فلنتعلم من أخطائنا - أنانية مواطني الخرطوم -

أكتب إليكم وأنا واحد من هؤلاء المقيمين في الخرطوم الذين لا يهتمون لما يدور خارج العاصمة.

سنوات والناس حولنا في الأقاليم يتساقطون.

ونحن لا نبالي.

سنوات حولنا والأقاليم تعاني من الضوائق الاقتصادية ويضطرون لترك قراهم إلى الخرطوم أو إلى خارج الوطن.

شهداء سقطوا في كجبار - في بورتسودان - في دارفور - في الوسط - في جبال النوبة - في كردفان - في الجنوب وفي كل شبر من أرجاء الوطن.

ماذا كان تفاعل أهل الخرطوم معهم ؟

الآن فقط وحينما ذاق أهلنا في الخرطوم بعضاً من قليل مما يذوقه يومياً أهل الولايات .... تحركّت الخرطوم وهاجت وماجت ورأينا بعضاً ممن كانوا أساطين التنظير للنظام يتحدثون بعكس ما درجوا عليه.

هل يحس مواطن الخرطوم بمعاناة نازح في ركن قصي من معسكر كلمة ؟

هل أحسّ يوماً بوجع أمهات (محافظة وادي حلفا) بسبب رصاص الغدر الذي حصد مجموعة من اليافعين العزّل.

وماذا عن شهداء البجا ؟

أو ماذا عن قرى دارفور التي أحترقت وضاع تعب السنين من أهلها المساكين المسالمين ؟

هل جربنا يوماً أن نعيش في كهف كما اضطر المساكين من أهل جبال النوبة هرباً من القصف؟

أو ماذا عن أبناء الجنوب المساكين الذين حولنا حياتهم إلى جحيم طوال خمسين سنة من الحرب الأهلية التي دارت فوق قراهم وغاباتهم ؟

هل كنّا نرضى بمثل هذا أن يدور في حلالنا وأحيائنا الخرطومية المترفة - نعم رغم كل شيء إنها مترفة أمام ما يدور في أي حي خارج حدود الولاية أو فلنقل في أطراف الولاية.

الآن فقط وحينما يصاب مواطن في الخرطوم بخدش صغير - نجد الإدانات تتواصل والدعوات لتحرك العالم وووو.

---

ولكن يا أبناء الخرطوم - وأنا منكم -

فلتكن هذه عبرة وبداية جديدة لمستقبل يستشعر فيه ساكن الخرطوم آلام كل سوداني في كل ركن قصي - وليعرف أبناء الخرطوم أن ما يدور خارج حدود ولايتهم سيصل إليهم عاجلاً أو آجلاً ما لم يتحركوا بجدّية من أجل كل شبر من الوطن.

وليكن تحركهم الآن - ومستقبلاً .... من أجل كل السودان وليس من أجل ضائقة معيشية اكتشفوها فجأة.

نعم يا صديقي كلامك حقيقة

لكن ليس السبب تقاعس ناس الخرطوم وأنت وأنا منهم

فهم جزء من هذا الشعب وهم نفسهم أتوا من هذه الأطراف إن لم يكن كلهم فجلهم
وهم مرتبطون بهذه الأطراف بوشائج الوطن والرحم والتعايش

لكن السبب هو آلية الإعلام الوحشي الحاكم الذي عتم الصورة وحرمها من الوصول للمواطن العادي إلا بما يحب أن يعكس من رسالة.

وتأكد عندما يتشارك الناس في السلطة والمال والإعلام فلن يعلو إلا صوت الحق ولن تسمح الديمقراطية بكتم صوت مواطن واحد دعك من اقليم كامل

ودعنا نتفائل بغد مشرق بإذن الله

سلامات ياهانى

وكلامك فى محلو... لكن برضو فى ناس قامت فى الخرطوم

وعايشة كدا بالفطرة... كتير منهم ما طلعوا شافوا برة الخرطوم شكلو كيف

مرات ما بلومهم... ومرات بتعاطف معاهم عديل كدا... بعتبرهم برة الشبكة زاتو

كتير من المرات بشوف زول فى البيت بيتوضا وفاتح الماسورة للآخر

اقول ليهو لو داير تعرف الموية دى غالية عند ناس كيف امشى سودرى

ولأنو انا مشيت وشوفت وعانيت عرفت قيمة الموية الممكن نهدرا ساكت...

وكيف فى ناس بتعانى من حاجة نحنا مرات بنهدرا ساكت...


