الرتب العسكرية بقت: الرتب كبيرة والناس سغار

السلام عليكم ورحمة الله وبركاته

في الآونة الأخيرة لاحظت شيء غريب .. من خلال ما يظهر في التلفزيون والجرائد

تجد رتب عسكرية كبيرة عقيد عميد لواء ولكن من يحملها يكونون صغارا في العمر بالنسبة للرتبة

يعني الشي التعودناهو زمان عقيد ده بكون راجل أشيب حكاها في العسكرية حك

والعميد ده خلاص تلقاهو عجز وعلى أعتاب المعاش ولمن ينزل ينزل بي لواء

لكن فريق دي كان كسر رقبتو إلا يكون عنده دورات وإنجازات وشنو ما عارف

هسي في ظل الحكومة الحالية عااادي تلقى ليك مقدم في بداية التلاتينات وعقيد 35 سنة

وعميد في نهاية التلاتينات ولواء في بداية الأربعينات

يا ترى هل دخلت الترضيات في سلك الشرطة والجيش؟؟

أنا بقول ترضيات وما بقول تنظيم لأنو معروف من زمان الكيزان بيرفعوا ناسهم ..دي مفروغ منها

لكن الناس الظاهرين هسي ديل ما كلهم كيزان منهم ناس يبدو عليهم إنهم ما كيزان

سلامات محمد جلال
ملاحظة في محلها تماماً
وربما كان السبب انهم من أهل الولاء الذين تتم ترقيتهم بصورة استثنائية (وربما فططوخم رتب)
تماماً كما فعل البشير عندما رقى نفسه من العميد الى الفريق
بس المهم ان تكون العقول قدر هذه الرتبّ!!

سلامات محمد جلال

Quote: وربما كان السبب انهم من أهل الولاء الذين تتم ترقيتهم بصورة استثنائية (وربما فططوخم رتب) تماماً كما فعل البشير عندما رقى نفسه من العميد الى الفريق بس المهم ان تكون العقول قدر هذه الرتبّ!!

زد على ذلك السبب الأهم أن الجيش السودانى الفعلى كلو مشى الشارع
بإسم الصالح العام وبإسم الولاء قبل الأداء مثله مثل الشرطة وكل المرافق المدنية الأخرى تم تطهيرها من الأعداء وإرسالهم
للبيوت أو الجرى ورا أرزاقهم كيفما شاءوا فقط بعيدا عن غنيمة المؤتمر الوطنى ألا وهى الدولة وثرواتها وأموالها,,


مافى رتب كبيرة فضلت والمتبقية القليلة مدجنة أو تعيش تحت ضغط الحزب والجماعة رغم ما يشاهدونه من فساد وإفساد يحدث حولهم..


تحياتى..

حياكم الله الإخوة الأفاضل

عادل فضل المولى
أيمن الطيب

وأضيف لكم على ذلك هسي شوف جنرالات مصر ديل
أقل واحد فيهم دق السبعين لكن مع ذلك كلهم لواءات
واتنين وللا تلاتة فريق
والمشير الوحيد هو طنطاوي رئيس المجلس!!