يا جماعة ود القاضي نمسكوا من بوستات الكيزان كيفن؟

يا ود القاضي ... ياخي ما عذبتنا يا حبيب. ياخي ابعد هؤلاء الناس و عزلوهم يا جماعة.

هو ود القاضي براهو!!!
انا بحيروني البتداخلوا في بوستات على شاكلة بوستات صلاح غريبة (او ايا كان اسمه)
نسوي شنو بس..الشخصية السودانية!

ود القاضي دي زي ود الموية ما بيتمسك.

يا شباب، سيف و زياد
ود القاضي زمان كان بحتل فى بوستات الجكسي، و العهدة على زميل البورض

هسه بقا يحتل لينا فى بوستات الكيزان و يتونس معاهم كمان. محنة عجيبة.
عزل الكيزان فى المنبر هو دعم حقيقي للثورة. بتتناقش فى شنو مع زول يناصر القتلة و المجرمين
بل كيزان المنبر ما عندهم مانع يشاركوا فى قتل الشعب السوداني اذا دعى الامر.

ياخ شفت ليك شذاذ آفاق بتمسكو؟

بالمناسبة ... وين هي بوستات الكيزان؟

الجماعة ديل يكون جاتم أوامر يسكتوا .... والا ما لاقين حاجة يقولوها؟

فائز يعني ؟؟

لا لا ما ممكن يا أبوبكر لو فائز مقدور عليهو

يا فائز رجاء رجاء ما ترفع لينا بوستات الكيزان ياخ

Quote: ياخ شفت ليك شذاذ آفاق بتمسكو؟

قريبى ودالقاضى خليهوعلى وبسمع الكلام

ياقريبى مش الكيزان طلعونا ماسودانيين ...

طيب ماترفع بوستاتهم ....

سمح ياماسودانى

قريبك الماسودانى

Quote: يا جماعة ود القاضي نمسكوا من بوستات الكيزان كيفن؟

الزول دا عامل زي ضب الحيطة ما بتمسك كلو كلو
والله صحي ()

شرك ليه بي حبشية بهناك تاني ما بيجي جنبهم

Quote: شرك ليه بي حبشية بهناك تاني ما بيجي جنبهم

حبشية اللقاها وين يا طارق ... الديم موّلع نار و شذاذ الافاق سادين الدرب

Quote: ياخ شفت ليك شذاذ آفاق بتمسكو؟ بالمناسبة ... وين هي بوستات الكيزان؟

يا ابو الريش و الله دي شذة افق ما سمعنا بيها زاتو قبل كدة.

الكيزان اغبياء بكونوا لايص برة و ما عارفين يدخلوا المنبر، بكونوا نايمين فى العسل انو المنبر قبل.
دي عقول ما بتفكر، و الله مرات اقول الناس ديل من صنع الحركة الاسلامية ما خلقة الله. و الله
القائل فى محكم تنزيله: لقد خلقنا الانسان فى احسن تقويم.

Quote: فائز يعني ؟؟ لا لا ما ممكن يا أبوبكر لو فائز مقدور عليهو

يا مها بت عبد الله، ياخي مقدور عليهو كيفن؟ قدر ما كتبنا و قلنا قاطعوا بوستات الكيزان ما اشتغل بينا.
ولا جاء قال لينا راي فى المقاطعة بس لاصق عند الكيزان، كتبنا ليهو بالعربي، بالامهرية بالتكرنجه كلو
ما نفع ولا جاب فايدة ... الزول دا ثقافتو لاوندي ولا شنو؟

Quote: قريبى ودالقاضى خليهوعلى وبسمع الكلام ياقريبى مش الكيزان طلعونا ماسودانيين ... طيب ماترفع بوستاتهم .... سمح ياماسودانى قريبك الماسودانى

حبيبنا يسري، لا تحزن يا صديق. الكوز ممكن ينكر امو ذاته لو صارعته فى السلطة.
السلطة وسيلتهم لكسب العيش و الحياة المنعمة. بس اقنع قريبك دا يعزلهم بعيد بعيد.
زمان فى الجامعة كان الطلبة ضاربين عليهم حصار رهيب، يا زول سلام الله مع الكيزان مافي.
كان جد بعيدين من اي شئ. نعزلهم هنا برضو دعم للثورة.

