Post: #1
Title: اختشو، البطل سامي حامد مؤيد للانقاذ ودباب كمان
Author: الشفيع وراق عبد الرحمن
Date: 06-24-2012, 07:46 PM
Parent: #0
اتفتحت مجموعة من البوستات وجابت كل القصة، ما عدا المعلومة دي
حتى بطولة مظاهراتكم حقتنا
قوموا الى نضالكم
|
Post: #2
Title: Re: اختشو، البطل سامي حامد مؤيد للانقاذ ودباب كمان
Author: الشفيع وراق عبد الرحمن
Date: 06-24-2012, 07:50 PM
Parent: #1
في قول اخر بقول انو الحكاية كلها مفبركة
Quote: يتقدم فريق عمل رصد بالاعتذار عن نشر صورة مفبركة للمدعو سامي حامد طيب الأسماء ، 40 سنة من سكان ود نوباوي والذي من المفترض إن ساهم في رد البنبان لأصحابة
وتفجرت عبوة بيدة ولكن من الواضح إن يدة سالمة وملفوفة بشريط جروح والقصة مفبركة من قبل الأمن لتخويف المتظاهرين من رد عبوات البونبان عليهم....
عبوات البونبان الساخنة ترد بقميص او طرحة وليس باليد العارية |
لو بطل .........حقنا
لو مفبرك ...........حقكم وبشبهكم
|
Post: #3
Title: Re: اختشو، البطل سامي حامد مؤيد للانقاذ ودباب كمان
Author: محمد البشرى الخضر
Date: 06-24-2012, 07:50 PM
Parent: #1
تقصد يا شفيع انو كان دباب لكن شارك في الاحتجاجات على الإنقاذ, أم ماذا
|
Post: #4
Title: Re: اختشو، البطل سامي حامد مؤيد للانقاذ ودباب كمان
Author: عوض محمد احمد
Date: 06-24-2012, 07:53 PM
Parent: #3
الله هداهو و شاف طريق الحق و مشى فيهو
الدور و الباقى على السذج الذين لا يزالون يدافعون بالمجان عن عصابات المافيا
|
Post: #5
Title: Re: اختشو، البطل سامي حامد مؤيد للانقاذ ودباب كمان
Author: سيف النصر محي الدين
Date: 06-24-2012, 07:55 PM
Parent: #4
الضل يا شفيع الضل
انت بحاجة للضل يا شفيع.
|
Post: #6
Title: Re: اختشو، البطل سامي حامد مؤيد للانقاذ ودباب كمان
Author: esam gabralla
Date: 06-24-2012, 07:59 PM
في كلام وصل انه من مؤيدى النظام لكن كلام غير مؤكد و في سبيل التأكد منها لذا لم ينشر شئ عنه حتى لا يتضرر نفسيآ اذا كانت غير صحيحه... هل فعلآ أصيب أم لأ أيضآ غير مؤكده للآن , و اذا أصيب لياتوا سبب .... من الأفضل لنا - و ليس لكم - التريث و التأكد قبل ظلم شخص ما.
|
Post: #7
Title: Re: اختشو، البطل سامي حامد مؤيد للانقاذ ودباب كمان
Author: محمد حامد جمعه
Date: 06-24-2012, 08:03 PM
Parent: #6
امبسبول .. يا جماعة ...
