Post: #1
Title: الحنك البيش !
Author: محمد حامد جمعه
Date: 06-24-2012, 07:06 PM
Parent: #0
مسئول يقول ليك فى عناصر اجنبية شاركت فى الاحتجاجات
|
Post: #2
Title: Re: الحنك البيش !
Author: محمد حامد جمعه
Date: 06-24-2012, 07:10 PM
Parent: #1
الاحتجاجات التى شهدتها بعض مناطق العاصمة الخرطوم والاحياء عقب اعلان السياسات الاقتصادية الجديدة فى تقديرى تضجرات يجب ان تكون مفهومة وان توضع بالتالى فى سياقها الصحيح واول ذلك تحاشى الحديث عنها والاشارة اليها بمنطوق كونها مؤامرة او نشاط هدام من الداخل او الخارج
|
Post: #3
Title: Re: الحنك البيش !
Author: محمد حامد جمعه
Date: 06-24-2012, 07:15 PM
Parent: #2
بعض التصريحات والاقوال ، التى يدلى بها الكبار من اهل الحكم افضل منها السكوت ، ياخ تصريح زى دا صلاح جاكات ما بقولو
|
Post: #4
Title: Re: الحنك البيش !
Author: اسامه خليفه
Date: 06-24-2012, 07:15 PM
Parent: #2
والله شغلك معانا زي نظام الكيشه دقوا واعتذر ليهو !
|
Post: #5
Title: Re: الحنك البيش !
Author: أيمن دياب
Date: 06-24-2012, 07:15 PM
Parent: #2
انت الفيهم يا سعادتك..
أول خطوة لمقابلة هذه الاحتجاجات هو الاعتراف بمبررات قيامها..
لأنك الوضع المعيشي فعلاً استحال على الكثيرين..
ولا تلوح في (الأفق) القريب ولا البعيد أيييي بوادر إصلاح أو علاج..
|
Post: #6
Title: Re: الحنك البيش !
Author: محمد حامد جمعه
Date: 06-24-2012, 07:22 PM
Parent: #5
الاحتجاجات كشفت للاسف عن ان الخطاب وموجهات التنوير لعموم الشعب وقطاعاته المختلفة من طلاب وعمال بها شى من الخلل والضعف وربما الانعدام لم يكن من نشاط فى الاحياء واركان النقاش مثلا او حتى تجمعات المواطنين فى اماكن العمل او الشارع العام لم يكن من وجود منظم باى مستوى لادارة نقاش وجهد لايصال رسالة وافية حول الاجراءات والسؤال الاهم المرتبط بها وهو يتجاوز الاثار السالبة الى الخلاصات النهائية حال الصبر عليها وتقبلها ؟!
|
Post: #7
Title: Re: الحنك البيش !
Author: Osama Siddig
Date: 06-24-2012, 07:25 PM
Parent: #5
هل يمكن الانعتاق من ولاء عمره عشــرون عاما و نيف يهذه الســهولة, أم هى نفسى ,نفسى؟
|
Post: #8
Title: Re: الحنك البيش !
Author: يوسف السماني يوسف
Date: 06-24-2012, 07:31 PM
Parent: #7
| Quote: الاحتجاجات التى شهدتها بعض مناطق العاصمة الخرطوم والاحياء عقب اعلان السياسات الاقتصادية الجديدة فى تقديرى تضجرات يجب ان تكون مفهومة وان توضع بالتالى فى سياقها الصحيح واول ذلك تحاشى الحديث عنها والاشارة اليها بمنطوق كونها مؤامرة او نشاط هدام من الداخل او الخارج |
طق الحنك ولاطق الرقاب ياجنابو 23 سنة كل مظاهرة مؤامرة الليلوة جاي تتحدث حديث العقل المغيب 23 سنةحكمة والله وحكاية
|
Post: #9
Title: Re: الحنك البيش !
