Post: #1
Title: ايها السلفيون"سجمكم" دايرين يستنسخو ليكم علي بن ابي طالب(صورة)
Author: سجيمان
Date: 06-27-2012, 06:46 PM
Parent: #0
Quote: استعانت جماعة "أحباء علي" ، كما تطلق على نفسها وتتخذ من إيران مقرا لها ، بالدكتورة الفرنسية (بريجيت بواسوليه) المدير العلمي لشركة (كلون إيد) الكيماوية ، لتكوين فريق علمي يستطيع استنساخ الإمام علي ابن أبي طالب (رضي الله عنه وكرم الله وجه) .
وكشف الموقع الإلكتروني الخاص بجماعة "أحباء علي" ، أنه تم بالفعل تكوين فريق علمي يتمتع بدرجة عالية من المهارة والحرفية في عمليات الاستنساخ .
وفي سبيل الحصول على الحمضي النووي لـ (علي ابن أبي طالب) .. زار الفريق العلمي جميع المساجد الأثرية للشيعة في البصرة والكوفة وكربلاء وإيران ، عسى أن يجدوا أقمشة تخص الإمام علي ، مثل بردته أو جلبابه أو قميص له .
وبالفعل استطاع الفريق أن يعثر على رداءين لـ علي بن أبي طالب في إيران والبصرة ، الأول كان يرتديه الإمام في العيدين ، والثاني الذي قتل فيه وعليه آثار من دمه وعرقه ، وهو الرداء الذي أفاد كثيرا في استخراج الحمض النووي المطلوب في عملية الاستنساخ .
وبدأ الفريق العلمي بالفعل في إجراء بعض التجارب البحثية بعد استخراج الحامض النووي ، حيث نقلوا نتيجة أبحاثهم هذه إلى معهد روزلين باسكتلندا .
تتلقى جماعة "أحباء علي" تمويلها من الشيعة المقيمين في مختلف أنحاء العالم , يبلغ رصيدهم ، كما يقولون ، إلى حوالي 500 مليون دولار ، وقد حددوا الأول من شهر رمضان القادم للإفصاح عن تجربتهم في استنساخ الإمام علي بن أبي طالب !!
|
وحات الله النضم دا ما قاطعو من راسي....لقيتو في جخانين النت دي....لكن انشاء الله قبال ما اموت ربنا يسهل لي اشوف علي الكرار....والله يرحمك يا التاية بت الزين... كانت مبسوطة منو جنس بسط عينة...وقت يقولو علي الكرار النضم كمل...يا حليلة ماتت وما صبرت لحدي ما تشوفو....... غايتو دايرين يستنسخوهو ويدوهو السهر..الناس تمشي العميان شايل المكسر عشان يشوفوهو.... لكن حقو يسو ليهو بيت عالي ..ويسو طاقة في البيت دا....ويحددو الساعة كدي يمد راسو من الطاقة علي الناس يشوفوهو..والكميرات تشتغل....!!!!!
لكن انتو عارفين ابقو اعقل منهم ..اووووووعكم تقوو روسينكم وتستنسخو لينا معاوية...واللا عبد الرحمن بن ملجم......ونبقى في حجازة.....!!!!..وحجازة صحابة الواحد قالو يضرب الحجر بي سيفو يشقو النص....
تحذير لي بكري...... انا براي داير استسخ كديستي دي..... واطلق النسخ في البورضي دا..... عشان ما تعرف تسكّت ياتا وتخلي ياتا.؟.... وبرضو شفت النسوان امات عضلات ديك برضو داير استنسخ منهن...والشافك الدغش فاكي البيرق من اريزونا على الحلفاية ما كضب!!!!!
|
Post: #2
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: محمد جلال عبدالله
Date: 06-27-2012, 07:00 PM
Parent: #1
والله يا سجيمان الرافضة ديل زي الثعلب المكار
أي شي تتوقعوا منهم
وانت دحين النسعلك مكلم السلفيين براهم مالك بالكلام ده؟
الكلام ده بخس المسلمين كلهم
مفروض المسلمين كلهم يقيفوا في وجه الضلالية ديل
برة النص:
هسي بيني وبينك كدي كان كديستي وكديستك ديل اتلاقن
البتغلب ياتا فيهن؟؟؟ ^_________^
|
Post: #3
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: محمد إبراهيم علي
Date: 06-27-2012, 07:12 PM
Parent: #2
الكلام ده اول مرة اتنشر في 2006 وهو فيما يبدو خبر غير صحيح
|
Post: #4
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: سيف النصر محي الدين
Date: 06-27-2012, 07:22 PM
Parent: #3
كلام مؤلفو سلفي قايل انو دمو خفيف على ما يبدو .
