إنا لله ياخي ... يا اخوانا الحاصل شنو ؟!!

Post: #1
Title: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-20-2012, 07:23 PM

غبت لي إسبوعين من المنبر ... لقيت ليك الحكاية جايطة بصورة أجوط مما إتخيلت ذاتو ....

Post: #2
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-20-2012, 07:25 PM
Parent: #1

خضر حسين رجع ... و محمد المسلمي بقي سلفي ... و أساسي و هباني باللباسات ما بنفرزو !!

Post: #3
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-20-2012, 07:29 PM
Parent: #2

شيخي المكاشفي بقي معارضة و طارق ابوعبيدة قال لميكافيلي إتضاير !!

Post: #4
Title: Re: إنا لله ياخي ... يا اخوانا الحاصل شنو ؟!!
Author: مها عبد الله
Date: 06-20-2012, 07:31 PM
Parent: #3

حمدا لله على سلامتك يا بروف ومنور والله

وكمان فى ثورة والله صحي

Post: #6
Title: Re: إنا لله ياخي ... يا اخوانا الحاصل شنو ؟!!
Author: سيف النصر محي الدين
Date: 06-20-2012, 07:34 PM
Parent: #4

و انا بقيت برهاني

Post: #7
Title: Re: إنا لله ياخي ... يا اخوانا الحاصل شنو ؟!!
Author: ناصر احمد الامين
Date: 06-20-2012, 07:38 PM
Parent: #4

دا كلو كوم و الناس الركبت مكنة ارنب دا كوم تاني!
و انقر شنو؟ ... ضنب الككو لقيناهو!!
بعدين يا بروف في زول بغيب في مرحلة حرجة زي دي.؟

Post: #5
Title: Re: إنا لله ياخي ... يا اخوانا الحاصل شنو ؟!!
Author: سجيمان
Date: 06-20-2012, 07:33 PM
Parent: #2

Quote: خضر حسين رجع ... و محمد المسلمي بقي سلفي ... و أساسي و هباني باللباسات ما بنفرزو !!

اياهو حال الدنيا يا بروف
وبشاشة قرررررررب يبقى جلابي....كان صبرت شوية كان لقيتو بقى!!!!

وكديستي جاية فوق الدرب!!!

Post: #8
Title: Re: إنا لله ياخي ... يا اخوانا الحاصل شنو ؟!!
Author: ناصر احمد الامين
Date: 06-20-2012, 07:41 PM
Parent: #5

Quote: وكديستي جاية فوق الدرب!!!

و أنقر شنو يا بروف ؟؟ كديسة سجيمان طلعت (مستنيرة)

Post: #9
Title: Re: إنا لله ياخي ... يا اخوانا الحاصل شنو ؟!!
Author: ABUHUSSEIN
Date: 06-20-2012, 07:43 PM
Parent: #5

Quote: و أساسي و هباني باللباسات ما بنفرزو !!

ياخ و الله أضحك زي المجنون ..........

حمداً لله على السلامة ياخ

Post: #10
Title: Re: إنا لله ياخي ... يا اخوانا الحاصل شنو ؟!!
Author: عاطف عمر
Date: 06-20-2012, 07:49 PM
Parent: #1

الحيرة يا بروف لم تتوقف عند الغائبين إسبوع أو إسبوعين
الحيرة لفتنا نحن المصاقرين الشاشة الصماء دي

غايتو الزول بقى كان في بوست عزاء ( بلف عمتو ) ويمشي يدي الفاتحة
كان زولاً ولدو لا بنتو نجحوا في إمتحان الشهادة برضك بنلف عمتنا ونمشي نبارك

غير كدا وحياتك ما فيش

مرة أسرح و مرة ( ما ) أفرح
ومرة تغلبني القراية
__________________

إنت دحين مش قلت أنك جايي الإمارات ؟؟؟

Post: #11
Title: Re: إنا لله ياخي ... يا اخوانا الحاصل شنو ؟!!
Author: محمد على طه الملك
Date: 06-20-2012, 08:19 PM
Parent: #10

مش لو صاحبك (ساي ) كتب بوست ..
حتى لوكتب كتاب برضو بقول..
يعني إنت حسع عامل فيها أضان الحامل؟
ما تسألني أنا ذاتي ما عارف الاضان كانت مالها..
الجائع + المظلوم + المقهور ممكن يفتحوا طريق للتغيير..
بس مستحيل يعملو ثورة..
وعي الشعب بحقوقه هو الذي يصنع الثورة..
على العموم ما دام نحن لسه لا فين في محور الشرق الأوسط الجديد..
كلو جائز.
.
.
سلامات ياخي.

Post: #12
Title: Re: إنا لله ياخي ... يا اخوانا الحاصل شنو ؟!!
Author: حافظ انقابو
Date: 06-20-2012, 08:23 PM
Parent: #11

ياغ بروق
والله
مشيت فتشت لاساسي وعمنا هباني
اصلي ما لقيت اللباسات

الا تكون مصبغة بالحبر السري ^-^

Post: #13
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-20-2012, 09:21 PM
Parent: #12

Quote: حمدا لله على سلامتك يا بروف ومنور والله

وكمان فى ثورة والله صحي
الله يسلمك يا ستهم
بالنسبة للثورة ... فثورة بعلفو ليها الصور دي يطرشنا بيها ...
مافي حاجة كاجة الثورة بالنص دي إلا نقتنا الما بتنتهي دي !!
---------------
Quote: و انا بقيت برهاني
الحزب الشيوعي البرهاني !! الغريبة يا دوك ... أنا كنت قايل الشيوعيين أدارسة !!
غايتو منكم جكة يا بورداب !!

Post: #14
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-20-2012, 09:30 PM
Parent: #13

أبو النا يا حبيبنا
Quote: دا كلو كوم و الناس الركبت مكنة ارنب دا كوم تاني!
و انقر شنو؟ ... ضنب الككو لقيناهو!!
بعدين يا بروف في زول بغيب في مرحلة حرجة زي دي.؟
والله يا أخوي مافي زول ماسك الككو و ضنبو غيرنا نحن الطلعنا ما ناقشين أي حاجة ديل ....
ياخي محمد المشرف بعمل كوتات لمداخلات أساسي و يجيب ليك تحتها أربعة يدين بتصفق ... تقول لي الأرنب ؟!!
-------------
Quote: اياهو حال الدنيا يا بروف
وبشاشة قرررررررب يبقى جلابي....كان صبرت شوية كان لقيتو بقى!!!!

