Post: #1 Title: الاقتصاد السودانى افضل من الاقتصاد الامريكى ..! Author: محمد عبدالرحمن Date: 06-30-2012, 09:11 PM
0
Post: #2 Title: Re: الاقتصاد السودانى افضل من الاقتصاد الامريكى ..! Author: محمد عبدالرحمن Date: 06-30-2012, 09:19 PM Parent: #1
وزير المالية راجل تحفة ...واشتر وشليق ...فى الاول كنت بتوقع انو مايكون عندو اى علاقة بالاقتصاد كعلم ..لكن للاسف الشديد لما طالعت السيرة الذاتية بتاعتو وجدت انو خريج اقتصاد الخرطوم .. شفتو كيف جامعة الخرطوم دى (بطرانه) تخرج دكتور بشير عمر وتخرج وزير المالية الحالى دا ...دون ان يرمش لها جفن ...والمقصود جامعة الخرطوم طبعا ...
Post: #3 Title: Re: الاقتصاد السودانى افضل من الاقتصاد الامريكى ..! Author: محمد عبدالرحمن Date: 06-30-2012, 09:26 PM Parent: #2
شخصيا متابع شديد (المتابعة) لخطابات وزير المالية .. وبستمتع جدا بشلاقتو وشتارتو ...اخر خطاب حضرتو ليهو فى التلفزيون كان قدام اعضاء المؤتمر الوطنى .. طبعا كان (بحنس ) فى الشعب السودانى تحانيس عشان يقبلو السياسةالاقتصادية ...طبعا ناس المؤتمر الوطنى مامتضررين من السياسة دى عشان كدا التحانيس مابتشملهم .. تانى يوم جيت لقيت كاركتير منشور فى الفيس بوك بصور الفكرة الكان بطرح فيها وزير المالية لاقناع الشعب السودانى ...تطابقت فكرة راسم ا لكاركتير مع انطباعى عن حديث الوزير تطابق الحافر بالحافر ...لكن تنقصنى المقدرة لرسم الافكار ...وهذا مالاينقص الكاركتيرست الذكى الذى رسم الفكرة ...سابحث عن الكاركتير لاجلبه هنا ...
Post: #4 Title: Re: الاقتصاد السودانى افضل من الاقتصاد الامريكى ..! Author: محمد عبدالرحمن Date: 06-30-2012, 09:28 PM Parent: #3
دا الكاركتير الذكى ...الذى لخص حديث وزير المالية الاشتر الشليق ....
Post: #5 Title: Re: الاقتصاد السودانى افضل من الاقتصاد الامريكى ..! Author: محمد عبدالرحمن Date: 06-30-2012, 09:39 PM Parent: #4
اخر تقليعات وزير المالية تصريحو انو الاقتصاد السودانى افضل من الاقتصاد الامريكى ...اااى امريكا ..(امريكة الله والرسول دى) ... للاسف وجدت الحديث دا مكتوب ...كنت افضل ان اسمعه سماعا منه .. طبعا عندو تخريجات وتبريرات فى الكلام (بعرفها براهو) ... وشر البلية مايضحك ...مسرح العبث الشيدوهو الكيزان فى بلدنا طوال السنوات السابقة على شدة ماساته وقتامته يدعو احيانا للضحك من باب السخرية ...وهذا بالضبط مايحدث عند سماع الوزير متحدثا ....
Post: #6 Title: Re: الاقتصاد السودانى افضل من الاقتصاد الامريكى ..! Author: محمد عبدالرحمن Date: 06-30-2012, 10:01 PM Parent: #5
Post: #7 Title: Re: الاقتصاد السودانى افضل من الاقتصاد الامريكى ..! Author: أمجد الزين Date: 06-30-2012, 10:14 PM Parent: #6
سلام محمد عبدالرحمن فى الفيديو دة البشير بقول الدولار بيكلف امريكا حق الطباعه بس بيطبعوهو زي ورق الجرايد
Post: #8 Title: Re: الاقتصاد السودانى افضل من الاقتصاد الامريكى ..! Author: الكيك Date: 07-01-2012, 06:01 AM Parent: #7
شكرا محمد لهذا البوست اللماح .. لو عرف السبب بطل العجب والسيد الوزير مرقت منه كلمة فلتة لسان هى فى الحقيقة ما يدور فى نفسه عن الواقع الاقتصادى اذ قال فى لحظة تجلى ان الدولة مفلسة اى افلست وهذا ما جعل الكثير من البنوك والمصارف التى تتعامل مع السودان توقف معاملاتها فور سماعها لهذا التصريح الذى تنتظره وكالات الانباء العالمية .. وما نقلته انت هنا من تصريح .. محاولة لاصلاح اثار هذا التصريح الذى لم يسبقه عليه احد ..ودائما ناس الانقاذ او الاخوان المسلمين هم هكذا يقولون الحديث ويستهسسلونه وعندما يكتشفون اثاره المدمرة يحاولون الاتيان بما هو مضحك مثل ما اوردت من تصريح لهذا الوزير الهمام الذى جاء يكحلها فعماها بعمى الجهل .. تحياتى لك
Post: #9 Title: Re: الاقتصاد السودانى افضل من الاقتصاد الامريكى ..! Author: عادل نجيلة Date: 07-01-2012, 06:51 AM Parent: #8
نمسح ... يبدو أننا دخلنا بوستآ خاطئآ ... فمن يتحدث عن إقتصاد ومالية السودان لا يرد كمثل هذه الردود الضعيفة من مثل كاتب البوست!!