|
Post: #8
Title: Re: اختشو، البطل سامي حامد مؤيد للانقاذ ودباب كمان
Author: الشفيع وراق عبد الرحمن
Date: 06-24-2012, 08:04 PM
Parent: #6
| Quote: تقصد يا شفيع انو كان دباب لكن شارك في الاحتجاجات على الإنقاذ, أم ماذا |
لا يا ود البشرى
لم يشارك في الاحتجاجات نهائياً
ولم يخرج في اي مظاهرة
حسب كلامه، وهو قاعد في بيتهم جاتكم علبة البمبان طايرة مسكها
| Quote: كنت في مكان سكني بود نوباوي جنوب الساعة 5 مساء أمس الجمعة وكان هناك إطلاق كثيف للغاز المسيل للدموع ومعنا بالبيت أشخاص كبار يمكن أن يتضرروا بسبب البمبان..وبدأت الأحداث أولاًبسقوط الغاز علي منزلي وكان أبنائي بالداخل فقمت برمي خرطوش الغاز المسيل بعيداً خوفاً عليهم .. ثم في المرة الثانية سقط الخرطوش علي بيت الوالد بجواري ووالدي رجل كبير في السن فقمت أيضاً برميها بعيدا وفي المرة الثالثة وعلي بعد حوالي 300 متر من مكان تواجد الشرطة وقعت إحدى طلقات الغاز المسيل للدموع فحاولت إبعادها من المكان الذي يوجد به عدد من الأطفال والنساء فانفجرت في يدي اليمنى وقطعت 4 أصابع وأصابتني شظايا في الفخذ والصدر. ونحن في دولة تتحدث عن الحريات كيف تدخل الشرطة والأمن أحياء المواطنين الشعبية العادية والتي لا توجد بها حتي مرافق استراتيجية يُخشي عليها . |
|
Post: #9
Title: Re: اختشو، البطل سامي حامد مؤيد للانقاذ ودباب كمان
Author: الشفيع وراق عبد الرحمن
Date: 06-24-2012, 08:10 PM
Parent: #8
عصام جبر الله
انتو مضيعين الطاسة
تبكو وما عارفين المات منو
ضرر نفسي؟؟؟؟؟؟
وطالما ما متأكدين من الرواية ناشرنها وبالبنط العريض لي شنو؟؟؟
| Quote: رسالتي أقول فيها أن الشعب السوداني ظل يؤيد الحكومة طوال الــ 23 سنة الماضية ولم يتضجر وقد خرج إلي الشارع سلمياً ليقول كلمة لولاة الأمر وأصحاب الشأن ويرفع شكواه فلماذا لا يسمعوا له ولماذا يقابلوه بهذه الطريقة وأنا أقول إن الجيل القادم لا ينبغي أن يتربي علي أسلوب العنف والقهر لأن هذا سوف يولد العنف المضاد الذي لاتحمد عواقبه وأنا أتساءل أي نوع هو هذا السلاح الذي يضرب به مواطن وسط الحي وداخل البيت فيقطع الأيدي ويطلق الشظايا في بقية الجسم. |
|
Post: #11
Title: Re: اختشو، البطل سامي حامد مؤيد للانقاذ ودباب كمان
Author: esam gabralla
Date: 06-24-2012, 08:14 PM
Parent: #9
دى المعلومه الوصلت و الناس في صدد التحقق منها قبل اصدار كلام عن الصوره حتى لا يظلم سامى ان لم تصح المعلومه ... و اختشي انت يا الشفيع
| Quote: للأسف ده كوز من كيزان جامعه أم درمان الأهليه كلية الآداب قسم اللغه العربيه ... يا ناس ... والزول ده يستحيل يكون اتصاب في مظاهراتنا دي إلا لو اتصاب وهو بحاول يرمي القنبله دي علي ثوار السودان... |
|
Post: #12
Title: Re: اختشو، البطل سامي حامد مؤيد للانقاذ ودباب كمان
Author: الشفيع وراق عبد الرحمن
Date: 06-24-2012, 08:14 PM
Parent: #9
| Quote: امبسبول .. يا جماعة ... |
لا يا جمعة
بوسبول ونص
Quote: أنا أعتقد أن الشعب السوداني مثلما له واجبات أداها فكذلك له حقوق يطالب بها بالطرق السلمية والمشروعة ولا ينبغي أن تهضم حقوقه بأي حال . وأعتقد كذلك أن الشعوب هي الأبقي وهي التي تدوم أما المناصب فهي لا محالة زائلة والخلود ليس لأحد إلا الله.
هذا الشعب ظل يفرح بكل الإنتصارات التي حققتها الدولة في كل الجبهات قديماً وحتي تحرير هجليج رأينا كيف خرجوا بفرح غامر يعبرون عن سرورهم بالنصر ..فشعب مثل هذا يستحق المعاملة بالحسني ويستحق أن نرد له الجميل لا أن نواجهه بالأسلحة داخل البيوت والأحياء.