Quote: الزول دا عامل زي ضب الحيطة ما بتمسك كلو كلو والله صحي

يا معلم كدي خليك من ود القاضي، عمك بتاع و الله صحي دا وين اليومين ديل و عامل شنو مع الشذوذ الافقي المالي البلد؟
قبيل قربت اشاغل السلفيين ديل ببوست لكن قلتا دا ما وكتوا هههههه. عاملين تلبدون لاهم مع الثورة ولا مع الانقاذ، باكر
اول ما نبقى على الانتخابات يظهروا بالاموال الطائلة و الجلاليب القصيرة و الدقون الطويلة ينحسوا ايامنا.

شلييييييييييييق ياخ الزول ده

######يييييييف :)

أو كما قال

Quote: يا جماعة ود القاضي نمسكوا من بوستات الكيزان كيفن؟

احلقوا لي شنبو

إن حلقتوا لي شنبو البحلف بيهو في كورة السودان المتل التيوة دي ، تاني من اوضتو ما بجيكم مارق ، والله صحي

Quote: دي شذة افق

شذة وتزول

حبيبناابوبكر والاعزاء المتدخلون ...سلام

لولا محبتي ليكم كان قلت ليكم : انا موقع معاكم عقد ارد على منو وماارد على منو ؟!!
اعرف نبل مقصدكم لكن كلامكم ده بعتبره وصايا على الناس وتقييد لحريتها في الكتابة
مابوعدكم بعدم الكتابة في اى بوست سواء كاتبه كوز اوجن ازرق ..
اعتبروا تصرفي ده رأى آخر لكم ان تقبلوه ولكم ان ترفضوه ..
لكن قصة اكتب لمنو ومتين مع احترامي ليكم ده تدخل في حريتي وخياراتي..



احترامي وتقديري ...

رشششششششاهم CHــت!!

Quote: لولا محبتي ليكم كان قلت ليكم : انا موقع معاكم عقد ارد على منو وماارد على منو ؟!! اعرف نبل مقصدكم لكن كلامكم ده بعتبره وصايا على الناس وتقييد لحريتها في الكتابة مابوعدكم بعدم الكتابة في اى بوست سواء كاتبه كوز اوجن ازرق .. اعتبروا تصرفي ده رأى آخر لكم ان تقبلوه ولكم ان ترفضوه .. لكن قصة اكتب لمنو ومتين مع احترامي ليكم ده تدخل في حريتي وخياراتي..

كلامك صحيح يا ود القاضي دا تدخل فى حريتك فى الكتابة و النقاش لكن تدخل justified بالهم العام.
فى لحظات حاسمة من التاريخ الناس بتحتاج توحّد مواقفها عشان تنجز غرض أكبر و مصلحة وطنية عامة
هل نحنا فى المنبر بنشارك عشان الغرض العام و لا بنسلى انفسنا ساكت. على كل حال لو قبلت وجهة نظر تكون
خدمت الجماعة و لما قبلتها لك الحرية فى ذلك بلا شك.

حبيب نورة
اسماء الجنيد
مورتا عبد الجليل
و ود الصائم
الراي شنو يا جماعة، ود القاضي ابى الصلح تب.

ياشباب تسفاى ده قطع شك شايلو حمار النوم القوقلى
ودى شذة وبتروح

اخوكم
تخلى ود عم تسفاى..

Quote: ود القاضي ابى الصلح تب

شاذ أفقيا .. ورأسيا + بائس!!

Quote: الجماعة ديل يكون جاتم أوامر يسكتوا

عقبال بشة

بشة جاتو الكشة يا ود الحاج.

بائس ... بائس يا ود الصائم
وين الحبيب عمر عبد الله؟

يا معاوية عبيد بالله بالله اتفاهم مع زميل جدة ياخي.