وكديستي جاية فوق الدرب!!!
سجيمان يا دوك ... ياخي دنيا بت لذينا جدا !!
عارفنها بتقلب ... لكن ما قدر ده كمان !!

Post: #15
Title: Re: إنا لله ياخي ... يا اخوانا الحاصل شنو ؟!!
Author: خضر حسين خليل
Date: 06-20-2012, 09:36 PM
Parent: #14

ازيك يا بروف والله قربت اعمل لي بوست أسأل منك
الليلة قطعنا فيك أنو وقيقراوي قطيعة (مكندشة) في بص الوالي

مشتاقين شديد

Post: #16
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-20-2012, 09:54 PM
Parent: #15

Quote: ياخ و الله أضحك زي المجنون ..........

تضحك بلاهن يا أبوحسين ...
هسي إنت بدل ما تقعد تتضاحك... ما تفتح ليك بوست عن فساد الكيزان عشان تتم الناقصة !!
-----------------
Quote: الحيرة يا بروف لم تتوقف عند الغائبين إسبوع أو إسبوعين
الحيرة لفتنا نحن المصاقرين الشاشة الصماء دي

تستاهلو يا عاطف !!
البورد ده كل شهرين تلاته لازم تاخد ليك إجازة إسبوع اسبوعين ... غير كده ممكن يجيك بشاشا في الطحال تبقي في أمرا ضيق !!
أخدت اجازتي و جيت ...الحاجة الوحيدة الما لقيتهاحصلت : محجوب و تبارك ما بقو سلفيين !!
كنت جاي لكن قريت انكم ما بتنسترو فجليت الموضوع ماشي السودان الأسبوع الجاي إن شاء الله و راجع بدبي إن شاء الله ... كان حنستوني شديد بنزل لي يوم معاكم !!

Post: #17
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-20-2012, 10:05 PM
Parent: #16

الملك يا حبيبنا
Quote: مش لو صاحبك (ساي ) كتب بوست ..
حتى لوكتب كتاب برضو بقول..
يعني إنت حسع عامل فيها أضان الحامل؟
ما تسألني أنا ذاتي ما عارف الاضان كانت مالها..
الجائع + المظلوم + المقهور ممكن يفتحوا طريق للتغيير..
بس مستحيل يعملو ثورة..
وعي الشعب بحقوقه هو الذي يصنع الثورة..
على العموم ما دام نحن لسه لا فين في محور الشرق الأوسط الجديد..
كلو جائز.
.
.
سلامات ياخي.
أول حاجة اسمو الدكتور هيثم طه بعدين الزول ده ما شفتو مما جيت لكن اديها صنة بكون حايم بعلم في الوهم ديل !!
والله يا الملك ... الشعب السوداني ده حيرنا الحيرة الواحدة دي ... ما عارف الكيزان مفروض يعملو شنو تاني عشان الناس دي تنفشهم ؟!!
-----------
أنقا يا حبيبنا
Quote: مشيت فتشت لاساسي وعمنا هباني
اصلي ما لقيت اللباسات

يا زول أحمد الله الما لقيتهم ... الناس دي بتلبس مقاسات القرنتية ...

Post: #18
Title: Re: إنا لله ياخي ... يا اخوانا الحاصل شنو ؟!!
Author: عمار عبدالله عبدالرحمن
Date: 06-20-2012, 10:12 PM
Parent: #17

غايب في ظرف حساس

اكيد كوز وامنجي كمان

وحبوبة صلاح غريبة شافتك شايل كلاش في باص الثورة

وباب التوبه قفل ,,

Post: #19
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-20-2012, 10:27 PM
Parent: #18

خضر يا قبلة أقدامنا إذا شكت الأقدام أشواك الطريق !! Quote: ازيك يا بروف والله قربت اعمل لي بوست أسأل منك
الليلة قطعنا فيك أنو وقيقراوي قطيعة (مكندشة) في بص الوالي

مشتاقين شديد
ياخي لعل رجعتك دي الخبر الوحيد المفرح في ركام البل الحاصل ده ...و عليك الله أمسك لي قيقا ده أسبوع بالله .. عندي ليهو كلام ما بتقال إلا يكون قالع النضارة !!
--------
Quote: غايب في ظرف حساس

اكيد كوز وامنجي كمان

وحبوبة صلاح غريبة شافتك شايل كلاش في باص الثورة

وباب التوبه قفل ,,
يا عمار ياخي ... أنا كمان أمنجيتي مغالطة نفرين ؟
بعدين لعلمك باب التوبة فاااااااتح لحدي قبل دقيقة مما البشير ياخد لجوء في السعودية ... ما عارف الوهم الهنا ديل إستعجلو مالم ؟

Post: #20
Title: Re: إنا لله ياخي ... يا اخوانا الحاصل شنو ؟!!
Author: محمد البشرى الخضر
Date: 06-20-2012, 10:39 PM
Parent: #19

Quote: كنت جاي لكن قريت انكم ما بتنسترو فجليت الموضوع
لا حول الله, من بداية البوست شحدت الله يكون البل دا ما مر عليك
لكن نقول شنو بس الله يسامح اللي كان السبب

Post: #21
Title: Re: إنا لله ياخي ... يا اخوانا الحاصل شنو ؟!!
Author: وضاحة
Date: 06-20-2012, 10:40 PM
Parent: #19

وين يا بروف ليك وحشة

Post: #22
Title: Re: إنا لله ياخي ... يا اخوانا الحاصل شنو ؟!!
Author: معاوية المدير
Date: 06-20-2012, 10:53 PM
Parent: #19

Quote: بعدين لعلمك باب التوبة فاااااااتح لحدي قبل دقيقة مما
البشير ياخد لجوء في السعودية ... ما عارف الوهم الهنا ديل إستعجلو مالم ؟

هههههههههههههه...إلخ
ها الغبيان، وحاتك قفلوهو بالضبة والمفتاح وطظو فيهو كُشر.
مُوّت علي ما أنت عليه، بس إن شاء الله تكون دآخر لك عملاً
ينفعك؟
يا اخوي أنا لا سلفي ولا بقري، ولا حتي ضاني.
نفسي بقت تهاتي باللعب في الهلآل، لييه؟؟؟ ما عارف!!!
بس قفلت علي كدي.

