Post: #1 Title: فَـجْـعَـةً كدي أصبحت السلفية والسلفيون الشغل الشاغل لبعض أهل المنبر! Author: محمد جلال عبدالله Date: 06-27-2012, 08:41 PM
السلام عليكم ورحمة الله وبركاته
فَـجْـعَـةً كدي .. أصبحت السلفية والسلفيون الشغل الشاغل لبعض أهل المنبر!!! والله صحي!
زمان كان في اتنين ماجستير جماعات إسلامية تخصص سلفية ووهابية بكتبو
واحد اسمو عبد الله عثمان ( راجل أوهايو ) وده كان مرة مرة يدي السلفيين هبشة
والتاني اسمو صبري الشريف ( شغال نقلتي من موقع الحوار المتعفن ) وده كان أكتر واحد بكتب في السلفية
يمشي الموقع المخستق داك وهاك يا كوبي بيست بي ضبانتا وجنادبا وصراصيرا
هسي صبوري ذاتو بعد ما جاهو حمادة انشغل يا عيني وبقى في بت أم روحو
والحمد لله .. ربنا ريحنا منو .. إن شاء الله قطر عجيب يا صبوري من المنبر ده ^____^
_________________________
أها بعد ما خلصنا من جوز الحمام الفوق ديل ظهروا لينا ناس تانين وفَـجْـعَـةً كدي
الأول: عاطف مكاوي والذي ألقبه بعاطف ( مُكاوي السلفيين ) .. فجأة كده عاطف ده بداها لينا بموضوع الشيخ حازم صلاح وتناها بي موضوع الشيخ السلفي الذي لفقت له قضيت البت وتاني مواضيع كتيرة لا تحضرني .. ده دكتوراه في الوهابية تخصص سلفية مصرية
الثاني: خالد العبيد ( ود كبوشية ) و ( عريس بنات كلي ) ^___^ الشيوعي الماركسي ... ده برضو زي صاحبو مكاوي مافي فيديو لافي ولا مقطع عن السلفيين إلا جايبو هنا ده غير مواضيعو البقدح بيها في الدين الإسلامي والشريعة الإسلامية
الثالث: محمد جمال الدين ( بتاع سلفيا ) ^_______^ بداها لينا بي موضوع السلفيون والصيد في موية المطرة وللا شنو ما عارف العكرانة وتاني كتب ليهو موضوع كده .. وهسي كمان طلع لينا بي حاجة تالتة داير يعرف راي السلفيين في الصورة ( الثورة )
الرابع: صديقي اللدود/ السلفاوي عمر دفع الله الراجل ده كان في اتفاقية جنتلمان بيناتنا ووثيقة عدم اعتداء غير مكتوبة .. إنو لا تجيني ولا أجيك وكل زول عارف حدودو أها لمن محمد جمال ( بتاع سلفيا ) كتب موضوع داك بتاع موية المطرة وقمنا ردمناهو فيهو ردم الجن أها من ديك قام عمر دفع الله بقى كل يوم والتاني منزل فينا كاريكاتير .. ده كلام يابو عمير ,, يخسي على صحبتك خوتك أخير منها خوة العدريب!!
أها ديل الناس ( معتادي الكتابة عن السلفية ) في غير كده ناس كتااااار داخلين في الخط محمد عمر الفكي وآخرهم السجمان سجيمان كمان ^_____^
أها ممكن يجيني واحد يسألني: وشنو المشكلة الناس تكتب في السلفية؟
والجواب: مافي مشكلة طبعا .. بس يا ريت الكتابة دي تكون موضوعية وأن تخلو من الاستهداف وشيطنة المخالف ولكن الذي ألمحه عند الكثيرين هو استهداف واضح ورغبة في إسقاط الطرف الآخر وتشويهه بأي طريقة.
