Post: #1 Title: غداً الخميس سيخرج أحرار شمال تكساس في مسيرة النصر الكبير Author: هشام هباني Date: 06-27-2012, 09:11 PM
سيخرج السودانيون الوطنيون الاحرار في منطقة شمال تكساس بكافة الوانهم السياسية في مسيرة النصر الداعمة لانتفاضة شعبنا المندلعة الان في الوطن يوم غد الخميس الموافق 28 يونيو2012وذلك في حوالي الساعة الحادية عشر صباحا من وسط مدينة دالاس امام ( السيتي هول) وستطوف المسيرة داخل المدينة باللافتات والهتافات الوطنية المؤيدة لانتفاضة شعبنا المظفرة بإذن الله وثورة ثورة حتي النصر.
Post: #2 Title: Re: غداً الخميس سيخرج أحرار شمال تكساس في مسيرة النصر الكبير Author: هشام هباني Date: 06-27-2012, 10:50 PM Parent: #1
.
Post: #3 Title: Re: غداً الخميس سيخرج أحرار شمال تكساس في مسيرة النصر الكبير Author: عبدالوهاب علي الحاج Date: 06-27-2012, 11:23 PM Parent: #2
Quote: من وسط مدينة دالاس امام ( السيتي هول)
السيتي هول والجول ومطر الشتا الببكي الزول شوف يا أخينا، مسيرتكم دي لو ما اتحركت من شارع القصر، وطافت بالسوق العربي ومنها إلى ميدان جاكسون، وتأخد طريقها عبر شارع كبري الحرية ، إلى أن تنتهي في الساحة الخضراء ما بتلزمنا شايف كيف ؟.. قوم لف بلا شرفاء بلا احرار معاك ، ياهو دا عمارك مع الرجال ؟ قال السيني هول قال هههههه وترجعوا تتغدوا بالفرايد جكن وكل واحد من الشرفاء او الاحرار ديل يحبس بواحد بيرة ساقطة وترجعوا تشغلوا الفريونات وتتمغوا وتنوموا مش كدا ؟ والله النضال عندكم خخخخخخخخخخخخ
Post: #4 Title: Re: غداً الخميس سيخرج أحرار شمال تكساس في مسيرة النصر الكبير Author: عبدالوهاب علي الحاج Date: 06-27-2012, 11:33 PM Parent: #3
إنت مش قلنا ليم تعال بالدرب ؟ مالك ما جيت ؟ الثورة في حوجة لزول يولع في نفسو عشان تقوم كويس انت انسب زول يقوم بالمهمة دي .. عارف ليه ؟ عشان انت طويل وبتولع كتير.. يعني لو ولعت نفسك الجاي من الحاج يوسف وامبدة والكلاكلة بلقاك لسه مولع فتثور نفسه اولا ثم يترجم ثورته الى واقع .. لازم تجي يا هشام والبنزين والكبريتة علينا
___________ هشام شهيد لوضع جديد هشام شهيد لوضع جديد هشام شهيد لوضع جديد
Post: #5 Title: Re: غداً الخميس سيخرج أحرار شمال تكساس في مسيرة النصر الكبير Author: هشام هباني Date: 06-27-2012, 11:39 PM Parent: #3
دحين يا شيخ وهبة يا كبير جراقيس السلطة بالمنبر هسه بالله عليك الله ده وكت عبط ولتاخات.... ياااخي ربنا ما فتح ليك بصيرة لي هسه شان تبقي زول محترم وات زول شايب بينك وبين القبر اشبار يعني علي الهبشة ياااخي استحي علي دمك واعمل ليك عمل أخرة لصالح شعبك بدل العبط البتسوي فيهو ده....أمشي افتح ليك خيط. مؤازرة ودعم للمعتقلين ناس خالد البحر او خيط حول فضح فساد الحكومة او خيط. حول يوميات الثور في السودان شان تغطي عمالتك وجرقستك للنظام...... قصتك انكشفت يا حاج يا هرم وايامكم قربت والحساب ولد!يعني هسه لو واحد سالك قاعد تطلع في المظاهرات دي ولا ما بتطلع وكمان رايك فيها شنو مش حيحرجك!! المهم اعمل حسابك ايامك قربت يا جرقاس واركز!
