Post: #1
Title: يا معاوية عبيد فيما يختص بالريس ونافع!
Author: عادل نجيلة
Date: 07-01-2012, 00:04 AM
Parent: #0
الواحد بقى قلقان عليهم ..
لا خبر في راديو ولا تلفزيون ولا مجلس وطني ولا مؤتمر صحفي ولا لقاءات جماهيرية
الأخبار كلها النائب الأول ومساعدي الريس .. طمنا عليهم عليك الله .. أبو دي كتاحة ولحس كوع .. ناس شذاذ آفاق بشكل ..
|
Post: #2
Title: Re: يا معاوية عبيد فيما يختص بالريس ونافع!
Author: Nagat Sid Ahmed Elshiekh
Date: 07-01-2012, 01:20 AM
Parent: #1
| Quote: . أبو دي كتاحة ولحس كوع .. ناس شذاذ آفاق بشكل .. |
هههههههههههه......
الاخ العزيز عادل أول مرة أضحك مما الكتاحة قامت والله صحي ...
ياخ الجماعة ديل العيد الجاب الناس ما احتفلوا بيه ال رقم 23.....
كلنا بنسأل الطوربيد أين هؤلاء؟؟؟؟؟؟
|
Post: #3
Title: Re: يا معاوية عبيد فيما يختص بالريس ونافع!
Author: عادل نجيلة
Date: 07-01-2012, 01:54 AM
Parent: #2
Quote: هههههههههههه......
الاخ العزيز عادل أول مرة أضحك مما الكتاحة قامت والله صحي ...
ياخ الجماعة ديل العيد الجاب الناس ما احتفلوا بيه ال رقم 23.....
كلنا بنسأل الطوربيد أين هؤلاء؟؟؟؟؟؟ |
والأعجب يازميلة القناة السودانية نقلت مباراة المريخ ..
وبعدها أناشيد وطنية ماركة زمان ديك وبعدين مدايح نبوية برضو ماركة
زمان ناس ودأبشريعة وحاج الماحي .. وزول جاب سيرة الفاتح من يونيو مافي
ناهيك التلاتين منه ,, غايتو كان الطوربيد ما جاب الخبر الأكيد حأحول السئوال لي ود الموج برضو مصادره قوية .. كدي الننتظر صباحاتو لحس كوع..
وإنتى زاتك أسألي لينا نجلاء وورونا الحاصل .. خليك قريبة يازميلة تحياتي
|
Post: #4
Title: Re: يا معاوية عبيد فيما يختص بالريس ونافع!
Author: اسامه خليفه
Date: 07-01-2012, 05:42 AM
Parent: #3
اظنها القافل من يونيو وسيكون اخر يونيواتهم المشوؤمه وكما قيل كل الطغاة يقراون من كتاب واحد ولن يستفيدوا من تجارب بعضهم .. اظنه نفس طريق الفاتح الفرق الوحيد سيكون المخبا ترعة السليت بدلا لمجري العقيد ...
تحياتي ..
|
Post: #5
Title: Re: يا معاوية عبيد فيما يختص بالريس ونافع!
Author: عادل نجيلة
Date: 07-01-2012, 06:57 AM
Quote: ظنها القافل من يونيو وسيكون اخر يونيواتهم المشوؤمه وكما قيل كل الطغاة يقراون من كتاب واحد ولن يستفيدوا من تجارب بعضهم .. اظنه نفس طريق الفاتح الفرق الوحيد سيكون المخبا ترعة السليت بدلا لمجري العقيد ...
تحياتي .. |
إحتمال وارد يكون الريس في السليت يا أسامة .. فكرة مقبولة..
نشوف الطوربيد حيقول شنو.. شاكر التعليق..
|
Post: #6
Title: Re: يا معاوية عبيد فيما يختص بالريس ونافع!
Author: ريهان الريح الشاذلي
Date: 07-01-2012, 11:50 AM
Parent: #5
سلامات ... يا عادل ...
صاحبك معاوية عبيد يقريك السلام ....بس مشكلتو انو في بمبانة ضربت ليهو باسويردو ما قادر يدخل ........وبقول ليك جراب الحاوي مليان بس خليهو يدي البمبانة حتة خل ويجيك ........
|
Post: #7
Title: Re: يا معاوية عبيد فيما يختص بالريس ونافع!