حِمدِلآلك بالسلآمة، وتاني لا تغيب...

Post: #23
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-20-2012, 11:03 PM
Parent: #22

إنا لله !!
** إعتقال نجلاء سيد أحمد ما بحل مشاكلكم يا حكومة السجم**
البوست ده كاتبو الطوربيد ابوحسين !!

Post: #25
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-20-2012, 11:18 PM
Parent: #23

Quote: لا حول الله, من بداية البوست شحدت الله يكون البل دا ما مر عليك
لكن نقول شنو بس الله يسامح اللي كان السبب
يا البشرى ... قريتو في لحظتو ... لكن أبدا ما زعلت منو ... ما عشان أنا ما داخل في البل ده ... لكن الزول ده بالجد زول كويس و جاء عشمان في الناس و الأهم من كده إنو إعتذر genuinely ... لكن ده ما بمنع إنو الفيكم اتعرفت !!
------------
وضاحة يا أميرة دار جعل ... سلام يا أخية
Quote: وين يا بروف ليك وحشة
غايتو كان رازيتي لينا ود الباوقة يفتح بوست ( لا خيار ... يستمر النضال ) تكوني ما قصرتي !!

Post: #24
Title: Re: إنا لله ياخي ... يا اخوانا الحاصل شنو ؟!!
Author: محمد قرشي عباس
Date: 06-20-2012, 11:05 PM
Parent: #22

Quote: عليك الله أمسك لي قيقا ده أسبوع بالله

Quote: ماشي السودان الأسبوع الجاي إن شاء الله

سلام يا أميننا

قيقا ما بتحصلو ..

لكن كان ما شفناك في جيتك لا بيني لا بينك

الوهم ديل فارقوني و مشوا قطعا فيك

غايتو فاتتك لمة ظريفة !!

Post: #26
Title: Re: إنا لله ياخي ... يا اخوانا الحاصل شنو ؟!!
Author: مزمل خيرى
Date: 06-20-2012, 11:32 PM
Parent: #22

حمدلله بالسلامة يابروف .. منور والله

Post: #27
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-21-2012, 00:08 AM
Parent: #26

يا مديرنا ... سلام ياخي و لعلك بخير ...
Quote: ها الغبيان، وحاتك قفلوهو بالضبة والمفتاح وطظو فيهو كُشر.
مُوّت علي ما أنت عليه، بس إن شاء الله تكون دآخر لك عملاً
ينفعك؟
يا اخوي أنا لا سلفي ولا بقري، ولا حتي ضاني.
نفسي بقت تهاتي باللعب في الهلآل، لييه؟؟؟ ما عارف!!!
بس قفلت علي كدي.

حِمدِلآلك بالسلآمة، وتاني لا تغيب...
تعرف ... الايام دي ممكن تعمل أي حاجة ... إن شاء الله تلعب في البرتغال ... زول بسالك مافي ...
أنا المنبر ده رميت طوبتو مما شفت عصام جبرالله بيدينو المكعوجات ديك متبسم و متصور جمب ملاسي !!
--------------
يا دوك .. سلام يا صاحب
Quote: سلام يا أميننا

قيقا ما بتحصلو ..

لكن كان ما شفناك في جيتك لا بيني لا بينك

الوهم ديل فارقوني و مشوا قطعا فيك

غايتو فاتتك لمة ظريفة !!
قيقا كان كلم كفيلو إنو ح يتاخر شوية عشان يلاقيني ما بقول ليه لا !!
بديك سلك أول ما أصل إن شاء الله
------------
مزمل يا حبيبنا
Quote: حمدلله بالسلامة يابروف .. منور والله
الله يسلمك و يديك الصحة و العافية ...
البورد منور بناسو يا مزمل

Post: #28
Title: Re: إنا لله ياخي ... يا اخوانا الحاصل شنو ؟!!
Author: Ashraf el-Halabi
Date: 06-21-2012, 00:36 AM
Parent: #27

Quote: ياخي محمد المشرف بعمل كوتات لمداخلات أساسي و يجيب ليك تحتها أربعة يدين بتصفق
ههههه
تقول الصح!!! وين الكلام دا!؟
كان كدا شخصي الضعيف هو المسك ضنب البتاع دا!!

Post: #29
Title: Re: إنا لله ياخي ... يا اخوانا الحاصل شنو ؟!!
Author: عماد حسين
Date: 06-21-2012, 00:38 AM
Parent: #27

Quote: و أساسي و هباني باللباسات ما بنفرزو !!

ذكرتني حفارين الأبيار والجماعة البيغرفوا الهناية ديك يا بروف :)

Post: #30
Title: Re: إنا لله ياخي ... يا اخوانا الحاصل شنو ؟!!
Author: أمير عثمان
Date: 06-21-2012, 01:08 AM
Parent: #29

سلامات يا بروف
Quote: بعدين لعلمك باب التوبة فاااااااتح لحدي قبل دقيقة مما البشير ياخد لجوء في السعودية ... ما عارف الوهم الهنا ديل إستعجلو مالم ؟

فاتح وين ... أخونا محمد سليمان قال مافى طريقة...
كوز ما كوز ... شيوعى ما شيوعى ...
تلب ما تلب .. مافى فرق ... ويبشركم ... إنها الفوضى غير الخلاّقة ...
عشان كده أحسن تلغى إجازتك دى وتشوف ليك جبل ربما يعصمك من الطوفان ...

