أى عنف زائد تلقو تاتشرات الثوار داخلة الخرطوم من كل الجهات..إرعوا

أى عنف زائد تلقو تاتشرات الثوار داخلة الخرطوم من كل الجهات..إرعوا

يا كيزان احسن ليكم تهدوا وتسلموا السلطة وتاخدو جلدتكم النضيفة وتتخارجوا

بدل اراقة الدماء وازهاق الارواح

الحاجة الكويسة فى الشعب السودانى ما بيقدر يرتكب جرائم بشعة فى العلن مثل الشعوب التانية الحولينا

من الشعوب العربية خاصة ..الشعب السودانى مختلف وما بقدر يستحمل

كل الجرائم التى ارتكبت منذ مجيئى الكيزان فى السلطة كانت فى الخفاء

عشان كدا نطمئن الثوار فى الخرطوم انهم ما يخافو ابدا..

ودى الخلاصة



وثورة سلمية حتى النصر

دى اجمل خصلة حميدة باقية فى الشعب السودانى

لوكانو تابعين للجيش او الشرطة ..

ما بقدرو يرتكبو جرائم فى العلن..اى اراقة دماء فى الخرطوم ولو كانت محدودة ستسرع برحيلهم

والقبض عليهم

حتى هذه الجرائم التى شاهدناه فى عهد الكيزان فى اركان الوطن


جلها كانت فى الخفاء وبعيدا عن الاعلام المحلى والعالمى


والنصر حليفنا

وتعلمون جيدا ان الخرطوم ليست قبيلة ولا جنس واحد ولا اثنية محددة

عشان كدا اى عنف زائد سيكون حريق شامل لن يبقى ولايذر

ودى نصيحة نقدمها فى طبق من ذهب للناس الروسينا ناشفة

وماعارفين ممكن يحصل شنو ! خاصة غير الراضين عن وطن ديمقراطى يسع جمعينا

وطن مستقر ووطن سلام

الخطر الكبير والماحق الذى قد يهدد الشعب فى الاسابيع المقبلة هم الامنجية او الرباطة

وهؤلاء ايضا قد يتراجعون فى اى لحظة لانهم عقيدتهم غير قائمة

على قوانين محددة كالشرطة والجيش برغم من تدجيين الاخيرين

العزيز عبدون بعد التحايا
انهم يمشون علي خطي دكتاتوريات دول الربيع يرددون نفس الخطل
فلا تتوقع ان يذهبوا بهدؤ
الدم يولد الدم

Quote: عشان كدا اى عنف زائد سيكون حريق شامل لن يبقى ولايذر

عشان كدة قلنا ليكم (روقوا) الروقة سمحة

وعشان كدة قلنا ليكم البلد دي قاعدة على شفير الفتنة

صاح البلد ممكونة وزيتا طلع

بس زي ما قال فرانكلي: البلد وضعها ما بستحمل

خوفي بكرة تولوعها وتبقوا في الطريقة التخارجو بيها أمهاتكم وزوجاتكم وعوائلكم

القصة ماها بالسهولة الشايفنها الناس

Quote: خوفي بكرة تولوعها وتبقوا في الطريقة التخارجو بيها أمهاتكم وزوجاتكم وعوائلكم القصة ماها بالسهولة الشايفنها الناس

عماد حسين الجبروكى ..لعلك طيب

يا عماد ليس وحدنا من نملك امهات وزوجات و عوائل

ملايين الناس تملك فى دارفور وفى النيل الازرق وفى جبال النوبة

وقلتها قبل هذا لو حدث ما نخشاه ساضحك حتى استلقى على قفاى

كلنا عندنا اهل فى الخرطوم ...