Author: صديق الموج
Date: 07-01-2012, 11:59 AM
Parent: #6
عادل يا حبوب .....سلامات
وحاتك شذا1 الافاق ده الايامات دى تسأل منه وداد تقول ليك شن خبرنى؟
وزول لحس الكوع قالو بتدرب بلحس في كوعو ، لكن دحين الزول الكان
فى التلفزيون زى ضبانة الربط امين حسن عمر كان شفته قولى لى عووك
ياحليل الطير الرحل كان قريب اصبح فى زحل ،،،
|
Post: #12
Title: Re: يا معاوية عبيد فيما يختص بالريس ونافع!
Author: عادل نجيلة
Date: 07-03-2012, 00:27 AM
Parent: #7
Quote: وحاتك شذا1 الافاق ده الايامات دى تسأل منه وداد تقول ليك شن خبرنى؟
وزول لحس الكوع قالو بتدرب بلحس في كوعو ، لكن دحين الزول الكان
فى التلفزيون زى ضبانة الربط امين حسن عمر كان شفته قولى لى عووك
ياحليل الطير الرحل كان قريب اصبح فى زحل ،،، |
الزميل الألمعي صديق الموج ,,
يبدو أن موسم رحيل الطيور والصقور إلى زحل قد بدأ بالفعل ..
لكن إختفاء الريس ده أصبح مريب بجد.. تحياتي لك وللأسرة الكريمة
بالمناسبة بيناتنا نسب ,,
|
Post: #8
Title: Re: يا معاوية عبيد فيما يختص بالريس ونافع!
Author: فايزودالقاضي
Date: 07-01-2012, 12:10 PM
Parent: #6
معقولة يانجيلة لامعاوية ولا الريس ولا نافع ؟!!
يعني نعمل شنو في المنبر ده هسه !!!
وكما قالت الاخت ريهان الشيوعي في عافية باسويردية من امس عشان كده نافع ورئيسه مستجمين بمزاج ...
تحياتي ،،
|
Post: #9
Title: Re: يا معاوية عبيد فيما يختص بالريس ونافع!
Author: الامين موسى البشاري
Date: 07-01-2012, 12:21 PM
Parent: #8
Quote: لا خبر في راديو ولا تلفزيون ولا مجلس وطني ولا مؤتمر صحفي ولا لقاءات جماهيرية
الأخبار كلها النائب الأول ومساعدي الريس .. طمنا عليهم عليك الله .. أبو دي كتاحة ولحس كوع .. |
حكاية تحير بالجد يا عادل ياخ
أما فيما يختص بمعاوية عبيد فهو في الرج
لانو في ضب حيطة اعتقل باسويرده
ومزازيهو ليكـ جنس مزازه
فدحين جهز عمود الغداء عشان نمشي نشوفو سوا في الرج 
يعني دي ايام يغيب فيها معاوية عبيد وكمان نجلاء سيد احمد
|
Post: #10
Title: Re: يا معاوية عبيد فيما يختص بالريس ونافع!
Author: عادل نجيلة
Date: 07-01-2012, 01:36 PM
Parent: #9
Quote:
مساعد الرئيس السودانى يصل القاهرة لبحث تداعيات اضطرابات الخرطوم
وصل جعفر الصادق محمد عثمان الميرغني، مساعد الرئيس السودانى عمر البشير، إلى القاهرة صباح اليوم قادمًا من الخرطوم.
وتأتى هذه الزيارة على خلفية الاضطرابات والمظاهرات التى تشهدها البلاد هناك، ويبحث خلالها مع المسئولين المصريين تداعيات ما يجرى بالخرطوم وسبل احتوائها وعودة الاستقرار إلى البلاد، والتعاون السودانى المصرى فى هذا الشأن وفى بعض المجالات الأخرى
|
كدى بس شوفوا الأخبار دي لمن أجيكم راجع ... ولكم محبتي و عرفاني
|
Post: #14
Title: Re: يا معاوية عبيد فيما يختص بالريس ونافع!