Author: د.محمد حسن
Date: 06-24-2012, 07:36 PM
Parent: #8
بالله يا محمد حامد حامد جمعة
لو لاقيت امين حسن عمر
اديه بنية انابة عن الشعب السوداني الفضل
المذيعة تقول ليه المواطنين
يقول ليها السكان
السكان ديل ما مأجرين قطعة من المؤتمر الوثني ؟
ياخ الزول ده قميء مستكتر علينا حق المواطنة
عليك الله كلمو لاني ما بحب يكون كلامي ليه وهو ما عارفو
بكره القطيعة
|
Post: #14
Title: Re: الحنك البيش !
Author: محمد حامد جمعه
Date: 06-24-2012, 07:58 PM
Parent: #9
بكلم ليك دكتور امين ، بس الراجل دا الطف من كدا كتير وزول كويس خالص
|
Post: #10
Title: Re: الحنك البيش !
Author: محمد حامد جمعه
Date: 06-24-2012, 07:39 PM
Parent: #8
ان بتكلم حاصلة الان وتصريح لمسئول دا راى فيهو ، فما تحاضرونا فى الاخلاق ، انا بقول كلامى دا وما عاوز لى ثناء ولا شكرة وبالتالى ارجو ان ما يطالنى تلميح ما مريح
|
Post: #11
Title: Re: الحنك البيش !
Author: يوسف السماني يوسف
Date: 06-24-2012, 07:51 PM
Parent: #10
| Quote: ان بتكلم حاصلة الان وتصريح لمسئول دا راى فيهو ، فما تحاضرونا فى الاخلاق ، انا بقول كلامى دا وما عاوز لى ثناء ولا شكرة وبالتالى ارجو ان ما يطالنى تلميح ما مريح |
نحترم رايك ياجنابو ولكن السؤال لماذا تدافع عن الباطل(الاتقاذ) حتي اللحظة .
لو قلت هذا الكلام قبل اليوم لصدقناك .
|
Post: #12
Title: Re: الحنك البيش !
Author: عبداللطيف خليل محمد على
Date: 06-24-2012, 07:54 PM
Parent: #11
| Quote: عناصر اجنبية شاركت فى الاحتجاجات |
دي الجديدة !!!
|
Post: #13
Title: Re: الحنك البيش !
Author: محمد حامد جمعه
Date: 06-24-2012, 07:55 PM
Parent: #11
انا طوالى كلامى كدا ، كان صح بقول صح وكان غلط بقول غلط
|
Post: #15
Title: Re: الحنك البيش !
Author: سيف النصر محي الدين
Date: 06-24-2012, 07:59 PM
Parent: #13
هي ليست احتجاجات على اجراءات اقتصادية
هي رفض للنظام القائم و عمل بدأ لينتهي بسقوط النظام.
|
Post: #16
Title: Re: الحنك البيش !
Author: عبداللطيف خليل محمد على
Date: 06-24-2012, 08:00 PM
Parent: #13
| Quote: انا طوالى كلامى كدا ، كان صح بقول صح وكان غلط بقول غلط |
خلينا كلنا نكون صادقين يا سعادتك ..
انت و الله كلس ..
نعم .. ما نغطي النار بالعويش ..
|
Post: #18
Title: Re: الحنك البيش !
Author: ABDELMAGID ABDELMAGID
Date: 06-24-2012, 08:02 PM
Parent: #13
إشتغل ... إشتغل ...
IT`S ALL ABOUT OVERTIME
...
NIGHT SHIFT &
.....
عبدالماجد
|
Post: #17
Title: Re: الحنك البيش !
Author: محمد قرشي عباس
Date: 06-24-2012, 08:02 PM
Parent: #11
غلبني أفهم الردود هنا كلو كلو
زول بينصح في ناسه حول كيفية إدارة أزمتهم
عبر منبر عام لإنغلاق القنوات التنظيمية غالبا
زعلانين قدر ده ما لكم ؟!!
أو هكذا أفهمها ..