Post: #31
Title: Re: إنا لله ياخي ... يا اخوانا الحاصل شنو ؟!!
Author: Ridhaa
Date: 06-21-2012, 01:48 AM
Parent: #30

سلام يابروف

وكمان محمد عادل حلف يمين انو وقف كل أعمالوا التجارية حتى
سقوط حكومة الانقاذ ...........!!!!
أول أمبارح جاء البورد وقال في مظاهرات في ميدان جاكسون
في نفس اللحظة كان علاء الدين يوسف في نفس الميدان ونفي كلام
محمد عادل وقال ليهو لو انت في الميدان أنا عازمك حاجة باردة
بعد فترة محمد عادل اتصل عليهو وقال ليهو أنا في العمارات ...
.
.
.
وعمك صديق الموج ركب الموجة الحاصلة دي وجاب صور من عام 2005 وقال
دي مظاهرات قاموا جو الجماعة وبلعوه الوست .....

الفاتك كتير يامان !!!!

تحياتي

Post: #32
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-21-2012, 04:29 AM
Parent: #31

حلبلب يا حبيبنا
Quote: ههههه
تقول الصح!!! وين الكلام دا!؟
كان كدا شخصي الضعيف هو المسك ضنب البتاع دا!!
والله أنا خايف شخصك الضعيف يكون مسك البتاع ذاتو ما ضنبو !!
الناس دي سمن علي عسل و تحت تحت كده سمعت إنو محمد المشرف ليهو أسبوع بكتب بباسويرد أساسي !!
كدي عاين الكوت ده كاتبو هباني لاساسي :
Quote: شكرًا اخي اساسي علي هذا الراي الشجاع والحقاني ولنقف صفا واحدا ضد الطاغوت وعاش كفاح الشعب السوداني
وتحياتي لاسرتك
والله يا حلبلب يا أخوي الطاغوت ده حير فؤادنا ذاتو !!
-----------
أخونا في الله عمدة ... سلام ياخي
Quote: ذكرتني حفارين الأبيار والجماعة البيغرفوا الهناية ديك يا بروف :)
ياخي إنت من زمن الأبيار البحفروها لابسين لباسات ؟!!

Post: #33
Title: Re: إنا لله ياخي ... يا اخوانا الحاصل شنو ؟!!
Author: محمد البشرى الخضر
Date: 06-21-2012, 04:34 AM
Parent: #31

Quote: يا البشرى ... قريتو في لحظتو ... لكن أبدا ما زعلت منو ...
مش مدني دي .. اريتها تغرق من دردق وانت طالع
الليدو في البل ... إلاّ قعادو ولا حلو

Post: #34
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-21-2012, 04:57 AM
Parent: #33

أمير يا حبيبنا
Quote: فاتح وين ... أخونا محمد سليمان قال مافى طريقة...
كوز ما كوز ... شيوعى ما شيوعى ...
تلب ما تلب .. مافى فرق ... ويبشركم ... إنها الفوضى غير الخلاّقة ...
عشان كده أحسن تلغى إجازتك دى وتشوف ليك جبل ربما يعصمك من الطوفان ...
شايفكم كلكم مجمعين إنو باب التوبة قفل ... و لو اخونا محمد سليمان قال قفل معناتها فعلا قفل ... هسي الدبارة شنو ؟!!
------------
رضا يا حبيبنا .. سلام يا دفعة
Quote: وكمان محمد عادل حلف يمين انو وقف كل أعمالوا التجارية حتى
سقوط حكومة الانقاذ ...........!!!!
أول أمبارح جاء البورد وقال في مظاهرات في ميدان جاكسون
في نفس اللحظة كان علاء الدين يوسف في نفس الميدان ونفي كلام
محمد عادل وقال ليهو لو انت في الميدان أنا عازمك حاجة باردة
بعد فترة محمد عادل اتصل عليهو وقال ليهو أنا في العمارات ...
.
.
.
وعمك صديق الموج ركب الموجة الحاصلة دي وجاب صور من عام 2005 وقال
دي مظاهرات قاموا جو الجماعة وبلعوه الوست .....

بتاعت محمد عادل و علاء دي فاتتني ... لكن علفة الموج ما فاتتني ... بعدين الموج ده ما بكون علف ساي ... بكون إستند علي فتوة خدر بجواز العليفة للحفاظ علي الثورة !!

--------------
Quote: الليدو في البل ... إلاّ قعادو ولا حلو
أبدا والله يا البشرى لكن الخيل تجقلب والشكر لي الامارات !!

Post: #35
Title: Re: إنا لله ياخي ... يا اخوانا الحاصل شنو ؟!!
Author: تيسير عووضة
Date: 06-21-2012, 05:17 AM
Parent: #34

الليلة إنت وين يا البروف يا الهملتا بقروووووك

Post: #36
Title: Re: إنا لله ياخي ... يا اخوانا الحاصل شنو ؟!!
Author: عاطف عمر
Date: 06-21-2012, 05:25 AM
Parent: #1

Quote: كنت جاي لكن قريت انكم ما بتنسترو فجليت الموضوع

بننستر يا بروف بننستر
قاليك " المشاهير ورجال الأعمال بنتسابق عليهم "
وإنت بسم الله ما شاء الله
مشهور ورجل أعمال .... الشافنا بيتنا في المطار ما كضب
Quote: كان حنستوني شديد

إنت ما بتوب من قصة ( التحانيس ) دي ؟؟؟

_________________

ومع ذلك سوف نحنس .. ونتوسل......إلخ

Post: #37
Title: Re: إنا لله ياخي ... يا اخوانا الحاصل شنو ؟!!
Author: قيقراوي
Date: 06-21-2012, 06:13 AM
Parent: #36

Quote: ...و عليك الله أمسك لي قيقا ده أسبوع بالله

قيقا المطلوب لا يمكن الوصول البه في الاجازة دي
الرجاء المحاولة ااحقاً

----

انت ما تططقني هنا دا قبلي؟
المافي شنو!؟

Post: #38
Title: Re: إنا لله ياخي ... يا اخوانا الحاصل شنو ؟!!
Author: عبدالعزيز حسين عبدالرحيم
Date: 06-21-2012, 07:59 AM
Parent: #37

يا بروف مرحب بيك

Quote: اشي السودان الأسبوع الجاي إن شاء الله و راجع بدبي إن شاء الله ... كان حنستوني شديد بنزل لي يوم معاكم !!