واذا حدث ما لايحمد عقباه على الاقل سوف يعرفون معنى الامن والطمانينة والسكينة

بل قبله معنى الحرب

Quote: العزيز عبدون بعد التحايا انهم يمشون علي خطي دكتاتوريات دول الربيع يرددون نفس الخطل فلا تتوقع ان يذهبوا بهدؤ الدم يولد الدم

الاخ وليد نايل ..عساك بخير

نعم يمشون على خطى الدكتاتوريات
ولك اعلم جيدا أن الشعب السودانى مختلف
قد لا يذهبون بهدوء ولكن لن تكون شبيهة باى حال من الاحوال
تلك الثورات التى سبقتنا- ليبيا ومصر مثالا..
التركيبة النفسية للإنسان السودانى سيكون لها دور كبير
فى كيف ستكون ثورتنا..اتجاهاتها واستمراريتها و مدتها ومدى عنفها



تحياتى وتقديرى

سلامات ياقرشي :
هؤلاء الناس تعوزهم المعرفة العميقة بتاريخ الشعب السوداني ...........ولذلك فانهم يعمدون الي تغيرها ...........والسؤال المهم هل نجحوا في مساعاهم هذا ؟
ولكنهم كساير الطغاة يعتقدون ان الامر لا يعدو ان يكون هبة صغيرة وسنخدع الشعب لهم كخديعتهم هم يما يرددونه ........وقريباً سوف يقدمون التنازلات الواحدة تلو الاخري وساعدتها سيكون المطار في قبضة الثوار والله يستر

Quote: خوفي بكرة تولوعها وتبقوا في الطريقة التخارجو بيها أمهاتكم وزوجاتكم وعوائلكم

اها امسك
من اسي عاوزين تفتشو على دروع بشرية؟

Quote: من اسي عاوزين تفتشو على دروع بشرية؟

نحنا منو يا الدافن راسك في الواطة :)

Quote: سلامات ياقرشي : هؤلاء الناس تعوزهم المعرفة العميقة بتاريخ الشعب السوداني ...........ولذلك فانهم يعمدون الي تغيرها ...........والسؤال المهم هل نجحوا في مساعاهم هذا ؟ ولكنهم كساير الطغاة يعتقدون ان الامر لا يعدو ان يكون هبة صغيرة وسنخدع الشعب لهم كخديعتهم هم يما يرددونه ........وقريباً سوف يقدمون التنازلات الواحدة تلو الاخري وساعدتها سيكون المطار في قبضة الثوار والله يستر

الحبيب ابراهيم النعمة

لافض فوك

دا الكلام وا السؤال الكبير والمصيرى

ربنا يجنب هذا الشعب المزيد من ازهاق الارواح واراقة الدماء

Quote: عشان كدة قلنا ليكم (روقوا) الروقة سمحة وعشان كدة قلنا ليكم البلد دي قاعدة على شفير الفتنة صاح البلد ممكونة وزيتا طلع بس زي ما قال فرانكلي: البلد وضعها ما بستحمل خوفي بكرة تولوعها وتبقوا في الطريقة التخارجو بيها أمهاتكم وزوجاتكم وعوائلكم القصة ماها بالسهولة الشايفنها الناس

قرشى سلامات

اها ياعماد انت عايز الناس تعمل شنو بالضبط كدا

يرجعوا بيوتم ويصحوا جعانين وينوموا جعانين

واصلاً هناك الآلاف وربما الملايين الذين بقوا فى الطريقة البتخارجم هم وامهاتهم وزوجاتهم وعوائلهم وما لاقين طريقه

والقصة بالطبع ليست بالسهولة التى تتخيلها انت

وانت لو عايز تعرف القصة بالضبط كيف أسأل الآلاف من اهل دارفور الذين مازالوا فى العراء

الالاف من الاطفال الذين يحلمون بالحليب والمياه وفصول الدراسة

اسأل الآلاف من ابناء النوبة الذين ادمنوا السكن تحت صخور الجبال وبين الادغال خوفاً من راجمات الطيران