أنا ــ وبلا فخر ــ كنت أحد الذين حملوا السلاح وجاهدوا في الجنوب وكان عمري حينها 19 عاماً .والآن قد حدثت لي إعاقة وعاهة مستديمة وأصبت في اليد اليمني مما يعني تعطيلي عن العمل وتعويقي في كسب العيش وأنا لا أطلب منحة من أحد ولا أطلب عوناً من أي جهة ولو كانت هناك مساعدة فأنا أطالب بتقديمها لكل المتضررين في هذه الأحداث بلا استثناء. |
|
Post: #10
Title: Re: اختشو، البطل سامي حامد مؤيد للانقاذ ودباب كمان
Author: محمد قرشي عباس
Date: 06-24-2012, 08:13 PM
Parent: #8
Quote:
ونحن في دولة تتحدث عن الحريات كيف تدخل الشرطة والأمن أحياء المواطنين الشعبية العادية والتي لا توجد بها حتي مرافق استراتيجية يُخشي عليها . |
لو كان فعلا مؤيد للإنقاذ و دباب
حيكون ده قون مبالغ فيكم !!!
لو المعاكم بيقولوا كده .. كويس الناس العاديين حيقولوا شنو
الإستفزاز ضلع خطير في إستمرارية الإحتجاج و لو زال السبب !!
إنطباعي بأن هذه صورة قديمة لفرد لا في العير و لا في النفير
غالبا مريض سكري مثلا ..
معقول إنفجار يخلي الوش سليم و الزول راضي كده !!!
كل الإعلام قاصر .. بتاعكم و بتاع الناس البيحاولوا يعبروا عن مشاعرهم بلا إحترافيه
و قطعا لا يمثلون كل المعارضة أبدا !!
|
Post: #13
Title: Re: اختشو، البطل سامي حامد مؤيد للانقاذ ودباب كمان
Author: الشفيع وراق عبد الرحمن
Date: 06-24-2012, 08:24 PM
Parent: #10
شكرا يا دوك على الراي الفني ولو انه انطباعي
عشان كده نحنا قلنا
Quote: لو بطل .........حقنا
لو مفبرك ...........حقكم وبشبهكم |
| Quote: بتاعكم و بتاع الناس |
وشكرا تاني للتبرؤ منهم
| Quote: لو المعاكم بيقولوا كده .. كويس الناس العاديين حيقولوا شنو |
وانا ذاتي بقول كده، وكل ذو عقل مميز بقول كده
|
Post: #15
Title: Re: اختشو، البطل سامي حامد مؤيد للانقاذ ودباب كمان
Author: ناصر المحسى
Date: 06-24-2012, 08:30 PM
Parent: #13
وصلتنى هذة الرسالة من الزميل اسامة لانه لا يملك اليوم رصيد مداخلة
Quote: غير ان سامي يسكن بالقرب مننا ..درست معه في الجامعة وزاملته اربع سنوات.اشهد فعلا انه كان في الجامعة اتجاه اسلامي ولكنه على ما
اعتقد من اتباع شيخ حسن .على العموم هو انسان مذهب ولطيف المعشر .. ولم يؤذ احد ايام الجامعة حتى ايام كان الاخوان يحلمون السيخ هو لم يحمل
قابلته بعد الجامعة ولم يعمل في الحكومة ولم يستفد من كونه مؤيد (سابق) .اما قصة هو من عندنا ..الشفيع هذا لا لون ولا رائحة له واتضح انه الكاذب
وتتعمد الكذب في معظم ما تنقله هنا ودونك الارشيف. ملجوظة : انا متاكد ان سامي لم يكن دبابا بل هو اتجاه اسلامي تم الاستفادة منه في الجامعة . |
عفوا الرسالة من الزميل اسامة محمد
|
Post: #14
Title: Re: اختشو، البطل سامي حامد مؤيد للانقاذ ودباب كمان
Author: esam gabralla
Date: 06-24-2012, 08:25 PM
Parent: #10
أنا واحد من الناس الصدقو القصه و وزعتها خاصه انو كان ليها ساعات حايمه ... الى أن نبهتنى زميله .... برضو درس جديد , سواء كانت مفبركه أو قديمه أو حصلت بالطريقه المسروده هنا ... في ظروف زى دى بتحصل حاجات زى دى .... كل ما علينا هو العمل على التقليل من حدوثها ....
يا ود القرشي لو زولنا ده بفهم الكلام البينقلو ما كان حالو كما هو ...
|
Post: #16
Title: Re: اختشو، البطل سامي حامد مؤيد للانقاذ ودباب كمان
Author: محمد قرشي عباس
Date: 06-24-2012, 09:18 PM
Parent: #14
الشفيع ..