بعدين يا سجيمان السلفيين ما عندهم عداء مع سيدنا علي و لو الكلام ده حصل حتهم بفرحوا.
|
Post: #6
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: سجيمان
Date: 06-28-2012, 09:02 AM
Parent: #3
محمد ابراهيم علي
Quote: الكلام ده اول مرة اتنشر في 2006 وهو فيما يبدو خبر غير صحيح
|
انشاء الله يبقى ما صُح!!!......لكن ان بقى صحً يبقى دا باب واتفتح ....
|
Post: #5
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: سجيمان
Date: 06-27-2012, 09:27 PM
Parent: #2
محمد جلال عبد الله
Quote: هسي بيني وبينك كدي كان كديستي وكديستك ديل اتلاقن
البتغلب ياتا فيهن؟؟؟ ^_________^ |
هن يا كافي البلاء ما يتلاقن الا لي شكل؟؟.... صحبة ساااكت لي الله دا مافي؟.....
انا كديستي مسكينة بكري قاطع قلبا....بالمساككة !!
|
Post: #7
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: محمد الزبير محمود
Date: 06-28-2012, 10:34 AM
Parent: #5
| Quote: بعدين يا سجيمان السلفيين ما عندهم عداء مع سيدنا علي و لو الكلام ده حصل حتهم بفرحوا |
والله صحي !!!!!!!!
صدقت أخي الدكتور سيف فلو عاد الإمام علي سيكون قائدنا وقدوتنا لإبطال خرافة الرجعة وبقية عقائد التصوف
طيب يا سيف مش اسهل يرجعوا الغائب النائب بدلا من إستنساخ الأصل ؟؟؟
تحياتي
|
Post: #8
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: محمد إبراهيم علي
Date: 06-28-2012, 11:38 AM
Parent: #7
| Quote: لكن ان بقى صحً يبقى دا باب واتفتح |
لو حصل انا بطالب بكري يديهو باس ورد هنا ده
عشان نشوف نهاية الموضوع بتاع الشيعة والسنة بتاعين المنبر ديل
ويفضو الناس ديل لواقع اليوم وفضاياه
لكن بيني وبينك كدة البنغلب فيهو بخرخر وبيقول ده ما ياهو لوووول
|
Post: #10
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: سجيمان
Date: 06-30-2012, 01:42 PM
Parent: #8
محمد ابراهيم علي
Quote: لكن بيني وبينك كدة البنغلب فيهو بخرخر وبيقول ده ما ياهو لوووول
|
والله حكاية....حكاية الشيعة والسنة دي ما عندها حد؟؟؟؟؟
|
Post: #9
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: سجيمان
Date: 06-28-2012, 06:35 PM
Parent: #7
محمد الزبير
| Quote: طيب يا سيف مش اسهل يرجعوا الغائب النائب بدلا من إستنساخ الأصل ؟؟؟ |
والله لو قدرو عليهن الاتنين..... مكسب
|
Post: #11
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: سجيمان
Date: 06-30-2012, 07:07 PM
Parent: #2
الاخوة السلفيين
الاخوة الشيعة
كنت قايل يجيني زول فيكم ويقول لي الراي الشرعي شنو؟.....
النضم دا كيفنو ليكم؟
بقيت في انو كضب وصح....لو كان صح..اها شن الراي؟
|
Post: #20
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: سجيمان
Date: 07-02-2012, 09:05 PM
Parent: #2
يا علي ما تشوف اللسان دا ممدود كدي؟؟....الكديسة المطيميسة دي ما ماداهو كلو...ماده نصو بس!
غايتو الله يكفيك شر طمسة الكدسة
|
Post: #13
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: سجيمان
Date: 07-02-2012, 02:20 PM
Parent: #12
يعني مافي ولا زول داير يقول رايو؟؟؟؟؟؟؟؟؟ سمح.... بجيبها ليكم ضقلها يكركب
|
Post: #14
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: قيقراوي
Date: 07-02-2012, 03:00 PM
Parent: #13
Quote:
يعني مافي ولا زول داير يقول رايو؟؟؟؟؟؟؟؟؟ سمح.... بجيبها ليكم ضقلها يكركب
|
لو عاد الكرار لارتاب فيه البوليس السياسي!
احتمال كبييييير يدمغوه باستيكرات اليومين ديل
دا زمن يرجع فيه من هو في نقاءه!؟
--------
مرة واحد استشهد برواية -في عهدة وذمة الراوي الليهو ما قيقاراوي- عن سيدنا علي كرم الله وجهه
قال واحد من الرعية -وهو اميراً للمؤمنين- قال ليو ياخ انت ما زي عمر وابوبكر ..
فرد الكرار: صحيح لانو عمر وابوبكر كان رعيتهم الزيي .. وانا رعيتي الزيكم انتو ديل!
|
Post: #16
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: على ميرغني
Date: 07-02-2012, 03:16 PM
Parent: #14
سيجيمان يلعب دور مشتت الكورة
هذا البوست انصرافي قصد به سيجيمان تشتيت الانتباه عن الثورة
فهو لم يأتي لحوار...