ياصديقى البلد مولعه ليها سنين والحال اسوأ مما تتصور

الفرق الوحيد وهو كما وصل النبأ لجحا الكلام دخل الحوش دحين اصحى يابريش

لطفك اللهم بعبادك ورحمتك

Quote: اها ياعماد انت عايز الناس تعمل شنو بالضبط كدا يرجعوا بيوتم ويصحوا جعانين وينوموا جعانين واصلاً هناك الآلاف وربما الملايين الذين بقوا فى الطريقة البتخارجم هم وامهاتهم وزوجاتهم وعوائلهم وما لاقين طريقه والقصة بالطبع ليست بالسهولة التى تتخيلها انت وانت لو عايز تعرف القصة بالضبط كيف أسأل الآلاف من اهل دارفور الذين مازالوا فى العراء الالاف من الاطفال الذين يحلمون بالحليب والمياه وفصول الدراسة اسأل الآلاف من ابناء النوبة الذين ادمنوا السكن تحت صخور الجبال وبين الادغال خوفاً من راجمات الطيران ياصديقى البلد مولعه ليها سنين والحال اسوأ مما تتصور الفرق الوحيد وهو كما وصل النبأ لجحا الكلام دخل الحوش دحين اصحى يابريش لطفك اللهم بعبادك ورحمتك

حسن حماد

روق المنقة يا أخي

نحنا لما نقرأ تهديدات واحد عنصري زي محمد سليمان، بالتأكيد بنعرف القصة دي ليست مطالبات معيشية

وإنما هي أجندة أخرى.. وهي معلومة لدينا

نغمة "جلابة" الهرونا بيها في المنبر تجعلنا نفقد التعاطف مع أمثال هؤلاء

نحنا ما قاعدين نأكل برسيم ولا عندنا قرون

دحين نية مالك عقار والحلو والعنصري محمد سليمان، ما بتحتاج لكبير عناء لمعرفة مراميهم

وأي زول عايش بـ (ربع مخ) بيكون لاحظ النغمة دي

بس المشكلة المتنوضلين الشماليين عاملين فيها رايحين

Quote: اها ياعماد انت عايز الناس تعمل شنو بالضبط كدا يرجعوا بيوتم ويصحوا جعانين وينوموا جعانين واصلاً هناك الآلاف وربما الملايين الذين بقوا فى الطريقة البتخارجم هم وامهاتهم وزوجاتهم وعوائلهم وما لاقين طريقه والقصة بالطبع ليست بالسهولة التى تتخيلها انت وانت لو عايز تعرف القصة بالضبط كيف أسأل الآلاف من اهل دارفور الذين مازالوا فى العراء الالاف من الاطفال الذين يحلمون بالحليب والمياه وفصول الدراسة اسأل الآلاف من ابناء النوبة الذين ادمنوا السكن تحت صخور الجبال وبين الادغال خوفاً من راجمات الطيران ياصديقى البلد مولعه ليها سنين والحال اسوأ مما تتصور الفرق الوحيد وهو كما وصل النبأ لجحا الكلام دخل الحوش دحين اصحى يابريش لطفك اللهم بعبادك ورحمتك

أحسنت يا أبوعلي...

Quote: خوفي بكرة تولوعها وتبقوا في الطريقة التخارجو بيها أمهاتكم وزوجاتكم وعوائلكم

عمدة
من يدعو لتاتشرات الحركات الارهابية للخرطوم، فمن المؤكد ليس لديه امهات او زوجات او عوائل

Quote: نحنا لما نقرأ تهديدات واحد عنصري زي محمد سليمان، بالتأكيد بنعرف القصة دي ليست مطالبات معيشية وإنما هي أجندة أخرى.. وهي معلومة لدينا نغمة "جلابة" الهرونا بيها في المنبر تجعلنا نفقد التعاطف مع أمثال هؤلاء نحنا ما قاعدين نأكل برسيم ولا عندنا قرون دحين نية مالك عقار والحلو والعنصري محمد سليمان، ما بتحتاج لكبير عناء لمعرفة مراميهم

بعد التحية لصاحب البوست ..