معليش
بطل تتذاكى* على حسابي 
Quote:
وشكرا تاني للتبرؤ منهم
|
كلامي هو
Quote: بتاع الناس البيحاولوا يعبروا عن مشاعرهم بلا إحترافيه
و قطعا لا يمثلون كل المعارضة أبدا !! |
ناس شباب غلطوا أتبرأ منهم ليه ؟؟!!
ناس هدفنا مشترك و بصلح ليهم في نقصان خبرتهم
لو في تبرؤ ..
بكون من إسنادك الكلام بلا مصادر
و إيحاء أن أي هنه تمثل مستوى المعارضة
و بالأهم ..
بيكون من أي شكر يجي من المعسكر الآخر في ظرف زي ده
فبرغم كل شيء .. مافي حاجه بتبرر الدفاع عن حكومة
بينتقدها حتى مؤيديها على زعمك !!
عموما ..
الحيحسم الموضوع ما الحوادث الإسفيرية
بل الشارع اللي بيترمي فيه بنبان ده !!
و مادام الحكومة مذعورة كده و بتفطس في الناس من طرف
حتغزل براها حبل فنائها من الخيوط الناعمه البدت بيها الأحداث دي
أنا بقدر غضبي من الحاصل مبسوط إن الحكومة بالغباء ده
______________________________________
* ده بس لحسن الظن في ذكائك
لو فعلا فهمتها كده حقو تمشي الضل
أو أنا أكتب ليك على طريقة هيثم طه
مطولات لا تضع في الحسبان حسن تلقي الطرف الآخر !!!
|
Post: #22
Title: Re: اختشو، البطل سامي حامد مؤيد للانقاذ ودباب كمان
Author: الشفيع وراق عبد الرحمن
Date: 06-24-2012, 09:55 PM
Parent: #16
| Quote: كل الإعلام قاصر .. بتاعكم و بتاع الناس |
لو لم يكن تبرأ، كان تقول بتاعكم وبتاعنا، وده فيهو تبعييض واستثنا لذاتك من (الناس)
| Quote: بكون من إسنادك الكلام بلا مصادر |
قصدك اللقاء ولّ شيتا اخر
-------------
نحنا اتفقنا انو الغرض من اللغة هو ايصال المعنى
وده المعنى الوصل لي ووصل للكل بما فيهم عصام جبر الله
|
Post: #17
Title: Re: اختشو، البطل سامي حامد مؤيد للانقاذ ودباب كمان
Author: ناذر محمد الخليفة
Date: 06-24-2012, 09:22 PM
Parent: #14
|
Post: #18
Title: Re: اختشو، البطل سامي حامد مؤيد للانقاذ ودباب كمان
Author: عبد الملك يوسف الملك
Date: 06-24-2012, 09:37 PM
Parent: #17
واضح ان الزول ده القنبلة جاءته في بيته
وانه تكلم عاقلا
وهولم يشارك في تلك المظاهرات
التي تبحث عن اصابع مقطوعة
او رقبة مقطوعة
وكلامه معقول فكيف يمنع انسان من التعبير عن مشاعره
غير ان المنع يكون لما هو دون ذلك
يكفي ان الامريكان يطلقون الغازات المسيلة للدموع
ويقبضون ويركلون ويخنقون
اذا التظاهر خشم بيوت
والممنوع ان تكون المظاهرة خشم الحوت
|
Post: #19
Title: Re: اختشو، البطل سامي حامد مؤيد للانقاذ ودباب كمان
Author: الشفيع وراق عبد الرحمن
Date: 06-24-2012, 09:44 PM
Parent: #17
| Quote: وتتعمد الكذب في معظم ما تنقله هنا ودونك الارشيف. ملجوظة : انا متاكد ان سامي لم يكن دبابا بل هو اتجاه اسلامي تم الاستفادة منه في الجامعة . |
المحسي ومن خلفه اسامة
كدي اول شيء قولوا لينا القصة حقيقية ام مفبركة؟
وتانيا
لامن تكتب (دونك الارشيف) تمشي يا صاحبي وتجيب اقتباسات، وما تفك الكلام على عواهنه ساي
كونه دباب دي قالها هو وما من عندي وعندك الاقتباس فوق
والكلام القاله نقلته نصاً
|
Post: #21
Title: Re: اختشو، البطل سامي حامد مؤيد للانقاذ ودباب كمان
Author: Osama Mohammed
Date: 06-24-2012, 09:50 PM
Parent: #19
انت تتدعي مرة انك اتحادي وهنا تقول ( الدباب حقنا ) لو لم تستح فعلا افعل ما تشاء
والارشيف ما بجيبو
وسامي اعرفه جيدا لم يكن دباب كان من الموالين لانه اتجاه اسلامي .. وهو انسان محترم اعرفه واعرف اهله ولست بحوجة لان تعرفني به .