غايتو بالرش الحصل ماأظن في زول بحنسك غيري بس ما شديد

تعال يازول حبابك رغم أنك لا شاعر لا أديب وكمان جاي من السودان

Post: #39
Title: Re: إنا لله ياخي ... يا اخوانا الحاصل شنو ؟!!
Author: فايزودالقاضي
Date: 06-21-2012, 08:10 AM
Parent: #38

وحبيب نورة سرقت روايتي وحقها وقدم لجوء في بريطانيا شارع السوق ..

Post: #40
Title: Re: إنا لله ياخي ... يا اخوانا الحاصل شنو ؟!!
Author: ABUHUSSEIN
Date: 06-21-2012, 08:29 AM
Parent: #39

Quote: إنا لله !!
** إعتقال نجلاء سيد أحمد ما بحل مشاكلكم يا حكومة السجم**
البوست ده كاتبو الطوربيد ابوحسين !!

تقصد شنو يا أمين ...؟؟؟؟

Post: #41
Title: Re: إنا لله ياخي ... يا اخوانا الحاصل شنو ؟!!
Author: فايزودالقاضي
Date: 06-21-2012, 09:59 AM
Parent: #40

Quote: تقصد شنو يا أمين ...؟؟؟؟

قصده باب التوبة قفل قبل بوستك ...

ــــــــــــــــ
ايوا حبشي ..عشان ماتغير الموضوع ..

Post: #42
Title: Re: إنا لله ياخي ... يا اخوانا الحاصل شنو ؟!!
Author: عبدالعزيز حسين عبدالرحيم
Date: 06-21-2012, 10:06 AM
Parent: #41

يا فايز عندي زملاء في العمل بشتكو من مديرهم طوالي شالوه وجابو ليهم واحد طين عيشتهم خلاهم يشتهو مديرهم القديم ويقولو يا حليلو

شاحد الله تقوم الثورة يجوا اليشهوكم الكيزان يطلعوكم حبش بالجد ويلموكم ينضموكم في حبلين واحد يسلموه افورقي والتاني مليس

------

أبوحسين مافي داعي للف والدوران الصقر أن وقع كترة البتابت عيب

اقعد جقلب لمن أجيب صورة العمارة بتاعت كافوري

Post: #43
Title: Re: إنا لله ياخي ... يا اخوانا الحاصل شنو ؟!!
Author: أمير عثمان
Date: 06-21-2012, 03:19 PM
Parent: #42

بروف ... كيفك ...
Quote: شايفكم كلكم مجمعين إنو باب التوبة قفل ... و لو اخونا محمد سليمان قال قفل معناتها فعلا قفل ... هسي الدبارة شنو ؟!!

يا حبيبنا ... محمد سليمان قال الباب اتقفل من سنة 1956
والباب كمان فيهو كاشف جينات وMembrane ...
يعنى لو فيك خلية جلابية واحدة حقك راح ...
بالله شوف لينا دوا نتخلص بيهو من الخلايا العجيبة دى...

Post: #44
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-21-2012, 04:39 PM
Parent: #43

Quote: الليلة إنت وين يا البروف يا الهملتا بقرووووو
يا ستهم ... إستنيني أموت ... بعدين أبكي علي !!
بعدين ياخي بقيراتي دي و أنا حي هاملات ... خليه لمن أموت !!
-----------
Quote: إنت ما بتوب من قصة ( التحانيس ) دي ؟؟؟

_________________

ومع ذلك سوف نحنس .. ونتوسل......إلخ
التحنيس مافيهو حاجة لكن التوسل كعب ...
مافي توبة يا عاطف .. مش قالو قفلت ؟!
----------
Quote: انت ما تططقني هنا دا قبلي؟
المافي شنو!؟
المافي إنت ده ذاتك !!
كنت دايرك علي الهواء الطلق .. المحل ده بقي موصل غير جيد للحرارة !!

Post: #45
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-21-2012, 05:07 PM
Parent: #44

عبدالعزيز يا حبيبنا ...
Quote: غايتو بالرش الحصل ماأظن في زول بحنسك غيري بس ما شديد

تعال يازول حبابك رغم أنك لا شاعر لا أديب وكمان جاي من السودان
يا زول أنا ح أبلكم كان جيت ولا ما جيت و كان إنسترتو ولا ما إنسترتو !!
بعدين ياخي إذا أنا ما اديب و شاعر .. منو الأديب و الشاعر ؟!!
-----------
فايز حبيبنا ..
Quote: وحبيب نورة سرقت روايتي وحقها وقدم لجوء في بريطانيا شارع السوق ..
يا زول حبيبها ده مش كان علف روايتك ...كان علفك إنت ذاتك ... ما بتطلع منو بحق ولا باطل ... إحتسب يا فايز أخوي ... ما شايف ليك حل تاني !!
-----------
أبو حسين يا حبيبنا
Quote: تقصد شنو يا أمين ...؟؟؟؟
قاصد كل خير والله !!
نحن فرد يا ابوحسين ... ما تخلي ناس فايز يخشو بينا ....
----------
Quote: يا حبيبنا ... محمد سليمان قال الباب اتقفل من سنة 1956

والله كده ذاتو أحسن طالما الباب مقفول من 56 ... مافي داعي للقفز من السفينة ذاتو ....

Post: #46
Title: Re: إنا لله ياخي ... يا اخوانا الحاصل شنو ؟!!
Author: حافظ انقابو
Date: 06-21-2012, 05:20 PM
Parent: #45

حبيبنا النوتة
قت ليك ياخ
انت وود اختك حمور
كنتو وين؟؟؟؟؟؟
عاملين زي التيمان
تعيبو وتجو سوا

اها انا بالواضح كدال اشك وافك الشكة ^-^
انو القصة دي من وراها سر

شفت كيف!!!

Post: #47
Title: Re: إنا لله ياخي ... يا اخوانا الحاصل شنو ؟!!
Author: ismeil abbas
Date: 06-21-2012, 05:53 PM
Parent: #46

بوست تلخيصى لأهم ألأحداث للمنبر بصورة جميلة.....شكراً أخ/ أمين .