سلامات يا ابوبكر
قادرة اتفهم مقترح استراتيجية المقاطعة و لكن فقط كاحد المقترحات، رؤية الناس بتختلف عن كيف نخدم المصالح الوطنية
و كما راي البعض انه المقاطعة حل، البعض قد يري انه التداخل يخدم، لسبب او لاخر
و قد يري البعض انه لا هذا ولا ذاك حل و انه الحال يستمر علي ما هو عليه ووو
باختصار، كنت اري انه الناس تروج لما تراه مناسبا و كل يقرر لنفسه و اكيد باب النقاش مفتوح بين الاطراف و كما في بوستك ده،
ولكن من المستحسن الابتعاد عن تصنيفات، من لا يفعل كذا و كذا لا يخدم القضية، لانه القضية في نظري تفوق مشكلة تغيير النظام
و تشمل مفاهيم اخري، هي الجابت النظام و ساعدت علي استمراره، منها مفهومنا للحريات
ربنا يعين الجميع

تطلبون من أهل الداخل أن يضحوا ويواجهوا ويتعرضو للخطر .... وتمارسون الدلال الإسفيري وترفضون حتى أن تواجهوا أهل الأسافير بالرأي والرأي الآخر ؟

Quote: يا معلم كدي خليك من ود القاضي، عمك بتاع و الله صحي دا وين اليومين ديل و عامل شنو مع الشذوذ الافقي المالي البلد؟ قبيل قربت اشاغل السلفيين ديل ببوست لكن قلتا دا ما وكتوا هههههه. عاملين تلبدون لاهم مع الثورة ولا مع الانقاذ، باكر اول ما نبقى على الانتخابات يظهروا بالاموال الطائلة و الجلاليب القصيرة و الدقون الطويلة ينحسوا ايامنا.

ابو بكر صالح وضيوفه
تحياتي
يعني يا ابو بكر الشعب السوداني الملهم صانع الثورات يشتري السلفيون ذممهم بالأموال ؟؟؟
وبهذه البساطة ؟؟؟
إذن ما ستفعلون مع هذا الشعب الذي لا يفهم وما الفرق بين قولك هذا وعبارة شذاذ الآفاق ؟؟
It is the same insult
ولماذا ينحسوا أيامك ؟؟؟
أليس لك المنطق والحجة التى تقنع بها الشعب ليعزل هؤلاء الذين يشترون ذممهم .
كلامك هذا إقرار مسبق بالهزيمة وتبرير متقدم للفشل وقراءة فاحصة للواقع !!!
الشعب المصري قالها وسيقولها الشعب السوداني مرددا ما قاله في السابق ، لا لليسار ، لا للشيوعية ، نعم لأي ملة أخرى !!!
تحياتي لك ولضيوفك ولصديقي البطل فايز ود القاضي .

Quote: قادرة اتفهم مقترح استراتيجية المقاطعة و لكن فقط كاحد المقترحات، رؤية الناس بتختلف عن كيف نخدم المصالح الوطنية و كما راي البعض انه المقاطعة حل، البعض قد يري انه التداخل يخدم، لسبب او لاخر و قد يري البعض انه لا هذا ولا ذاك حل و انه الحال يستمر علي ما هو عليه ووو باختصار، كنت اري انه الناس تروج لما تراه مناسبا و كل يقرر لنفسه و اكيد باب النقاش مفتوح بين الاطراف و كما في بوستك ده، ولكن من المستحسن الابتعاد عن تصنيفات، من لا يفعل كذا و كذا لا يخدم القضية، لانه القضية في نظري تفوق مشكلة تغيير النظام و تشمل مفاهيم اخري، هي الجابت النظام و ساعدت علي استمراره، منها مفهومنا للحريات ربنا يعين الجميع

سلامات يا رحاب. الفكرة بسيطة جداً المعركة بين الشعب السوداني و الكيزان وصلت نهايتها المنطقية.
وصلت مرحلة المواجهة الحقيقية و النهائية. طبعاً اي زول من حقو يري ما يري، ود القاضي او غيره دايرين
يناقشوا الكيزان، من حقهم، لكن انا برضو من حقي احكم على افعال او اصنفها كمان فى الخانة المناسبة لها.

الزول بشجع الناس البواجهو الشعب السوداني بالسواطير بنقاشوه فى شنو؟ زول شعبو طلع ضدو من الفقر و الجوع
بيشيل السواطير ينتظرهم فى الشارع، المسالة وصلت نهايتها المنطقة زيها زي اي حاجة فى الدنيا.
انا قصدي الناس تتوحد على موقف طالما الناس همها الوطن و نجاح الثورة الشعبية، الثورة تنجح لحظة يتوحد الناس
حول موقف.