Post: #7 Title: Re: غداً الخميس سيخرج أحرار شمال تكساس في مسيرة النصر الكبير Author: عبدالوهاب علي الحاج Date: 06-28-2012, 00:17 AM Parent: #5
Quote: دحين يا شيخ وهبة يا كبير جراقيس السلطة بالمنبر هسه بالله عليك الله ده وكت عبط ولتاخات
يا زول مالك زعلت كدا .. انا أصلي قلت ليك سلفني قروش ؟ انا قلت ليك تعال هنا تقول لي عبط ولتاخات ؟ خلي روحك رياضية يا مان البتسووا فيهو دا اسمو كلام فاضي .. دايرين تظاهروا تعالوا اشربوا معانا البمبان والسخانة هنا غير كدا ما تتعبوا ولا تضيعوا وقتكم الثمين ... اما مشاركتي من عدمها دي ما شغلتك ياما ظاهرنا وسنة 85 ما حوجنا ابواتنا عشان يتظاهروا قمنا بيها برانا هسي كمان انا ولدي مشارك والبركة في الشباب وبعدين أنا رجل معتل القلب ما زول جري ومعافرة لكن ممكن اتظاهر في داخل منزلي واهتف وانت تتظاهر قدام السيتي هول وكلانا في مأمن من البمبان المافي شنو يا قول قيقراوي خخخخخخخ سيتي هول يا معلم ههههههههه
_____________ أها نتوقعك متين ؟
Post: #6 Title: Re: غداً الخميس سيخرج أحرار شمال تكساس في مسيرة النصر الكبير Author: محمد ميرغني شاطر Date: 06-27-2012, 11:45 PM Parent: #1
يا ود الناظر سلام..... وتحية لكل السودانين الشرفاء
Post: #8 Title: Re: غداً الخميس سيخرج أحرار شمال تكساس في مسيرة النصر الكبير Author: محمد ميرغني شاطر Date: 06-28-2012, 01:30 AM Parent: #6
Quote: هسي كمان انا ولدي مشارك والبركة في الشباب وبعدين أنا رجل معتل القلب ما زول جري ومعافرة لكن ممكن اتظاهر في داخل منزلي واهتف وانت تتظاهر قدام السيتي هول وكلانا في مأمن من البمبان المافي شنو يا قول قيقراوي خخخخخخخ سيتي هول يا معلم ههههههههه
اخونا في الله والوطن المسلوب عبدالوهاب علي الحاج ..
سلامات وربنا يشفيك من داء القلب الذي يجلب الاوجاع اكثر من علتة ..
انا سليم القلب لكن كلامك الفوق دا بعمل وجع القلب اكثر من مرضك شفاك الله ..
انا واحد من ناس الستي هول ودا جزء من نضالنا البنقدر عليهو مع محاولات ثانية ..
جرينا وناضلنا وفلقنا اعتقلونا من الثانوي العالي وحتى انغاز السجم والرماد دي ..
والله عندي كلام كتير عايز اقولو لكن المقام مقام وحدة ودعوة للتضامن ما اكتر ولا اقل ..
وربنا يشفيك وجنبك امراض المنافي والم غربة لا تعلم عنها غير الجكن البيرة الباردة ..
عزرا حقو تختار وقت مناسب للمناكفة ..
محمد ميرغني شاطر من سكان دلاس ..
Post: #9 Title: Re: غداً الخميس سيخرج أحرار شمال تكساس في مسيرة النصر الكبير Author: هشام هباني Date: 06-28-2012, 02:34 AM Parent: #8
العزيز الجسور ود شاطر
موعدنا غدا في مؤازرة شعبنا الجسور ودعك عن هذا الجرقاس الاجير الكبير فهو يتعري كل يوم حين يفضح نفسه امام شعبه بهذا العبط اليومي المفضوح ولكن( المعايش جبارة) فهو عبد المأمور افندي لا حول له ولا قوة غير الرضوخ لامريه لتنفيذ ما يؤمر به في سبيل لقمة العيش الذليل.