باقى الآكل فى ناس بتجدعوا يشهد الله كيف ماعارف

لكن فى مرة من المرات وحلانين 3 يوم فى خلا

بنمشى فى الطين 7 كيلو كل يوم عشان وجبة عصيدة


فى كمبو بتاع مزارعين ونجى ال 7 كيلو كدارى تانى

بتكون اتهضمت فى نص الطريق.......

منها عرفت قيمة النعمة الربنا انعمها علينا وكيف نحترمها......




وكتيييييير
















----------------------------
القصص الفوق دى ممكن اطلع ليك منها عدة
قصص لكن حبيت اوريك انو انا معاك فى الصورة


تحياتى

هانى سلام.

إنت قايل سكان الخرطوم ديل منو؟
هم ناس دارفور وجنوب كردفان وجنوب النيل الأزرق وناس الشمالية والشرق والجزيرة....الخ.
قلة قليلة جدا هم من ينتمى الى الخرطوم أبا عن جد وكابرا عن كابر.
عشان كدة انتفاضة الخرطوم هى انتفاضة كل السوان.
تعال امبدة وشوف التنوع الاثنى والقبلى.

Quote: هانى سلام. إنت قايل سكان الخرطوم ديل منو؟ هم ناس دارفور وجنوب كردفان وجنوب النيل الأزرق وناس الشمالية والشرق والجزيرة....الخ. قلة قليلة جدا هم من ينتمى الى الخرطوم أبا عن جد وكابرا عن كابر. عشان كدة انتفاضة الخرطوم هى انتفاضة كل السوان. تعال امبدة وشوف التنوع الاثنى والقبلى.

سلام أمبدة.

نعم كثير منّا ينتمي أصلاً إلى ولايات مختلفة.

ولكن السؤال - لماذا ينسى من يستوطن الخرطوم هموم أهله ولا يتفاعل معهم ؟ ويندمج كليّة في مجتمعه الجديد ناسياً أي ارتباط سابق؟ أم أنني مخطئ؟

Quote: سلامات ياهانى وكلامك فى محلو... لكن برضو فى ناس قامت فى الخرطوم وعايشة كدا بالفطرة... كتير منهم ما طلعوا شافوا برة الخرطوم شكلو كيف مرات ما بلومهم... ومرات بتعاطف معاهم عديل كدا... بعتبرهم برة الشبكة زاتو كتير من المرات بشوف زول فى البيت بيتوضا وفاتح الماسورة للآخر اقول ليهو لو داير تعرف الموية دى غالية عند ناس كيف امشى سودرى ولأنو انا مشيت وشوفت وعانيت عرفت قيمة الموية الممكن نهدرا ساكت... وكيف فى ناس بتعانى من حاجة نحنا مرات بنهدرا ساكت... باقى الآكل فى ناس بتجدعوا يشهد الله كيف ماعارف لكن فى مرة من المرات وحلانين 3 يوم فى خلا بنمشى فى الطين 7 كيلو كل يوم عشان وجبة عصيدة فى كمبو بتاع مزارعين ونجى ال 7 كيلو كدارى تانى بتكون اتهضمت فى نص الطريق....... منها عرفت قيمة النعمة الربنا انعمها علينا وكيف نحترمها...... وكتيييييير

سلام محمد عوض.

للأسف ... لا أحد يهتم بما يدور في خارج فضاء الولاية

Quote: Author: Elawad Eltayeb نعم يا صديقي كلامك حقيقة لكن ليس السبب تقاعس ناس الخرطوم وأنت وأنا منهم فهم جزء من هذا الشعب وهم نفسهم أتوا من هذه الأطراف إن لم يكن كلهم فجلهم وهم مرتبطون بهذه الأطراف بوشائج الوطن والرحم والتعايش لكن السبب هو آلية الإعلام الوحشي الحاكم الذي عتم الصورة وحرمها من الوصول للمواطن العادي إلا بما يحب أن يعكس من رسالة. وتأكد عندما يتشارك الناس في السلطة والمال والإعلام فلن يعلو إلا صوت الحق ولن تسمح الديمقراطية بكتم صوت مواطن واحد دعك من اقليم كامل ودعنا نتفائل بغد مشرق بإذن الله

مرحباً بالعوض الطيب.

نعم يلعب الإعلام الموجّه دوراً في ذلك - لكن ذلك لا يعفي أهل الوطن من التضامن مع باقي الأهل.

Quote: http://s11.postimage.org/ora11a3r7/image.jpg[/QUOTE] - تطابق في الارقام - :)