Post: #1 Title: شوال السكر زنة 10 كيلو بـ32 جنيه فقط Author: محمد فرح Date: 06-28-2012, 11:22 AM
اي تاجر يبيع بأكثر من هذه القيمه يجب التبليغ عنه فوراً لدى أقرب محليه وسينال العقاب الرادع
الحمد لله سعر السكر عاد كما هو بل أقل حيث كان يباع قبل رفع الدعم عن المحروقات بـ35 جنيه
Post: #2 Title: Re: شوال السكر زنة 10 كيلو بـ32 جنيه فقط Author: ود الباوقة Date: 06-28-2012, 11:23 AM Parent: #1
الحمد لله
مؤونة عام من الود
اخي ود فرح
Post: #3 Title: Re: شوال السكر زنة 10 كيلو بـ32 جنيه فقط Author: محمد فرح Date: 06-28-2012, 11:29 AM Parent: #2
الحبيب ودالباوقه تسلم ياغالي وللتجار الذين يخزنون السكر لي رمضان ودايرين يغنوا على حساب الناس واقتصاد البلد بإعتبار إنو السكر حيزيد حأقول ليهم خزنوا ساي واملوا مخازنكم واحلامكم بالسراب لأنو انتاجية السكر عاليه جداً ومؤونته تكفي وتزيد ولن يرتفع السعر بل وربما ينخفض كمان
عمر مؤونة عام من الود
Post: #4 Title: Re: شوال السكر زنة 10 كيلو بـ32 جنيه فقط Author: مازن الجمّال Date: 06-28-2012, 11:40 AM Parent: #3
برضو ما بحلكم
Post: #5 Title: Re: شوال السكر زنة 10 كيلو بـ32 جنيه فقط Author: جعفر محي الدين Date: 06-28-2012, 12:03 PM Parent: #4
وين الكلام دا يا محمد فرح حتى مساء الأمس وفي تلفزيون السودان السكر زنة العشرة كيلو يباع بـ 48 و 49 جنيه وأكثر ومؤسسة السكر أو شركة السكر مش عارف قالت سعر الجوال 50 كيلو 224 جنيه من مخازنها فبالله أحسبها لينا وورينا كيف يمكن بيع السكر زنة 10 كيلو ب 32 جنيه وكمان فقط !
Post: #6 Title: Re: شوال السكر زنة 10 كيلو بـ32 جنيه فقط Author: وضاحة Date: 06-28-2012, 12:10 PM Parent: #5
عارف يا ود فرح
اتصلت فى خلاتى فى السودان قلت ليهم كيف الاحوال عندكم وشكلوا التغيير قرب
عارف عملوا شنو
ضحكوا بصوت عالى جدا قالوا لى الناس دى الطلعت دى ما بتقدر تغير الوضع مش لانها ########ة لانها جعانة وما عندها طاقة تكورك وتحتج
والناس فى السودان شدة ما جعان الواحد فيهم لما يجى يضحك بتكل يمسك فى الحيطة
Post: #8 Title: Re: شوال السكر زنة 10 كيلو بـ32 جنيه فقط Author: خالد العبيد Date: 06-28-2012, 12:16 PM Parent: #5
Quote:
زيادة أسعار السكر والدولة تحرر السلعة الخرطوم : ابتهاج متوكل رفعت الحكومة سعر جوال السكر زنة (50) كيلو من (165) إلى (225) جنيهاً وقال الأمين العام للغرفة التجارية بولاية الخرطوم حاج الطيب الطاهر لـ(السوداني) إن مصانع التعبئة تفاجأت بالقرار أمس الأول عندما أبلغتهم شركات السكر أثناء توريدهم لشيكات بقيمة حصتهم المقررة مشيراً إلى أن الغرفة ستعقد اجتماعاً اليوم لبحث الزيادة وتحديد سعر جديد لقيمة الجوال زنة (10) كيلو.