Quote: تطلبون من أهل الداخل أن يضحوا ويواجهوا ويتعرضو للخطر .... وتمارسون الدلال الإسفيري وترفضون حتى أن تواجهوا أهل الأسافير بالرأي والرأي الآخر ؟

يا هاني انا ما طالبت اي زول يضحي ولا يعرض لنفسه للخطر. بعدين القضية دي ما بقت قضية راى و راى أخر، الحكاية خلاص وصلت النهاية
زول بقول ليك الضرب النخرة و الدم الركب ... ايوة بهدد الشعب السوداني بالضرب فى الخرة شلال دماء، الناس بتداخلوا معاوا فى شنو؟

الفكرة و ما فيها اننا نتوحد على موقف، الثورات تنجز بتوحد قطاع كبير من الجماهير على موقف. انا بقول الكلام دا فى ذاكرتى المقاطعة الاجتماعية
للكيزان فى الجامعات طوال عقد التسعينات. لم يستطيع انجاز خط سياسي على الاطلاق اللهم الا بالعنف و ضرب الناس، لكن سياسة لا.

يا ود الزبير ياخي ما تزعل الكلام دا للهظار ساكت مع حبيبنا ود البشــرى.
انا ما قلت الشعب السوداني يشترى بالمال، لكن قروش السعودية الكتيرة دي
بتسهل الحركة ايام الانتخابات هههههه.
----
الا بالحئا(تقرأ بالمصري) وين السلفيين من الثورة ضد عصابة اللصوص.
سكتوا تب و قطعو الحركة

ليك التحية يا ملك.

Quote: يا ود الزبير ياخي ما تزعل الكلام دا للهظار ساكت مع حبيبنا ود البشــرى. انا ما قلت الشعب السوداني يشترى بالمال، لكن قروش السعودية الكتيرة دي بتسهل الحركة ايام الانتخابات هههههه.

ود البشرى اغترب في السعودية؟

Quote: ود البشرى اغترب في السعودية؟

انتا بالمرصاد ... يا ود الصائم هههه.
صحيح دقسة، المداخلة المقصودة كانت مع حبيبنا الاخر اللمين البشاري.


-------
انا عازمكم استوكهولم يا ود الصائم انتا و اللمين. جيبو الشيشة و تعالو.

بوست انصرافي شغلنا عن الثورة ومتابعتها ...




برجع لتوضيح وجهة نظري ..


ـــــــــــــــــــــ
جيب لي تاشيرة اروبية انابحمل سلاح ضد الكيزان خلي اقاطع كتاباتهم ..

على كل حال يا اخوة و اخوات، انا شرحت وجهة نظري فى الموضوع. البوست زاتو فتحتوا باسم ود القاضي عشان العشم.
لو اتوحدنا على اي موقف بننجز سريع و لو عجزنا عن توحيد انفسنا فى اللحظة المناسبة ممكن المسالة تكون خصم علينا
لكن فى الاخر اي زول حر فى خياراته، و كذلك من حق الاخرين تقييم الخيارات دي زاتها مسألة جديتها كمان.

ربما اتغييب من المنبر بسبب زنقة عمل و واجبات اخري فارجو العذر ان لم اعود للبوست مرة اخري.
مع التحيات الطيبة للجميع.

Quote: انا قصدي الناس تتوحد على موقف طالما الناس همها الوطن و نجاح الثورة الشعبية، الثورة تنجح لحظة يتوحد الناس حول موقف. Abubakr

سلام تاني يا ابوبكر
ما اظن الناس مختلفة عن ضرورة اصلاح الوطن و نجاح المجهودات الشعبية للتغيير، سواء عن طريق ثورة او اي شيء يفعله اي مواطن من اي مكان، من قبل، الان، ام بعد سنين.
الاختلاف علي مفهوم كل منا للتغيير و لنجاح الثورة و كيفية الوصول للغاية دي.