ياعماد ليست الثورة محمد سليمان ولا الشعب هو عرمان والحلو وعقار فقط .
وكذلك ليسوا بمعزل عن هذا الشعب بل هم اكثر الذين عانوا من هذا النظام العنصري
الفرق بيننا وبين هؤلاء انهم حملوا السلاح للدفاع عن اهلهم وارضهم بعد ان فقدوا الانصاف من الكل
ياعمدة ليه الناس مابترى الا معاناتها ؟!!
لو ضرب الجيش بطيرانه شندي او مروى لما لبثت الحكومة ساعة او ساعتين في الدنيا خليك في السلطة
بل لانتفض البشير وعلى عثمان على انفسهم ..
وستكون انت والكثيرون جنوداً وانتحاريين للدفاع عن ارضكم واهاليكم
وكذلك ان فعل في اهلي واسرتي فستجدني احمل السلاح ولن ارتدد في محاربة اى كوز حتى لو كان متعلقاً في استار الكعبة
ياعماد اطلاق العنصرية على الجميع بهذا الاخلال الجمعي هو عدم انصاف من الكثيرين في النظام ومن المؤيدين له
فعقار وعرمان والحلو خرجوا ليدافعوا عن وجودهم في الحياة وليس عن سلعة زاد سعرها او انعدمت في السوق
الناس هسه طلعت لانها جاعت وظروفها صعبت مع الاسف
لم تخرج من اجل دارفور وجنوب كردفان ولا النيل الازرق الذين قتلتهم الحكومة بدم بارد
الشعب كان يتفرج بل منهم من ساند هذا النظام في قتل هؤلاء لانهم من اعراق لاتستحق ان يُدافع عنها
انطلت عليهم فرية ان هؤلاء جميعهم لايريدون خيرا لأهل الشمال والعرب
هو جرم يدفع البريئون ثمنه وسيدفعون ..
ياعماد ليس كل دارفوري عنصري وفي المقابل ليس كل شمالي مسئول عن جرائم الانقاذ
دي حاجة لازم الناس تعرفها ..
ياعماد دفاعك ودعمك للنظام بهذه الصورة هو دعم للقتل ودعم للظلم وهو مايتنافى مع منهج السلفية


تحياتي ..

فائز يا حبيب
والله ما عارفين نرد عليك بي شنو
ياخي انت زول (نضيف) وما بتشبه الاشكال دي
تصفيق تراجي ليك كل دقيقة، ح يخليك تركب مكنة محمد سليمان

دفاعك وايجاد التبريرات للحركات المتمردة اصبح لا يطاق ياخي
الحكومة مطاوب منها وبقوة ان تقصف كل متمرد
هم من حملوا السلاح ابتداءاً، وما تقول لي البشير قال وما قال
ضربوا الطائرات المرابطة في نيالا
و روعوا الاهالي الامنين
هل تتوقع انه الحكومة تربع يدينها وتتفرج
مالكم كيف تحكمون ياخي وانت سيد العاقلين
ما اهو عندك المناصير
اتظلموا وطردوا وهجروا، هل في منهم من حمل السلاح
طالبوا وطالبوا حتى نالوا حقوقهم
انت تعلم انه كل مشاكل دارفور بدأت بعد المفاصلة
اذا هي مصالح، ومصالح فقط
والضحية هم اهالي دارفور
الان حصحص الحق
والحكومة فاوضت وحسمت الامور مع اصحاب المصلحة الحقيقية
والان حركات دارفور لا تجد موطئ قدم في دارفور
وتحارب في ج كردفان والشريط الجنوبي
ونفس الشيئ ينطبق على ج كردفان والنيل الازرق
نيفاشا كانت واضحة
المشورة الشعبية
ولا وجود لجيشين في دولة واحدة

تحياتي
انا في بريك صغير وبرجع ليك لو عايز تفصل

الحبيب ..الشفيع ...سلامات ..

