يا خليل حضرنا كورة السودان ولبنان..وطلعنا فرحانين

محمود مصطفى محمود + محمد محمود مصطفى محمود + مصطفى محمود مصطفى محمود

كان معاي 100 ريال بس..

كبيت بنزين بعشرين ريال..

الباقي كم؟؟

80 ريال موش؟؟

اتوكلنا على الحي الدايم ومشينا..

متخيل طبعاً إننا شايلين قروش كفاية وكدا..

اتفاجأت طبعاً إنه التذكرة في الشباك الوصلنا ليهو بتلاتين ريال..

ديشااااااااااك...

30 في 3 بي تزعين...

اقشعر بدني عندما قام أحد السودانيين بإكمال العشرة ريال الناقصة..

شكرته وخشينا الكورة..

آآآآي دا الشغل دا الشغل..

التحكيم فاشل..

ودلوكتنا في السما..

البشوفنا يقول ديل خلي بالك مليانين قروش لمن بي هناك...

الشوط الأول انتهى ..درون طبعاً صفر صفر..

الاستراحة بين الشوطين كنت شايل همها..

طبعاً قروش ...تكْ...وصراف آلي ماف..أو على الأقل ما عارف حتتو وين..

ربك رب الخير ...الاستراحة كانت واقعة في صلاة المغرب ..

شبكت ليك العيال وضوء وصلاة وعملت فيها مستعجل عشان ما يفوتنا قون..

ورجعنا بسرعة دون أن أترك فرصة لمصطفى أن يتقدم بأي طلبات..

قام عنكبة جاب لينا القون الأولاني..

وهاك يا صراخ...آآآآي دا الشغل دا الشغل...

التحكيم فااااااشل التحكيم فاااااااااشل...

قلق رفع الكورنر..

معاوية فداسي أداها شبال...

واللبناني يجيب من جوة...

آآآآآي دا الشغل دا الشغل..

فووووووووق فووووووووووق سوداننا فوووووق..

بالطول بالعرض سوداننا يهز الأرض..

قربت أقول لالا للغلاء..

لكن قلت ماف داعي..

هسي بالوضع الأنا فيهو دا..

غلاء شنو كمان...إلا الحاجات تبقى مجان حتى

تخارج معانا...لووووووووووولز..

====
ضحكات خاصة:

مصطفى ولدي طبعاً لسانو طويل..

قال لي يا بابا اللاعب الجاب القون التاني دا والله مومياء بس..

قلت ليهو أسكت...خلي عندك إحساس بالوطنية..

أهو عشان قلة الأدب بتاعتك دي ما حا أشتري ليك أي حاجة

لحدى ما نرجع البيت..

=========

بورداب في الكورة:

إدريس البدري..البوردابي الرزين

الفنان الجميل حسن إبراهيم خليفة..

وعلى الجانب التاني بتاع الناس المفلسين أبو عشرين ريال..

لدهشتكم الشديدة...معاوية عبيد الصائم..

طبعاً مشجع أشتر وما صدق لقى ليهو لمة بتاعة ناس ..

كاااااااااااااااااااااك...

هات من الآخر يا معاوية..

==========

طلعنا فرحانين ...

ما أجمل إنسان بلادي..

وما أجمل فرح الجموع يا فيتوري

إن الله في فرح الجموع..
..

..

.

طبعاً (المتصفح) معاوية عبيد الصائم..

وحيث أنه "مهكر ديمة"...

أبت نفسه إلا أن يرد بالتلفون..

قال لي بالحرف الواحد

نحن ناس أبو عشرين ريال..

إنت تموها ليك وأولادك ما اشتريت ليهم موية مسيخة..

شفتوا ليكم لؤم وقسوة زي دي؟؟؟

على الأقل نحن كنا عارفين أسماء بعض اللاعبين..

إنت طبعاً متخيل إنه "سيماوي" والضب لاعبين..


كااااااااااااك
..

.

مبروك للسودان

مبروك للسودان يا محمد النيل ياخي

والله زعمطناهم ليك زعميطة كديسك للشافع دا

هيك لكاااان...شو عم يصير؟؟؟

آآآآآآآآآآآي دا الشغل دا الشغل

..

خليل مافي ولا شنو يا جماعة؟؟

غايتو لو ما فاعل الخير اب عشرة ريال ..اكان موضوعك مستحمى تب
الغريبة اكان عندنا عصير عرديب زايد لو عوق اكان قمنا بالواجب



بخصوص الصلاة حرما والله وربنا يتقبل


اللهم شماتة عديل كده

داخل لوج صدقة

Quote: داخل لوج صدقة

اسمها "شهامة أولاد بلد"...إنت حا تبطل القسوة بتاعتك دي متين يا معاوية ياخ؟؟؟

Quote: "شهامة أولاد بلد".

واب عشرين شهامة اولاد الجيران وللا شنو


وللا مو هيك ..

جاييكم بهدف عنكبة الأول...

أصبروا..

>

لكن بيني وبينكم ، أنا خفت عديل لما الشوط الاول انتهى وطردو زولنا ، لكن ربنا لطف والباقين اتحملوا المسئولية

يعني انحنا ما نعمل حاجة فيها نفع إلا ننزنق ؟!

انتو جمعة لحس الكوع بكرة ، صاح ؟!

والله وصفك احلي من القونين لكن ظلمت المسكين محمد
يعني لو دخلت ابو عشرين كنت شربت الوليدات حاجه باردة

اها العراق كيف .. انا متباشر بيكم

عمر علي حسن

العزيز عمر علي حسن

والله شكراً ليك كتير على الطلة..والمباختة كونك متباشر بينا..

أها نحن إن شاء الله داخلين كورة العراق والسودان مخصوص عشان نشوف ولدنا علاء الزهراء

وهل حا يتنكر للعشرة مع بدر الدين قلق ولّ حا ينستر معانا..

غايتو نكاية ساي في الفراعنة مفروض يطلعوها لينا درون....

شكراً ليك مجدداً..

..