في نظري، بوستيك دعوة كريمة و بدا بصورة لطيفة مع ود القاضي انه يحاول يستجيب لما راه مجموعة من الناس الخيار الصحيح، لكن بس ابعدو لينا من حتة التصنيفات دي لانها تشبه ما نحاول تغييره

التوحد حول الموقف دي جملة واسعة جدا ممكن تترجم بطرق عديده و تشمل اكبر عدد من الناس لضمان نجاح التغيير. مثلا، التوحد ممكن يكون توحدنا للاقرار بحق الكل في حرية كاملة متكاملة، تشمل حرية اختيار الناس لاسلحة المقاومة او حتي انهم ما يقاومو اصلا، اذا ما قدرنا نقنعهم انه المقاطعة هي الحل، ونذكر روحنا انه الموقف الوطني ليس رهن باتباع ما نراه نحن مناسبا لغيرنا.
نقطتي الابسط البحاول ايصالها، الحرية سلاح ذو حدين and we should practice what we preach

اسي اشارطك انه ممكن زول يجي يقول ليك و لي انه البنعمل فيه ده ما من مصلحة القضية و انه ده ما وكته و انه و انه و انه و يصنفنا في النهاية انه نحن ما خادمين القضية و ما متحدين علي موقف واحد الا و هو دعم الثورة.

Quote: حبيبناابوبكر والاعزاء المتدخلون ...سلام لولا محبتي ليكم كان قلت ليكم : انا موقع معاكم عقد ارد على منو وماارد على منو ؟!! اعرف نبل مقصدكم لكن كلامكم ده بعتبره وصايا على الناس وتقييد لحريتها في الكتابة مابوعدكم بعدم الكتابة في اى بوست سواء كاتبه كوز اوجن ازرق .. اعتبروا تصرفي ده رأى آخر لكم ان تقبلوه ولكم ان ترفضوه .. لكن قصة اكتب لمنو ومتين مع احترامي ليكم ده تدخل في حريتي وخياراتي.. احترامي وتقديري ...

فائز تسفاي ـ سلام

أولاً أحب أقول ليك والله يا فائز أنت واحد من أحب الناس لنفسي في هذا المنبر ، ولما جيت الرياض قبل فترة كنت أمني النفس بمقابلتك ـ
كلامك غاية في المنطق والرزانة ـ ولا يحق لأي شخص أن يحجر على رأي أي عضو

ولكن هناك دعوة عامة تحرض على عدم التداخل في بوستات الكيزان وهى تدخل في سياق المواقف الوطنية في هذا الظرف الحرج
وأنا شخصياً لما رائته لك من مواقف قوية ضد الطغمة الحاكمة ظننتك أو من يستجيب لتك الدعوة

مهندس بكري صالح حينما خصاك بهذا البوست أحسب أن ذلك لحسن ظنه بك ، ولما لأرائك القوية من تأثير

فهل نعشم في إعادة نظر في موقفك ؟

مع خالص الود والتقدير ـ لك ولصاحب البوست ولكل مر مر هنا

Quote: ولكن هناك دعوة عامة تحرض على عدم التداخل في بوستات الكيزان وهى تدخل في سياق المواقف الوطنية في هذا الظرف الحرج وأنا شخصياً لما رائته لك من مواقف قوية ضد الطغمة الحاكمة ظننتك أو من يستجيب لتك الدعوة مهندس بكري صالح حينما خصاك بهذا البوست أحسب أن ذلك لحسن ظنه بك ، ولما لأرائك القوية من تأثير فهل نعشم في إعادة نظر في موقفك ؟ مع خالص الود والتقدير ـ لك ولصاحب البوست ولكل مر مر هنا

شكراً يا ود البصير ريحتنى تماماً الله يريحك ياخي و يريح شعب السودان مع العذابات التى تسبب فيها عصابة اللصوص الانقاذية.
موعدنا فجر الخلاص باذن الله. لك التحية يا ملك.

مهداة للعزيزة رحاب و بقية المرجفين


======
انا ح اجري يا رحاب، مفروض ارجع الـ paper للـ reviewr، دعواتك بالله.

محمد على ..سلامات ..