ده ما نقد للإنقاذ و لا شكر في الثورة
ده رأيي بيقول :
لو أدرت أنا الأزمة لأحسنت العمل بدل هذا التخبط
بس السؤال المهم :
هل فعلا يوجد أفق ما ليتم التبشير به في التنويرات الحكومية المفترضة ؟؟
الإجابة على هذا السؤال في الحالتين تبين مدى تخبط من يمسك بزمام الأمر حاليا !!
سلامات يا محمد حامد جمعه
|
Post: #19
Title: Re
Author: قاسم المهداوى
Date: 06-24-2012, 08:02 PM
Parent: #5
| Quote: مسئول يقول ليك فى عناصر اجنبية شاركت فى الاحتجاجات |
من الفصل الثالث من النظرية الثالثة ( الكتاب الاخضر )
يا ود جمعة حقيقى احى فيك روح الصدق
معليش ياخ مرات بنتقل عليك ،،، استحلمنا شوية ما نحن مستحملين 23 سنه
ولا كــــــــــــيف
قاسم
|
Post: #20
Title: Re: Re
Author: سيف النصر محي الدين
Date: 06-24-2012, 08:13 PM
Parent: #19
Quote: زول بينصح في ناسه حول كيفية إدارة أزمتهم
عبر منبر عام لإنغلاق القنوات التنظيمية غالبا |
ياتو ازمة و ياتو ناس يا ود القرشي؟
ده كلام ممكن الزميل المحترم يقولو في اجتماع الشعبة بتاعتو
او يكتبو في خطاب داخلي موجه لقيادة حزبو.
كيف انغلقت القنوات التنظيمية؟
اذن كيف تخرج جحافل اعضاء هذا الحزب لتعتدي على المواطنين؟
|
Post: #21
Title: Re: Re
Author: أحمد ابن عوف
Date: 06-24-2012, 08:20 PM
Parent: #20
فعلا انسب عنوان لهذا لبوست
|
Post: #22
Title: Re: Re
Author: Osama Siddig
Date: 06-24-2012, 08:31 PM
Parent: #21
سلام
محمد قرشى عبس عباس
كان يمكن ان يكون كلامه مقبول ان استهل كلامه بأنه قد محض جماعته النصيحة قبل أن يبذلها لنا هنا فى منبر عام,اكن أن يلقى على الناس هكذا تنظيرات و فوق كل ذلك لا يريد أن يسمع تلميحات فهذا ما لا يمكن ان نفعل
|
Post: #23
Title: Re: Re
Author: Deng
Date: 06-24-2012, 08:46 PM
Parent: #22
م ح ج
القصة خلاص أنتهت.
بعد كده مخارجة مافي.
حزرناك ونصحناك من زمان يا ولدنا، لكنك أصريت تباري المجرمين ديل.
يا حليلك يا محمد حامد جمعة يا حليلك.
سقطت سقطت يا كيزان.
|
Post: #24
Title: Re: Re
Author: محمد قرشي عباس
Date: 06-24-2012, 09:03 PM
Parent: #22
و الله يا ناس البورد تحيروا !!
Quote:
ياتو ازمة و ياتو ناس يا ود القرشي؟
ده كلام ممكن الزميل المحترم يقولو في اجتماع الشعبة بتاعتو
او يكتبو في خطاب داخلي موجه لقيادة حزبو.
كيف انغلقت القنوات التنظيمية؟
اذن كيف تخرج جحافل اعضاء هذا الحزب لتعتدي على المواطنين؟ |
Quote:
سلام
محمد قرشى عبس عباس
كان يمكن ان يكون كلامه مقبول ان استهل كلامه بأنه قد محض جماعته النصيحة قبل أن يبذلها لنا هنا فى منبر عام,اكن أن يلقى على الناس هكذا تنظيرات و فوق كل ذلك لا يريد أن يسمع تلميحات فهذا ما لا يمكن ان نفعل |
كدي النقول تاني بشكل أوضح ..
في تقديري الزميل المحترم م.ح.ج شايف إن رد الفعل الشعبي ممكن التعامل معاه بشكل أفضل من الحاصل
لكن الجناح المتشدد و الغبي سياسيا مستقل بالإمور جوه حزبه ..