تقديرى وإحترامى للجميع.

Post: #48
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-21-2012, 08:08 PM
Parent: #47

Quote: حبيبنا النوتة
قت ليك ياخ
انت وود اختك حمور
كنتو وين؟؟؟؟؟؟
عاملين زي التيمان
تعيبو وتجو سوا

اها انا بالواضح كدال اشك وافك الشكة ^-^
انو القصة دي من وراها سر

الحقيقة يا أنقا إنو مافي شخصية حقيقية اسمها حمور ... أنا بكتب بالاتنين !!
-------------
Quote: بوست تلخيصى لأهم ألأحداث للمنبر بصورة جميلة.....شكراً أخ/ أمين .
شكرا يا إسماعيل ...

-------------------
شايف كمال فرانكلي قال الناس تأجل الثورة لعاشوراء الجاية ... قسس والله !!

Post: #49
Title: Re: إنا لله ياخي ... يا اخوانا الحاصل شنو ؟!!
Author: ابراهيم قناوي
Date: 06-21-2012, 08:50 PM
Parent: #48

حمد لله على سلامتك يا بروف

والبورد منور والله

ياخي الناس دي هنا فارت فورة بليلة

ستها نايمة ...

أبقى قريب مع الصور المخجوجة دي

وربنا ينصر الشعب السوداني

المسكين الواقع بين سندان الحكومة ومطرقة المعارضة

تحياتي

Post: #50
Title: Re: إنا لله ياخي ... يا اخوانا الحاصل شنو ؟!!
Author: Elmoiz Abunura
Date: 06-21-2012, 10:16 PM
Parent: #49

سلامات ياامينو

الظاهر عليك انك بتستعد للترشيح ضد ابراهيم حسبو. عموما ياصديق تعال
احضرمعانا مؤتمر الحزب الديمقراطى فى شارلوت ايمكن تلقى ليك افكار تنفعك.
وبعدين ومن المؤتمر عديل على لقمة وملاح قريبتك بدور الريح وعلى ابونوره. اها قصرنا معاك

Post: #51
Title: Re: إنا لله ياخي ... يا اخوانا الحاصل شنو ؟!!
Author: طارق جبريل
Date: 06-21-2012, 10:30 PM
Parent: #50

ازيك يا بروف
انا غايتو قايمة علي المعدة
قاعد أقرأ بس

Post: #52
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-22-2012, 04:13 AM
Parent: #51

الله يسلمك و يديك الصحة و العافية يا دكتور
Quote:
أبقى قريب مع الصور المخجوجة دي

وربنا ينصر الشعب السوداني

المسكين الواقع بين سندان الحكومة ومطرقة المعارضة
الناس بقت تتفنن في الصور المخجوجة و المعلوفة لمن بقو يجيبوها من الفيديوهات .... في خلل في تركيبتنا ما عرفنا ... الله خلقنا كده ما عرفنا ... الشعب السوداني الشقيق ده حيرنا الحيرة الواحدة دي !!
مختلف معاك جدا يا دوك في إنو الشعب السوداني واقع بين سندان الحكومة ومطرقة المعارضة ... الشعب السوداني الشقيق واقع بين سندان الحكومة ومطرقة الحكومة :
المعارضة لم تسرق السلطة بليل و تغدر بالتبادل السلمي للسلطة ... لم تحشر الناس في المعتقلات و تقتل المعارضين ... لم تحارب الناس في أرزاقها و تفصلهم تحت مسمي الصالح العام ... لم تعين منسوبيها في كل المناصب بدأ من أصغر عضو لجان شعبية في أفقر حي و إنتهاء بكل المسؤلين علي مدي 23 سنة ...
المعارضة يا دكتور لم تفوج الشباب لقتل مواطنيها في الجنوب باسم الجهاد ثم لم تتورع في فصل هذا الجزء من البلاد ... لم تقتل مواطنيها في دارفور و لم تتسبب في أن يعيش 3 مليون سوداني في معسكرات الذل ... المعارضة لم تعث في البلاد فسادا ... لم تتعامل مع موارد الدولة كغنائم الحرب ... لم تغتال في الناس الأمل بحياة و غد أفضل !!!!
الفوق ده كلو عملتو الحكومة و لمدة 23 سنة متواصلة ... يبقي حرام يا دوك تدي المعارضة مطرقة زي سندان الحكومة عشان في نفرين تلاته في منبر الكتروني علفو صور مظاهرات ... و حكمة ربك منسوبي الحكومة في نفس المنبر عملو نفس العمل و ما خلو صورة للبشير بخطب في الناس ما جابوها !!!

Post: #53
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-22-2012, 05:13 AM
Parent: #52

معز يا حبيبنا Quote: الظاهر عليك انك بتستعد للترشيح ضد ابراهيم حسبو. عموما ياصديق تعال
احضرمعانا مؤتمر الحزب الديمقراطى فى شارلوت ايمكن تلقى ليك افكار تنفعك.
وبعدين ومن المؤتمر عديل على لقمة وملاح قريبتك بدور الريح وعلى ابونوره. اها قصرنا معاك
يا زول أنا إبراهيم حسبو ذاتو !!
تعرف من أول يوم داير أسالك من من قرابتك بعلي ابونورة ... تاني قلت يكون إسم علي مسمي ساي ... طلعت قريبنا عديل !!
مؤتمر شنو يا معز ياخي ... و أوعي الحزب الديمقراطي ده يكون الاتحادي الديمقراطي ؟
أنا يا معز زي بشاشا كافر بمؤسسات الجلابة دي كلها ... كان جيتكم بجي زيارة ساي ...
السلام أمانة لعلي و بدور ... و كان الله سهل لينا نتقابل بالدرب ...
--------------
Quote: ازيك يا بروف
انا غايتو قايمة علي المعدة
قاعد أقرأ بس
سلام يا طارق و سلامة معدتك ياخي ...
و هو شنو غير القراية القوم معدتك ؟!