يشهد الله انت من الذين احترمهم واحبهم في الله واما اخونا ابوبكر فهو يعلم معزتي وتقديري له ..
ثانيا لو اعرف انك في الرياض لسألت عنك الاخ ابوحسين ووصلت لغاية عندك لكن يبدو ماعندنا نصيب في هذا الشرف ..
اتمنى اخونا ابوبكر والاخوان الاحبه مايكونوا اخدوا وجهة نظري بحساسية لاني هنا بعبر عن وجهة نظر مقابلة لمرتآءهم
انا مابتفق مع الرؤية البتقول نقاطع كتابات الكيزان خاصة المواضيع ذات الحوار الجاد
خليكم مننا نحن مناضلي الكلمة حتى من يحملون السلاح اذا تطلب الامر مفاوضة النظام لفعلوا وده لايعني انهم على وفاق
المسالة كلها وجهات نظر لايتطلب الاتفاق حولها ولا حتى الالتزام بها ..
المقتنع بوجهة نظر المقاطعة فليفعل والمامقتنع برضو له الحق في ذلك..
ود لايعني اني ماضد النظام فالكل يعرف ذلك ولا احتاج شهادة من احد ..
اقدر اختصاص اخي ابوبكر لي بالبوست رغم وجود الكثيرين غيرى يحاورون الكيزان من ذات وجهة نظري وده من باب عشمه وقربي منه

Quote: ولكن هناك دعوة عامة تحرض على عدم التداخل في بوستات الكيزان وهى تدخل في سياق المواقف الوطنية في هذا الظرف الحرج وأنا شخصياً لما رائته لك من مواقف قوية ضد الطغمة الحاكمة ظننتك أو من يستجيب لتك الدعوة

يامحمدالموقف الوطني هو اني احارب الظلم والاستبداد المتمثل في النظام الحاكم وبالوسيلة التى اراها مناسبة واختلاف الوسائل بيننا لايعني اني ماعندي موقف وطني ولا يعني عدم استجابتي لوجهة نظركم انني حدت عن مناهضة النظام ..يعني اختلافي مع الاخوان في الوسيلة وليس في الغاية ...


تحياتي واحترامي ..

قاطعوهم يرحمكم الله

Quote: الفكرة بسيطة جداً المعركة بين الشعب السوداني و الكيزان وصلت نهايتها المنطقية. وصلت مرحلة المواجهة الحقيقية و النهائية. طبعاً اي زول من حقو يري ما يري، ود القاضي او غيره دايرين يناقشوا الكيزان، من حقهم، لكن انا برضو من حقي احكم على افعال او اصنفها كمان فى الخانة المناسبة لها.

بكــري
سلامات

كلام سليم ويقع في إطار التضامن المنطقي مع الشارع .. فكوادر النظام أو من يدعم هذا النظام في المنابر لا يختلف عن رباطة النظام المنشرون الأن في البكاسي ويقوموا بإعتقال أبناء الشعب السودانى ..

فكل منهم يجاهد ويهدر في دماء بنى وطنه .. المقاطعه بكل الاشكال علي مستوى البوستات أو المقاطعه الإجتماعيه .. هذا أبسط ما ندعم به أنفسنا وثورتنا والشارع السودانى ...


تقديري
أيمن

يا هندسة هات اضانك اديك كلمة السر .. بس قول ليهو (((ع.ق))) واطلب العايزو منو .. هههههههه شايفو بعاين لي بحقد كيف؟؟

فى السليم يا حلبى


ايمن عادل ليك وحشة يا راجل و عاش من شافتك.
تمام التمام. أكيد تجاربنا فى مقاطعة الكيزان كانت مثمرة تماماً.

سلامات يا كمال اٍدريس، الزول دا ما دايرين نجيب ليهو مشاكل مع الجهات العاليا
نتمنى انو يعقل و يشتغل معانا كويس.

Quote: اول ما نبقى على الانتخابات يظهروا بالاموال الطائلة و الجلاليب القصيرة و الدقون الطويلة ينحسوا ايامنا.

هههههههههههه يا حبيبنا ديل أمرهم ساهل جداً ياخ

كمنجتين وأورغن وساوند سيستم كلهم بشتتوا

يا ابوبكر يا عمك كان دايرو يتمسك جيب ليه جيرارد بيكيه مساك برشلونة
.
.
.
.
.
.
لكن شرطا تكون معاه شكيرا
دا الحل الوحيد[/B]

Quote: شكراً يا ود البصير ريحتنى تماماً الله يريحك ياخي و يريح شعب السودان مع العذابات التى تسبب فيها عصابة اللصوص الانقاذية. موعدنا فجر الخلاص باذن الله. لك التحية يا ملك.