|
Post: #23
Title: Re: اختشو، البطل سامي حامد مؤيد للانقاذ ودباب كمان
Author: الشفيع وراق عبد الرحمن
Date: 06-24-2012, 10:03 PM
Parent: #21
| Quote: انت تتدعي مرة انك اتحادي وهنا تقول ( الدباب حقنا ) لو لم تستح فعلا افعل ما تشاء |
انا لم اقول اني اتحادي نهائياً يا اسامة القالوا رصيده كمل
بي راحتك، بس ح تثبت دعواك كيف
انا اقول انك بحثت الارشيف، و رجعت فاضي
| Quote: وسامي اعرفه جيدا لم يكن دباب كان من الموالين لانه اتجاه اسلامي .. وهو انسان محترم اعرفه واعرف اهله ولست بحوجة لان تعرفني به . |
هل تقصد انه لم يذهب الى الجنوب مقاتلاً، وما قاله في اللقاء (كذب)؟
هل رواية قطع اصابعه حقيقية ام مفبركة يا اسامة؟؟؟؟؟؟؟؟؟
|
Post: #20
Title: Re: اختشو، البطل سامي حامد مؤيد للانقاذ ودباب كمان
Author: الشفيع وراق عبد الرحمن
Date: 06-24-2012, 09:49 PM
Parent: #14
| Quote: الى أن نبهتنى زميله |
الزميلة نبهتك لي شنو يا عصام؟
انه كوز ودباب ولّ انه القصة مفبركة
عليكم الله اقعدوا مع بعض انت وناس المحسي واسامة، ...و... وشيلوا معاكم قرشينا (خبير فني) وتعالوا لينا بي راي واحد
للاسف الرصيد خلص
اللقاء كامل منشور هنا شبكة مرجان
|
Post: #24
Title: Re: اختشو، البطل سامي حامد مؤيد للانقاذ ودباب كمان
Author: عبد الصمد محمد
Date: 06-24-2012, 10:36 PM
Parent: #20
حكاية عجيبة لكن . إنه الشفيع وأمثاله ينجحوا في إلهاء الناس بقضايا إنصرافية في وقت إنه الكلام والحوار إنتهي بينا وبينهم وأصبحت اللغة البيننا هي الحرب. ياخي حتي لو كان دباب ولا جن أحمر رغم إنه دبابين الترابي مشاركين بقوة في الحرب دي لكن عفن الأمن ممكن يلعب لعباته الخبيثة عشان يشغل الناس وهيهات له
الغريبة زول ذي دكتور قرشي وهو لما جاء البورد ظهر كزول منحاز للناس ضد العسكر والكيزان وراكب مع ناس دكتورة ناهد والابوابي والفاتح سليمان وغيرهم من الوطنيين في سرج واحد. قعدوا الكيزان يملسوا ليه بدا يظهر كزول بتاع عقل وفهامة وعلي حساب الوطنيين ماسك العصايا من النص. هذه المواقف الأخيرة لا تشبه قرشي القديم والوقت ليس وقت البحث عن سلبيات من يحملون أرواحهم علي أياديهم في الشوارع إما انضم لهم ولقوافل الأطباء الشرفاء أو أرحمنا من المداخلات والبوستات المضرة فهي بوستات تخذيل ليس هذا وقتها
|
Post: #25
Title: Re: اختشو، البطل سامي حامد مؤيد للانقاذ ودباب كمان
Author: الرفاعي عبدالعاطي حجر
Date: 06-24-2012, 10:47 PM
Parent: #24
في الطريق للديمقراطية والحرية باب التوبة
مفتوح حتى بعد الغرغرة و القرقرة مقبووول
جهده.