Post: #54
Title: Re: إنا لله ياخي ... يا اخوانا الحاصل شنو ؟!!
Author: ابراهيم قناوي
Date: 06-22-2012, 09:19 AM
Parent: #53

سلامات تاني يا بروف

ياخي زول جاي يسلم عليك تبلو كدة

شنو الحكاية ياخ أرفع رجلك من الأبنص شوية

بعدين حكاية السندان والمطرقة دي انا قاصدها

فكون نحنا فوق سندان الحكومة دي إنت أثبتها

بجرائم الحكومة من 23 سنة

وكون المعارضة هي المطرقة فمن الذي

أجهض كل ىمال ثورة هذا الشعب

سوى المعارضة وإن شئت أبداها من الريسين الكبار

الدخلوا في مصالحات بي وليداتهم

وانزل لي تحت لغاية الحركة الشعبية التي

تشرك وتحاحي لجلب مصالح زيادة بممارسة

ضغوط على الحكومة بكروت التظاهر

ثم الانسحاب

ومروراً بالحركات الأخرى التي لا ترى

الشعب السوداني سوى جلابة يستحقون الموت

والاغتصاب لنسائهم (في اقتباس كدة ما لاقيهو)

هذه هي المطرقة يا بروف

وبالله خلي ردك حنيّن وما تبلّ أخوك البريدك

تحياتي

Post: #55
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-22-2012, 03:45 PM
Parent: #54

Quote: وبالله خلي ردك حنيّن وما تبلّ أخوك البريدك

يشهد الله يا دوك البله ما جابتها إلا الريدة دي ذاتها و حسن ظننا بكم ...
كلامك عن دور قادة الأحزاب - اللي مفروض تكون معارضة - في إجهاض أي شكل من أشكال الثورة ضد النظام منطقي و حقيقي .... لكن أي مقارنة بين الحكومة و معارضيها في هذا التوقيت ببقي ظالم جدا و برسل رسالة إنو طالما الحكومة و المعارضة سيئين أخير الناس تبقي علي حالها ده ...

لك العتبي يا دوك

Post: #56
Title: Re: إنا لله ياخي ... يا اخوانا الحاصل شنو ؟!!
Author: ABUHUSSEIN
Date: 06-22-2012, 04:23 PM
Parent: #55

عارفك زول حينين شديد

البورد فيه شئ ما طبيعي
مافي إمكانية لفتح بوست شديد
مافي إمكانية تعديل في المداخلات
و نحن الآن بنكتب في (محجوزة لمنبر الربع الثاني من 2012)

في شئ مريب شديد بحصل

و كمان قبل شوية المنبر كان أسود و رجع تاني بالألوان

Post: #57
Title: Re: إنا لله ياخي ... يا اخوانا الحاصل شنو ؟!!
Author: ABUHUSSEIN
Date: 06-22-2012, 04:29 PM
Parent: #56

*

Post: #58
Title: Re: إنا لله ياخي ... يا اخوانا الحاصل شنو ؟!!
Author: ابراهيم قناوي
Date: 06-22-2012, 07:33 PM
Parent: #57

Quote: يشهد الله يا دوك البله ما جابتها إلا الريدة دي ذاتها و حسن ظننا بكم ...
كلامك عن دور قادة الأحزاب - اللي مفروض تكون معارضة - في
إجهاض أي شكل من أشكال الثورة ضد النظام منطقي و حقيقي ....

شكراً يا بروف على الحنان بس ما تزيد من كدة

وفي الحتة دي

Quote: لكن أي مقارنة بين الحكومة و معارضيها في هذا التوقيت ببقي
ظالم جدا و برسل رسالة إنو طالما الحكومة و المعارضة
سيئين أخير الناس تبقي علي حالها ده ...

أن متفق معاك مية المية

ولا مجال للمقارنة

واي بديل لهذه الحكومة أحسن منها

دي أنا أكيد

Quote: لك العتبي يا دوك

لا عليك يا بروف

واثقين منك

وكمان أبو حسين بالانجليزي دة صحبي

عشان ما تبلو

تسلم يا بروف

وخلينا نرجع نواصل الاستماع لحضرتكم
.

.

.

Post: #60
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-22-2012, 09:53 PM
Parent: #58

Quote: هسه يا م ع رص ده وكت ونسة لو ما زول خيبان ساكت .... اختشي وصحي ضميرك واكتب ليك حاجة فيها فائدة للبلد المولعة دي
ولا قوم كمان اعمل ليك ندوه هناك في ولايتك اكراما للوطن يا سجمان!
بالله يا عمده ده كلام ده ؟!
ياخي إنت راجل كبير ... الكلام ده أعوج منك .... الألفاظ البذئية دي بتقلل إحترام الناس ليك ... ده لو فضل زول بحترمك أساسا !!

Post: #61
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-22-2012, 09:58 PM
Parent: #60

بعدين يا عمدة ياخي ... أنا ما سبب شغلك تكاسي المعقدك ده و مخليك رابط اسمك بيه عشان ما يجي زول سطحي زيك كده يعايرك .... و لا أنا سبب مشيك ليبيا و دخولك مع اللجان الشعبية تلعق أحذية الليبين و لا خليتك تتجسس علي السودانين في ليبيا نظير رسوم دراستك ... أنا يا هشام ما سبب فشلك في الحياة دي و عدم إحترام الناس ليك و لا سبب عقدك اللي لا سلمو منها أهلك ولا الناس الهنا .... فياخي الله يرضي أمشي أعمل ندواتك و خليني أنا هنا أتونس مع الناس دي

Post: #62
Title: Re: إنا لله ياخي ... يا اخوانا الحاصل شنو ؟!!
Author: ABUHUSSEIN
Date: 06-22-2012, 10:09 PM
Parent: #61

Quote: يا م ع رص

Post: #63
Title: Re: إنا لله ياخي ... يا اخوانا الحاصل شنو ؟!!
Author: هيثم طه
Date: 06-23-2012, 02:35 PM
Parent: #62