تسلم يا باشمهندس

Quote: محمد على ..سلامات .. يشهد الله انت من الذين احترمهم واحبهم في الله واما اخونا ابوبكر فهو يعلم معزتي وتقديري له .. ثانيا لو اعرف انك في الرياض لسألت عنك الاخ ابوحسين ووصلت لغاية عندك لكن يبدو ماعندنا نصيب في هذا الشرف .. اتمنى اخونا ابوبكر والاخوان الاحبه مايكونوا اخدوا وجهة نظري بحساسية لاني هنا بعبر عن وجهة نظر مقابلة لمرتآءهم انا مابتفق مع الرؤية البتقول نقاطع كتابات الكيزان خاصة المواضيع ذات الحوار الجاد خليكم مننا نحن مناضلي الكلمة حتى من يحملون السلاح اذا تطلب الامر مفاوضة النظام لفعلوا وده لايعني انهم على وفاق المسالة كلها وجهات نظر لايتطلب الاتفاق حولها ولا حتى الالتزام بها .. المقتنع بوجهة نظر المقاطعة فليفعل والمامقتنع برضو له الحق في ذلك.. ود لايعني اني ماضد النظام فالكل يعرف ذلك ولا احتاج شهادة من احد .. اقدر اختصاص اخي ابوبكر لي بالبوست رغم وجود الكثيرين غيرى يحاورون الكيزان من ذات وجهة نظري وده من باب عشمه وقربي منه Quote: ولكن هناك دعوة عامة تحرض على عدم التداخل في بوستات الكيزان وهى تدخل في سياق المواقف الوطنية في هذا الظرف الحرج وأنا شخصياً لما رائته لك من مواقف قوية ضد الطغمة الحاكمة ظننتك أو من يستجيب لتك الدعوة يامحمدالموقف الوطني هو اني احارب الظلم والاستبداد المتمثل في النظام الحاكم وبالوسيلة التى اراها مناسبة واختلاف الوسائل بيننا لايعني اني ماعندي موقف وطني ولا يعني عدم استجابتي لوجهة نظركم انني حدت عن مناهضة النظام ..يعني اختلافي مع الاخوان في الوسيلة وليس في الغاية ... تحياتي واحترامي ..

الحبيب ود القاضي ـ تسلم وربنا يديك العافية ـ أتفهم تماماً كل عبارة وكلمة أوردتها في هذه المداخلة

أود أن أؤمن على كلامك هنا :
(واختلاف الوسائل بيننا لايعني اني ماعندي موقف وطني ولا يعني عدم استجابتي لوجهة نظركم انني حدت عن مناهضة النظام)

عدم تجاوبك مع مقترح مقاطعة بوستات الكيزان لا يعني أبداً وصمك بعدم الوطنية ـ ولا أحد يملك صكوك الوطنية لمنحها زيد ويمنع عنها عبيد

هو مجرد مقترح من أقتنع بجدواه عمل به ومن لم يقتنع أستمر في نهجه ولا تثريب عليه

وعلى فكرة أنا تداخلت في بوست لود الباوقة رغم إستجابتي لدعوة المقاطعة ، ولكني رأيت أن الإدلاء برائ هنا سيخدم القضية أكثر من المقاطعة ، و في نفس الوقت أغلب البوستات أقاطعها لنفس السبب

سلام للصديق ابوبكر والمتداخليت
بتفق مع الصديق فائز القاضي
نحنا بي نكتب للقراء في الأول وليس لإقناع مؤيدي النظام،ولو إقتنع أحد مؤيدي النظام
وإنحاز للشارع فمرحبا" به
عشان كدا أنا ما مع المقاطعة ومرات كمان المقاطعة وعدم التداخل
تضر شديد

شكرا" ليك فائز فقد عبرت عني تماما"

Quote: مهداة للعزيزة رحاب و بقية المرجفين Abubakr

لوول، مقبولة منك يا ابوبكر، و ربنا يوفقك في الورقة
الموضوع مهم و ليه رجعة باذن الله، كان هنا او reincarnated
:)

و الله يا فايز ما شفت كلامك عن انصرافية البوست قبل ما كتبت كلامي الفوق ده، لوول