Post: #1
Title: إرتفاع كبير في السلع والسكر يصل 70جنيه.... ولا علاج!!
Author: المكاشفي الخضر الطاهر
Date: 07-01-2012, 08:42 PM
المصدر الانتباهة عدد اليوم 1/7/2012
القنديلة 65 جنيه للربع والبركاوي 30
الفول السيوبر الجوال 800
باقة الزيت 36 رطل صباح 180 جنيه
و18 رطل 95 جنيه
و9رطل 50جنيه
و4 رطل 25 جنيه
كيلو الارز 8جنيهات
العدس الكيلو7 جنيهات
كيلو الفاصوليا 9 جنيه
علبة الصلصة التركية 6 جنيهات
ربع العدسية 24 جنيه وكذلك الكبكبي
ورطل الكركدي 8 جنيه
ربع الويكة 36 جنيه
وتشهد اسعار السكر تارجحا كبيرا داخل الاسواق حيث بلغ سعر جوال السكر 10كيلو مابين 50 الى 70 جنيه وبلغ سعر الجوال سعة 50كيلو 265 جنيه
ــــــــــــــــــــــــــــــــــــــــــــــــــــــ
قلت:
هذه الايام تمر بلادنا بأزمة حقيقية تسببت فيها الحكومة المحترمة ، بعد القرارات الاخيرة بقيت السلع على حالها لم تتحرك ولكن قبل يومين أخذت في الزيادة وما عارفين بعد عشرة يوم حايحصل شنو صدقوني انا معائش السوق والمواططنون يشكون شكية مرة من ارتفاع الاسعار ومن الضائقة المعيشية ومن جشع التجار ، التجار هؤلاء قد هزموا الحكومة والحكومة ما قدرت عليهم بس قدرت على المواطن المسكين التعبان دا تقذفوا بالبمبان وتبهدل بيهو ، المفروض التجار الجشعين ديل من يقذف البمبان في وجوههم لانهم لا يخسرون ابدا اكرر ليس لهم اي خسارة كل الضرائب يحملونها المواطن المسكين دا
والله نحن في مشكلة حقيقة وقجد تأثؤ عدد كبير جدا بهذه الضايقة المعيشية واقول ان ما دور الحكومة هنا ؟؟ ما هو دور الحكومة هنا؟؟؟ هل الحكومة ليس لها اي دور فيما يحدث ؟ لماذا لا تعتقل التجار ؟ لماذا لا تحاصر التجار ؟؟ لماذا لا تقذف التجار بالبمبان بس بتعرف للمواطن المسكين دا ،، حسبي الله ونعم الوكيل ،،
وزير المالية لا يعطي المنحة التى منحها الرئيس للعاملين بالدولة لماذا ؟؟ لما يا سعادة الوزير لم تمنحنا المنحة ؟؟ عاجباك حالتنا دي يا وزير المالية ؟؟؟؟
لو ما قادر على التجار ديل ارحل وخليهم لينا نحن بنقدر عليهم ،، يا اخواني الواحد يتعالج من جيبو ... ويتعلم من جيبو .... ويشتري السلع الاستهلاكية من جيبوا .. طيب القروش دي بتمشي وين ما دام الحكومة رافعا يدها من التجار ديل اي تاجر يسعر على كيفوا وين الرقابة ،،،، دا نظام راسمالي والنظم الراسمالية يموت فيها المسكين ويظلم والقوي هو من يتمكن
حسبي الله ونعم الوكيل
|
Post: #2
Title: Re: إرتفاع كبير في السلع والسكر يصل 70جنيه.... ولا علاج!!
Author: lana mahdi
Date: 07-01-2012, 08:44 PM
Parent: #1
الحبيب المكاشفي الحل واااااحد
النظام دة يسقط وتجي حكومة تحكم بالحق والعدل
|
Post: #5
Title: Re: إرتفاع كبير في السلع والسكر يصل 70جنيه.... ولا علاج!!
Author: المكاشفي الخضر الطاهر
Date: 07-01-2012, 08:58 PM
Parent: #2
Quote: الحبيب المكاشفي الحل واااااحد
النظام دة يسقط وتجي حكومة تحكم بالحق والعدل |
نعم
هي المشكلة الوالي يقول كلام والتجار يقولو كلام مخالف
والسيدة الفضلى المحترمة اميرة الفاضل تقول كلام وما تطبقوا ،، والله انا سمعت اميرة الفاضل في الاذاعة قالت حا ندعم الاسر الفقيرة دعم مباشر ها لغاية اليوم انا بعرفلي اسر كتيرة جدا فقيرة ولا اسرة واحدة جاها دعم اها اصلوا الدعم دا جايي متين ؟؟؟
والمنحة الشهرية بتاعت المعاشيين وناس الخدمة المدنية قالوا الشهر دا مابصرفوها بصرفوها الشهر الجايي ويا عالم اللشهر الجايي يصرفوها ولا لا
إنا لله وإنا اليه راجعون
|
Post: #3
Title: Re: إرتفاع كبير في السلع والسكر يصل 70جنيه.... ولا علاج!!
Author: المكاشفي الخضر الطاهر
Date: 07-01-2012, 08:46 PM
Parent: #1
نداء الى جميع الصحفيين وكتاب الاعمدة ارجو تناول معاناة اللمواطن وغرتفاع السلع وتقاعس الحكومة الموقرة عن علاج المشكلة في كتاباتكم ،، وإلا فلا فائدة منكم
|
Post: #4
Title: Re: إرتفاع كبير في السلع والسكر يصل 70جنيه.... ولا علاج!!
Author: محمد حيدر المشرف
Date: 07-01-2012, 08:52 PM
Parent: #3
الجماعة محمد فرح واحد منهم قال السكر بى 32 جنيه ..
الزول من محمد فرح ده كضاااااب ولا شنو ؟!
|
Post: #6
Title: Re: إرتفاع كبير في السلع والسكر يصل 70جنيه.... ولا علاج!!
Author: منتصر عبد الباسط
Date: 07-01-2012, 09:03 PM
Parent: #4
ان شا الله ما تكون قاصد تجار الكناتين
وتجار محلات الجملة ...
ما في جشع في غير الحكومة ...
بفرضها للضرائب الباهظة
والقيمة المضافةالمتصاعدتين
سواء كانت ضرائب مباشرة أو غير مباشرة
مضاف لذلك شركات وسيطة
ثم ما الداعي لمصانع التعبئة ؟!
ويدعون كذباً دعم تلك السلع
|
|