بيجي يديهم هبشه هنا أو حتى يعبر عن نفسه بصوت عال
لأنه من جناح متمكن سياسيا و مقصى من الفعل داخل التنظيم
كمثال البوست ده :
الكلمة المفتاحية هي ..
| Quote: فى تقديرى تضجرات يجب ان تكون مفهومة وان توضع بالتالى فى سياقها الصحيح |
فما دام ده رأيه في أثر الضائقة الأخيرة و ما يتبعها من سخط على النظام ككل ..
فمن الطبيعي إنه بيدعو لمنهج يصورها كذلك دون أن يساهم في تهويلها و ضربها بقسوة
حتى لا تتطور من تضجرات لغضب شعبي من العنف الغير مبرر أمامها
يعني بيرجو إتباع منهج إمتصاص التضجر عبر خطاب إعلامي حكيم
تصاحبه ملطفات إقتصادية و توعية عبر خطاب سياسي متماسك
و ده كله ما حاصل .. و دي هي أزمة النظام اللي بيصنع في الثورة عليه بنفسه !!
هنا مافي مجال للشكر و لا الإعتراض .. له أو عليه
زول بيقول رأيه ما أكتر !!
معقول أقول ليه شكرا لشوفك طريق حل أذكى لناسك اللي أنا ضدهم
أو ألعنه لأنه من وراء حجاب عرى الطريقة الفجة السالكها النظام !!!
أتمنى أكون بقيت مفهوم
بدل لعنة م.ح.ج الأصابتني دي 
|
Post: #25
Title: Re: Re
Author: Osama Mohammed
Date: 06-24-2012, 09:39 PM
Parent: #24
كان الاولى ادانة الاسلوب الهمجي في التعامل مع الطلاب العزل والذين لا يملكون الا ه########م وصوتهم وحناجرهم .
حنك بيش يا سعادتو
|
Post: #28
Title: Re: Re
Author: Nazik Eltayeb
Date: 06-24-2012, 10:38 PM
Parent: #25
| Quote: هل يمكن الانعتاق من ولاء عمره عشــرون عاما و نيف يهذه الســهولة, أم هى نفسى ,نفسى؟ |
لا اعتقد انه من من سيقفزون من السفينة فمثله دوما تكون ثقته عالية في انه يستطيع ان يتخذ القرار المناسب في الوقت المناسب
لو كان ناس المؤتمر الوطني كلهم متمكنين زي الاستاذ محمد حامد جمعة ما اظن ينقدروا (لحسن الحظ هم كل متردية و نطيحة وما اكل السبع في معظمهم وما تحاشاهم الناس سابقاً الا كما يتحاشون الكلا...ب المسعورة التي تحتل الطريق او يلقمونها حجرا ويهرعون منصرفين تاركين المكان) .....
فبرغم جمال الاسلوب الذي يكتب به و استمتاعي الحقيقى (الذي لا اخفيه) بما يكتب الا انني اتوجس منه شرا اذ احس به لاعبا ماهرا بالالفاظ ، يرسل رسائل في كل الاتجاهات (لناسو و للمعارضين)
الشعب فقط من يمكنه تحديد النهاية بنجاح ثورته و تكذيب محمد حامد جمعة الذي يعتقد انها مجرد تضجرات... فويل للوطن وويل للشعب ان صدق م.ح.ج في اعتقاده.
------------
التعديل لاقول الاتي:
رد الدكتور محمد قرشي عباس هو الوحيد من الردود اعلاه البوضح مقصد محمد حامد جمعة.... معليش ما قريت المداخلة في الاول وشكرا كثيراً
|
Post: #36
Title: Re: Re
Author: Mohamed Yassin Khalifa
Date: 06-25-2012, 08:16 AM
Parent: #25
محمد جمعة.. هل إنتا بقيت من شذاذ الآفاق؟
|
Post: #26
Title: Re: Re
Author: د.محمد بابكر
Date: 06-24-2012, 09:52 PM
Parent: #24
| Quote: " لا عاصم اليوم من أمر الله إلا من رحم " |
|
Post: #27
Title: Re: Re
Author: محمد أبوالعزائم أبوالريش
Date: 06-24-2012, 10:18 PM
| Quote: لكن الجناح المتشدد و الغبي سياسيا |
يا د. محمد قرشي ....