Post: #9 Title: Re: شوال السكر زنة 10 كيلو بـ32 جنيه فقط Author: عبد الله كسلا Date: 06-28-2012, 12:45 PM Parent: #8
Post: #10 Title: Re: شوال السكر زنة 10 كيلو بـ32 جنيه فقط Author: عبدالوهاب علي الحاج Date: 06-28-2012, 02:28 PM Parent: #9
(الكضابين) محمد فرح قبل ساعة من الآن أنا أشتريت الـ 10 كيلو من سوق بحري بـ 52 جنيه ومافي اقل من كدا لأنو سعر الجملة من العربية 51 جنيه مفروش قدام المحلات والبيع على عينك يا تاجر، والغريبة في ضابط شرطة اشترى قدامي بالسعر اعلاه.. انتو كضبكم دا حدو وين ؟ زمان النقيب (فتح العليم ) لمن كان بكتب باليوزر دا كان قليل أدب وبشتم النسوان بس وبكضب شوية شوية دا إذا غضينا الطرف عن موضوع الكهرباء هسي المجموعة الجديدة دي بقى نجركم شين وكضبكم غبي .. يعني كضبة زي دي اي زول ممكن يكشفها السؤال انتو ليه بتعملوا في نفسكم كدا ؟ يلا قوموا لفوا بلا يخمكم يا رمم
_______________ الشعب يطالب بعودة النقيب فتح العليم
Post: #11 Title: Re: شوال السكر زنة 10 كيلو بـ32 جنيه فقط Author: ABUHUSSEIN Date: 06-28-2012, 02:58 PM Parent: #10
Quote: (الكضابين) محمد فرح قبل ساعة من الآن أنا أشتريت الـ 10 كيلو من سوق بحري بـ 52 جنيه ومافي اقل من كدا لأنو سعر الجملة من العربية 51 جنيه مفروش قدام المحلات والبيع على عينك يا تاجر، والغريبة في ضابط شرطة اشترى قدامي بالسعر اعلاه.. انتو كضبكم دا حدو وين ؟ زمان النقيب (فتح العليم ) لمن كان بكتب باليوزر دا كان قليل أدب وبشتم النسوان بس وبكضب شوية شوية دا إذا غضينا الطرف عن موضوع الكهرباء هسي المجموعة الجديدة دي بقى نجركم شين وكضبكم غبي .. يعني كضبة زي دي اي زول ممكن يكشفها السؤال انتو ليه بتعملوا في نفسكم كدا ؟ يلا قوموا لفوا بلا يخمكم يا رمم
_______________ الشعب يطالب بعودة النقيب فتح العليم
من زمااااااااااااااااااااااان قلنا ليك الجماعة ديل فارقهم ما سمعت كلامنا ساكت
يا محمد فرح (وجماعته) بالله أقطعوا وشوشكم دي مننا بأخوي وأخوك قبل شذاذ آفاقنا ديل بغضبتهم الضارية دي وجوعهم الوصل العضم دا ، يلحقوا زولكم دا عمنا القذافي
ياخ والله كجناكم عدييييل كدا ..!
أقطعوا وشوشكم دي مننا خلونا نشوفكم بعد خمسة وعشرين سنه مقبلة أمشوا ياخ .. خلونا نشتاق ليكم ولي كضبكم دا ياخ أمشوا خلونا نشوف غيركم ، إنشاالله الشيطان زاتو
يا كضابين
قال شوال السكر زنة 10 كيلو بـ32 جنيه فقط .. قال!!!!
_ غوور غوور يا بشير ..
Post: #13 Title: Re: شوال السكر زنة 10 كيلو بـ32 جنيه فقط Author: عبدالوهاب علي الحاج Date: 06-28-2012, 03:23 PM Parent: #12
Quote: أهــــلاً بــيــك معانا في قبيلة الشرفاء
انت يا ابو حسين برضو بقيت شرفاء زي ملاسي واساسي ؟ أنا لسه شوية علي عشان الحقكم ...مشكلتي بس لمن اشوف الاسم دا بتجيني كاروشة ولا نجوت إن نجا ناس كضابين ودجالين انا هسي جاي من السوق واشتريت سكر ما تقول الحمد لله ما قريت البوست دا قبل ما اشتري كان تلقاني في الحراسة لانو اصلو ما بتخيل زول ممكن يكضب كضب زي دا
Post: #14 Title: Re: شوال السكر زنة 10 كيلو بـ32 جنيه فقط Author: ABUHUSSEIN Date: 06-28-2012, 03:28 PM Parent: #13
Quote: ناس كضابين ودجالين
بسووها حامضة شديد ......
Post: #15 Title: Re: شوال السكر زنة 10 كيلو بـ32 جنيه فقط Author: محمد الامين محمد Date: 06-28-2012, 03:33 PM Parent: #14
السكر دة لنبهل من السماء بمطر ودالباوقة ولا شنو بكرة لحس الكوووووووووووووووووووووووع
Post: #16 Title: Re: شوال السكر زنة 10 كيلو بـ32 جنيه فقط Author: عبدالحافظ سعد الطيب Date: 06-28-2012, 03:49 PM Parent: #14
Quote: والناس فى السودان شدة ما جعان الواحد فيهم لما يجى يضحك بتكل يمسك فى الحيطة
في ذمتك دا كلام خالتك
ههههههههه
Post: #18 Title: Re: شوال السكر زنة 10 كيلو بـ32 جنيه فقط Author: بشير جبريل علي Date: 06-28-2012, 05:31 PM Parent: #17
وضاحة ...في فيديو مسدار النصيحة الرفعتي ..في مقطع (الفنان بغني مع الوزير مسطول) كونو يجيبو صورة الفنان محمود عبد العزيز .. تلميح ما جميل .. أكيييييييييييد ما عملتيها إنتي ..
تحياتي ...
Post: #19 Title: Re: شوال السكر زنة 10 كيلو بـ32 جنيه فقط Author: ناذر محمد الخليفة Date: 06-28-2012, 05:47 PM Parent: #18
معايش الناس ما فيها لعب زي موضوع الكهربا وست الشاي صابون ..!!
Quote: اي تاجر يبيع بأكثر من هذه القيمه يجب التبليغ عنه فوراً لدى أقرب محليه وسينال العقاب الرادع
طيب المحلية نبلغ عنها لي أقرب ياتو حتة عشان تنال عقابا الرادع !! لأنو المحلية عن طريق بطاقات السكر بتبيع الشوال عشرة كيلو بي 50 جنيه ولو ما عندك بطاقة ممكن تلقاهو بي 60 أو 65 !!
محمد فرح والله الذي لا اله الا هو لو عندك السكر بي 32 حضر لي هسي دي 10 شوالات وأنا بجيك لحدي عندك اشيلم منك ..
