Post: #1 Title: نحذر النظام من استخدام مليشيات الجنجويد في شوارع الخرطوم Author: أحمد ابن عوف Date: 06-24-2012, 01:58 PM
فحينها لن نتهاون معكم او معهم
___________________ هناك اتجاه داخل النظام باستجلاب مليشيات الجنجويد التابعة لادارة احمد هارون لقمع المتظاهرين في الخرطوم، والاستفادة من كونهم مجرمين اصلا، ولا تربطهم اي علاقات او صلات مع سكان الخرطوم، فيضربون بيد من حديد ومن دون رأفة ابتداءا من القتل الذي هو اهون ما عندهم
ولكن توجد معارضة من بعض المؤسسات الامنية كالجيش والشرطة على هذه الخطوة.
سنرقب عن كثب، نوعية وسلوك القوات المستخدمة في التصدي للمتظاهرين
لا ندري ان كانت من حسن حظ سكان الخرطوم ام من سوء حظ سكان جبال النوبة ان معظم هذه القوات متواجد الآن في جنوب كردفان يعملون حرقا وقتلا ونهبا للماشية في اهلنا بالجبال
اعداد هؤلاء المجرمين يترواح بين 20 الف الى 30 الف
Post: #2 Title: Re: نحذر النظام من استخدام مليشيات الجنجويد في شوارع الخرطوم Author: أحمد ابن عوف Date: 06-24-2012, 02:14 PM Parent: #1
نعلم مدى قذارة هذا النظام، ولا عقل بشري سليم يمكن ان يتوقع مدى التمادي في الافكار الاجرامية
لكننا نعلم تماما ما هي اسلحتهم، فتلك خبرة 23 عاما
آخر اسلحة النظام في اخضاع الشعب السوداني كانت مليشيات الجنجويد في دارفور والآن في جنوب كردفان
هذا السلاح وان كانت خبرة سكان المدن ضعيفة في التعامل معه، ولكن لكل داء دواء فخبرتهم في صراع المدن ضعيف، اذ يعتمدون في تكتيكهم على الغارة السريعة وفي مكان مكشوف وتلك لا تصلح في قتال المدن الذي يعتمد على تكتيك المناورة والكر والفر والصبر
Post: #3 Title: Re: نحذر النظام من استخدام مليشيات الجنجويد في شوارع الخرطوم Author: محمد البشرى الخضر Date: 06-24-2012, 02:24 PM Parent: #2
ابو حميد معليش للسؤال برة الموضوع العبارة دي
Quote: هناك اتجاه داخل النظام
حقيقية؟! وعرفتها كيف ؟ هل هي المعادل السياسي لـ "قالوا" السودانية الشهيرة البتسبق اي نكتة أو حكاية ما
Post: #4 Title: Re: نحذر النظام من استخدام مليشيات الجنجويد في شوارع الخرطوم Author: أحمد ابن عوف Date: 06-24-2012, 02:32 PM Parent: #3
Quote: حقيقية؟! وعرفتها كيف ؟
الضرب بقى بالقرنيت يا محمد البشرى
يوم شفت ليك عسكري شرطة او احتياطي مركزي او امونة شايل قرنيت؟؟
Post: #5 Title: Re: نحذر النظام من استخدام مليشيات الجنجويد في شوارع الخرطوم Author: محمد البشرى الخضر Date: 06-24-2012, 02:37 PM Parent: #4
يا زوووول قرنيت !! عديل كدا وين الكلام دا؟ ونعم عساكر مكافحة الشغب اصلا ما في تسليحهم قرنيت ولا اعتقد الأمن كذلك
Post: #7 Title: Re: نحذر النظام من استخدام مليشيات الجنجويد في شوارع الخرطوم Author: Hisham Amin Date: 06-24-2012, 02:59 PM Parent: #5
يا محمد
بن عوف دة شكلة زود الكبسة شوية
علشان كدة ما تدقق كثير
Post: #6 Title: Re: نحذر النظام من استخدام مليشيات الجنجويد في شوارع الخرطوم Author: محمد الامين محمد Date: 06-24-2012, 02:48 PM Parent: #4
انت اول زول تستاهل يرسلوا ليك الجنجويد شكلك توربورا قاطع
Post: #8 Title: Re: نحذر النظام من استخدام مليشيات الجنجويد في شوارع الخرطوم Author: أحمد ابن عوف Date: 06-24-2012, 03:36 PM Parent: #6
Quote: يا زوووول قرنيت !! عديل كدا وين الكلام دا؟ ونعم عساكر مكافحة الشغب اصلا ما في تسليحهم قرنيت ولا اعتقد الأمن كذلك
Post: #9 Title: Re: نحذر النظام من استخدام مليشيات الجنجويد في شوارع الخرطوم Author: أحمد ابن عوف Date: 06-24-2012, 03:38 PM Parent: #8
ايوا يا هشام امين
اهم حاجة انك تجليني الايام دي
Quote: يا محمد
بن عوف دة شكلة زود الكبسة شوية
علشان كدة ما تدقق كثير
Post: #10 Title: Re: نحذر النظام من استخدام مليشيات الجنجويد في شوارع الخرطوم Author: Hisham Amin Date: 06-24-2012, 03:42 PM Parent: #9
بن عوف ومن غير ما تزعل منى
والله انا مجلييك ديمــــــــة
بالمناسبة مبروك لمصر ومبروك لمرسى
Post: #11 Title: Re: نحذر النظام من استخدام مليشيات الجنجويد في شوارع الخرطوم Author: أحمد ابن عوف Date: 06-24-2012, 03:45 PM Parent: #9
محمد الامين محمد