...........................................حجر.
|
Post: #26
Title: Re: اختشو، البطل سامي حامد مؤيد للانقاذ ودباب كمان
Author: ibrahim alnimma
Date: 06-24-2012, 10:48 PM
Parent: #20
كدي ياعبدالملك شوف البوست ده Quote: واضح ان الزول ده القنبلة جاءته في بيته
وانه تكلم عاقلا
وهولم يشارك في تلك المظاهرات
التي تبحث عن اصابع مقطوعة
او رقبة مقطوعة
وكلامه معقول فكيف يمنع انسان من التعبير عن مشاعره
غير ان المنع يكون لما هو دون ذلك
يكفي ان الامريكان يطلقون الغازات المسيلة للدموع
ويقبضون ويركلون ويخنقون
اذا التظاهر خشم بيوت
والممنوع ان تكون المظاهرة خشم الحو |
<a href="http://www.sudaneseonline.com/cgi-bin/sdb/2bb.cgi?seq=post&board=390&msg=1340563574&rn=20" target=_self>Re: اختشو، البطل سامي حامد مؤيد للانقاذ ودباب كمان
|
Post: #27
Title: Re: اختشو، البطل سامي حامد مؤيد للانقاذ ودباب كمان
Author: heba Elmahi
Date: 06-25-2012, 04:42 AM
Parent: #14
سلام
إذا كان متظاهر أو أئ كان موقفه فهو في النهاية متضرر من رعونة افراد الشرطة
كونهم يرمون العبوات الحارقة علي المواطنين داخل الاحياء !!!!
|
Post: #28
Title: Re: اختشو، البطل سامي حامد مؤيد للانقاذ ودباب كمان
Author: محمد مصطفي مجذوب
Date: 06-25-2012, 05:41 AM
Parent: #27
الشفيع
سلام
الشئ الصعب علي فهمه كيفية تواجد هذا الرجل في
اولا: | Quote: كنت في مكان سكني بود نوباوي جنوب الساعة 5 مساء أمس الجمعة وكان هناك إطلاق كثيف للغاز المسيل للدموع ومعنا بالبيت أشخاص كبار يمكن أن يتضرروا بسبب البمبان..وبدأت الأحداث أولاًبسقوط الغاز علي منزلي وكان أبنائي بالداخل فقمت برمي خرطوش الغاز المسيل بعيداً خوفاً عليهم .. . |
الغاز المسيل للدموع ما بفرق بين كبار وصغار .. كلوعند العرب صابون .... والاخ ده ...رمي خرطوش الغاز بعيد وين يعني ؟... عند الجيران مثلا ......واللا ياهو داخل الحوش ال 300 متر مربع ده؟
ثانيا: | Quote: م في المرة الثانية سقط الخرطوش علي بيت الوالد بجواري ووالدي رجل كبير في السن فقمت أيضاً برميها بعيدا |
ثالثا: | Quote: وفي المرة الثالثة وعلي بعد حوالي 300 متر من مكان تواجد الشرطة وقعت إحدى طلقات الغاز المسيل للدموع فحاولت إبعادها من المكان الذي يوجد به عدد من الأطفال والنساء |
هو الاخ المعني ده مرزق في توقيته كده كيف ؟
وبعدين الحكاية شنو ...هو كان زمان حارس مرمي واللا شنو يلقف في البنبان زي بتاعين الامريكان فوتبول كده!
كمان الشئ الما داخل راسي البيلقف فيه الاخ ده سوداني المركب في مصانع سارا واللا المصانع الحربية ده بنبان واللا قذائف مضادة للافراد Shrapnel shells anti-personnel يتفجر | Quote: في يدي اليمنى وقطعت 4 أصابع وأصابتني شظايا في الفخذ والصدر. |
وكمان قالو | Quote: ونحن في دولة تتحدث عن الحريات |
تعظيم سلام يا حريه .. ويا ببسي كولا ... ويا بزيانوس ... ويا كوكا كولا
|
Post: #29
Title: Re: اختشو، البطل سامي حامد مؤيد للانقاذ ودباب كمان
Author: محمد قرشي عباس
Date: 06-25-2012, 06:01 AM
Parent: #27
نشرح تاني ..