Post: #10 Title: Re: غداً الخميس سيخرج أحرار شمال تكساس في مسيرة النصر الكبير Author: فقيرى جاويش طه Date: 06-28-2012, 02:45 AM Parent: #9
التحية للمناضلين الشرفاء بتكساس فالى مذبلة التاريخ عصابة النظام العنصرى الساقط . المجد والعزة والنصر الاكيد للشعب السودانى التحية لكما الناظر هبانى والارو محمد مرغنى دائما فى مقدمة الصفوف حفظكم الله ودمتم ذخرللوطن المفدى .
Post: #11 Title: Re: غداً الخميس سيخرج أحرار شمال تكساس في مسيرة النصر الكبير Author: Tragie Mustafa Date: 06-28-2012, 03:05 AM Parent: #10
التحيه لكل الرفاق بتكساس وياها المحريه فيكم.
اتمنى لكم يوم ناجح وادانه قويه صلبه للنظام الدموي وانحياز قوي وصلب لنبض الشارع السوداني.
ويا الناظره هباني تلفونك يا اخي تغيره وتفتح لينا ما نلقى لك درب يا اخي!! اها هنالك عمد كثار سالين منك.
Post: #12 Title: Re: غداً الخميس سيخرج أحرار شمال تكساس في مسيرة النصر الكبير Author: ABDALLAH ABDALLAH Date: 06-28-2012, 05:31 AM Parent: #11
الناظر الحبيب هشام هبانى لك الود ولمن معك من المناضلين والمناضلات فى شمال تكساس وفقكم الله لدعم مسيرة الثوره حتى ولو بأضعف الإيمان ونحن باذن الله فى واشنطن على دربكم سائرون بالإحتشاد قى مظاهره عرمرميه أمام السفاره يوم السبت 30/ يونيو لنهتف ونقول :- نحنا مرقنا مرقنا مرقنا ضد الناس السرقوا عرقنا.......
Post: #13 Title: Re: غداً الخميس سيخرج أحرار شمال تكساس في مسيرة النصر الكبير Author: هشام هباني Date: 06-28-2012, 06:24 AM Parent: #12
اهلين بالعزيزة ام حازم وسند اختنا المناضلة تراجي مصطفي
وغدا سنحتفي بالنصر الكبير على الطغيان في الوطن وان شاء الله عيد رمضان معيدين بين الاهل والاحباب مع امنياتي لك بالتوفيق ودوام الصحة والعافية.
هاتفي 019727878168
Post: #14 Title: Re: غداً الخميس سيخرج أحرار شمال تكساس في مسيرة النصر الكبير Author: abdelrahim abayazid Date: 06-28-2012, 06:35 AM Parent: #13
التحية لكم
Post: #16 Title: Re: غداً الخميس سيخرج أحرار شمال تكساس في مسيرة النصر الكبير Author: هشام هباني Date: 06-28-2012, 11:40 AM Parent: #9
العزيزفقيري جاويش
تحياتي
تمنينا لو كنت معنا حتى تشاركنا شرف الموقف الوطني في نصرة شعبنا وثورة ثورة حتي النصر.
Post: #15 Title: Re: غداً الخميس سيخرج أحرار شمال تكساس في مسيرة النصر الكبير Author: هشام هباني Date: 06-28-2012, 11:33 AM Parent: #1
>
Post: #17 Title: Re: غداً الخميس سيخرج أحرار شمال تكساس في مسيرة النصر الكبير Author: لطفي علي لطفي Date: 06-30-2012, 01:11 AM Parent: #15
ثورة حتي النصر
Post: #18 Title: Re: غداً الخميس سيخرج أحرار شمال تكساس في مسيرة النصر الكبير Author: بدر الدين اسحاق احمد Date: 06-30-2012, 10:03 AM Parent: #17