التجاهل ثم التجاهل
ـــــــــــــــــــــ
كدا كيف معاك يا دكتور...
|
Post: #24
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: سجيمان
Date: 07-03-2012, 06:55 PM
Parent: #16
علي ميرغني يا جنابو......
Quote: هذا البوست انصرافي قصد به سيجيمان تشتيت الانتباه عن الثورة
|
تعاين في الكديسة وتطعن في ضلها.........
|
Post: #17
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: سجيمان
Date: 07-02-2012, 06:57 PM
Parent: #14
قيقراوي
اريت ربي يجبر بي خاترك
Quote: فرد الكرار: صحيح لانو عمر وابوبكر كان رعيتهم الزيي .. وانا رعيتي الزيكم انتو ديل!
|
عارف يا قيقراوي......دا سبب كافي للحكام الرعيتهم الزيي انا دا....
|
Post: #15
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: حمد إبراهيم محمد
Date: 07-02-2012, 03:07 PM
Parent: #13
سي جي - Man - سلام كتير كتير متل الموية في البير ناقعة مي موية حفير
إنت في دا واللا القصة الحصلت لينا في بغداد في العهد السابق
يعني قبل حرب العراق ديييك وجيت نور المالكي وجماعتو
كان في مؤتمر بخصوص المؤسسةاللتنا.. في يوم قلنا نمشي نشوف
العتبات وكربلاء وبووشك رحنا نزور ضريح حسين العسكري
لقينا لينا شاب حارس خشم الباب
قلنا ليه دايرين نمشي لي جوه نشوف مدفن العسكري
قال لينا ... أنتظرو أشوفو ليكم صاحي واللا نايم
المدير حقنا قال للحارس ما تتعب نفسك بلاش تصحيهو
خليه نايم في نومتو دي .. نسأل الله لنا ولكم العاقية!!!
والله على ما أقول شهيد
|
Post: #18
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: سيف النصر محي الدين
Date: 07-02-2012, 07:04 PM
Parent: #15
من هو حسين العسكري يا أخ حمد؟
|
Post: #19
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: سجيمان
Date: 07-02-2012, 07:13 PM
Parent: #18
سيف النصر محي الدين
Quote: من هو حسين العسكري ؟
|
عسكري في مكافحة الشغب ايام سيدنا علي.....
حقو يتسنخوهو برضو.....بينفع ما بيضر!!!
|
Post: #21
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: Hisham Ibrahim
Date: 07-02-2012, 11:09 PM
Parent: #19
غايتو ما يستسخوا ليكم نافع تاني .... بولعها عديل الجديد كان ظهر .......
وناس بورسودان كان إستنسخوا ليهم إيلا جديد الا البحر يا مان .....
وأنتو معشر الدكاتره يستنسخوا ليكم مامون حميده جديد بي شعر أسود .... ويزيدو مويتو شويه كان ثقالة الدم تخف شويه ... لوول ..
الإمام علي كرم الله وجهه ..... وكديستك لسانها دا المكره بكري فيها زاتو ............
|
Post: #22
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: حمد إبراهيم محمد
Date: 07-03-2012, 10:37 AM
Parent: #21
| Quote: من هو حسين العسكري يا أخ حمد؟ |
معذرة د. عادل ... معذرة د. سيف النصر
لقد كتبت مداخلتي السابقة وكنت وقتها خارجا من المكتب ... وقد ورد في خاطري وأنا أكتب مداخلتي السابقة إسم شخصية إدارية مهمة كانت حضورا في المؤتمر بالأسم المذكور .
حقيقة كنت أقصد الإمام الحسن العسكري المتوفي عام 874م وهو أبن الإمام الهادي المتوفي عام
868م وضريحهما في القبة الذهبية بسامراء على بعد 124 كيلومترا شمال العاصمة بغداد.
والإمام الحسن العسكري له ابن هو الإمام المهدي، ويظن كثير من أهل السنة أن الشيعة يعتقدون أن
الإمام المهدي بن الحسن العسكري هو الإمام الثاني عشر ، أختفى من قبو في هذا الضريح عام 878م وينتظر أن يعود...
وما رويته من قصة عن ذاك الشاب حارس الضريح كان حقيقة...
مودتي
حمد
|
Post: #23
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: قيقراوي
Date: 07-03-2012, 10:43 AM
Parent: #21
Quote:
من هو حسين العسكري يا أخ حمد؟
|
اعتقد انو الحسن
-------
ول انت مشكلتك مع (العسكري) يا دكتور؟
|
Post: #25
Title: Re: ايها السلفيون"سجمكم" دايرين يستنسخو ليكم علي بن ابي طالب
Author: صلاح غريبة
Date: 07-03-2012, 07:14 PM
دكتور كيفك
طيب نحن الجعافرة وحبوبتنا عديل السيدة الفضلى طيب الله ثراها فاطمة الزهراء
نعمل شنو ؟
نكون مع مين يعني .............
|
|