واللهم اهد قومي فإنهم لا يعلمون
Post: #2 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: الصادق اسماعيل Date: 06-27-2012, 08:49 PM Parent: #1
السلفي محمد عبد الكريم يدعو الناس لعدم التظاهر والله صحي
Post: #3 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: محمد جلال عبدالله Date: 06-27-2012, 08:54 PM Parent: #2
الصادق .. سلامة النظر ده محمد مصطفى عبد القادر وليس محمد عبد الكريم
Post: #4 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: الصادق اسماعيل Date: 06-27-2012, 08:59 PM Parent: #3
Quote: الصادق .. سلامة النظر ده محمد مصطفى عبد القادر وليس محمد عبد الكريم
شكراً للتصحيح
بس إن شاء محمد عبد الكريم ما يكون حرّم المظاهرات برضو
Post: #5 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: عماد حسين Date: 06-27-2012, 09:26 PM Parent: #4
Quote: الصادق .. سلامة النظر ده محمد مصطفى عبد القادر وليس محمد عبد الكريم
أمعط يا أبو عبدالله
هسع بجيك جوز الحمام، ويتبعه سرب اليمام
بعدين يا أبو عبدالله
ما نوصيك.. بالله حبيبنا الصادق ده بالذات أمعطو شديد :)
شايفو خلى مساككة صلاح جادات وداير يفتي في السلفية :)
المشكلة هو زاتو ما عارف الكورة كم كم :)
أقول قول هذا، وأنا كنتا داير أنوم
يعني ما ننوم معاكم يا أبو عبدالله
Post: #7 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: محمد جلال عبدالله Date: 06-27-2012, 09:38 PM Parent: #5
Quote: أقول قول هذا، وأنا كنتا داير أنوم يعني ما ننوم معاكم يا أبو عبدالله
نوم نوم يا مولانا .. أنا والله ذاتي كنت داير أنوم لكن الصادق ده ما خلاني أنو وجوز الحمام اللي بالي بالك إلا نخت ليهو شرك لكن ما عارف الشرك بنفع معاهو شرك دباس وللا شرك فار وللا شرك ضبابين :) وللا حفرة نحفرها ونغتيها بس البجي جننبلغ كده يقع فيها
غايتو في رعاية الله نمشي ننوم لكن بالله جر الباب معاك ما دايرين حمام ولا ضبابين ( طاحا ) في الموضوع ده
تعرف يابوهمام نسكر الموضوع ده بالضبة والمفتاح ونفتحو الصباح وإن شاء الله نجي نلقاهو بقى مخلل ^___^
Post: #6 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: سجيمان Date: 06-27-2012, 09:32 PM Parent: #1
يا شيخنا
انا خايف عليكم ووجبت لكم النضم في باكنن..... خلاس تاني ان سمعت لي خبر لا بحدسكم لا شيتين.....
Post: #8 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: أحمد ابن عوف Date: 06-27-2012, 09:41 PM Parent: #6
اول مرة في تاريخ الاسلام اسمع، اسمع شنو! المرة دي شوف عين
إمام جامع عنده بودي قاردات
كدي يا سلفيين بالله اصلو لينا القصة دي
Post: #9 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: محمد جلال عبدالله Date: 06-27-2012, 09:44 PM Parent: #8
Quote: يا شيخنا انا خايف عليكم ووجبت لكم النضم في باكنن..... خلاس تاني ان سمعت لي خبر لا بحدسكم لا شيتين.....