المنظومة واحدة ....
النهب الثروات وأدى للأزمة ..... والوضع السياسات التقشفية .... والمسئول الأطلق التصريحات ........ والبوست ده.
|
Post: #29
Title: Re: Re
Author: Adil Ali
Date: 06-24-2012, 10:54 PM
Parent: #27
| Quote: انا طوالى كلامى كدا ، كان صح بقول صح وكان غلط بقول غلط |
كضاب يا جنابو...لأنك متوهط وشغال في مؤسسة أمنية لإنتاج الباطل والأكاذيب والتلفيق والتضليل بالجملة...ولأنك منتسب لي تنظيم سياسي فاسد مفسد ديدنه الغلط والكذب والمراوغة والبطش .
كلامك دا قولو لي زول ما عنده حديدة!!
|
Post: #31
Title: Re: Re
Author: سيف النصر محي الدين
Date: 06-25-2012, 05:03 AM
Parent: #30
Quote: فما دام ده رأيه في أثر الضائقة الأخيرة و ما يتبعها من سخط على النظام ككل ..
فمن الطبيعي إنه بيدعو لمنهج يصورها كذلك دون أن يساهم في تهويلها و ضربها بقسوة
حتى لا تتطور من تضجرات لغضب شعبي من العنف الغير مبرر أمامها |
رأيه ده يكتبو في جواب معنون لمجلس شورى المؤتمر الوطني مع الشكر.
تضجرات؟؟
حرائق و رصاص و ناس ماليين الشوارع و برضو تضجرات و تصريحات مسؤولين
طيب قول انو سمعوا كلامو و المسؤولين ضبطوا تصريحاتهم و جعلوها اكثر دقة و اكثر ديبلوماسية و اكتر اي حاجة.
اها و بعدين؟
|
Post: #32
Title: Re: Re
Author: محمد قرشي عباس
Date: 06-25-2012, 05:54 AM
Parent: #31
Quote:
يا د. محمد قرشي ....
المنظومة واحدة ....
النهب الثروات وأدى للأزمة ..... والوضع السياسات التقشفية .... والمسئول الأطلق التصريحات ........ والبوست ده. |
يا أبو الريش
في تخبط بائن بين رد الفعل الأولي على المظاهرات و بين الحاصل الليلة
بالنسبة لي، في مجموعة تانية مسكت زمام الإمور و بتسعى لحسم أمني بحت
العاقلين فيهم عارفين خطورة الرهان ده و حتمية فشله لكن ما قادرين يفرضوا رأيهم
بالذات على خلفية نظريات المؤامرة البتقول بالتضحية بالبشير !!
المنظومة واحدة بلا شك و لكن إتخاذ القرار ما مركزي زي أيام الترابي
أنا أبدا ما بقول إن الكيزان : أخيار و أشرار .. بل أذكياء و أغبياء
ما أكتر
Quote: طيب قول انو سمعوا كلامو و المسؤولين ضبطوا تصريحاتهم و جعلوها اكثر دقة و اكثر ديبلوماسية و اكتر اي حاجة.
اها و بعدين؟ |
يا د.سيف
حاسي إنك ما فاهمني و كأني بدافع بشكل شخصي عن م.ح.ج !!!