اعصابك يا زول
تحسبوه لعب وللا شنو
Post: #12 Title: Re: نحذر النظام من استخدام مليشيات الجنجويد في شوارع الخرطوم Author: أحمد ابن عوف Date: 06-24-2012, 03:51 PM Parent: #11
هشام أمين
ما باين انك مجليني، هههههههه، لكن مافي زعل يا زول، بس ما تلكم زول
زبمناسبة مصر ما بخصنا
لكن بنحذر محمد مرسي ان لا يوفر ملازا آمنا لاخوانه في السودان
Post: #13 Title: Re: نحذر النظام من استخدام مليشيات الجنجويد في شوارع الخرطوم Author: قرشى محمد عبدون Date: 06-24-2012, 04:23 PM Parent: #12
أحمد بن عوف ..سلامات
تتخيل انا عندى نفس الاحساس من خلال قراءات متفرقة
ولكن بتخيل لى حيرتكبو جريمة اكبر من قمع المظاهرات
قد يتسببو فى مجزرة محدودة داخل الخرطوم عن طريق مليشيات الجنجويد
ومن ثم ينسبونها الى حركات التمرد الدارفورية وناس كاودا لانو النظام ليهو
طبعا زمن عامل حكاية انهم يدخلو الخرطوم ويقتلو ويغتصبو فزاعة للاستمرار والانفراد بالسلطة والثروة
شوف دخلة خليل لامدرمان ومع اعلام الحكومة الموجه والبروباغندا فى ناس كتيرة غيرت رايا فى حركات دارفور
واعتقد جازما انهم بيهيؤا لمجزرة محدودة هم يعملو فيها كنترول عشان يدوا انطباع انو هم لو اتخلو عن السلطة
دا مصيركم..ونفس الشئ حدث فى يوم الاتنين الاسود .. كبلو يد الامن والشرطة مخصوص عشان الشماليين ينفرو من الحركة الشعبية
شوف دا نموذج من شبكة رصد ولاحظت للزول دا بنزل مداخلات وكانو حقتو يعنى بنزل مداخلات طويلة ورا بعض بسرعة بما يعنى دى كتابات جاهزة
بيكون لابد بيها اول ما خبر جديد ينزل فى صفحة شبكة رصد
انظر
Post: #14 Title: Re: نحذر النظام من استخدام مليشيات الجنجويد في شوارع الخرطوم Author: أحمد ابن عوف Date: 06-24-2012, 05:27 PM Parent: #13
بعد كلام اخونا قرشي دا البوست استنفذ غرضه
تشكر يا قرشي
الحذر .. الحذر
Post: #15 Title: Re: نحذر النظام من استخدام مليشيات الجنجويد في شوارع الخرطوم Author: أحمد ابن عوف Date: 06-24-2012, 06:01 PM Parent: #14
الجنجويد بدأوا في قتلنا
نتمنى ان يكون تم اسعاف هذا المناضل
Post: #16 Title: Re: نحذر النظام من استخدام مليشيات الجنجويد في شوارع الخرطوم Author: محمد الامين محمد Date: 06-24-2012, 06:28 PM Parent: #13
الشايقي دة اسم من اسماء جهاز الامن
Post: #17 Title: Re: نحذر النظام من استخدام مليشيات الجنجويد في شوارع الخرطوم Author: أحمد ابن عوف Date: 06-25-2012, 10:57 AM Parent: #16
حذرنا البشير
ولكنه بعناده وغبائه المعهود، قام بتهديدنا باستعمال المجاهدين او الجنويد لقمع المتظاهرين
ويا محمد البشرى قلت ليك قبل كده ما تسألني من مصدر
Post: #18 Title: Re: نحذر النظام من استخدام مليشيات الجنجويد في شوارع الخرطوم Author: محمد البشرى الخضر Date: 06-25-2012, 11:24 AM Parent: #17
ود ابنعوف القصة ما ملايكة ويكة فرق السما ارض بين قولة مجاهدين وقولة جنجاويد كلا المصطلحين ليه دلالات مختلفات خالص ولا علاقة لهم ببعض
بعدين يا احمد لما تقول "هناك اتجاه داخل الحكومة" يوحي بأن ليك مصادر جواها و انا وانت عارفين انو دا ما حاصل انت بتكتب قراءتك و تحليلاتك للاحداث القدامك المصدرها الجرائد و النت و كان بالغت تلفونات من السودان فممكن تكبّها زي ماهي باعتبارها قراءة أو تحليل لكن ما في داعي تضفي عليها شكل انهاحقائق جاية من بيت الكلاوي
Post: #19 Title: Re: نحذر النظام من استخدام مليشيات الجنجويد في شوارع الخرطوم Author: المسافر Date: 06-25-2012, 11:36 AM Parent: #18
Quote:
ولكنه بعناده وغبائه المعهود، قام بتهديدنا باستعمال المجاهدين او الجنويد لقمع المتظاهرين
ليسو جنجويد
إنما إنكشارية
تم إعدادهم بصورة خاصة
وتدريبهم عشرات السنين
Post: #20 Title: Re: نحذر النظام من استخدام مليشيات الجنجويد في شوارع الخرطوم Author: أحمد ابن عوف Date: 06-29-2012, 11:13 AM Parent: #19
قلت لي شنو يا ود البشرى؟!!
Quote: فممكن تكبّها زي ماهي باعتبارها قراءة أو تحليل لكن ما في داعي تضفي عليها شكل انهاحقائق جاية من بيت الكلاوي
Post: #21 Title: Re: نحذر النظام من استخدام مليشيات الجنجويد في شوارع الخرطوم Author: محمد البشرى الخضر Date: 06-29-2012, 12:19 PM Parent: #20