Author: عادل نجيلة
Date: 07-03-2012, 00:50 AM
Parent: #9
Quote: حكاية تحير بالجد يا عادل ياخ
أما فيما يختص بمعاوية عبيد فهو في الرج
لانو في ضب حيطة اعتقل باسويرده
ومزازيهو ليكـ جنس مزازه
فدحين جهز عمود الغداء عشان نمشي نشوفو سوا في الرج
يعني دي ايام يغيب فيها معاوية عبيد وكمان نجلاء سيد احمد |
الزميل ود البشاري ..
لليوم السابع على التوالي لا يوجد خبر من الريس أو نافع..
تحياتي
|
Post: #13
Title: Re: يا معاوية عبيد فيما يختص بالريس ونافع!
Author: عادل نجيلة
Date: 07-03-2012, 00:36 AM
Parent: #8
Quote: معقولة يانجيلة لامعاوية ولا الريس ولا نافع ؟!!
يعني نعمل شنو في المنبر ده هسه !!!
وكما قالت الاخت ريهان الشيوعي في عافية باسويردية من امس عشان كده نافع ورئيسه مستجمين بمزاج ...
|
والله يا ود القاضي مشكلة كبيرة ,, الله يفك باصويرد الطوربيت ونسمع غياب
الريس ونافع .. الجمعه الجاية إسمها قلت لي شنو !
تحياتي
|
Post: #11
Title: Re: يا معاوية عبيد فيما يختص بالريس ونافع!
Author: عادل نجيلة
Date: 07-03-2012, 00:17 AM
Parent: #6
Quote: سلامات ... يا عادل ...
صاحبك معاوية عبيد يقريك السلام ....بس مشكلتو انو في بمبانة ضربت ليهو باسويردو ما قادر يدخل ........وبقول ليك جراب الحاوي مليان بس خليهو يدي البمبانة حتة خل ويجيك ........ |
الزميلة العزيزة ريهان ..
تعرفت في زيارتي الأخيرة للسودان وفي ليلة خاصة عن فن الحقيبة بحديقة القرشي على رجل راقي وهادئ وموسوعي في معلوماته قدمنى له صديقي علاء حيمورة قائلآ الأستاذ الشاذلي الريح والد زميلة البورد ريهان .. إتونسنا ودردشنا في الفن وفي الرياضة والتاريخ ,, وقضينا وقتآ ممتعآ .. غايتو يا ريهان بخت نسايبو..
بلغي التوربيد تحياتنا ونحن منتظرينو بفارغ الصبر.. ربنا يفك باص ويردو
قولي آمين.
|
Post: #15
Title: Re: يا معاوية عبيد فيما يختص بالريس ونافع!
Author: Nagat Sid Ahmed Elshiekh
Date: 07-03-2012, 03:23 AM
Parent: #11
| Quote: وإنتى زاتك أسألي لينا نجلاء وورونا الحاصل .. خليك قريبة يازميلة تحياتي |
عووووك يا عادل سعالك دا صعيب على شديد أجاوب عليه ....
أخير معاوية الجاتو فى الباسويرد بتاعو نجلاء بقت ليها فى روحو العزيزة حبس انفرادى من الساعة 9 - 5 ....
اتلومو معاها لكن مافرقت حوة والدة فى مليون ذى نجلاء وصلوا لينا الحاصل شنو صورة وصوت..
| Quote: ..وبقول ليك جراب الحاوي مليان بس خليهو يدي البمبانة حتة خل ويجيك ........ |
معاوية عبيد كفارة ليك يازول ، الجماعة ديل قصدوك عدييل كدا.. عليك بالخميرة قالوا بتنهى البمبان سريع دا كلام خبراء ثورات سودانية..
|
Post: #16
Title: Re: يا معاوية عبيد فيما يختص بالريس ونافع!
Author: معاوية عبيد الصائم
Date: 07-03-2012, 09:41 AM
Parent: #15
العزيز الجميل عادل نجلية على الايمان جنس حالة بكرى يرسل والهكر ما يقصر يازول فى اقل من اسبوع اكتر من 10 تهكيرات انتظر الربع الجديد الله واكبر ع عليهم
|
|