يا سي جي مان .. لا لا ياخي مافي مشكلة هي أصلو قالوا عايرا وأدوها سوط أها إنت السوط ده ذاااتو يعني حيأثر في البهيمة العايرة؟؟؟
خد راحتك ونحنا ما عندنا معاك مشكلة بس ذكرناك من باب: والشيء بالشيء يذكر ^_______^
Post: #10 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: محمد جلال عبدالله Date: 06-27-2012, 09:46 PM Parent: #8
Quote: إمام جامع عنده بودي قاردات
دي منو بالله يا احمد ابن عوف بالله؟
Post: #11 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: محمد جلال عبدالله Date: 06-27-2012, 09:47 PM Parent: #10
تصبحوا على خير أبقوا 11 على العقاب
سي جي مان أنا مسكتك مفتاح الدكان ونص قدرة فول وباكر كان الله أحيانا الحساب ولد
اتفقنا؟؟؟
Post: #12 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: أحمد ابن عوف Date: 06-27-2012, 09:52 PM Parent: #11
يا محمد جلال تحياتي
والله ما عرفت قاصد شنو بردك لي
Quote: دي منو بالله يا احمد ابن عوف بالله؟
انا مداخلتي بسيطة وواضحة
Post: #13 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: محمد جلال عبدالله Date: 06-27-2012, 09:56 PM Parent: #12
يا بوحميد أنا قصدي:
ده منو بالله يا احمد ابن عوف بالله؟
وكتبتها: دي منو .. يعني زي لهجة أهلنا الدناقلة والمحس بقولوا للمذكر ( دي )
وتكرار لفظ الجلالة ( بالله ) .. غير مقصود وإنما دقسة بسبب النعسة
أها أنا سؤالي : ده منو .. يعني ده منو الإمام العندو بودي قارد
ووالله سؤال عادي حبيت أعرف ما قصدت منه شيء
تصبح على خير
Post: #14 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: أحمد ابن عوف Date: 06-27-2012, 10:01 PM Parent: #13
ممكن ترد علي بكره، انا لسه بتابع في رياضة الفخذ (الكورة عندنا) (وش مبتسم)
Post: #15 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: الصادق اسماعيل Date: 06-27-2012, 10:02 PM Parent: #13
Quote: أمعط يا أبو عبدالله
يا زول هو شد حيلك
معط شنو كمان ومن منو من السلفية؟ يا خي أختشين لم ربنا يهديكم من ضلاكم الفيهو دا بعد داك تعال عشان نوريك المعط الصاح إنتا وكل السلفيين المعاك.
لو جاهز تعال أرمي بياضك ونشوف.
ونديك الكلام من هسه دا.
أنا علماني وبفتكر العلمانية دي دين الله عليها احيا وعليها أموت وبها أُبْعَثْ يوم القيامة.
نحن جاهزين لمحاربة ضلال السلفية في اي مكان وزمان.
Post: #26 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: عماد حسين Date: 06-28-2012, 07:55 AM Parent: #15
Quote: يا زول هو شد حيلك
معط شنو كمان ومن منو من السلفية؟ يا خي أختشين لم ربنا يهديكم من ضلاكم الفيهو دا بعد داك تعال عشان نوريك المعط الصاح إنتا وكل السلفيين المعاك.
لو جاهز تعال أرمي بياضك ونشوف.
ونديك الكلام من هسه دا.
أنا علماني وبفتكر العلمانية دي دين الله عليها احيا وعليها أموت وبها أُبْعَثْ يوم القيامة.
نحن جاهزين لمحاربة ضلال السلفية في اي مكان وزمان.
يا الصادق
أتاريك قاعد هبشة.. أبو الدقيق عديل :)
يا أخوي.. الزول الجاهز ما بيكون قاعد في كالفورنيا...
الجاهز ده بينزل السودان حيث السلفية المتمددة ويحارب من هناك
وبعد داك ممكن نقبل مزاعمك...
قلتا العلمانية هي دين الله؟!!
ياخ دي أول مرة أسمع بيها
أتحفنا من علومك وقول لينا اسم النبي حقها منو :)
Post: #16 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: رشا احمد Date: 06-27-2012, 10:02 PM Parent: #12
Quote: بس يا ريت الكتابة دي تكون موضوعية وأن تخلو من الاستهداف وشيطنة المخالف ولكن الذي ألمحه عند الكثيرين هو استهداف واضح ورغبة في إسقاط الطرف الآخر وتشويهه بأي طريقة.
السلام عليكم وعلينا آل سلف و رحمة الله و بركاته
انت عارف يا محمد جلال يا اخوي انو في ناس همها الأساسي استهداف السلفيين؟!
بمعنى اوضح و على بلاطة كدا الموضوعية بالنسبة ليهم هي محو الفكر السلفي من قاموس الدنيا
و بالتالي كلامك عن الاستهداف و الرغبة في اسقاط الآخر و انو دا عدم موضوعية ما صحيح البتة ....
دا في الغالب أصل الموضوعية و لُبّها شفت كيف!
