2012, 08:52 AM Parent: #14
Quote: الحكومة السودانية تحكم البلاد بمنطق لا يصدقه سوى الذين تقل أعمارهم عن (10) سنوات أو الذين تكون معارفهم في حدود معارف الأطفال من سن (10) سنوات وأقل من ذلك ...
الشايقي سلام،
إبن إبن اخي (7 سنوات) يطلب أن نوصل لك احتجاجه على مقولتك أعلاه.
فمنطق الإنقاذ تترفع حتى الفصائل العليا من الحوانات عن القبول به.
Post: #16 Title: Re: اول خطاب للرئيس بعد اخماد الثورة Author: jini Date: 07-03-2012, 09:01 AM Parent: #15
واشاد البشير ببعد نظر الاخوة المغتربين التفتيحة الذين ولوا الادبار منذ الشرارة الاولى للثورة وتحملوا عبء اغاثة واعانة اخوتهم الذين لم تتوفر لهم فرصة النجوع فى ارض الله الواسعة واضطروا الى المكوثة فى ارض البشير الضيقة جنى
Post: #17 Title: Re: اول خطاب للرئيس بعد اخماد الثورة Author: Abdelmoniem ALHAJ Date: 07-03-2012, 09:26 AM Parent: #16
Post: #18 Title: Re: اول خطاب للرئيس بعد اخماد الثورة Author: Abdelmoniem ALHAJ Date: 07-03-2012, 09:27 AM Parent: #17
عليك الله يا أبو قوتة شوف الكيزان ديل قاعدين في ياتو حتة في الحاجة الفوق دي تحياتي
Post: #19 Title: Re: اول خطاب للرئيس بعد اخماد الثورة Author: abuguta Date: 07-03-2012, 12:27 PM Parent: #18
Quote: الحكومة السودانية تحكم البلاد بمنطق لا يصدقه سوى الذين تقل أعمارهم عن (10) سنوات أو الذين تكون معارفهم في حدود معارف الأطفال من سن (10) سنوات وأقل من ذلك ...[/QطبUOTE]
برافو الشايقى بالضبط كدا وبتخوفهم بالاحزاب ,,وهم ما حضروها
Post: #20 Title: Re: اول خطاب للرئيس بعد اخماد الثورة Author: abuguta Date: 07-03-2012, 12:29 PM Parent: #16
Quote: واشاد البشير ببعد نظر الاخوة المغتربين التفتيحة الذين ولوا الادبار منذ الشرارة الاولى للثورة وتحملوا عبء اغاثة واعانة اخوتهم الذين لم تتوفر لهم فرصة النجوع فى ارض الله الواسعة واضطروا الى المكوثة فى ارض البشير الضيقة