Quote: تصفيق تراجي ليك كل دقيقة، ح يخليك تركب مكنة محمد سليمان

ياوراق انا مابكتب عشان اجامل زول ولا عشان يصفقوا لي
وارائي مبنية على وجهة نظر شخصية قد تلتقى مع هذا وقد تخلف مع ذاك
وقد تلتقى وجهة نظر اخرى مع من اختلفت معه سابقاً
يعني الموقف هو الذي يشكل رائيي وليس الشخوص
والاخ محمد سليمان انا بؤمن بعدالة قضيته واتفق معه في ان النظام عنصري ومجرم وقاتل وفاسد واختلف معه في اطلاقه وتحميله لكل شمالي وعربي مسئولية الظلم والتهميش الذى مورس ضد الهوامش الاخرى وقد كتبت ذلك في بوستاته وفي بوست عبدالمجيد الخاص بالجلابة ..وده موقف ثابت عندي ومقتنع بيهو تماماً ..الانظمة لاتمثل الا نفسها وليست لها وجهة جغرافية او عرقية فوضتها لتمثلها في الظلم والتهميش..لكن ده لايعني ان هذه المجموعة غير المفوضة من الشمال ليست المسيطرة على السلطة الفعلية في السودان منذ الاستقلال وحتى الآن وهي التى تعطي الصبغة غير الحقيقية في وصف الاخرين لها وهي التى همشت باقى السودان في السلطة وهي التى همشت كل السودان في التنمية خاصة مناطقها التى أتت منها..

Quote: دفاعك وايجاد التبريرات للحركات المتمردة اصبح لا يطاق ياخي الحكومة مطاوب منها وبقوة ان تقصف كل متمرد

فلتقصفهم في ميادين القتال وليس في القرى الآمنة والبيوت ..


تحياتي واحترامي ..

Quote: ياعماد دفاعك ودعمك للنظام بهذه الصورة هو دعم للقتل ودعم للظلم وهو مايتنافى مع منهج السلفية

يا فايز

نتيجتك الفوق دي أرجو شاكراً أن تسحبها من تصوراتك

أنا أدعم حالة بلد ومواطنين يا فايز

نفس كلام فرانكلي: البلد ما بتستحمل

وبشأن كلامك الكتير القلتو

خليك عارف تمام: أنفاس الكتابة في هذا المنبر، هي نفسها ستكون أنفاس
الممارسة خارج المنبر، وما يكتبه العنصريون هنا سيكون هو نفسه خلاصة
المخطط المفروض ينزلوه على الأرض.

لا تحاول أقناعي أن تواتر الكلام عن النخبة النيلية والجلابة والجعليين والدناقلة
والشايقية، وهذه الهليلة المليئة بالحقد والتوعد..

لا تحاول اقناعي أنها قضايا شاذة أو فردية... لأن هذه المسألة يعج بها أرشيف
المنبر وهي قضية منهجية في فكر أمثال محمد سليمان وبقية الجوقة المأفونة
من العنصريين

والممارسات التي رأيناها من العنصريين في هذا المنبر، ستجعلنا أكثر عزماً
وصلابة في مواجهة أي فوضى قادمة في البلد.

ديننا يوجب علينا أن نكون حريصين على سلامة أي سوداني سواء كان مسلم أو
له دين آخر، وأيا كانت عرقيته أو مكان عيشه

المشكلة ليست مشكلة نظام كيزان أو أي نظام

فالنظام القائم لو حفظ الله لحفظه الله، ولو ضيعوا حدوده لذهب بهم

المشكلة مشكلة بلد مترع بالمتربصين الذين ينتظرون الصوملة، وخاصة في دولة الجنوب

دي الخلاصة: درء المفاسد المترتبة على الفوضى

البلد فيها ضنك وتعب، لكن عيشة الضنك، خير للبلد من فتن الموت والانتقام

مرة تانية: النتيجة الفوق دي أرجو أن تلغيها من نقاشاتك معاي

دي قناعاتي الشرعية، وأرجو - شاكراً - ألا يلزمني أي أحد بخلاف ما أكتب يا عزيزي

نسأل الله يهدي الجماعة ديل، وأن يولي علينا من يصلح حالنا وحال المسلمين

تحياتي

Quote: عمدة من يدعو لتاتشرات الحركات الارهابية للخرطوم، فمن المؤكد ليس لديه امهات او زوجات او عوائل