Post: #17 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: محمد جلال عبدالله Date: 06-28-2012, 06:09 AM Parent: #16
الأخ احمد ابن عوف
Quote: اول مرة في تاريخ الاسلام اسمع، اسمع شنو! المرة دي شوف عين إمام جامع عنده بودي قاردات كدي يا سلفيين بالله اصلو لينا القصة دي
أيوه أنا شفت الفيديو ووقفة الشباب خلف الشيخ في تقديري بعضهم واقف لتلقي الأسئلة بالأوراق وتوصيلها للشيخ وبعضهم بيعتني بالصوتيات والراجل الطويل العاتي ده دايما بقيف في محاضرات الشيخ خلفه
غايتو ما بقدر أقطع هل هم بوي قارد وللا حاجة تانية لكن الشي العارفو أنصار السنة تعرضوا للقتل من التكفيريين عدة مرات في مساجدهم حادثة الخليفي وحادثة الجرافة وما متأكد هل في حوادث تانية وللا لا
فإذا كان للسبب ده .. ما أعتقد القصة فيها مانع وللا رايك شنو؟
Post: #18 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: محمد جلال عبدالله Date: 06-28-2012, 06:20 AM Parent: #17
عمنا الصادق اسماعيل
Quote: معط شنو كمان ومن منو من السلفية؟ يا خي أختشين لم ربنا يهديكم من ضلاكم الفيهو دا بعد داك تعال عشان نوريك المعط الصاح إنتا وكل السلفيين المعاك. لو جاهز تعال أرمي بياضك ونشوف. ونديك الكلام من هسه دا. أنا علماني وبفتكر العلمانية دي دين الله عليها احيا وعليها أموت وبها أُبْعَثْ يوم القيامة. نحن جاهزين لمحاربة ضلال السلفية في اي مكان وزمان.
الصادق زعلت ساي وحرقت دمك أخونا عماد حسين بيهظر بس وده واضح من الأيقونة الاستعملها في ردو غايتو ده الفهمتو أنا وما في موضوع أصلا عشان يكون فيهو ( معط ) ^_^
Quote: إنتا وكل السلفيين المعاك. لو جاهز تعال أرمي بياضك ونشوف. .
وأنا داخل في التهديد ده يا الصادق ^__^ أرمي بياضك دي ما فهمتها زمان البياض ده حق الفقرا ما عارف هسي ( غيروا وللا شنو؟ )
Quote: أنا علماني وبفتكر العلمانية دي دين الله عليها احيا وعليها أموت وبها أُبْعَثْ يوم القيامة. نحن جاهزين لمحاربة ضلال السلفية في اي مكان وزمان.
غايتو دي بالغت فيها يا الصادق كونك علماني دي مفهومة داير تبقى علماني دي برضو مفهومة لكن تقول العلمانية دين الله في دي بالغتا! العلمانية لا يمكن أن تكون دين الله سبحانه وتعالى والعلمانية ترجمتها ومعناها: اللادينية فكيف تكون هي دين الله تعالى؟ ممكن تكون دين الصادق أو زيد أو عبيد لكن دين الله تعالى هو الإسلام ( إن الدين عند الله الإسلام )
Quote: نحن جاهزين لمحاربة ضلال السلفية في اي مكان وزمان.
ونحنا جاهزين برضو يا عمك بس أرمي بياضك انت ^______^
Post: #19 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: محمد جلال عبدالله Date: 06-28-2012, 06:24 AM Parent: #18
الأخت الكريمة/ رشا أحمد
Quote: السلام عليكم وعلينا آل سلف و رحمة الله و بركاته
انت عارف يا محمد جلال يا اخوي انو في ناس همها الأساسي استهداف السلفيين؟!
بمعنى اوضح و على بلاطة كدا الموضوعية بالنسبة ليهم هي محو الفكر السلفي من قاموس الدنيا
و بالتالي كلامك عن الاستهداف و الرغبة في اسقاط الآخر و انو دا عدم موضوعية ما صحيح البتة ....
دا في الغالب أصل الموضوعية و لُبّها شفت كيف!