Quote:
لو لم يكن تبرأ، كان تقول بتاعكم وبتاعنا، وده فيهو تبعييض واستثنا لذاتك من (الناس) |
كلامي هو :
Quote:
كل الإعلام قاصر .. بتاعكم و بتاع الناس البيحاولوا يعبروا عن مشاعرهم بلا إحترافيه
و قطعا لا يمثلون كل المعارضة أبدا !!
|
الإعلام .. الإعلام .. الإعلام
نقد للتكتيك بتاع الإعلام
ما عنده علاقه بموقفي الشخصي من الناس
و لا عزل لنفسي من أي ناس سوى الكيزان
جربت بإضراب الأطباء تجربة الإعلام
و كنت برفض إعتماد أي مصدر غير واثق منه
و إتجنبت بكده مزالق وضحت لي بعد شوية
البحث عن الحقائق في زمن الإنقاذ ساهل و كاف لرسالة إعلامية مؤثرة
لأن المظالم على قفا من يشيل !!
بتاعكم .. لأنكم جهة منظمة و بيدها المال
بتاع الناس .. المجموعات الشبابية البتعبر عن الثورة بعفوية في جو قهر بائن
لما تجي إنت و تسحب أخطاء متوقعه من جزء يسير من تيار المعارضة الشعبي
على حساب المعارضة المنظمة فده تدليس و تذاكي سياسي منك ساي !!
أنا عارف إن المعارضة المنظمة إمكانياتها الإعلامية الإحترافية ممتازة
و برفض دمغها بالوهن و التخبط ..
Quote:
إنطباعي بأن هذه صورة قديمة لفرد لا في العير و لا في النفير
غالبا مريض سكري مثلا ..
معقول إنفجار يخلي الوش سليم و الزول راضي كده !!! |
ده الإحساس ساي الجاني لما شفت الخبر لأول وهلة
لا هو رأي فني و لا حاجه !!
فما تقولني كلام ساي بالله يا الشفيع
عقلي بيقول لي لو كانت الواقعه صحيحة
فمفروض يتم التعامل معاها بجدية شديدة
لقاءات .. نشر عالمي .. إلخ
موش مجرد خبر أشبه بالحكايات !!
علشان كده إستبعدت حقيقيتها
لكن ما دام القرائن بتقول إنه حقيقة
فيفضل إنطباعي مجرد إنطباع ما مؤسس على حاجه
ما دمت ما بملك أي معلومات و لا لاقيت الزول ده !!
Quote: قال عصام جبر الله :
أنا واحد من الناس الصدقو القصه و وزعتها خاصه انو كان ليها ساعات حايمه ... الى أن نبهتنى زميله .... برضو درس جديد , سواء كانت مفبركه أو قديمه أو حصلت بالطريقه المسروده هنا ... في ظروف زى دى بتحصل حاجات زى دى .... كل ما علينا هو العمل على التقليل من حدوثها .... |
بالله يا عبدالصمد أصرف لعصام ده عدد واحد تذكرة تخوين بالمرة
قلت أنبهك دعما لتطهير صفوف الثوار من الخونة و المارقين 
عرفت يا عصام الخلاني ما أقول إنطباعي شنو في الصورة إلا في البوست ده
أهو جوك ناس البيلعبوا السياسة/الثورة زي الدافوري ما زي ناس ميسي
قوموا إلى كورتكم يرحمكم الله
|
Post: #30
Title: Re: اختشو، البطل سامي حامد مؤيد للانقاذ ودباب كمان
Author: قيقراوي
Date: 06-25-2012, 03:33 PM
Parent: #29
والله ما عارف موضوع الغلاط هنا .. ول كان بنغز عودنا ..
الا دي:
Quote:
أو أنا أكتب ليك على طريقة هيثم طه
مطولات لا تضع في الحسبان حسن تلقي الطرف الآخر !!!
|
ريحتني في ي ي ي حناني ذاتو!!
----
يا قرشينا لو طقطقت لي الملا جمال الدين وعادل عبد العاطي (مشترك) في فرض اراءهم (القديمة) على حوارات متجددة .. تكون ما قصرت كلو كلو
وجوز لا يخسر
المافي شنو!؟
كل شيء مباح في الحب و الثورة
|
Post: #31
Title: Re: اختشو، البطل سامي حامد مؤيد للانقاذ ودباب كمان
Author: Bashasha
Date: 06-25-2012, 03:58 PM
Parent: #30
| Quote: بتاع الناس البيحاولوا يعبروا عن مشاعرهم بلا إحترافيه |
حولا ولا قوة!
اعلاه كلام الكوز محمد قرشي!!