Quote: مختلف معاك جدا يا دوك في إنو الشعب السوداني واقع بين سندان الحكومة ومطرقة المعارضة ... الشعب السوداني الشقيق واقع بين سندان الحكومة ومطرقة الحكومة :
المعارضة لم تسرق السلطة بليل و تغدر بالتبادل السلمي للسلطة ... لم تحشر الناس في المعتقلات و تقتل المعارضين ... لم تحارب الناس في أرزاقها و تفصلهم تحت مسمي الصالح العام ... لم تعين منسوبيها في كل المناصب بدأ من أصغر عضو لجان شعبية في أفقر حي و إنتهاء بكل المسؤلين علي مدي 23 سنة ...
المعارضة يا دكتور لم تفوج الشباب لقتل مواطنيها في الجنوب باسم الجهاد ثم لم تتورع في فصل هذا الجزء من البلاد ... لم تقتل مواطنيها في دارفور و لم تتسبب في أن يعيش 3 مليون سوداني في معسكرات الذل ... المعارضة لم تعث في البلاد فسادا ... لم تتعامل مع موارد الدولة كغنائم الحرب ... لم تغتال في الناس الأمل بحياة و غد أفضل !!!!
الفوق ده كلو عملتو الحكومة و لمدة 23 سنة متواصلة ... يبقي حرام يا دوك تدي المعارضة مطرقة زي سندان الحكومة عشان في نفرين تلاته في منبر الكتروني علفو صور مظاهرات ... و حكمة ربك منسوبي الحكومة في نفس المنبر عملو نفس العمل و ما خلو صورة للبشير بخطب في الناس ما جابوها !!!
لا حولا يا بروف - ياخي كلام درر زي دا عمك هباني ما شافو !! ياخي بوستك دا اهم بوست بتاع ثورة !!
انت هنا بتدافع عن هباني بقوة لكن شكلو الزول دا زعلان منك بس
لكن تعرف يا بروف بغض النظر عن اللغة الرديئة للناظر هباني و الغرض الواضح - يخيل لي بصورة عامة في ادبيات المنبر
في مشكلة كبيرة وخلط غريب بين مفهوم الثورة والحزن !!
و صدقني يا بروف الفكرة الاساسية البني عليها هباني اساءاتو منتشرة بكثرة في
مفاهيم المنبر عن الثورة والحزن !
ودا نقاش طويل - وعن مقدار التاثير المباشر للمنبر في الثورة و تأثير الثورة علي المنبر
و كتير الموود الثوري للمنبر بيتخلق جوة المنبر بالكتابة - وبالتالي ممكن واحد يفتكر انو اي كتابة
ما بتشجع بطريقة مباشرة ممكن يأثر سلبيا في الثورة علي الواقع !
يعني حسع هباني باساءاتو دي ممكن يفتكر انو دافع عن الثورة بجدارة و حرارة قلب !
---
عموما انا ما بتكلم عن الدور الممكن يلعبو المنبر في التوعية او الثورة لكن تخيلنا في مقدار
تأثير المنبر علي الواقع الحقيقي
و بالرغم من انو الثورة حسع بقت واقع معاش علي الارض لكن انا بتكلم
عن الاجواء والادبيات في المنبر بصورة عامة -وعن الافتراضات الحائمة بين تطابق( الموود
الثوري) المصنوع بالكتابة كأداة وبين (الموود الثوري) للناس في الواقع !

---
عموما كامل التضامن معك في البل "الجماهيري" !
يا ابوالحسين انت اقعد حرّش كدة لحد ما الطيارة تقوم
وخلي الاصطياد في مياه الثورة !

Post: #64
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-24-2012, 03:30 AM
Parent: #63

الأخوان إبراهيم ... ابوحسين ... هيثم ... سلامات و تحيات طيبات ... علي سفر ... ساعود للرد إن شاء الله ..
----------
الجرذ هشام هباني ... شايف بكري حذف الفاظك البذيئة فمن سيستر عورتك يا لاعق أحذية اللبيبين طمعا في مال و منصب و شهادة جامعية !!!

Post: #65
Title: Re: إنا لله ياخي ... يا اخوانا الحاصل شنو ؟!!
Author: ABUHUSSEIN
Date: 06-24-2012, 04:37 AM
Parent: #64

Quote: يا ابوالحسين انت اقعد حرّش كدة لحد ما الطيارة تقوم
وخلي الاصطياد في مياه الثورة !

دا ما حريش يا هيثم دي لعبة حلوة إنت ما فهمتها

Post: #66
Title: Re: إنا لله ياخي ... يا اخوانا الحاصل شنو ؟!!
Author: أمين محمد سليمان
Date: 06-26-2012, 10:26 PM
Parent: #65

Quote: وكمان أبو حسين بالانجليزي دة صحبي

عشان ما تبلو

يا دوك ... ياخي أبوحسين ده صحبي قبالك ... بعدين الزول ده كان داير أبلو ما بتبل ...
-----------------
Quote: لا حولا يا بروف - ياخي كلام درر زي دا عمك هباني ما شافو !! ياخي بوستك دا اهم بوست بتاع ثورة !!
انت هنا بتدافع عن هباني بقوة لكن شكلو الزول دا زعلان منك بس
يا هيثم ... و هو هشام هباني كان بفهم ولا عندو مخ ... 12 سنة بكون لجان شعبية ؟
كدي عليك الله اتامل في ال psychology بتاع الزول ده من خلال كتابتو و الفاظو اللي ناس الثانوي العالي خلوها ... و ما تسمع إسم هشام و تشوف الصور المصبغ شعرو فيها دي ... الرجل تخطي الخمسينات و لسه بجيب صور الكوندوم و بستعمل الالفاظ البذئية كجزء من عدة النضال ... هشام هباني لا يتورع إنو يكذب ( و بوستاتو تشهد ) و لا يستنكف إنو يتلفظ بكل بذئ ( و بوستاتو تشهد ) ... عشان يقولو ليه يا مناضل و يا باسل ... لا يهم في سبيل ذلك إنو يتاجر باهلو أو لايحترمو الناس .. الرجل يريد أن يغسل عورة خنوعو و إنحناءو للبيين اللي صرفو عليه و درس في جامعتهم و لحم كتافو من خيرات الشعب الليبي المغتصبة ... بادعاء النضال و هو أبعد ما يكون عنه ....
فيا دوك .. نقاش منطقي مع رجل بلا أخلاق مضيعة زمن ليس إلا ..