Post: #10 Title: Re: الاقتصاد السودانى افضل من الاقتصاد الامريكى ..! Author: قيقراوي Date: 07-01-2012, 07:37 AM Parent: #9
Quote: فى الفيديو دة البشير بقول الدولار بيكلف امريكا حق الطباعه بس بيطبعوهو زي ورق الجرايد
ان قالها فهو محتاج علاج نفسي عديييل كدا من الصدمة الحضارية والوكسة العلمية الهو فيها دي، مش بس محو امية اقتصادية برضو في الضهرة -عندنا- في ناس بعتقدوا انو الزبادي هو فضلات الناس البيض!!
--------
اذا كان (ابل) ؤ (سامسونغ) بس برااااهم بلعبوا ليهم في سوق حجمو 200 مليار دولار! اها اسي قروش قدر دي يجيبوها من وين .. الا مطبعة غايتو .. المافي شنو!؟
Post: #11 Title: Re: الاقتصاد السودانى افضل من الاقتصاد الامريكى ..! Author: محمد عبدالرحمن Date: 07-01-2012, 06:11 PM Parent: #10
الاعزاء
امجد الزين .. الكيك ... عادل نجيلة فتح الرحمن الشهير بقيقراوى ...
شكرا لاسهامكم ..ووزير المالية تحفة ..و(الاتحف) منو البشير فى تصريحو النزلو امجد الزين ...المحيرنى اتحاد جامعة الخرطوم دورة على عثمان ...واتحاد جامعة الخرطوم دورة عثمان المكى ..ووو ...ودورة منو تانى ماعارف ....دا بكون القلم المابزيل بلم البقولوهو ...
حبابكم ...
Post: #12 Title: Re: الاقتصاد السودانى افضل من الاقتصاد الامريكى ..! Author: محمد عبدالرحمن Date: 07-02-2012, 02:15 PM Parent: #11
Post: #13 Title: Re: الاقتصاد السودانى افضل من الاقتصاد الامريكى ..! Author: أحمد الشايقي Date: 07-02-2012, 03:19 PM Parent: #12
Quote: الاقتصاد السودانى افضل من الاقتصاد الامريكى ...اااى امريكا ..(امريكة الله والرسول دى) ...
تعرف يا أخ محمد الناس دي كلها تحف ومدرسة الكادر لا تعلمهم سوى الجرأة والتعمد أما صحة الأقوال ومعقولية الأفعال فهذه من قبيل التردد عندهم فلا يلتفت لها. في مناظرة مشهورة وقف فيها الدباب حاج ماجد سوار مع الاستاذ علي محمود حسنين في قناة الجزيرة دافع حاج ماجد سوار عن الاقتصاد السوداني قائلاً أنه (وحتى فرنسا تم تخفيض تصنيفها الإئتماني), فقاطعه فيصل القاسم مستغرباً وماداً يده إليه قائلاً: بالله إنتا بتقارن السودان بفرنسا, ولم يخجل الدباب ولم يرتدع هذا لكي لا نقول أنه لم يفهم ...
ديل ناس تحـف ... ولا يصدقهم إلا محدودي الفهم والتفكير ...
Post: #14 Title: Re: الاقتصاد السودانى افضل من الاقتصاد الامريكى ..! Author: محمد عبدالرحمن Date: 07-02-2012, 06:11 PM Parent: #13
يااحمد الشايقى ...
النمحنك زيادة ...هذه الموجهات جزء من الخطة الاقتصادية الاسعافية لمعالجة اثار الازمة الاقتصادية ...ماتستبعد يكون كتبها وزير المالية ...انا غايتو لو قالوا كتبها هو بصدق.. بعملها اتخيل ...بالله شوف استهبال الكيزان دا ..نحن عارفين الرزق من الله قبل مايضوقوا هم لذة الحكم ...نحن شعب موحد ومؤمن ...لكن كمان الاستهبال مابمشى علينا ...
Post: #15 Title: Re: الاقتصاد السودانى افضل من الاقتصاد الامريكى ..! Author: محمد عبدالرحمن Date: 07-03-2012, 06:53 AM Parent: #14
Post: #16 Title: Re: الاقتصاد السودانى افضل من الاقتصاد الامريكى ..! Author: محمد عبدالرحمن Date: 07-03-2012, 06:55 AM Parent: #15
Post: #17 Title: Re: الاقتصاد السودانى افضل من الاقتصاد الامريكى ..! Author: قيقراوي Date: 07-03-2012, 11:00 AM Parent: #16
في الصورة تكتيك جديد لتخفيض اعداد (السكان) .. خصوصاً النسوان!
-------
في 2003 لمن عمر البشير جعجع لينا وملأ الدنيا ضجيج باعفاء (الكمبيوتر) من الجمارك وعاك عيك .. صدق يا مؤمن لفحت لي واحد وقلت .. المافي شنو؟ علي بالحلال 300 الف لمن قدرت اخارجو .. قلت للموظف يا زول انت مش الرئيس قال الشغلة دي ملح ساااي؟ رد لي بتعسف: وين قال الكلام دا؟ قلت ليو في التلفزيون والجرايد .. معطا لي: نحن هنا ما بنشتغل بكلام التلفزيون والجرائد .. الا بمنشور رديت ليو المعطة : طيب الرئيس في ي ي عضمو لمن جا .. جاب ليكم منشور .. ول ياهو التلفزيون والجرايد ذاااتا!!
فبهت الذي عاوز يطلع في الكفر
Post: #18 Title: Re: الاقتصاد السودانى افضل من الاقتصاد الامريكى ..! Author: محمد عبدالرحمن Date: 07-03-2012, 01:38 PM Parent: #17
Quote: رديت ليو المعطة : طيب الرئيس في ي ي عضمو لمن جا .. جاب ليكم منشور .. ول ياهو التلفزيون والجرايد ذاااتا!!