احترافية حتة واحدة كده لمجرد تعبير فرد عن رايو؟
امنتو بامون!
ما معني احترافية الجن دي اصلا، يالهبرو ملو؟
يجازي الخواجات ياخي البشربكو مثقفاتية الجلابة في دراريب مصطلحات لايفقهون عنها شئ، بخلاف بريقا!
اما عصام جبرالله فعايز يتحقق في الاول، علي عادة الشيوعيين عشان يصرف ليهو صك واحد وطنية!
ياخي كوز ما كوز هو شارك في التظاهر ضد نظامو وهذا ابلغ بي كثير!
|
Post: #32
Title: Re: اختشو، البطل سامي حامد مؤيد للانقاذ ودباب كمان
Author: الشفيع وراق عبد الرحمن
Date: 06-25-2012, 04:58 PM
Parent: #31
| Quote: ياخي كوز ما كوز هو شارك في التظاهر ضد نظامو وهذا ابلغ بي كثير! |
الزول قال انا ما شاركت وبشاشا مصر
واحنا ذاتنا دايرين (قرشي القديم)
جيبو لينا (قرشي القديم)
قيقا: وديتو (قرشي القديم) وين ياخي
عبد الصمد
طالما نحنا لم نأتي لحوار، وجينا نلهيكم فقط عن الثورة، الجابك دخلك شنو؟
اسامة محمد والمحسي
في انتظاركم
قرشينا
طالما بقوك (كوز) ما ح ارد عليك وح نعاملك كما ود الباوقة
| Quote: والله ما عارف موضوع الغلاط هنا |
وانا والله متلك يا قيقا
والزول ده ما عارفنه، كوز ولا شيوعي
بطل ولّ نصاب
اقول دي يقولوا التانية
اقول التانية يقولوا دي
|
Post: #33
Title: Re: اختشو، البطل سامي حامد مؤيد للانقاذ ودباب كمان
Author: محمد قرشي عباس
Date: 06-25-2012, 05:45 PM
Parent: #31
من ماشفت إسم بشاشا في المشاركين
كنت متأكد إنه حيسيب الموضوع كله
و يجي يسمع حلاوة لكوم الجديدة بتاعته دي
Quote:
اعلاه كلام الكوز محمد قرشي!!
|
و كالعاده بنصادق على كلامك
و بندي القراء الأعزاء فرصة قراءة البوست القنبله الأثبت فيهو الحقيقة دي
الحمض النووي DNA يحدد هوية الجعليين العربية
كدي ننجز ثورتنا و بجي أقطع ليك فهمك في راسك من إرشفيك
بس أركز و ما تكسح زي المرة الفاتت ..
|
Post: #34
Title: Re: اختشو، البطل سامي حامد مؤيد للانقاذ ودباب كمان
Author: الشفيع وراق عبد الرحمن
Date: 06-25-2012, 08:58 PM
Parent: #33
تلطع الراجل 23 سنة يا كوز
|
Post: #35
Title: Re: اختشو، البطل سامي حامد مؤيد للانقاذ ودباب كمان
Author: محمد قرشي عباس
Date: 06-25-2012, 09:15 PM
Parent: #34
Quote:
تلطع الراجل 23 سنة يا كوز |
يعني عاجباك لطعة الأخوان المصريين الأكتر من دي .. مثلا يعني
و لا بتعترض على 950 سنه بتاعة سيدنا نوح عليه السلام .. مثلا يعني
( إِنَّمَا نُمْلِي لَهُمْ لِيَزْدَادُوا إِثْمًا وَلَهُمْ عَذَابٌ مُهِينٌ )
آل عمران 178
فتدبر يا الشفيع
بعدين أنا لو كنت كوز ما كان الشارع طلع عليكم كلو كلو
يا كوز يا فاشل
|
Post: #36
Title: Re: اختشو، البطل سامي حامد مؤيد للانقاذ ودباب كمان
Author: الشفيع وراق عبد الرحمن
Date: 06-26-2012, 11:11 AM
Parent: #35
| Quote: بعدين أنا لو كنت كوز ما كان الشارع طلع عليكم كلو كلو |
ما فهمت العلاقة بين كوزنتك وطلوع الشارع
لكن بمفهوم المخالفة، لو الشارع (ما) طلع اذا تصبح كوز، وده هو الحاصل يا قرشينا
|
|