فعلاً.. المنطق بيقول كدة يا الشفيع

لكن برضو استصحب معاك حالة الروحان والتغابي الماسكة كتير من الحالمين هنا

بعضهم مسكين، وعنده سوء تقدير للأمور، ومفتكر أنه الرقم الوحيد على الساحة

وعلى حس كدة مفتكر التغيير زي شراب الموية الباردة

الجماعة ديل متغابين الأرقام الأخرى (الحركات المسلحة) التي تمزق في أطراف البلد بقوة السلاح...

ديل برضو لو حصلت كركبة في البلد ما حيقعدوا يتفرجوا

أخاف بجيك واحد ممتليء بالسذاجة، ويقول ليك: ناس الحركات ديل ضد الكيزان؟!!!

ونحن نعرف أجندتهم جيداً.. حركات عنصرية نتنة

Quote: أحسنت يا أبوعلي...

نفس الرد الفات :)

Quote: قرشى سلامات اها ياعماد انت عايز الناس تعمل شنو بالضبط كدا يرجعوا بيوتم ويصحوا جعانين وينوموا جعانين واصلاً هناك الآلاف وربما الملايين الذين بقوا فى الطريقة البتخارجم هم وامهاتهم وزوجاتهم وعوائلهم وما لاقين طريقه والقصة بالطبع ليست بالسهولة التى تتخيلها انت وانت لو عايز تعرف القصة بالضبط كيف أسأل الآلاف من اهل دارفور الذين مازالوا فى العراء الالاف من الاطفال الذين يحلمون بالحليب والمياه وفصول الدراسة اسأل الآلاف من ابناء النوبة الذين ادمنوا السكن تحت صخور الجبال وبين الادغال خوفاً من راجمات الطيران ياصديقى البلد مولعه ليها سنين والحال اسوأ مما تتصور الفرق الوحيد وهو كما وصل النبأ لجحا الكلام دخل الحوش دحين اصحى يابريش لطفك اللهم بعبادك ورحمتك

الأخ حسن حماد

انا لاادرى متى سوف يتألمون لالام الاخرين

المهم كفيت ووفيت وعبرت عنى تماما


تسلم كتير

Quote: انت تعلم انه كل مشاكل دارفور بدأت بعد المفاصلة

Quote: دا كلام غلط من ساسوا لي راسوا الا اذا كانت بداية تدوين التاريخ تتاسس علي ق . م (قبل المفاصلة ) و ... ب .م (بعد المفاصلة )

شكرا لكل المتداخلين










فايز ود القاضى -الحقانى صاحب العقل الراجح..البوست دا حقك ملك

السؤال الذي يطرح نفسه : اين الحركات المسلحة من كل ما يحدث ؟
ماذا بعد الترقب و المتابعة ؟
هل هي تنتظر لحظة مفصلية للظهور ام تكتفي بالمراقبة ؟

Quote: السؤال الذي يطرح نفسه : اين الحركات المسلحة من كل ما يحدث ؟ ماذا بعد الترقب و المتابعة ؟ هل هي تنتظر لحظة مفصلية للظهور ام تكتفي بالمراقبة ؟

سؤال جيد ننتظر معك الاجابة








شكرا الصادق ضرار

Quote: السؤال الذي يطرح نفسه : اين الحركات المسلحة من كل ما يحدث ؟ ماذا بعد الترقب و المتابعة ؟ هل هي تنتظر لحظة مفصلية للظهور ام تكتفي بالمراقبة ؟

ربما لتُعطي الوسائل السلمية فرصتها.. وقد فعلت ..

الشعب ماتظاهر الا لزيادة الاسعار !!
فهل الحركات حملت السلاح من اجل ذلك ؟!!