وعليكم السلام ورحمة الله وبركاته والله يا أختي فعلا جبتيها من الآخر انتي فعلا بمنطقهم هم وأسلوبهم استهداف ومحو السلفية ده الموضوع وأبو المواضيع ذاتو أما بمنطق الأشياء والاحتكام لكافة القواعد العقلانية والمنطقية فأفعالهم دي بتكون عدم الموضوع ذاتو ^___^
شكرا على مداخلتك القيمة والتي أضافت الكثير
Post: #20 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: محمد جلال عبدالله Date: 06-28-2012, 06:27 AM Parent: #19
الأخ/ أحمد ابن عوف
Quote: وضحت الفكرة يا محمد جلال
بالله انت من انيدنا
لا والله مش من أنديكم ^___^ لكن أهلنا الدناقلة والمحس منهم الجيرة والنسابة والأصدقاء ويعجبني جدا ترابطهم الاجتماعي وتكافلهم وكنت أتمنى أن أتزوج منهم .. بس القسمة ما تمت لكن ما مشكلة ممكن ندبل يعني ^____^
Post: #21 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: الصادق اسماعيل Date: 06-28-2012, 06:29 AM Parent: #18
Quote: غايتو دي بالغت فيها يا الصادق كونك علماني دي مفهومة داير تبقى علماني دي برضو مفهومة لكن تقول العلمانية دين الله في دي بالغتا! العلمانية لا يمكن أن تكون دين الله سبحانه وتعالى والعلمانية ترجمتها ومعناها: اللادينية فكيف تكون هي دين الله تعالى؟ ممكن تكون دين الصادق أو زيد أو عبيد لكن دين الله تعالى هو الإسلام ( إن الدين عند الله الإسلام )
طيب نعتبرإنو عماد بيهظر.
لكن الغشاك منو وقال ليك العلمانية معناها اللادينية.
دي الكضبة الفكتويها في الناس عشان تحتكروا الدين وتتاجروا بيهو.
أها الدين العند الله دا العلمانية والاسلام الفى الآية دي المقصود بيهو العلمانية.
غايتو العارفو أنا إنو السلفيين ديل واقعين في الضلالة، ومشكلتم إنهم ختوا عقلهم في إجازة واتبعوا الرجال وتركوا اتباع العلمانية البشر بيها الرسول (ص) والقرآن.
Post: #22 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: محمد جلال عبدالله Date: 06-28-2012, 06:39 AM Parent: #21
الصادق
طيب ممكن انت تعرف لي الدين هو شنو .. والعلمانية هي شنو؟ أو كيف الدين هو العلمانية؟
خليك من ترجمتي أنا
Post: #23 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: محمد جلال عبدالله Date: 06-28-2012, 06:41 AM Parent: #22
ده تعريف مختصر للعلمانية:
Quote: العَلمانية (بالإنجليزية: Secularism) تعني اصطلاحاً فصل الدين والمعتقدات الدينية عن السياسة، وقد تعني عدم قيام الحكومة أو الدولة بإجبار أي أحد على اعتناق وتبني معتقد أو دين أو تقليد معين لأسباب ذاتية غير موضوعية،[1][2]. كما تكفل الحق في عدم اعتناق دين معيّن وعدم تبني دين معيّن كدين رسمي للدولة، وبمعنى لآخر فإنه يشير إلى الرأي القائل بأن الأنشطة البشرية والقرارات وخصوصًا السياسية منها يجب أن تكون غير خاضعة لتأثير المؤسسات الدينية.
Post: #25 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: عاطف مكاوى Date: 06-28-2012, 06:43 AM Parent: #23
Post: #24 Title: Re: فَـجْـعَـةً كدي أصبحت السلفية والسلفيون الشغل الشاغل لبعض أهل المن Author: محمد عمر الفكي Date: 06-28-2012, 06:42 AM Parent: #21
غايتو يا محمد جلال شكلك ما متابع بوستاتي فيما يخص الحركة السلفية غايتو بنعتبرها نيران صديقة ونحتسبها بس اي شماتة تجيني من عمار والازهري وود التلب بعلقا فيك البوست الفتحتو قصدت منه تنبيه السلفيين لعدم الترويج للاخوان وبس؟ في رابط بين السلفيين والحركة الاخوانية وفكرها ومعتقداتها؟ لو في اها انا من بكرة اخو مسلم