أنا بقول في فهمي لمغزى كلامه .. أو دي الرسالة الوصلتني من كلامه ما أكتر
و أظنك بتتفق معاي في إنهم لو بطلوا الغبائات دي الثورة ما حتستفيد
الإستفزاز و الغباء أفضل هدايا الكيزان لثورة الشعب
Quote:
رد الدكتور محمد قرشي عباس هو الوحيد من الردود اعلاه البوضح مقصد محمد حامد جمعة.
|
شكرا يا نازك
قبالك بديت أحس بأني زي اليتيم كده
لمن شككوني في إني قاعد أقول شنو يا ربي
|
Post: #33
Title: Re: Re
Author: singawi
Date: 06-25-2012, 06:43 AM
Parent: #32
الأخ محمد حامد
سلاااام
المكتولة ما بتسمع الصايحة
أمرتهم أمري بمنعرج اللوى *** فلم يستبينوا النصح إلا ضحى الغد
فهل ستبينوا نصحك... أشك في ذلك
فرأس النظام منذ أن تمرد على شيخه بقى ما عندو كبير
وبطانتو ناس لحس الكوع عايمين على عومو وسايقنو للغريق
تحياتي
|
Post: #34
Title: Re: Re
Author: محمد أبوالعزائم أبوالريش
Date: 06-25-2012, 07:26 AM
Parent: #33
Quote: العاقلين فيهم عارفين خطورة الرهان ده و حتمية فشله لكن ما قادرين يفرضوا رأيهم
بالذات على خلفية نظريات المؤامرة البتقول بالتضحية بالبشير !! |
عقلهم مكرّس لمصالحهم ... لا يعنينا في شئ.
|
Post: #35
Title: Re: Re
Author: عبدالله احيمر
Date: 06-25-2012, 08:01 AM
Parent: #31
Quote: زول بينصح في ناسه حول كيفية إدارة أزمتهم
عبر منبر عام لإنغلاق القنوات التنظيمية غالبا |
إذن يسـتغل القنوات الاسـبيريه لتوصيل نصحـة لقادته
Quote: لكن الجناح المتشدد و الغبي سياسيا مستقل بالإمور جوه حزبه ..
بيجي يديهم هبشه هنا أو حتى يعبر عن نفسه بصوت عال
لأنه من جناح متمكن سياسيا و مقصى من الفعل داخل التنظيم |
و يسـتغل المنبر للضغط على من لم يسـمع رأيه تنظيميا
| Quote: مسئول يقول ليك فى عناصر اجنبية شاركت فى الاحتجاجات |
الزول دا يكون قاصد ناس فايز ود القاضي مش هم اجانب برضو
بس انصحهم قبل ما يجو بعد شـوية و يقولوا مؤامرة يهودية , كويس
يا ود جمعة الدرب راح ليكم في التضجرات
|
Post: #37
Title: Re: Re
Author: زهير حيدر صديق
Date: 06-25-2012, 08:24 AM
Parent: #35
Quote: من وحى الأخبار
محمد حامد جمعه
[email protected]
ضد الانتهازيين
• لا أخفى على الجميع حالة من الإحباط تنتاب المرء لعدة أسباب أهمها أن سقوط بعض الأشخاص في نظر من يجلهم مسالة مقلقة ومؤذية للنفس والخواطر فحينما يهوى المثال لا تستقيم أبدا بعدها المبادئ لأنها تكون معوجة لاعوجاج العود ولهذا تجدني حريصا على ضرورة أن تتحلى أيما جماعة تواصت على فكرة ومشروع بالصرامة في التعاطي مع الانتهازيين والفاسدين في صفوفها لجهة أنهم قد يكونون بحكم (السبق ) والموقع مظنة للمثالية التي إن شاهت شاهت وجوه الأفكار والقناعات والمواقف .
• الإنقاذ ألان تنتشر في جسدها أورام الانتهازيين الخبيثة وعشش فى بعض أوكارها و(كراكيرها ) بعض الذين أهمتهم أنفسهم فما عادوا في سبيل حزمة أموال يجمعونها أو سلطة تساق إليهم يفرقون بين الواجب والمندوب والمكروه من الفعل ولا أقول القول لان هذا الأخير صار بضاعة كاسدة في منابرها .
• وكثير من رموز الإنقاذ وكبارها وهم جماع أهل النزاهة والأمانة والعفة يعلمون الكثير أضعاف ما يعلمه العبد الفقير إلى الله ولكنهم ويا حسرتى لا يقدمون على فعل وحراك يرتدع به عشرات الكوادر التي فسدت قصدت أم لم تقصد وفى مجالس القوم ما يفي من وقائع وحقائق .
