النائب الاول سماكم : المرجفون

يللا كل واحد يشوف الاسم البناسبو ويختارو
شاذ افاقي
باتمان (خفاش)
مرجف


غايتو رحاب خليفة حتتعب عشان تلقى ترجمة للكلمة دي
اسي نقول لناس السي ان ان شنو

الشعب يطالب بمترجم

ماممكن مع الكيزان ديل قوقل زاتو قال ابيت كترتوها
بعدين يا حكومة اتفقوا ما كل يوم واحد طالع بحاجة
وزي ما قال واحد في الفيس مع الفاظكم السوقية دي القناة السودانية اكتبو عليها +18

ممكن اساعد بالترجمة

المرجفون جاية من الرجفة وكما هو معلوم الرجفة بتهز المعلقة
يعني فايبرشن
Vibrator

Quote: المرجفون لن يستطيعوا هزيمة الشجرة

أبشروا خلاص صعدنا دوري المجموعات
أبو علوة واثق من فريقو

يا ود ابراهيم

سلام

تتعدد المسميات والكشة واحدة

بعدين يا أساسي انت قايلنا مكنات ديزل ولا شنو ؟

الرجاف كدا
Tremulous
والرجفة كدا
shiver

غايتو الله يحلكم من اسحق أحمد فضل الله داك بفكها وبقوم صوف لانها بتكون خطيرة

التسمية دي خبيثة جدا و فيها رسالة مبطنه !!
مأخوذه من الآيات الكريمات :


لَئِنْ لَمْ يَنْتَهِ الْمُنَافِقُونَ وَالَّذِينَ فِي قُلُوبِهِمْ مَرَضٌ وَالْمُرْجِفُونَ فِي الْمَدِينَةِ لَنُغْرِيَنَّكَ بِهِمْ ثُمَّ لَا يُجَاوِرُونَكَ فِيهَا إِلَّا قَلِيلًا (60) مَلْعُونِينَ أَيْنَمَا ثُقِفُوا أُخِذُوا وَقُتِّلُوا تَقْتِيلًا (61) سُنَّةَ اللَّهِ فِي الَّذِينَ خَلَوْا مِنْ قَبْلُ وَلَنْ تَجِدَ لِسُنَّةِ اللَّهِ تَبْدِيلًا (62)


سورة الأحزاب

أها رأيكم شنو ؟؟!!
ما مفروض تمشي على الناس ساي كده

يا ريت زول يكتب مقال مطول لبيان من المنافق و من صاحب الحق !!

اساسي المرة دي جيت بعد الكراسي
يبدو لي قعادك الكتير مع المهندس احمد التجاني حولك لمهندس ميكانيكي
vibrator دي بستخدم في حاجات ليها علاقة بالحركة الميكانيكية
اي خواجة تقول ليهو الكلمة دي راسو طوالي بضرب وحيتخيل انو المتظاهرين ديل بيستخدمو خلاطات الاسمنت ولا حاجة زي وحيتعاطف طوالي مع الحكومة

يا عبد المنعم الحاج يسمع من بقك ربنا اصلو دوري المجموعات ده بخروج المهروم يعني ما في مباراة رد وكدة
يا نحن يا هم وده المطلوب

شكرا يا حمد نحيل ردك للاخ اساسي بجدة ونطالبه بالتقليل من الجلوس مع المهندسين في هذه اللحظة المفصلية لوووول

يا دكتور قرشي فعلا الكلمة محملة بشحنة دينية خطرة جدا فالمرجفون في المدينة هم المنافقين
لكن شيخ على طبعا ما بيكون منتظر وحي عشان يغريهو بيهم فهو بيشخص وبيعلم الغيب وطوالي بيطرد من المدينة
8 مليون سوداني مشرد يفسرون ذلك

ولكن الله يعلم يا شيخ علي من المنافق الذي باع دينه لتمكين قبيلته انتو كمان دايرين تضحكو على الله ؟

سلامات يا محمد إبراهيم..

Quote: اي خواجة تقول ليهو الكلمة دي راسو طوالي بضرب وحيتخيل انو المتظاهرين ديل بيستخدمو خلاطات الاسمنت ولا حاجة زي وحيتعاطف طوالي مع الحكومة

الحمد لله البقى خلاطات أسمنت,,

ال Vibrations هى غالبا ما سيحدث من الرجة التى بدأت تحدث فى الشارع السودانى,,
والمرجفين فى أطراف المدينة هم من عز عليهم المنام فى هذه الأيام وبقو الواحد فيهم
شغال يحسب ويضرب ويقول يا ربى بلحق لى طيارة!! وعلى وين!! حالة (Tremulousness)

المحصلة..

إنت ترجفوا والجلى يرجف وتنظيم بأكمله يرتجف ويرتعش جننوا الرجفة جن,,أو كما قال
الشاعر (Shake it baby Shake It

بكرة إحتمال نسمع كفار قريش ويهود بنو قريظة ,,

تحياتى,,

Quote: بعدين يا أساسي انت قايلنا مكنات ديزل ولا شنو ؟

أســاسي لم تفت عليه الكلمة و ترجمتها

ولكن أعتقـد أنه شــاف حاجة بترجف ذي الموبايل

قام بتأويل للحالة


يا هندســة

الرجفـة حاصلة

Quote: ممكن اساعد بالترجمة المرجفون جاية من الرجفة وكما هو معلوم الرجفة بتهز المعلقة يعني فايبرشن Vibrator

------

صحيح الرجفة بتجهجه الملعقة يا عمك

اثني

يا شباب مافي داعي للترجمة الحرفية .. خصوصاً مع المفردات المحملة ايديولوجياً دي..
ذاتو انتو مش خدر قال ليكم ادوها (كوز) .. المافي شنو!؟

انا مع الترجمات من نوع (شرح السخلة) بي (اتووود'س وايف) ؤ كدا!

هسي الواحد يعمل شنو؟

نحن مرجفون والا شذاذ آفاق؟

صراحة أنا عاجبـاني شذاذ آفاق ..... شكلها قشرة كده.

Quote: غايتو رحاب خليفة حتتعب عشان تلقى ترجمة للكلمة دي اسي نقول لناس السي ان ان شنو Mohamed

لووول، حسب طلبكم يا محمد، دايرين ترجمة قوقل ولا دايرين ترجمة جد جد

عشان تتصبرو، هاكم ترجمة قوقل:

مرجف = Mrgev

:)

Otherwise, I prefer Quakers (with sincere apologies to the real group)x


____________
غايتو يا محمد القرشي اتعلمنا دين من قصة الشتيمة دي، و كمان عربي شديد، لكن صعبتها علينا، ربنا يفتح عليك دنيا و اخرة :)

بسيطة

خليكم silent