• إن لزوم القيادة الصمت يجعلها (متهمة ) بالتقصير والإهمال ومن ثم يجعلها (شريكة ) لان الفاسد الذي تتستر الجماعة على مفسدته أنما تغريه بالمزيد ولآت حين مندم حينها .
• أن الحركة الإسلامية والمؤتمر الوطني والإنقاذ ليست فقط مسئولة عن البلاد في مواجهة الأمم المتحدة وأمريكا والقرار (1706 ) لكنها أيضا مسئولة عن أموال كثيرة مهدرة و(ضربت ) بتغيير مصارفها وصرفها على من لا يستحق وفى اتجاهات غير مفيدة .
• مقالي هذا (رمية ) ستعقبها وتليها مكاشفة لا كبير فيها ولا توقير فيها لأحد كائن من كان حتى يعلم كل أناس مشربهم وحتى يتلفت (الدكاترة ) و(البروفات ) و(الجنرالات ) في غرف القيادة العليا للغش والتدليس والتزييف الذي يتم باسمهم وباسم الحركة الإسلامية ورحم الله الفقيد الشهيد (محمد طه محمد احمد ) الذي في أخر مجلس معه ناقشته في مواقفه من بعض (الأخوان ) والزملاء وانتقدته وطالبته بالمرونة معهم لكنه رفض لأجد نفسي ألان واثقا من انه كان محقا واننى كنت على خطأ .
• ومنذ اليوم فصاعدا فانا ضد من يحشدوننا فى القاعات والمجالس باسم المؤتمر الوطني وباسم الإنقاذ وباسم الحركة الإسلامية وما ندرى إننا (مغفلون ) وكومبارس يؤتى بنا فقط لنجمل وجه (البعض ) أمام القيادة المستغفلة مثلنا ربما والتي قد تعلم لكنها تتحلى بالتريث والصبر الجميل !
• وسنقولها ونمضى وقد نخسر الكثير بدء من (حق التعبير ) إلى (طايوق ) الرقبة لكننا سنكسب احترام أنفسنا واحترام ذواتنا . |
|
Post: #38
Title: Re: Re
Author: jini
Date: 06-25-2012, 08:58 AM
Parent: #37
كان نحن نتضجرين انتوا مقنجرين
جنى
|
Post: #39
Title: Re: Re
Author: محمد قرشي عباس
Date: 06-25-2012, 10:02 AM
Parent: #38
Quote:
عقلهم مكرّس لمصالحهم ... لا يعنينا في شئ. |
عندما يخرج مثل هذا الكلام للأسافير
فهذا مؤشر جيد جدا لنا ..
هو يعني أنهم يساعدوننا على خنق أنفسهم بالغباء السياسي
و يدفعون بمن يملك ضرنا بعقله، بعيدا عنهم نحو الحياد أو الإنضمام للثورة
هكذا أقرأ كتابات م.ح.ج هذه الأيام ..
ضجر و تململ و تنبؤ بالإنهيار
لهذا أنا سعيد بها !!
عموما ..
تختلف الآراء
و يبقى الإحترام
|
Post: #40
Title: حنك عاااضي!!
Author: قيقراوي
Date: 06-25-2012, 10:31 AM
Parent: #37
Quote:
محمد جمعة.. هل إنتا بقيت من شذاذ الآفاق؟
|
يا ريت نقرأ رأي سعادتو في قصة (شذاذ الآفاق) دي برضو
اها الحنك الرئاسي دا كيف!؟
------
يا شباب احسنوا الظن باخاكم م ح ج ..
فوالله الرجل من أحرف كتاب المكان دا .. ان لم يكن احرفهم على الاطلاق
مطلع .. ومطلع جداً جدن حتى آدم همسلف
الاطلاع الوااحد داك .. وبالشارع ونبض الشارع .. ومواطن اتخاذ القرار
المافي شنو تاني!؟
|
|